മാതാ എച്ച് എസ് മണ്ണംപേട്ട/ആർട്സ് ക്ലബ്ബ്
സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | ഹൈസ്കൂൾ | ചരിത്രം | അംഗീകാരം |
23/ 12/ 22 വെള്ളിയാഴ്ച സ്കൂളിൽ ക്രിസ്മസ് ആഘോഷം വളരെ ഭംഗിയായി നടത്തി. എൽപി വിദ്യാർഥികളുടെ പ്രയർ ഡാൻസോട് കൂടി ആരംഭിച്ച ആഘോഷങ്ങൾക്ക് സ്വാഗതം ആശംസിച്ചത് HM തോമസ് മാസ്റ്ററാണ്. പിടിഎ പ്രസിഡണ്ട് ശ്രീ ലിജോ ജോസ് പരിപാടി ഉദ്ഘാടനം ചെയ്തു. ശ്രീമതി ഹണി ടീച്ചർ ശ്രീമതി ലൗലി ടീച്ചർ എന്നിവർ ആശംസകൾ. അർപ്പിച്ചു. നൂറോളം വിദ്യാർത്ഥികൾ സാന്താക്ലോസുകളായും മാലാഖമാരായും വേഷം അണിഞ്ഞു ഇവരുടെ സാന്നിധ്യം പരിപാടികൾ കൂടുതൽ വർണ്ണശബളമാക്കി. യുപി ഹൈസ്കൂൾ വിഭാഗങ്ങളിൽ നിന്നും വിദ്യാർത്ഥികൾ അവതരിപ്പിച്ച ബോൺ നതാലെ നൃത്തം മനോഹരമായിരുന്നു. കുട്ടികളുടെ തന്നെ നേതൃത്വത്തിൽ നടത്തിയ നാസിക് ഡോൾ ഉപയോഗിച്ചുള്ള വാദ്യ മേളം ഗംഭീരമായിരുന്നു നക്ഷത്ര നിർമ്മാണ മത്സരം ഗ്രീറ്റിംഗ് കാർഡ് നിർമ്മാണ മത്സരം എന്നിവയിലെ വിജയികളെയും സമ്മാനങ്ങൾ നൽകി അനുമോദിച്ചു കുട്ടികൾ നിർമ്മിച്ച നക്ഷത്രങ്ങളും ആശംസകളും ഉപയോഗിച്ചാണ് ക്രിസ്തുമസ് ട്രീ അലങ്കരിച്ചത്. ക്രിസ്തുമസ് അലങ്കരിക്കാൻ അധ്യാപകരും വിദ്യാർത്ഥികളും നേതൃത്വം നൽകി 2012-13വർഷത്തെ ചേർപ്പ് ഉപജില്ല കലോത്സവം മണ്ണംപ്പേട്ട മാത സ്ക്കൂളിൽ നവംബർ 26,27,28,29 എന്നീ ദിവസങ്ങളിൽ നടന്നു. ചെണ്ടമേളം , നാടൻപാട്ട്, ഉറുദുസംഘഗാനം, മലയാളനാടകം, പരിചമുട്ട്, ഉറുദുഗസൽ,യു.പി ലളിതഗാനം എന്നീ മത്സരങ്ങൾ ജില്ലയിലേയ്ക്ക് തെരഞ്ഞെടുക്കപ്പെട്ടു. അതിൽ ചെണ്ടമേളത്തിന് ജില്ല മത്സരത്തിന് ഒന്നാം സ്ഥാനവും എ ഗ്രേഡുംലഭിച്ചു. സംസ്ഥാനതലത്തിലേക്ക് ചെണ്ടമേളയ്ക്ക് പോകുന്നവർ അമൽ കൃഷ്ണ്,പ്രജിത്ത്, ആകർഷ്,നിതീഷ്,അരുൺ,വിഷ്ണു,ജിനീഷ് എന്നിവരാണ്. നാടൻപാട്ടിന് ജില്ല കലോത്സവത്തിൽ രണ്ടാം സ്ഥാനവും എ ഗ്രേഡും ലഭിച്ചു. 2013-14 ചേർപ്പ് സബ് ജില്ലാ കലാസാഹിത്യവേദി മത്സരത്തിൽ കുട്ടിക്കവിതയ്ക്ക് ഗോപിക ഗോപിനാഥൻ (ക്ലാസ്സ് 2) ഒന്നാം സ്ഥാനം കരസ്ഥമാക്കി. ചേർപ്പ് സബ്ജില്ലാ ബാലകലോത്സവം കവിതാലാപനത്തിൽ 4-ാം ക്ലാസ്സിലെ ആൻമരിയ എ ഗ്രേഡും നേടി. 2014-15 ഈ വർഷത്തെ ചേർപ്പ് ഉപജില്ല കലോത്സവത്തിൽ എച്ച്. എസ് വിഭാഗം 110 പോയിന്റോടെ നാലാം സ്ഥാനം നേടി. മോണോ ആക്ട് എച്ച്. എസ് വിഭാഗം (സഞ്ജയ് ടി. എം), മൃദംഗം എച്ച്. എസ് വിഭാഗം(അർജുൻ എസ്. നായർ),ഉറുദു സംഘഗാനംയു.പി,ഗാനമേള എച്ച്. എസ്,ചെണ്ടമേളം എന്നീ ഇനങ്ങൾ ഫസ്റ്റ് എ ഗ്രേഡുംആയി ജില്ലയിലേക്ക് തെരഞ്ഞെടുക്കപ്പെട്ടു.സംസ്കൃതനാടകം എച്ച്.എസ് വിഭാഗം ഒന്നാം സ്ഥാനം നേടിക്കൊണ്ട് സ്റ്റേറ്റ് കലോത്സവത്തിന് അർഹതനേടിയിരിക്കുന്നു. 2015-16 കുട്ടികളിലെ സർഗ്ഗശേഷി പരിപോഷിപ്പിക്കുന്നതിനായി ക്ലാസ്സ്തലത്തിൽ "നിറച്ചാർത്ത്-2015" എന്ന പേരിൽ കലാമേള സംഘടിപ്പിച്ചു. രക്ഷിതാക്കളുടേയും കുട്ടികളുടേയും സഹകരണത്തോടെ ' നിറച്ചാർത്ത് ' വിജയിപ്പിക്കുവാൻ കഴിഞ്ഞു. എല്ലാ കുട്ടികളുടെയും പങ്കാളിത്തത്തോടുകൂടി സ്ക്കൂൾതല കലാകായികമേള ഏറ്റവും മനോഹരമാക്കാൻ സാധിച്ചു. ചേർപ്പ് ഉപജില്ല കലാകായികമത്സരങ്ങളിൽ നമ്മുടെ സ്ക്കൂൾ മുൻനിരയിൽ തന്നെയാണ്. ജനറൽ വിഭാഗത്തിൽ നന്ദന പി നായർ (കവിതാരചന മലയാളം) , ആരതി ടി.വി (ഉറുദു ക്വിസ്),അരുൺ അരവിന്ദ് (ശാസ്ത്രിയ സംഗീതം, ലളിതഗാനം),ദേവിക ദേവൻ(ഇംഗ്ലീഷ് പദ്യം ചൊല്ലൽ), ദേശഭക്തിഗാനം, തിരുവാതികളി, ചെണ്ടമേളം എന്നിവ ജില്ലതലത്തിലേക്ക് തിരഞ്ഞെടുക്കപ്പെട്ടു. സംസ്കൃതോത്സവത്തിൽ നന്ദന പി നായർ (പ്രഭാഷണം,ഉപന്യാസരചന),കൃഷ്ണ ശങ്കർ(പദ്യോച്ചാരണം),അർച്ചന വി.കെ(കവിതാരചന),സൂരജ് ബാബു(പാഠകം), അഭയ് കൃഷ്ണ (അഷ്ട്പതി), സനോജ് ടി.എം(ഗാനാലാപനം),നാടകം എച്ച്. എസ് എന്നിവ ഒന്നാംസ്ഥാനം നേടി ജില്ലതലമത്സരത്തിന് അർഹത നേടി. മാതാ വർണ്ണങ്ങൾ 2022 നവംമ്പറിൽ മാതാ വർണ്ണങ്ങൾ ആദ്യദിനം ഭംഗിയായി.എച്ച്.എം ശ്രീ തോമസ് മാസ്റ്റർ ഏവരെയും വേദിയിലേക്ക് സ്വാഗതം ചെയ്തു. പി ടി എ പ്രസിഡന്റ് ശ്രീ ലിജോ ഡേവിസ് ഉദ്ഘാടനം ചെയ്ത വേദിയിൽ ആർട്ടിസ്റ്റ് തോമസ്, ആർട്ടിസ്റ്റ് സജിത്ത് എന്നിവർ സന്നിഹിതരായിരുന്നു.ആർട്ടിസ്റ്റ് എൻ എൽ തോമസ് മാസ്റ്റർ,ആർട്ടിസ്റ്റ് സജിത്ത്, ശിൽപ്പ ടീച്ചർ, സൗമ്യ ടീച്ചർ അധ്യാപക പരിശീലനം നേടുന്ന സൗപർണിക ടീച്ചർ, ജോവിയ ടീച്ചർ എന്നിവരുടെ നേതൃത്വത്തിൽ ആർട്സ് ക്ലബ് വിദ്യാർത്ഥികൾ ആദ്യദിനം തന്നെ മാതാ ചുമരുകൾ വർണ്ണാഭമാക്കി.സ്കൂളും പരിസരവും വർണ്ണാഭമാക്കുന്നതിന് വേണ്ടി രക്ഷിതാക്കളുടെയും പൂർവ്വ വിദ്യാർത്ഥികളുടെയും സഹകരണത്തോടെ മാതാ വർണ്ണങ്ങൾ 2022 പദ്ധതി ആവിഷ്കരിച്ചു .ഈ പദ്ധതിയിലൂടെ സ്കൂളും പരിസരവും വളരെ മനോഹരമാക്കാൻ സാധിച്ചു. കൂടാതെ ഓരോ ചിത്രങ്ങളും ഓരോ കഥകൾ പറയുന്ന രീതിയിലായിരുന്നു ചിത്രീകരിച്ചിരുന്നത്.