ജി യു പി എസ് കൊടൽ/എന്റെ ഗ്രാമം

കൊടൽ നടക്കാവ്‌

കോഴിക്കോട് ജില്ലയിലെ ഒളവണ്ണ പഞ്ചായത്തിലെ പന്തീരാങ്കാവിനടുത്തുള്ള ഒരു ഗ്രാമമാണ് കൊടൽ നടക്കാവ്

കോഴിക്കോട് സിറ്റിയിൽ നിന്നും 10 km അകലെയാണ് കൊടൽ നടക്കാവ് സ്ഥിതി ചെയ്യുന്നത് . കോഴിക്കോട് ജില്ലയിലെ തന്നെ പ്രധാന റോഡ് ആയ എയർപോർട്ട് റോഡ് കടന്നു പോകുന്നത് ഈ ഗ്രാമം വഴിയാണ്. കൊടൽ നടക്കാവിൽ നിന്ന് എയർപോർട്ട് റോഡ് വഴി തെക്കു 5km അപ്പുറം രാമനാട്ടുകരയും 8km വടക്കു സഞ്ചരിച്ചാൽ തൊണ്ടയാട് ബൈപാസ്സിലും എത്തി ചേരാം.

പൊതുസ്ഥാപനങ്ങൾ

വിദ്യാഭ്യാസ സ്ഥാപനങ്ങൾ

ജി യു പി എസ് കൊടൽ നടക്കാവ്

കോഴിക്കോട് ജില്ലയിലെ ഒളവണ്ണ പഞ്ചായത്തിലെ എൽപി യുപി തല വിദ്യാലയമാണ് ജി യു പി എസ് കൊടൽ . 1930 ലാണ് ഇത് സ്ഥാപിക്കപ്പെടുന്നത്. LKG, മുതൽ 7 വരെയുള്ള ഈ സ്കൂൾ എ ഇ ഓ റൂറലിലാണ് ഉൾപ്പെടുന്നത് .

3300 ഓളം ബുക്കുകളുള്ള ലൈബ്രറി സ്കൂളിന്റെ സ്വകാര്യ അഹങ്കാരമാണ് . ആയിരത്തിനു മുകളിൽ കുട്ടികളുള്ള ഈ സ്കൂളിൽ ആധുനിക സൗകര്യങ്ങളോട് കൂടിയ ക്ലാസ് മുറികളും കെട്ടിടങ്ങളുമുണ്

പോലീസ് സ്റ്റേഷൻ

    1990 യിലാണ് പന്തീരാങ്കാവ് പോലീസ് സ്റ്റേഷൻ സ്ഥാപിതമായത് . കൊടൽ നടക്കാവിലെ പരപ്പറക്കുന്നിലാണ് ഇത് സ്ഥിതി ചെയ്യുന്നത് .

എത്നിക് ആർട്ട് കൗൺസിൽ ഓഫ് ഇന്ത്യ

വംശീയ കലകളെ കുറിച്ചുള്ള അറിവിലും വിലമതിപ്പിലും ജനങ്ങളുടെ താല്പര്യം വളർത്തിയെടുക്കാൻ വേണ്ടി ലാഭേച്ഛയില്ലാതെ പ്രവർത്തിക്കുന്ന ഒരു സംഘടനയാണ് എത്‌നിക് ആർട്ട് കൗൺസിൽ ഓഫ് ഇന്ത്യ .

MCF സെന്റർ

ശേഖരിക്കപ്പെട്ട പ്ലാസ്റ്റിക് താൽകാലികമായി സൂക്ഷിക്കുന്ന സ്ഥലമാണ് MCF അഥവാ മെറ്റീരിയൽ കളക്ഷൻ ഫെസിലിറ്റി. ഒളവണ്ണ പഞ്ചായത്തിന് കീഴിൽ പ്രവർത്തിക്കുന്ന MCF.

ഒളവണ്ണ

കോഴിക്കോട് ജില്ലയിലെ ജനസംഖ്യയിൽ മുന്നിലാണ് ഒളവണ്ണ പഞ്ചായത്ത്.ഹൈലൈറ്റ് മാള് ഉൾപ്പെടെ കൂടുതൽ വാണിജ്യ സംരംഭങ്ങൾ ഈ പഞ്ചായത്തിൽ ഉള്ളതിനാൽ വരുമാനവും കൂടുതലുള്ള പഞ്ചായത്ത് തന്നെയാണ് ഒളവണ്ണ പഞ്ചായത്ത്. ഈ പഞ്ചായത്തിലെ വിദ്യാഭ്യാസ സ്ഥാപനങ്ങളിൽ കൊടൽ നടക്കാവ് ജിയുപി സ്കൂൾ വിദ്യാർത്ഥികളുടെ എണ്ണത്തിൽ വളരെ മുന്നിലാണ്.നാഷണൽ ഹൈവേ ബൈപാസ് റോഡ് പണികൾ പൂർത്തീകരിക്കുന്ന മുറയ്ക്ക് ഈ സ്കൂൾ ഇനിയും കൂടുതൽ ശ്രദ്ധി ക്കപെടും എന്നത് ഒരു വസ്തുതയാണ്.കോഴിക്കോട് ജില്ലയിലെ തന്നെ ഇതിനകം ശ്രദ്ധേയമായി കഴിഞ്ഞ ഗാർഹിക വാണിജ്യ സമുച്ചയം ലാൻഡ്‌മാർക് ട്രേഡ് സെന്റർ ഒളവണ്ണ പഞ്ചായത്തിലാണ് നിർമാണം പൂർത്തീകരിച്ചുവരുന്നത്.കോഴിക്കോട് ജില്ലയിലെ അറിയപ്പെടുന്ന ഒരു പഞ്ചായത്താണ് ഒളവണ്ണ .ഒളവണ്ണ പഞ്ചായത്ത് കോഴിക്കോട് കോഓപ്പറേഷനുമായും പെരുമണ്ണപഞ്ചായത്തുമായും അതിർത്തിപങ്കിടുന്നു .ഒളവണ്ണ പഞ്ചായത്തിലെ പ്രധാനപ്പെട്ട ടൗൺ ആണ് പന്തീരങ്കാവ് .