ജി.എൽ.പി.എസ്. ചിതറ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
കൊല്ലം ജില്ലയിലെ കിഴക്കുഭാഗത്ത് സ്ഥിതിചെയ്യുന്ന ഒരു മലയോര ഗ്രാമമാണ് ചിതറ. കൊല്ലം ജില്ലയിലെ ഏറ്റവും പഴക്കമേറിയ വിദ്യാലയങ്ങളിലൊന്നാണ് ഈ സ്കൂൾ. പച്ചപുതച്ച പാടങ്ങളാലും ,പുഴകളാലും ,കൃഷിസ്ഥലങ്ങളാലും അലംകൃതമായ ഈ മലയോര ഗ്രാമം പ്രകൃതി സൗന്ദര്യത്തിന്റെ മധുര കാഴ്ചകളാണ് ഒരുക്കുന്നത്.ഹൃദയം നിറയെ നിഷ്കളങ്കമായ സ്നേഹം പകർന്നു നൽകുന്ന ഈ നാട്, ഇവിടെയെത്തുന്ന വരെയും തന്റെ ഹൃദയത്തോട് ചേർത്തുപിടിക്കുന്നു. അതിമനോഹരമായ ഈ ഗ്രാമ വിശുദ്ധിയുടെ ഹൃദയഭാഗത്താണ് 116 വർഷത്തെ പാരമ്പര്യത്തിന്റെ പ്രൗഢിയോടെ, കേരളത്തിലെ വിദ്യാഭ്യാസ സാംസ്കാരിക മേഖലയിൽ സ്വന്തം വ്യക്തിമുദ്ര പതിപ്പിച്ചു കൊണ്ട് ചിതറ ഗവൺമെന്റ് എൽപിഎസ് തലയെടുപ്പോടെ നിലകൊള്ളുന്നത്.
| ജി.എൽ.പി.എസ്. ചിതറ | |
|---|---|
 | |
 ഗവ എൽ. പി. സ്കൂൾ, ചിതറ | |
| വിലാസം | |
കൊല്ലം ജില്ല | |
| കോഡുകൾ | |
| സ്കൂൾ കോഡ് | 40201 (സമേതം) ((സമേതം) സമേതം) |
| യുഡൈസ് കോഡ് | 32130200203 |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കൊല്ലം |
| വിദ്യാഭ്യാസ ജില്ല | പുനലൂർ |
| ഉപജില്ല | ചടയമംഗലം |
| ഭരണസംവിധാനം | |
| ലോകസഭാമണ്ഡലം | കൊല്ലം |
| നിയമസഭാമണ്ഡലം | ചടയമംഗലം |
| താലൂക്ക് | കൊട്ടാരക്കര |
| ബ്ലോക്ക് പഞ്ചായത്ത് | ചടയമംഗലം |
| തദ്ദേശസ്വയംഭരണസ്ഥാപനം | ചിതറ |
| വാർഡ് | 2 |
| സ്കൂൾ ഭരണ വിഭാഗം | |
| സ്കൂൾ വിഭാഗം | പൊതുവിദ്യാലയം |
| സ്കൂൾ തലം | 1 മുതൽ 4 വരെ |
| മാദ്ധ്യമം | മലയാളം, ഇംഗ്ലീഷ് സ്ഥിതിവിവരക്കണക്ക് |
| സ്കൂൾ നേതൃത്വം | |
| പ്രധാന അദ്ധ്യാപകൻ | ബി. രാജു |
| പി.ടി.എ. പ്രസിഡണ്ട് | എം. ആർ നജീം |
| അവസാനം തിരുത്തിയത് | |
| 30-01-2022 | 40201schoolwiki |
ചരിത്രം
ചിതറ പഞ്ചായത്തിൽ മാങ്കോട് വില്ലേജിൽ ചിതറ രണ്ടാം വാർഡിൽ ആണ് ഈ ഗവൺമെന്റ് സ്കൂൾ സ്ഥിതി ചെയ്യുന്നത്. മലയോര ഗ്രാമമായ ചിതറയിലും പരിസരപ്രദേശങ്ങളിലും തൊട്ടുകൂടായ്മയും തീണ്ടിക്കൂടായ്മയും,സ്ത്രീകളുടെ സ്വാതന്ത്ര്യം ഇല്ലായ്മയും മൂലം ബുദ്ധിമുട്ടിയിരുന്ന ഒരു കാലത്ത് സാമൂഹ്യ മാറ്റത്തിന് തുടക്കം കുറിക്കാൻ വിദ്യാഭ്യാസമാണ് മറുമരുന്ന് എന്ന് മനസ്സിലാക്കിയ ചില മഹത് വ്യക്തികൾ ചേർന്ന് നിർമ്മിച്ചതാണ് ചിതറ ഗവൺമെന്റ് എൽ പി എസ്. ഈ സ്കൂൾ തുടങ്ങുന്നതിനു മുൻപ് ചിതറ പഞ്ചായത്തിൽ മറ്റൊരു സ്കൂളും ഇല്ലായിരുന്നു.
കൊല്ലം ജില്ലയിലെ മലയോര ഗ്രാമമായ ചിതറയിൽ പാരിപ്പള്ളി - മടത്തറ റോഡിന്റെ ഓരത്തായി പ്രൗഢ ഗാംഭീര്യത്തോടെ ഗവൺമെന്റ് എൽ പി എസ് ചിതറ സ്ഥിതിചെയ്യുന്നു. 1904 ൽ ഈ സ്കൂൾ സ്ഥാപിതമാകുന്നത്. കുമ്പിക്കാട് ചിന്നൻ ചാന്നാർ എന്ന മഹത് വ്യക്തിയാണ് സ്കൂൾ സ്ഥാപിക്കുന്നതിനാവശ്യമായ സ്ഥലവും കെട്ടിടവും നിർമിച്ചുനൽകിയത്. ഈ സദുദ്യമത്തിന് പിന്തുണയേകി നിന്നവർ അനവധിയാണ്. കുളത്തറ അമീൻ പിള്ള റാവുത്തർ, പുതിയവീട്ടിൽ പരമേശ്വരൻ പിള്ള, കൊക്കോട് ഉമ്മിണി, കൊക്കോട് നാരായണൻ, കോത്തല നാണുപിള്ള, കൊച്ചു കരിക്കകത്ത് റാവുത്തർ, തേക്കിൻ കാട്ടിൽ രാമൻ കുറുപ്പ് എന്നിവർ അതിൽ പ്രധാനികളാണ്. കൂടുതൽ അറിയുവാൻ
ആയിരത്തി തൊള്ളായിരത്തി നാലിൽ ഈ സ്കൂൾ സ്ഥാപിക്കപ്പെടുമ്പോൾ ഒരു കെട്ടിടം മാത്രമേ ഉണ്ടായിരുന്നുള്ളൂ. ഇപ്പോൾ സ്കൂളിന്റെ പുതിയ രണ്ടുനില കെട്ടിടം സ്ഥിതിചെയ്യുന്ന സ്ഥലത്തായിരുന്നു ആ കെട്ടിടം ഉണ്ടായിരുന്നത്. പുതിയ കെട്ടിടം പണിയുന്നത് ലേക്കായി ആ പഴയ കെട്ടിടം പൊളിച്ചു മാറ്റുകയായിരുന്നു. അന്ന് സ്കൂളിന് സ്വന്തമായിട്ട് ഒരു കിണർ ഇല്ലായിരുന്നു. അത് മനസ്സിലാക്കിയ ചിന്നൻ ചാന്നാർ ഒരു കിണർ വെട്ടി. മുൻ അനുവാദമില്ലാതെ കിണർ വെട്ടിയതിന് അദ്ദേഹത്തിന് ഒന്നരചക്രം സർക്കാരിൽ പിഴ കൊടുക്കേണ്ട ദൗർഭാഗ്യമുണ്ടായി.
സ്കൂൾ കെട്ടിടത്തിന് ഇന്നത്തെ രീതിയിലുള്ള കെട്ടും, മറ്റും പിന്നീടാണ് കൈവന്നത്. തറ ചാണകം മെഴുകിയതായിരുന്നു. ശ്രീമൂലം തിരുനാൾ മഹാരാജാവിന്റെ കാലത്താണ് ഈ സ്കൂൾ നിലവിൽ വന്നത്. ഹരിജനങ്ങളെ മറ്റുള്ളവരോടൊപ്പം ഇരുന്ന് പഠിക്കുവാൻ അനുവദിച്ചിരുന്നില്ല. ക്ലാസിലെ ഒരു മൂലയിൽ ഇരുത്തിയാണ് അവരെ പഠിപ്പിച്ചിരുന്നത്.
പ്രായമൊന്നും വിദ്യാഭ്യാസത്തെ ബാധിച്ചിരുന്നില്ല. 10 മുതൽ 12 വയസ്സ് വരെയുള്ളവർ ഒന്നാം ക്ലാസ് പഠിച്ചിരുന്നു. അധ്യാപനം പ്രസംഗ രൂപത്തിൽ ആയിരുന്നു. കുട്ടികളുടെ പ്രധാന പഠനോപകരണം സ്ലേറ്റും പെൻസിലും ആയിരുന്നു. വാഹന സൗകര്യം വളരെ പരിമിതമായിരുന്നു. കാളവണ്ടി ആയിരുന്നു പ്രധാന യാത്രാമാർഗ്ഗം. കൂടുതൽപേരും കാൽനട ആയിട്ടാണ് യാത്രചെയ്തിരുന്നത്. ദൂരദേശത്തുനിന്നു വരുന്ന അധ്യാപകർ അടുത്തുള്ള വീടുകളിൽ താമസിച്ച് പഠിപ്പിക്കുകയാണ് ചെയ്തിരുന്നത്.
ശ്രീ അബ്ദുൽ വാഹിദ്, ശ്രീമതിസുമതി, ശ്രീ കരുണാകരൻ,ശ്രീ രാമദാസ്, ശ്രീമതിചെല്ലമ്മ.ശ്രീമതി സുജാത ശ്രീമതി ആനന്ദ കുസുമം,ശ്രീമതി വിശാലാക്ഷി, ശ്രീമതി നബീസത്ത് ബീവി, ശ്രീ ഫസലുദ്ദീൻ എന്നിവർ ഈ സ്കൂളിലെ പ്രഥമ അധ്യാപകരിൽ ചിലരാണ്. നിലവിൽ ചിതറ ഗവൺമെന്റ് എൽപി സ്കൂൾ ഹെഡ്മാസ്റ്റർ ശ്രീ രാജു സാറാണ്. ഏറെക്കാലം സ്കൂളിൽ ഷിഫ്റ്റ് സമ്പ്രദായം ആണ് ഉണ്ടായിരുന്നത്. 1998 മുതൽ ഹെഡ്മിസ്ട്രസ് ആയി പ്രവർത്തിച്ച ശ്രീമതി ആനന്ദ കുസുമം ടീച്ചറാണ് ഷിഫ്റ്റ് സമ്പ്രദായം പി.ടി.എയുടെ സഹായത്തോടെ കുട്ടികൾക്ക് രാവിലെ മുതൽ വൈകുന്നേരം വരെ തരപ്പെടുത്തിയത്. കൂടാതെ രണ്ട് ജീപ്പുകൾ വാടകയ്ക്കെടുത്തു കുട്ടികൾക്ക് യാത്ര സൗകര്യവും ഉണ്ടാക്കി. ഇന്ന് സ്കൂളിന് സ്വന്തമായി ഒരു സ്കൂൾ ബസ് ഉണ്ട്.
ഇന്ന് സ്കൂളിന് സ്വന്തമായുള്ള ഒന്നര ഏക്കർ സ്ഥലത്ത് 8 കെട്ടിടങ്ങളിലായി പ്രീപ്രൈമറി, പ്രൈമറി, ഇംഗ്ലീഷ് & മലയാളം ഉൾപ്പെടെ 24 ക്ലാസുകൾ പ്രവർത്തിക്കുന്നു. എൽകെജി യുകെജി ഉൾപ്പെടെ ആയിരത്തിലധികം കുട്ടികൾ പഠിക്കുന്ന കൊല്ലം ജില്ലയിലെ ഏറ്റവും വലിയ എൽ.പി സ്കൂൾ ആണ് ഇന്ന് ചിതറ ഗവൺമെന്റ് എൽ.പി സ്കൂൾ. സൗജന്യ പ്രഭാതഭക്ഷണം ഈ സ്കൂളിന്റെ പ്രത്യേകതയാണ്. MGP ഫണ്ട് MP,MLA ,SSA, തൃതല പഞ്ചായത്തുകൾ, പൊതു വിദ്യാഭ്യാസ വകുപ്പ് തുടങ്ങി പൊതുജന പങ്കാളിത്തത്തോടുകൂടി നടന്നുവരുന്ന വിവിധ പ്രവർത്തനങ്ങൾ സ്കൂളിലെ കെട്ടിലും മട്ടിലും ഒരുപാട് മാറ്റങ്ങൾ വരുത്തി. സ്വന്തമായി സ്കൂൾ ബസ്,ശക്തമായ രക്ഷകർത്തൃ സമിതികൾ, നിരന്തര പരിശീലനം ലഭിക്കുന്ന അർപ്പണ മനോഭാവമുള്ള അധ്യാപകർ, ഐടി അധിഷ്ഠിത വിദ്യാഭ്യാസം തുടങ്ങിയവ സ്കൂളിലെ മികവിൽ ചിലതാണ്.
തന്നിലേക്ക് എത്തുന്ന അനേകായിരം കുഞ്ഞുങ്ങൾക്ക് വിദ്യാഭ്യാസത്തോടൊപ്പം മാതൃ സ്നേഹത്തിന്റെ വറ്റാത്ത മാധുര്യവും പകർന്ന് നൽകിയ ഈ വിദ്യാലയ മുത്തശ്ശിയുടെ മാധുര്യം,ജീവിതാനുഭവങ്ങളിൽ തളരാതെ മുന്നേറുവാൻ അവർക്ക് കരുത്ത് നൽകുന്നു. അതുകൊണ്ടാണ് ലോകത്തിന്റെ പല കോണുകളിൽ പല മേഖലകളിൽ ശോഭിക്കുവാൻ ഈ വിദ്യാലയത്തിലെ പൂർവ്വ വിദ്യാർത്ഥികൾക്കാവുന്നത്.സമസ്ത മേഖലയിലുമുള്ള വികാസം, സർവ്വോപരി
നല്ല മനുഷ്യനാകാൻ ഉള്ള ശിക്ഷണം അതാണ് വിദ്യാഭ്യാസത്തിലൂടെ ഞങ്ങൾ ലക്ഷ്യമാക്കുന്നത്. ഒരിക്കലും വറ്റാത്ത അറിവിന്റെ അമൃതുമായി ചിതറ ജംഗ്ഷനിൽ പ്രൗഢഗംഭീരമായി തലയെടുപ്പോടെ കൂടി ഈ സരസ്വതീക്ഷേത്രം ഇപ്പോഴും കാത്തിരിക്കുന്നു അനേകായിരം കുരുന്നുകളും പ്രതീക്ഷിച്ച്……….
പാഠ്യേതര പ്രവർത്തനങ്ങൾ
മുൻ സാരഥികൾ
സ്കൂളിലെ മുൻ അദ്ധ്യാപകർ :
നേട്ടങ്ങൾ
പ്രശസ്തരായ പൂർവവിദ്യാർത്ഥികൾ
വഴികാട്ടി
{{#multimaps:8.815522060126975, 76.96661563918806|zoom=13}} പ്രോജക്ടുകൾ |തിരികെ വിദ്യാലയത്തിലേക്ക് (?)
|എന്റെ നാട് (?)
|നാടോടി വിജ്ഞാനകോശം (?)
|സ്കൂൾ പത്രം (?)
|അക്ഷരവൃക്ഷം (?)