എൻ എ എൽ പി എസ് എടവക
സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
എൻ എ എൽ പി എസ് എടവക | |
---|---|
വിലാസം | |
മൂളിത്തോട് വാളേരി പി.ഒ. , 670645 , വയനാട് ജില്ല | |
സ്ഥാപിതം | 1951 |
വിവരങ്ങൾ | |
ഇമെയിൽ | edavakanlps@gmail.com |
കോഡുകൾ | |
സ്കൂൾ കോഡ് | 15449 (സമേതം) |
യുഡൈസ് കോഡ് | 32030100120 |
വിദ്യാഭ്യാസ ഭരണസംവിധാനം | |
റവന്യൂ ജില്ല | വയനാട് |
വിദ്യാഭ്യാസ ജില്ല | വയനാട് |
ഉപജില്ല | മാനന്തവാടി |
ഭരണസംവിധാനം | |
ലോകസഭാമണ്ഡലം | വയനാട് |
നിയമസഭാമണ്ഡലം | മാനന്തവാടി |
താലൂക്ക് | മാനന്തവാടി |
ബ്ലോക്ക് പഞ്ചായത്ത് | മാനന്തവാടി |
തദ്ദേശസ്വയംഭരണസ്ഥാപനം | പഞ്ചായത്ത്,എടവക |
വാർഡ് | 19 |
സ്കൂൾ ഭരണ വിഭാഗം | |
സ്കൂൾ ഭരണ വിഭാഗം | എയ്ഡഡ് |
സ്കൂൾ വിഭാഗം | പൊതുവിദ്യാലയം |
പഠന വിഭാഗങ്ങൾ | എൽ.പി |
സ്കൂൾ തലം | 1 മുതൽ 5 വരെ |
മാദ്ധ്യമം | മലയാളം, ഇംഗ്ലീഷ് |
സ്ഥിതിവിവരക്കണക്ക് | |
ആൺകുട്ടികൾ | 110 |
പെൺകുട്ടികൾ | 109 |
ആകെ വിദ്യാർത്ഥികൾ | 219 |
അദ്ധ്യാപകർ | 8 |
സ്കൂൾ നേതൃത്വം | |
പ്രധാന അദ്ധ്യാപിക | സിനി ഫ്രാൻസിസ് |
പി.ടി.എ. പ്രസിഡണ്ട് | വിൽസൺ തെക്കുമറ്റത്തിൽ |
എം.പി.ടി.എ. പ്രസിഡണ്ട് | അനുഷ്മ വിവേക് |
അവസാനം തിരുത്തിയത് | |
10-01-2022 | 15449 |
വയനാട് ജില്ലയിലെ മാനന്തവാടി ഉപജില്ലയിൽ മൂളിത്തോട് എന്ന സ്ഥലത്ത് സ്ഥിതിചെയ്യുന്ന ഒരു എയ്ഡഡ് എൽ.പി വിദ്യാലയമാണ് എൻ എ എൽ പി എസ് എടവക . ഇവിടെ 110 ആൺ കുട്ടികളും 62പെൺകുട്ടികളും അടക്കം 109 വിദ്യാർത്ഥികൾ പഠിക്കുന്നുണ്ട്.
ചരിത്രം
ദേശീയ പ്രസ്ത്ഥാനവുമായി ബന്ധപ്പെട്ട പ്രവർത്തിച്ച ചരിത്രത്തിൻറെ പിൻബലത്തോടെയാണ് എൻ എ എൽ പി സ്കൂൾ മൂളിത്തോടിൻറെ ജനനം. 1951 ൽ സ്കൂൾ സ്ഥാപിതമായി. സ്കൂളിനായി 1 ഏക്കർ 71 സെൻറ് സ്ഥലം സംഭാവന ചെയ്തത് പി കുഞ്ഞിരാമൻ നായർ ആണ് . രാഷ്ട്രീയ സാമൂഹ്യ സാംസ്കാരിക രംഗങ്ങളിൽ വ്യക്തി മുദ്ര പതിപ്പിച്ച വ്യക്തിയായിരുന്നു. ഈ സ്കൂളിന് നേതൃത്വം നല്കിയവരെല്ലാം ദേശീയ പ്രസ്ഥാനങ്ങളിൽ പ്രവർത്തിച്ചതിനാൽ തന്നെ വിദ്യാലയത്തിന് എടവക നാഷണൽ എ എൽ പി സ്കൂൾ എന്ന പേര് വന്നു.
അധ്യയനവും ആദ്യ അദ്ധ്യാപകരും
കൃത്യമായ ഫലപ്രാപ്തി ലഭിക്കാതെ വന്നപ്പോൾ വിദ്യാലയം വാര്യമൂല കുഞ്ഞിരാമൻ നമ്പ്യാർക്ക് കൈമാറി. ആദ്യ മാനേജ്മന്റ് അങ്ങനെ നിലവിൽ വന്നു. കുനിയിൽ കുഞ്ഞിരാമൻ മാസ്റ്റർ , C P മാധവൻ മാസ്റ്റർ, ലക്ഷ്മിക്കുട്ടി ടീച്ചർ, ബാലഗുപ്തൻ മാസ്റ്റർ, കെ വി കുഞ്ഞിരാമൻ നമ്പ്യാർ, മറിയക്കുട്ടി ടീച്ചർ, പി കുഞ്ഞാലികുട്ടി മാസ്റ്റർ ( അറബിക് അധ്യാപകൻ) കുഞ്ഞു ഗുപ്തൻ മാസ്റ്റർ എന്നിവരായിരുന്നു ആദ്യകാല അധ്യാപകർ.
ആദ്യ ഘട്ടത്തിൽ ഓല മേഞ്ഞ ഷെഡിലായിരുന്നു അധ്യയനം നടത്തിയിരുന്നത്. പരിസരപ്രദേശങ്ങളിൽ മറ്റ് വിദ്യാലയങ്ങൾ ഉണ്ടായിരുന്നെങ്കിലും നമ്മുടെ വിദ്യാലയം ആരംഭിച്ചപ്പോൾ കുട്ടികളെ ചേർക്കുന്നതിനായി മൂളിത്തോട് , അഞ്ചാംപീടിക, വാളേരി പ്രദേശങ്ങളിലെ പല കുടുംബങ്ങളും ശ്രമകരമായ പല പ്രവർത്തനങ്ങളും നടപ്പാക്കി . മാലിമി, എടക്കാടൻ, കാഞ്ഞായി, വള്ളിയാട്ട്, മുഞ്ഞനാട്ട്, വാളേരി , ആടുകുഴി , പാലിയാണ, വാര്യമൂല, എന്നിവരാണ് ആ കുടുംബങ്ങൾ . ഇവരുടെ ശ്രമഫലമായി നല്ലൊരു കെട്ടിടം വിദ്യാലയത്തിന് ലഭിച്ചു.
1997 ൽ schoenstatt sisters of mary ഗുപ്തൻ മാസ്റ്ററിൽ നിന്നും വിദ്യാലയം വാങ്ങുകയും പുതിയ മാനേജ്മെന്റ് നിലവിൽ വരുകയും ചെയ്തു. 2007 ൽ പുതിയ സ്കൂൾ കെട്ടിടം പണിയുകയും, വിദ്യാലയത്തിന്റെ ഭൗതിക സാഹചര്യങ്ങൾ മെച്ചപ്പെടുത്തുകയും ചെയ്തു. സ്കൂൾ ചരിത്രം 70 വർഷം പിന്നിട്ടപ്പോൾ ഇന്ന് പ്രധാന അദ്ധ്യാപിക sr sini francis- ന്റെ നേതൃത്വത്തിൽ 8 അദ്ധ്യാപകരും 219 കുട്ടികളും വിദ്യ അഭ്യസിക്കുന്ന ഏറ്റവും മികച്ച വിദ്യാലയങ്ങളിലൊന്നായി മൂളിത്തോട് സ്കൂൾ മാറുകയും ചെയ്തു.
ഗതാഗതം / വ്യവസായം
സ്കൂളിന്റെ പുരോഗതിക്ക് ഏറെ സഹായിച്ച ഗതാഗത മാർഗമായിരുന്നു മൂളിത്തോട് പാലം. മരം കൊണ്ട് നിർമ്മിച്ച പാലമായിരുന്നു 1950 കളിൽ ഉണ്ടായിരുന്നത്. സ്കൂളിന് മുൻവശത്തുള്ള മണ്ണിട്ട റോഡിലൂടെ കാളവണ്ടികൾ പോകുന്നതും നിത്യ കാഴ്ചയായിരുന്നു. 1980 ൽ 5000 പേരുടെ ശ്രമദാനമായി മാനന്തവാടി പുതുശ്ശേരി റോഡ് വന്നതോടെ സ്കൂളിന് കുറെ കൂടി വിദ്യാർത്ഥികളെ ലഭിക്കുകയും യാത്ര സൗകര്യം വർദ്ധിക്കുകയും ചെയ്തു . 1985 - 1986 കാലഘട്ടത്തിൽ മൂളിത്തോട് പാലം കോൺക്രീറ്റ് ആവുകയും അത് വഴി പരിസര ഗ്രാമങ്ങളായ അഞ്ചാംപീടിക, വാളേരി , മൂളിത്തോട് , എന്നീ ഗ്രാമങ്ങൾ വികസന പാതയിലെത്തുകയും ചെയ്തു. 1989 - 90 കാലഘട്ടത്തിലാണ് വൈദുതി എത്തുന്നതും നാട് വ്യാവസായിക മേഖലയിൽ കുറേ അധികം പുരോഗതി കൈവരിച്ചതും. ചുരം കടന്നുള്ള സാധനങ്ങളുടെ കയറ്റുമതി ഇറക്കുമതി സാധ്യത വർദ്ധിച്ചതോടെ സാമ്പത്തിക മേഘലയും ഭദ്രത കൈവരിക്കാൻ തുടങ്ങി.
കലാവസ്ഥ
അന്ന് ആറുമാസം മഴയും ആറുമാസം വേനലും ആണ് ഉണ്ടായിരുന്നത്. വേനൽക്കാലത്തെ മൂന്നു മാസങ്ങളിൽ കടുത്ത മഞ്ഞായിരിക്കും . ശൈത്യകാലങ്ങളിൽ തീ കായുന്ന ഗ്രാമീണർ ഈ നാടിൻറെ സമ്പന്ന കാഴ്ചയായിരുന്നു . മഴക്കാലങ്ങളിൽ സ്കൂളിലെ പല കുട്ടികളും ചോർന്നൊലിക്കുന്ന വീടുകളിൽ ആയിരുന്നു അന്നത്തെ താമസിച്ചിരുന്നത്.
കുട്ടികളുടെ കുട്ടികളുടെ ഹാജർ നിലവാരം
ആദ്യകാലഘട്ടത്തിൽ കുട്ടികളെ സ്കൂളിൽ വിടാൻ രക്ഷിതാക്കൾ തയ്യാറായിരുന്നില്ല. പ്രത്യേകിച്ചും മുസ്ലീം വിഭാഗത്തിൽ പ്പെട്ട പെൺ കുട്ടികളെ . മറ്റൊരു കാരണം രക്ഷിതാക്കളെ കൃഷിയിലും വളർത്തു മൃഗ പരിപാലനത്തിലും ആൺ മക്കളായിരുന്നു സഹായിച്ചിരുന്നത്. ആയതിനാൽ അവരെ പഠിപ്പിക്കാൻ പല രക്ഷിതാക്കളും ശ്രമിച്ചില്ല. ഭക്ഷണത്തിനും വസ്ത്രത്തിനുമുള്ള ബുദ്ധിമുട്ടും കുട്ടികളുടെ ഹാജർ നിലവാരത്തെ ബാധിച്ചിരുന്നു.
സ്കൂൾ ഭക്ഷണം
അമേരിക്കയിൽ നിന്നും കൊണ്ടുവന്ന ചോളപ്പൊടി വെള്ളത്തിൽ കലക്കി തിളപ്പിച്ച് എടുക്കുന്ന പാലും ഗോതമ്പ് ഉപ്പുമാവ് ആയിരുന്നു അന്നത്തെ പ്രധാന സ്കൂൾ ഭക്ഷണം . താഴേക്കിടയിലുള്ള കുട്ടികളായിരുന്നു അധികവും ഈ വിദ്യാലയത്തിൽ പഠിച്ചിരുന്നത് . അതുകൊണ്ടുതന്നെ സ്കൂൾ ഭക്ഷണം ഏറെ ഉപകാരപ്രദമായിരുന്നു പല കുട്ടികളും അഞ്ചാം ക്ലാസ് കഴിഞ്ഞ അധ്യയന നിർത്തുന്നതും പതിവായിരുന്നു. കുറച്ചു കുട്ടികൾ മാത്രമാണ് ഉപരിപഠനത്തിനായി മാനന്തവാടി വെള്ളമുണ്ട എന്നിവിടങ്ങളിൽ പോയിരുന്നത്.
ഭൗതികസൗകര്യങ്ങൾ
പാഠ്യേതര പ്രവർത്തനങ്ങൾ
- സ്കൗട്ട് & ഗൈഡ്സ്
- സയൻസ് ക്ലബ്ബ്
- ഐ.ടി. ക്ലബ്ബ്
- ഫിലിം ക്ലബ്ബ്
- ബാലശാസ്ത്ര കോൺഗ്രസ്സ്.
- വിദ്യാരംഗം കലാ സാഹിത്യ വേദി.
- ഗണിത ക്ലബ്ബ്.
- സാമൂഹ്യശാസ്ത്ര ക്ലബ്ബ്.
- പരിസ്ഥിതി ക്ലബ്ബ്.
- നേർക്കാഴ്ച
മുൻ സാരഥികൾ
സ്കൂളിലെ മുൻ അദ്ധ്യാപകർ :
ക്രമ നമ്പർ | പേര് | വർഷം |
---|---|---|
1 | കുനിയിൽ കുഞ്ഞിരാമൻ മാസ്റ്റർ | |
2 | C P മാധവൻ മാസ്റ്റർ | |
3 | ലക്ഷ്മിക്കുട്ടി ടീച്ചർ | |
4 | ബാലഗുപ്തൻ മാസ്റ്റർ | |
5 | കെ വി കുഞ്ഞിരാമൻ നമ്പ്യാർ | |
6 | മറിയക്കുട്ടി ടീച്ചർ | |
7 | കുഞ്ഞു ഗുപ്തൻ മാസ്റ്റർ | |
8 | കുഞ്ഞാലൻ കുട്ടി മാസ്റ്റർ |
നേട്ടങ്ങൾ
Edavaka National A L P School, Moolithode has secured the overall championship in Social Science fair in Sub district and District level. To add the color to it, it has won the second place in Maths fair in Sub district level and in sports in Panchayath level.
പ്രശസ്തരായ പൂർവവിദ്യാർത്ഥികൾ
- Mr.Joseph Makkolil, Scientist
- Arun, Hockey team member
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
|
{{#multimaps:11.736983, 76.074789 |zoom=13}}
- വയനാട് വിദ്യാഭ്യാസ ജില്ലയിലെ വിദ്യാലയങ്ങൾ
- വയനാട് വിദ്യാഭ്യാസ ജില്ലയിലെ എയ്ഡഡ് വിദ്യാലയങ്ങൾ
- വയനാട് റവന്യൂ ജില്ലയിലെ വിദ്യാലയങ്ങൾ
- വയനാട് റവന്യൂ ജില്ലയിലെ എയ്ഡഡ് വിദ്യാലയങ്ങൾ
- 15449
- 1951ൽ സ്ഥാപിച്ച വിദ്യാലയങ്ങൾ
- വയനാട് റവന്യൂ ജില്ലയിലെ 1 മുതൽ 5 വരെ ക്ലാസുകളുള്ള വിദ്യാലയങ്ങൾ
- വിക്കിഡാറ്റ ക്യു ഐഡി ചേർക്കാത്ത വിദ്യാലയങ്ങൾ
- സ്കൂൾ കോഡ് ഉള്ള വിദ്യാലയങ്ങൾ
- യുഡൈസ് കോഡ് ഉള്ള വിദ്യാലയങ്ങൾ