ഗവ. എൽ പി എസ് കരിയം/അക്ഷരവൃക്ഷം/ മാലാഖമാർ

മാലാഖമാർ കണ്ണിൽ വെയിൽ തട്ടിയപ്പോൾ തുളച്ചു കയറുന്നതു പോലെ തോന്നി.കാലിനു നല്ല വേദന ആഴത്തിലുള്ള മുറിവ് വീർത്തിരിക്കുന്നു രാത്രി നന്നായി പേടിച്ചു പനി വന്നാലോ ? അത്രയ്ക്കു നല്ല വീഴ്ചയായിരുന്നു.കൊറോണ സീസൺ ആണല്ലോ.പക്ഷെ മറ്റ് കുഴപ്പമൊന്നുമുണ്ടായില്ല.അമ്മയെ ഒന്നു കണ്ടെങ്കിൽ മതിയായിരുന്നു എൻെറ വേദനയെല്ലാം പമ്പ കടന്നേനെ എഴുന്നേറ്റ് അടുക്കളയിൽ ചെന്ന് നോക്കാം .അമ്മ വന്നിട്ട് ചിലപ്പോൾ എനിക്കിഷ്ടമുള്ള പലഹാരമെന്തെങ്കിലും ഉണ്ടാക്കുകയായിരിക്കും. < ങാ! "അടുക്കളയിൽ ആരോ ഉണ്ട്,അമ്മ അമ്മ വന്നോ”?അമ്മ വന്നില്ല മോനേ അചഛമ്മയുടെ ശബ്ദം.മോനെന്തിനാ മുറിവുംവെച്ച് എഴുന്നേറ്റ് വന്നത്?അച്ഛമ്മയെ വിളിച്ചാൽ പോരായിരുന്നോ? അമ്മയെ കണ്ടിട്ട് എത്ര ദിവസമായി അമ്മയ്ക്ക് മോനോട് ഒട്ടും സ്നേഹമില്ല അല്ലെങ്കിൽ ഞാൻ വീണെന്നെറിഞ്ഞിട്ടും എന്നെ കാണാൻ വരാതിരിക്കുമോ?എനിക്കു സങ്കടം സഹിക്കാൻ കഴിഞ്ഞില്ല.അങ്ങനെ പറയരുത് മോനേ അമ്മ എത്ര തവണ മോനോട് ഫോണിൽ സംസാരിച്ചു.അച്ഛമ്മ ആശ്വസിപ്പിക്കാൻ നോക്കി.അച്ഛമ്മ അടുത്ത് വന്ന് തലോടി കവിളിൽ ഒരുമ്മ തന്നപ്പോൾ അമ്മ അടുത്തുള്ളതുപോലെ തോന്നി.. മോനെ അമ്മ ഒരു നഴ്സല്ലേ .അറിയില്ലേ കൊറോണ എന്ന മഹാമാരി ലോകത്തിലെ ജനങ്ങളെയെല്ലാം കൊന്നൊടുക്കികൊണ്ടിരിക്കുമ്പോൾ അമ്മയെപ്പോലുള്ള അനേകം ആളുകൾ ലോകത്തിൻെര നൻമയ്ക്കായി സ്വന്തം ജീവൻപോലും വകവയ്ക്കാതെ കഷ്ടപ്പെടുകയാണ് അവരെല്ലാം മാലാഖമാരുടെ സ്ഥാനത്താ എല്ലാവരും കാണുന്നത്. < “അപ്പോൾ എൻെറ അമ്മയും മാലാഖയാണല്ലേ "? “അതെ" അച്ഛമ്മയുടെ മറുപടി കേട്ടപ്പോൾ നെഞ്ചിനകത്ത് വലിയ വെളിച്ചം പോലെ തോന്നി. < അച്ഛമ്മയുടെ മടിയിൽ തലവെച്ചു കണ്ണടച്ചു കിടന്നപ്പോൾ ഞാൻ കണ്ടു 'എൻെറ അമ്മയേയും മറ്റനേകം മാലാഖമാരെയും 'ദൈവമേ ഞങ്ങളുടെ മാലാഖമാരെയും കാത്തുകൊള്ളണേ. ജാനകി.ആർ 5 A ഗവ.എൽ.പി.എസ്.കരിയം കണിയാപുരം ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - PRIYA തീയ്യതി: 23/ 04/ 2020 >> രചനാവിഭാഗം - കഥ