സെന്റ് ജോൺസ് എച്ച്. എസ്സ്.നെല്ലിപൊയിൽ/പ്രാദേശിക പത്രം

==വാർത്താ ഭൂമി

---

== സെൻറ് ജോൺസ് ഹൈസ്ക്കൂൾ നെല്ലിപൊയിൽ വിജയോൽസവം പദ്ധതി അന്തിമഘട്ടത്തിൽ നെല്ലിപൊയിൽ : മികച്ച ഗ്രേഡോടെ സമ്പൂർണ്ണ വിജയം എന്ന ലക്ഷ്യത്തോടെ കോഴിക്കോട് ജില്ലാപഞ്ചായത്തും വിദ്യാഭാസവകുപ്പും സംയുക്തമായി ആവിഷ്കരിച്ച വിജയോൽസവം പദ്ധതി അവസാനഘട്ടത്തിൽ . സാമൂഹിക പങ്കാളിത്തത്തോടെ സ്കൂൾതല പ്രവർത്തനങ്ങൾ സജീവമായി. ".നൂറ് മേനി കൊയ് തെടുക്കാം വിജയസോപാനമേറിടാം"എന്ന മുദ്രാവാക്യം സെൻറ് ജോൺസ് ഹൈസ്കൂളിലെ വിദ്യാർത്ഥികൾ നെഞ്ചേറ്റിക്കഴിഞ്ഞു.ഈ വർഷം SSLC പരീക്ഷ എഴുതുന്ന മുഴുവൻ വിദ്യാർത്ഥികളേയും സമ്പൂർണ്ണ വിജയത്തിലെത്തിക്കാനുള്ള തീവ്രപരിശീലനത്തിൽ മുഴുകിയിരിക്കുകയാണ് അധ്യാപകർ.പിന്നാക്കക്കാർക്കുള്ള പ്രത്യേകപരിശീലനവും സ്റ്റുഡൻസ് റിസോഴ്സ് ഗ്രൂപ്പും പദ്ധതിയുടെ സവിശേഷതകളാണ്.

ട്രാഫിക് നിയമങ്ങൾ പാലിക്കുക അപകടങ്ങൾ ഒഴിവാക്കുക...

നെല്ലിപ്പൊയിൽ:സെൻറ് ജോൺസ് ഹൈസ്കൂളിലെ വിദ്യാർത്ഥികൾക്ക് വേണ്ടി റോഡ് സുരക്ഷാ ബോധവൽക്കരണ ക്ളാസ് നടത്തി.മുന്നറിയിപ്പുകൾ അവഗണിക്കുകയും വാഹനം ശരിയായി ഓടിക്കാതിരിക്കുകയും ചെയ്യുന്നതുമൂലം ദിനംതോറും ധാരാളം ജീവിതങ്ങളാണ് റോഡുകളിൽ പൊലിയുന്നത്.വാഹനങ്ങൾ അനുദിനം പെരുകുകയും യാത്രക്കാരുടെ ആധിക്യവും റോഡുകളുടെ ശോച്യാവസ്ഥയും അപകടസാധ്യത കൂട്ടുന്നു.റോഡ് സുരക്ഷയുമായി ബന്ധപ്പെട്ട് വിദ്യാർത്ഥികളിൽ ബോധവൽക്കരണപ്രവത്തനങ്ങൾ നടത്തുന്നതിന് സംസ്ഥാനത്തെ സ്കൂളുകളിൽ റോഡുസുരക്ഷാക്ളബ്ബുകൾ പ്രവർത്തിക്കുന്നത് ശ്ളാഘനീയമാണ്൩ ==

എഡിറ്റോറിയൽ

കൊതുകിനെതിരെ പൊരുതുക ഇന്ന് മനുഷ്യരാശി ഭയക്കുന്ന ഏറ്റവും വലിയ ഭീകരജീവിയായി മാറിയിരിക്കുകയാണ് കൊതുക്. 7കോടി മനുഷ്യരാണ് ലോകമഹായുദ്ധങ്ങളിൽ മരിച്ചുവീണതെങ്കിൽ കൊതുകുകൾ ഓരോവർഷവും 7കോടി മനുഷ്യരിലാണ് പലതരത്തിലുള്ള രോഗാണുക്കളെ കടത്തിവിടുന്നത്.മലേറിയ ബാധിച്ചു മരിക്കുന്നതു മാത്രം ഓരോ വർഷവും 10ലക്ഷം പേരാണത്രേ.മന്ത്,മലമ്പനി,ഡെങ്കി, ജാപ്പാനീസു'എൻസൈഫലൈറ്റിസു',റിഫ്റ്റ് വാലി ഫീവർ,വെസ്റ്റ്നൈൽ ഫീവർ,ചിക്കുൻ ഗുനിയ തുടങ്ങിയവ അവയിൽ ചിലതു മാത്രം.എങ്കിലും മനുഷ്യൻ കൊതുകുകൾക്കുമേൽ നേടുന്ന കൊച്ചു വിജയങ്ങളുടെ ഓർമ്മക്കുറിപ്പാണ് ആഗസ്റ്റ് 20 ആഗോളകൊതുകുദിനം.1897 ആഗസ്റ്റ് 20-നാണ് ചരിത്രത്തിൽ ആദ്യമായി ആ രോഗം കൊതുകുപരത്തുന്നതാണെന്ന് അസന്നിഗ്ദമായി തെളിയിക്കപ്പെടുന്നത്.സർ റൊണാൾഡ് റോസാണ് ചരിത്രപ്രസിദ്ധമായ ആ കണ്ടുപിടുത്തം നടത്തിയത്.

                                                            ക്യുലിസിഡെ എന്നാണ് കൊതുകിൻറ്റെ കുടുബനാമം.3000 ത്തിലേറെ കൊതുകുകളെ തിരിച്ചറിഞ്ഞിട്ടുണ്ടെങ്കിലും മനുഷ്യന്റെ പ്രധാനശത്രുക്കൾ അനോഫിലിസ്,ക്യുലെക്സ്,ഈഡിസ്,മാൻസോണിയ എന്നിവയാണ്.അനോഫിലിസ് മലമ്പനിയും,ക്യുലെക്സ് മന്തും എൻസൈഫിലിറ്റിയും ,ഈഡീസ് ഡെങ്കിയും ചിക്കൻഗുനിയയും മാൻസോണിയ മന്തും പരത്തുന്ന വില്ലൻമാരാണ്.