എസ്.എൻ.ഡി.പി.എച്ച്.എസ്.എസ്. മുട്ടത്തുകോണം/പ്രവർത്തനങ്ങൾ/2025-26

പ്രവേശനോത്സവം

പ്രവേശനോത്സവം

ഓടിനടന്ന അവധിക്കാലം കഴിഞ്ഞു.ഒപ്പം പതിവ് പോലെ പുതിയൊരു അദ്ധ്യയന വർഷവും വിരുന്നെത്തിക്ക kiഴിഞ്ഞു.വിദ്യാലയത്തെക്കുറിച്ച് ഓർക്കുമ്പോൾ കഴിഞ്ഞ തലമുറയ്ക്ക് ഗൃഹാതുരത്വത്തിന്റെ നനുത്ത ഓർമ്മകൾ സമ്മാനിക്കുന്ന നിരവധി കവിതകൾ ഉണ്ട്.

"തിങ്കളും താരങ്ങളും,

തൂവെള്ളി കതിർ ചിന്നും

തുംഗമാം വാനിൻ ചോട്ടി-

ലാണെന്റെ വിദ്യാലയം!"

പുതിയ അധ്യയന വർഷം . പുതിയ പ്രതീക്ഷകളും, പുതിയ അറിവുകളും തേടി കുരുന്നുകൾ അറിവിന്റെ ലോകത്തേക്ക്.മുട്ടത്തുകോണം എസ്.എൻ.ഡി.പി.ഹയർ സെക്കന്ററി സ്കൂളിൽ ജൂൺ 2 ന് പ്രവേശനോത്സവം വിപുലമായി നടത്തി. പുതിയ അദ്ധ്യയന വർഷത്തിന്റെ തുടക്കത്തിൽ അറിവും, ആവേശവും നിറഞ്ഞ വലിയാഘോഷമായി മാറി പ്രവേശനോത്സവം. SSLC, NMMS, USS വിജയികൾക്ക് അനുമോദനവും നൽകി

പരിസ്ഥിതി ദിനാഘോഷം

"പരിസ്ഥിതി ദിനാഘോഷം "

ലോക പരിസ്ഥിതി ദിനമാണ് ജൂൺ 5. വരും തലമുറകൾക്കായി പരിസ്ഥിതിയെ സംരക്ഷിക്കേണ്ടത് നാമോരോരുത്തരുടെയും കടമയാണ്. പരിസ്ഥിതി ദിനത്തോടനുബന്ധിച്ച് എസ്.എൻ.ഡി.പി.എച്ച്.എസ്.എസ്. മുട്ടത്തുകോണം സ്‌കൂളിൽ വിപുലമായ ബോധവത്കരണ പ്രവർത്തനങ്ങളാണ് സംഘടിപ്പിച്ചത് .പരിസ്ഥിതിയെ നശിപ്പിക്കുന്ന തരത്തിലുള്ള എല്ലാ പ്രവർത്തികളും അവസാനിപ്പിക്കണം. പരിസ്ഥിതിദിനത്തിന്റെ പ്രാധാന്യം മനസിലാക്കി പ്രകൃതിയോട് ചേർന്ന് നിന്ന് കാര്യങ്ങൾ ചെയ്യുക. ഭൂമി ഇന്ന് നേരിടുന്ന വലിയ പ്രശ്നങ്ങൾ പരിഹരിക്കാൻ നമുക്ക് ഒരുമിച്ച് നിൽക്കാം.പ്ലാസ്റ്റിക് മലിനീകരണം പരാജയപ്പെടുത്തുക' എന്നതാണ് ഈ വർഷത്തെ ലോക പരിസ്ഥിതി ദിന പ്രമേയം. പ്ലാസ്റ്റിക് മാലിന്യങ്ങൾ നമ്മുടെ ആവാസവ്യവസ്ഥയെയും മനുഷ്യരെയും ജന്തുജാലങ്ങളെയും പ്രതികൂലമായി ബാധിക്കുന്നുവെന്ന അവബോധം സൃഷ്ടിക്കാനാണ് ഈ മുദ്രാവാക്യം.ജൂൺ 5 എന്ന ഒരു ദിവസം മാത്രം ആഘോഷിക്കേണ്ട ഒന്നല്ല പരിസ്ഥിതി ദിനം. എല്ലാ ദിവസവും പരസ്ഥിതിക്കു കാവലായ് കരുതലായ് നാം ഓരോരുത്തരും കൂടെയുണ്ടാവണം.വളർന്നു വരുന്ന പുതിയ തലമുറ പ്രകൃതിയെ അറിഞ്ഞു വളരട്ടെ

അക്ഷര ജ്വാല പദ്ധതിപ്രകാരം ലൈബ്രറി പുസ്തകങ്ങൾ HM ന് കൈമാറുന്നു

അക്ഷര ജ്വാല പദ്ധതി

ഇലന്തൂർ ബ്ലോക്ക് പഞ്ചായത്ത്‌ അക്ഷരജ്വാല പദ്ധതിയുടെ ഭാഗമായി സ്കൂൾ ലൈബ്രറിയിലേക്ക് പുസ്തകങ്ങൾ ബ്ലോക്ക്‌ പഞ്ചായത്ത്‌ പ്രസിഡന്റ്‌ ശ്രീമതി ഇന്ദിര ദേവി ഹെഡ്‌മിസ്ട്രെസ് ശ്രീമതി സ്മിതാ ശ്രീധരന് കൈമാറി. ബ്ലോക്ക്‌ പഞ്ചായത്ത്‌ മെമ്പർ ശ്രീ അഭിലാഷ്,വാർഡ് മെമ്പർ ശ്രീമതി രഞ്ജിനി എന്നിവർ പങ്കെടുത്തു. ഓരോന്നും കുട്ടികളിൽ ജ്വാലയായി പടരട്ടെ.. അറിവിൻറെ ജ്വാല

വിദ്യാരംഗം കലസാഹിത്യവേദി

"വിദ്യാരംഗം കലസാഹിത്യവേദി ഉദ്‌ഘാടനം"

അറിവും അനുഭവങ്ങളും സ്വന്തമാക്കുന്ന വിദ്യാലയജീവിത കാലഘട്ടത്തിൽ വിദ്യാർത്ഥികളിലെ പ്രതിഭകളെ കണ്ടെത്തി വളർത്തുവാനും വ്യക്തിത്വത്തെ ജ്വലിപ്പിക്കുവാനും സഹായിക്കുന്ന വിദ്യാരംഗം കലാസാഹിത്യവേദി മുട്ടത്തുകോണം എസ്.എൻ.ഡി.പി.എച്ച്.എസ്.എസ്-ൽ സജീവമായി പ്രവർത്തിച്ചു വരുന്നു.

കുട്ടികളുടെ ഉള്ളിലെ സർഗ്ഗവാസന തിരിച്ചറിഞ്ഞ് അതിനെ പരിപോഷിപ്പിക്കുന്ന കലാമൂല്യമുള്ള സാഹിത്യ വേദികളിൽ ഒന്നാണ് വിദ്യാരംഗം കലാസാഹിത്യവേദി. കഥാരചന, കവിതാ രചന ചിത്രരചന അഭിനയം, നാടൻ പാട്ട്, കാവ്യാലാപനം തുടങ്ങിയ മേഖലകളിൽ എല്ലാം കുട്ടികളുടെ കഴിവുകളെ പരിപോഷിപ്പി ക്കാൻ വിദ്യാരംഗത്തിലൂടെ സാധിക്കുന്നു. കുട്ടികളുടെ കലാസൃഷ്ടികൾ ചേർത്ത് ഇണക്കി "സ്പന്ദനം " എന്ന പേരിൽ സ്കൂൾ മാഗസിൻ പ്രകാശനം ചെയ്തു

വായന ദിനം

"വായന ദിനം"

1996 മുതൽ കേരള സർക്കാർ ജൂൺ 19 വായന ദിനമായി ആചരിക്കുന്നു. ജൂൺ 19 മുതൽ 25 വരെയുള്ള ഒരാഴ്ച വായനവാരമായും കേരളാ വിദ്യാഭ്യാസ വകുപ്പ് ആചരിക്കുന്നു. കേരള ഗ്രന്ഥശാലാ സംഘത്തിന്റെ ഉപജ്ഞാതാവും പ്രചാരകനുമായിരുന്ന പി.എൻ. പണിക്കരുടെ ചരമദിനമാണ് ജൂൺ 19. വായന ചിലർക്കൊരു വിനോദമാണ്. ചിലർക്കാകട്ടെ ലഹരിയും. വായന വിനോദവും ലഹരിയുമാക്കിയവർക്ക് ഭാവനയുടെ അതിരുകൾ തകർത്ത് വിസ്മയങ്ങളുടെ ലോകത്തേക്ക് പറക്കാനുള്ള ചിറക് മുളയ്ക്കുന്നു. പല കാലത്തിലൂടെ, പല രാജ്യങ്ങളിലൂടെ, സംസ്‌കാരങ്ങളിലൂടെ, ജീവിതരീതികളിലൂടെ, അവരുടെ അനുഭവങ്ങളിലൂടെ അനേകായിരം മനുഷ്യ മനസുകളിലൂടെ, ചിന്തകളിലൂടെ ഒരായുസ്സുകൊണ്ടു പറന്നു തീർക്കാനുള്ള അത്ഭുത സൂത്രമാണ് വായന.വായനയിലൂടെ ആണ് നാം ഓരോരുത്തരും വളരുന്നത്. പ്രൈമറി തലം മുതൽ കുട്ടികൾ വായനയുടെ പ്രാധാന്യം മനസിലാക്കണം.വായിച്ചു വളരട്ടെ

അന്താരാഷ്ട്ര യോഗ ദിനം:

"അന്താരാഷ്ട്ര യോഗ ദിനം"

എല്ലാ വർഷവും ജൂൺ 21 ന് ലോകമെമ്പാടും യോഗ ദിനം ആചരിക്കുന്നു. യോഗയുടെ പ്രാധാന്യത്തെക്കുറിച്ചും, ശാരീരികവും മാനസികവുമായ ആരോഗ്യത്തിന് യോഗ എങ്ങനെ പ്രയോജനകരമാണെന്നും ലോകമെമ്പാടുമുള്ള ആളുകളെ ബോധവൽക്കരിക്കുക എന്നതാണ് ഈ ദിനാചരണത്തിൻ്റെ ലക്ഷ്യം. യോഗ പരിശീലിക്കുന്നത് ശരീരത്തിനും മനസ്സിനും ഒരുപോലെ ഗുണം ചെയ്യും. യോഗയ്ക്ക് ശരീരത്തിൻ്റെ വഴക്കം, ശ്വാസോച്ഛ്വാസം, പേശികളുടെ ബലം, സന്തുലിതാവസ്ഥ എന്നിവ മെച്ചപ്പെടുത്താൻ കഴിയും.മാനസികാരോഗ്യത്തിനും യോഗ നല്ലതാണ്. ഇത് സമ്മർദ്ദം കുറയ്ക്കാനും ഉത്കണ്ഠ നിയന്ത്രിക്കാനും സഹായിക്കുന്നു. ഈ ദിവസം ലോകമെമ്പാടുമുള്ള ആളുകൾ യോഗ ക്ലാസുകളിലും പരിപാടികളിലും പങ്കെടുക്കുന്നു.

മുട്ടത്തുകോണം എസ്എൻഡിപി എച്ച് എസ് എസ് ഹയർ സെക്കൻഡറിസ്കൂളിൽ യോഗ ദിനത്തോട് അനുബന്ധിച്ച് കുട്ടികൾക്ക് യോഗയുടെ പ്രാധാന്യത്തെ പറ്റി പ്രത്യേക ക്ലാസും യോഗ പരിശീലനവും നൽകുകയുണ്ടായി

ലഹരി വിരുദ്ധ ദിനം

"ലഹരി വിരുദ്ധ ദിനം "

മയക്കുമരുന്ന് ഉപയോഗത്തിനും അനധികൃത വ്യാപാരത്തിനും എതിരെ ജനങ്ങളിൽ അവബോധം സൃഷ്ടിക്കുന്നതിനുള്ള ഐക്യരാഷ്ട്രസഭയുടെ സംരംഭമാണ് ലഹരി വിരുദ്ധദിനം.ആരോഗ്യമുള്ള സമൂഹത്തിനായി ലഹരിയുടെ പിടിയിൽ നിന്ന് യുവത്വത്തെ രക്ഷപെടുത്താനും കുടുംബ ബന്ധങ്ങൾ തകരാതിരിക്കാനും ലഹരി ഒഴിവാക്കുക എന്ന ആഹ്വാനവുമായി ഇന്ന് ലോക ലഹരി വിരുദ്ധ ദിനം ആചരിക്കുകയാണ്.

  പഠനമാണ് ലഹരി. പഠനത്തിലൂടെ നന്മയുള്ള ലോകത്തിന്റെ വക്താക്കൾ ആയി വരും തലമുറ വളരട്ടെ. അതിനായി സ്കൂൾ നി ന്നും പുതിയ തുടക്കം കുറിക്കുന്നു. എല്ലാ കുട്ടികളും അധ്യാപക രും ഒരുമിച്ചു സൂംബ ഡാൻസ് കളിച്ചു.

ലഹരി വിരുദ്ധ ദിനവുമായി ബന്ധപ്പെട്ടു സ്കൂളിൽ സൂബ ഡാൻസ്, ഫ്ലാഷ് മൊബ്,ലഹരി വിരുദ്ധ പോസ്റ്റർ പ്രദർശനം,ലഹരി വിരുദ്ധദിന പ്രതിജ്ഞ എന്നിവ നടത്തി

പേവിഷബാധ ബോധവൽക്കരണം

"പേവിഷബാധ ബോധവൽക്കരണം"

നല്ലാനിക്കുന്ന് പ്രൈമറി ഹെൽത്ത്‌ സെന്ററിന്റെ നേതൃത്വത്തിൽ പേവിഷബാധ ബോധവൽക്കരണവും പ്രത്യേക അസംബ്ലിയും നടത്തി മൃഗങ്ങളുടെ കടിയേറ്റാൽ പ്രഥമ ശുശ്രൂഷയും വാക്സിനും വളരെ പ്രധാനമാണ്. കടിയേറ്റാൽ കുട്ടികൾക്ക് പെട്ടെന്ന് രോഗബാധയായുണ്ടാകാനുള്ള സാധ്യത കൂടുതലാണ്. മൃഗങ്ങളുടെ കടിയോ മാന്തലോ, പോറലോ ഏറ്റാൽ രോഗ പ്രതിരോധത്തിന്റെ ഭാഗമായി നൽകേണ്ട പ്രഥമ ശുശ്രൂഷ, വാക്സിനേഷൻ, മൃഗങ്ങളോട് ഇടപഴകുമ്പോൾ ശ്രദ്ധിക്കേണ്ട കാര്യങ്ങൾ എന്നിവയെപ്പറ്റി കുട്ടികൾക്കും അധ്യാപകർക്കും ബോധവത്ക്കരണം നൽകി.

ബഷീറിന്റെ ഓർമ്മദിനം

"ബഷീറിന്റെ ഓർമ്മദിനം"

പഴകും തോറും വീര്യം കൂടുന്നത് പോലെയാണ് ബഷീറിന്റെ കൃതികൾ വായിക്കുമ്പോൾ നമ്മുക്ക് ലഭിക്കുന്ന അനുഭൂതി സരസമായ ഭാഷയിലൂടെ എന്നും നമ്മെ വിസ്മയിപ്പിക്കുന്ന എഴുത്തുകാരനാണ് വൈക്കം മുഹമ്മദ് ബഷീർ. തലമുറകൾ വ്യത്യാസമില്ലാതെ ഏവർക്കും സുപരിചിതനായ എഴുത്തുകാരൻ. ബഷീർജീവിതത്തിൽ താൻ കണ്ടും കേട്ടും പരിചയിച്ച സത്യങ്ങളുടെ ആവിഷ്‌കാരമാണ് അദ്ദേഹത്തിന്റെ കൃതികളെല്ലാം. ഭാഷയുടെ ലാളിത്യവും സാധാരണക്കാരായ കഥാപാത്രങ്ങളും ബഷീർകൃതികളിൽ കാണാം.ബഷീറിന്റെ ഓർമ്മദിനം എല്ലാവർഷവും സ്കൂളിൽ ബഷീർ ദിനമായി ആചരിക്കുന്നു.

എസ്എൻഡിപി എച്ച്എസ്എസ് മുട്ടത്തുകോണം സ്കൂളിൽബഷീർദിനത്തോടനുബന്ധിച്ച് ബഷീർ ദിന ക്വിസ് നടത്തി. സ്കൂളിൽ പ്രത്യേക അസംബ്ലി കൂടുകയും കുട്ടികൾ ബഷീർ രചനകളെ ആസ്പദമാക്കി വായനാക്കുറിപ്പ് തയ്യാറാക്കി അവതരിപ്പിക്കുരുകയും ബഷീർ കഥാപാത്രങ്ങളെ പരിചയപ്പെടുത്തകയും ചെയ്തു

ചാന്ദ്രദിനം

" ചാന്ദ്രദിനം"

ചാന്ദ്രദിനം  ആഘോഷിക്കുന്നതിൻ്റെ ഭാഗമായി  സ്കൂളിൽ അസംബ്ലി കൂടുകയും കുട്ടികൾ ചന്ദ്രയാൻ ദൗത്യവുമായി ബന്ധപ്പെട്ട് വിവിധ പ്രവർത്തങ്ങളിൽ പങ്കാളികളാവുകയും ചെയ്തു.കുട്ടികൾ ചാന്ദ്രയാൻ ദൗത്യവുമായി ബന്ധപ്പെട്ട് വിവിധ തരത്തിലുള്ള പോസ്റ്ററുകൾ തയ്യാറാക്കി ചന്ദ്രയാൻ ദൗത്യത്തിന്റെ പ്രാധാന്യം,അതുമായി ബന്ധപ്പെട്ട പ്രശസ്ത വ്യക്തികൾ എന്നിവരെ പറ്റി ഉള്ള കുറിപ്പുകൾ തയ്യാറാക്കി ചന്ദ്രദിനവുമായി ബന്ധപ്പെട്ട് കുട്ടികൾ ഗാനങ്ങൾ ആലപിച്ചു. വ്യത്യസ്ത മോഡലുകൾ പ്രദർശിപ്പിച്ചു ചാന്ദ്രദിന ക്വിസ് നടത്തുകയും ചെയ്തു

YIP ശാസ്ത്രപഥം

"YIP ശാസ്ത്രപഥം "

ഹൈസ്കൂൾ ഹയർ സെക്കൻഡറി വിഭാഗത്തിലെ വിദ്യാർത്ഥികൾക്ക് അവരുടെ നൂതന ആശയങ്ങൾ അവതരിപ്പിക്കുന്നതിനായി കെ ഡിസ്കും സമഗ്ര ശിക്ഷാ കേരളയും സംയുക്തമായി നടപ്പാക്കുന്ന യങ് ഇന്നോവേറ്റേഴ്‌സ് പ്രോഗ്രാമിന്റെ രജിസ്ട്രേഷൻ പ്രക്രിയകളെകുറിച്ചും, ആശയ സമർപ്പണത്തിന് ആവശ്യമായ അവബോധം നൽകുന്നതിനുള്ള പരിശീലന ക്ലാസും മുട്ടത്തുകോണം എസ്എൻഡിപി എച്ച് എസ് എസിൽ നടന്നു സി ആർ സി കോഡിനേറ്റർ മാരായ ശ്രീ ജേക്കബ് സാം , ശ്രീമതി രാജി എസ് എന്നിവർ ക്ലാസുകൾ നയിച്ചു .

പ്രേംചന്ദ് ദിനം

"പ്രേംചന്ദ് ദിനം "

ആധുനിക ഹിന്ദി ഉർദു സാഹിത്യത്തിലെ പ്രധാനപ്പെട്ട എഴുത്തുകാരനായിരുന്ന പ്രേംചന്ദിന്റെ ജന്മവാർഷിക ദിനമാണ് ജൂലായ് 31. പ്രേം ചന്ദ് ദിനവുമായി ബന്ധപ്പെട്ടു സ്കൂളിൽ പ്രത്യേക അസംബ്ലി ചേരുകയും., മഹത് വചനങ്ങൾ, ക്വിസ്, ഗാനലാപനം, പോസ്റ്റർ തുടങ്ങി കുട്ടികളുടെ വിവിധ പരിപാടികൾ നടത്തി.പ്രേം ചന്ദ് ദിനത്തിന്റെ പ്രാധാന്യത്തെ പറ്റി ഹിന്ദി സാഹിത്യത്തിന് പ്രേംചന്ദ് നൽകിയ സംഭാവനകളെ പറ്റിയും കുട്ടികൾ കുറിപ്പുകൾ അവതരിപ്പിച്ചു . സ്കൂൾ റേഡിയോയിൽ പ്രേംചന് ദിനവുമായി ബന്ധപ്പെട്ട് പ്രത്യേക പരിപാടികൾ കുട്ടികൾ അവതരിപ്പിച്ചു

ഹിരോഷിമ ദിനം

"ഹിരോഷിമ ദിനം"

ലോകമനഃസാക്ഷിയെ ഞെട്ടിച്ച 1945ലെ കറുത്ത ദിനങ്ങളെ ഓർമ്മപ്പെടുത്തി വീണ്ടുമൊരു ഹിരോഷിമ ദിനം. ലോകത്ത് ആദ്യമായി യുദ്ധത്തിനിടയിൽ അണുബോംബ് ഉപയോഗിച്ച ദിനമായിരുന്നു 1945 ഓഗസ്റ്റ് 6.പ്രത്യേക അസംബ്ലി ചേരുകയും കുട്ടികൾ പ്രസംഗം, പോസ്റ്റർ, സന്ദേശം തുടങ്ങി വിവിധ പരിപാടികൾ നടത്തി.

PTA പൊതുയോഗം

"PTA പൊതുയോഗംഉദ്ഘാടനം "

2025-2026 അധ്യയന വർഷത്തെ PTA പൊതുയോഗവും തെരഞ്ഞെടുപ്പും നടത്തി. ബഹു. പത്തനംതിട്ട യൂണിയൻ പ്രസിഡന്റ്‌ ശ്രീ പത്മകുമാർ അവറുകൾ യോഗം ഉദ്ഘാടനം ചെയ്തു.PTA പ്രസിഡന്റ്‌ ആയി Adv ശ്രീ SK സാനുവും, വൈസ് പ്രസിഡന്റ്‌ ആയി ശ്രീമതി മഞ്ജുഷ എൽ എന്നിവരെയും MPTA പ്രസിഡന്റ്‌ ആയി ശ്രീമതി സുമിത രഞ്ജിത്, വൈസ് പ്രസിഡന്റ്‌ ആയി ശ്രീമതി ഷൈനി ഷാബു എന്നിവരെയും തെരഞ്ഞെടുത്തു.

JRC-മുറ്റത്തൊരു തേൻമാവ്

"JRC യുടെ ആഭിമുഖ്യത്തിൽ "മുറ്റത്തൊരു തേൻമാവ് " എന്ന പദ്ധതിയുടെ ഭാഗമായി കുട്ടികൾ സ്കൂൾ അങ്കണത്തിൽ മാവിൻ തൈകൾ നടുന്നു "

കുട്ടികളിൽ ജൈവവൈവിധ്യ സംരക്ഷണത്തിന്റെ പ്രാധാന്യം മനസ്സിലാക്കാൻ ജൂനിയർ റെഡ് ക്രോസ് നടത്തുന്ന പരിപാടിയാണ് സ്കൂൾ മുറ്റത്തൊരു തേന്മാവ് പദ്ധതി ഈ പദ്ധതിയുടെ ഭാഗമായി ജെ ആർ സി കോഡിനേറ്റർ അഭിജിത് മുരളിയുടെ നേതൃത്വത്തിൽ എസ്എൻഡിപി എച്ച്എസ്എസ് സ്കൂൾ അങ്കണത്തിൽ കുട്ടികൾ മാവിൻ തൈകൾ നട്ടു .സ്കൂൾ എച്ച് എം ശ്രീമതി സ്മിത ശ്രീധരൻ പദ്ധതിയുടെ ഉദ്ഘാടനം നിർവഹിച്ചു

സ്വാതന്ത്ര്യദിന ആഘോഷം

"സ്വാതന്ത്ര്യദിന ആഘോഷം"

Aug 15

79 മത് സ്വാതന്ത്ര്യദിനം രാജ്യം ഇന്ന് ആഘോഷിക്കുന്ന വേളയിൽ സ്കൂളിൽ HM സ്മിത ടീച്ചർ പതാക ഉയർത്തി.പ്രിൻസിപ്പൽ ജയറാണി ടീച്ചർ, PTA പ്രസിഡന്റ്‌ ശ്രീ Adv. SK സാനു, LP HM ഷൈലജ ടീച്ചർ എന്നിർ സ്വാതന്ത്ര്യദിന സന്ദേശം നൽകി.തുടർന്ന് ദേശഭക്തിഗാനാലാപനം, സ്വാതന്ത്ര്യദിന റാലി,മധുര വിതരണം എക്‌സിബിഷൻ എന്നിവ നടത്തുകയുണ്ടായി. സ്കൂളിലെ ഓഫീസ് അംഗമായിരുന്ന ശ്രീ ചിത്രാംഗതൻ ചേട്ടന്റെ മകനും പൂർവ വിദ്യാർത്ഥിയും പ്രവാസിയുമായ ശ്രീ പ്രഭയുടെ ദീർഘനാളത്തെ പരിശ്രമ ഫലമായി നമ്മുടെ സ്വാതന്ത്ര്യസമര സേനാനികളെക്കുറിച്ചുള്ള വിവരശേഖരണത്തിന്റെ കളക്ഷൻ ആയിരുന്നു എക്സിബിഷനിൽ ഉൾക്കൊള്ളിച്ചത്.🇮🇳🇮🇳🇮🇳

▶️ https://www.youtube.com/shorts/y1UDoImRTYc

ഓണാഘോഷം-2025

Aug 29

"മെഗാതിരുവാതിര="

" "അത്തപ്പൂക്കളം"

സ്കൂളിൽ നടന്ന ഓണാഘോഷം സന്തോഷത്തിന്റെ വേളയായി. അധ്യാപകരും കുട്ടികളും പരമ്പരാഗത വസ്ത്രധാരണത്തിൽ ഓണാഘോഷങ്ങളിൽ പങ്കെടുത്തു.പൂക്കളം, വടംവലി, തിരുവാതിര, വിവിധ കലാപരിപാടികൾ എന്നിവ ചടങ്ങിന് ഭംഗി കൂട്ടി. അധ്യാപകരും വിദ്യാർത്ഥികളും ഒരുമിച്ച് ആഘോഷത്തിൽ പങ്കുചേർന്നത് സ്കൂൾ കുടുംബത്തിന് മനോഹരമായ ഓർമ്മയായി.സ്കൂളിലെ ഓണാഘോഷത്തിന്റെ പ്രത്യേകതയായി ഓരോ ക്ലാസിലെ കുട്ടികളും ചേർന്ന് തയ്യാറാക്കി കൊണ്ടുവന്ന വിഭവങ്ങളോടെയാണ് ഓണസദ്യ ഒരുക്കിയത്. വിവിധങ്ങളായ കറികൾ, പായസം, അച്ചാറുകൾ തുടങ്ങിയവ കുട്ടികൾ തന്നെയാണ് കൊണ്ടുവന്നത്. അധ്യാപകരും വിദ്യാർത്ഥികളും ഒരുമിച്ച് ഇരുന്ന് പങ്കിട്ട ഓണസദ്യ ആഘോഷത്തിന് മാറ്റ് കൂട്ടി എല്ലാവർക്കും ഒരിക്കലും മറക്കാനാകാത്ത അനുഭവമായി

▶️ https://youtube.com/shorts/9YJqJK-mPdo?si=c6lYgJYQRT_TfA6N

ചങ്ങാതിക്കൂട്ടം

"ചങ്ങാതിക്കൂട്ടം"

Sept 1

ഗൃഹാധിഷ്ഠിത വിദ്യാഭ്യാസം നേടുന്ന കുട്ടികളുടെ വീടുകളിൽ BRC കോഴഞ്ചേരിയുടെ നേതൃത്വത്തിൽ ഓണാഘോഷം സംഘടിപ്പിച്ചു. നമ്മുടെ സ്കൂളിലെ 8ാം ക്ലാസ്സ് വിദ്യാർത്ഥിനിയായ മിത്രയുടെ വീട്ടിലും ആറാം ക്ലാസ്സ് വിദ്യാർത്ഥിയായ അഭിനവിന്റെയും വീട്ടിലാണ് പരിപാടികൾ സംഘടിപ്പിച്ചത്. പഠനത്തിനൊപ്പം ഉത്സവാനുഭവവും പങ്കുവയ്ക്കാൻ അവസരം ഒരുക്കുന്നതായിരുന്നു ആഘോഷം . പാട്ടും പൂക്കളവും സന്തോഷവും കൊണ്ട് കുട്ടികളുടെ മനസ്സും വീടും നിറയ്ക്കുന്ന ഒരു വേളയായി മാറി.

അക്ഷരമുറ്റം ക്വിസ്

Sept 17

"അക്ഷരമുറ്റം ക്വിസ് വിജയികൾക്ക് HM സ്മിത ടീച്ചർ സർട്ടിഫിക്കറ്റ് വിതരണം ചെയ്യുന്നു "

സ്കൂളിൽ ദേശാഭിമാനി അക്ഷരമുറ്റം ക്വിസ് സംഘടിപ്പിച്ചു. യു പി വിഭാഗത്തിൽ നിന്നും ആരാധ്യശ്രീ ഒന്നാം സ്ഥാനം നേടുകയും രണ്ടാം സ്ഥാനം അനാമിക വിനോദിനും ലഭിച്ചു. HS വിഭാഗത്തിൽ ഒന്നാം സ്ഥാനം അവന്തിക അശോക് നേടുകയും രണ്ടാം സ്ഥാനം കീർത്തി ലാലിന് ലഭിച്ചു. വിജയികൾക്ക് സർട്ടിഫിക്കറ്റ് വിതരണം ചെയ്തു. വിജയികൾക്ക് അഭിനന്ദനങ്ങൾ 🏆

സുപ്രസിദ്ധ സംവിധായകൻ ശ്രീ.തരുൺ മൂർത്തി നമ്മുടെ സ്കൂളിൽ

Sept 19

"കുട്ടികൾ തരുൺമൂർത്തിയോടൊപ്പം "

"SM vibes With THARUN MOORTHY "

മലയാള സിനിമയിലെ ശ്രദ്ധേയ സംവിധായകൻ ശ്രീ തരുൺ മൂർത്തി ,എസ്എൻഡിപി എച്ച്എസ്എസ് മുട്ടത്തുകോണം സ്കൂൾ സന്ദർശിച്ചു.മലയാളം സിനിമ ലോകത്തെ എക്കാ ലത്തെയും ഹിറ്റായ “തുടരും”, സൂപ്പർഹിറ്റുകൾ ആയ “Operation Java”, "സൗദി വെള്ളയ്ക്ക ” തുടങ്ങിയ ചിത്രങ്ങൾ വഴി സിനിമ ലോകത്ത് തന്റേതായ മുദ്ര പതിപ്പിച്ച കഴിവുറ്റ സംവിധായകനാണ് അദ്ദേഹം. 🎥👏 കുട്ടികളുമായി അദ്ദേഹം സംസാരിക്കുകയും അവർക്ക് പ്രചോദനം നൽകുകയും ചെയ്തു. കുട്ടികളുടെ ചോദ്യങ്ങൾക്കും സംശയങ്ങൾക്കും ഉത്തരങ്ങൾ നൽകി .സ്കൂളിൽ പ്രവർത്തിച്ചുവരുന്ന എഫ് എം റേഡിയോ എസ് എം വൈബ്സ് ലൂടെ അദ്ദേഹം കുട്ടികൾക്ക് സന്ദേശം നൽകുകയും ചെയ്തു. ഏറെ നേരം കുട്ടികളോടൊപ്പം ചിലവഴിച്ച ശേഷമാണ് അദ്ദേഹം മടങ്ങിയത്

നമ്മുടെ വിദ്യാർത്ഥികൾക്കും സ്കൂളിനും ഏറെ അഭിമാനകരമാണ് ഈ സന്ദർശനം

https://www.instagram.com/reel/DO0ZgJZk_8-/?igsh=c2Y5MzBnaTRkNG9y

സ്കൂൾ കലോത്സവം 2025-26

Sept 22

"അരങ്ങ്'

സ്കൂൾ കലോത്സവത്തിൽ കുട്ടികൾ അവതരിപ്പിക്കുന്നു

എസ് എസ്എൻഡിപി എച്ച് എസ് എസ് മുട്ടത്തുകോണം സ്കൂളിൽ നടന്ന കലോത്സവം കുട്ടികളുടെ കഴിവുകളും സൃഷ്ടിപരതയും തിളങ്ങി നിൽക്കുന്ന മനോഹരമായൊരു വേദിയായി മാറി. 2025 സെപ്റ്റംബർ 25 തിങ്കളാഴ്ച സ്കൂളിലെ ശ്രീശാരദ ഓഡിറ്റോറിയത്തിൽ വച്ച് നടന്ന ചടങ്ങ്, സ്കൂൾ പിടിഎ പ്രസിഡൻറ് അഡ്വ. സാനു എസ് കെ ഉദ്ഘാടനം ചെയ്തു. സ്കൂൾ പ്രിൻസിപ്പൽ എ ജി ജയറാണി , സ്കൂൾ ഹെഡ്മിസ്ട്രസ് സ്മിതാ ശ്രീധരൻ ചടങ്ങിൽ പങ്കെടുത്തു. നൃത്തം,കാവ്യാലാപനം തുടങ്ങിയ വിവിധ ഇനങ്ങളിലൂടെ വിദ്യാർത്ഥികൾ അവരുടെ കലാപരമായ കഴിവുകൾ ആത്മവിശ്വാസത്തോടെ അവതരിപ്പിച്ചു. ഈ മനോഹരമായ ആഘോഷം എല്ലാവർക്കും മറക്കാനാവാത്ത അനുഭവമായി.

വിദ്യാർത്ഥികളുടെ പഠനയാത്ര — മൈസൂർ & കൂർഗ്

Sept 26

• 
  ചാമുണ്ഡി ഹിൽസ്
• 
  സെൻറ് ഫിലോമിനാസ് ചർച്ച്
• 

വിദ്യാർത്ഥികളുടെ സമഗ്ര വളർച്ച ലക്ഷ്യമാക്കി സംഘടിപ്പിച്ച പഠനയാത്ര,പാഠപുസ്തക അറിവിന് പുറമെ പ്രായോഗിക അനുഭവങ്ങളും സാംസ്കാരിക ബോധവുമാണ് നൽകിയത്.മൈസൂറിന്റെയും കൂർഗിന്റെയും ചരിത്ര, സാംസ്കാരിക, പ്രകൃതി വൈവിധ്യങ്ങൾ അടുത്തറിയാനുള്ള മികച്ച അവസരമായി ഈ യാത്ര മാറി.പഠനത്തോടൊപ്പം സഹപാഠികളുമായുള്ള സൗഹൃദബന്ധങ്ങൾ ശക്തിപ്പെടുത്തുകയും ജീവിതാന്തം നിലനിൽക്കുന്ന വിലപ്പെട്ട ഓർമ്മകൾ സമ്മാനിക്കുകയും ചെയ്ത ഈ യാത്ര,നമ്മുടെ സ്കൂൾ കുടുംബത്തിന്റെ അഭിമാനകരമായ ഒരു അധ്യായമായി നിലനിൽക്കും.വിദ്യാർത്ഥികൾക്ക് അറിവും അനുഭവവും ഒരുപോലെ നൽകുന്ന ഈ പഠനയാത്ര,സാംസ്കാരികവും പ്രകൃതിസൗന്ദര്യവും പരിചയപ്പെടുത്തുന്ന മികച്ച അവസരമായി മാറി.ഇത് അവരുടെ വ്യക്തിത്വ വളർച്ചയ്ക്ക് മൂല്യമേറിയ സംഭാവനയായി.

ഓവറോൾ കിരീടം നേടി എസ്എൻഡിപി എച്ച്എസ്എസ് മുട്ടത്തുകോണം

6 Oct

കോഴഞ്ചേരി സബ്ജില്ല അത്‌ലറ്റിക്സ് ഓവറോൾ ചാമ്പ്യൻഷിപ്പ് നേടിയ ടീം

കോഴഞ്ചേരി സബ്‌ജില്ലാ കായികമേളയിൽ നമ്മുടെ സ്കൂൾ മികച്ച പ്രകടനം കാഴ്ചവെച്ച്, തുടർച്ചയായ രണ്ടാം വർഷവും ഓവറോൾ കിരീടം കരസ്ഥമാക്കി. വിദ്യാർത്ഥികളുടെ കഠിനാധ്വാനവും അധ്യാപകരുടെ മാർഗനിർദ്ദേശവും സംഘാടകരുടെ ഏകോപിത പ്രവർത്തനവും ഈ നേട്ടത്തിന് പിന്നിലെ പ്രധാന ഘടകങ്ങളാണ്.വിവിധ ഇനങ്ങളിൽ വിദ്യാർത്ഥികൾ പ്രകടിപ്പിച്ച മികവ്, അവരുടെ കഴിവും ആത്മവിശ്വാസവും പ്രതിഫലിപ്പിക്കുന്നു. ഈ വിജയം സ്കൂളിന്റെ കായികമേഖലയിലുള്ള പ്രതിബദ്ധതയും നിലവാരവും കൂടുതൽ ഉയർത്തുന്നതായി വിലയിരുത്തപ്പെടുന്നു.ഈ അഭിമാനകരമായ നേട്ടത്തിന് എല്ലാ വിജയികളായ വിദ്യാർത്ഥികൾക്കും അധ്യാപകർക്കും ഹൃദയം നിറഞ്ഞ അഭിനന്ദനങ്ങൾ

കായിക പ്രതിമകൾക്ക് അനുമോദനം

Oct 8

• കായിക പ്രതിഭകൾക്ക് അനുമോദനം
• 
• 
• 

കഠിനപ്രയത്നത്തിലൂടെയും അർപ്പണമനോഭാവത്തിലൂടെയും തോറ്റു കൊടുക്കില്ല എന്ന ഉറച്ച വിശ്വാസത്തിലൂടെയും രണ്ടാം തവണയും കൊടുമൺ സ്റ്റേഡിയത്തിൽ വെച്ച് നടന്ന കോഴഞ്ചേരി ഉപജില്ല അത്‌ലറ്റിക്സ് മീറ്റിൽ; മുട്ടത്ത്കോണം എസ് എൻ ഡി പി ഹയർ സെക്കൻഡറി സ്കൂൾ ഓവറോൾ ചാമ്പ്യൻഷിപ്പ് കരസ്ഥമാക്കി. സ്കൂൾ ഓഡിറ്റോറിയത്തിൽ സംഘടിപ്പിച്ച അനുമോദന യോഗത്തിൽ; പത്തനംതിട്ട എസ് എൻ ഡി പി യൂണിയൻ പ്രസിഡൻറ് കെ.പത്മകുമാർ മുഖ്യാതിഥി ആയിരുന്നു. പിടിഎ പ്രസിഡൻ്റ് അഡ്വ. എസ്.കെ. സാനു , പ്രിൻസിപ്പൽ ജയറാണി.എ.ജി , ഹെഡ്മിസ്ട്രസ്സ് സ്മിത ശ്രീധരൻ , പിടിഎ അംഗങ്ങൾ എന്നിവർ പങ്കെടുത്തു.

കൗൺസിലിംഗ് ക്ലാസ്- കൗമാരപ്രശ്നങ്ങളും പരിഹാരവും

Oct 16

കൗമാര പ്രശ്നങ്ങളും പരിഹാരവും എന്ന വിഷയത്തിൽ ഹൈസ്കൂൾ വിഭാഗം കുട്ടികൾക്കായി നടത്തിയ കൗൺസിലിംഗ് ക്ലാസ്സ്‌ സ്കൂൾ ഹെഡ്‌മിസ്ട്രസ് ശ്രീമതി സ്മിതാ ശ്രീധരൻ ഉദ്ഘാടനം ചെയ്തു. സ്നേഹിത @സ്കൂൾ കൗൺസിലർ ശ്രീമതി മനീഷ ക്ലാസ്സ്‌ നയിച്ചു. കുട്ടികളുടെ സംശയങ്ങൾ, ആശങ്കകൾ, പ്രശ്നങ്ങൾ ഇവയ്ക്ക് കൃത്യമായി പരിഹാര നിർദേശങ്ങൾ നൽകാനും ഈ ക്ലാസ്സിന് കഴിഞ്ഞു. സ്കൂൾ ഹെൽത്ത്‌ കോർഡിനേറ്റർ ശ്രീമതി നീതു സജീവ് കുട്ടികൾക്ക്  വേണ്ട നിർദേശങ്ങൾ നൽകി.

ലോക ഭക്ഷ്യസുരക്ഷാ ദിനം

Oct 16

ലോക ഭക്ഷ്യസുരക്ഷാ ദിനവുമായി ബന്ധപ്പെട്ട് ആഗോള പട്ടിണിയെയും ഭക്ഷ്യസുരക്ഷാ പ്രശ്നങ്ങളെയും കുറിച്ചുള്ള അവബോധം വർദ്ധിപ്പിക്കുകയും, എല്ലാവർക്കും സുസ്ഥിരവും പോഷകസമൃദ്ധവുമായ ഭക്ഷണം ലഭ്യമാക്കാനുള്ള പ്രവർത്തനങ്ങളെ പ്രോത്സാഹിപ്പിക്കുകയും ചെയ്യുന്നതിന്റെ ഭാഗമായി വിദ്യാർത്ഥികൾ വ്യത്യസ്തമായ ഭക്ഷണവിഭവങ്ങൾ തയ്യാറാക്കി പ്രദർശിപ്പിച്ചു.

വ്യത്യസ്ത പ്രദേശങ്ങളിലെ വൈവിധ്യമാർന്ന ഭക്ഷണവിഭവങ്ങൾ തയ്യാറാക്കി കൊണ്ടുവന്ന കുട്ടികൾ, അതിന്റെ രുചിയും പ്രത്യേകതകളും തമ്മിൽ പങ്കുവെച്ച് അറിവും അനുഭവങ്ങളും കൈമാറി. ഈ പ്രവർത്തനം ഭക്ഷണത്തിന്റെ മൂല്യവും പങ്കിടലിന്റെ മഹത്വവും കുട്ടികൾക്ക് മനസ്സിലാക്കാൻ സഹായിച്ചു.

കൂടാതെ, ഭക്ഷണം പാഴാക്കാതിരിക്കുക, പ്രകൃതിസൗഹൃദമായ രീതിയിൽ ഭക്ഷ്യ ഉൽപ്പാദനം നടത്തുക, എല്ലാവർക്കും തുല്യമായി ഭക്ഷണം ലഭ്യമാക്കേണ്ടതിന്റെ പ്രാധാന്യം എന്നിവയും കുട്ടികൾ ഉൾക്കൊണ്ടു.

സബ്ജില്ലാ ശാസ്ത്രമേളയിൽ ഓവറോൾ ജയം

Oct 26

കോഴഞ്ചേരി ഉപജില്ലാതലത്തിൽ സംഘടിപ്പിച്ച വിവിധ മേളകളിൽ എസ്എൻഡിപി എച്ച്.എസ്.എസ് മുട്ടത്തുകോണം സ്കൂളിലെ വിദ്യാർത്ഥികൾ ശ്രദ്ധേയമായ നേട്ടങ്ങൾ കൈവരിച്ചു.സബ് ജില്ലാ പ്രവൃത്തിപരിചയമേളയിൽ UP, HS വിഭാഗങ്ങളിലെ വിദ്യാർത്ഥികൾ മികച്ച പ്രകടനം കാഴ്ചവെച്ച് ഒന്നാം സ്ഥാനം കരസ്ഥമാക്കി. കൂടാതെ, സബ് ജില്ലാ ഐ.ടി. മേളയിൽ ഹൈസ്കൂൾ വിഭാഗം രണ്ടാം സ്ഥാനം നേടി. ഗണിതശാസ്ത്രമേളയിലും സ്കൂളിന് രണ്ടാം സ്ഥാനം നേടാൻ സാധിച്ചു.ഇതിനോടനുബന്ധമായി സമാഹരിച്ച പോയിന്റുകളുടെ അടിസ്ഥാനത്തിൽ, ഈ വർഷത്തെ ശാസ്ത്രമേളയിൽ ഹൈസ്കൂൾ വിഭാഗം ഓവറോൾ ചാമ്പ്യൻഷിപ്പ് നേടി സ്കൂൾ മികച്ച വിജയം കരസ്ഥമാക്കി.

ലിറ്റിൽ കൈറ്റ്സ്ഏകദിന ക്യാമ്പ്

Oct 28

• 
• 
  ലിറ്റിൽ കൈറ്റ്സ് ഏകദിന ക്യാമ്പ്

2025-2026 അധ്യയന വർഷത്തെ 9 ക്ലാസ്സിലെ ലിറ്റിൽ കൈറ്റ്സ് കുട്ടികളുടെ ഏകദിന ക്യാമ്പ് സ്കൂളിൽ നടത്തി. കോഴഞ്ചേരി ഉപ ജില്ല കൈറ്റ് മാസ്റ്റർ ശ്രീ. ഗിരീഷ് സാർ ആണ് ക്ലാസ്സുകൾ നയിച്ചത്‌. കുട്ടികൾക്ക് ഫലപ്രദമാകുന്ന അനിമേഷൻ,സ്ക്രാച്ച് ഗെയിം എന്നീ വിഷയങ്ങളിൽ ആണ്ക്ലാസ്സുകൾ എടുത്തത്.

ലോക പുകയില വിരുദ്ധ ദിനം

Oct 30

World No Tubacco Day Awareness Rally-Innovate India എന്ന പ്രോഗ്രാമിന്റെ ഭാഗമായി സ്കൂളിൽ റാലി, പോസ്റ്റർ രചന, ബോധവൽക്കരണ പ്രവർത്തനങ്ങൾ എന്നിവ നടത്തി.പുകവലി, പുകയില രഹിത രൂപങ്ങൾ എന്നിവയുൾപ്പെടെ പുകയില ഉപഭോഗത്തിന്റെ അപകടങ്ങളിൽ നിന്ന് വർത്തമാന, ഭാവി തലമുറകളെ സംരക്ഷിക്കേണ്ടതിന്റെ അടിയന്തിര ആവശ്യകതയെ ഈ ദിനം എടുത്തുകാണിക്കുന്നു. പൊതുജനാരോഗ്യത്തോടുള്ള പ്രതിബദ്ധതയെ ഇത് ശക്തിപ്പെടുത്തുകയും പ്രതിരോധ നടപടികൾ, പെരുമാറ്റം, ആരോഗ്യ പ്രോത്സാഹനം എന്നിവയിലൂടെ സാംക്രമികേതര രോഗങ്ങളുടെ ഭാരം കുറയ്ക്കുന്നതിനുള്ള ദേശീയ ശ്രമങ്ങളെ ഈ പ്രവർത്തനങ്ങളിലൂടെ പിന്തുണയ്ക്കുകയും ചെയ്യുന്നു.

• 
• 
  ലോക പുകയില വിരുദ്ധ ദിനം

സ്കൂളിലെ പച്ചക്കറിത്തോട്ട.നവീകരണം

Oct 31

സ്കൂളിലെ പച്ചക്കറിത്തോട്ടം നവീകരിക്കുന്നതിനായുള്ള പ്രവർത്തനങ്ങൾ നടന്നു വരുന്നു. അതിൻറെ ഭാഗമായി ശ്രീമതി മഞ്ജുഷ മെമ്പറുടെ നിർദ്ദേശപ്രകാരം ചെന്നീർക്കര കൃഷിഭവനിൽ നിന്നും ലഭി ച്ച ചെടിച്ചട്ടികളും, പച്ചക്കറി തൈകളും ഉപയോഗിച്ചു സ്കൂൾ പച്ചക്കറിത്തോട്ടം വിപുലീകരിച്ചു

കുട്ടികൾ പച്ചക്കറിത്തോട്ട വിപുലീകരണത്തിൽ

JRCയുടെ വിദ്യാർത്ഥികളും അധ്യാപകരും കൈകോർത്തു പ്രവർത്തിച്ച്, സ്കൂളിലെ പച്ചക്കറിത്തോട്ടം കൂടുതൽ മനോഹരവും വിപുലവുമായ രീതിയിൽ വികസിപ്പിച്ചു. കുട്ടികളിൽ കൃഷിയോടുള്ള താല്പര്യം വളർത്തുന്നതിനും പരിസ്ഥിതി സംരക്ഷണത്തിന്റെ പ്രാധാന്യം ബോധ്യപ്പെടുത്തുന്നതിനും ഈ സംരംഭം വലിയൊരു അവസരമായി മാറി

കോഴഞ്ചേരി സംസ്കൃതോൽസവത്തിലും കലോത്സവത്തിലും മികച്ച പ്രകടനം

Nov 5

സബ്ജില്ലാ സംസ്കൃതോത്സവത്തിലും കലോത്സവത്തിലും മികച്ച വിജയം നേടിയ കുട്ടികൾ

സംസ്കൃതോൽസവത്തിൽ UP വിഭാഗം വിദ്യാർത്ഥികൾ അസാധാരണമായ മികവ് തെളിയിച്ച് ഓവറോൾ ചാമ്പ്യൻഷിപ്പ് കരസ്ഥമാക്കി. അതുപോലെ, കലോത്സവത്തിൽ ഹൈസ്കൂൾ വിഭാഗം രണ്ടാം ഓവറോൾ സ്ഥാനവും ഹയർ സെക്കൻഡറി വിഭാഗം മൂന്നാം ഓവറോൾ സ്ഥാനവും നേടുകയും ചെയ്തു. വിവിധ മത്സര ഇനങ്ങളിൽ പങ്കെടുത്ത വിദ്യാർത്ഥികൾ മികച്ച പ്രതിഭയും മത്സരാത്മക മനോഭാവവും പ്രകടിപ്പിച്ചു.

ഈ നേട്ടങ്ങൾ വിദ്യാർത്ഥികളുടെ കഠിനാധ്വാനത്തിന്റെയും അധ്യാപകരുടെ സമർപ്പിതമായ മാർഗനിർദ്ദേശത്തിന്റെയും മാതാപിതാക്കളുടെ പിന്തുണയുടെയും ഫലമായി വിലയിരുത്തപ്പെടുന്നു. വിദ്യാർത്ഥികളുടെ സർവ്വതോമുഖ വികസനത്തിന് ഇത്തരം വിജയങ്ങൾ ഏറെ പ്രചോദനമാകുന്നു

പ്രതിഭകൾക്ക് ആദരം: അനുമോദന യോഗം

Nov 6

• 
• 
  വിധ മേളകളിൽ മികവ് നേടിയ കുട്ടികൾക്ക് സ്കൂളിൻറെ ആദരം

കോഴഞ്ചേരി സബ് ജില്ലാ തലത്തിൽ സംഘടിപ്പിച്ച കായിക, ശാസ്ത്ര, കലാ മേളകളിൽ മുട്ടത്തുകോണം സ്കൂളിലെ വിദ്യാർത്ഥികൾ ശ്രദ്ധേയമായ നേട്ടങ്ങൾ കൈവരിച്ചു. കായികമേളയിലും ശാസ്ത്രമേളയിലും ഒന്നാം സ്ഥാനങ്ങൾ കരസ്ഥമാക്കി സ്കൂൾ മികവ് തെളിയിച്ചു. UP വിഭാഗം സംസ്കൃതോൽസവത്തിൽ ഓവറോൾ ചാമ്പ്യൻഷിപ്പ് നേടി; കലോത്സവത്തിൽ ഹൈസ്കൂൾ വിഭാഗം രണ്ടാം ഓവറോൾ സ്ഥാനവും ഹയർ സെക്കൻഡറി വിഭാഗം മൂന്നാം ഓവറോൾ സ്ഥാനവും സ്വന്തമാക്കി.

ഈ നേട്ടങ്ങളുടെ ഭാഗമായി സ്കൂൾ ഓഡിറ്റോറിയത്തിൽ സംഘടിപ്പിച്ച അനുമോദന യോഗത്തിൽ പത്തനംതിട്ട എസ്.എൻ.ഡി.പി യൂണിയൻ പ്രസിഡന്റ് കെ. പത്മകുമാർ മുഖ്യാതിഥിയായി പങ്കെടുത്തു. പി.ടി.എ പ്രസിഡന്റ് അഡ്വ. എസ്. കെ. സാനു, പ്രിൻസിപ്പൽ ജയറാണി എ.ജി, ഹെഡ്മിസ്ട്രസ് സ്മിത ശ്രീധരൻ, പി.ടി.എ അംഗങ്ങൾ എന്നിവർ ചടങ്ങിൽ സാന്നിധ്യം വഹിച്ചു.

ആർ ശങ്കർ അനുസ്മരണo

Nov 7

• 
• 
• 
  ആർ ശങ്കർ അനുസ്മരണം

അവശ വിഭാഗങ്ങളുടെ മുന്നണി പ്പോരാളി എന്ന നിലയിൽ സമാനത കളില്ലാത്ത തലയെടുപ്പോടെ ധീരമായി പ്രവർത്തിച്ച് ചരിത്രം സൃഷ്ടിച്ച മഹാനായിരുന്നു R ശങ്കർ.ഇരുന്ന ഒരു കസേരയും തന്നെക്കാൾ വലുതാണെന്നു കരുതുന്നില്ലെന്നു പറയാനുള്ള ആത്മവിശ്വാസം പ്രകടിപ്പിച്ച വ്യക്തിത്വം. മുൻമുഖ്യമന്ത്രി, SNDP യോഗം പ്രസിഡന്റ്‌, സെക്രട്ടറി എന്നീ നിലകളിൽ പ്രവർത്തിക്കുമ്പോൾ വിദ്യാഭ്യാസം കൊണ്ട് മാത്രമേ ഉന്നമനം നേടാൻ കഴിയൂ എന്ന ആദർശം ഉൾക്കൊണ്ട് കേരളത്തിൽ വിദ്യാഭ്യാസസ്ഥാപനങ്ങൾ അനുവദിക്കുകയും അത് വഴി പിന്നോക്ക വിഭാഗങ്ങൾക്ക് കരുത്തു നൽകുകയും ചെയ്ത മഹത് വ്യക്തിത്വം. അദ്ദേഹം അനുവദിച്ച നമ്മുടെ വിദ്യാലയത്തിലും ഇന്ന് അദ്ദേഹത്തിന്റെ 53 മത് ചരമവാർഷിക ദിനത്തോടനുബന്ധിച്ചു ആർ ശങ്കർ അനുസ്മരണം നടത്തി.HM സ്മിത ടീച്ചറിന്റെ നേതൃത്വത്തിൽ പ്രത്യേക അസംബ്ലി ചേരുകയും പുഷ്‌പ്പാർച്ചന നടത്തുകയും ചെയ്തു

പഠന യാത്ര

Nov 9

• 
  വാഗമൺ -പരുന്തുംപാറ പഠനയാത്ര
• 
• 

പഠനത്തോടൊപ്പം കുട്ടികളുടെ മാനസിക ഉല്ലാസത്തിനും പ്രാധാന്യം നൽകിക്കൊണ്ട് അഞ്ചു മുതൽ പത്താം ക്ലാസ് വരെയുള്ള വിദ്യാർത്ഥികളെ ഉൾപ്പെടുത്തി ഏകദിന പഠന-വിനോദയാത്ര സംഘടിപ്പിച്ചു. ഇടുക്കി ജില്ലയിലെ വാഗമൺ, പരുന്തുംപാറ എന്നീ സുന്ദരമായ വിനോദസഞ്ചാര കേന്ദ്രങ്ങളായിരുന്നു യാത്രയ്ക്കായി തെരഞ്ഞെടുത്തത്.

പ്രകൃതിയുടെ മടിത്തട്ടിൽ പഠനവും വിനോദവും ഒരുമിച്ചുചേർന്ന ഈ യാത്ര കുട്ടികൾക്ക് പുതുമയാർന്ന അനുഭവമായി മാറി. യാത്രയുടെ ഓരോ നിമിഷവും അവർ പരമാവധി പ്രയോജനപ്പെടുത്തി സന്തോഷത്തോടെ ആഘോഷിച്ചു.

ശിശുദിനാഘോഷം

Nov 14

ശിശുദിനാഘോഷം

ശിശുദിനം എന്ന വാക്ക് കേൾക്കുമ്പോൾ തന്നെ എല്ലാവരുടെയും മനസിൽ തെളിയുന്ന മുഖം സ്വതന്ത്ര ഇന്ത്യയുടെ ആദ്യത്തെ പ്രധാനമന്ത്രിയായിരുന്ന ജവഹർലാൽ നെഹ്‌റുവിന്റെയാണ്. കുട്ടികളെ ഏറെ സ്‌നേഹിച്ചിരുന്ന നെഹ്റുവിൻ്റെ ജന്മദിനമായ നവംബർ 14നാണ് ശിശുദിനമായി ആചരിക്കുന്നത്. ശിശുദിനത്തോടനുബന്ധിച്ചു സ്കൂളിൽ പ്രത്യേക അസംബ്ലി ചേരുകയും കുട്ടികൾ പ്രസംഗം, ശിശുദിനഗാനം, പോസ്റ്റർ, ശിശുദിന സന്ദേശം തുടങ്ങിയ പരിപാടികൾ സംഘടിപ്പിച്ചു. HM സ്മിത ടീച്ചർ, കൃഷ്ണ ടീച്ചർ എന്നിവർ ശിശുദിന ആശംസകൾ നൽകി

പോസ്റ്റർ രചന മത്സരം

തി മിഷന്റെ നേതൃത്വത്തിൽ ശിശുദിനവുമായി ബന്ധപ്പെട്ടു "എന്റെ സ്വപ്നം" എന്ന വിഷയത്തിൽ UP വിഭാഗം കുട്ടികൾക്കായി പോസ്റ്റർ രചന നടത്തി.

ഹരിത സേന

Nov 16

നവംബർ 14 ന് ഹരിത സേനയുടെ ആഭിമുഖ്യത്തിൽ    6,7,8,9, ക്ലാസ്സുകളിലെ കുട്ടികളെ

ഉൾക്കൊള്ളിച്ചുകൊണ്ട്  ഹരിത സേന ക്ലബ് രൂപീകരിച്ചു. സ്കൂളിലെ പച്ചക്കറിത്തോട്ടം,പൂന്തോട്ടം വിപുലീകരിക്കൽ, കുട്ടികളുടെ വീട്ടിലെയും സ്കൂളികളിലെയും വിവിധ തരം മാലിന്യത്തെ കുറിച്ച് അവബോധം നൽകുകയും, മാലിന്യ നിർമാർജനത്തെക്കുറിച്ച് അവബോധം ഉണ്ടാക്കുകയും, മാലിന്യങ്ങൾ പ്ലാസ്റ്റിക് മാലിന്യങ്ങൾ, ജൈവമാലിന്യങ്ങൾ എന്നിങ്ങനെ തരം തിരിച്ചു പുനരുൽപ്പാദനം നടത്താൻ കഴിയുന്ന കണ്ടെത്തി നടത്താൻ ശ്രമിക്കണം. അധ്യാപകരായ കൃഷ്ണ, ചിപ്പി ,മഞ്ജു ഹണി എന്നിവർ ഹരിതസേനയുമായി ബന്ധപ്പെട്ട നിർദ്ദേശങ്ങൾകുട്ടികൾക്കു നൽകി

https://www.instagram.com/reel/DRHv6HLk0Bn/?igsh=MTRsc3dnaXpidzgxYQ==

സൗജന്യ നേത്ര ചികിത്സാ ക്യാമ്പ്

Nov 20

നേത്രചികിത്സ ക്യാമ്പ്

നാഷണൽ പ്രോഗ്രാം ഫോർ കൺട്രോൾ ഓഫ് ബ്ലൈൻഡ്നെസ് ആൻഡ് വിഷ്വൽ ഇമ്പയർമെന്റ് എന്ന പ്രോഗ്രാമിന്റെ നേതൃത്വത്തിൽ സ്കൂളിൽ സൗജന്യനേത്ര ചികിത്സാ ക്യാമ്പ് നടത്തി.പത്തനംതിട്ട, ഇലന്തൂർ, തുമ്പമൺ,എന്നിവിടങ്ങളിലെ നേത്ര സംരക്ഷണമേഖലയിലെ വിദഗ്ധരായ അജിത,രശ്മി, രതീഷ്, ഡസ്സിൻ എന്നിവർ ക്യാമ്പിന് നേതൃത്വം നൽകി. ക്യാമ്പ് പരമാവധി പ്രയോജനപ്പെടുത്തൻ കുട്ടികൾ ശ്രമിച്ചു.

പി ടി എ പൊതുയോഗവും SMC അംഗങ്ങളുടെ തിരഞ്ഞെടുപ്പും

Nov 21

നമ്മുടെ സ്കൂളിലെ രണ്ടാം ടേമിലെ പി ടി എ പൊതുയോഗം  സ്കൂൾ ഓഡിറ്റോറിയത്തിൽ വെച്ച് നടന്നു. പി ടി എ പ്രസിഡൻ്റ് അഡ്വ.എസ്.കെ. സാനുവിൻ്റെ അധ്യക്ഷതയിൽ ചേർന്ന യോഗത്തിൽ പ്രിൻസിപ്പൽ ജയറാണി എ.ജി. സ്വാഗതം ആശംസിച്ചു. ഹെഡ്മിസ്ട്രസ്സ് സ്മിത ശ്രീധരൻ , പി ടി എ വൈസ് പ്രസിഡൻ്റ് മഞ്ജുഷ എൽ , മദർ പി ടി എ പ്രസിഡൻ്റ് സുമിത രഞ്ജിത്ത് , സീനിയർ അസിസ്റ്റൻ്റ് രേഖ.എം.ആർ എന്നിവർ പ്രസംഗിച്ചു. തുടർന്ന് എസ് എം സി ഭാരവാഹികളുടെ തിരഞ്ഞെടുപ്പ് നടന്നു. ശ്രീമതി നിഷാ പ്രമോദ്  SMC ചെയർപേഴ്സൺ, ശുഭ അജിത് വൈസ് ചെയർപേഴ്സൺ ആയി 16 അംഗ കമ്മിറ്റിയെ തിരഞ്ഞെടുത്തു.

വയലാറിന്റെ ഓർമ്മകൾക്ക് സ്വരം പകർന്ന് കലവൂർ ചന്ദ്രബാബു

Nov 21

മരണമില്ലാത്ത മഹാകവി; മലയാളഭാഷയെ ചന്ദ്രകളഭമണിയിച്ച വയലാർ രാമവർമയുടെ വിയോഗത്തിന് 50 വർഷം. പ്രണയം, വിരഹം, ഉത്സവം, വിപ്ലവം, ഭക്തി, തത്വചിന്തകൾ തുടങ്ങി നമ്മുടെ ജീവിതത്തിലെ എല്ലാ ഭാവങ്ങൾക്കും വയലാർ കൂട്ടുവന്നിട്ടുണ്ട്. ‘സത്യത്തിന്റെയും സൗന്ദര്യത്തിന്റെയും ലോകത്തെ തേടിയ കാവ്യഹൃദയം.മലയാളികളുടെ മനസ്സിൽ മായാതെ കിടക്കുന്ന വയലാർ ഗാനങ്ങളെ കുട്ടികൾക്ക് പരിചയപ്പെടുത്തി കൊടുക്കുകയും,രസിപ്പിക്കുകയും ചെയ്തു പ്രസ്ത ഗായകൻ കലവൂർ ചന്ദ്രബാബു.

ലഹരി വിരുദ്ധ ക്യാമ്പയിൻ

Nov 24

ലഹരി വിരുദ്ധ റാലി

മോഡൽ ലയൺസ് ക്ലബ് ഓഫ് ട്രാവൻകൂർ എമിറേറ്റ്‌സിന്റെ പിന്തുണയോടെ ഇന്ന് സ്കൂളിൽ ലഹരി വിരുദ്ധ ക്യാമ്പയിൻ നടന്നു. വിദ്യാർത്ഥികൾ സ്കൂൾ ഗ്രൗണ്ടിൽ ഒത്തുകൂടി മൊബൈൽ ഡിജിറ്റൽ യൂണിറ്റ് വഴി അവതരിപ്പിച്ച ബോധവൽക്കരണ സെഷനിൽ പങ്കെടുത്തു. മയക്കുമരുന്ന് ഉപയോഗത്തിന്റെ അപകടങ്ങളെക്കുറിച്ചും,, മയക്കുമരുന്ന് രഹിത ജീവിതം തിരഞ്ഞെടുക്കാൻ വിദ്യാർത്ഥികളെ പ്രോത്സാഹിപ്പിക്കുകയും ചെയ്യുന്ന തരത്തിലുള്ള പ്രവർത്തനങ്ങൾ ആയിരുന്നു അവതരിപ്പിച്ചത്. മയക്കുമരുന്ന് രഹിത ക്യാമ്പസ് എന്ന ലക്ഷ്യം നിലനിർത്തുന്നതിനോടൊപ്പം സ്കൂളിന്റെ പ്രതിബദ്ധതയെ ശക്തിപ്പെടുത്താൻ ശ്രമിക്കുകയാണ് ഈ പ്രോഗ്രാമിലൂടെ

സെമിനാർ

Nov 28

10 ക്ലാസ്സിലെ ലിറ്റിൽ കൈറ്റ്സ് കുട്ടികളുടെ പഠന പ്രവർത്തനമായ സെമിനാർ അവതരണം

കുട്ടികളിലെ ഡിജിറ്റൽ ആസക്തി (Digital Addiction) ഇന്ന് വളരെ ശക്തമായി വളർന്ന് വരുന്ന ഒരു പ്രശ്നമാണ്. ഫോണും ടാബും ഗെയിമുകളും സോഷ്യൽ മീഡിയയും ആവശ്യത്തിലധികം ഉപയോഗിക്കുന്നത് കുട്ടികളുടെ മനഃശാന്തിക്കും പഠനത്തിനും പെരുമാറ്റത്തിനും വലിയ ആഘാതം സൃഷ്ടിക്കുന്നു. ഇതിനെക്കുറിച്ച് കൂടുതൽമനസ്സിലാക്കുന്നതിനു വേണ്ടി

കുട്ടികളിലെ ഡിജിറ്റൽ ആസക്തി, സൈബർ ബുള്ളിങ് എന്ന വിഷയങ്ങളിൽ ലയ റോസ് മനു, ആരാധന ആർ എന്നീ കുട്ടികൾ 9 ക്ലാസ്സിലെ കുട്ടികൾക്ക് ക്ലാസ്സുകൾ എടുക്കുകയും ബോധവൽക്കരണം നടത്തുകയും ചെയ്തു.

ഡിസംബർ 3- ഭിന്നശേഷി ദിനം

Dec 3

• 
• 
  ഭിന്നശേഷി ദിനാചരണം
• 

ഭിന്നശേഷിയുള്ളവരുടെ അവകാശങ്ങൾ സംരക്ഷിക്കുകയും, എല്ലാവർക്കും ഉൾക്കൊള്ളുന്ന ഒരു സമൂഹം സൃഷ്ടിക്കുകയും ചെയ്യുന്നതാണ് ലക്ഷ്യമാക്കുന്നത്. വിദ്യാഭ്യാസം, തൊഴിൽ, ഗതാഗതം, ആരോഗ്യസംരക്ഷണം തുടങ്ങി ജീവിതത്തിന്റെ എല്ലാ മേഖലകളിലും സമാന അവസരങ്ങൾ ഉറപ്പാക്കാൻ അവബോധം വർദ്ധിപ്പിക്കുന്ന ദിനമാണിത്.”ഇതിന്റെ ഭാഗമായി സ്കൂളിൽ പ്രത്യേക അസംബ്ലി ചേരുകയും,ഭിന്നശേഷി വിഭാഗത്തിൽ സംസ്ഥാന തലത്തിൽ ഹാൻഡ് ബോളിൽ പങ്കെടുത്ത എസ്തറിനെ അനുമോദിക്കുകയും ചെയ്തു.ഭിന്നശേഷിക്കാരായ കുട്ടികളെ ചേർത്തു നിർത്തേണ്ടതിന്റെ ആവശ്യകതയെക്കുറിച്ച് ഷീല ടീച്ചർ സംസാരിക്കുകയും ചെയ്തു.

ക്രിസ്മസ് ആഘോഷം

Dec 23

• 
• 
  സ്കൂളിലെ ക്രിസ്മസ് ദിനാഘോഷം
• 

ദീപപ്രഭ ചൊരിയുന്ന മെഴുകുതിരികളും തിരുപ്പിറവി ആലേഖനം ചെയ്ത പുൽക്കൂടുമായി നമുക്ക് ഈ ക്രിസ്മസിനെ വരവേൽക്കാം. ക്രിസ്മസ് ദിനസന്ദേശം HM സ്മിത ടീച്ചർ കുട്ടികൾക്ക് നൽകി. തുടർന്ന് കുട്ടികൾ കരോൾ ഗാനം ആലപിച്ചു. മധുരം പങ്കുവെക്കുകയും കുട്ടികൾ കലാപരിപാടികൾ നടത്തുകയും ചെയ്തു. ഏവർക്കും സന്തോഷത്തിന്റെയും സമാധാനത്തിന്റെയും ക്രിസ്തുമസ് ദിന ആശംസകൾ.

കൗതുകം ഉണർത്തിയ സയൻസ് സിറ്റി യാത്ര

Jan 9

• ലിറ്റിൽ കൈറ്റ്സ് കുട്ടികൾ സയൻസ് സിറ്റിയിൽ
• 
• 
• 

ഫൺ സയൻസ് ഗാലറി മുതൽ 3D തിയേറ്റർ വരെ — ഫൺ സയൻസ്, എമർജിംഗ് ടെക്‌നോളജി, മറൈൻ സയൻസ്, ഔട്ട്‌ഡോർ സയൻസ് പാർക്ക്, ആക്റ്റിവിറ്റി സെന്റർ എന്നിവയിലൂടെ അറിവും കൗതുകവും നിറഞ്ഞ അനുഭവങ്ങൾ കുട്ടികൾക്ക് സമ്മാനമായി. ഓരോ പ്രദർശനവും ശാസ്ത്രത്തിന്റെ അത്ഭുതലോകത്തേക്ക് കുട്ടികളെ കൈപിടിച്ചു നയിച്ചു. പരീക്ഷണങ്ങളിലൂടെ പഠിക്കുകയും, കാണുന്നതിനേക്കാൾ അനുഭവിച്ച് മനസ്സിലാക്കുകയും ചെയ്ത ഈ യാത്ര കുട്ടികളുടെ ചിന്തകളെയും സൃഷ്ടിപരതയെയും കൂടുതൽ ഉണർത്തി.ശാസ്ത്രത്തെ അടുത്തറിയുന്ന ഒരു ദിനം — ലിറ്റിൽ കൈറ്റ്സ് കുട്ടികളോടൊപ്പം സയൻസ് സിറ്റിയിൽ ചെലവഴിച്ച ഈ സമയം, പഠനവും വിനോദവും ചേർന്ന ഒരു മനോഹര അനുഭവമായി മാറി. പുതിയ അറിവുകളും കൗതുകങ്ങളും മനസിലേറ്റി, ശാസ്ത്രത്തോടുള്ള കൂടുതൽ സ്നേഹവും ആവേശവും കുട്ടികളിൽ വിതച്ച ഒരു മറക്കാനാവാത്ത ദിനം

റിപ്പബ്ലിക് ദിനാഘോഷം

• റിപ്പബ്ലിക് ദിനാഘോഷം
• 
• 
• 

Jan 26

1950 ജനുവരി 26 ന് ഭരണഘടന അംഗീകരിച്ചതോടെ ഇന്ത്യ സ്വയം ഒരു പരമാധികാര, ജനാധിപത്യ, റിപ്പബ്ലിക് രാഷ്ട്രമായി പ്രഖ്യാപിച്ചു.എഴുപത്തിയേഴാം റിപ്പബ്ലിക് ദിനം ആഘോഷിക്കുന്നവേളയിൽ നമ്മുടെ സ്കൂളിൽ HM സ്മിത ടീച്ചർ പതാക ഉയർത്തുകയും മുൻ HM സജീവൻ സാർ, രേഖ ടീച്ചർ എന്നിവർ റിപ്പബ്ലിക് ദിന സന്ദേശം നൽകുകയും ചെയ്തു. NCC, സ്കൗട്ട് ആൻഡ് ഗൈഡ് അംഗങ്ങളും, അധ്യാപകരും, കുട്ടികളും പങ്കെടുക്കുകയും ചെയ്തു. കുട്ടികൾ വന്ദേമാതരവും, ദേശഭക്തിഗാനവും അവതരിപ്പിച്ചു.

മുട്ടത്തുകോണം എസ് എൻ ഡി പി ഹയർസെക്കൻ്ററി സ്കൂൾ വാർഷിക ആഘോഷവുംഎഡ്യൂഫെസ്റ്റും

Jan 28

• സ്കൂൾ വാർഷികവും എഡ്യുഫെസ്റ്റും
• 
• 
• 

മുട്ടത്തുകോണം എസ് എൻ ഡി പി ഹയർസെക്കൻ്ററി സ്കൂളിലെ വാർഷികവും "എഡ്യൂഫെസ്റ്റ്" എന്ന മികവുത്സവും സംയുക്തമായി ആഘോഷിച്ചു. പത്തനംതിട്ട എസ് എൻ ഡി പി യൂണിയൻ പ്രസിഡൻ്റ് കെ. പത്മകുമാർ ഉദ്ഘാടനകർമ്മം നിർവ്വഹിച്ചു. ജില്ലാ പഞ്ചായത്ത് മെമ്പർ സ്റ്റെല്ല തോമസ് മുഖ്യപ്രഭാഷണം നിർവ്വഹിച്ചു. സ്കൂളിലെ പൂർവ്വ വിദ്യാർത്ഥിയും പ്രശസ്ത സിനിമാ സംവിധായകനും തിരക്കഥാകൃത്തും നിർമ്മാതാവുമായ ജിനു എബ്രഹാം മുഖ്യാതിഥി ആയിരുന്നു. പിടിഎ പ്രസിഡൻ്റ് അഡ്വ. എസ്. കെ. സാനു അധ്യക്ഷത വഹിച്ച യോഗത്തിൽ പ്രിൻസിപ്പൽ ജയറാണി. എ. ജി സ്വാഗതം ആശംസിച്ചു. ചെന്നീർക്കര ഗ്രാമപഞ്ചായത്ത് പ്രസിഡൻ്റ് കൊച്ചുമോൾ കോശി എൻഡോവ്മെൻ്റുകൾ വിതരണം ചെയ്തു. ഹെഡ്മിസ്ട്രസ്സ് സ്മിത ശ്രീധരൻ വാർഷിക റിപ്പോർട്ട് അവതരിപ്പിച്ചു. മുൻ പ്രിൻസിപ്പൽ ശിരീഷ്. പി , മുട്ടത്ത്കോണം എസ് എൻ ഡി പി ശാഖാ സെക്രട്ടറി സുരേന്ദ്രൻ. എസ് , ജനതാ ലൈബ്രറി പ്രസിഡൻ്റ് ബൈജു. പി.ഡി , എസ് എം സി ചെയർ പേഴ്സൺ നിഷ രാജൻ , മദർ പി ടി എ പ്രസിഡൻ്റ് സുമിതാ കുമാരി , സീനിയർ അധ്യാപികമാരായ രേഖ.എം.ആർ , കൃഷ്ണമ്മ. ആർ എന്നിവർ പങ്കെടുത്തു.തുടർന്ന് എഡ്യൂഫെസ്റ്റിൻ്റ ഭാഗമായി അക്കാദമിക കലാ കായിക ശാസ്ത്ര മേളകളിൽ മികവ് തെളിയിച്ച മുഴുവൻ വിദ്യാർത്ഥികളെയും ആദരിച്ചു.

എഡ്യൂഫെസ്റ്റ്

• എഡ്യൂഫസ്റ്റ് -2026
• 
• 
• 

നമ്മുടെ സ്കൂളിലെ അക്കാദമിക കലാകായിക ശാസ്ത്ര ഗണിതശാസ്ത്ര പ്രവർത്തിപരിചയമേളകളിൽ മികവ് തെളിയിച്ച കുട്ടികളെ ആദരിക്കുകയും SM Vibes എന്ന നമ്മുടെ സ്കൂളിന്റെ സ്വന്തം റേഡിയോ സ്റ്റേഷനിലൂടെ വിനോദസമയം പഠനാവസരമാക്കുക എന്ന മനോഹരമായ ലക്ഷ്യത്തോടെയാണ് SM Vibes പ്രവർത്തിക്കുകയും ചെയ്യുന്നത്ഇന്ന്, SM Vibes-ന്റെ എല്ലാ സജീവ പങ്കാളികളെയും ആദരിക്കുന്നതോടൊപ്പം, ക്ലാസ് 9A-യിലെ നമ്മുടെ പ്രിയപ്പെട്ട RJമാരായ ആദി സനൽ, ആർദ്ര, അപ്സര എന്നിവരാണ് റേഡിയോ സംപ്രേക്ഷണം സജീവവും പ്രചോദനപ്രദവുമാക്കി നിലനിർത്തിയത്. Radio station ന്റെ ഭാഗമായി നടത്തിയ spell bee , maths quiz , GK quiz മത്സരങ്ങളിൽ വിജയികളായ മത്സരാർത്ഥികൾക്ക് സർട്ടിഫിക്കറ്റ് വിതരണവും നടത്തി.

കലാപരിപാടികൾ

സ്കൂൾ വാർഷികത്തോടനുബന്ധിച്ച് കുട്ടികൾ അവതരിപ്പിച്ച വിവിധ കലാപരിപാടികൾ കാണികളെ ഏറെ ആകർഷിക്കുന്നതായിരുന്നു.ഈ മികച്ച പ്രകടനങ്ങൾക്കായി ആത്മാർത്ഥമായി പരിശ്രമിച്ച കുട്ടികളെയും, അവരുടെ കഴിവുകൾ വളർത്തിയെടുത്ത് മികച്ച രീതിയിൽ പരിശീലിപ്പിച്ച അധ്യാപകരെയും, എല്ലായ്പ്പോഴും പിന്തുണയും പ്രോത്സാഹനവും നൽകിയ മാതാപിതാക്കളെയും ഏറ്റവും സ്നേഹത്തോടെ അഭിനന്ദിക്കുന്നു. ഈ കൂട്ടായ ശ്രമവും സമർപ്പണവും തന്നെയാണ് ഈ വിജയത്തിന് പിന്നിലെ ശക്തി

ക്ലിക്ക്

പത്മഭൂഷൺ പുരസ്‌കാരം ലഭിച്ച S. N. D. P യോഗം ജനറൽ സെക്രട്ടറി വെള്ളാപ്പള്ളി നടേശന് ആദരം

Feb 11

• 
• 

ഭാരതത്തിന്റെ സിവിലിയൻ ബഹുമതിയായ പത്മഭൂഷൺ  പുരസ്‌കാരം ലഭിച്ച ബഹുമാനപ്പെട്ട S. N. D. P യോഗം ജനറൽ സെക്രട്ടറി ശ്രീ. വെള്ളാപ്പള്ളി നടേശൻ അവറുകളെ അദ്ദേഹത്തിന്റെ വസതിയിൽ എത്തി  മുട്ടത്തുകോണം  SNDP സ്കൂളിലെ സ്റ്റാഫ്‌ അംഗങ്ങൾ  സ്നേഹാദരം നൽകി

AI സാങ്കേതിക വിദ്യ --ബോധവൽക്കരണ ക്ലാസ്

Feb 21

• AI ബോധവൽക്കരണ ക്ലാസ്
• 
• 

AI സാങ്കേതിക വിദ്യ (Artificial Intelligence) എന്നത് മനുഷ്യബുദ്ധി ആവശ്യമായ പ്രവർത്തനങ്ങൾ കമ്പ്യൂട്ടറുകളെയും യന്ത്രങ്ങളെയും ഉപയോഗിച്ച് നടത്തിക്കുന്ന സാങ്കേതിക വിദ്യയാണ്. പഠിക്കൽ, ചിന്തിക്കൽ, തീരുമാനമെടുക്കൽ, ഭാഷ തിരിച്ചറിയൽ, ചിത്രങ്ങൾ തിരിച്ചറിയൽ തുടങ്ങിയ കഴിവുകൾ AIക്ക് ഉണ്ട്.ഇവയെക്കുറിച്ച് കുട്ടികളെ ബോധവൽക്കരിക്കുന്നതിനു ലിറ്റിൽ കൈറ്റ്സ് കുട്ടികളുടെ നേതൃത്വത്തിൽ ഒൻപതാം ക്ലാസ്സിലെ ആദി സനൽ, അക്ഷയ് എസ് നാഥ്‌ എന്നിവർ സ്കൂളിലെ കുട്ടികൾക്ക് ക്ലാസ്സുകൾ എടുത്തു. HM സ്മിത ടീച്ചർ, Lk അധ്യാപകരായ അർച്ചന ടീച്ചർ, ശരണ്യ ടീച്ചർ എന്നിവർ പങ്കെടുത്തു

LK Award -കോഴഞ്ചേരി സബ് ജില്ലയിൽ ഒന്നാം സ്ഥാനം

Mar 6

2025-2026 അധ്യായന വർഷത്തെ പ്രവർത്തനങ്ങളെ മുൻനിർത്തി കോഴഞ്ചേരി സബ് ജില്ലയിൽ ഒന്നാം സ്ഥാനത്തോടുകൂടി LK Award നമ്മുടെ സ്കൂൾ സ്വന്തമാക്കിയിരിക്കുന്നു. ഇതിനായി നമ്മോടൊപ്പം നിന്ന കുട്ടികൾക്കും രക്ഷിതാക്കൾക്കും അധ്യാപകർക്കും അഭിനന്ദനങ്ങൾ

സംസ്കൃത സ്കോളർഷിപ്പ്

Mar 14

2025-26 അധ്യയന വർഷത്തെ  സംസ്കൃതം സ്കോളർഷിപ്പ് നേടി സ്കൂളിന് അഭിമാനകരമായിരിക്കുകയാണ് നമ്മുടെ കുരുന്നുകൾ അഞ്ചാം ക്ലാസിലെ കല്യാണി സംസ്കൃതം സ്കോളർഷിപ്പിൽ ഒന്നാം റാങ്ക് കരസ്ഥമാക്കുകയും ചെയ്തു. ദേവപ്രിയ രഞ്ജു, ദക്ഷ ദിലീപ്, ശ്രീഹരി  എൻ. എം, ആരാധ്യശ്രീ, ആരോൺ ജോബി,ദിയ പ്രമോദ് എന്നിവരും ഉയർന്ന റാങ്കോടെ സ്കോളർഷിപ്പ് നേടി നമ്മുടെ സ്കൂളിന് മികച്ച വിജയം നേടിത്തന്നു .. എല്ലാ കുരുന്നുകൾക്കും അഭിനന്ദനങ്ങൾ. ഇനിയും ഒരുപാട് മികച്ച വിജയങ്ങൾ ഈ കുരുന്നുകൾക്ക് നേടാൻ കഴിയട്ടെ