"ഗവ എച്ച് എസ് എസ് പീച്ചി/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

2025 ഓഗസ്റ്റ് 12-ന് പീച്ചി ഗവൺമെന്റ് ഹയർ സെക്കൻഡറി സ്കൂളിൽ ഫയർ ആൻഡ് സേഫ്റ്റി വിഭാഗത്തിന്റെ നേതൃത്വത്തിൽ അധ്യാപകർക്കും വിദ്യാർത്ഥികൾക്കും വേണ്ടി മോക്ക് ഡ്രിൽ സംഘടിപ്പിച്ചു. ഫയർ ആൻഡ് സേഫ്റ്റി ഓഫീസർമാരായ ശ്രീ. മഹേഷ്, ശ്രീ. രാകേഷ് എന്നിവർ പരിശീലനം നൽകി. പ്രഥമ ശുശ്രൂഷ, സിപിആർ, പൾസ് ചെക്ക്, വെള്ളത്തിൽ മുങ്ങിയവരെ രക്ഷിക്കൽ, തീപിടിത്തസമയത്ത് അഗ്നിശമനോപകരണം ഉപയോഗിക്കൽ, കുഴിയിൽ വീണവരെ രക്ഷിക്കൽ എന്നീ വിഷയങ്ങൾ വിശദമായി അവതരിപ്പിച്ച പരിപാടി സുരക്ഷാബോധം വർദ്ധിപ്പിക്കുന്നതിനും അടിയന്തിരാവസ്ഥകളിൽ പ്രതികരിക്കുന്ന കഴിവ് വികസിപ്പിക്കുന്നതിനും സഹായകമായി.

പീച്ചി ഗവ.ഹയർ സെക്കണ്ടറി സ്കൂളിൽ രാജ്യത്തിൻ്റെ എഴുപത്തി ഒമ്പതാമത് സ്വാതന്ത്ര്യ ദിനാഘോഷം വിപുലമായ പരിപാടികളാടെ ആചരിച്ചു.

രാവിലെ 9 മണിക്ക് പ്രിൻസിപ്പൽ  ശ്രീ .ഗിരീശൻ മാസ്റ്ററും ഹെഡ്മിസ്ട്രസ്സ് ശ്രീമതി രേഖ രവീന്ദ്രനും ചേർന്ന് പതാക ഉയർത്തി. കനറാ ബാങ്ക് മാനേജർ ശ്രീ മുരളി  ,PTA  വൈസ് പ്രസിഡണ്ട് സജി,  എം പി.ടി.എ വൈസ്  പ്രസിഡൻ്റ് മഫീന, പീച്ചി പോലീസ് സ്റ്റേഷൻ ASI ശ്രീ ജയൻ സാർ  എന്നിവർ സ്വതന്ത്ര്യ ദിനാശംസകൾ അർപ്പിച്ച് സംസാരിച്ചു. . വിദ്യാർത്ഥികൾ  ദേശഭക്തി ഗാനം, പ്രസംഗം, നൃത്തം, ഫാൻസി ഡ്രസ്സ് എന്നീ കലാപരിപാടികൾ അവതരിപ്പിച്ചു.SPC കേഡറ്റുകൾ, വിദ്യാർത്ഥികൾ, അധ്യാപകർ, രക്ഷിതാക്കൾ, പി.ടി.എ, MPTA  ഭാരവാഹികൾ എന്നിവർസ്വാതന്ത്ര്യ ദിനാഘോഷത്തിൽ പങ്ക് ചേർന്നു. സീനിയർ അസിസ്റ്റൻ്റ് ഷർമ്മിള ടീച്ചർ നന്ദി രേഖപ്പെടുത്തി. തുടർന്ന് മധുരപലഹാര വിതരണം നടത്തി.