ജി.എച്ച്.എസ്.എസ്. അട്ടേങ്ങാനം/പ്രവർത്തനങ്ങൾ/2025-28

പ്രവേശനോത്സവം 2025-26

പ്രവേശനോത്സവം 2025-26

2025 26 വർഷത്തെ ജിഎച്ച്എസ്എസ് അട്ടേങ്ങാനം സ്കൂളിലെ പ്രവേശനോത്സവം ഗംഭീരമായി ജൂൺ രണ്ടാം തീയതി സ്കൂളിൽ വെച്ച് സമുചിതമായി ആഘോഷിച്ചു. 10 മണിക്ക് ആരംഭിച്ച ഉദ്ഘാടനം യോഗത്തിൽ പ്രിൻസിപ്പൽ ഇൻ ചാർജ് ശ്രീ ഗംഗാധരൻ മാസ്റ്റർ സ്വാഗതം അറിയിച്ചു.  അധ്യക്ഷസ്ഥാനം സ്കൂളിൻറെ പിടിഎ പ്രസിഡൻറ് ശ്രീ പി ഗോപി വഹിച്ചു. പ്രവേശഹോത്സവ ഉദ്ഘാടന കർമം ശ്രീ ഷിനോജ് ചാക്കോ (ജില്ലാ പഞ്ചായത്ത് മെമ്പർ ) നിർവഹിച്ചു. മുഖ്യാതിഥി ശ്യാമള  (മുൻ പ്രിൻസിപ്പൽ ) ചടങ്ങിന് മാറ്റ് നൽകി  ശ്രീ ചന്ദ്രൻ (എസ് എം സി ചെയർമാൻ) ശ്രീമതി മിനി (എം പി ടി എ പ്രസിഡൻറ്) ശ്രീ വി ഉണ്ണികൃഷ്ണൻ( പിടിഎ മെമ്പർ) സി മോഹനൻ (പ്രതീക്ഷ യുഎഇ കമ്മിറ്റി) ഉണ്ണികൃഷ്ണൻ (ചെയർമാൻ വികസന സമിതി) ശ്രീമതി മെറീന ആൻറണി (സീനിയർ അസിസ്റ്റൻറ്) എന്നിവർ ആശംസ അറിയിച്ചു സംസാരിച്ചു.സ്കൂൾ  പി റ്റി എ യുടെ വക എട്ടാം ക്ലാസിലെ കുട്ടികൾക്കുള്ള പഠനോപകരണ വിതരണം നടത്തി. പ്രതീക്ഷ യു എ ഇ ക്ലബ്‌ സ്പോൺസർ ചെയ്ത  പായസ വിതരണവും നടന്നു.  ശ്രീമതി ബിജിലി (ഹെഡ്മിസ്ട്രസ് ജിഎച്ച്എസ്എസ് ആയിരുന്നു) നന്ദി പ്രഭാഷണത്തോടെ ഉൽഘാടന ചടങ്ങ് അവസാനിച്ചു.

പരിസ്ഥിതി ദിനം

കുട്ടികളിൽ വികസിക്കേണ്ട പൊതുധാരണകൾ

ഒന്നാം ദിനം മയക്കുമരുന്ന് /ലഹരി ഉപയോഗത്തിനെതിരെ

മയക്കുമരുന്ന് /ലഹരി ഉപയോഗത്തിനെതിരെ

മയക്കു മരുന്ന് / ലഹരി ഉപയോഗത്തിനെതിരെ ആയിരുന്നു 03.062025 ആദ്യ ദിനത്തിൽ നൽകിയ ക്ലാസുകൾ. ആദ്യ ദിനത്തിലെ ഉദ്ഘാടന യോഗത്തിൽ സ്കൂൾ ഹെഡ്മിസ്ട്രെസ് ശ്രീമതി ബിജിലി ടീച്ചർ ഉദ്ഘാടന പ്രഭാഷണം നടത്തി. 8 9 10 ക്ലാസിലെ കുട്ടികൾക്കായി മൂന്ന് സെഷനുകളായി ജീവശാസ്ത്രം അദ്ധ്യാപിക ശ്രീമതി വിജിഷ ക്ലാസ് നടത്തി. ക്ലാസ്സിൽ എല്ലാ  കുട്ടികൾക്കും ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. ലഹരി ഇനങ്ങളും അവയുടെ വ്യത്യസ്ത രൂപങ്ങളും ഉപയോഗിച്ചാൽ ഉണ്ടാകുന്ന ശാരീരിക മാനസിക പ്രശ്നങ്ങളും ചർച്ചയ്ക്ക് വിധേയമായി. കേരള പോലീസിന്റെ 'യോദ്ധാവ് 'എന്ന വാട്സപ്പ് ഗ്രൂപ്പും കേരള ഗവൺമെന്റിന്റെ ലഹരിക്ക് അടിമപ്പെട്ടവർക്കയുള്ള ചികിത്സ 'വിമുക്തി' എന്നിവ പരിചയപ്പെടുത്തി. Choose your dreams not ഡ്രഗ്സ്, let's fly to the future not fall into addiction എന്ന് കുട്ടികളെ ഓർമിപ്പിച്ചു കൊണ്ടാണ് ക്ലാസ് അവസാനിപ്പിച്ചത്. ലഹരി വിരുദ്ധ സന്ദേശം ഉൾക്കൊള്ളുന്ന പോസ്റ്റർ തയ്യാറാക്കാൻ തുടർ പ്രവർത്തനമായി നൽകി.

രണ്ടാം ദിനം

ട്രാഫിക് നിയമങ്ങൾ

ട്രാഫിക് നിയമങ്ങൾ/ റോഡിലൂടെ സഞ്ചരിക്കുമ്പോൾ ശ്രദ്ധിക്കേണ്ട കാര്യങ്ങൾ/ സ്കൂൾ വാഹന സഞ്ചാരം അറിയേണ്ട കാര്യങ്ങൾ

സ്കൂളിലെ മുഴുവൻ കുട്ടികൾക്കും റോഡ് ട്രാഫിക് നിയമങ്ങളെക്കുറിച്ച് 4/6/ 2025 നു ബോധവൽക്കരണ ക്ലാസ് നടത്തി. ഫിസിക്കൽ സയൻസ് അധ്യാപികയായ ദീപയാണ് ബോധവൽക്കരണ ക്ലാസിന് നേതൃത്വം നൽകിയത്. കാൽനടക്കാർ റോഡ് മുറിച്ചു കടക്കുമ്പോൾ ശ്രദ്ധിക്കേണ്ട കാര്യങ്ങൾ, വാഹനങ്ങൾ ഓടിക്കുന്നവർ പാലിക്കേണ്ട നിയമങ്ങൾ സ്കൂൾ വാഹന സഞ്ചാരത്തിൽ അറിയേണ്ട കാര്യങ്ങൾ ട്രാഫിക്ക് നിയമങ്ങൾ എന്നിവയെല്ലാം പവർ പോയിന്റ് പ്രസന്റേഷൻ സഹായത്തോടെ വിശദീകരിച്ചു . റോഡ് അപകട സമയത്ത് നൽകേണ്ട പ്രഥമ ശുശ്രൂഷ, റോഡ് സുരക്ഷാ ക്ലബ്ബ് ഗതാഗത നിയമങ്ങൾ, റോഡ് സുരക്ഷാ സ്ഥാപനങ്ങളും, സേവനങ്ങളും,പരിസ്ഥിതി സൗഹൃദയാത്ര എന്നിവയും വിശദീകരിച്ചു . റോഡ് സുരക്ഷാ മുദ്രാവാക്യങ്ങൾ ചൊല്ലിക്കൊടുത്തു കൊണ്ട് ക്ലാസ്സ്‌ അവസാനിച്ചു.

വ്യക്തി ശുചിത്വം പരിസര ശുചിത്വം ഹരിത ക്യാമ്പസ് സ്കൂൾ സൗന്ദര്യവൽക്കരണം

വ്യക്തി ശുചിത്വം പരിസര ശുചിത്വം എന്നിവയ്ക്ക് നൽകേണ്ട പ്രാധാന്യത്തിന് ഊന്നൽ നൽകി കൊണ്ട് പരിസ്ഥിതി പ്രവർത്തനങ്ങളുമായി ബന്ധിപ്പിച്ചു സ്കൂളിലെ മുഴുവൻ കുട്ടികൾക്കും ക്ലാസ്സ്‌ നൽകി. മലയാളം അധ്യാപിക ശ്രീമതി രേഖ ടീച്ചർ ബോധവൽക്കരണ ക്ലാസ് നടത്തി. ജീവിതരീതിയിലും ശൈലിയിലും, മനോഭാവത്തിലും, ശാസ്ത്രീയമായ സമീപനം കൈക്കൊള്ളുന്നതോടൊപ്പം വിദ്യാലയം ശുചിത്വപൂർണ്ണവും ഹരിതാഭവും ആകേണ്ടതി ന്റെ പ്രാധാന്യവും ആവശ്യകതയും ചർച്ച ചെയ്തു.ശുചിത്വ നിരീക്ഷണം നിലവാരം കണ്ടെത്തുകയും, വ്യക്തി ശുചിത്വം, പരിസര ശുചിത്വവും കാത്തുസൂക്ഷിക്കാൻ എന്തെല്ലാമാണ് ചെയ്യേണ്ടതെന്ന് ചർച്ചയിലൂടെ കൂട്ടിലെ ബോധ്യപ്പെടുത്തുകയും ചെയ്തു. വൃത്തിയുള്ള ശരീരവും വൃത്തിയുള്ള പരിസരവും രോഗങ്ങളിൽനിന്ന് അകന്നുനിൽക്കാൻ സഹായിക്കുമെന്ന് തിരിച്ചറിവ് നൽകി. സ്കൂൾ പരിസരവും ശുചീകരിക്കുകയും സ്കൂൾ മുറ്റവും പരിസരവും ഹരിതാഭം ആക്കുന്ന പ്രവർത്തനങ്ങളിലും എല്ലാ കുട്ടികളും പങ്കെടുക്കുകയും ചെയ്തു.ജെ ആർ സി,ഹരിത ക്ലബ് അധ്യാപകർ പ്രവർത്തനങ്ങൾക്ക് നേതൃത്വം നൽകി.

ഏഴാം ദിനം

റാഗിംഗ് വൈകാരിക നിയന്ത്രണം ഇല്ലായ്മ പരസ്പര സഹകരണത്തിന്റെ പ്രാധാന്യം

പരസ്പര സഹകരണത്തിന്റെ പ്രാധാന്യം മുൻനിർത്തി കൊണ്ടുള്ള ക്ലാസ് ആയിരുന്നു 12 6 20025 തീയതി നടന്നത് w 10 ജീവിതം നയിപുണ്ണികകൾ റാഗിംഗ് എന്നിവയായിരുന്നു വിഷയങ്ങൾ ഇതിൽ ജീവിതനൈഭൂമികളായ വൈകാരിക നിയന്ത്രണം ഇല്ലായ്മ പരസ്പര സഹകരണത്തിന്റെ പ്രാധാന്യം എന്നിവയ്ക്ക് ഊന്നൽ കൊടുത്തുകൊണ്ടുള്ള ചർച്ചയിൽ സൂമ്പാ ഡാൻസ് യോഗ എന്നിവ കുട്ടികളെ കൊണ്ട് പരിശീലിപ്പിച്ചു തീരുമാനങ്ങൾ എടുക്കേണ്ടത് എങ്ങനെയെന്നും പ്രശ്നങ്ങളെ എങ്ങനെ അഭിമുഖീകരിക്കണം എന്നതും ചർച്ച രീതിയിൽ ക്ലാസുകൾ കൈകാര്യം ചെയ്തു ഒപ്പം രാജു നിരോധന നിയമം ശിക്ഷ നടപടികളും വകുപ്പുകളും കുട്ടികളെ പവർ പോയിന്റ് പ്രസന്റേഷൻ സഹായ ത്തോടെ വിവരിച്ചു ക്ലാസ് നയിച്ചത് സ്കൂൾ സീനിയർ അസിസ്റ്റന്റ് ശ്രീമതി മെറീന ആയിരുന്നു