"ജി.വി.എച്ച്.എസ്.എസ് വട്ടേനാട്/പ്രവർത്തനങ്ങൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

2024-25 എസ് എസ് എൽ സി പരീക്ഷയിൽ വട്ടേനാട് മോഡൽ സ്കൂൾ  100 % വിജയമെന്ന സ്വപ്നനേട്ടം  ആവർത്തിച്ചു. പരീക്ഷയെഴുതിയ 669 കുട്ടികളും  വിജയിയ്ക്കുകയും 62 പേർ എല്ലാ വിഷയങ്ങളിലും എ പ്ലസ് കരസ്ഥമാക്കുകയും ചെയ്തു. സ്കൂളിൻറെ മനോഹരമായ ഈ നേട്ടം 12.05.2025 ന് തിങ്കളാഴ്ച വിജയോത്സവമായി ആഘോഷിച്ചു. ബ്ലോക്ക് പഞ്ചായത്ത് പ്രസിഡന്റ്  വി.പി. റജീന അധ്യക്ഷയായ ചടങ്ങിന് ബഹുമാനപ്പെട്ട ഹെഡ്മാസ്റ്റർ ശ്രീ. പി. പി. ശിവകുമാർ സ്വാഗതം പറഞ്ഞു. തദ്ദേശ സ്വയംഭരണ വകുപ്പ് മന്ത്രി ഡോ. എം. ബി. രാജേഷ് കുട്ടികൾക്ക് മെഡൽ നൽകിക്കൊണ്ട് വിജയോത്സവം ഉദ്ഘാടനം ചെയ്തു. 669 കുട്ടികൾക്കും മെഡൽ നൽകി അനുമോദിച്ചു. അഭിമാന നേട്ടത്തിൽ പങ്കാളികളായ കുട്ടികളും രക്ഷിതാക്കളും അധ്യാപകരും ചടങ്ങിൽ സന്നിഹിതരായിരുന്നു. ജില്ലാ പഞ്ചായത്ത് അംഗം ശ്രീമതി ഷാനിബ ടീച്ചർ, പഞ്ചായത്ത് പ്രസിഡന്റ് ശ്രീ പി ബാലൻ, ബ്ലോക്ക് പഞ്ചായത്ത് അംഗം  ശ്രീമതി എം. പ്രിയ, വാർഡ് മെമ്പർ ശ്രീമതി സി.സിനി, എസ് എം സി ചെയർമാൻ ശ്രീ. എം. പ്രദീപ്, എംപിടിഎ പ്രസിഡൻറ് ശ്രീമതി സ്മിത, സ്റ്റാഫ് സെക്രട്ടറി ശ്രീ. എൻ.വി. പ്രകാശൻ, പിടിഎ പ്രസിഡന്റ് ശ്രീ സിദ്ദിഖ് അക്ബർ തുടങ്ങിയവർ ആശംസകൾ അർപ്പിച്ചു. വിജയശ്രീ കോഡിനേറ്ററും ഇംഗ്ലീഷ് അധ്യാപികയുമായ ശ്രീമതി ഉഷ എസ്. ചടങ്ങിന് നന്ദി അറിയിച്ചു.