ഗവ.എച്ച്.എ.എൽ.പി.എസ്.വിഴിഞ്ഞം/പ്രവർത്തനങ്ങൾ/2024-25

1.പ്രൗഢമായ പ്രവേശനം

• 

  പ്രവേശനോത്സവത്തിൽ നിന്നും

• 
• 
• 

വിദ്യാർത്ഥികൾ ഗിഫ്റ്റ് കളുമായി

പ്രവേശനോത്സ ഉദ്ഘാടനം

2024- 25 അധ്യയനവർഷത്തിലെ പ്രവേശനോത്സവം ഗവൺമെൻറ് ഹാർബർ ഏരിയ എൽ.പി സ്കൂളിൽ പ്രൗഢഗംഭീരമായ ചടങ്ങുകളോടെ സംഘടിപ്പിക്കപ്പെട്ടു. സ്കൂളിലേക്ക് വിദ്യാർഥികൾ എത്തിച്ചേരുന്നതിനു മുമ്പ് തന്നെ സ്കൂളും,ക്ലാസ് റൂമുകളും, പരിസരവും അലങ്കരിക്കുകയും ആകർഷണീയമാക്കുകയും ചെയ്തിരുന്നു. ഈശ്വര പ്രാർത്ഥനയോടുകൂടി സ്കൂൾ ഹെഡ്മാസ്റ്റർ ബൈജു എച്ച്.ഡി.യുടെ സ്വാഗത ഭാഷണത്തോടുകൂടി ആരംഭിച്ചു. പിടിഎ പ്രസിഡണ്ട് അബ്ദുൽ വാഹിദ് അധ്യക്ഷത വഹിച്ചു. തിരുവന്തപുരം കോർപ്പറേഷൻഹാർബർ വാർഡ് കൗൺസിലർ ശ്രീ . നിസാമുദ്ദീൻ ഉദ്ഘാടനം നിർവഹിച്ച സദസ്സിൽ,മുൻ ഹെഡ്മാസ്റ്ററും ,ഹാർബർ സ്കൂൾ അധ്യാപകനുമായിരുന്ന വി. രാജാമണി സാർ മുഖ്യാതിഥിയായിരുന്നു .ആശംസകൾ അർപ്പിച്ചുകൊണ്ട് ബി. ആർ. സി. പ്രതിനിധി സെൽവൻ,മുൻ അധ്യാപകരായ ശ്യാമള ടീച്ചർ,വി. പ്രഭാവതി ടീച്ചർ, ടെക്നോപാർക്ക് എക്സ്പീരിയൻസ് പ്രതിനിധി അഞ്ജന തുടങ്ങിയവർ സംസാരിച്ചു. യോഗത്തിൽ ടെക്നോപാർക്ക് എക്സ്പീരിയൻസ് പ്രതിനിധികൾ സ്പോൺസർ ചെയ്ത പഠനോപകരണങ്ങൾ നിർദയരായ  വിദ്യാർത്ഥികൾക്ക് വിതരണം നടത്തി. സ്റ്റാഫ് സെക്രട്ടറി ജോ ലാൽ ടി.എസ്സി. ന്റെ നന്ദിയോടെ കൂടി യോഗം അവസാനിപ്പിച്ചു.തുടർന്ന് പൊതുവിദ്യഭ്യാസ വകുപ്പ് നിർദ്ദേശിച്ച രക്ഷിതാക്കൾക്കുള്ള ബോധവൽക്കരണ ക്ലാസിന്  ഹാർബർ സ്കൂളിലെ അറബിക് അധ്യാപകൻ സെക്കരിയ്യ.പി. പാലക്കാഴി നേതൃത്വം നൽകി .

2. കുരുന്നുകൾക്കായി കരുതലിന്റെ കാഴ്ചപ്പാട്

രക്ഷിതാക്കൾക്കുള്ള ബോധവൽക്കരണ ക്ലാസ്സ്

ഭരണഘടന മുന്നോട്ടുവയ്ക്കുന്ന സമത്വവും സാഹോദര്യവും ജനാധിപത്യവും മതനിരപേക്ഷതയും ശാസ്ത്രബോധവും തുല്യതയും ലിംഗപദവിയും  ആർജ്ജിച്ചെടുക്കാൻ കഴിയുന്ന  രക്ഷിതാക്കളെ വളർത്തിയെടുക്കുവാൻ പൊതുവിദ്യാഭ്യാസ വകുപ്പ് രൂപകൽപ്പന ചെയ്യുന്ന രക്ഷാകർതൃത്വം ബോധവൽക്കരണ ക്ലാസുകൾക്ക് പ്രവേശനോത്സവത്തിൽ തുടക്കം കുറിക്കാൻ കഴിഞ്ഞു. പൊതു വിദ്യാഭ്യാസ വകുപ്പ് നൽകിയ  കുട്ടിയെ അറിയുക, കുട്ടികളുടെ അവകാശങ്ങളും ജാഗ്രത നിയമങ്ങളും, കാലത്തിനൊപ്പമുള്ള കുട്ടിയും അറിവും, പഠനവും പരീക്ഷയും, സാമൂഹിക രക്ഷാകർതൃത്വത്തിന്റെ അനിവാര്യത, അച്ചടക്കവും ശിക്ഷയും, സ്നേഹ കുടുംബം, രക്ഷിതാവിനു വേണ്ട നൈപുണികൾ, വിദ്യാലയവും വീടും എന്നീ തലവാചകങ്ങൾ വിശദമായി അവതരിപ്പിച്ച ഒരു മണിക്കൂർ നീണ്ട രക്ഷിതാക്കളമായുളള സംവേദ സദസ്സ് സംഘടിപ്പിച്ചു. പ്രസ്തുത ക്ലാസ്സിന് സ്കൂളിലെ അറബിക് അധ്യാപകൻ പി. സെക്കരിയ്യ പാലക്കാട് നേതൃത്വം നൽകി .

3. നിറഞ്ഞ മനസ്സോടെ

• 
• 
• 

വിഴിഞ്ഞം ഹാർബർ ഏരിയ ലോവർ പ്രൈമറി സ്കൂളിൽ 2024 - 25 അധ്യയനവർഷത്തിൽ  മുഴുവൻ കുട്ടികൾക്കും ജൂൺ 4ചൊവ്വാഴ്ച്ച പഠനോപകരണങ്ങൾ അടങ്ങിയ സമ്മാന കിറ്റ് വിതരണം ചെയ്തു.സ്കൂളിലെ അറബിക്ക് അധ്യാപകൻ സെക്കരിയ്യ സാറിന്റെ സഹോദരൻ പാലക്കാട് സ്വദേശി ഗഫൂർ പൂതൻകോടൻ ഉപഹാരമായി നൽകിയ പഠനോപകരണങ്ങളും അധ്യാപകർ സംഭാവനയായി നൽകിയ നോട്ട് പുസ്തകവും കൂട്ടി ചേർത്താണ് സമ്മാന കിറ്റ് തയ്യാറാക്കിയത്.

4. പരിസ്ഥിതി ദിന ക്വിസ്

  ജൂൺ 5 ലോക പരിസ്ഥിതി ദിനത്തോടനുബന്ധിച്ച് ജൂൺ നാല് ചൊവ്വാഴ്ച്ച തന്നെ സ്കൂളിലെ മൂന്ന് നാല് ക്ലാസ്സുകളിലെ വിദ്യാർത്ഥികൾക്കായി പരിസ്ഥിതി ദിന ക്വിസ് മത്സരം നടത്തി. ഈ പ്രവർത്തനത്തിന് സ്റ്റാഫ് സെക്രട്ടറി ജോലാൽ. ടി.എസ്. പി എസ്,സീനിയർ അസിസ്റ്റന്റ് സെന്തിൽ കുമാർ എന്നിവർ നേതൃത്വം നൽകി.

5. മണ്ണിൻറെ മണമറിഞ്ഞ പരിസ്ഥിതി ദിന ആഘോഷം

• 
• 
• 
• 
• 
• 

വിഴിഞ്ഞം ഹാർബർ ഏരിയ ലോവർ പ്രൈമറി സ്കൂളിൽ ജൂൺ 5 അന്താരാഷ്ട്ര പരിസ്ഥിതി ദിനാഘോഷത്തോടനുബന്ധിച്ച് വിപുലമായ പ്രവർത്തനങ്ങളാണ് സംഘടിക്കപ്പെട്ടത്.സ്കൂളിന്റെ മുറ്റത്ത് മാവിൻതൈ നട്ടു. പലവിദ്യാർത്ഥികളും വീട്ടിൽനിന്നും കൃഷി തൈകളും,ഫല വൃക്ഷ തൈകളും കൊണ്ടുവന്നു. അതോടൊപ്പം പ്രകൃതി സംരക്ഷണത്തിന്റെ അനിവാര്യത ബോധ്യപ്പെടുത്തുന്ന  ഡോക്യുമെൻററി പ്രദർശനം, ബോധവൽക്കരണം, പവർപോയിന്റ് പ്രദർശനം,പോസ്റ്റർ നിർമ്മാണം,ഗാനനടനം തുടങ്ങിയ വൈവിധ്യമായ പ്രവർത്തനങ്ങൾ നടക്കുകയുണ്ടായി.

6. പേവിഷബാധ  ബോധവൽക്കരണ അസംബ്ലി

പേ വിഷബാധ പ്രതിജ്ഞ

പേ വിഷബാധ പ്രതിജ്ഞ

വിഴിഞ്ഞം ഗവൺമെൻറ് ഹാർബർ ഏരിയ ലോവർ പ്രൈമറി സ്കൂളിൽ മുക്കോല സി. എച്ച്. സി.പൊതുജന ആരോഗ്യ കേന്ദ്രവുമായി സഹകരിച്ച് ജൂൺ 13ന് രാവിലെ പേവിഷബാധ ബോധവൽക്കരണ അസംബ്ലി സംഘടിപ്പിച്ചു.സമൂഹം നേരിട്ടുകൊണ്ടിരിക്കുന്ന വലിയ ഒരു ഭീഷണിയെ സംബന്ധിച്ചും,

മൃഗങ്ങളുമായി അടുത്ത് ഇടപഴകുമ്പോഴും, അവയുടെ ആക്രമണത്തെ നേരിടുംമ്പോഴും ഉണ്ടായേക്കാവുന്ന ദൂഷ്യഫലങ്ങളെയും

അപകടങ്ങളെയും കുറിച്ച് ബോധവൽക്കരണം നടത്തുകയും, പ്രതിജ്ഞ ചൊല്ലി കൊടുക്കുകയും ചെയ്തു. ഹെഡ് മാസ്റ്റർ ബൈജു എച്ച്.ഡി.,സി.എച്ച്.സി. മുക്കോല പബ്ലിക് ഹെൽത്ത് നഴ്സ് ലതാകുമാരി, സ്റ്റാഫ് സെക്രട്ടറി ജോ ലാൽ തുടങ്ങിയവർ നേതൃത്വം നൽകി.

7. യൂറോ ആരവം

• 

  ഷൂട്ട് ഔട്ട് മത്സരം

• 
• 

2024 ജൂൺ 15 മുതൽ ജർമ്മനിയിൽ വെച്ച് നടക്കുന്ന 'യൂറോ - 2024' യൂറോകപ്പ് ഫുട്ബോൾ മത്സരങ്ങളുടെ മുന്നോടിയായി യൂറോ ആരവം എന്ന തലകെട്ടിൽ ഷൂട്ടൗട്ട് മത്സരം സംഘടിപ്പിച്ചു. കുട്ടികളിലെ കായിക പ്രേമികളുടെ ശ്രദ്ധയാകർഷിക്കുന്നതിനും, കായിക ചിന്താശേഷി വളർത്തുന്നതിനുമായിട്ടാണ് ഷൂട്ടൗട്ട് മത്സരം സംഘടിപ്പിച്ചത്. വ്യത്യസ്ത ക്ലാസുകൾ തമ്മിലുള്ള ഷൂട്ടൗട്ട് മത്സരം വളരെ ആവേശത്തോടെ കൂടിയാണ് കുട്ടികൾ സ്വീകരിച്ചത്.ഹെഡ്മാസ്റ്റർ ബൈജു എസ്.ഡി. ഉദ്ഘാടനം ചെയ്തു. അറബിക് അധ്യാപകരായ സെക്കരിയ്യ. പി, അൻവർ ഷാൻ, സ്റ്റാഫ് സെക്രട്ടറി ജോ ലാൽ തുടങ്ങിയവർ നേതൃത്വം നൽകി.

8. വായനാ വാരാഘോഷം

• 
• 

അക്ഷര വൃക്ഷ മരം

2024 - 25 അധ്യയനവർഷത്തിലെ വായനാവാരാഘോഷങ്ങളുടെ ഔപചാരികമായ ഉദ്ഘാടനം 2024 ജൂൺ 19 ന് സ്കൂൾ അസംബ്ലി ഹാളിൽ സംഘടിപ്പിച്ചു. പ്രശസ്ത എഴുത്തുകാരൻ ഷിബു കുമാർ ബി. എസ് .ഉദ്ഘാടകനും മുഖ്യാതിഥിയായിരുന്നു. വാർഡ് കൗൺസിലർ നിസാമുദ്ദീൻ.എം.,ഹെഡ്മാസ്റ്റർ ബൈജു എസ്.ഡി.തുടങ്ങിയവർ സംസാരിച്ചു. വായനയുടെ പ്രാധാന്യത്തെ ഉണർത്തിയ സരളമായ സംസാരത്തിലൂടെ ഉദ്ഘാടകൻ സദസ്സിനെ കയ്യിലെടുത്തു .അക്ഷര വായനയുടെ പ്രാധാന്യം ബോധ്യപ്പെടുത്തുന്ന രൂപത്തിൽ അക്ഷരങ്ങൾ കൊണ്ടുള്ള മര നിർമ്മാണം, പ്ലക്കാർഡുകൾ,പോസ്റ്റർ തുടങ്ങിയവയുടെ പ്രദർശനം എന്നിവ സംഘടിപ്പിച്ചു. ഒരാഴ്ച നീണ്ടുനിൽക്കുന്ന വായന വാരാഘോഷ ങ്ങളുടെ ഭാഗമായി പുസ്തക വണ്ടി,പുസ്ത പ്രദർശനം,പുസ്തക ശേഖരണം,ക്ലാസ് ലൈബ്രറി നിർമ്മാണം, ഗ്രന്ഥശാല സന്ദർശനം, എഴുത്തുകാരെ പരിചയപ്പെടൽ ,രക്ഷിതാക്കൾക്കളുടെ രചനാ മത്സരങ്ങൾ, തുടങ്ങിയ വ്യത്യസ്ത പ്രോഗ്രാമുകൾ സംഘടിപ്പിക്കും.

9. അന്താരാഷ്ട്ര ലഹരി വിരുദ്ധ ദിനാഘോഷം

ലഹരി വിരുദ്ധ ദിനാഘോഷം

ലഹരി വിരുദ്ധ ദിനാഘോഷം

ജൂൺ 26  അന്താരാഷ്ട്ര ലഹരി വിരുദ്ധ ദിനത്തിൽ വിഴിഞ്ഞം ഹാർബർ സ്കൂളിൽ സ്പെഷ്യൽ അസംബ്ലി സംഘടിപ്പിച്ചു. ശക്തമായ മഴയായിരുന്നതിനാൽ സ്കൂൾ സ്കൂൾ  ഹാളിലാണ് സ്പെഷ്യൽ അസംബ്ലി സംഘടിപ്പിച്ചത് .ലഹരി ഉപയോഗത്തിന്റെ അപകടങ്ങളെ സംബന്ധിച്ചും, ലഹരി വിരുദ്ധ പ്രവർത്തനങ്ങളുടെ ആവശ്യകതയെ സംബന്ധിച്ചും ബോധവൽക്കരണം നടത്തി. ലഹരി വിരുദ്ധ പ്രതിജ്ഞ  ലഹരി വിരുദ്ധ പോസ്റ്റർ നിർമ്മാണം, പ്ലക്കാർഡ് നിർമാണം തുടങ്ങിയ സംഘടിപ്പിച്ചു. ലഹരി വിരുദ്ധ പ്രതിജ്ഞ വിഴിഞ്ഞം പോലീസ് സ്റ്റേഷനിലെ എ.എസ്.ഐ ബൈജു കോട്ടയം നേതൃത്വം നൽകി.

• 
• 
• 
• 
• 

1.കൗൺസിലിംഗ് ഔട്ട്റീച്ച് സെന്റർ ഉദ്ഘാടനം

കുടുംബജീവിതത്തിലും,വൈവാഹിക ജീവിതത്തിലും പ്രതിസന്ധികൾ നേരിടുന്നവർക്ക് കൈത്താങ്ങാവാൻ മാർഗ്ഗനിർദേശങ്ങളിലൂടെ  അവരുടെ ജീവിതത്തിൽ പ്രകാശം തെളിയിക്കുക എന്ന ലക്ഷ്യത്തിൽലൈഫ് ഫൗണ്ടേഷൻ കേരളയുടെ ആഭിമുഖ്യത്തിൽ വിഴിഞ്ഞം ഹാർബർ ഏരിയ ലോവർ പ്രൈമറി സ്കൂളിൽ, കമ്യൂണിറ്റി കൗൺസിലിനു വേണ്ടി തുടങ്ങുന്ന ഔട്ട്ലെറ്റ് സെന്റർ ഉദ്ഘാടനം ജൂലൈ 4 ന് നടന്നു.വാർഡ് കൗൺസിലർ എം. നിസാമുദ്ദീൻ ഉദ്ഘാടനം ചെയ്തു.ലൈഫ് ഫൗണ്ടേഷൻ എക്സിക്യൂട്ടീവ് അംഗം വിനോദ് കാഞ്ഞിരംകുളം, ലൈഫ് ഫൗണ്ടേഷൻ പ്രോഗ്രാം കോഡിനേറ്റർ കൃഷ്ണ നെയ്യാറ്റിൻകര,എം. എസ്.സി. വിദ്യാർത്ഥി  അർജുൻ, ഹെഡ്മാസ്റ്റർ ബൈജു. എച്ച്. ഡി., അറബിക് അധ്യാപകൻ സെക്കരിയ്യ. പി. തുടങ്ങിയവർ സംസാരിച്ചു .

• 

  ഔട്ട് റീച്ച് സെന്റർ ഉൽഘാടനത്തിൽ പങ്കെടുത്തവർ

• 

  ഔട്ട് റീച്ച് സെന്റർ ഉൽഘാടനത്തിൽ പങ്കെടുത്തവർ

2. ക്ലാസ് പി.ടി.എ

ക്ലാസ് പി .ടി .എ .

വിദ്യാർത്ഥികളുടെ കഴിവും  നൈപുണിയും വികസിപ്പിക്കുന്നതിന്നും പരിശോധിക്കുന്നതിനുമായി മാസംതോറും സ്കൂളിൽ സംഘടിപ്പിക്കുന്ന യൂണിറ്റ് പരീക്ഷകളുടേയും, പ്രവർത്തനങ്ങളുടേയും അവലോകനത്തിനായി പ്രഥമക്ലാസ് തല പി.ടി.എ യോഗം ജൂലൈ 5ന് ഉച്ചക്ക് ശേഷം സംഘടിപ്പിച്ചു.സ്കൂളിൽ പഠിക്കുന്ന മഹാഭൂരിപക്ഷം വിദ്യാർഥികളുടെയും രക്ഷിതാക്കൾ ഇത്തരം യോഗങ്ങളിൽ പങ്കെടുത്തു തുടങ്ങുന്നു എന്നുള്ളത് ,പലകാരണങ്ങൾകൊണ്ടും വിദ്യാഭ്യാസ പ്രവർത്തനങ്ങളോട് പിന്തിരിഞ്ഞു നിന്നിരുന്ന വിഴിഞ്ഞം പ്രദേശത്തെ ഒരു ജനതയുടെ , പുതിയ തലമുറ ഇത്തരം കാര്യങ്ങളോട് എത്രത്തോളം താൽപര്യം കാണിക്കുന്നു എന്നതിന്റെ ഉത്തമ ഉദാഹരണമായി ഈ കാര്യങ്ങളെ നമുക്ക് രേഖപ്പെടുത്താവുന്നതാണ്.

3. ബഷീർ ദിനാഘോഷം

• 
• 
• 

വിഴിഞ്ഞം ഹാർബർ ഏരിയ ലോവർ പ്രൈമറി സ്കൂളിൽ ജൂലൈ അഞ്ചിന് നടന്ന ബഷീർ ദിനാഘോഷം ഏറെ ഹൃദ്യമായ

രൂപത്തിലാണ് സംഘടിപ്പിക്കപ്പെട്ടത് .ദിനാഘോഷത്തിന്റെ ഭാഗമായി അദ്ദേഹത്തിന്റെ പുസ്തകങ്ങളെയും അദ്ദേഹത്തിന്റെ

കൃതികളെയും പരിചയപ്പെടുത്തുന്ന പ്രത്യേക പ്രദർശനം,ബഷീർ ദിന പതിപ്പ് തയ്യാറാക്കൽ, ക്വിസ്,  ഡോക്യുമെമന്ററി പ്രദർശനം,

പോസ്റ്റർ പ്രദർശനം,ബഷീർ കഥാപാത്രങ്ങളുടെ  പുനരാവിഷ്കരണം,ബഷീർ കഥാപാത്രങ്ങളുടെ നാടകാവിഷ്കാരം,തുടങ്ങി വൈവിധ്യമായ പരിപാടികളാണ് ബഷീർ ദിനാഘോഷത്തോടനുബന്ധിച്ച് സ്കൂളിൽ നടന്നത്. ഹൃദ്യമായ ഈ പ്രവർത്തനങ്ങളെ ഏറെ

ആസ്വാദനത്തോടു കൂടിയാണ് വിദ്യാർഥികളും രക്ഷിതാക്കളും സ്വീകരിച്ചത് .ബഷീർ കൃതികളിലെ കഥാ പാത്രങ്ങളുടെ വേഷം

ധരിച്ചുവന്ന കുഞ്ഞുങ്ങൾ കൗതുകമുണർത്തി.പ്രവർത്തനങ്ങൾക്ക് അധ്യാപകരായ ഷീജ.എ,ജോലാൽ.ടി.എസ്,ക്രിസ്റ്റിൻ ബ്യൂല.എസ്,ഷീബ.എസ്.ഡി,സക്കരിയ്യ.പി, രജി.ബി.എസ്,അൻവർ ഷാൻ, ലെജി.എൽ.ആർ, നിസ്സാബീവി.എൽ, രഹന ഷഫീല.എസ്,അനിത.പി.എസ്, തുടങ്ങിയവർ നേതൃത്വം നൽകി

• 
• 
• 

4. പഠനോപകരണ വിതരണം

നിർധനരായ  മത്സ്യത്തൊഴിലാളികളുടെ വിദ്യാർഥികൾ പഠിക്കുന്ന വിഴിഞ്ഞം ഹാർബർ ഏരിയ ലോവർ പ്രൈമറി സ്കൂളിലെ വിദ്യാർത്ഥികൾക്കായി സി. സി. ഐ.എ (ചൈൽഡ് കെയർ ഇസ്ലാമിക് അഫേഴ്സ് ട്രസ്റ്റ്)  ന്റെ നേതൃത്വത്തിൽ പഠനോപകരണങ്ങൾ വിതരണം നടത്തി. വിതരണോദ്ഘാടനം ഇന്ത്യൻ ഹജ്ജ് സർവീസ് കമ്മീഷൻ ചെയർമാൻ ഐ.എച്ച്.എസ്. മാഹിൻ സാഹിബ്  നിർവഹിച്ചു .ട്രസ്റ്റ് അംഗങ്ങളായ എസ്. മുഹമ്മദ് റിയാസ്, ഉവൈസ് മാഹിൻ എന്നിവർ സംബന്ധിച്ചു. കഴിഞ്ഞ ഏതാനും വർഷങ്ങളായി സി. സി. ഐ.എ. യുടെ നേതൃത്വത്തിലുള്ള പഠനോപകരണ വിതരണം സ്കൂളിൽ നടക്കുന്നുണ്ട്.ബാഗുകൾ,കുടകൾ,വാട്ടർ ബോട്ടിൽ,പൗച്ചുകൾ തുടങ്ങിയവ സമ്മാനങ്ങൾ അതിലടങ്ങിയിട്ടുണ്ട്.

• 
• 
• 
• 

5. വിദ്യാഗീതം റേഡിയോ ക്ലബ്ബ് ഉദ്ഘാടനം

വിഴിഞ്ഞം ഗവൺമെന്റ് ഹാർബർ ഏരിയാ ലോവർ പ്രൈമറി

സ്കൂളിലെ വിദ്യാർത്ഥികളുടെ ഭാഷ നൈപുണികൾ വർദ്ധിപ്പിക്കുക എന്ന ലക്ഷ്യത്തിൽ തുടക്കം കുറിക്കുന്ന വിദ്യാഗീതം റേഡിയോ

ക്ലബ്ബിന്റെ ഔപചാരികമായി തുടങ്ങി . ജൂലൈ 11 ഉച്ചയ്ക്കുശേഷം നടന്നു. വ്യത്യസ്ത ഭാഷകളിൽ വാർത്താ വായന,കവിതാലാപനം, കഥപറയൽ, ചോദ്യോത്തരങ്ങൾ എന്നിവ അവതരിപ്പിക്കുവാൻ കുട്ടികൾ നേതൃത്വം നൽകി യാണ് റേഡിയോ ക്ലബ്ബ് സംഘടിപ്പിക്കുന്നത്. ഒഴിവുസമയങ്ങളിൽ സ്കൂളിലെ ഉച്ചഭാഷിണി സംവിധാനമുപയോഗിച്ച് സ്കൂൾ കോമ്പൗണ്ടിന് അകത്ത്  മുഴുവൻ കേൾപ്പിക്കുന്ന രൂപത്തിലാണ് പ്രോഗ്രാമുകൾ സംഘടിപ്പിക്കാറുള്ളത്.

6. സ്നേഹ സന്ദർശനം

ഉപജില്ല വിദ്യാഭ്യാസ ഓഫീസറുടെ സ്നേഹ സന്ദർശനം

ജൂലൈ 17 ബുധൻ ബാലരാമപുരം ഉപജില്ല വിദ്യാഭ്യാസ ഓഫീസർ കവിതാ ജോൺ പെരിങ്ങമല വിഴിഞ്ഞം ഗവൺമെന്റ് ഹാർബർ ഏരിയ ലോവർ പ്രൈമറി സ്കൂൾ സന്ദർശിച്ചു. സ്കൂളിലെ സൗകര്യങ്ങളും, പഠനാന്തരീക്ഷവും വീക്ഷിച്ച ശേഷം അധ്യാപകരോടൊപ്പം

കൂടിക്കാഴ്ച നടത്തുകയും ചെയ്തു.ഉപജില്ലയിൽ തന്നെ ഇത്രയധികം സൗകര്യമുള്ള മറ്റൊരു പ്രൈമറി സ്കൂൾ ഇല്ലെന്നും പറയുകയും, സ്കൂൾ അപ്ഗ്രഡേഷന് വേണ്ടി മുന്നോട്ടുളള യാത്രയിൽ എല്ലാ സഹായങ്ങളും വാഗ്ദാനം ചെയ്യുകയും ചെയ്തു.ആധുനിക വിദ്യാഭ്യാസരംഗത്തെ

വിവിധ പ്രവർത്തന മേഖലകളെ കുറിച്ചുളള അധ്യാപകരുടെ അഭിപ്രായങ്ങൾ    ആരായുകയും ചെയ്തു. എല്ലാ അധ്യാപകരുടേയും കൂടെ ഗ്രൂപ്പ് ഫോട്ടോ എടുത്തിട്ടാണ്  സ്നേഹ സന്ദർശനം അവസാനിപ്പിച്ച് അവർ തിരികെ പോയത് .

7. സ്കൂൾ കലോത്സവം

• 
• 
• 
• 
• 
• 

2024 - 25 അധ്യയനവർഷത്തിലെ സ്കൂൾകലോത്സവം ജൂലൈ 19 വെളളിയാഴ്ച്ച സ്കൂൾ ഓഡിറ്റോറിയത്തിൽ വെച്ച് സംഘടിപ്പിച്ചു.

തീരപ്രദേശത്തെ കുട്ടികളിൽ സാധാരണ കണ്ടുവരാറുണ്ടായിരുന്ന ആളുകളെ അഭിമുഖീകരിക്കാനുള്ള മടി, പുതിയ തലമുറയിൽ ഇല്ലായെന്ന് ഉറപ്പിക്കുന്നതായിരുന്നു ഈ വർഷത്തെ സ്കൂൾ കലോത്സവം. എല്ലാ പ്രോഗ്രാമുകളിലും വിവിധ ക്ലാസുകളിൽ നിന്ന് കുട്ടികൾ ആവേശത്തോടെ കൂടി പ്രാതിനിധ്യം നൽകിയത് സ്കൂൾ കലോത്സവത്തിന് മാറ്റുകൂട്ടി.കൂടാതെ പ്രാധിനിത്യത്തിലെ വർദ്ധനവ് കാരണം പരിപാടികൾ രണ്ടാം ദിവസത്തേക്ക് മാറ്റേണ്ടി വന്നു. സ്കൂൾ കലോത്സവം എസ്.എം. സി ചെയർമാൻ താജുദ്ദീൻ ഫാദിൽ റഹ്മാനി ഉദ്ഘാടനം ചെയ്തു. സീനിയർ അസിസ്റ്റന്റ് സെന്തിൽ കുമാർ അധ്യക്ഷതവഹിച്ചു. സീനിയർ അധ്യാപകനായ ജഡ്സൺ സ്വാഗത ഭാഷണം നടത്തി. സ്റ്റാഫ് സെക്രട്ടറി ജോലാൽ, കലാമേളയുടെ കൺവീനർ  കുമാരി ബിന്ദു, രെജി ടീച്ചർ,ഷീബ ടീച്ചർ , അറബിക് അധ്യാപകരായ സെക്കരിയ്യ.പി, അൻവർ ഷാൻ തുടങ്ങിയവർ കലാപരിപാടികളുടെ സംഘാടനത്തിന് നേതൃത്വം നൽകി.

8.ചാന്ദ്ര ദിനാഘോഷം

• 
• 
• 
• 
• 
• 
• 

ബഹിരാകാശ യാത്രികന്റെ വേഷം ധരിച്ച വിദ്യാർത്ഥി

2024 ജൂലൈ 21 ലെ ചാന്ദ്രദിനാഘോഷം അവധിദിനമായിരുന്നതിനാൽ തൊട്ടടുത്ത പ്രവൃത്തി ദിവസത്തിലാണ് വിഴിഞ്ഞം ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിൽ വിപുലമായി ആഘോഷിച്ചത്. പോസ്റ്റർ നിർമ്മാണം, ചാന്ദ്രദിന പതിപ്പ് പ്രകാശനം, പ്രച്ഛന്നവേഷംധരിക്കൽ,  സ്റ്റിൽ മോഡൽ നിർമ്മാണം, ബഹിരാകാശവാർത്തകൾ വായിക്കൽ, അമ്പിളിമാമൻ ഡോക്യു മെന്ററി പ്രദർശനം, റോക്കറ്റ് പ്രദർശനം, റോക്കറ്റ് നിർമ്മാണം, റോക്കറ്റ് വിക്ഷേപണം, ചാന്ദ്രദിന ക്വിസ് മത്സരംഎന്നിങ്ങനെ വൈവിധ്യമായ പ്രവർത്തനങ്ങൾ കൊണ്ട് സമ്പുഷ്ടമായിരുന്നു ചാന്ദ്രദിന ആഘോഷം .സ്കൂൾ ഹാളിനും, സ്കൂൾ മുറ്റത്തുമായി നടന്ന ഈ വൈവിധ്യമാർന്ന പ്രവർത്തനങ്ങൾ മനുഷ്യന്റെ ബഹിരാകാശത്തേക്കുള്ള സഞ്ചാരങ്ങളുടെ ചരിത്രവും കാൽവെപ്പും പുതിയ തലമുറയ്ക്ക് ബോധ്യപ്പെടുത്തുന്നതായിരുന്നു.വൈവിധ്യമായ പ്രവർത്തനങ്ങൾക്ക് അധ്യാപകർ നേതൃത്വം നൽകി.

• 
• 
• 
• 
• 
• 
• 

9.കൃഷിയുടെ നല്ല പാഠവുമായി കുട്ടി കർഷകർ

കുട്ടി കർഷകർ ഗ്രോബാഗുകളിൽ മണ്ണുനിറക്കുന്നു

വിഷരഹിത പച്ചക്കറികൾ സ്കൂളിലെ വിദ്യാർഥികളെ ഭക്ഷിക്കണമെന്ന് ലക്ഷ്യവുമായി    മൂന്ന്,നാല്  ക്ലാസുകളിലെ  ഒരു കൂട്ടംവിദ്യാർഥികൾ ,അറബിക് അധ്യാപകൻ സക്കരിയ പി. യുടെയും ,ലജി ടീച്ചറുടെയും നേതൃത്വത്തിൽ ജൂലൈ 23 ന്പ്രവർത്തനങ്ങൾ ആരംഭിച്ചു .ഗ്രോബാഗുകൾ സംഘടിപ്പിച്ച് അതിൽ തീരപ്രദേശത്തു നിന്ന് കൃഷിക്ക് അനുയോജ്യമായ മണ്ണ് ശേഖരിച്ച് ,അതിൽ

ജൈവ പച്ചക്കറി തോട്ടത്തിലെ ആരംഭ പ്രവർത്തനങ്ങൾ  നിന്നും

ആദ്യഘട്ടമെന്ന നിലയിൽ പച്ചമുളക് ,വഴുതനങ്ങ, തക്കാളി ,എന്നിവയുടെ തൈകൾ നട്ടു കൊണ്ടാണ് പ്രവർത്തനം തുടക്കം കുറിച്ചിട്ടുള്ളത് . ആദ്യഘട്ട പ്രവർത്തനം വിജയിക്കുകയാണെങ്കിൽ പ്രവർത്തനമേഖല വലുതാക്കണം എന്നുള്ളതാണ് കൃഷി ക്ലബ്ബ് അംഗങ്ങളുടെ തീരുമാനം .

10. പഠന സാമഗ്രികളുടെ നിർമ്മാണം

വിഴിഞ്ഞം ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിലെ വിദ്യാർത്ഥികളുടെ രക്ഷിതാക്കളുടെയും, വിദ്യാർഥികളുടെയും

നൈപുണികൾ വർധിപ്പിക്കുന്നതിനും പരിശോധിക്കുന്നതിനുമായി പഠന സാമഗ്രികളുടെ നിർമ്മാണവും അതിന്റെ പ്രയോഗവും  പരീക്ഷണാടിസ്ഥാനത്തിൽ  ജൂലൈ 30 നടന്നു.വൈവിധ്യമാർന്ന മുഖംമൂടികൾ,പഠന -അധ്യാപന  പ്രക്രിയയിൽ പ്രയോജനം ചെയ്യുന്ന വിവിധ രൂപങ്ങൾ,ചാർട്ടുകൾ,തുടങ്ങിയ അനുബന്ധ കാര്യങ്ങൾ നിർമ്മിക്കുന്നതിൽ മഹാഭൂരിപക്ഷം കുട്ടികളും പങ്കാളികളായി.

• 
• 
• 
• 
• 

11. സ്കൂൾ പ്രവൃത്തി പരിചയമേളയും പഠന സാമഗ്രികളുടെ പ്രയോഗവൽക്കരണവും

പഠന സാമഗ്രികളുടെ പ്രദർശനം

സ്കൂൾ പ്രവൃത്തി പരിചയമേള

ജൂലൈ 31 ന് വിഴിഞ്ഞം ഹാർബർ ഏരിയ ലോവർ പ്രൈമറി സ്കൂളിന്റെ അസംബ്ലി ഹാളിൽ വച്ച് സ്കൂൾ  തല പ്രവർത്തി പരിചയ മേള സംഘടിപ്പിച്ചു.വിവിധ ഇനങ്ങളിലായി കുട്ടികൾ പങ്കെടുത്തു. അന്നേ ദിവസം ഉച്ചക്ക് ശേഷം പഠന സാമഗ്രികളുടെ പ്രയോഗം  ക്ലാസ് റൂമുകൾക്ക് അകത്ത് എങ്ങനെ നിർവഹിക്കുന്നു എന്നത് തെളിയിക്കുന്നതിനായി ഓരോ ക്ലാസുകളും തലേ ദിവസം നിർമ്മിച്ചു കൊണ്ടുവന്ന പഠനസാമഗ്രികൾ ഉപയോഗിച്ചുകൊണ്ട് പാട്ടായും, നൃത്തമായും കഥയായും സ്കിറ്റ് ആയും മുഴുവൻ വിദ്യാർഥികളുടെ സാന്നിദ്ധ്യത്തിൽ അവതരിപ്പിക്കുകയുണ്ടായി.

ഓഗസ്റ്റ്

1. പി.ടി.എ. ജനറൽ ബോഡി യോഗം

• 
• 
• 

വിഴിഞ്ഞം ഹാർബർ ഏരിയ ലോവർ പ്രൈമറി സ്കൂളിലെ 20 24- 25 അധ്യാന വർഷത്തിലെ പ്രഥമ പി.ടി.എ. ജനറൽ ബോഡി യോഗം ഓഗസ്റ്റ് ഒന്നിന് നടന്നു. വാർഡ് കൗൺസിലർ എം. നിസാമുദ്ദീൻ യോഗം ഉദ്ഘാടനം ചെയ്തു. ഈ അധ്യായന വർഷത്തേക്കുള്ള പി. ടി. എ., എം. പി. ടി. എ., എസ്. എം. സി., സമിതികളെ തിരഞ്ഞെടുത്തു. നൂറോളം രക്ഷിതാക്കളാണ് യോഗത്തിൽ പങ്കെടുത്തത്. യോഗത്തിൽ വച്ച് വ്യത്യസ്ത മത്സരങ്ങളിൽ മികവ് തെളിയിച്ച കുട്ടികളെ ആദരിക്കുകയും, രക്ഷിതാക്കളുടെ സദസ്സിൽ കുട്ടികളുടെ മികവുകൾ പ്രദർശിപ്പിക്കുന്ന സ്കിറ്റ്, ഗാനം,നടനം, പോലുള്ള പ്രവർത്തനങ്ങൾ അവതരിപ്പിക്കുകയും ചെയ്തു.2024 - 25 അധ്യായന വർഷത്തിലേക്കുള്ള പി.ടി.എ പ്രസിഡണ്ടായി അൻവർ ഷാൻ,എം. പി.ടി.എ പ്രസിഡണ്ടായി റളിയാ. എഫ്.,എസ്. എം. സി. ചെയർമാൻ ആയി താജുദ്ദീൻ റഹ്മാനി എന്നിവരെ യോഗം ഐക്യഖണ്ഡേന  തെരഞ്ഞെടുത്തു.

2.ദുരിതപ്പെയ്ത്തിന്  ആശ്വാസവുമായി വിഴിഞ്ഞം ഹാർബർ സ്കൂൾ

മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം കൈമാറുന്നു

മുഖ്യമന്ത്രി കുട്ടികളെ അഭിവാദ്യം ചെയ്യുന്നു

വയനാട് മുണ്ടക്കൈ ദുരിതാശ്വാസ പ്രവർത്തനങ്ങളുമായി ബന്ധപ്പെട്ടുളള മുഖ്യമന്ത്രിയുടെ ദുരിതാശ്വാസ നിധിയിലേക്ക്വിഴിഞ്ഞം ഹാർബർ ഏരിയാ ലോവർ പ്രൈമറി സ്കൂളിലെ വിദ്യാർത്ഥികളും അധ്യാപകരും ചേർന്ന് സമാഹരിച്ച എഴുപത്തി അയ്യായിരം രൂപ ബഹു; കേരളാ മുഖ്യമന്ത്രി പിണറായി വിജയനെ ഏൽപ്പിച്ചു.നിർധനരായ മത്സ്യത്തൊഴിലാളികളുടെ മക്കൾ മാത്രം പഠിക്കുന്ന ഈ വിദ്യാലയത്തിലെ  മുഴുവൻ  കുട്ടികളും  ഈ സംരംഭത്തിൽ പങ്കാളികളായി. പത്തിലധികം കുട്ടികൾ അവരുടെ സമ്പാദ്യ കുടുക്ക ശേഖരത്തിൽ നിന്നുമുളള തുകയും ഈ  സംരംഭത്തിനായി സംഭാവന നൽകി മാതൃകയായി. ഓഗസ്റ്റ് അഞ്ചിന് മുഖ്യമന്ത്രിയുടെ ഓഫീസിലെത്തി വിദ്യാർത്ഥികൾ മുഖ്യമന്ത്രിക്ക് നേരിട്ട് തുക കൈമാറി. സ്കൂൾ ഹെഡ്മാസ്റ്റർ ബൈജു എച്ച്. ഡി. ,എസ്. എം. സി. ചെയർമാൻ താജുദ്ദീൻ ഫാദിൽ റഹ്മാനി, പി.ടി.എ. പ്രസിഡണ്ട് അൻവർ ഷാൻ, സ്റ്റാഫ് സെക്രട്ടറി ജോലാൽ ടി.എസ്., അധ്യാപകൻ സക്കറിയ. പി. എന്നിവർ കുട്ടികളെ അനുഗമിച്ചു.

3. അൻപത്തിയഞ്ചാമത് കായികമേള

• 
• 
• 
• 
• 
• 

കായികമേള വിജയികൾ ഓവർ റോളിംഗ് ട്രോഫിയുമായി

അൻപത്തിഞ്ചാമത് കായികമേളയുടെ ഉദ്ഘാടനം

ഗവൺമെന്റ് ഹാർബർ ഏരിയ എൽ.പി. സ്കൂളിലെ അൻപത്തിയഞ്ചാമത് വാർഷിക കായികമേള, ഓഗസ്റ്റ് ആറിന് വിഴിഞ്ഞം തെക്കുഭാഗം മുസ്ലിം ജമാഅത്ത് മൈതാനിയിൽ നടന്നു. കായികമേളയുടെ ഔപചാരികമായ ഉദ്ഘാടനം  വിഴിഞ്ഞം പോലീസ് സ്റ്റേഷൻസി.ഐ. പ്രകാശൻ വെങ്ങാനൂർ നിർവഹിച്ചു. 10 മത്സര ഇനങ്ങളിലായി  നാല് ഹൗസുകളെ പ്രതിനിധീകരിച്ച് ഇരുന്നൂറോളം അത്ലറ്റുകൾ മത്സരങ്ങളിൽ പങ്കെടുത്തു.വാർഡ് കൗൺസിലർ എം. നിസാമുദ്ദീൻ മാർച്ച് പാസ്റ്റും,ദീപശിഖാ റാലിയും ഫ്ലാഗ് ഓഫ് ചെയ്തു. എസ്. എം.സി. ചെയർമാൻ താജുദ്ദീൻ റഹ്മാനി, വിഴിഞ്ഞം കോസ്റ്റൽ പോലീസ് എസ്.ഐ. ജോസ് കാഞ്ഞിരംകുളം,സ്കൂൾ ഹെഡ്മാസ്റ്റർ ബൈജു എസ്.ഡി., സ്പോർട്സ് കൺവീനർ ജഡ്സൻ.ഐ.ഡബ്ല്യൂ.,ജോയിൻ കൺവീനർ പി.സെക്കരിയ്യ തുടങ്ങിയവർ സംസാരിച്ചു. സെന്റിൽ കുമാർ.പി.ഡി.,ഷീജ.എ., ഷീബ.എസ്.ഡി.,കുമാരി ബിന്ദു.വൈ.ആർ, ജോലാൽ.ടി.എസ്., ക്രിസ്റ്റിൻബ്യൂല.എസ്,രജി.ബി.എസ്.,അൻവർ ഷാൻ,മാഹിൻ, അസ്ലം എന്നിവർ നേതൃത്വം നൽകി. കായികമേളയുടെ വാർത്തകൾ കേൾക്കുന്നതിനും കാണുന്നതിനും ആയി താഴെയുള്ള ലിങ്കുകൾ ക്ലിക്ക് ചെയ്യുക

1.  https://youtu.be/-rZDbGJ9L3g?si=p2RxQ_qfdoGbIFkl

2. https://youtu.be/qlgzVWcOv-I?si=URGMuaYDw0A7cX2s

• 
• 
• 
• 
• 
• 
• 
• 

4. മോട്ടിവേഷൻ ക്ലാസ്സും അവാർഡ് ദാനവും

വിഴിഞ്ഞം ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിലെ പൂർവ്വ വിദ്യാർത്ഥിയും കൈരളി ടി.വി. ചാനൽ ക്വിസ്

മോട്ടിവേഷൻ സ്പീക്കർ എം. കെ. അബൂബക്കർ കണ്ണിന്റെ പഠന ക്ലാസ്

കോമ്പിറ്റീഷൻ മോഡറേറ്ററും പ്രശസ്ത മോട്ടിവേഷൻ സ്പീക്കറുമായ എം.കെ. അബൂബക്കർ കണ്ണ് കുട്ടികളുമായി ആഗസ്റ്റ് 9 വെളളിയാഴ്ച്ച സംവദിച്ചു. നാടിന്റേയും വിദ്യാലയത്തിന്റേയും തന്റെ പഴയ കാലം ഓർമ്മകൾ അയവിറക്കി അദ്ദേഹം നടത്തിയ സംസാരം കുട്ടികൾക്ക് വളരെ  പ്രോത്സാഹനം നൽകിയതായിരുന്നു. ഇദ്ദേഹം നിലവിൽ ഖത്തർ ആസ്ഥാനമായ അൽ റവാബി ഗ്രൂപ്പ് ഓഫ് കമ്പനിയുടെ ജനറൽ മാനേജരാണ്. സദസ്സിൽ അലിഫ്  ടാലന്റ് ടെസ്റ്റിൽ ജില്ല,ഉപജില്ലാ തലത്തിൽ അഭിമാന വിജയം നേടിയ ഹാർബർ സ്കൂൾ നാലാം ക്ലാസ് വിദ്യാർത്ഥി നഫ്സീനയെ ആദരിക്കുകയും ചെയ്തു. തുടർന്ന് സ്കൂളിനായി സി.സി.ഐ.എ. ട്രസ്റ്റ് (ചൈൽഡ് കെയർ ഇസ്ലാമിക് അഫേഴ്സ് ട്രസ്റ്റ്) സംഭാവന ചെയ്യുന്ന 50 ചെയറുകൾ ട്രസ്റ്റ് പ്രതിനിധി മുഹമ്മദ് റിയാസ് പ്രധാനാധ്യാപകനെ ഏൽപ്പിച്ചു. ട്രസ്റ്റ് പ്രതിനിധി മുഹമ്മദ് റിയാസ്,ഹെഡ് മാസ്റ്റർ ബൈജു സാർ .എസ്.ഡി.,വാർഡ് കൗൺസിലർ നിസാമുദ്ദീൻ,എസ്.എം.സി. ചെയർമാൻ താജുദ്ദീൻ റഹ്മാനി,  പി.ടി.എ. പ്രസിഡണ്ട് അൻവർ ഷാൻ,സ്റ്റാഫ് സെക്രട്ടറി ജോലാൽ തുടങ്ങിയവർ സംസാരിച്ചു .

അലിഫ് ടാലന്റ് ടെസ്റ്റിൽ ജില്ലാ, ഉപജില്ലാ തലങ്ങളിൽ ഉന്നത വിജയം നേടിയ നഫ്സീനയെ ആദരിക്കുന്നു

സി.സി.ഐ.എ. ട്രസ്റ്റ് നൽകുന്ന കസേരകൾ സ്വീകരിക്കുന്നു.

5. ക്ലാസ് പി.ടി.എ. യും, രക്ഷിതാക്കൾക്കുള്ള പരിശീലനവും

2024 ഓഗസ്റ്റ് പതിനാലാം തീയതി ബുധനാഴ്ച്ച ഈ അധ്യയന വർഷത്തിലെ രണ്ടാമത്തെ ക്ലാസ് പി.ടി.എ യോഗം സംഘടിപ്പിച്ചു.മാസാരംഭത്തിൽ നടത്തിയിട്ടുള്ള യൂണിറ്റ് ടെസ്റ്റുകളുടെ മൂല്യനിർണയം രക്ഷിതാക്കളെ ബോധ്യപ്പെടുത്തുന്നതിനും, കുട്ടികളുടെ നിലവാരം ചർച്ചചെയ്യുന്നതിനുമായിരുന്നു ക്ലാസ് പി.ടി.എ. സംഘടിപ്പിച്ചത്.തുടർന്ന അന്നേദിവസം രാവിലെ പതിനൊന്നര മുതൽ ഉച്ചയ്ക്ക് ഒന്നര വരെ കേരള ലൈഫ്  ഫൗണ്ടേഷന് കീഴിൽ രക്ഷിതാക്കളെ സ്വയംപര്യാപ്തതയിലേക്ക് നയിക്കുന്ന  തൊഴിൽ നൈപുണികളെ പരിചയപ്പെടുത്തിയുള്ള പരിശീലന ക്ലാസും സംഘടിപ്പിക്കുകയുണ്ടായി.ലൈഫ് ഫൗണ്ടേഷൻ പ്രതിനിധികളും കൗൺസിലേഴ്സുമായ കിബിയ , കൃഷ്ണ തുടങ്ങിയവർ സംസാരിച്ചു.

6. സ്വാതന്ത്ര്യദിനാഘോഷം

• 
• 
• 
• 

സ്വാതന്ത്രദിന സന്ദേശം നൽകുന്നു

സ്വാതന്ത്രദിന റാലി കടപ്പുറത്ത് കൂടി കടന്നുപോകുന്നു

വിഴിഞ്ഞം ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിൽ രാജ്യത്തിന്റെ 78 ആമത് സ്വാതന്ത്ര്യ ദിനാഘോഷം വളരെ വിപുലമായാണ് സംഘടിപ്പിക്കപ്പെട്ടത്. രാജ്യത്തിന്റെ നാനാത്വത്തിൽ ഏകത്വം ഉയർത്തിപ്പിടിക്കുന്ന വ്യത്യസ്ത മതങ്ങളേയും ,ഭാഷകളേയും,സംസ്കാരങ്ങളെയും പ്രകടിപ്പിടിക്കുന്ന വേഷവിധാനങ്ങളും, സ്വാതന്ത്ര്യസമരസേനാനികളുടെ രൂപവും സ്വീകരിച്ചാണ് കുട്ടികൾ സ്കൂളിൽ എത്തിയത്. പ്രീപ്രൈമറി വിദ്യാർഥികൾ പോലും ഇന്ത്യൻ സ്വാതന്ത്ര്യ സമര സേനാനികളുടെ വേഷവിധാനങ്ങൾ സ്വീകരിച്ച് എത്തിയതും മനം കുളിർക്കുന്ന കാഴ്ചയായിരുന്നു. രാവിലെ 9 മണിക്ക് വാർഡ് കൗൺസിലർ നിസാമുദ്ദീൻ, വികസന സമിതി ചെയർമാൻ അഷ്റഫ് സാഹിബ്,എസ്. എം.സി. ചെയർമാൻ താജുദ്ദൻ റഹ്മാനി, ഹെഡ്മാസ്റ്റർ ബൈജു എച്ച്.ഡി എന്നിവരുടെ സാന്നിധ്യത്തിൽ പതാക ഉയർത്തി. മഴ കുളിരേകിയ പ്രഭാതത്തിൽ മഴ ശമിച്ചപ്പോൾ സ്വാതന്ത്ര ദിന റാലി സ്കൂളിൽ നിന്നാരംഭിച്ചു. ഫ്ലാറ്റ് സമുച്ചയങ്ങൾ ഇടയിലൂടെ  വിഴിഞ്ഞം തീരപ്രദേശത്ത് കൂടി സഞ്ചരിച്ച് പ്രസിദ്ധമായ പൈസ ഹോട്ടലിന് സമീപമുള്ള ഗ്രൗണ്ടിൽ എത്തിച്ചേർന്ന് വിവിധ കലാപരിപാടികൾ അവതരിപ്പിക്കുകയുണ്ടായി.കുട്ടികൾക്ക് മധുര പലഹാരവും,പാനീയവുംയും അവിടെവച്ച് സിറാജ് സാഹിബ് വിതരണം ചെയ്തു. വഴിയോരങ്ങളിലെല്ലാം പ്രോഗ്രാം വീക്ഷിക്കുന്നതിനായി നൂറുകണക്കിന് രക്ഷിതാക്കൾ സന്നിഹിതരായത് ഹാർബർ ഏരിയ സ്കൂളിന്റെ പ്രവർത്തനങ്ങളെ സമീപവാസികൾ എത്ര പ്രാധാന്യത്തോടെയാണ് നോക്കിക്കാണുന്നത് എന്നതിന്റെ തെളിവായിരുന്നു. പ്രവർത്തനങ്ങൾക്ക് അധ്യാപകരായ കുമാരി ബിന്ദു,സെന്തിൽ കുമാർ ജോലാൽ,ഷീജ,രെജി,ഷീബ,സെക്കരിയ്യ,അൻവർ ഷാൻ, ലിജി, അനിത, രഹന, റഫ്ക,അലി ഫാത്തിമ തുടങ്ങിയവർ നേതൃത്വം നൽകി.

• 
• 
• 
• 

1. അക്വേറിയം സന്ദർശനം

അക്വേറിയം സന്ദർശനം

അക്വേറിയം സന്ദർശനം

വിഴിഞ്ഞം  ലൈറ്റ് ഹൗസിനു സമീപത്തെ കേന്ദ്ര സർക്കാരിനു കീഴിലുളള   സി.എം.എഫ്.ആർ.ഐ. സാഗരിക മറൈൻ റിസേർച്ച് അക്വേറിയം ഹാർബർ ഏരിയ ലോവർ പ്രൈമറി സ്കൂളിലെ നാലാം ക്ലാസ് വിദ്യാർത്ഥികൾ പഠനഭാഗമായി സെപ്റ്റംബർ നാലിന് സന്ദർശിച്ചു. അക്വേറിയത്തിലെ ജീവനക്കാരും ഉദ്യോഗാർത്ഥികളുമായും കൂടിക്കാഴ്ച്ച നടത്തി.അധ്യാപകരായ കുമാരി ബിന്ദു,ക്രിസ്റ്റിൻ ബ്യൂല,അധ്യാപക വിദ്യാർത്ഥികളായ രാഹുൽ.വി.എസ്., അമൽദാസ്.എം.എസ്.,ഷിജി രാജ്.ടി.എസ്. എന്നിവർ നേതൃത്വം നൽകി

2. ദേശീയ അധ്യാപക ദിനാഘോഷം

• 
• 
• 

  അധ്യാപക ദിനാഘോഷത്തിൽ രക്ഷിതാക്കൾ ക്ലാസെടുക്കുന്നു

അധ്യാപികയെ ആദരിക്കുന്നു

പ്രീപ്രൈമറി വിദ്യാർഥിനി യുസ്റ യാസിർ ക്ലാസ്സെടുക്കുന്നു.

സെപ്റ്റംബർ 5 ദേശീയ അധ്യാപക ദിനാഘോഷത്തോടനുബന്ധിച്ച് വിഴിഞ്ഞം ഗവൺമെന്റ് ഹാർബർ ഏരിയ എൽ.പി.  സ്കൂളിൽ പ്രത്യേകം അസംബ്ലി ചേർന്നു. രക്ഷിതാക്കൾക്കും കുട്ടികൾക്കും ക്ലാസെടുക്കാനുള്ള അവസരമൊരുക്കിയിരുന്നു. കുഞ്ഞ് അധ്യാപകരും,രക്ഷിതാക്കളുമാണ് പല ക്ലാസ്സുകളും അന്ന് നിയന്ത്രിച്ചത്.സ്കൂൾ അധ്യാപന ജീവിതത്തിൽ കാൽ നൂറ്റാണ്ടിലധികം പിന്നിട്ട,ജി.എച്ച്.എ. എൽ.പി. സ്കൂളിൽ നിലവിൽ ജോലി ചെയ്തു കൊണ്ടിരിക്കുന്ന ഒന്നാം ക്ലാസ് അധ്യാപിക രജി സുർജിത്തിനെ ആദരിക്കുകയും ചെയ്തു .പ്രീപ്രൈമറി ക്ലാസ് റൂമിൽ  ക്ലാസിന് നേതൃത്വം നൽകിയ കുഞ്ഞ് അധ്യാപക യുസ്റ യാസിർ ഏറെ പ്രശംസകൾ ഏറ്റുവാങ്ങി

3. ഓണാഘോഷം

• 
• 
• 
• 

വിഴിഞ്ഞം ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിൽ ഇത്തവണത്തെ ഓണാഘോഷവും വളരെ വിപുലമായിട്ടാണ് സംഘടിപ്പിച്ചത്. ഓണാഘോഷത്തിന്റെ ഭാഗമായി പ്രത്യേക ഓണവഞ്ചി തയ്യാറാക്കുകയും, ഊഞ്ഞാൽ നിർമ്മിക്കുകയും ക്കുകയും ചെയ്തു. വിഭവ സമൃദ്ധമായ പതിനഞ്ചോളം വിഭവങ്ങൾ അടങ്ങിയ ഭക്ഷണവും, രക്ഷിതാക്കൾക്കും കുട്ടികൾക്കുമായി അധ്യാപകരുടെ നേതൃത്വത്തിൽ  പാകംചെയ്ത് തയ്യാറാക്കി സെപ്റ്റംബർ 13 വെള്ളിയാഴ്ച വിതരണം ചെയ്തു.ഓണപ്പതിപ്പുകൾ തയ്യാറാക്കുകയും ഓണാഘോഷങ്ങൾ സംഘടിപ്പിച്ച വിവരണം കുട്ടികൾ തയ്യാറാക്കുകയും ചെയ്തിട്ടുണ്ട്. ഓണാഘോഷത്തിന് ഭാഗമായി കേരളീയ തനിമ പ്രകടിപ്പിക്കുന്നവേഷ വിധാനങ്ങൾ കുട്ടികൾ ധരിച്ചുവന്നിരുന്നു.മാവേലിയുടെ വേഷവും ,പുലി , കടുവ തുടങ്ങിവയുടെ രൂപവും കുട്ടികൾ പലരും ധരിച്ചു വന്നത് ആഘോഷത്തിന്റെ മാറ്റു കൂട്ടി.കേരളീയ സംസ്കാരം പ്രകടമാക്കുന്ന വൈവിധ്യമാർന്ന കലാപരിപാടികൾ കുട്ടികൾ അവതരിപ്പിച്ചു.

• 
• 
• 
• 

4. പാഴ് വസ്തുക്കളെ കൊണ്ടുള്ള ഉൽപന്ന  നിർമ്മാണവും പ്രദർശനവും

പാഴ് വസ്തുക്കൾ കൊണ്ടുള്ള ഉൽപ്പന്ന നിർമ്മാണവും പ്രദർശനവും

ഉൽപ്പന്ന പ്രദർശനം

ഭാരത സർക്കാരിന്റെ സ്വച്ഛ് ഭാരത് അഭിയാൻ പദ്ധതിയുടെ ഭാഗമായി വിഴിഞ്ഞം മറൈൻ ഫിഷറീസ് റിസർച്ച് ഇൻസ്റ്റിറ്റ്യൂട്ടും, ഗവൺമെന്റ് ഹാർബർ ഏരിയാ എൽ.പി.  സ്കൂളും സംയുക്തമായി ചേർന്ന് പാഴ് വസ്തുക്കൾ കൊണ്ടുള്ള വിവിധ ഉൽപ്പന്നങ്ങളുടെ നിർമ്മാണവും പ്രദർശനവും മത്സരവും നടത്തി. ഉപയോഗ ശൂന്യമായ വസ്തുക്കൾ എങ്ങനെ പ്രയോജനപ്പെടുത്താമെന്ന് സമൂഹത്തെ ബോധവൽക്കരിക്കുന്നതിനുവേണ്ടിയാണ് ഈ  പ്രവർത്തനം സംഘടിപ്പിച്ചത്. പ്രവർത്തനത്തിൽ വളരെ ആവേശപൂർവ്വമാണ് കുട്ടികൾ രക്ഷിതാക്കളുടെ നേതൃത്വത്തിൽ വൈവിധ്യമാർന്ന ഉൽപ്പന്നങ്ങൾ നിർമ്മിക്കുകയും, അല പ്രദർശിപ്പിക്കുവാൻ തയ്യാറാക്കുകയും ചെയ്തത്.തെരഞ്ഞെടുക്കപ്പെട്ട ഉപകരണങ്ങൾക്കും വസ്തുക്കൾക്കും ഉപഹാരം നൽകുകയും ചെയ്തു.

1. അവാർഡ് ദാനം

• 
• 
• 
• 

സ്വച്ച് ഭാരത്  പദ്ധതിയുടെ ഭാഗമായി വിഴിഞ്ഞം മത്സ്യ ഗവേഷണ കേന്ദ്രത്തിന്റെ നേതൃത്വത്തിൽ നടന്ന പാഴ് വസ്തുക്കൾ കൊണ്ടുളള  ഉൽപന്ന നിർമ്മാണ മത്സരങ്ങളുടെ സമ്മാനവിതരണവും അവാർഡ് ദാനവും ഒക്ടോബർ ഒന്നിന് എം.എൽ.എ നിർവഹിച്ചു. പരിപാടിയിൽ മത്സ്യ ഗവേഷണ കേന്ദ്രം ഡയറക്ടർ ഡോ:ബി.സന്തോഷ്, പ്രിൻസിപ്പൾ സയിന്റിസ്റ്റ്  ഡോ.കൃഷ്ണ സുകുമാരൻ,പ്രിൻസിപ്പാൾ ഡോ:  ആശ,സയിന്റിസ്റ്റുകളായ ഡോ:സൂര്യ,ഡോ: രതി ഭുവനേഷ്വരി,വാർഡ് കൗൺസിലർ നിസാമുദ്ദീൻ,തുടങ്ങിയവർ പങ്കെടുത്തു.

2. സൗജന്യ യൂണിഫോം വിതരണം

  ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിലെ വിദ്യാർത്ഥികൾക്ക് വിശേഷ ദിവസങ്ങളിലും ഒഴിവു ദിനങ്ങളിലും ധരിക്കുന്നതിനായുളള യൂണിഫോം, ജിദ്ദ കേന്ദ്രമായി പ്രവർത്തിക്കുന്ന തിരുവനന്തപുരം പ്രവാസി അസോസിയേഷൻ [T.P.A] യുടെ നേതൃത്വത്തിൽ വിതരണം ചെയ്തു. യൂണിഫോം വിതരണോദ്ഘാടനം  കോവളം നിയോജക മണ്ഡലം എം.എൽ.എ. അഡ്വ: എം. വിൻസെന്റ് നിർവഹിച്ചു ഒക്ടോബർ 1 ന് നിർവ്വഹിച്ചു. ഹാർബർ വാർഡ് കൗൺസിലർ എം. നിസാമുദ്ദീൻ അധ്യക്ഷത വഹിച്ചു . പ്രവാസി അസോസിയേഷൻ എക്സിക്യൂട്ടീവ് അംഗങ്ങളായ അൻഷാദ് ആറ്റിങ്ങൽ,മനോജ് കുമാർ പ്ലാമൂട്,സജീബ് വർക്കല,സീന അൻഷദ്, ഹാർബർ സ്കൂൾ ഹെഡ്മാസ്റ്റർ ബൈജു. എച്ച്. ഡി., എസ്. എം. സി. ചെയർമാൻ താജുദ്ദീൻ റഹ്മാനി,പി.ടി.എ. പ്രസിരണ്ട് അൻവർ ഷാൻ, അധ്യാപകൻ സെക്കരിയ്യ. പി. തുടങ്ങിയവർ സംസാരിച്ചു.

3. ശാസ്ത്രോത്സവത്തിൽ അഭിമാനത്തോടെ വീണ്ടും

< ഗവ.എച്ച്.എ.എൽ.പി.എസ്.വിഴിഞ്ഞം‎ | പ്രവർത്തനങ്ങൾ 2024 ഒൿടോബർ 16 മുതൽ 18 വരെ മരുതൂർകോണം പി.ടി.എം. ഹയർസെക്കൻഡറി സ്കൂളിൽ വച്ച് നടന്ന ബാലരാമപുരം ഉപജില്ലാ ശാസ്ത്രമേളയിൽ അഭിമാനാർഹമായ നേട്ടമാണ് ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിലെ വിദ്യാർഥികൾ കരസ്ഥമാക്കിയത്.ശാസ്ത്രം,ഗണിത ശാസ്ത്രം, സാമൂഹ്യ ശാസ്ത്രം,  പ്രവർത്തി പരിചയമേള തുടങ്ങിയവയിലെല്ലാം, അഭിമാനാർഹമായ സ്ഥാനങ്ങളും, ഗ്രേഡുകളും സ്കൂളിലെ വിദ്യാർത്ഥികൾ കരസ്ഥമാക്കുകയും,ഉപജില്ലാടിസ്ഥാനത്തിൽ ലോവർ പ്രൈമറി സ്കൂളുകളിൽ മികച്ച നിലവാരം പുലർത്താനും സ്കൂളിന് കഴിഞ്ഞതും വലിയ നേട്ടമായി. അതോടൊപ്പം ശാസ്ത്രമേളയുടെ ഭാഗമായി നടന്ന  കലക്ഷനിൽ എഴുപതോളം സ്കൂളുകളിൽ നിന്നും എ.ഗ്രേഡും രണ്ടാംസ്ഥാനവും ഈ വർഷവും നിലനിർത്താൻ കഴിഞ്ഞതും  പ്രശംസനീയമാണ്.

4. ചങ്ങാതിക്കൂട്ടം

ചങ്ങാതികൂട്ടം പ്രോഗ്രാമിൽ നിന്നും

ബാലരാമപുരം ബി.ആർ. സി. യുടെ കീഴിൽ ഇംക്ലുസീവ്  വിദ്യാഭ്യാസത്തിന്റെ ഭാഗമായി സ്കൂളിൽ വരാൻ കഴിയാത്ത, സ്കൂളിലെ ഒന്നാം ക്ലാസ് വിദ്യാർഥിയായ ഉമറുൽ ഫാറൂഖിന്റെ വീട്ടിൽ പോയി, അവന്റെ കൂടെ സ്കൂളിലെ വിദ്യാർഥികളും അധ്യാപകരും സന്തോഷ നിമിഷങ്ങൾ പങ്കിട്ട ദിവസമായിരുന്നു ഒക്ടോബർ 22 ചൊവ്വാഴ്ച്ച.ജീവിതയാത്രയിൽ ദൈവികമായ പരീക്ഷണങ്ങൾകൊണ്ട് മറ്റു കുഞ്ഞുങ്ങളോടൊപ്പം ചെലവഴിക്കാൻ സാധ്യമാകാതെ, വൈവിധ്യമാർന്ന പരീക്ഷണങ്ങൾ നേരിട്ടുകൊണ്ടിരിക്കുന്ന ഉമറിന് സന്തോഷിക്കാനും ആഹ്ലാദിക്കാനും സ്കൂൾ വിദ്യാർത്ഥികളുടെ കലാപരിപാടികളും സമ്മാനപ്പൊതികളും, ഭക്ഷണ വിതരണവും കൊണ്ട് കഴിഞ്ഞു എന്നുള്ളതാണ് ഈ പരിപാടിയുടെ വിജയം. ചങ്ങാതിക്കൂട്ടം പ്രോഗ്രാം വാർഡ് കൗൺസിലർ എം. നിസാമുദ്ദീൻ ഉദ്ഘാടനം ചെയ്തു. സ്കൂൾ, പ്രധാനാധ്യാപകൻ ബൈജു എച്ച്.ഡി. അധ്യക്ഷത വഹിച്ചു.ബാലരാമപുരം BRC യുടെ ബി.പി.സി. SG. അനീഷ്,ശ്രീകുമാർ സാർ,ബി.ആർ.സി. കോഡിനേറ്റർ ശാലിനി ടീച്ചർ, എസ്.ആർ. ജി. കൺവീനർ രജി ടീച്ചർ,പി.ടി.എ. പ്രസിഡണ്ട് അൻവർ ഷാൻ,എസ്. എം. സി. ചെയർമാൻ താജുദ്ദീൻ റഹ്മാനി, അറബിക് അധ്യാപകൻ സെക്കരിയ്യ.പി, കുമാരി ബിന്ദു ടീച്ചർ, സ്റ്റാഫ് സെക്രട്ടറി ജോലാൽ,ഡോ.രജനി ടീച്ചർ, മറ്റു ബി.ആർ.സി. പ്രതിനിധികളും യോഗത്തിൽ സംബന്ധിച്ചു .

• 
• 
• 
• 

4. കുടിവെള്ള പദ്ധതി ഉദ്ഘാടനം

വിഴിഞ്ഞം ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിലെ കുടിവെള്ള പ്രശ്നത്തിന് പരിഹാരം കണ്ടെത്തിയ ദിവസമാണ്

2024 ഒൿടോബർ 27. കഴക്കൂട്ടം ടെക്നോപാർക്കിലെ പ്രമുഖ ഐടി കമ്പനിയായ ഗ്ലോബൽ ഫൗണ്ടേഷന്റെ നേതൃത്വത്തിൽ വിഴിഞ്ഞം ഹാർബർ സ്കൂളിലെ വിദ്യാർത്ഥികൾക്ക് കുടിവെള്ള സൗകര്യമൊരുക്കി. ഒരേസമയം ചൂടും തണുപ്പുമുള്ള പാനീയം  ശുദ്ധീകരിച്ച്  നൽകുന്ന പദ്ധതിയായിരുന്നു ഇത്. പദ്ധതി വാർഡ് കൗൺസിലർ ശ്രീ നിസാമുദീൻ ഉദ്ഘാടനം ചെയ്തു.എസ്. എം. സി. ചെയർമാൻ താജുദ്ദീൻ ഫാദിൽ റഹ്മാനി അധ്യക്ഷത വഹിച്ചു.ഹെഡ് മാസ്റ്റർ ബൈജു.എച്ച്.ഡി. സ്വാഗതം ആശംസിച്ച പരിപാടിയിൽ, കമ്പനിയുടെ ജനറൽ മാനേജർ ശ്രീ. ഉണ്ണി ശങ്കർ മുഖ്യപ്രഭാഷണം നിർവഹിച്ചു. ക്വസ്റ്റ് ഗ്ലോബൽ ഫൗണ്ടേഷൻ പ്രതിനിധി അഖിലേഷ്, അറബിക് അധ്യാപകൻ പി.സക്കറിയ. പാലക്കാഴി,പിടിഎ പ്രസിഡണ്ട് അൻവർ ഷാൻ തുടങ്ങിയവർ സംസാരിച്ചു. ക്വസ്റ്റ് ഗ്ലോബൽ ഫൗണ്ടേഷൻ പ്രതിനിധികളായി 15 ഓളം പ്രവർത്തകർ പങ്കെടുത്തു. ശേഷം സ്കൂളിലെ മുഴുവൻ വിദ്യാർഥികൾക്കും മധുരപലഹാരം

വിതരണം ചെയ്തു .

• 
• 
• 
• 

5. 'കളിപ്പെട്ടി' അധ്യാപകർക്കുള്ള ഐ. സി. ടി. പാഠപുസ്തക പരിശീലനം

ഐ.സി.ടി. പരിശീലന ക്യാമ്പിൽ നിന്നും

കേരള പൊതുവിദ്യാഭ്യാസ വകുപ്പിന്റെ നേതൃത്വത്തിൽ പ്രൈമറി അധ്യാപകർക്ക് നൽകിക്കൊണ്ടിരിക്കുന്ന ഐ.സി.ടി ഏകദിന പരിശീലനം ഒക്ടോബർ 29ന് വിഴിഞ്ഞം ഹാർബർ ഏരിയ ലോവർ പ്രൈമറി സ്കൂളിൽ സംഘടിപ്പിച്ചു.കുട്ടി ജീവിക്കുന്ന ജൈവികവും സാമൂഹികവുമായ പരിസരങ്ങൾ ഉയർത്തുന്ന ആവശ്യകതയുടെ ഭാഗമായി,പുതിയ തലമുറയിൽ ദിശാബോധം നൽകുന്ന അധ്യാപകർ വിവരസാങ്കേതികവിദ്യയുടെ എല്ലാ വശങ്ങളും തിരിച്ചറിയണം എന്ന നിലയിൽ അധ്യാപകരെ ശാക്തീകരിക്കുന്ന ഭാഗമായാണ് ഇത്തരം പരിശീലന ക്യാമ്പ് സംഘടിപ്പിക്കുന്നത്.വിഴിഞ്ഞം ഗവൺമെന്റ് എച്ച്.എ. എൽ.പി. സ്കൂളിൽ ചരിത്രത്തിലാദ്യമായാണ് അധ്യാപക പരിശീലന ക്യാമ്പിന് വേദിയാകുന്നത്.പരിശീലനം ഹെഡ്മാസ്റ്റർ ബൈജു എച്ച്.ഡി. ഉദ്ഘാടനം ചെയ്തു.പരിശീലന ക്യാമ്പിന് സ്കൂളിലെ അധ്യാപകരായ സക്കറിയ.പി.,ഷീബ എസ്.ഡി, എന്നിവർ നേതൃത്വം നൽകി.

• 
• 
• 
• 

6.ജെ.എസ്.എസ്. തൊഴിൽപരിശീലന കോഴ്സുകളുടെ ഉദ്ഘാടനം

തൊഴിൽ പരിശീലന കോഴ്സുകളുടെ ഉദ്ഘാടനം

തൊഴിൽ പരിശീലന വിദ്യാർത്ഥികൾ

വിഴിഞ്ഞം ഹാർബർ ഏരിയ ലോവർ പ്രൈമറി സ്കൂൾ കേന്ദ്രീകരിച്ചു ലൈഫ് ഫൗണ്ടേഷൻ ഓഫ് കേരളയുടെ നേതൃത്വത്തിൽ , കേന്ദ്ര സർക്കാരിന്റെ ജൻ ശിക്ഷൺ സൻസ്ഥാൻ (ജെ.എസ്.എസ്.) തൊഴിൽ അധിഷ്ഠിത കോഴ്സുകളുടെ ഉദ്ഘാടനം 2014 ഒക്ടോബർ 30 ന് രാവിലെ നടന്നു. 1967 മുതൽ കേന്ദ്രസർക്കാർ വൈജ്ഞാനിക സാമ്പത്തിക പിന്നോക്കാവസ്ഥയിലുള്ള ഗ്രാമങ്ങൾ കേന്ദ്രീകരിച്ച്, അവിടുത്തെ സാമ്പത്തിക ഭദ്രത ഉറപ്പു വരുത്തുന്നതിനായി, അവരുടെ സാഹചര്യത്തിനനുസരിച്ചുള്ള തൊഴിലുകളിൽ പരിശീലനം നൽകുക എന്ന ലക്ഷ്യത്തോടുകൂടി നടത്തപ്പെടുന്ന പരിപാടിയുടെ ആദ്യബാച്ചിന്റെ ഔപചാരിക ഉദ്ഘാടനമാണ്  ഇന്നേദിവസം സംഘടിപ്പിച്ചത്. യോഗത്തിൽ സ്കൂൾ മാനേജ്മെന്റ് കമ്മിറ്റി ചെയർമാൻ താജുദ്ദീൻ റഹ്മാനി അധ്യക്ഷതവഹിച്ചു. ഹാർബർ വാർഡ് കൗൺസിലർ നിസാമുദ്ദീൻ ഉദ്ഘാടനം നിർവഹിച്ചു. ലൈഫ് മിഷൻ ഡയറക്ടർ ശ്രീമതി ബീനാമോൾ ആമുഖഭാഷണം നടത്തി.റവറന്റ് ജസ്റ്റിൻ ജോസ്,റിസോഴ്സ് പേഴ്സൺ സൗദ ടീച്ചർ,ലൈഫ് ഫൗണ്ടേഷൻ പ്രതിനിധികളായകൃഷ്ണ നെയ്യാറ്റിക്കര,സുമയ്യ വിഴിഞ്ഞം, ഹെഡ്മാസ്റ്റർ ബൈജു എച്ച്.ഡി,അറബിക് അധ്യാപകൻ സെക്കരിയ്യ.പി, സീനിയർ അസിസ്റ്റന്റ് സെന്തിൽകുമാർ,പി.ടി.എ പ്രസിഡണ്ട് അൻവർ ഷാൻ തുടങ്ങിയവർ സംസാരിച്ചു.

7. മുഖം മിനുക്കി പുതിയ കാഴ്ച്ചയിൽ

വിദ്യാർത്ഥികൾ പുതിയ യൂണിഫോം ധരിച്ച് അസംബ്ലിക്കായി ഒരുമിച്ച് ചേർന്നപ്പോൾ

വിദ്യാർത്ഥികൾ പുതിയ യൂണിഫോം ധരിച്ച് അസംബ്ലിക്കായി ഒരുമിച്ച് ചേർന്നപ്പോൾ

വിഴിഞ്ഞം ഗവൺമെന്റ്  ഹാർബർ ഏരിയ ലോവർ പ്രൈമറി വിദ്യാർഥികൾക്ക് വിശേഷദിവസങ്ങളിലും ഒഴിവു ദിനങ്ങളിലും ധരിക്കുന്നതിനായി സ്കൂൾ പേര് പ്രിന്റ് ചെയ്ത ടീഷർട്ടുളള പുതിയ യൂണിഫോം സ്കൂൾ വിദ്യാർത്ഥികൾ ആദ്യമായി ധരിച്ചു വന്ന ദിവസമായിരുന്നു ഒക്ടോബർ 30 ബുധനാഴ്ച്ച.സ്കൂളിലെ അലിവ് സാമൂഹ്യക്ഷേമ പദ്ധതിയിൽ നിന്നും, ജിദ്ദ കേന്ദ്രമായി പ്രവർത്തിക്കുന്ന തിരുവനന്തപുരം പ്രവാസി അസോസിയേഷൻ (ടി.പി.എ.) ന്റേയും സഹകരണത്തിലാണ് യൂണിഫോമിനുളള തുക സംഘടിപ്പിച്ചത്. ഒക്ടോബർ ഒന്നിന് കോവളം എം.എൽ.എ. യൂണിഫോം വിതരണത്തിന്റെ ഔപചാരിക ഉദ്ഘാടനകർമ്മം നിർവഹിച്ചിരുന്നു.

1. മലയാള ദിനാഘോഷം

മലയാള ദിന സെൽഫി പോയിന്റ്

മലയാള ദിന കലാപരിപാടി

കേരളപ്പിറവിയുടെ അറുപത്തിയെട്ടാം വാർഷികമായ 2024 നവംബർ 1 ന് കേരള സർക്കാറിന്റെ നിർദേശം അനുസരിച്ചു മലയാള ദിനാഘോഷ പരിപാടികൾ സംഘടിപ്പിച്ചു. സ്കൂളിൽ അന്നേദിവസം മലയാളത്തനിമ വിളിച്ചോതുന്ന വസ്ത്രം ധരിച്ചു വരാൻ കുട്ടികൾക്ക്  അനുവാദം നൽകിയിരുന്നു. അസംബ്ലി ചേർന്നു  അധ്യാപകരും വിദ്യാർത്ഥികളും മലയാള ഭരണഭാഷാ പ്രതിജ്ഞ എടുത്തു. അതോടൊപ്പം  മലയാള ഭാഷയുടെ ചരിത്രവും സംസ്കാരവും വൈവിധ്യവും  പ്രകടമാക്കുന്ന കലാപരിപാടികൾ അധ്യാപകരും വിദ്യാർത്ഥികളും അവതരിപ്പിക്കുകയും ചെയ്തു.കേരളത്തിന്റെ ഭൂപടവും കേരളത്തിന്റെ കലാരൂപങ്ങളുടെ കട്ടൗട്ട് കൊണ്ടും രൂപകല്പന ചെയ്ത പ്രത്യേകത സെൽഫി പോയിന്റ് നിർമ്മിക്കുകയും കുട്ടികൾക്ക് ഫോട്ടോയെടുക്കാനുള്ള അവസരം നൽകുകയും ചെയ്തു.മലയാള ദിനാഘോഷങ്ങളുടെ ഭാഗമായി ഓരോ ക്ലാസ്സിലെയും വിദ്യാർത്ഥികൾ കേരളത്തിന്റെ ഭൗതിക ഘടനയും, വ്യത്യസ്ത ജില്ലകളുടെ രാഷ്ട്രീയ-സാമൂഹിക-സാംസ്കാരിക വൈവിധ്യങ്ങളെ പരാമർശിക്കുന്ന ചാർട്ടുകളും തയ്യാറാക്കുകയും അവ പ്രദർശിപ്പിക്കുകയും ചെയ്തു. അതോടൊപ്പം കേരളത്തിന്റെ പഴയ കാലങ്ങളെ ഓർമ്മപ്പെടുത്തുന്ന കേരളീയമായ പ്രത്യേകതകളെ അറിയിക്കുന്ന ഡോക്യുമെന്ററി പ്രദർശനവും സംഘടിപ്പിച്ചു.

2.ഉപജില്ലാ കലോത്സവം

അറഫക്കുളള സമ്മാനദാനം

അറബി കലോത്സവ ഓവറോൾ ട്രോഫി വാങ്ങിക്കുന്നു

2024 നവംബർ 8,11,12,13 തീയതികളിലായി പുന്നക്കുളം കോട്ടുകാൽ ഗവൺമെന്റ് വൊക്കേഷണൽ ഹയർ സെക്കൻഡറി സ്കൂളിൽ നടന്ന ബാലരാമപുരം ഉപജില്ല കലോത്സവത്തിൽ സ്കൂളിനെ പ്രതിനിധീകരിച്ച് പങ്കെടുത്ത വിദ്യാർത്ഥികൾ എല്ലാം വ്യത്യസ്ത ഗ്രേഡുകൾക്ക് അർഹരായി. അറബി കലോത്സവത്തിൽ മത്സരിച്ച 9 ഇനങ്ങളിൽ എട്ടെണ്ണത്തിൽ എ. ഗ്രേഡും, ഒരു ബി.ഗ്രേഡും കരസ്ഥമാക്കി 43 പോയിന്റോടു കൂടി സബ്ജില്ലയിൽ ഓവറോൾ ചാമ്പ്യൻഷിപ്പിൽ  രണ്ടാം സ്ഥാനത്തെത്തി. ഒന്നാം  ക്ലാസിലെ അറഫ ഫാത്തിമ അറബി പദനിർമ്മാണത്തിൽ ഒന്നാം സ്ഥാനവും,മുഹമ്മദ് ജഹാനിയാൻ അറബി പദ്യം ചൊല്ലലിൽ രണ്ടാം സ്ഥാനവും നേടി.ക്വിസ്സ് മത്സരത്തിൽ ഷിഫാന.എച്ച് മൂന്നാം സ്ഥാനവും നേടി.

ബാലരാമപുരം ഉപജില്ലാ കലോത്സവ വിജയികൾ

3.ശിശുദിനാഘോഷം

ഉദ്ഘാടനം

റാലിക്കായി ഒരുക്കിയ വാഹനം

നവംബർ 14 നു ഇന്ത്യയുടെ മുൻ പ്രധാനമന്ത്രി ജവഹർലാൽ നെഹ്റുവിന്റെ ജന്മദിനത്തിൽ നടക്കുന്ന ശിശുദിനാഘോഷം വളരെ വിപുലമായി തന്നെ സംഘടിപ്പിക്കുവാൻ ഈ വർഷവും സാധിച്ചു.കുട്ടികളെ സ്കൂൾബസ്സിൽ കയറ്റി ടൗൺഷിപ്പ് സിം ഓഡിറ്റോറിയത്തിനു സമീപം എത്തിക്കുകയും, അവിടെ നിന്നും റാലിയായി ജീലാനി നഗർ വരെ സഞ്ചരിക്കുകയും ചെയ്തു. ജീലാനി നഗറിൽ ഒരുമിച്ചു കൂടിയ രക്ഷിതാക്കളുടെയും നാട്ടുകാരുടെയും സാന്നിധ്യത്തിൽ ഔപചാരികമായ ഉദ്ഘാടനവും കുട്ടികളുടെ കലാപരിപാടികളും സംഘടിപ്പിച്ചു. സഹൃദയരായ സഹോദരങ്ങൾ സ്പോൺസർ ചെയ്ത കുടിവെള്ളവും മധുരപലഹാരവും കുട്ടികൾക്ക് വിതരണം നടത്തുകയും ചെയ്തു.കൂടാതെ സ്കൂളിലെ ഉച്ചഭക്ഷണത്തോടൊപ്പം പായസവും തയ്യാറാക്കിയിരുന്നു. ജവഹർലാൽ നെഹ്റുവിൻറെ ജീവിതത്തിലെ മതേതരത്വ സന്ദേശം അസംബ്ലിയിൽ വച്ച് കൈമാറുകയും ചെയ്തു.

• 
• 
• 
• 
• 

4. അലിഫ് അറബി ക്ലബ്ബിന്റെ ആദരം

അലിഫ് ആദരവ് പ്രോഗ്രാമിൽ വിതരണം ചെയ്ത ട്രോഫികൾ

നവംബർ രണ്ടാം വാരത്തിൽ കോട്ടുകാൽ ഗവൺമെന്റ് വൊക്കേഷണൽ ഹൈസ്ക്കൂളിൽ നടന്ന ബാലരാമപുരം

ഉപജില്ലാ കലോത്സവത്തിൽ സ്കൂളിനെ പ്രതിനിധീകരിച്ച് പങ്കെടുക്കുകയും വിജയിക്കുകയും  അറബി കലോത്സവത്തിൽ ഓവറോൾ ചാമ്പ്യൻഷിപ്പിൽ രണ്ടാം സ്ഥാനത്തിന് അർഹത നേടാൻ പ്രയത്നിക്കുകയും  ചെയ്ത  വിദ്യാർത്ഥികൾക്കു എച്ച്.എ. എൽപി.എസ്സി. ലെ അലിഫ് അറബി

ക്ലബ്ബിന്റെ കീഴിൽ നവംബർ 19 ന് ആദരം നൽകി.ചടങ്ങിൽ എസ്.എം.സി. ചെയർമാൻ താജുദ്ദീൻ റഹ്മാനി,

ഹെഡ്മാസ്റ്റർ ബൈജു എച്ച്.ഡി.,സ്റ്റാഫ്  സെക്രട്ടറി ജോയി ലാൽ,പി.ടി.എ. പ്രസിഡണ്ട് അൻവർ ഷാൻ, അറബിക് അധ്യാപകൻ സെക്കരിയ്യ.പി., എസ്. ആർ. ജി. കൺവീനർ രജി.ബി.എസ് . , കുമാരി ബിന്ദു, ഷീജ ടീച്ചർ, ഷീബ.എസ്.ഡി., ആയിഷ ടീച്ചർ,രഹ്ന ടീച്ചർ,അനിത ടീച്ചർ,

അലി ഫാത്തിമ തുടങ്ങിയവർ സമ്മാനദാനം നടത്തി.

5. പഠനയാത്ര

ഗവൺമെന്റ് എച്ച്.എ. എൽ.പി. സ്കൂളിലെ നാല്, മൂന്ന് ക്ലാസുകളിൽ  പഠിക്കുന്ന കുട്ടികൾ 2024 നവംബർ 20 ബുധനാഴ്ച

പഠന യാത്ര ചരിത്രമാളികയിൽ

ചരിത്രമാളിക, അമ്മച്ചിപ്ലാവ് തുടങ്ങിയ ചരിത്രപ്രസിദ്ധമായ പ്രദേശങ്ങളിലേക്ക് പഠനയാത്ര നടത്തി. രാവിലെ 10 മണിക്ക് സ്കൂളിൽ നിന്നും പുറപ്പെട്ട യാത്ര ഈ പ്രദേശങ്ങളിലൂടെ സഞ്ചരിച്ച് അവിടുത്തെ ചരിത്രങ്ങൾ  നേരിൽ കാണുകയും മനസ്സിലാക്കുകയും ചെയ്ത ശേഷം വൈകുന്നേരം നാലുമണിയോടെ സ്കൂളിൽ തിരിച്ചെത്തി. യാത്രയിൽ സ്റ്റാഫ് സെക്രട്ടറി ജോലാൽ,അറബി അധ്യാപകൻ അൻവർഷാൻ ,കുമാരി ബിന്ദു, ക്രിസ്റ്റിൻ ബ്യൂല തുടങ്ങിയവർ കുട്ടികളെ അനുഗമിച്ചു.

6. ഇരിപ്പിടങ്ങൾ സ്മാർട്ടായി

പുതിയ ഇരിപ്പിടങ്ങൾ

വിഴിഞ്ഞം ഗവൺമെന്റ് എച്ച്.എ.എൽ.പി.എസ്സിലെ പ്രിയപ്പെട്ട മക്കൾക്ക് മുഴുവനും, 2024 നവംബർ 25 മുതൽ പുതിയ ഇരിപ്പിടങ്ങ ളാണ് ക്ലാസ് മുറികളിൽ സജ്ജീകരിച്ചത്. സ്മാർട്ടിന്റെ ലോകത്തേക്ക് മത്സ്യ തൊഴിലാളികളുടെ മക്കളും പതിയെ നടന്നടുക്കുന്നു.സ്കൂളിലെ മുഴുവൻ ക്ലാസ് മുറകളിലേക്കുമുളള പുതിയ 50 ജോഡി ബെഞ്ചും ഡെസ്ക്കും   കഴക്കൂട്ടം ടെക്നോ പാർക്കിലെ 'Q - Brust' എന്ന കമ്പനി സംഭാവന ചെയ്തു. കമ്പനിയുടെ അധികൃതരോട് , എച്ച്. എ. എൽ.പി.എസ്സിന്റെ ഹൃദ്യമായ നന്ദി.

7. കൃഷിയുടെ രണ്ടാഘട്ടം

വിഴിഞ്ഞം ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിലെ വിദ്യാർത്ഥികളുടെ കൃഷിത്തോട്ടത്തിലെ

ഗ്രോബാഗുകളിൽ വളം ചേർത്ത് ശരിയാക്കുന്ന നാലാം ക്ലാസിലെ വിദ്യാർത്ഥികൾ

ഗ്രോബാഗുകളിൽ രണ്ടാംഘട്ടം മണ്ണിൽ വളം ചേർത്ത് ശരിയാക്കുന്ന പ്രവർത്തനങ്ങളിൽ നവംബർ 27ന് വൈകുന്നേരം നാലാം ക്ലാസിലെ  കുട്ടികൾ ഏർപ്പെട്ടു . കൃഷിയുടെ രണ്ടാംഘട്ട പ്രവർത്തനങ്ങളുടെ തുടക്കമെന്ന നിലയിലാണ്  നാലാം ക്ലാസിലെ വിദ്യാർത്ഥികൾ ഈ പ്രവർത്തനത്തിൽ അറബിക് അധ്യാപകൻ സെക്കരിയ്യ സാറിന്റെ കൂടെ വളരെ ആത്മാർത്ഥതയോടെ കുട്ടികൾ കൈ കോർത്ത് പിടിച്ചു.

8. ഭരണഘടനാ ദിനാഘോഷം

ഭരണഘടനാ പ്രതിജ്ഞ

നവംബർ 26 ന് ഭരണഘടനാ ദിനാഘോഷം സംഘടിപ്പിച്ചു. പ്രത്യേക അസംബ്ലി ചേർന്ന് ഭരണഘടനയുടെ ആമുഖത്തിലെ ആശയങ്ങൾ കേൾപ്പിക്കുകയും ഭരണഘടനാ പ്രതിജ്ഞ എടുക്കുകയും ചെയ്തു.സീനിയർ അസിസ്റ്റന്റ് സെന്തിൽ കുമാർ നേതൃത്വം നൽകി.ക്ലാസുകളിൽ ഭരണഘടന ക്വിസ്, ഭരണഘടനയെ സംബന്ധിച്ചുള്ള വിശദീകരണം എന്നിവ നടത്തി.

1.സമ്മാനപ്പൊതികളുമായി വീണ്ടും അവർ

സമ്മാനങ്ങൾ വിതരണം ചെയ്യുന്നു

വിഴിഞ്ഞവും കോവളവും സന്ദർശിക്കാനെത്തുന്ന വിദേശികളിൽ പലരും സ്കൂൾ സന്ദർശിക്കാറുണ്ട്. എല്ലാ വർഷവും സ്കൂൾ സന്ദർശിക്കുന്ന ഫ്രഞ്ചുകാരനായ കുടുംബം ഡിസംബർ 5ന് സ്കൂൾ സന്ദർശിച്ച്, സ്കൂളിലെ മുഴുവൻ വിദ്യാർഥികൾക്കും പഠനോപകരണങ്ങൾ വിതരണം നടത്തുകയുണ്ടായി.

2. ഉപജില്ലാ കായികമേള

കായികമേള വിജയികൾ മെഡലുകളുമായി അധ്യാപകരോടൊപ്പം

ഡിസംബർ ആറാം തീയതി, കാഞ്ഞിരംകുളം സ്റ്റേഡിയത്തിൽ നടന്ന ബാലരാമപുരം ഉപജില്ല കിഡ്സ്,മിനി കിഡ്സ് കായികമേളയിൽ സ്കൂളിനെ പ്രതിനിധീകരിച്ച് പങ്കെടുത്തവരെല്ലാം മികച്ച നേട്ടം കൊയ്തു. മിനി കിഡ്സ് വിഭാഗത്തിലെ സ്റ്റാൻഡിങ് ബ്രോഡ് ജംബ്ബിൽ മുഹമ്മദ് യാസീൻ,കിഡ്സ് വിഭാഗത്തിലെ ലോങ് ജംപിൽ ജംഷീർ എന്നിവർ ഒന്നാം സ്ഥാനം നേടി. റിലേ മത്സരങ്ങളിൽ ഇരുഭാഗങ്ങളിലും  ടീമുകൾ മൂന്നാം സ്ഥാനത്തെത്തി. പെൺകുട്ടികളെ പ്രതിനിധീകരിച്ച് മത്സരിച്ചിരുന്നവർ റിലേ  ടീമുകൾ അടക്കം മികച്ച പോരാട്ടം കാഴ്ചവെച്ച് എല്ലാ മത്സരങ്ങളിലും നാലാം സ്ഥാനത്ത് എത്തിച്ചേർന്നു.

• 
• 
• 
• 
• 
• 

3.വിജയികൾക്കുളള ആദരം

ബാലരാമപുരം ഉപജില്ല കായികമേളയിൽ മികച്ച വിജയം കൈവരിച്ച, സ്കൂളിനെ പ്രതിനിധീകരിച്ച് പങ്കെടുത്ത മുഴുവൻ വിദ്യാർത്ഥികളെയും പ്രത്യേക ഉപഹാരം നൽകി അസംബ്ലിയിൽ വെച്ച് ആദരിച്ചു.ചടങ്ങിൽ അധ്യാപകർ വിജയികൾക്ക് ഉപഹാരങ്ങൾ കൈമാറി.വിഴിഞ്ഞം ഗവൺമെന്റ് ഹാർബർ ഏരിയ എൽ.പി.എസ്സിൽ നിന്നും, ഉപജില്ലാ കായികമേളയിൽ  വിജയികളായവർ സ്കൂൾ നൽകിയ  ഉപഹാരങ്ങളുമായി അധ്യാപകരോടൊപ്പം (ഫോട്ടോ).

4. അന്താരാഷ്ട്ര അറബി ഭാഷാ ദിനാഘോഷം

പരിപാടി വീക്ഷിക്കുന്ന വിദ്യാർത്ഥികൾ

ക്വിസ്സ് മത്സരം

2025 ഡിസംബർ 18 ലെ അന്താരാഷ്ട്ര അറബി ഭാഷാ

ദിനാഘോഷത്തിന്റെ  ഭാഗമായി വൈവിധ്യമായ പ്രവർത്തനങ്ങളാണ് വിഴിഞ്ഞം ഹാർബർ ഏരിയ എൽ.പി. സ്കൂളിൽ സംഘടിപ്പിച്ചത്. വിവിധ ക്ലാസുകളിലെ വിദ്യാർത്ഥികൾക്കായിപോസ്റ്റർ നിർമ്മാണം, ക്വിസ് മത്സരങ്ങൾ, പദപ്പയറ്റ്,കളറിംങ് , തുടങ്ങിയ വൈവിധ്യമാർന്ന മത്സരങ്ങൾ നടത്തി.പരീക്ഷ കഴിഞ്ഞ് ഉച്ചക്ക് ശേഷം  കുട്ടികളുടെ കലാപരിപാടികളും മത്സരങ്ങളും  അസംബ്ലി ഹാളിൽ സംഘടിപ്പിച്ചു.  മത്സരങ്ങളിലെ വിജയികൾക്ക് ഉപഹാരങ്ങൾ നൽകി.സ്റ്റാഫ് സെക്രട്ടറി ജോലാൽ.ടി.എസ്,ഷീജ.വൈ,അറബിക് അധ്യാപകരായ സെക്കരിയ്യ.പി,അൻവർഷാൻ തുടങ്ങിയവർ നേതൃത്വം നൽകി.

• 
• 
• 
• 
• 

5. ക്രിസ്തുമസ് ആഘോഷം

ഉദ്ഘാടനം

2024 25 അധ്യായന വർഷത്തിലെ ക്രിസ്തുമസ് ആഘോഷം ഡിസംബർ 20 ന് സ്കൂൾ ഓഡിറ്റോറിയത്തിൽ വെച്ച് ഭംഗിയായി സംഘടിപ്പിച്ചു. ക്രിസ്മസ് അപ്പൂപ്പന്റെ വേഷം ധരിച്ചായിരുന്നു വിദ്യാർഥികൾ അധികവും സ്കൂളിലെത്തിയത്. വിദ്യാർഥികൾക്കായി സമൃദ്ധമായ ഉച്ച ഭക്ഷണവും തയ്യാറാക്കി നൽകി. വൈവിധ്യമാർന്ന കലാപരിപാടികൾ സ്കൂൾ ഓഡിറ്റോറിയത്തിൽ വച്ച് നടത്തുകയുമുണ്ടായി.

6. വിഭവ ശേഖരണം

വിഭവ ശേഖരണം

2025 ജനുവരി നാലുമുതൽ എട്ടു വരെയുള്ള ദിവസങ്ങളിൽ തിരുവനന്തപുരത്ത് നടക്കുന്ന 63 മത് സംസ്ഥാന സ്കൂൾ കലോത്സവ കലവറയിലേക്കുള്ള വിഭവങ്ങൾ ശേഖരിച്ചു. വിഴിഞ്ഞം ഹാർബർ ഏരിയ എൽ.പി. സ്കൂൾ കുട്ടികൾ സവാളയും,ഉരുളക്കിഴങ്ങും ശേഖരിച്ച് ,സംസ്ഥാന സ്കൂൾ കലോത്സവ കലവറയിലേക്ക്  നൽകി.ഏകദേശം രണ്ടു ക്വിന്റലോളമുളള സവാളയും ഉരുളക്കിഴങ്ങുമാണ് ശേഖരിച്ചത്.

1. സ്റ്റാഫ് ടൂർ

സ്റ്റാഫ് ടൂറിൽ പങ്കെടുത്തവർ

ഗവൺമെന്റ് ഹാർബർ ഏരിയ എൽ.പി. സ്കൂളിലെ അധ്യാപക-അനധ്യാപക ജീവനക്കാരുടെ വിനോദയാത്ര 2025 ജനുവരി രണ്ടാം തീയതി സംഘടിപ്പിച്ചു. പുലർച്ചെ ആറു മണിക്ക് സ്കൂളിൽ നിന്നും പുറപ്പെട്ട യാത്ര കൊല്ലം അഷ്ഠമുടിക്കായലിലൂടെയുളള ബോട്ട് സവാരിയും, സാമ്പ്രാണിക്കുടി,മൺട്രോതുരുത്ത് തുടങ്ങിയ സ്ഥലങ്ങളിലൂടെ സഞ്ചരിച്ച് രാത്രി പത്തോടെ കൂടി തിരികെയെത്തി.അറിവും അനുഭവവും പകർന്നു നൽകി,അനുഭവങ്ങൾ പങ്കു വെച്ച് , പരസ്പരം ജീവനക്കാർക്ക് അടുത്തറിയാനും,  അടുക്കാനും അവസരം ലഭിച്ചതായിരുന്നു ഈ വർഷത്തെ സ്റ്റാഫ് ടൂർ.

2. പ്രീ പ്രൈമറി കലോത്സവം

പ്രീ പ്രൈമറി കലോത്സവം

ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിലെ പ്രീ പ്രൈമറി വിദ്യാർഥികൾക്കായി കലോത്സവം സംഘടിപ്പിച്ചു.2025 ജനുവരി 10 വെളളിയാഴ്ച്ച സ്കൂൾ ഓഡിറ്റോറിയത്തിലാണ് പരിപാടി സംഘടിപ്പിച്ചത്. കഥാ കഥനം, ആഗ്യപ്പാട്ട്, ഗാനാലാപനം, എന്നീ മൂന്ന് ഇനങ്ങളിലായിട്ടാണ് മത്സരങ്ങൾ നടന്നത്. പി.ടി.എ. പ്രസിഡണ്ട് അൻവർ ഷാൻ അധ്യക്ഷത വഹിച്ച യോഗത്തിൽ സ്കൂൾ ഹെഡ്മാസ്റ്റർ ബൈജു എച്ച്.ഡി. ഉദ്ഘാടനം നിർവഹിച്ചു. ലിജി ടീച്ചർ, നിസാബിവി ടീച്ചർ,രഹന ടീച്ചർ,അനിത ടീച്ചർ,അലി ഫാത്തിമ,റഫ്ഖാൻ ബീവി തുടങ്ങിയവർ നേതൃത്വം നൽകി..

3. ജനറൽ പി.ടി.എ.  യോഗം

ജനറൽ ബോഡി യോഗം

ഗവൺമെന്റ് ഹാർബർ ഏരിയ എൽ.പി. സ്കൂളിലെ 2024 - 25 അധ്യായന വർഷത്തെ പി.ടി.എ. യുടെ മൂന്നാമത്തെ  ജനറൽബോഡി യോഗം ജനുവരി പതിനാറാം തീയതി ഉച്ചയ്ക്ക് ശേഷം നടന്നു. സ്കൂളിന്റെ അപ്ഗ്രഡേഷൻ,സ്കൂൾ വാർഷികം, അക്കാദമിക- അന അക്കാദമിക കാര്യങ്ങൾ എന്നിവയുടെ ചർച്ചക്ക്  വേണ്ടിയാണ് യോഗം ചേർന്നത്.സ്കൂൾ അപ്ഗ്രഡേഷൻ  കാലങ്ങളായി പലരും വാഗ്ദാനങ്ങൾ നൽകി എന്നുള്ളതല്ലാതെ യാഥാർഥ്യമാകുന്നില്ലെന്ന് യോഗത്തിൽ പങ്കെടുത്തവരെല്ലാം ഒരേപോലെ പ്രയാസം പങ്കുവെച്ചു. യോഗത്തിൽ വാർഡ് കൗൺസിലർ നിസാമുദ്ദീൻ,ഹെഡ്മാസ്റ്റർ ബൈജു.എച്ച്.ഡി,എസ്. എം.സി. ചെയർമാൻ താജുദ്ദീൻ റഹ്മാനി, പി.ടി.എ. പ്രസിഡണ്ട് അൻവർ ഷാൻ, അറബിക് അധ്യാപകൻ സെക്കരിയ്യ.പി, എസ്. ആർ.ജി. കൺവീനർ രെജി. ബി.എസ്, മറ്റു രക്ഷിതാക്കളും സംസാരിച്ചു.

4.പ്രീ പ്രൈമറി പഠന യാത്ര

പ്രീ പ്രൈമറി പഠന - വിനോദ യാത്രയിൽ നിന്നും

വിഴിഞ്ഞം ഗവൺമെന്റ് ഹാർബർ ഏരിയ എൽ.പി. സ്കൂളിലെ പ്രീണപ്രൈമറി ക്ലാസുകളിലേയും, ഒന്നാം ക്ലാസിലേയും  കുട്ടികളുടെ പഠന വിനോദയാത്ര 2025 ജനുവരി 18 ശനിയാഴ്ച നടന്നു. രാവിലെ 9 മണിക്ക് സ്കൂളിൽ നിന്ന് പുറപ്പെട്ട യാത്ര, പള്ളിച്ചൽ പോപ്പുലർ ഫാം,മ്യൂസിയം, മൃഗശാല,വേളി, തുടങ്ങിയ സ്ഥലങ്ങൾ സന്ദർശിച്ച ശേഷം,വൈകുന്നേരം ആറു മണിയോടുകൂടി സ്കൂളിൽ തിരികെ എത്തുകയും ചെയ്തു.

5. പുതിയ സ്റ്റേജ്

പുതിയ സ്റ്റേജ്

പലപ്പോഴും സ്കൂളിൽ പരിപാടികൾ സംഘടിപ്പിക്കുമ്പോൾ ബുദ്ധിമുട്ടനുഭവ്ക്കാറുള്ള സ്‌റ്റേജ് സൗകര്യത്തിനു പരിഹാരമായി,വിഴിഞ്ഞം ഗവൺമെന്റ് ഹാർബർ ഏരിയ ലോവർ പ്രൈമറി സ്കൂളിലെ അസംബ്ലി ഹാളിൽ പുതിയ സ്റ്റേജ് നിർമ്മിച്ചു. സ്കൂളിൽ ഉപയോഗശൂന്യമായി കിടന്നിരുന്ന പഴയ ബെഞ്ചുകളും, അറബിക് അധ്യാപകൻ സെക്കരിയ്യ. പിയുടെ സുഹൃത്തും മലപ്പുറം സ്വദേശിയുമായ നസ്വീഹുളളയുടെ സംഭാവനയും ചേർത്താണ് പുതിയ സ്റ്റേജ് നിർമ്മിക്കാനാവശ്യമായ അലങ്കാര സാമഗ്രികളും അനുബന്ധമായ വസ്തുക്കളും ശേകരിക്കുന്നതിനാവശ്യമായ ചിലവ് കണ്ടെത്തിയത്.

6. കെ.എ.ടി.എഫ് ജില്ലാ ക്യാമ്പ്

ഉദ്ഘാടനം

വാർഡ് കൗൺസിലർ

കേരള അറബിക് ടീച്ചേഴ്സ് ഫെഡറേഷൻ തിരുവനന്തപുരം റവന്യൂ ജില്ല സമിതിയുടെ നേതൃ ശില്പശാല 2025 ജനുവരി 25 ശനിയാഴ്ച രാവിലെ മുതൽ സ്കൂളിൽ നടന്നു.ബഹു കോവളം എം.എൽ.എ അഡ്വ: എം. വിൻസെന്റ്  ഉദ്ഘാടനം നിർവഹിച്ച ക്യാമ്പിൽ,വാർഡ് കൗൺസിലർ എം.നിസാമുദ്ദീൻ ഉപഹാര സമർപ്പണം നടത്തി.പങ്കെടുത്ത മുഴുവൻ പ്രതിനിധികളുടെയും മുക്തകണ്ഠം പ്രശംസയാണ്  ഹാർബർ സ്കൂൾ നൽകിയ  സ്വീകരണത്തിന് ലഭിച്ചത്.രാവിലെ എത്തിയ പ്രതിനിധികൾക്ക് കപ്പയും ചായയും,പിന്നീട് തണ്ണിമത്തനും ഏത്തക്കയും, ഉച്ചക്ക് മീൻ ബിരിയാണിയും അടക്കം വിഭവ സമൃദ്ധമായ ഭക്ഷണം അടക്കം ഹൃദ്യമായ സ്വീകരണമാണ് സ്കൂൾ അധികൃതർ നേതൃത്വത്തിൽ ഒരുക്കിയത്.പ്രധാന അധ്യാപകൻ ബൈജു സാർ, പി.ടി.എ.  പ്രസിഡന്റ് അൻവർ ഷാൻ, അറബിക് അധ്യാപകൻ സെക്കരിയ്യ.പി,കൂടാതെ പ്രീ പ്രൈമറി ജീവനക്കാരായ നിസാബീവി ടീച്ചർ,രഹ്ന ടീച്ചർ,റഫ്ഖാൻ ബീവി,അലി ഫാത്തിമ,പാചകക്കാരി ഫാത്തിമ  തുടങ്ങിയവരുടെ നേതൃത്വത്തിലാണ് സ്വീകരണം ഒരുക്കിയത്.

ക്യാമ്പ് ടീം അംഗങ്ങൾ

പ്രധാന അധ്യാപകൻ

7. റിപ്പബ്ലിക് ദിനാഘോഷം

2024 - 25 അധ്യയനവർഷത്തിലെ റിപ്പബ്ലിക്ക് ദിനാഘോഷം 2025 ജനുവരി 26 ന് രാവിലെ ഒൻപത് മണിക്ക്സ്കൂളിൽ വെച്ച് നടന്നു. വാർഡ് കൗൺസിലർ എം. നിസാമുദ്ദീൻ പതാക ഉയർത്തി. ഹെഡ്മാസ്റ്റർ  ബൈജു എസ്.ഡി., നിസാബീവി ടീച്ചർ,ഷീബ ടീച്ചർ,രഹ്ന ടീച്ചർ തുടങ്ങിയവർ സംബന്ധിച്ചു.

1. പഠന വിനോദ യാത്ര

കന്യാകുമാരി

ചിതറാൾ ജൈനക്ഷേത്രം

2024 - 25 അധ്യായന വർഷത്തിലെ ഗവൺമെന്റ് ഹാർബർ ഏരിയ എൽ.പി. സ്കൂളിലെ രണ്ട്,മൂന്ന്,നാല് ക്ലാസുകളിലെ വിദ്യാർഥികളുമായുള്ള പഠനയാത്ര 2025 ഫെബ്രുവരി 1 ശനിയാഴ്ചയാണ് സംഘടിപ്പിച്ചത്. തൃപ്പരപ്പ് വെളളച്ചാട്ടം, ചിതറാൾ ജൈനക്ഷോത്രം, കന്യാകുമാരി, പത്മനാഭസ്വാമി കൊട്ടാരം, വട്ടക്കോട്ട, തുടങ്ങിയ വൈവിധ്യമാർന്ന ചരിത്രപ്രധാനമായ പ്രദേശങ്ങൾ  സന്ദർശിച്ചു. രാവിലെ പുറപ്പെട്ട യാത്ര രാത്രി 12 മണിയോടുകൂടിയാണ്  സ്കൂളിൽ തിരികെയെത്തിയത്.

2. ആദരവ്

ക്യു ബ്രെസ്റ്റ്  കമ്പനിക്കുള്ള ആദരം

ഗവൺമെന്റ് എൽ.പി. സ്കൂളിലെ ക്ലാസ് റൂമുകൾ സ്മാർട്ട് ആയി മാറ്റുന്നതിന്റെ ഭാഗമായി, മുഴുവൻ ക്ലാസ്സുകളിലേക്കും ചൈൽഡ് ഫ്രണ്ട്ലി ബെഞ്ചും ,ഡെസ്ക്കും, സംഭാവന ചെയ്ത കഴക്കൂട്ടം ടെക്നോപാർക്കിലെ ക്യു ബ്രെസ്റ് കമ്പനിയെ ആദരിച്ചു. കരാഘോഷങ്ങളോടെയാണ്  വിദ്യാർത്ഥികൾ പ്രതിനിധിയെ സ്വീകരിച്ചത്.  തുടർന്നും സ്കൂളിന്റെ ആവശ്യങ്ങളിൽ സഹായങ്ങൾ വാഗ്ദാനം ചെയ്താണ് അദ്ദേഹം സ്കൂളിൽ നിന്നും പോയത്.വാർഡ് കൗൺസിലർ നിസാമുദ്ദീൻ ഉദ്ഘാടനം ചെയ്തു.ഹെഡ്മാസ്റ്റർ,എസ്.എം.സി. ചെയർമാൻ,പി.ടി.എ. പ്രസിരണ്ട്,അധ്യാപകർ സംസാരിച്ചു.

3. ആരോഗ്യ പരിശോധന

ആരോഗ്യ പരിശോധന

തീരപ്രദേശത്തെ വിദ്യാർത്ഥികൾ പഠിക്കുന്ന വിഴിഞ്ഞം ഹാർബർ സ്കൂളിലെ മുഴുവൻ കുട്ടികളെയും ആരോഗ്യ പരിശോധനക്ക് വിധേയമാക്കി.ആറു വയസ്സു മുതൽ 18 വയസ്സുവരെയുള്ള സ്കൂൾ കുട്ടികളെ അവരുടെ ആരോഗ്യ നിലവാരം പരിശോധിച്ച് കണ്ടെത്തുന്നതിനായി ആർ.ബി.എസ്.കെ. യുടെ സ്ക്രീനിംഗ് പദ്ധതിയുടെ ഭാഗമായിട്ടാണ് ഇത്തരത്തിലുള്ള ഒരു ആരോഗ്യ പരിശോധന നടത്തിയത്.മുക്കോല ഹെൽത്ത് സെന്ററിലെ ആർ ബി എസ് കെ നഴ്സായ അപർണ.എസിന്റെ നേതൃത്വത്തിലാണ് സി. എച്ച് . സി. വിഴിഞ്ഞം ബ്ലോക്കിനു വേണ്ടി ഈ പരിശോധന നടത്തിയത്. എൽ.കെ.ജി. മുതൽ നാലാം ക്ലാസ് വരെയുള്ള മുഴുവൻ വിദ്യാർത്ഥികളെയും പരിശോധന നടത്തി.കുറവുകളുള്ള കുട്ടികളുടെ രക്ഷിതാക്കളെ അക്കാര്യം ബോധ്യപ്പെടുത്തുകയും ചെയ്തു.

4. ഫുഡ് ഫെസ്റ്റ്

• 
• 
• 

കേന്ദ്ര സർക്കാരിന്റെ മില്ലെറ്റ് ഫെസ്റ്റിന്റെ ഭാഗമായി ഫെബ്രുവരി 13ന് ഫുഡ് ഫെസ്റ്റ് സംഘടിപ്പിച്ചു.മില്ലറ്റ്  ഭക്ഷ്യവിഭവങ്ങൾ എങ്ങിനെ വൈവിധ്യമാർന്ന രൂപത്തിൽ പാചകം ചെയ്യാം എന്ന് തെളിയിക്കപ്പെടുന്നതായിരുന്നു ഫുഡ്ഫെസ്റ്റ് മത്സരം. വിഴിഞ്ഞം പ്രദേശത്തെ സ്ത്രീ ജനങ്ങളുടെ പാചക കലയിലെ നൈപുണ്യം വിളിച്ചോതുന്നതും പ്രകടമാകുന്നതുമായിരുന്നു ഫുഡ് ഫെസ്റ്റ്.,വൈവിധ്യവും വിഭവസമൃദ്ധവുമായ ഭക്ഷണപദാർത്ഥങ്ങൾ തയ്യാറാക്കി കൊണ്ടുവന്നതിലൂടെ അത് പ്രകടമായി.മികവാർന്ന നിലവാരം പുലർത്തിയ സ്റ്റാളിനും  വിദ്യാർഥികൾക്കും സമ്മാനം നൽകി.

5. സൗഹൃദ ഫുട്ബോൾ മത്സരം

സൗഹൃദ ഫുട്ബോൾ മത്സരത്തിൽ പങ്കെടുത്ത ഫൈനലിസ്റ്റുകൾ

വിഴിഞ്ഞം ഗവൺമെന്റ് ഹാർബർ ഏര്യ ലോവർ പ്രൈമറി സ്കൂളിന്റെ 55-മത് വാർഷികത്തോടനുബന്ധിച്ച് സ്കൂളിന് സമീപമുള്ള അൽമുബാറക്ക് സ്റ്റേഡിയം ഗ്രൗണ്ടിൽ വെച്ച് ഫുട്ബോൾ മത്സരം  സംഘടിപ്പിച്ചു.ഫെബ്രുവരി 14 വെള്ളിയാഴ്ച ഉച്ചക്ക് ശേഷം എസ്.വി. എൽ.പി.എസ്. വിഴിഞ്ഞം, ടൗൺ ഗവൺമെന്റ് എൽ.പി.എസ്.,ഹാർബർ ഏര്യ എൽ.പി.സ്കൂൾ തുടങ്ങിയ വിദ്യാലയങ്ങളിലെ കുട്ടികളാണ് വി.എഫ്.ഐ.(വിഴിഞ്ഞം ഫുട്ബോൾ അസോസിയേഷനും),ഹാർബർ സ്കൂളും സംയുക്തമായി ചേർന്ന് നടത്തിയ മത്സരങ്ങളിൽ പങ്കെടുത്തത്. എസ്.വി. എൽ.പി.എസ്. ,ഹാർബർ സ്കൂളിനെ ഫൈനലിൽ ഒരു ഗോളിന് പരാജയപ്പെടുത്തി.ടൗൺ ഗവൺമെന്റ് എൽ.പി.എസ്. മൂന്നാം സ്ഥാനം നേടി.ഹാർബർ വാർഡ് കൗൺസിലർ നിസാമുദ്ദീൻ നേതൃത്വം നൽകി.സൗഹൃദ  മത്സരങ്ങളുടെ ഭാഗമായി പതിനാറാം തീയതി തിങ്കളാഴ്ച എം.വി. യു.പി.എസ്. ചൊവ്വരയും, ഗവൺമെന്റ് യു.പി.എസ്. മുല്ലൂർ പനവിളയും തമ്മിലും ഒരു സൗഹൃദ മത്സരം നടത്തി. മത്സരത്തിൽ എം.വി. യു.പി.എസ്. ചൊവ്വര വിജയിച്ചു.

സൗഹൃദ ഫുട്ബോൾ മത്സരത്തിൽ പങ്കെടുത്ത യു.പി. വിഭാഗം ഫൈനലിസ്റ്റുകൾ

6. സോഷ്യൽ ഹിയറിംങ്

എസ്.എസ്.കെ. യുടെ സോഷ്യൽ ഹിയറിങ്ങിൽ നിന്നും

സർവ്വ ശിക്ഷ കേരളയുടെ നേതൃത്വത്തിൽ വിഴിഞ്ഞം പ്രദേശത്തുള്ള ആറ് സ്കൂളുകളുടെ, ഫണ്ട് വിനിയോഗത്തെ സംബന്ധിച്ചുള്ള റിപ്പോർട്ടിംഗ് (സോഷ്യൽ ഹിയറിംങ്) 2025 ഫെബ്രുവരി 20 വ്യാഴാഴ്ച നടന്നു. വാർഡ് കൗൺസിലർ എം. നിസാമുദിൻ ഉദ്ഘാടനം ചെയ്തു. എച്ച്.എ. എൽ.പി.എസ്. ഹെഡ്മാസ്റ്റർ ബൈജു എച്ച്.ഡി., സോഷ്യൽ ഓഡിറ്റിംഗ് ടീം മാനേജർ റാണി ടീച്ചർ  ആശ പൂവാർ തുടങ്ങിയവർ സംസാരിച്ചു.ഗവൺമെന്റ് എൽ.പി.എസ്.മുട്ടക്കാട്,എൽ.എം.എസ്.എൽ.പി.എസ്.മുട്ടക്കാട്,എസ്.വി.എൽ.പി.എസ്.  കോവളം,വിഴിഞ്ഞം എസ്.വി. എൽ.പി.എസ്., എച്ച്.എ.എൽ.പി.എസ് വിഴിഞ്ഞം, ഗവൺമെന്റ് എൽ.പി.എസ്. വിഴിഞ്ഞം എന്നീ സ്കൂളുകളിലെ എസ്.എം.എംസി., പി.ടി.എ., പ്രധാനധ്യാപകർ എന്നിവരാണ് യോഗത്തിൽ പങ്കെടുത്തത്.

7. സ്മാർട്ടായി ബോർഡുകളും

പുതിയവൈറ്റ് ബോർഡുകളും,സ്മാർട്ട് ടെലിവിഷൻ ബോർഡുകളും

വിഴിഞ്ഞം ഹാർബർ എൽ.പി. സ്കൂളിലെ മുഴുവൻ ക്ലാസ്സുകളിലേക്കും പുതിയ വൈറ്റ് ബോർഡും ,മൂന്നു ക്ലാസുകളിലേക്ക് സ്മാർട്ട് ടെലിവിഷൻ ബോർഡുകളും സ്ഥാപിച്ചു. കഴക്കൂട്ടം ടെക്നോപാർക്കിലെ QUEST എന്ന കമ്പനിയുടെ സി.എസ്.ആർ. ഫണ്ട് ഉപയോഗിച്ചാണ് ഇവ സ്ഥാപിച്ചത്.

8. കാര്യാലയവും കരുതലോടെ

ഓഫീസ് മുറിയിലേക്ക്  വാങ്ങിച്ച പുതിയ സ്മാർട്ട് ചെയറുകളും സംവിധാനങ്ങളും

വിഴിഞ്ഞം ഗവൺമെന്റ് ഹാർബർ ഏരിയ എൽ.പി. സ്കൂളിലെ ഓഫീസ് മുറിയും, ഹെഡ്മാസ്റ്ററുടെ ചേംബറും പുതിയ മുഖം സ്വീകരിച്ചു. സ്കൂളിലെ അറബിക് അധ്യാപകൻ  സാറിന്റെ സുഹൃത്തും ഈഞ്ചക്കല്ലിൽ സ്ഥിതി ചെയ്യുന്ന ബെനിഫിറ്റ് ഫോർ യുവർ കംഫർട്ട് എന്ന കമ്പനിയുടെ ഡയറക്ടറുമായ മുസ്തഫ ഇസ്ലാഹിയുടെ സഹകരണത്തോടെ കൂടിയാണ് ഓഫീസിലേക്ക് അഞ്ച് പുതിയ സ്മാർട്ട് ചെയറുകളും അനുബന്ധ സൗകര്യങ്ങളും ശരിയാക്കിയത്.കൂടാതെ ടേബിളിന്റെ മുകളിൽ വിരിക്കാനുളള ഗ്ലാസ് പി.ടി.എ. ഫണ്ട് ഉപയോഗിച്ചാണ് വാങ്ങിയത്.

9. അലിവ് റംസാൻ കിറ്റ്

റമദാൻ കിറ്റ്

പട്ടിണിപ്പാവങ്ങളായ മത്സ്യത്തൊഴിലാളികളുടെ മക്കൾ പഠിക്കുന്ന ഹാർബർ സ്കൂളിലെ വിദ്യാർത്ഥികളുടെ മുഴുവൻ കുടുംബങ്ങളിലേക്കും,സ്കൂളിലെ അലിവ് സാമൂഹ്യക്ഷേമ പദ്ധതിയുടെ ഭാഗമായി, 500 രൂപ വിലയുള്ള  ഭക്ഷ്യവിഭവങ്ങൾ അടങ്ങിയ റമദാൻ കിറ്റ് വിതരണം ചെയ്തു. അറബിക് അധ്യാപക സെക്കരിയ്യ സാറിന്റെ, കോഴിക്കോട് ,മലപ്പുറം പ്രദേശങ്ങളിൽ നിന്നുമുളള  സുഹൃത്തുക്കളിൽ നിന്ന് ശേഖരിച്ച തുകയാണ് ഇതിനായി ഉപയോഗിച്ചത്.

10. 55th വാർഷികാഘോഷവും രക്ഷാ കർതൃസംഗമവും

അൻപത്തിയഞ്ചാം വാർഷിക അതിഥികൾ

ബഹു: മന്ത്രി സജി ചെറിയാൻ

ബഹു: എം.എൽ.എ. അഡ്വ; എം. വിൻസെന്റ്

വിസിൽ എം.ഡി. ഡോ; ദിവ്യ. എസ്. അയ്യർ

മന്ത്രിക്കുളള സ്വീകരണം

വാർഷികാഘോഷത്തിൽ പങ്കെടുത്തവർ വ്യത്യസ്ത സന്ദർഭങ്ങളിൽ

വാർഷികാഘോഷത്തിൽ പങ്കെടുത്തവർ വ്യത്യസ്ത സന്ദർഭങ്ങളിൽ

ഉദ്ഘാടന സദസ്സ് മന്ത്രിയോടൊപ്പം

ഗവൺമെന്റ് ഹാർബർ ഏരിയ എൽ.പി. സ്കൂളിന്റെ അൻപത്തിയഞ്ചാമത് വാർഷികാഘോഷവും രക്ഷാകർതൃ സംഗമവും 2025 ഫെബ്രുവരി 28ന് വിപുലമായി സംഘടിപ്പിച്ചു.ഹാർബർ സ്കൂൾ ഗ്രൗണ്ടിൽ പ്രത്യേകം സജ്ജമാക്കിയ വേദിയിൽ

ബഹു: കേരള ഫിഷറീസ്,സാംസ്കാരിക,യുവജന ക്ഷേമ വകുപ്പ് മന്ത്രി സജി ചെറിയാൻ ഉദ്ഘാടനം നിർവഹിച്ചു. കോവളം നിയോജക മണ്ഡലം എം.എൽ.എ. അഡ്വ:  എം. വിൻസെന്റ് അധ്യക്ഷതവഹിച്ചു. വിഴിഞ്ഞം ഇന്റർനാഷണൽ സീപോർട്ട് ലിമിറ്റഡ് മാനേജിങ് ഡയറക്ടർ ദിവ്യ. എസ്. അയ്യർ മുഖ്യാതിഥിയായിരുന്നു. ഹാർബർ വാർഡ് കൗൺസിലർ എം. നിസാമുദ്ദീൻ മുഖ്യപ്രഭാഷണം നടത്തി.വിഴിഞ്ഞം തെക്കുംഭാഗം മുസ്ലിം ജമാഅത്ത് ചീഫ് ഇമാം അബ്ദുൽ ഹക്കീം ബുഖാരി സന്ദേശം നൽകി. മൽഹാർ 2k25 കലാവിരുന്ന് ഉദ്ഘാടനം സിനിമ പിന്നണി ഗായികയും സംഗീത സംവിധായികയുമായ അഡ്വ:  ഗായത്രി.ആർ. നായർ നിർവഹിച്ചു.ഗായകരായ ബാജി ശ്യാം,മുഹമ്മദ് ഇസ്മാഈൽ തുടങ്ങിയവർ പങ്കെടുത്തു.അദാനി പോർട്സ് സി.എസ്.ആർ.ഹെഡ് ഡോ: അനിൽ ബാലകൃഷ്ണൻ, ICARCMFRI വിഴിഞ്ഞം റീജിയണൽ ഹെഡ് ഡോ: ബി. സന്തോഷ്, എച്ച്.ഈ. ഡി. വിഴിഞ്ഞം എക്സിക്യൂട്ടീവ് എൻജിനീയർ അനിൽ കുമാർർ, ലൈറ്റ് ഹൗസ് നാവിഗേഷൻ അസിസ്റ്റന്റ് ഡോ: വി.സുശീന്ദ്രൻ,  തുടങ്ങിയവർ വിവിധ പ്രകടനങ്ങളിൽ മികവുതെളിയിച്ചവരെ അവാർഡ് നൽകി ആദരിച്ചു.വിഴിഞ്ഞം തെക്കുംഭാഗം മുസ്ലിം ജമാഅത്ത് പ്രസിഡണ്ട് മുഹമ്മദ് ഷാഫി.യു., ബാലരാമപുരം എ.ഇ.ഓ. കവിത ജോൺ, ബാലരാമപുരം ബി.പി.സി. അനീഷ്.എസ്.ജി., വിഴിഞ്ഞം പോലീസ് സ്റ്റേഷൻ സി.ഐ. പ്രകാശ്, സി.ആർ.സി. കോഡിനേറ്റർ ശാലിനി,സിറാജുൽ ഇസ്ലാം മദ്രസ മാനേജിങ് കമ്മിറ്റി പ്രസിഡണ്ട് അബ്ദുൽ റസാക്ക്,മുഹമ്മദ് റിയാസ്, പി.ടി.എ. പ്രസിഡണ്ട് അൻവർ ഷാൻ, എം.പി.ടി.എ. പ്രസിഡന്റ് റളിയാ ബീഗം, എസ്.എം.സി. ചെയർമാൻ താജുദ്ദീൻ റഹ്മാനി, ഹെഡ്മാസ്റ്റർ,ബൈജു. എച്ച്.ഡി.,സ്റ്റാഫ് സെക്രട്ടറി ജോലാൽ തുടങ്ങിയവർ സംസാരിച്ചു.

പരിഭവം തീർത്ത പ്രഖ്യാപനം

ഓഡിറ്റോറിയത്തിന് ഫണ്ട് വകയിരുത്തിയ പ്രഖ്യാപനം എം.എൽ.എ നിർവഹിക്കുന്നു

വിഴിഞ്ഞം ഗവൺമെന്റ് ഹാർബർ ഏരിയ എൽ.പി. സ്കൂളിനായി ഓഡിറ്റോറിയം നിർമ്മിക്കുന്നതിനായി എം.എൽ.എ. യുടെ ആസ്തി വികസന ഫണ്ടിൽ നിന്നും 58 ലക്ഷം രൂപ വകയിരുത്തിയിട്ടുണ്ടെന്ന് കോവളം എം.എൽ.എ. അഡ്വ;  എം. വിൻസെന്റ് വാർഷിക യോഗത്തിൽ വെച്ച് പ്രഖ്യാപിച്ചു. അടുത്ത അധ്യയന വർഷത്തിലെ വാർഷിക യോഗങ്ങൾ ഓഡിറ്റോറിയത്തിൽ നടത്താൻ കഴിയുമെന്നും അദ്ദേഹം പ്രത്യാശ പ്രകടിപ്പിച്ചു.

കടലോരം കാതോർത്ത് കൈയ്യടിച്ച തീരുമാനം

അപ്ഗ്രേഡ് തീരുമാനം മന്ത്രി സജി ചെറിയാൻ യോഗത്തിൽ അറിയിക്കുന്നു

വിഴിഞ്ഞം ഗവൺമെന്റ് ഹാർബർ ഏരിയ എൽ.പി. സ്കൂൾ അപ്ഗ്രേഡ് ചെയ്യണമെന്ന് കാലങ്ങളായുള്ള ആവശ്യത്തിന് സർക്കാരിന്റെ പച്ചക്കൊടി കിട്ടിയിട്ടുണ്ടെന്ന തീരുമാനം ബഹുമാന്യനായ വിദ്യാഭ്യാസ മന്ത്രി നേരിട്ട് അറിയിക്കുമെന്ന് ചടങ്ങുകൾ ഉദ്ഘാടനം ചെയ്ത മന്ത്രി സജി ചെറിയാൻ യോഗത്തിൽ  പ്രഖ്യാപിച്ചു.അടുത്ത അധ്യയന വർഷത്തിൽ അഞ്ചാം ക്ലാസിൽ നമ്മുടെ മക്കൾക്ക് ഇവിടെ തന്നെ തുടർ പഠനം  കഴിയുന്നതാണെന്നും അദ്ദേഹം വ്യക്തമാക്കി. പതിറ്റാണ്ടുകളായുളള ഒരു നാടിന്റെ സ്വപ്നം പൂവണിഞ്ഞത് എണീറ്റ് നിന്ന് കാരാഘോഷങ്ങളോടു കൂടിയാണ് കോരിച്ചൊരിയുന്ന മഴയത്തും ഒരുമിച്ചു കൂടിയ ആയിരങ്ങൾ സ്വീകരിച്ചത്.