എ.എം.യു.പി.എസ്. ആക്കോട് വിരിപ്പാടം‍‍/പ്രവർത്തനങ്ങൾ/2024-25

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

2022-23 വരെ

2023-24

2024-25

സ്വാതന്ത്ര്യദിനാഘോഷം വയനാടിനുള്ള ഐക്യദ്ധാർഡ്യമാക്കി

• 

  വയനാട് ദുരന്തത്തിൽ ശ്രദ്ധേയമായ രീതിയിൽ  രക്ഷാപ്രവർത്തനം നടത്തി ലോക ശ്രദ്ധയാകർഷിച്ച ഇന്ത്യൻ കരസേന അംഗം നായക് എൻ. കെ അബു താഹിറിനെ സ്കൂൾ ഹെഡ്മാസ്റ്റർ പി ആർ മഹേഷ് പൊന്നാടയണിച്ച് ആദരിക്കുന്നു

സ്കൂളിലെ ഈ വർഷത്തെ സ്വാതന്ത്ര്യദിനാഘോഷം വയനാടിനുള്ള ഐക്യദാർഢ്യമായി ആചരിച്ചു. രാജ്യത്തിൻ്റെ എഴുപത്തിഎട്ടാം സ്വാതന്ത്ര്യ ദിനാഘോഷത്തിൻ്റെ ഭാഗമായി വിപുലമായ പരിപാടികൾ  സ്കൂളിൽ സംഘടിപ്പിച്ചു. സ്കൂൾ മാനേജർ മുസ്തഫ ഹുദവി ദേശീയപതാക ഉയർത്തി കുട്ടികൾക്കും രക്ഷിതാക്കൾക്കും സ്വാതന്ത്ര്യദിന സന്ദേശം കൈമാറി. വയനാട് ദുരന്തത്തിൽ ശ്രദ്ധേയമായ രീതിയിൽ  രക്ഷാപ്രവർത്തനം നടത്തി ലോക ശ്രദ്ധയാകർഷിച്ച ഇന്ത്യൻ കരസേന അംഗം നായക് എൻ. കെ അബു താഹിറിനെ സ്കൂൾ ഹെഡ്മാസ്റ്റർ പി ആർ മഹേഷ് പൊന്നാടയണിച്ച് ആദരിച്ചു.

പി.ടി.എ പ്രസിഡണ്ട് കെ.ജുബൈർ, സീനിയർ അസിസ്റ്റന്റ് എം.  മുജീബ് റഹ്മാൻ മാസ്റ്റർ, സ്റ്റാഫ് സെക്രട്ടറി കെ ബഷീർ മാസ്റ്റർ, എം.സി സിദ്ധിഖ് മാസ്റ്റർ ,പി ടി എ വൈസ്.പ്രസിഡൻ്റ അബ്ദുറഹ്മാൻ മാസ്റ്റർ, എം സി നാസർ എന്നിവർ സംസാരിച്ചു. വയനാട് ദുരന്തത്തിന്  ഇരയായവർക്ക്  ഐക്യദാർഢ്യം പ്രഖ്യാപിച്ചുകൊണ്ട് കുട്ടികളുടെ റാലി നടന്നു.  ദുരന്തവുമായി ബന്ധപെട്ട് റാലിയിൽ അവതിരിപ്പിച്ച നിശ്ചല ദൃശ്യം ശ്രദ്ധേയമായി. തുടർന്ന് പായസ വിതരണവും, കുട്ടികളുടെ മാസ്ഡ്രില്ലും, ദേശഭക്തിഗാനാലാപനവും നടന്നു.  മുഹമ്മദ് റാഷിദ്  എം.പി,  മുഹമ്മദലി ശിഹാബുദ്ദീൻ, മുഹസിന കെ, റസീല കെ, ഷഹർബാൻ കെ എന്നിവർ നേതൃത്വം നല്കി.

• 
• 

മലയാള മനോരമ നല്ല പാഠം ‘വായനക്കൂട്ട്' -മത്സരം ജില്ലാവിജയി മുഹമ്മദ് നസീബ്

• 

വായനാ ദിനത്തോട് അനുബന്ധിച്ചു മലയാള മനോരമ നല്ല പാഠം നടത്തിയ ‘വായനക്കൂട്ട്  വാർത്തയെ കുറിച്ച് കുറിപ്പ് തയ്യാറാക്കൽ മത്സരത്തിൽ സ്കൂളിലെ നല്ല പാഠം ക്ലബ്ബിലെ കുട്ടികൾ മത്സരച്ചു. ജില്ലാ തലത്തിൽ ആയിരത്തോളം വിദ്യാർഥികൾ പങ്കെടുത്ത ഈ മത്സരത്തിൽ നമ്മുടെ വിദ്യാർത്ഥി മുഹമ്മദ്‌ നസീബിനെ ജില്ലാവിജയിയായി തെരെഞ്ഞെടുത്തു.

സ്നേഹ പൂർവ്വം സുപ്രഭാതം പദ്ധതിക്ക് തുടക്കം കുറിച്ചു

• 

  സ്കൂളിൽ സ്നേഹപൂർവ്വം സുപ്രഭാതം സ്കൂൾ ലീഡർ നസീബിന് പത്രം നൽകി മുനവ്വിർ ഫൈസി ഉദ്ഘാടനം ചെയ്യുന്നു

സ്കൂളിൽ സ്നേഹപൂർവ്വം സുപ്രഭാതം സ്കൂൾ ലീഡർ നസീബിന് പത്രം നൽകി മുനവ്വിർ ഫൈസി നിർവ്വഹിച്ചു, പ്രധാന അധ്യാപകൻ പി ആർ മഹേഷ്, പി ടി എ പ്രസിഡൻ്റ ജുബൈർ, അധ്യാപകരായ മുജീബ് എം, ബഷീർ കെ, സിദ്ധീഖ് എം സി, മൻസൂർ, സമദ്,ഷംസുദ്ധീൻ സി വി, മനാഫ്, വിരിപ്പാടം യൂണിറ്റ് എസ് വൈ എസ് ,എസ് കെ എസ് എസ് എഫ് ഭാരവാഹികളായ, യകൂബ് മുസ് ലിയാർ, മുത്തുട്ടി, ശാഹുൽ ഹമീദ്, റഹീം, ഖാദർ ഊർക്കടവ്,മുനീർ കെ.ടി, ദിൽഷാദ് ,ഷഫീഖ്, ഷംവീൽ എന്നിവർ പങ്കെടുത്തു, വിരിപ്പാടം യൂണിറ്റ് എസ് കെ എസ് എസ് എഫ് കമ്മിറ്റിയാണ് ഒരു വർഷത്തേക്കുള്ള പത്രം സ്പോൺസർ ചെയ്തത്

സ്‌കൂളിന് വീണ്ടും അഭിമാന നേട്ടവുമായി ആരാധ്യ

• 

രാമായണ മാസാചരണത്തോടനുബന്ധിച്ച് കേരള സംസ്കൃതാധ്യാപക ഫെഡറേഷൻ ആഗസ്‌റ്റ് 10 -ാം തിയ്യതി ശനിയാഴ്ച സംഘടിപ്പിച്ച ആദികാവ്യാമ്യതം ഓൺലൈൻ പ്രശ്നോത്തരിയിൽ (യു. പി)വിഭാഗത്തിൽ നിന്നും മത്സരിച്ച ആരാധ്യ ആർ. സി കൊണ്ടോട്ടി സബിജില്ലയിൽ നിന്നും ഒന്നാം സ്ഥാനം കരസ്ഥമാക്കി ജില്ലാ മത്സരത്തിന് യോഗ്യത നേടി സ്കൂളിൻ്റെ അഭിമാനമായി മാറി.

ദേശീയ ബഹിരാകാശദിനാചരണം വിവിധ മത്സര പരിപാടികൾക്ക് തുടക്കമായി

ചാന്ദ്രയാൻ  -3 ദൗത്യത്തിന്റെ വിജയത്തിന്റെ സ്മരണയ്ക്കായി ഇന്ത്യ ഗവൺമെന്റ് ഓഗസ്റ്റ്  23 ശനിയാഴ്ച ' ദേശീയ ബഹിരാകാശ ദിനം 'ആയി പ്രഖ്യാപിച്ചിരിക്കുന്നു. ഇതിൻ്റെ ഭാഗമായി ഇന്ത്യയിലെ മുഴുവൻ സ്കൂളുകളിലും ISRO വിവിധ പരിപാടികൾ സംഘടിപ്പിക്കുന്നു." നമ്മുടെ വിദ്യാലയത്തിലെ മത്സര പരിപാടികൾ ആരംഭിച്ചു. ഉപന്യാസം മത്സരം ,ക്വിസ് മത്സരം,ജലച്ചായം തുടങ്ങയവ തുടർന്നുള്ള ദിവസങ്ങളിൽ സ്കൂളിൽ നടക്കും.

രക്ഷിതാക്കളോടൊത്ത് ജനറൽ PTA ചേർന്നു.

• 

ഈ വർഷത്തെ ആദ്യ ജനറൽ PTA വളരെ സമാധാനപരമായി സ്കൂൾ ഓഡിറ്റോറിയത്തിൽ വെച്ച് നടന്നു. വയനാട് ദുരിതത്തിൽ അകപ്പെട്ടവർക്ക് വേണ്ടി മൗന പ്രാർത്ഥന നടത്തിയാണ് പരിപാടിക്ക് തുടക്കം കുറിച്ചത്. പരിപാടിയിൽ സ്കൂൾ ഹെഡ്മാസ്റ്റർ ശ്രീ പി ആർ മഹേഷ്‌ അധ്യക്ഷനായി. സ്കൂൾ മാനേജ് മെൻ്റ് അക്കാദമിക് കോഡിനേറ്റർ ജബ്ബാർ മാസ്റ്റർ പരിപാടി ഉദ്ഘാടനം ചെയ്തു. ശ്രീ സിദ്ധീഖ് മാസ്റ്റർ  കഴിഞ്ഞ വർഷത്തെ പ്രവർത്തനങ്ങൾ അവലോകനം ചെയ്തു സംസാരിച്ചു. ശ്രീ മുജീബ് മാസ്റ്റർ പ്രവർത്തന റിപ്പോർട്ടും റാഷിദ്‌ മാസ്റ്റർ കണക്കവതരണവും നടത്തി. യോഗത്തിൽ പുതിയ PTA ,MPTA ഭാരവാഹികളെ തെരഞ്ഞെടുത്തു. പരിപാടിയിൽ വാർഡ് മെമ്പർ ശ്രീ ശിഹാബ്, കബീർ ബാവ വൈസ് പ്രസിഡന്റ്‌ ശ്രീ അബ്ദുറഹിമാൻ മാസ്റ്റർ എന്നിവർ മുഖ്യധിതികൾ ആയിരുന്നു. പ്രസ്തുത പരിപാടിക്ക് PTA പ്രസിഡണ്ട് സുബൈർ സ്വാഗതവും MPTA പ്രസിഡന്റ്‌ അസ്മാബി നന്ദിയും പറഞ്ഞു.

2024-25 പി.ടി.എ ഭാരവാഹികൾ

• 

  പ്രസിഡണ്ട് - ജുബൈർ ഊർക്കടവ്

• 

  വൈ.പ്രസിഡണ്ട് - അബ്ദുൽ ജബ്ബാർ എ.ടി

• 

  വൈ.പ്രസിഡണ്ട് - അബ്ദുറഹിമാൻ മാസ്റ്റർ

2024-25 പി.ടി.എ ഭാരവാഹികൾ

• 

  അബ്ദുൽ ഖാദർ ഊർക്കടവ്

• 

  രാജി വിരിപ്പാടം

• 

  അസ്മാബി ചൂരപ്പട്ട

• 

  തസ്നിയ ചൂരപ്പട്ട

• 

  സമദ് മുണ്ടുമുഴി

• 

  നിഖില ആക്കോട്

• 

  ബഷീർ കോടിയമ്മൽ

• 

  ഹബീബ കോടിയമ്മൽ

• 

  മുഹമ്മദ് കുറ്റിക്കടവ്

2024-25 എം.ടി.എ ഭാരവാഹികൾ

• 

  പ്രസിഡണ്ട് - ജംഷീറ

• 

  വൈ.പ്രസിഡണ്ട് - ജിഷ

2024-25 എം.ടി.എ ഭാരവാഹികൾ

• 

  ഫർസാന ഊർക്കടവ്

• 

  ബിന്ദു കായലം

• 

  ഖൈറുന്നീസ കുറ്റിക്കടവ്

• 

  നീനുപ്രകാശ് വിരിപ്പാടം

• 

  നുസ്റത്ത് മൂളപ്പുറം

• 

  സജ്ന അനന്തായൂർ

• 

  സുമയ്യബീവി കുറ്റിക്കടവ്

പകർച്ചവ്യാധികൾക്കെതിരെ ബോധവൽക്കരണവും ഡ്രൈ ഡേ ആചരണവും നടത്തി

• 

  സ്കൂളിലെ സീഡ് ക്ലബ്ബിന്റെ നേതൃത്വത്തിൽ പകർച്ചവ്യാധികൾക്കെതിരെ ബോധവൽക്കരണവും ഡ്രൈ ഡേയും സംഘടിപ്പിച്ചു.വാഴക്കാട് ഹെൽത്ത് ഇൻസ്പെക്ടർ ശ്രീ അബ്ദുൽ നാസർ മുഖ്യപ്രഭാഷണം നടത്തി. ഹെഡ്മാസ്റ്റർ പി.ആർ മഹേഷ് അധ്യക്ഷത വഹിച്ചു. മഞ്ഞപ്പിത്തം, ഡെങ്കിപ്പനി, മുണ്ടിവീക്കം  തുടങ്ങി നാട്ടിൽ അതിവേഗം പടർന്ന് പന്തലിച്ചു കൊണ്ടിരിക്കുന്ന  രോഗങ്ങളെ എങ്ങനെ പ്രതിരോധിക്കാമെന്നും സ്വീകരിക്കേണ്ട മുൻകരുതലുകളെ കുറിച്ചും കുട്ടികളെ ബോധവൽക്കരിച്ചു. എല്ലാ വെള്ളിയാഴ്ചകളിലും  ഡ്രൈ ഡേ ആയി ആചരിക്കുമെന്ന് കുട്ടികൾ പ്രതിജ്ഞ ചെയ്തു. ഡോക്ടർ അനു കോശി (MO ), രാജേഷ് (JHI ) എന്നിവർ ആശംസകൾ നേർന്നു. ചടങ്ങിൽ മോട്ടമ്മൽ മുജീബ് മാസ്റ്റർ, ബഷീർ മാസ്റ്റർ, സീഡ് കോഡിനേറ്റർ സി നിമി , ഫസീല ടീച്ചർ റിസ്‌വാന ടീച്ചർ എന്നിവർ പങ്കെടുത്തു.
  

ഹിരോഷിമ ജലഛായ മത്സരം നടത്തി സോഷ്യൽ സയൻസ് ക്ലബ്ബ്

• 

ഹിന്ദി പ്രേംചന്ദ് ദിന സംസ്ഥാന തല ഓൺലൈൻ മത്സരത്തിൽ മികച്ച വിജയം

പ്രേംചന്ദ് ദിനത്തോടനുബന്ധിച്ച് സംസ്ഥാന തലത്തിൽ നടത്തിയ ഓൺലൈൻ ക്വിസ് മത്സരത്തിൽ കൊണ്ടോട്ടി സബ്ജില്ലയിൽ നമ്മുടെ വിദ്യാലയമായ എ എം യു പി സ്കൂൾ ആക്കോട് വിരിപ്പാടം ഒന്നും രണ്ടും മൂന്നും സ്ഥാനം നേടി മിന്നുന്ന പ്രകടനം കാഴ്ചവച്ചു ഒന്നാം സ്ഥാനം -മുഹമ്മദ്‌ നസീബ് -7E, രണ്ടാം സ്ഥാനം -സഫിയ ഫാരിയ -6E, മൂന്നാം സ്ഥാനം -ഫൈസ മെഹർ കെ -6F  എന്നീ കുട്ടികളാണ് നേടിയെടുത്തത്. ഓൺലൈൻ ക്വിസ് മത്സരത്തിൽ നമ്മുടെ വിരിപ്പാടം വിദ്യാലയത്തിൽ നിന്നും പങ്കെടുത്ത 30 കുട്ടികൾക്ക് 50% മാർക്കും നേടി  വിജയം നേടാൻ കഴിഞ്ഞു എന്നത് വേറൊരു അഭിനന്ദനാർഹമായ നേട്ടമാണ്. കുട്ടികളിലെ ഹിന്ദി ഭാഷ പ്രാവണ്യത്തിൻ്റെ വ്യക്തമായ തെളിവുകളാണിത്. ഹിന്ദി സാഹിത്യകാരനായ പ്രേംചന്ദ് എന്ന മഹാനായ ഉപന്യാസകാരൻ്റെ ജന്മദിനവുമായി ബന്ധപ്പെട്ടാണ്  ഈ ക്വിസ് മത്സരം എല്ലാ വർഷവും  നടത്തപ്പെടുന്നത്. ഹിന്ദി സാഹിത്യത്തിലും നമ്മുടെ കുട്ടികൾ ഇപ്പോൾ അവരുടെ പ്രാവീണ്യം തെളിയിച്ചു കൊണ്ടിരിക്കുന്നതിനോടൊപ്പം  കൂടുതൽ ഹിന്ദി ഭാഷയിൽ അറിവ് നേടുന്നതിനും സാധിച്ചു കൊണ്ടിരിക്കുന്നു എന്നതിന് ഉത്തമമായ ഒരു മാതൃകയാണ് നമ്മുടെ വിദ്യാലയത്തിൻ്റെ ഈ വിജയ കിരീടം.

കണ്ണീർ മഴയത്ത് വയനാട് ഭീമൻ കൊളാഷ് നിർമിച്ച് സീഡ്, നല്ലപാഠം എക്കോ ക്ലബ്ബ് വിദ്യാർത്ഥികൾ

• 
• 
• 

വയനാട് പ്രകൃതിദുരന്തവുമായി ബന്ധപ്പെട്ട് ഭീമൻ കൊളാഷ് നിർമ്മിച്ച് സീഡ്, നല്ലപാഠം, എക്കോ ക്ലബ്ബ് വിദ്യാർത്ഥികൾ. വയനാട് ദുരന്തവുമായി ബന്ധപ്പെട്ട് പത്രങ്ങളിൽ വന്ന കട്ടിങ്ങുകൾ ഉപയോഗിച്ചായിരുന്നു കൊളാഷ് നിർമിച്ചത്. കൊളാഷ് നിർമ്മാണത്തിന് ശേഷം വയനാട് ദുരന്തത്തെ കുറിച്ച് പ്രഥമ അധ്യാപകൻ മഹേഷ് മാസ്റ്റർ സംസാരിച്ചു. കൂടാതെ പ്രകൃതി ദുരന്തങ്ങളെ കുറിച്ച് ബോധവൽക്കരണവും നടത്തി.അതിനുശേഷം എല്ലാ വിദ്യാർത്ഥികൾക്കും കൊളാഷ് കാണാനുള്ള അവസരവും ഒരുക്കി. അധ്യാപകരായ ഫഹ്‌മിത ടീച്ചർ,റിസ്വാന ടീച്ചർ,നിമി ടീച്ചർ,അഫീദ ടീച്ചർ,തൗഫീഖ് മാസ്റ്റർ എന്നിവർ നേതൃത്വം കൊടുത്തു.

സമാധാന സന്ദേശവുമായി ഹിരോഷിമ ദിനാചരണം

• 

സ്കൂളിലെ സോഷ്യൽ സയൻസ് ക്ലബ്ബിന്റെയും വർക്ക് എക്സ്പീരിയൻസ് ക്ലബ്ബിന്റെയും നേതൃത്വത്തിൽ ഹിരോഷിമ ദിനം ആചരിച്ചു. പരിപാടി സ്കൂൾ പ്രഥമ അധ്യാപകൻ ശ്രീ മഹേഷ് മാസ്റ്റർ  ഉദ്ഘാടനം ചെയ്തു. സോഷ്യൽ സയൻസ് ക്ലബ് കൺവീനർ സിദ്ധിഖ് മാസ്റ്റർ യുദ്ധവിരുദ്ധ സന്ദേശം കൈമാറി.തുടർന്ന് സ്കൂൾ ലീഡർ മുഹമ്മദ് നസീബ് യുദ്ധവിരുദ്ധ പ്രതിജ്ഞ ചൊല്ലിക്കൊടുത്തു. കൂടാതെവർക്ക്‌ എക്സ്പീരിയൻസ് ക്ലബ്ബിന്റെ കീഴിൽ സഡാക്കോ കൊക്കുകൾ നിർമ്മിച്ച് അസംബ്ലിയിൽ പറത്തുകയും ചെയ്തു. അധ്യാപകരായ മുജീബ് മാസ്റ്റർ, റാഷിദ് മാസ്റ്റർ, സിജി ടീച്ചർ,സബീന ടീച്ചർ, തൗഫീഖ് മാസ്റ്റർ നേതൃത്വം കൊടുത്തു

സ്വദേശ് മെഗാ ക്വിസ് മുഹമ്മദ് ബാദുഷ, മുഹമ്മദ് നസീബ് ജേതാക്കൾ

• വിജയികൾ
• 

  LP ഒന്നാം സ്ഥാനം - മുഹമ്മദ് ബാദുഷ

• 

  രണ്ടാം സ്ഥാനം -മുഹമ്മദ് റസാൻ

• 

  മൂന്നാം സ്ഥാനം - മുഹമ്മദ് റസാൻ

• 

  UP - ഒന്നാം സ്ഥാനം - മുഹമ്മദ് നസീബ് എ.ടി

• 

  രണ്ടാം സ്ഥാനം - ഫാത്തിമ ഹിബ

• 

  മൂന്നാം സ്ഥാനം - ഫാത്തിമ നിഹ് ല

അധ്യാപക സംഘടനയായ കേരള പ്രദേശ് സ്കൂൾ ടീച്ചേഴ്സ് അസോസിയേഷൻ(KPSTA) യുടെ സ്വദേശ് മെഗാ ക്വിസ് സ്കൂൾ തല മത്സരം (6-8-2024) തിങ്കളാഴ്ച കൃത്യം രണ്ടുമണിക്ക് സ്കൂൾ ഓഡിറ്റോറിയത്തിൽ വച്ച് നടത്തപ്പെട്ടു, സ്വാതന്ത്രസമരം, സ്വാതന്ത്ര്യസമര നേതാക്കൾ, ഇന്ത്യൻ ഭരണഘടന മൂല്യങ്ങളായ ജനാധിപത്യം, മതേതരത്വം,സോഷ്യലിസം തുടങ്ങിയവ പുതുതലമുറകൾക്ക് പകർന്ന നൽകുക എന്ന ലക്ഷ്യത്തോടെയാണ് KPSTA വർഷങ്ങളായി സ്വദേശി മെഗാ ക്വിസ് മത്സരം സംസ്ഥാനത്തെ വിദ്യാലയങ്ങളിൽ സംഘടിപ്പിച്ചു വരുന്നത്.10-8-2024 ശനിയാഴ്ച നടക്കുന്ന സ്വദേശ് കൊണ്ടോട്ടി സബ്ജില്ലാ തല ക്വിസ് മത്സരത്തിൽ

എൽ.പി തലത്തിൽ നിന്നും  മുഹമ്മദ് ബാദുഷ 4B ക്ലാസ്, യു.പി തലത്തിൽനിന്നും മുഹമ്മദ് നസീബ് 7E,

ഫാത്തിമ ഹിബ 7D എന്നിവർ നമ്മുടെ സ്കൂളിനെ പ്രതിനിധീകരിച്ച് മത്സരത്തിൽ പങ്കെടുക്കും

ലോക പ്രകൃതി സംരക്ഷണദിനത്തിൽ തുവ്വക്കാട് മല സന്ദർശിച്ച് സീഡ് NGC, സീഡ് വിദ്യാർഥികൾ

• 

ലോക പ്രകൃതി സംരക്ഷണ ദിനത്തിൽ കോടിയമ്മൽ തൂവ്വക്കാട് മല സന്ദർശിച്ച് എ എം യു പി സ്കൂളിലെ എൻ ജിസി, സീഡ് വിദ്യാർത്ഥികൾ. പ്രകൃതിയെയും,പ്രകൃതി വിഭവങ്ങളെയും സംരക്ഷിക്കുക, കാത്തുസൂക്ഷിക്കുക എന്ന ലക്ഷ്യത്തോടെ രണ്ട് മണിക്കൂർ നീണ്ട യാത്രയായിരുന്നു. പ്രകൃതി സംരക്ഷണത്തിൻ്റെ പ്രാധാന്യത്തെ കുറിച്ച് എൻ ജി സി കോഡിനേറ്റർ ശ്രീ ജുനൈദ് മാസ്റ്റർ ക്ലാസ്സെടുത്തു. മലയുടെ താഴ്ഭാഗത്തുള്ള  അത്ഭുത കിണർ വിദ്യാർത്ഥികൾക്ക് നവ്യാനുഭവമായി. ജൈവവൈവിധ്യം നിറഞ്ഞ ഒരു കാട് ആയതുകൊണ്ട് തന്നെ ദേശീയ പക്ഷിയായ മയിലുകളെയും  മറ്റു പക്ഷികളെയും കുരങ്ങുകളെയും യാത്രയിൽ കാണാൻ സാധിച്ചു. പുതുതായി വരുന്ന നാഷണൽ ഗ്രീൻഫീൽഡ് ഹൈവേ മലയുടെ താഴ്ഭാഗം കയ്യേറിയത് കൊണ്ട് തന്നെ വരുംകാലങ്ങളിൽ മല സംരക്ഷിക്കപ്പെടാൻ വേണ്ടി വിദ്യാർത്ഥികൾ പോസ്റ്ററുകളും പ്ലക്കാടുകളും നിർമ്മിച്ചിരുന്നു. സീഡ് കോഡിനേറ്റർ നിമി ടീച്ചർ, റിസ്വാന ടീച്ചർ,സമദ് മാസ്റ്റർ എന്നിവർ പങ്കെടുത്തു.

മാതൃഭൂമി മധുരം മലയാളം പദ്ധതി ആരംഭിച്ചു.

• 

ഭാഷാപരിപോഷണത്തിനായി മാതൃഭൂമി ആവിഷ്കരിച്ച മധുരംമലയാളം പദ്ധതി ആക്കോട് വിരിപ്പാടം എ.എം.യു.പി. സ്കൂളിൽ പ്രഥമാധ്യാപകൻ പി.ആർ. മഹേഷ് ഉദ്ഘാടനം ചെയ്യുന്നു. വിദ്യാർഥി പ്രതിനിധികളായ മുഹമ്മദ്‌നസീബ്, അലിസിയാൻ, ഖദീജ സിൽമിയ, സിയ, ആരാധ്യ, ഹിഷാം. റിദ, സെബിൻ, ലിയ, നബഹാൻ എന്നിവർ പത്രം ഏറ്റുവാങ്ങി. സീനിയർ അസിസ്റ്റൻറ് എം. മുജീബ്, അധ്യാപകരായ എം.സി. സിദ്ദീഖ്, തൗഫീഖ്, അബ്ദുറഹ്‌മാൻ, റിസ്‌വാന, ബിന്ദു, ഫസീല, മുഹസിന. സീഡ് കോഡിനേറ്റർ സി. നിമി, മാതൃഭൂമി ലേഖകൻ എം.എ. സജേഷ് തുടങ്ങിയവർ പങ്കെടുത്തു.

സ്കൂൾ പാർലമെൻ്റ് തെരഞ്ഞെടുപ്പ് മുഹമ്മദ് നസീബ് സ്കൂൾ ലീഡർ.

2024- 25 അധ്യയന വർഷത്തെ സ്കൂ‌ൾ പാർലമെൻ്റ് തെരഞ്ഞെടുപ്പ് സാമൂഹ്യശാസ്ത്ര ക്ലബ്ബിൻ്റെ ആഭിമുഖ്യത്തിൽ ജൂലൈ 26-ാം തിയ്യതി നടന്നു. സ്കൂ‌ൾ ലീഡർ സ്ഥാനത്തേക്ക് മത്സരിച്ച മറ്റു 2 പേരെയും പിന്നിലാക്കി 174 വോട്ടുകളുടെ ഭൂരിപക്ഷത്തിനാണ് സ്കൂ‌ൾ ലീഡറായി മുഹമ്മദ് ന സീബ് വിജയിച്ചത്. വ്യത്യസ്തചിഹ്നങ്ങളിൽ ഡിജിറ്റൽ സംവി ധാനത്തിൻ്റെ സഹായത്തോടെ യായിരുന്നു തെരഞ്ഞെടുപ്പ്. ഡെപ്യൂട്ടി ലീഡർ സ്ഥാനത്തേക്ക് മുഹമ്മദ് ഹാഷിം 4 വോട്ടുകളുടെ ഭൂരിപക്ഷത്തിലും തെരഞ്ഞെടുക്കപ്പെട്ടു. ക്ലാസ് ലീഡർ സ്ഥാനത്തേക്കുള്ള തെരഞ്ഞെടുപ്പും ഇതോടൊപ്പം നടന്നു.

ചാന്ദ്രദിനം ആചരിച്ചു

ശാസ്ത്രത്തിനുമേൽ മനുഷ്യൻ കൈവരിച്ച വിജയം, ചന്ദ്രനിൽ ആദ്യമായി മനുഷ്യ സാന്നിധ്യം അറീയിച്ചതിന്റെ ഓർമ്മ പുതുക്കി സ്കൂളിൽ ചാന്ദ്രദിനം വിവിധ പരിപാടികളോടെ  ആചരിച്ചു. ആദ്യത്തെ ചാന്ദ്രയാത്രികരുടെ വേഷം ധരിച്ച കുട്ടികൾ ക്ലാസ്സുകൾ തോറും സഞ്ചരിച്ച് കുട്ടികളുമായി  സംവദിക്കുകയും കുട്ടികളോടൊപ്പം സെൽഫി എടുക്കുകയുംചെയ്തു. തുടർന്ന്, ചാന്ദ്രദിനത്തിൻ്റെ പ്രാധാന്യത്തെ കുറിച്ചുള്ള പ്രസംഗം, ചന്ദ്രനുമായി ബന്ധപ്പെട്ട കുട്ടിപ്പാട്ടുകളുടെ അവതരണം, ബഹിരാകാശ പര്യവേക്ഷണത്തെപ്പറ്റി അറിവുപകരുന്ന ഡോകുമെൻ്ററി പ്രദർശനം,റോക്കറ്റ് നിർമാണം,കൊളാഷ് നിർമ്മാണ മത്സരം, കുട്ടികൾ തയ്യാറാക്കിയ ചുമർപത്രികകളുടെ പ്രദർശനം,ക്വിസ്സ് മത്സരം,എന്നിവ സംഘടിപ്പിക്കപ്പെട്ടു.

പ്രധാനാധ്യാപൻ പി.ആർ മഹേഷ് മാസ്റ്റർ ഉദ്ഘാടനം ചെയ്തു.സീനിയർ അസിസ്റ്റന്റ് മുജീബ്‌ മാസ്റ്റർ, ശാസ്ത്രക്ലബ്ബ് കൺവീനർ കെ.പി. ഫസീല ടീച്ചർ, സ്റ്റാഫ് സെക്രട്ടറി കെ. ബഷീർ മാസ്റ്റർ,കെസി. തൽഹത്ത് മാസ്റ്റർ എന്നിവർ സംസാരിച്ചു. പ്രവർത്തനങ്ങൾക്ക് , ടീന ടീച്ചർ,ഫഹ്മിദ ടീച്ചർ,മുഹ്‌സിന ടീച്ചർ എന്നിവർ നേതൃത്വംനൽകി.

കുടുംബാരോഗ്യകേന്ദ്രത്തിന് പേപ്പർ മരുന്നുകവറുകൾ നിർമ്മിച്ചുനൽകി

• 

  ലോക പേപ്പർ ബാഗ് ദിനത്തിൽ വാഴക്കാട് കുടുംബാരോഗ്യകേന്ദ്രത്തി നു വേണ്ടി ആക്കോട് വിരിപ്പാടം എ.എം.യു.പി. സ്കൂ‌ളിലെ സീഡ് വിദ്യാർഥികൾ നിർമിച്ച പേപ്പർ മരുന്നുകവറുകൾ സീഡ് വിദ്യാർഥികളും അധ്യാപകരും ആശുപത്രി അധികൃതർക്ക് കൈമാറുന്നു.

ലോക പേപ്പർ ബാഗ് ദിനത്തോടനുബന്ധിച്ച് സ്കൂ‌ളിലെ സീഡ് വിദ്യാർഥികൾ വാഴക്കാട് കുടും ബാരോഗ്യകേന്ദ്രത്തിനു വേണ്ടി നിർമ്മിച്ച പേപ്പർ മരുന്നുകവറു കൾ വിതരണം ചെയ്തു.ആശുപത്രി ഓഡിറ്റോറിയ ത്തിൽ നടന്ന ചടങ്ങിൽ സീഡ് വിദ്യാർഥികളിൽനിന്ന് ഡോ. ജുനൈന, ഹെൽത്ത് ഇൻ സ്പെക്ടർ അബ്ദുൽനാസർ, ഫാർമസിസ്റ്റ് റഹീന ബീവി എന്നിവർ ഏറ്റുവാങ്ങി. സീഡ് കോഡിനേറ്റർ സി. നിമി, സീനിയർ അസിസ്റ്റൻറ് മുജീബ്, പി.ടി.എ. പ്രസിഡൻറ് ജുബൈർ, റിസ്വാന, റാഷിദ്, സമദ് എന്നിവർ പങ്കെടുത്തു.

നല്ലപാഠം പുരസ്ക്കാരം ഏറ്റുവാങ്ങി

• നല്ലപാഠം ജില്ലാ എപ്ലസ് അവാർഡ് മലപ്പുറത്ത് നടന്ന അധ്യാപക സംഗമത്തിൽ വെച്ച് സ്കൂൾ സീഡ് കോ-ഓഡിനേറ്റർ റസീല ടീച്ചർ അവാർഡ് സ്വീകരിക്കുന്നു.
• 
• 

മഴക്കാല പച്ചക്കറി കൃഷി ആരംഭിച്ച് സീഡ് ക്ലബ്ബ്

• 

  മഴക്കാല പച്ചക്കറി കൃഷി പദ്ധതിയുടെ ഉദ്ഘാടനം കൊണ്ടോട്ടി ഉപജില്ലാ വിദ്യാഭ്യാസ ഓഫീസർ ഷൈനി ഓമന നിർവഹിക്കുന്നു

മാതൃഭൂമി സീഡ് വിദ്യാർ ഥികൾ ഒരുക്കുന്ന മഴക്കാല പച്ചക്കറി കൃഷിയു ടെ ഉദ്ഘാടനം കൊണ്ടോട്ടി ഉപ ജില്ലാ വിദ്യാഭ്യാസ ഓഫീസർ ഷൈനി ഓമന നിർവഹിച്ചു. വെണ്ട, കൈപ്പ, പച്ചമുളക്, കറി വേപ്പില തുടങ്ങിയവയാണ് പ്ര ധാന കൃഷി ഇനങ്ങൾ. വിദ്യാർഥികളിൽ ജൈവകൃഷിയെ കുറിച്ച് അവബോധം ഉണ്ടാക്കുകയാണ് ലക്ഷ്യം. പ്രഥമാധ്യാ പകൻ സി.ആർ. മഹേഷ്, കൊണ്ടോട്ടി ഉപജില്ലാ സീനിയർ സൂപ്രണ്ട് കെ.സി. മനോജ്, സ്‌കൂൾ അക്കാദമിക് കോഡിനേറ്റർ ഡോ. എ.ടി. അബ്ദുൽ ജബ്ബാർ, സീഡ് കോ ഡിനേറ്റർ സി. നിമി, മോട്ടമ്മൽ മുജീബ്, കെ.സി. മുജീബ്, സീഡ് ക്ലബ്ബ് പ്രതിനിധികൾ എന്നിവർ പങ്കെടുത്തു.

ബഷീർ ദിനം ആചരിച്ചു

• 

  ബഷീർ കൃതികളിലെ പ്രസിദ്ധമായ വിവിധ കഥാപാത്രങ്ങളെ അനുകരിച്ച് സ്കൂൾ കുട്ടികൾക്ക് മുന്നിൽ അവതരിപ്പിച്ച വ്യത്യസ്ത ക്ലാസുകളിലെ വിദ്യാർഥികൾ കഥാമാത്രങ്ങളുടെ വേഷത്തിൽ

'ഓർമ്മകളിൽ ബഷീർ' എന്ന തലക്കെട്ടിൽ ബഷീർ ദിനം വിവിധ പരിപാടികൾ നടന്നു. ബഷീർ കൃതികളുടെ പ്രദർശനം, കഥാപാത്രങ്ങളുടെ ചിത്രരചന, ബാല്യകാലസഖി ദ്യശ്യാവിഷ്കാരം, ബഷീർ ദിന ക്വിസ് തുടങ്ങി വിവിധങ്ങളായ പരിപാടികൾ നടന്നു. സ്കൂൾ പ്രധാന അധ്യാപകൻ പി ആർ മഹേഷ് മാസ്റ്റർ ഉദ്ഘാടനം ചെയ്തു. മുജീബ് മാസ്റ്റർ, ബഷീർ മാസ്റ്റർ, ജുനൈദ് മാസ്റ്റർ, അഫീദ ടീച്ചർ, സബീന ടീച്ചർ, സിജി ടീച്ചർ എന്നിവർ നേതൃത്വം നൽകി.

മാസ്റ്റർ പ്ലാൻ മുൻ വിദ്യാഭ്യാസ മന്ത്രി ഇ ടി മുഹമ്മദ് ബഷീർ എം പി പ്രകാശനം ചെയ്തു

• 

  2024 -25 വർഷത്തെ അക്കാദമിക് മാസ്റ്റർ പ്ലാൻ മുൻ വിദ്യാഭ്യാസ മന്ത്രി ഇ ടി മുഹമ്മദ് ബഷീർ എം പി പ്രകാശനം ചെയ്യുന്നു.

സ്കൂളിൻ്റെ 2024 -25 വർഷത്തെ അക്കാദമിക് മാസ്റ്റർ പ്ലാൻ മുൻ വിദ്യാഭ്യാസ മന്ത്രി ഇ ടി മുഹമ്മദ് ബഷീർ എം പി പ്രകാശനം ചെയ്തു. വിദ്യാലയങ്ങളുടെ അക്കാദമിക വികസനത്തിൻ്റെ അടിസ്ഥാന രേഖയാണ് അക്കാദമിക് മാസ്റ്റർ പ്ലാൻ എന്നും  വിദ്യാലയങ്ങൾക്കെല്ലാം മാതൃകയാക്കാവുന്ന പ്രവർത്തനങ്ങളാണ്  ആക്കോട് വിരിപ്പാടം എ എം യു പി സ്കൂൾ നടത്തിക്കൊണ്ടിരിക്കുന്നത് എന്നും ഇ ടി മുഹമ്മദ് ബഷീർ പ്രകാശന കർമ്മം നിർവഹിച്ചു കൊണ്ട് പറഞ്ഞു. വിവിധ ക്ലബ് അംഗങ്ങളായ വിദ്യാർത്ഥികളുടെ സാന്നിധ്യത്തിൽ നടന്ന ചടങ്ങിൽ അക്കാദമിക് കോഡിനേറ്റർ ഡോ: എടി അബ്ദുൽ ജബ്ബാർ അധ്യക്ഷത വഹിച്ചു. പ്രധാനാധ്യാപകൻ പി ആർ മഹേഷ് പദ്ധതി വിശദീകരിച്ചു. പിടിഎ പ്രസിഡൻ്റ് ജുബൈർ കെ,സീനിയർ അസിസ്റ്റൻ്റ് എം മുജീബ് മാസ്റ്റർ, മാനേജിംഗ് കമ്മിറ്റി അംഗം എം സി നാസർ,എം സി സിദ്ധീഖ്, കെ പി ബഷീർ, ബാസിത് പി പി, മുഹ്സിന ടീച്ചർ, ബഷീർ മാസ്റ്റർ കെ സ്വാഗതം പറഞ്ഞ യോഗത്തിൽ പിപി ബഷീർ മാസ്റ്റർ നന്ദി പറഞ്ഞു.

ഡോക്ടേഴ്സ് ഡേ സീഡ് ക്ലബ്ബിൻ്റെ കീഴിൽ വിപുലമായ പരിപാടികൾ

• 

സ്കൂളിൽ ഡോക്ടേഴ്സ് ഡേ യോടനുബന്ധിച്ച് മഴക്കാല രോഗങ്ങളെ കുറിച്ചുള്ള ബോധവൽക്കരണവും ആദരിക്കൽ ചടങ്ങും നടത്തി. സ്കൂൾ മാനേജിംഗ് കമ്മിറ്റി മെമ്പർ എം സി നാസർ ഉദ്ഘാടനം ചെയ്തു. എടവണ്ണപ്പാറ ലൈഫ് കെയർ ഹോസ്പിറ്റലിലെ  ഡോ: സി പി സബ  മഴക്കാല രോഗങ്ങളെക്കുറിച്ചും കുട്ടികൾ സ്വീകരിക്കേണ്ട മുൻകരുതലുകളെ കുറിച്ചും ക്ലാസ് എടുത്തു. ഡോക്ടറെ ആദരിക്കൽ ചടങ്ങിൻ്റെ ഭാഗമായി ഡോ : സബയെ ഹെഡ്മാസ്റ്റർ പി ആർ മഹേഷ്‌ പൊന്നാട അണിയിച്ചു. സീനിയർ അസിസ്റ്റൻ്റ്  മുജീബ് മാസ്റ്റർ മെമെൻ്റോ നൽകി.സീഡ് കോഡിനേറ്റർ നിമി, അധ്യാപകരായ റിസ്‌വാനാ, ബഷീർ, സിദിഖ്, സീഡ് വിദ്യാർത്ഥികൾ തുടങ്ങിയവർ ചടങ്ങിൽ പങ്കെടുത്തു.

ലോക ലഹരി വിരുദ്ധ ദിനം വിപുലമായി ആചരിച്ചു

• 
• 

സ്കൂളിലെ നല്ലപാഠം വിദ്യാർഥികൾ. ലഹരിക്കെതിരെ ബോധവൽക്കരണ ക്ലാസും, കയ്യൊപ്പ് ശേഖരണവും, പോസ്റ്റർ രചന മത്സരവും, മൈമിങ്ങും  സംഘടിപ്പിച്ചു.ബോധവൽക്കരണ ക്ലാസ് എം യു പി എസ് ആക്കോട് വിരിപ്പാടം സയൻസ് അധ്യാപകൻ ശ്രീ ബഷീർ മാസ്റ്ററും, കയ്യൊപ്പ് ശേഖരണത്തിന്റെ ഉദ്ഘാടനം സ്കൂൾ പ്രഥമ അധ്യാപകൻ ശ്രീ മഹേഷ് പി ആർ ഉം നിർവഹിച്ചു. കൂടാതെ പോസ്റ്റർ രചന മത്സരവും മൈമിങ്ങും സ്കൂൾ അങ്കണത്തിൽ വെച്ച് നടന്നു. നല്ല പാഠം കോഡിനേറ്റർമാരായ ബഷീർ കെ പി,റസീല  ടീച്ചർ എന്നിവർ നേതൃത്വം കൊടുത്തു.

വീഡിയോ കാണാം : https://www.facebook.com/share/v/Nyteo4YjoGBh5kJi/

ലോക ലഹരി വിരുദ്ധ ദിനം ആചരിച്ച് സീഡ് വിദ്യാർഥികൾ

ആക്കോട്: ലോക ലഹരി വിരുദ്ധ ദിനം വിപുലമായി ആചരിച്ച് എ എം യു പി എസ് ആക്കോട് വിരിപ്പാടം സ്കൂളിലെ സീഡ് വിദ്യാർഥികൾ. ലഹരിക്കെതിരെ ബോധവൽക്കരണ ക്ലാസും, കയ്യൊപ്പ് ശേഖരണവും, പോസ്റ്റർ രചന മത്സരവും, മൈമിങ്ങും  സംഘടിപ്പിച്ചു.ബോധവൽക്കരണ ക്ലാസ് എം യു പി എസ് ആക്കോട് വി രിപ്പാടം സയൻസ് അധ്യാപകൻ ശ്രീ ബഷീർ മാസ്റ്ററും, കയ്യൊപ്പ് ശേഖരണത്തിന്റെ ഉദ്ഘാടനം സ്കൂൾ പ്രഥമ അധ്യാപകൻ ശ്രീ മഹേഷ് പി ആർ ഉം നിർവഹിച്ചു. കൂടാതെ പോസ്റ്റർ രചന മത്സരവും മൈമിങ്ങും സ്കൂൾ അങ്കണത്തിൽ വെച്ച് നടന്നു. സീഡ് കോഡിനേറ്റർ നിമി ടീച്ചർ,  റിസ്വാന ടീച്ചർ,സിദ്ദീഖ് മാസ്റ്റർ, മുജീബ് മാസ്റ്റർ, തലഹത് മാസ്റ്റർ തുടങ്ങിയവർ പരിപാടിക്ക് നേതൃത്വം കൊടുത്തു.

വായനദിനം 2024

വായന മാസാചരണ പരിപാടിക്ക് തുടക്കം കുറിച്ച് ആക്കോട് വിരിപ്പാടം

• 

  വിരിപ്പാടം സ്കൂളിലെ സീഡ് ക്ലബ് അംഗങ്ങൾ നിർമിച്ച "അക്ഷരങ്ങളുടെ എഴുത്തുകാർ "ആൽബം സ്കൂൾ ലൈബ്രറിയിലേക്ക് കൈമാറുന്നു.

ദേശീയ വായനദിനം ആചരിക്കുന്നത്തിൻ്റെ ഭാഗമായി വായന പരിപോഷിപ്പിക്കുന്നതിനു ഒരു മാസം നീണ്ടു നിൽക്കുന്ന വിവിധ പരിപാടികൾക്ക് തുടക്കം കുറിച്ച് ആക്കോട് വിരിപ്പാടം സ്കൂൾ. വായന ദിന പരിപാടികളുടെ ഉദ്ഘാടനവും സ്കൂൾ വിദ്യാരംഗം ക്ലബ്‌ൻ്റെ ഉദ്ഘാടനവും പ്രശസ്ത എഴുത്തുക്കാരനും സാമൂഹ്യ പ്രവർത്തകനും ആയ ശ്രീ റഹ്മാൻ മധുരക്കുഴി നിർവഹിച്ചു. ചടങ്ങിൽ ഹെഡ് മാസ്റ്റർ ശ്രീ മഹേഷ്‌ മാസ്റ്റർ അധ്യക്ഷത വഹിച്ചു. ചടങ്ങിൽ സീഡ് വിദ്യാരംഗം ക്ലബ് വിദ്യാർത്ഥികൾ,പി ടി എ പ്രസിഡണ്ട് ജുബൈർ, അധ്യാപകരായ മുജീബ് റഹ്മാൻ, ബഷീർ, റിസ്‌വാന, സൗഫില, സിജി, മൻസൂർ തൗഫീഖ് സീഡ് കോ ഓർഡിനേറ്റർ നിമി തുടങ്ങിയവർ പങ്കെടുത്തു.

ആക്കോട് വിരിപ്പാടം എ എം യു പി സ്കൂളിൽ വായനദിനാഘോഷവും വിദ്യാരംഗം കലാ സാഹിത്യ വേദി ഉദ്ഘാടനവും നടത്തി

• 
• 
• 
• 
• 
• 

ദേശീയ വായനദിനം ആചരിക്കുന്നത്തിൻ്റെ ഭാഗമായി വായന പരിപോഷിപ്പിക്കുന്നതിനു ഒരു മാസം നീണ്ടു നിൽക്കുന്ന വിവിധ പരിപാടികൾക്ക് തുടക്കം കുറിച്ച് ആക്കോട് വിരിപ്പാടം സ്കൂൾ. വായന ദിന പരിപാടികളുടെ ഉദ്ഘാടനവും സ്കൂൾ വിദ്യാരംഗം ക്ലബ്‌ൻ്റെ ഉദ്ഘാടനവും പ്രശസ്ത എഴുത്തുക്കാരനും സാമൂഹ്യ പ്രവർത്തകനും ആയ ശ്രീ റഹ്മാൻ മധുരക്കുഴി നിർവഹിച്ചു. ചടങ്ങിൽ ഹെഡ് മാസ്റ്റർ ശ്രീ മഹേഷ്‌ മാസ്റ്റർ അധ്യക്ഷത വഹിച്ചു. ചടങ്ങിൽ സീഡ് വിദ്യാരംഗം ക്ലബ് വിദ്യാർത്ഥികൾ,പി ടി എ പ്രസിഡന്റ്‌ ജുബൈർ, അധ്യാപകരായ മുജീബ് റഹ്മാൻ, ബഷീർ, റിസ്‌വാന, സൗഫില, സിജി, മൻസൂർ തൗഫീഖ് സീഡ് കോ ഓർഡിനേറ്റർ നിമി തുടങ്ങിയവർ പങ്കെടുത്തു.

അക്ഷര ചുമര്

      ഒരു കുട്ടി ഒരു അക്ഷരം എന്ന പരിപാടിയായിരുന്നു വായനാദിനത്തിന് തുടക്കം കുറിച്ചുള്ള ആദ്യ പരിപാടി. വിദ്യാലയത്തിലെ എല്ലാ കുട്ടികളും ഓരോ അക്ഷരങ്ങൾ കൊണ്ടുവരികയും വിദ്യാലയത്തിലെ ചുമരിൽ കുട്ടികൾ തന്നെ ഒട്ടിക്കുകയും ചെയ്തു. അക്ഷരപരമായും കുട്ടികൾ ചുമരിൽ രൂപങ്ങൾ ഉണ്ടാക്കി. പക്ഷികളുടെയും പൂക്കളുടെയും വ്യത്യസ്ത ഭാഷകളിലെ അക്ഷരങ്ങളും വളരെ ആകർഷകമായി.

അക്ഷരങ്ങളുടെ എഴുത്തുകാർ

സീഡ് ക്ലബ്ബിൻറെ കീഴിൽ സാഹിത്യകാരന്മാരുടെ ആൽബപ്രസിദ്ധീകരണവും നടന്നു അക്ഷരങ്ങളുടെ എഴുത്തുകാർ എന്ന ആൽബം സ്കൂൾ ലൈബ്രറി നൽകുകയുണ്ടായി. വളരെ വലുതും വ്യത്യസ്ത രീതിയിലും ഉള്ളതുമായ ഒരു ആൽബം ആയിരുന്നു പ്രശസ്ത സാഹിത്യകാരൻ പ്രകാശനം ചെയ്തത്.

കവി പരിചയം (20/7/2023 തുടരുന്നു)

വായനാവാരത്തോടനുബന്ധിച്ച്  രാവിലെ പ്രാർത്ഥനയ്ക്കുശേഷം കുമാരനാശാനെ കുറിച്ച് മിർഫ വളരെ നല്ല രീതിയിൽ പരിചയപ്പെടുത്തി.

ചാർട്ട് പ്രദർശനം

20/7/ 2023 ഉച്ചയ്ക്ക് ശേഷം കുട്ടികൾ ക്ലാസ്സിൽ ചാർട്ടുകൾ പ്രദർശിപ്പിക്കുന്ന തിരക്കിലായിരുന്നു ഒരു ക്ലാസ്സിൽ മൂന്ന് ചാർട്ട് വീതം എന്ന മത്സരം ആയിരുന്നു നടന്നിരുന്നത്. വളരെ വ്യത്യസ്തമായതും ആകർഷകമായ പലതരം ചാർ ട്ടുകൾ ആയിരുന്നു ഓരോ ക്ലാസിലും കുട്ടികൾ ഉണ്ടാക്കിയിരുന്നത്

വായനാദിന മാസാചരണം മുത്തശ്ശിയോടൊത്ത് കഥ പറഞ്ഞു നവ്യാനുഭവങ്ങൾതേടി വിരിപ്പാടം യു പി സ്കൂൾ വിദ്യാർത്ഥികൾ

• 
• 

വായനാദിന- മാസാചരണത്തിൻ്റെ ഭാഗമായി എ എം യുപി എസ് ആക്കോട് വിരിപ്പാടം സ്കൂളിലെ വിദ്യാരംഗം വിദ്യാർത്ഥികൾ മുത്തശ്ശി യോടൊപ്പം കഥ പറഞ്ഞു. കുളങ്ങര പ്രദേശത്ത് കോഴിപ്പറമ്പത്ത്  ഇത്താരി മുത്തശ്ശിയോടൊപ്പമാണ് ഒത്തിരിനേരം കഥയും പാട്ടുമായി കുട്ടികൾ ചിലവഴിച്ചത്. പണ്ടത്തെ ഞാറ്റുപാട്ടുകളും, താരാട്ടുപാട്ടുകളും, നാടൻ പാട്ടുകളും മുത്തശ്ശിയോടൊപ്പം കുട്ടികൾ ആസ്വദിച്ച് പാടി.

സ്കൂൾ സീനിയർ അസിസ്റ്റന്റ് മുജീബ് മാസ്റ്റർ മുത്തശ്ശിയെ പൊന്നാട അണിഞ്ഞ് ആദരിച്ചു. വിദ്യാരംഗം കൺവീനർ  സൗഫില ടീച്ചർ മലയാളം ക്ലബ് കൺവീനർ  ബിന്ദു ടീച്ചർ, റിസ്വാന ടീച്ചർ, തൗഫീഖ് മാസ്റ്റർ ,എം ടി എ  പ്രതിനിധി നിഖില എന്നിവർ ചടങ്ങിൽ പങ്കെടുത്തു.

അന്താരാഷ്ട്ര യോഗാദിനം ആചരിച്ച് എ എം യു പി സ്കൂൾ ആക്കോട് വിരിപ്പാടം

• 
• 
• 

അന്താരാഷ്ട്ര യോഗാദിനത്തിൽ വിദ്യാർത്ഥികൾക്ക് യോഗ ക്ലാസ്സ്‌ സംഘടിപിച്ച് വിരിപ്പാടം സ്കൂൾ. സ്കൂൾ ഓഡിറ്റോറിയത്തിൽ നടന്ന പരിപാടിയിൽ സീഡ് വിദ്യാർത്ഥികളും അധ്യാപകരും പങ്കെടുത്തു. ഹെഡ്മാസ്റ്റർ പി ആർ മഹേഷ് യോഗദിന സന്ദേശം നൽകി. യോഗയുടെ പ്രാധാന്യത്തെ കുറിച്ച് റിസ്‌വാന ടീച്ചർ കുട്ടികൾക്ക് ക്ലാസ്സെടുത്തു.സമദ് മാസ്റ്റർ, സിജി ടീച്ചർ എന്നിവർ നേതൃത്വം നൽകി.

വീഡിയോ : https://www.facebook.com/100038259040588/videos/pcb.1135501351068489/1538406680443937

മൈലാഞ്ചി മൊഞ്ചോടെ പ്രവർത്തിപരിചയ ക്ലബ്ബിന് തുടക്കം

• 
• 

പുതിയ അധ്യയന വർഷത്തിൽ ബലിപ്പെരുന്നാളിൻ്റെ മുന്നോടിയായി കുഞ്ഞു കൈകളിൽ മൊഞ്ചേറ്റി  കൊണ്ട് മെഹന്തി ഫെസ്റ്റും പ്രവർത്തിപരിചയ ക്ലബ്ബ് ഉദ്ഘാടനവും നടന്നു.പരിപാടിയിൽ വ്യത്യസ്തതയുടെ മികവുകൾ വരച്ചു കാട്ടി വിദ്യാർത്ഥികൾ. പി.ടി.എ പ്രസിഡന്റ്‌ ശ്രീ ജുബൈർ പരിപാടി ഉദ്ഘാടനം ചെയ്തു. ഹെഡ്മാസ്റ്റർ ശ്രീ മഹേഷ്‌ മാസ്റ്റർ അധ്യക്ഷനായിരുന്നു. പ്രവർത്തിപരിചയ ക്ലബ്ബ് കൺവീനവർ സിജി ടീച്ചർ സ്വാഗതവും സബീന ടീച്ചർ നന്ദിയും പറഞ്ഞു.

ലോക പരിസ്ഥിതി ദിനം സീഡ് ക്ലബ് ഉദ്ഘാടനവും ഔഷധസസ്യ തോട്ടവുമൊരുക്കി

• 

  സ്കൂൾ നന്മ സീഡ് ക്ലബ്ബിന്റെ  'മുറ്റത്തെ മരുന്നുകൾ' ഔഷധസസ്യ തോട്ട നിർമാണോദ്ഘാടനം പരിസ്ഥിതി പ്രവർത്തകൻ ശ്രീ കെ അലി നിർവഹിക്കുന്നു.

ലോക പരിസ്ഥിതി ദിനത്തിൽ വിരിപ്പാടം വിദ്യാലയത്തിൽ സീഡ് ക്ലബ്ബിൻ്റെ ഉദ്ഘാടനവും  സീഡ് ക്ലബ്ബിൻ്റെ നേതൃത്വത്തിൽ 'മുറ്റത്തെ മരുന്നുകൾ' ഔഷധ സസ്യ തോട്ട നിർമ്മാണത്തിനും തുടക്കം കുറിച്ചു. വാഴക്കാട് ഗ്രാമ പഞ്ചായത്ത് മുൻ ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാനും പരിസ്ഥിതി പ്രവർത്തകനുമായ ശ്രീ കെ അലി ഔഷധ സസ്യം നട്ട് പദ്ധതി ഉദ്ഘാടനം ചെയ്തു. പ്രഥമാധ്യാപകൻ ശ്രീ മഹേഷ്‌ മാസ്റ്റർ ഔഷധ സസ്യങ്ങളുടെ ഗുണമേന്മയെ കുറിച്ച് വിദ്യാർത്ഥികൾക്ക് ക്ലാസ്സ്‌ എടുത്തു.

ഔഷധസസ്യങ്ങളായ നീല അമരി, കറ്റാർ വാഴ, അരൂദ, ആരിവേപ്പ്, തുടങ്ങീ അനവധി ഔഷധ സസ്യങ്ങൾ അടങ്ങിയത് ആണ് ഔഷധ സസ്യ തോട്ടം. പി ടി എ പ്രസിഡന്റ്‌ ജുബൈർ,സീഡ് കോ - ഓർഡിനേറ്റർ നിമി ടീച്ചർ, റിസ്‌വാന ടീച്ചർ, മുജീബ് മാസ്റ്റർ,ബഷീർ മാസ്റ്റർ,ഫസീല ടീച്ചർ എന്നിവർ ചടങ്ങിൽ പങ്കെടുത്തു.

പെൻ ബോക്സ്‌  ഒരുക്കി നല്ല പാഠം വിദ്യാർഥികൾ

• 

  മരമുത്തശ്ശിയെ നല്ലപാഠം ക്ലബ്ബ് വിദ്യാർഥികൾ ആദരിക്കുന്നു.

പുതിയ സ്കൂൾ വർഷത്തിൽ വേറിട്ട ആക്ടിവിറ്റിക്ക് തുടക്കം കുറിച്ച് എഎം യുപിഎസ്  വിരിപ്പാടം സ്കൂളിലെ നല്ല പാഠം വിദ്യാർത്ഥികൾ. കുട്ടികൾ വീടുകളിൽ എഴുതി ഉപേക്ഷിച്ച പ്ലാസ്റ്റിക് പേനകൾ  ശേഖരിക്കാൻ  ശ്രമം നടത്തുകയാണ് പെൻബോക്സ് എന്ന പദ്ധതിയിലൂടെ നല്ല പാഠം വിദ്യാർഥികൾ.  പെൻബോക്സിൽ പേന ശേഖരിച്ച് ഉദ്ഘാടനം സ്കൂൾ പ്രഥമ അധ്യാപകൻ ശ്രീ മഹേഷ് പി ആർ നിർവഹിച്ചു.  പ്ലാസ്റ്റിക്കിനോട് നോ പറയാനുള്ള ഒരു ചെറിയ പദ്ധതിക്ക് തുടക്കം കുറിക്കുകയാണ് ഈ പ്രവർത്തനത്തിലൂടെ ഉദ്ദേശിക്കുന്നത്.  പരിസ്ഥിതി ദിനത്തിൽ തന്നെ 428 പേനകൾ ശേഖരിക്കാൻ കഴിഞ്ഞു. നല്ല പാഠം കോഡിനേറ്റർമാരായ ബഷീർ കെ പി,റസീല  ടീച്ചർ എന്നിവർ നേതൃത്വം കൊടുത്തു. കൂടാതെ നല്ലപാഠത്തിനു കീഴിൽ മരമുത്തശ്ശിയെ ആദരിക്കൽ, ഔഷധ നിർമ്മാണം, പോസ്റ്റർ നിർമ്മാണം പരിസ്ഥിതി സംരക്ഷണ ബോധവത്കരണം എന്നിവ സംഘടിപ്പിച്ചു

• 

  പെൻബോക്സിൽ ശേഖരിച്ച പേനകൾ

• 

  പെൻബോക്സ് സംബന്ധിച്ച് മലയാള മനോരമയിൽ വന്ന വാർത്ത

• 

  പെൻബോക്സ് ഉൽഘാടനം ഹെഡ്മാസ്റ്റർ നിർവഹിക്കുന്നു.

ആരവ തിമിർപ്പോടെ വിരിപ്പാടം എ എം യു പി സ്കൂളിലെ പ്രവേശനോത്സവം

പുതു അധ്യായന വർഷത്തിന്റെ ആരവത്തിൽ കുഞ്ഞു കരങ്ങളിൽ മധുരം പകർന്ന് എ എം യു പി സ്കൂൾ ആക്കോട് വിരിപ്പാടം സ്കൂളിൽ വാഴക്കാട് പഞ്ചായത്ത് തല പ്രവേശനോത്സവം ആഘോഷമാക്കി. വാഴക്കാട് ഗ്രാമ പഞ്ചായത്ത് പ്രസിഡണ്ട് സി. വി സക്കറിയ പരിപാടി ഉദ്ഘാടനം ചെയ്തു. വർണ്ണ പകിട്ടുകളാൽ അലങ്കാരമായ വേദിയിൽ കുഞ്ഞു മക്കളും കലാപരിപാടികൾ അവതരിപ്പിച്ചു. വളർന്നു  വരുന്ന പുതിയ വിദ്യാഭ്യാസ രീതിയിലൂടെയും സമൂഹത്തിന്റെ ചങ്ങലകൾക്കിടയിലൂടെയും മക്കൾക്ക് വഴിയൊരുക്കാൻ രക്ഷിതാക്കൾക്കായി ഫറൂഖ് ട്രൈനിംഗ് കോളേജിലെ അസിസ്റ്റന്റ് പ്രൊഫസ്സറായ ഡോക്ടർ കെ എം ഷരീഫിന്റെ നേതൃത്വത്തിൽ ബോധവൽക്കരണ ക്ലാസ്സ്‌ സങ്കടിപ്പിച്ചു. പഞ്ചായത്ത് വിദ്യാഭ്യാസ സ്റ്റൻൻ്റിങ് കമ്മിറ്റി ചെയർമാൻ തറമൽ അയ്യപ്പൻക്കുട്ടി അധ്യക്ഷത വഹിച്ചു, വികസന സ്റ്റാൻൻ്റിംങ് കമ്മിറ്റി ചെയർമാൻ പി കെ റഫീഖ് അഫ്സൽ ,ശിഹാബ് ,ബഷീർ മാസ്റ്റർ, സാബിറ സലീം, സ്കൂൾ അസിസ്റ്റന്റ് മാനേജർ സി വി എ കബീർ, അക്കാദമിക് കോഡിനേറ്റർ ഡോ.ജബ്ബാർ ,എം സി നാസർ, അസ്മാബി, മുജീബ് മാസ്റ്റർ, ബഷീർ മാസ്റ്റർ, ശ്രീമതി, അനിഷ, നിഖില എന്നിവർ പ്രസംഗിച്ചു ഹെഡ്മാസ്റ്റർ മഹേഷ് മസ്റ്റർ സ്വാഗതവും പി ടി എ പ്രസിഡന്റ് സുബൈർ നന്ദിയും പറഞ്ഞു

• 
• 

ഒരുക്കം -2024 - ഒന്നാം ക്ലാസ് ശില്പശാലയും രക്ഷാകർതൃ സംഗമവും

• 
• 
• 
• 

പുതുവർഷ മുന്നൊരുക്കവുമായി സ്കൂൾ ഒന്നാം ക്ലാസ്സ്‌ വിദ്യാർത്ഥികളുടെ രക്ഷിതാക്കൾക്കായി ഗണിത ശില്പശാലയും രക്ഷാകർതൃ സംഗമവും നടത്തി. 2024 ജൂൺ 1 ശനി രാവിലെ സ്കൂൾ ഹെഡ്മാസ്റ്റർ' ശ്രീ മഹേഷ് മാസ്റ്ററുടെ അദ്ധ്യക്ഷതയിൽ  സ്കൂൾ പി ടി എ പ്രസിഡൻ്റ് ശ്രീ ജുബൈർ പ്രസ്തുത പരിപാടി ഉദ്ഘാടനം ചെയ്തു. വാഴക്കാട് പഞ്ചായത്ത് പ്രസിഡണ്ട് ശ്രീ.സി വി സക്കറിയ മുഖ്യഥിതിയായി പങ്കെടുത്തു. വിദ്യാർത്ഥികളുടെ ഉന്നത മികവിന്നായി രക്ഷിതാക്കളും പൂർണ്ണ സഹകരണത്തോടെ പരിപാടിയിൽ പങ്കുചേർന്നു. പരിപാടിയിൽ ശ്രീ മുജീബ് മാസ്റ്റർ, സിദ്ധീഖ് മാസ്റ്റർ,ബഷീർ മാസ്റ്റർ ,ശിഹാബ് മാസ്റ്റർ ,മുഹ്സിന ടീച്ചർ ,സിജിഎന്നിവർ ആശംസയും അർപ്പിച്ചു. ബാസിത്ത് മാസ്റ്റർ സ്വാഗതവും ശാക്കിറ ടീച്ചർ നന്ദിയും രേഖപെടുത്തി.