ഗവ.യു പി എസ് വലവൂർ/പ്രവർത്തനങ്ങൾ/2023-24

സ്വാതന്ത്ര്യദിനാഘോഷം 2023

വലവൂർ ഗവൺമെൻറ് യുപി സ്കൂളിൽ സ്വാതന്ത്ര്യ ദിനാഘോഷവും സ്വാതന്ത്ര്യദിന റാലിയും നടന്നു. ഹെഡ്മാസ്റ്റർ രാജേഷ് എൻ വൈ ദേശീയപതാക ഉയർത്തി.മുൻ എ ഇ ഒ  കെ കെ ജോസഫ് മുഖ്യ സ്വാതന്ത്ര്യദിന സന്ദേശം നൽകി. തുടർന്ന് നടന്ന സ്വാതന്ത്ര്യ ദിന റാലിക്ക് ഭാരതാംബ , ഝാൻസി റാണി , ഗാന്ധിജി, ജവഹർലാൽ നെഹ്റു തുടങ്ങിയ വേഷങ്ങൾ അണിഞ്ഞ കുട്ടികൾ നിറം പകർന്നു . പിടിഎ പ്രസിഡണ്ട് റെജിമോൻ എം ആർ , എസ് എം സി ചെയർമാൻ രാമചന്ദ്രൻ കെ എസ് , എം പി ടി എ പ്രസിഡൻറ് രജി സുനിൽ , എസ് എം സി മെമ്പർ മോഹനൻ ടി കെ , പിടിഎ വൈസ് പ്രസിഡന്റ് ബിന്നി ജോസഫ് തുടങ്ങിയവർ സ്വാതന്ത്ര്യദിന റാലിക്ക് നേതൃത്വം നൽകി. സ്കൂൾ സോഷ്യൽ സർവീസ് സ്കീം അംഗങ്ങളായ കുട്ടികൾ സ്വാതന്ത്ര്യദിന മുദ്രാ ഗീതങ്ങൾ മുഴക്കി. റാലിക്ക് ശേഷം നടന്ന പൊതുസമ്മേളനത്തിൽ കുട്ടികൾ സ്വാതന്ത്ര്യദിന സന്ദേശങ്ങൾ നൽകുകയും ദേശഭക്തി ഗാനങ്ങൾ ആലപിക്കുകയും ചെയ്തു.

• 
  സ്വാതന്ത്ര്യദിനാഘോഷം റാലി
• 
  ഭാരതാംബ , ഝാൻസി റാണി , ഗാന്ധിജി, ജവഹർലാൽ നെഹ്റു തുടങ്ങിയ വേഷങ്ങൾ അണിഞ്ഞ കുട്ടികൾ

ദ്വിദിന സഹവാസ ക്യാമ്പ് നടന്നു

വലവൂർ ഗവൺമെന്റ് യുപി സ്കൂളിൽ സ്കൂൾ സോഷ്യൽ സർവീസ് സ്കീമിന്റെ ഭാഗമായി 'ഗ്രീൻ വില്ലേജ്' എന്ന പേരിൽ ദ്വിദിന സഹവാസക്യാമ്പ് നടന്നു. രാമപുരം വിദ്യാഭ്യാസ ഉപജില്ല ഓഫീസർ മേരിക്കുട്ടി ജോസഫ് ഉദ്ഘാടനം ചെയ്തു. സ്കൂൾ ഹെഡ്മാസ്റ്റർ രാജേഷ് എൻ വൈ ക്യാമ്പ് പതാക ഉയർത്തി. ലഹരിമുക്ത വിദ്യാലയം, ലഹരിമുക്ത സമൂഹം സാമൂഹ്യനീതിയും ലിംഗബോധവും, സഹവർത്തിത്വം, നേതൃത്വ മനോഭാവം, സമൂഹ പ്രശ്നങ്ങളിലെ ക്രിയാത്മക ഇടപെടൽ തുടങ്ങിയ വിഷയങ്ങളിൽ ബോധവൽക്കരണ ക്ലാസ്സുകൾ നടന്നു. കുടക്കച്ചിറ ഹോമിയോ ഡിസ്പെൻസറിയിലെ യോഗ ഇൻസ്ട്രക്ടറും കൗൺസിലറുമായ അമൃത ദാസ് നേതൃത്വം നൽകി. ചിത്രരചനാ കളരിയിൽ ജ്യോൽസിനി കെ ആർ, അനായാസം ചിത്രരചന സാധ്യമാകുന്ന രീതികൾ പരിചയപ്പെടുത്തുകയും കുട്ടികളെ കൊണ്ട് ചിത്രങ്ങൾ വരപ്പിക്കുകയും ചെയ്തു. കളത്തൂർ സിസ്റ്റർ അൽഫോൻസാ എൽ പി സ്കൂൾ ഹെഡ്മാസ്റ്റർ ബേബി ജോസഫ് പ്രായോഗിക പരിശീലനത്തിൽ ക്ലാസ് നയിച്ചു. കൃഷിയുമായി ബന്ധപ്പെട്ട വിവിധ പരിശീലന ക്ലാസുകളും ഇതോടൊപ്പം നടന്നു.

https://www.starvisiononline.com/2023/08/valavoor-school-camp.html

https://www.yesvartha.com/2023/08/valavoor.html