"എ.എം.എൽ.പി.എസ്. വില്ലൂർ/പ്രവർത്തനങ്ങൾ/2023-24" എന്ന താളിന്റെ പതിപ്പുകൾ തമ്മിലുള്ള വ്യത്യാസം

എ.എം എൽ.പി സ്കൂൾ വില്ലൂരിൽ ക്ലാസ് അധ്യാപകർ ഇല്ലാത്ത ദിവസങ്ങളിലും എല്ലാ വ്യാഴാഴ്ചയും എസ്.ആർ.ജി ചേരുമ്പോഴും അധ്യാപകരില്ലാതെ ക്ലാസ് ഒഴിഞ്ഞ് കിടക്കില്ല. പകരം ഓരോ വിദ്യാർത്ഥിയുടെയും അമ്മമാർ ക്ലാസിൽ എത്തി പഠന പ്രവർത്തനങ്ങൾക്ക് നേതൃത്വം നൽകുന്ന വേറിട്ട പ്രവർത്തനത്തിന് തുടക്കം കുറിച്ചു. കഴിഞ്ഞ ഒരു വർഷം സ്കൂളിൽ പരീക്ഷിച്ച് വിജയിച്ച പ്രവർത്തനമാണ് ഈ അക്കാദമിക വർഷം ആദ്യം മുതലേ എൽ.കെ.ജി മുതൽ നാലാം ക്ലാസുവരെയുള്ള ക്ലാസ് റൂമുകളിൽ അമ്മ ടീച്ചർ എന്ന പേരിൽ നടപ്പിലാക്കുന്നത്. രക്ഷിതാകൾ അവർക്ക് അറിയാവുന്ന പഠന പാഠ്യേതര പ്രവർത്തനങ്ങൾ ക്ലാസുകളിൽ അവതരിപ്പിക്കും. അവർക്ക് അനുഭവങ്ങൾ പങ്കുവെക്കാനുള്ള ഡയറിയും എല്ലാ ക്ലാസിലും ഒരുക്കി. പരിപാടിയിൽ പങ്കെടുക്കുന്ന രക്ഷിതാക്കൾക്കുള്ള ഒന്നാം ഘട്ട പരിശീലനം സ്കൂളിൽ നടന്നു.

നഗരസഭ വിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്സൺ പാറോളി റംല ടീച്ചർ ഉദ്ഘാടനം ചെയ്തു. മലപ്പുറം ബി.ആർ.സി ട്രയിനർ പി.പി രാജൻ മാസ്റ്റർ രക്ഷിതാക്കൾക്ക് ക്ലാസ് നൽകുകയും സ്കൂൾ അക്കാദമിക മാസ്റ്റർ പ്ലാൻ പ്രകാശനം ചെയ്യുകയും ചെയ്തു. ആയിരം വായന കാർഡുകളുടെ പ്രകാശനം സ്കൂൾ മാനേജർ എം.കെ മുഹമ്മദ് അഷറഫ് മാസ്റ്റർ നിർവ്വഹിച്ചു. പി.ടി.എ പ്രസിഡണ്ട് കബീർ പട്ടാമ്പി അധ്യക്ഷം വഹിച്ച ചടങ്ങിൽ ടി.സി സിദിൻ സ്വാഗതവും , എം. മുഹമ്മദ് ഷെരീഫ് നന്ദിയും പറഞ്ഞു

[[പ്രമാണം:18431 amma teacher 1.jpg|ഇടത്ത്‌|ലഘുചിത്രം|അമ്മ ടീച്ചർ പരിപാടി നഗരസഭ വിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്സൺ പാറോളി റംല ടീച്ചർ ഉദ്ഘാടനം ചെയ്തു]]