എ.എം.എൽ.പി.എസ്. വില്ലൂർ/പ്രവർത്തനങ്ങൾ/2023-24
ആമുഖം
പൊതുവിദ്യാലയങ്ങൾ മികവിന്റെ കേന്ദ്രങ്ങൾ . നവകേരള മിഷന്റെ ഭാഗമായി വിദ്യഭ്യാസ സ്ഥാപനങ്ങളെ ശക്തിപ്പെടുത്തുക സ്കൂളുകളെ അന്താരാഷ്ട്ര നിലവാരത്തിലേക്ക് ഉയർത്തുക എന്നീ ലക്ഷ്യങ്ങളോടെ കേരള സർക്കാർ നടപ്പിലാക്കുന്ന പദ്ധതിയാണ് പൊതു വിദ്യഭ്യാസ യഞ്ജം .
നമ്മുടെ നാടിന്റെ നന്മയെന്ന് അംഗീകരിക്കപ്പെട്ട മത നിരപേക്ഷ നിലപാടും ബഹുസ്വരതയെ ഉൾക്കൊള്ളുന്ന മനോഭാവവും സഹിഷ്ണുതയും കൂട്ടമായി പ്രവർത്തിക്കാനുള്ള മനോഭാവവുമൊക്കെ വികസിച്ചു വന്നത് പൊതുവിദ്യാലയങ്ങളിലൂടെയാണ്. കേരളത്തിലെ പൊതുവിദ്യാലയങ്ങൾ സ്ഥാപിക്കപ്പെട്ടതും വളർന്നതും ജനകീയമായ കൂട്ടായ്മയോടും പങ്കാളിത്തത്തോടും കൂടിയാണ്. ഈ ഒത്തൊരുമയും പങ്കാളിത്തവും വർദ്ധിപ്പിക്കേണ്ട സാഹചര്യം ഇന്ന് നിലനിൽക്കുന്നുണ്ട്.
സമഗ്രമായ കാഴ്ചപ്പാടും പ്രവർത്തന പദ്ധതികളും ഇതിനു വേണ്ടി വരും. ഈ ദിശയിലേക്കുള്ള ബഹുജന കൂട്ടായ്മയാണ് പൊതുവിദ്യാഭ്യാസ സംരക്ഷണ യജ്ഞം. ഭരണകർത്താക്കളും ഭരണനിർവാഹകരും പൊതു സമൂഹവും ഒരുമിച്ചു ചേർന്ന് ഗുണമേന്മയുള്ള വിദ്യാഭ്യാസം കുട്ടികളുടെ അവകാശം എന്ന കാഴ്ചപാടിനനുഗുണമായി സ്കൂളുകളെ മികവിന്റെ കേന്ദ്രങ്ങളാക്കി മാറ്റുന്നതിനുള്ള കൂട്ടായ അന്വേഷണമാണ് വേണ്ടത്. ഇതാണ് പൊതു വിദ്യാഭ്യാസ സംരക്ഷണ യജ്ഞത്തിലൂടെ വിഭാവനം ചെയ്യുന്നത്. ഇതിനു വേണ്ടി നമ്മുടെ സ്കൂളും തയ്യാറായി കഴിഞ്ഞു.
കളറായി പ്രവേശനോത്സവം
പുതിയ അധ്യയന വർഷത്തിലേക്ക് വിദ്യാർത്ഥികളെ വരവേൽക്കാനായി AMLPS വില്ലൂർ 1-6 -23 വ്യാഴംപ്രവേശനോത്സവം ആഘോഷിച്ചു. രാവിലെ 10:30 ന് ആരംഭിച്ച പരിപാടി BRC ട്രെയിനർ ശ്രീ R K ബിനു മാസ്റ്റർ ഉദ്ഘാടനം ചെയ്തു. PTA പ്രസിഡൻ്റ് ശ്രീ കബീർ പട്ടാമ്പി അദ്ധ്യക്ഷം വഹിച്ച ചടങ്ങിൽ സ്കൂൾ പ്രധാനാധ്യാപകൻ സിദിൻ ടി.സി സ്വാഗതവും മാനേജർ അഷ്റഫ് മാസ്റ്റർ ഷെരീഫ് മാസ്റ്റർ എന്നിവർ ആശംസകളും സീനിയർ ടീച്ചർ ഏലിയാമ്മ കെ.പി നന്ദിയും രേഖപ്പെടുത്തി. ഘോഷയാത്രയും സമ്മാനപ്പൊതികളുമായി സ്കൂൾ പുതിയ വിദ്യാർത്ഥികളെ വരവേറ്റു. വിവിധ വർണ്ണങ്ങളിലുള്ള പൂമ്പാറ്റകളെയും കൊടികളും കൈകളിലേന്തി കുരുന്നുകൾ സ്കൂൾ ഗ്രൗണ്ടിൽ അണിനിരന്നത് കാണാൻ വളരെ ഭംഗിയുണ്ടായിരുന്നു. ഘോഷയാത്രയ്ക്ക് ശേഷമുള്ള വെടിക്കെട്ടും പേപ്പർ ബ്ലാസ്റ്റിങ്ങും പരിപാടിയെ കൂടുതൽ വർണ്ണമുള്ളതാക്കി. പിന്നീട് വിദ്യാർഥികളുടെയും രക്ഷിതാക്കളുടെയും നേതൃത്വത്തിൽ കലാപരിപാടികൾ നടന്നു. പായസ വിതരണത്തോടെ പരിപാടി അവസാനിച്ചു.
![](/images/thumb/2/2c/18431_Preveshanolsavam_23.jpg/300px-18431_Preveshanolsavam_23.jpg)
![](/images/thumb/1/15/%E0%B4%AA%E0%B5%8D%E0%B4%B0%E0%B4%B5%E0%B5%87%E0%B4%B6%E0%B4%A8%E0%B5%8B%E0%B4%A4%E0%B5%8D%E0%B4%B8%E0%B4%B5%E0%B4%82_2023-24.jpg/300px-%E0%B4%AA%E0%B5%8D%E0%B4%B0%E0%B4%B5%E0%B5%87%E0%B4%B6%E0%B4%A8%E0%B5%8B%E0%B4%A4%E0%B5%8D%E0%B4%B8%E0%B4%B5%E0%B4%82_2023-24.jpg)
പരിസ്ഥിതി ദിനം
പ്രകൃതിയെ സംരക്ഷിക്കുക എന്ന ആശയം ഉയർത്തി കാട്ടി ഐക്യരാഷ്ട്ര സഭ മുമ്പോട്ടു വച്ച ആശയമാണ് പരിസ്ഥിതി ദിനം. 1973 മുതൽ എല്ലാ വർഷവും ജൂൺ 5 പരിസ്ഥിതി ദിനമായി ആചരിക്കുന്നു.
5 - 6 - 2023 പരിസ്ഥിതി ദിനത്തിൽ സ്കൂൾ അസംബ്ലി ഉദ്ഘാടനം നടന്നു. 4 A ക്ലാസ്സിലെ ആഫ്രീൽ പരിസ്ഥിതി ദിനത്തിന്റെ പ്രാധാന്യത്തെ കുറിച്ച് സംസാരിച്ചു. തുടർന്ന് ഹിദിയ ഫാത്തിമ, ഫാത്തിമ സന, റുസ് ല എന്നീ കുട്ടികൾ പ്ലാസ്റ്റിക് ബാഗിനോട് നോ പറഞ്ഞ് പേപ്പർ ബാഗുകൾ നിർമ്മിച്ച് കൊണ്ടുവന്നു. ക്ലാസ്സ് തലത്തിൽ "Environment " എന്ന word web making, poster നിർമ്മാണം തുടങ്ങിയ പരിപാടികൾ നടന്നു.
ജൂൺ 12 ബാലവേല വിരുദ്ധദിനം
അന്തർദേശീയ തൊഴിൽ സംഘടനയുടെ ആഹ്വാനപ്രകാരം എല്ലാവർഷവും ജൂൺ 12 ന് ബാലവേല വിരുദ്ധ ദിനമായി ആചരിക്കുന്നു. കുട്ടികൾ നേരിടേണ്ടിവരുന്ന പ്രശ്നങ്ങളെ കുറിച്ച് ജനങ്ങളിൽ അവബോധം സൃഷ്ടിക്കുന്നതിനും അത് അവസാനിപ്പിക്കുന്നതിനുള്ള പരിഹാരം വികസിപ്പിക്കുന്നതിനാണ് ജൂൺ 12 ലോക ബാലവേല വിരുദ്ധ ദിനമായി ആചരിക്കുന്നത്.
12- 6 - 23 തിങ്കളാഴ്ച്ച ബാലവേല വിരുദ്ധ ദിനത്തിന്റെ ഭാഗമായി 4.3 ക്ലാസ്സിലെ കുട്ടികൾ അസംബ്ലിയിൽ വിവിധ പരിപാടികൾ അവതരിപ്പിച്ചു. 4.A യിലെ മുഹമ്മദ് അഷർ ബാലവേലയെ കുറിച്ചും, തുട്ടികളുടെ അവകാശങ്ങളെ കുറിയും സംസാരിച്ചു. ദിയ, നിദ , അനാമിക എന്നിവർ ചേർന്ന് ബാലവേല വിരുദ്ധ ഗാനവും , പോസ്റ്റർ വാക്യങ്ങളും അവതരിപ്പിച്ചു. ഏലിയാമ്മ ടീച്ചർ അസംബ്ലിക്ക് നേതൃത്വം നൽകി.
റിഥം റേഡിയോ ഉദ്ഘാടനം
![](/images/thumb/4/4d/18431_redio_1.jpg/300px-18431_redio_1.jpg)
![](/images/thumb/e/ef/18431_redio_2.jpg/300px-18431_redio_2.jpg)
കുട്ടികളുടെ സർഗ്ഗാത്മകവും അക്കാദമികവുമായ കഴിവുകളെ പരിപോഷിപ്പിക്കുക എന്ന ഉദ്ദേശത്തോടെ കഴിഞ്ഞ 14 വർഷമായി സ്കൂളിൽ നടത്തിവരുന്ന പ്രവർത്തനമാണ് റിഥം റേഡിയോ. നീണ്ട 14വർഷത്തെ യാത്ര ഇന്നിവിടെ എത്തി നിൽക്കുമ്പോൾ തുടങ്ങിയതിലും ഒരു പാട് ദൂരം സഞ്ചരിച്ചിരിക്കുന്നു. ഞട്ടിലും മട്ടിലും ഒരു റേഡിയോ റൂം തന്നെ കുട്ടികൾക്ക് വേണ്ടി സ്കൂളിന് ഒരുക്കാൻ കഴിഞ്ഞിട്ടുണ്ട്. കേവലം ഒരു അവസരം ഒരുക്കുക എന്നതിലുപരി എല്ലാ കുട്ടികൾക്കും അവരുടെ കഴിവുകൾ പ്രകടിപ്പിക്കാനുള്ള ആഗ്രഹം യാദാർത്ഥ്യമാക്കുക എന്ന ലക്ഷ്യം കൂടി റിഥം റേഡിയോയുടെ പിന്നിലുണ്ട്.
13.6-23 ചൊവ്വ റിഥം റേഡിയോയുടെ ഈ വർഷത്തെ ഉദ്ഘാടനം നടന്നു. 14 വർഷമായി നടന്നു വരുന്ന റിഥം റേഡിയോയുടെ പ്രവർത്തനോദ്ഘാടനം PTA എക്സിക്യൂട്ടീവംഗങ്ങളായ അനീഷ് ബാബു, ബീരാൻ കുട്ടി ,രക്ഷിതാവ് ഷീന എന്നിവർ ചേർന്ന് നിർവ്വഹിച്ചു. തുടർന്ന് വിദ്യാർത്ഥികളുടെ പരിപാടികളും നടന്നു. തുടർന്ന് എല്ലാ ദിവസവും രാവിലെ 10.30 മുതൽ 10.45 വരെ ഓരോ ക്ലാസ്സിലെ കുട്ടികളുടെ പരിപാടി കൾ ഓരോ ദിവസം റേഡിയോയിലൂടെ നടത്താൻ തീരുമാനിച്ചു. റേഡിയോ ചാർജ്ജുള്ള ദിയ ടീച്ചറാണ് ഉദ്ഘാടനത്തിനും, തുടർന്നുള്ള പരിപാടികൾക്കും നേതൃത്വം നൽകിയത്.
എല്ലാ ക്ലാസിലും അക്കാദമിക മാസ്റ്റർ പ്ലാൻ
വിദ്യാലയത്തിലെത്തിച്ചേരുന്ന അവസാന കുട്ടിയുടേയും ഗുണമെന്മാ വിദ്യാഭ്യാസമെന്ന അവകാശം ഉറപ്പുവരുത്തുന്നതിനുള്ള കർമ്മപരിപാടികളും അവ ഏത് രീതിയിൽ നടപ്പാക്കുമെന്ന ഉറപ്പുനൽകുന്നതുമായ വിദ്യാലയത്തിന്റെ പ്രകടന പത്രികയാണ് അക്കാദമിക മാസ്റ്റർ പ്ലാൻ . വിദ്യാലയത്തിലെ എൽ.കെ.ജി മുതൽ നാലാം ക്ലാസ് വരെയുള്ള എല്ലാ ക്ലാസുകളിലും അക്കാദമിക മാസ്റ്റർ പ്ലാൻ തയ്യാറാക്കി രക്ഷിതാക്കളുടെ മുന്നിൽ സി.പി.ടി എ യിൽ വെച്ച് പ്രകാശനം ചെയ്തു.
![](/images/thumb/6/6c/18431_acadamic_master_plan.jpg/300px-18431_acadamic_master_plan.jpg)
വിദ്യാർത്ഥികളെ അടുത്തറിയാം...
ഗൃഹസന്ദർശന പരിപാടിക്ക് തുടക്കമായി.
സ്കൂളിലെ എൽ.കെ.ജി മുതൽ നാലാം ക്ലാസ് വരെ പഠിക്കുന്ന എല്ലാ കുട്ടികളുടെയും വീട്ടുകളിൽ ക്ലാസ് അധ്യാപകരുടെ നേതൃത്വത്തിൽ സന്ദർശിച്ച് കുട്ടികളുടെ പഠന അന്തരീക്ഷം മനസിലാക്കുകയും അവരെ കൂടുതൽ അടുത്തറിയാനുമുള്ള പ്രവർത്തനത്തിന് സ്കൂളിൽ തുടക്കം കുറിച്ചു.
![](/images/thumb/0/0b/18431_%E0%B4%97%E0%B5%83%E0%B4%B9%E0%B4%B8%E0%B4%A8%E0%B5%8D%E0%B4%A6%E0%B5%BC%E0%B4%B6%E0%B4%A8_%E0%B4%AA%E0%B4%B0%E0%B4%BF%E0%B4%AA%E0%B4%BE%E0%B4%9F%E0%B4%BF.jpg/300px-18431_%E0%B4%97%E0%B5%83%E0%B4%B9%E0%B4%B8%E0%B4%A8%E0%B5%8D%E0%B4%A6%E0%B5%BC%E0%B4%B6%E0%B4%A8_%E0%B4%AA%E0%B4%B0%E0%B4%BF%E0%B4%AA%E0%B4%BE%E0%B4%9F%E0%B4%BF.jpg)
![](/images/thumb/8/84/18431_%E0%B4%97%E0%B5%83%E0%B4%B9%E0%B4%B8%E0%B4%A8%E0%B5%8D%E0%B4%A6%E0%B5%BC%E0%B4%B6%E0%B4%A8_%E0%B4%AA%E0%B4%B0%E0%B4%BF%E0%B4%AA%E0%B4%BE%E0%B4%9F%E0%B4%BF_1.jpg/300px-18431_%E0%B4%97%E0%B5%83%E0%B4%B9%E0%B4%B8%E0%B4%A8%E0%B5%8D%E0%B4%A6%E0%B5%BC%E0%B4%B6%E0%B4%A8_%E0%B4%AA%E0%B4%B0%E0%B4%BF%E0%B4%AA%E0%B4%BE%E0%B4%9F%E0%B4%BF_1.jpg)
വായന ദിനം
1996 മുതൽ കേരള സർക്കാർ ജൂൺ 19 വായന ദിനമായി ആചരിക്കുന്നു.ജൂൺ 19 മുതൽ 25 വരെയുള്ള ഒരാഴ്ച വായനവാരമായും കേരളാ വിദ്യാഭ്യാസ വകുപ്പ് ആചരിക്കുന്നു. കേരള ഗ്രന്ഥശാലാ സംഘത്തിന്റെ ഉപജ്ഞാതാവും പ്രചാരകനുമായിരുന്ന പി.എൻ. പണിക്കരുടെ ചരമദിനമാണ് ജൂൺ 19. കേരള സർക്കാർ 1996 മുതൽ അദ്ദേഹത്തിന്റെ ചരമദിനം വായനദിനമായി ആചരിക്കുന്നു.
![](/images/thumb/3/35/18431_2_vayana_varam.jpg/300px-18431_2_vayana_varam.jpg)
19-6-23 തിങ്കളാഴ്ച്ച വായന ദിനത്തിന്റെ ഭാഗമായി ഹബീബ ടീച്ചറുടെ നേതൃത്വത്തിൽ സ്കൂൾ അസംബ്ലി നടന്നു. 3 B ക്ലാസ്സിലെ കുട്ടികൾ വായനദിനത്തെ കുറിച്ചും ,വായനയുടെ പ്രാധാന്യം വിളിച്ചോതുന്നതുമായ പരിപാടികൾ അവതരിപ്പിച്ചു. അന്നേ ദിവസം 1, 2 ക്ലാസ്സിലെ കുട്ടികൾ School മുറ്റത്ത് അക്ഷരമുറ്റം ഉണ്ടാക്കി. പൂവ്, മുത്ത്, പഴങ്ങൾ, മഞ്ചാടി തുടങ്ങിയ വസ്തുക്കൾ കൊണ്ട് അക്ഷരങ്ങൾ രൂപീകരിച്ചു. ടീച്ചർ ഒരു വാക്യം പറഞ്ഞ് അതിന്റെ അവസാനം വരുന്ന അക്ഷരം ഉപയോഗിച്ച് അടുത്ത വാക്യം എഴുതുക. ഇതായിരുന്നു പ്രവർത്തനം. ഈ പ്രവർത്തനം എല്ലാ ക്ലാസ്സിലും വളരെ ആവേശത്തോടെ നടന്നു. കൂടാതെ റിഥം യൂടുബ് ചാനലിലേക്ക് ദിയ, അനാമിക, ഹിദിയാ ദുൽഖർ ഷ, മിൻഹ ഫാത്തിമ, എന്നീ കുട്ടികളുടെ വായന ദിന പ്രസംഗവും അപ് ലോഡ് ചെയ്തു. വായന ദിനത്തിന്റെ ഭാഗമായി എല്ലാ ക്ലാസ്സിലും ക്ലാസ്സ് തല ലൈബ്രറി ഉദ്ഘാടനം ചെയ്തു. ക്ലാസ്സ് ടീച്ചർമാർ ഓരോ ക്ലാസ്സിലും മാറി മാറി ഉദ്ഘാടകരായെത്തി.. വായനയുടെ പ്രാധാന്യത്തെ കുറിച്ചും , വായന ദിന സന്ദേശവും കൈമാറി. 3,4 ക്ലാസ്സുകളിൽ വായന മത്സരം നടത്തി. 4.A യിലെ നഷവ ഒന്നാംസ്ഥാനവും, 43 യിലെ മിസ്ബാഹുൽ ഹഖ്, രണ്ടാം സ്ഥാനവും, റസ്മ മൂന്നാം സ്ഥാനവും കരസ്ഥമാക്കി. സ്കൂൾ വിദ്യാരംഗം ക്ലബ്ബ് കോർഡിനേറ്റർ രമ്യ ടീച്ചറുടെ നേതൃത്വത്തിലാണ് പരിപാടികൾ നടന്നത്.
![](/images/thumb/c/c0/18431_vayana_varam_assembly.jpg/300px-18431_vayana_varam_assembly.jpg)
![](/images/thumb/8/8b/18431_vayana_varam.jpg/300px-18431_vayana_varam.jpg)
എല്ലാ ക്ലാസുകളിലും ലൈബ്രറി ഒരുങ്ങി
ഒന്നാം ക്ലാസ് മുതൽ നാലാം ക്ലാസ് വരെയുള്ള എല്ലാ ക്ലാസുകളിലും വായനമൂല ഒരുക്കുന്ന പ്രവർത്തനം സ്കൂളിൽ നടന്നു. ഓരോ ക്ലാസിലെയും ലൈബ്രറി ഉദ്ഘാടനം ചെയ്തത് മറ്റ് ക്ലാസിലെ അധ്യാപകർ ആയിരുന്നു. സ്വാഗതവും അധ്യക്ഷനും എല്ലാം വിദ്യാർത്ഥികൾ
![](/images/thumb/0/05/18431_class_library_1.jpg/300px-18431_class_library_1.jpg)
![](/images/thumb/4/40/18431_class_library.jpg/300px-18431_class_library.jpg)
അമ്മമാർ വരും ടീച്ചറായി -അമ്മ ടീച്ചർ പരിപാടിക്ക് തുടക്കം
എ.എം എൽ.പി സ്കൂൾ വില്ലൂരിൽ ക്ലാസ് അധ്യാപകർ ഇല്ലാത്ത ദിവസങ്ങളിലും എല്ലാ വ്യാഴാഴ്ചയും എസ്.ആർ.ജി ചേരുമ്പോഴും അധ്യാപകരില്ലാതെ ക്ലാസ് ഒഴിഞ്ഞ് കിടക്കില്ല. പകരം ഓരോ വിദ്യാർത്ഥിയുടെയും അമ്മമാർ ക്ലാസിൽ എത്തി പഠന പ്രവർത്തനങ്ങൾക്ക് നേതൃത്വം നൽകുന്ന വേറിട്ട പ്രവർത്തനത്തിന് തുടക്കം കുറിച്ചു. കഴിഞ്ഞ ഒരു വർഷം സ്കൂളിൽ പരീക്ഷിച്ച് വിജയിച്ച പ്രവർത്തനമാണ് ഈ അക്കാദമിക വർഷം ആദ്യം മുതലേ എൽ.കെ.ജി മുതൽ നാലാം ക്ലാസുവരെയുള്ള ക്ലാസ് റൂമുകളിൽ അമ്മ ടീച്ചർ എന്ന പേരിൽ നടപ്പിലാക്കുന്നത്. രക്ഷിതാകൾ അവർക്ക് അറിയാവുന്ന പഠന പാഠ്യേതര പ്രവർത്തനങ്ങൾ ക്ലാസുകളിൽ അവതരിപ്പിക്കും. അവർക്ക് അനുഭവങ്ങൾ പങ്കുവെക്കാനുള്ള ഡയറിയും എല്ലാ ക്ലാസിലും ഒരുക്കി. പരിപാടിയിൽ പങ്കെടുക്കുന്ന രക്ഷിതാക്കൾക്കുള്ള ഒന്നാം ഘട്ട പരിശീലനം സ്കൂളിൽ നടന്നു.
നഗരസഭ വിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്സൺ പാറോളി റംല ടീച്ചർ ഉദ്ഘാടനം ചെയ്തു. മലപ്പുറം ബി.ആർ.സി ട്രയിനർ പി.പി രാജൻ മാസ്റ്റർ രക്ഷിതാക്കൾക്ക് ക്ലാസ് നൽകുകയും സ്കൂൾ അക്കാദമിക മാസ്റ്റർ പ്ലാൻ പ്രകാശനം ചെയ്യുകയും ചെയ്തു. ആയിരം വായന കാർഡുകളുടെ പ്രകാശനം സ്കൂൾ മാനേജർ എം.കെ മുഹമ്മദ് അഷറഫ് മാസ്റ്റർ നിർവ്വഹിച്ചു. പി.ടി.എ പ്രസിഡണ്ട് കബീർ പട്ടാമ്പി അധ്യക്ഷം വഹിച്ച ചടങ്ങിൽ ടി.സി സിദിൻ സ്വാഗതവും , എം. മുഹമ്മദ് ഷെരീഫ് നന്ദിയും പറഞ്ഞു
![](/images/thumb/4/40/18431_amma_teacher_1.jpg/300px-18431_amma_teacher_1.jpg)
![](/images/thumb/c/ca/18431_amma_teacher_4.jpg/300px-18431_amma_teacher_4.jpg)
വിദ്യാർത്ഥികൾക്ക് ആയിരം വായന കാർഡ്
നമ്മുടെ സ്കൂളിലെ ഒന്ന് മുതൽ നാല് വരെ ക്ലാസുകളിലെ കുട്ടികൾക്ക് വായനയുടെ വസന്തം തീർക്കാൻ 1000 വായന കാർഡുകൾ ഒരുങ്ങുന്നു. ഓരോ ക്ലാസിലും മലയാളം, ഇംഗ്ലീഷ് വിഷയങ്ങളുടെ 100 ൽ കൂടുതൽ കാർഡുകൾ ആണ് ഉണ്ടാവുക. കുട്ടികളുടെ സർഗാത്മക കഴിവുകൾക്ക് കൂടുതൽ ശക്തി പകരാൻ സഹായിക്കുന്ന വായാന കാർഡുകളുടെ പ്രകാശന കർമ്മം 26-6-23ന്സ്കൂളിൽ നടന്നു. ടീച്ചേഴ്സ് ക്ലബ്ബ് കോലഞ്ചേരിയുടെ ( എറണാകുളം) പ്രവർത്തകനായ പൗലോസ് മാഷാണ് 56 മനോഹരമായ വായനാ കാർഡുകൾ നമുക്ക് അയച്ചു തന്നത്. ബാക്കിയുള്ളവ നമ്മുടെ അധ്യാപകരും രക്ഷിതാക്കളും ചേർന്ന് ഉണ്ടാക്കും.വായന കാർഡിന്റെ പ്രകാശനം സ്കൂൾ മാനേജർ മുഹമ്മദ് അഷ്റഫ് മാസ്റ്റർ നിർവ്വഹിച്ചു. ഒന്ന് എ ക്ലാസിലെ കുട്ടികൾക്കാണ് കൈമാറിയത്.
![](/images/thumb/3/3d/18431_%E0%B4%B5%E0%B4%BE%E0%B4%AF%E0%B4%A8%E0%B4%BE_%E0%B4%95%E0%B4%BE%E0%B5%BC%E0%B4%A1%E0%B5%8D.jpg/300px-18431_%E0%B4%B5%E0%B4%BE%E0%B4%AF%E0%B4%A8%E0%B4%BE_%E0%B4%95%E0%B4%BE%E0%B5%BC%E0%B4%A1%E0%B5%8D.jpg)
അക്കാദമിക മാസ്റ്റർ പ്ലാൻ പ്രകാശനം ചെയ്തു
2023 - 24 അധ്യയന വർഷത്തിൽ സ്കൂളിൽ നടക്കുന്ന അക്കാദമിക പ്രവർത്തനങ്ങളുടെ കരട് പ്ലാൻ 26 - 6 - 23 ന്സ്കൂളിൽ പ്രകാശനം ചെയ്തു. ബി.ആർ സി ട്രയിനർ ശ്രീ രാജൻ മാസ്റ്റർ സ്കൂൾ ഹെഡ് മാസ്റ്റർ സിദിൻ മാസ്റ്റർക്ക് നൽകിയാണ് പ്രകാശന കർമ്മം നിർവ്വഹിച്ചത്.
![](/images/thumb/c/c9/18431_%E0%B4%85%E0%B4%95%E0%B5%8D%E0%B4%95%E0%B4%BE%E0%B4%A6%E0%B4%AE%E0%B4%BF%E0%B4%95%E0%B5%8D%E0%B4%95%E0%B5%8D_%E0%B4%AE%E0%B4%BE%E0%B4%B8%E0%B5%8D%E0%B4%B1%E0%B5%8D%E0%B4%B1%E0%B5%BC_%E0%B4%AA%E0%B5%8D%E0%B4%B2%E0%B4%BE%E0%B5%BB.jpg/300px-18431_%E0%B4%85%E0%B4%95%E0%B5%8D%E0%B4%95%E0%B4%BE%E0%B4%A6%E0%B4%AE%E0%B4%BF%E0%B4%95%E0%B5%8D%E0%B4%95%E0%B5%8D_%E0%B4%AE%E0%B4%BE%E0%B4%B8%E0%B5%8D%E0%B4%B1%E0%B5%8D%E0%B4%B1%E0%B5%BC_%E0%B4%AA%E0%B5%8D%E0%B4%B2%E0%B4%BE%E0%B5%BB.jpg)
മൊഞ്ചുള്ള മൈലാഞ്ചി
27-6-3 ബലി പെരുന്നാളാഘോഷം മൊഞ്ചുള്ള മൈലാഞ്ചി എന്ന പേരിൽ സ്കൂളിൽ കുട്ടികളും , രക്ഷിതാക്കളും , അദ്ധ്യാപകരും ചേർന്ന് മൊഞ്ചോടെ തന്നെ ആഘോഷിച്ചു. കുട്ടികളുടെ മെഗാ ഒപ്പന, രക്ഷിതാക്കളുടെ ഒപ്പന, മൈലാഞ്ചി മത്സരം എന്നിവ നടക്കുകയുണ്ടായി. മൈലാഞ്ചി മത്സരത്തിൽ 3 രക്ഷിതാക്കൾ പങ്കെടുത്തു. 3 A ക്ലാസ്സിലെ ഫൈസയുടെ ഉമ്മ അസിയാബി മൂന്നാം സ്ഥാനവും, 3 B ക്ലാസ്സിലെ റിദയുടെ ഉമ്മ ആയിഷാബി രണാം സ്ഥാനവും,4Bക്ലാസ്സിലെ മെഹറിന്റെ ഉമ്മ ആസ്യ ഒന്നാം സ്ഥാനവും നേടി. ഉച്ചക്ക് കുട്ടികൾക്ക് കോഴി ബിരിയാണി നൽകി. ഉച്ചക്ക് ശേഷം എല്ലാ ക്ലാസ്സിലെയും പെൺകുട്ടികളുടെയും ഒപ്പനയും, KG യിലെ ആൺകുട്ടികളു ടെ കോൽകളിയും ഉണ്ടായി. തുടർന്ന് രക്ഷിതാക്കളുടെ ഒപ്പനയും നടന്നു. അതിശക്തമായ മഴ പരിപാടിയെ ചെറുതായി മങ്ങലേൽപ്പിച്ചെങ്കിലും മൈലാഞ്ചി മൊഞ്ചുള്ള വളകിലുക്കവുമായി ഒപ്പന താളത്തിൽ വന്ന മൊഞ്ചത്തിമാർ കാണികളെ ഒന്നടങ്കം കയ്യിലെടുത്തു. കോഴി ബിരിയാണിയും, മൈലാഞ്ചിച്ചോപ്പും, ഒപ്പനപ്പാട്ടിന്റെ താളവും രക്ഷിതാക്കൾക്കും കുട്ടികൾക്കും തികച്ചും പെരുന്നാളിന്റെ വൈബ് നൽകുന്നതായിരുന്നു.
![](/images/thumb/a/a2/18431_%E0%B4%AA%E0%B5%86%E0%B4%B0%E0%B5%81%E0%B4%A8%E0%B5%8D%E0%B4%A8%E0%B4%BE%E0%B5%BE.jpg/300px-18431_%E0%B4%AA%E0%B5%86%E0%B4%B0%E0%B5%81%E0%B4%A8%E0%B5%8D%E0%B4%A8%E0%B4%BE%E0%B5%BE.jpg)
സ്കൂൾ സ്ഥാപക ദിനം
10-7-23 തിങ്കളാഴ്ച്ച സ്കൂൾ സ്ഥാപക ദിനം ആഘോഷിച്ചു. സ്കൂളിന്റെ 100-ാം വാർഷികത്തിന്റെ ഭാഗമായി 100 പരിപാടികളാണ് സംഘടിപ്പിക്കുന്നത് .സ്കൂൾ പാചക തൊഴിലാളി ഹഫ്സത്ത്, അഷറഫ് മാസ്റ്റർ സീനിയർ അധ്യാപികയായ ഏലിയാമ്മ ടീച്ചർ എന്നിവർ ചേർന്ന് കേക്ക് മുറിച്ചു തുടർന്ന് എൽകെജിയിലെ കുട്ടികൾ സ്കൂൾ ഗ്രൗണ്ടിൽ അണിനിരന്ന് 100 എന്ന് എഴുതി. അതിനുചുറ്റുംവിവിധ കളറുകളിൽ വസ്ത്രം ധരിച്ച് ഒന്നു മുതൽ നാലു വരെയുള്ള കുട്ടികളും അണിനിരന്നു .അവരുടെ കൈകളിൽ വിവിധ വർണ്ണ കടലാസുകളിൽ 100 എന്ന് എഴുതിയ പൂക്കളും കാർഡുകളും ഉണ്ടായിരുന്നു വിദ്യാലയം മുത്തശ്ശിയുടെ നൂറാം വാർഷികത്തിന്റെ ഭാഗമായുള്ള നൂറിന് പരിപാടിക്ക് ഒരു ഗംഭീരം തുടക്കം കുറിക്കുന്നതായിരുന്നു പരിപാടിയുടെ വീഡിയോയും അലങ്കാരവും എല്ലാം
![](/images/thumb/e/e3/18431_%E0%B4%B8%E0%B5%8D%E0%B4%95%E0%B5%82%E0%B5%BE_%E0%B4%AA%E0%B4%BF%E0%B4%B1%E0%B4%A8%E0%B5%8D%E0%B4%A8%E0%B4%BE%E0%B5%BE.jpg/300px-18431_%E0%B4%B8%E0%B5%8D%E0%B4%95%E0%B5%82%E0%B5%BE_%E0%B4%AA%E0%B4%BF%E0%B4%B1%E0%B4%A8%E0%B5%8D%E0%B4%A8%E0%B4%BE%E0%B5%BE.jpg)
![](/images/thumb/a/a3/18431_%E0%B4%B8%E0%B5%8D%E0%B4%95%E0%B5%82%E0%B5%BE_%E0%B4%AA%E0%B4%BF%E0%B4%B1%E0%B4%A8%E0%B5%8D%E0%B4%A8%E0%B4%BE%E0%B5%BE_%E0%B4%86%E0%B4%98%E0%B5%8B%E0%B4%B7%E0%B4%82.jpg/300px-18431_%E0%B4%B8%E0%B5%8D%E0%B4%95%E0%B5%82%E0%B5%BE_%E0%B4%AA%E0%B4%BF%E0%B4%B1%E0%B4%A8%E0%B5%8D%E0%B4%A8%E0%B4%BE%E0%B5%BE_%E0%B4%86%E0%B4%98%E0%B5%8B%E0%B4%B7%E0%B4%82.jpg)
ചാന്ദ്രദിനം
21- 7 - 23 ചാന്ദ്രദിനത്തിന്റെ ഭാഗമായി സ്കൂളിൽ വിവിധ പരിപാടികൾ നടന്നു . വാനനിരീക്ഷകൻ എംപിചിണ്ടൻ കുട്ടി ഓൺലൈനായി പരിപാടി ഉദ്ഘാടനം ചെയ്തു കുട്ടികളോട് സംസാരിച്ചു.ചാന്ദ്രയാത്രികരായി നീൽ ആംസ്ട്രോങ്ങ് , എഡ്വിൻ ആൾഡ്രിൻ,മൈക്കിൾ കോളിൻസ് എന്നിവരുടെ വേഷം ധരിച്ചെത്തിയ കുട്ടികളെ പൂക്കൾ വിതറി ഊഷ്മളമായി വരവേറ്റു മൂന്ന് പേരും ക്ലാസ് റൂമുകൾ സന്ദർശിച്ച് കുട്ടികളുടെ ചോദ്യങ്ങൾക്ക് മറുപടി മറുപടി നൽകി. കുട്ടികൾ നിർമ്മിച്ചവിവിധ ബഹിരാകാശ ഉല്പന്നങ്ങളുടെ പ്രദർശനവും നടന്നു തുടർന്ന് ക്ലാസ് സ്ഥലത്തിൽ ചാന്ദ്രദിന പതിപ്പുകളുടെ പ്രദർശനം ഞാൻ ചന്ദ്രനിൽ ഇറങ്ങിയാൽ കഥ പറയൽ പരിപാടികളും നടന്നു.
![](/images/thumb/a/ad/18431_%E0%B4%9A%E0%B4%BE%E0%B4%A8%E0%B5%8D%E0%B4%A6%E0%B5%8D%E0%B4%B0%E0%B4%A6%E0%B4%BF%E0%B4%A8%E0%B4%82.jpg/300px-18431_%E0%B4%9A%E0%B4%BE%E0%B4%A8%E0%B5%8D%E0%B4%A6%E0%B5%8D%E0%B4%B0%E0%B4%A6%E0%B4%BF%E0%B4%A8%E0%B4%82.jpg)
![](/images/thumb/b/bd/18431_%E0%B4%9A%E0%B4%BE%E0%B4%A8%E0%B5%8D%E0%B4%A6%E0%B5%8D%E0%B4%B0%E0%B4%A6%E0%B4%BF%E0%B4%A8_%E0%B4%AA%E0%B4%B0%E0%B4%BF%E0%B4%AA%E0%B4%BE%E0%B4%9F%E0%B4%BF.jpg/300px-18431_%E0%B4%9A%E0%B4%BE%E0%B4%A8%E0%B5%8D%E0%B4%A6%E0%B5%8D%E0%B4%B0%E0%B4%A6%E0%B4%BF%E0%B4%A8_%E0%B4%AA%E0%B4%B0%E0%B4%BF%E0%B4%AA%E0%B4%BE%E0%B4%9F%E0%B4%BF.jpg)
സ്കൂൾ പാർലമെൻറ് ഇലക്ഷൻ
21-7-23 സ്കൂൾ പാർലമെൻറ് ഇലക്ഷൻസ്കൂൾ പാർലമെൻറ് ഇലക്ഷൻ നടന്നു.തിരഞ്ഞെടുപ്പിന്റെ ഓരോ ഘട്ടവും കുട്ടികൾക്ക് മനസ്സിലാക്കുന്ന രീതിയിലാണ് സ്കൂൾ പാർലമെൻറ് ഇലക്ഷൻ നടന്നത്.
![](/images/thumb/7/7b/18431_%E0%B4%B8%E0%B5%8D%E0%B4%95%E0%B5%82%E0%B5%BE_%E0%B4%87%E0%B4%B2%E0%B4%95%E0%B5%8D%E0%B4%B7%E0%B5%BB_-1.jpg/300px-18431_%E0%B4%B8%E0%B5%8D%E0%B4%95%E0%B5%82%E0%B5%BE_%E0%B4%87%E0%B4%B2%E0%B4%95%E0%B5%8D%E0%B4%B7%E0%B5%BB_-1.jpg)
സ്കൂളിൽ 6 സ്ഥാനാർത്ഥികൾ ആണ് സ്കൂൾ ലീഡർ സ്ഥാനത്തേക്ക് മത്സരിച്ചത് നാല് എ ക്ലാസിലെ സഞ്ചിൽ ,ഹിദിയ ഫാത്തിമ,ഫാത്തിമ മിൻഹ നാല് ബി ക്ലാസിലെ അനാമിക ,നാദിൽ ,മിസ്ബാഹുൽ ഹഖ് എന്നിവരാണ് മത്സരത്തിൽ പങ്കെടുത്ത സ്ഥാനാർത്ഥികൾ ഫുട്ബോൾ ,വിമാനം ,കുട ,പൂവ് ,സൈക്കിൾ , ബാറ്റ് എന്നിവയായിരുന്നു ഇവരുടെ ചിഹ്നങ്ങൾ .
![](/images/thumb/5/54/18431_%E0%B4%B8%E0%B5%8D%E0%B4%95%E0%B5%82%E0%B5%BE_%E0%B4%87%E0%B4%B2%E0%B4%95%E0%B5%8D%E0%B4%B7%E0%B5%BB_-4.jpg/300px-18431_%E0%B4%B8%E0%B5%8D%E0%B4%95%E0%B5%82%E0%B5%BE_%E0%B4%87%E0%B4%B2%E0%B4%95%E0%B5%8D%E0%B4%B7%E0%B5%BB_-4.jpg)
ക്ലാസ് ലീഡർ സ്ഥാനത്തേക്കും മത്സരം നടന്നു തികച്ചും ജനാധിപത്യ രീതിയിൽ നടന്ന തെരഞ്ഞെടുപ്പിന്റെ ഫലം വന്നപ്പോൾ വൻഭൂരിപക്ഷത്തോടെ അനാമിക അനീഷിനെ സ്കൂൾ ലീഡറായി തിരഞ്ഞെടുത്തു ഇലക്ഷൻ കമ്മീഷണർ ഹസീന ടീച്ചർ ,അശ്വിൻ മാഷ് എന്നിവരുടെ നേതൃത്വത്തിലാണ് ഇലക്ഷൻ നടന്നത്.
![](/images/thumb/9/98/18431_%E0%B4%B8%E0%B5%8D%E0%B4%95%E0%B5%82%E0%B5%BE_%E0%B4%87%E0%B4%B2%E0%B4%95%E0%B5%8D%E0%B4%B7%E0%B5%BB_-3.jpg/300px-18431_%E0%B4%B8%E0%B5%8D%E0%B4%95%E0%B5%82%E0%B5%BE_%E0%B4%87%E0%B4%B2%E0%B4%95%E0%B5%8D%E0%B4%B7%E0%B5%BB_-3.jpg)
വിദ്യാരംഗം കലാസാഹിത്യവേദി പ്രവർത്തനോദ്ഘാടനം
4.8.23 വിദ്യാരംഗം കലാസാഹിത്യ വേദി പ്രവർത്തന ഉദ്ഘാടനം നടന്നു .പ്രവർത്തന ഉദ്ഘാടനം എഴുത്തുകാരനും അധ്യാപകനുമായ ശ്രീ ചന്ദ്രൻ മരുതേരി നിർവഹിച്ചു .പിടിഎ പ്രസിഡൻറ് ശ്രീ കബീർ പട്ടാമ്പി പരിപാടിക്ക് അധ്യക്ഷൻ വഹിച്ചു .പ്രധാന അധ്യാപകൻ സിദിൻ മാസ്റ്റർ ചടങ്ങിൽ സ്വാഗതവും ,വിദ്യാരംഗം കൺവീനർ അനുഷ ടീച്ചർനന്ദിയും രേഖപ്പെടുത്തി .ആടിയും പാടിയും വേദിയെ ഒന്നടങ്കംഇളക്കിമറിച്ചു കൊണ്ടുള്ള ഉദ്ഘാടന പരിപാടി കുട്ടികളെ കയ്യിലെടുക്കുന്നത് ആയിരുന്നു.
![](/images/thumb/a/ab/18431_%E0%B4%B5%E0%B4%BF%E0%B4%A6%E0%B5%8D%E0%B4%AF%E0%B4%BE%E0%B4%B0%E0%B4%82%E0%B4%97%E0%B4%82_3.jpg/300px-18431_%E0%B4%B5%E0%B4%BF%E0%B4%A6%E0%B5%8D%E0%B4%AF%E0%B4%BE%E0%B4%B0%E0%B4%82%E0%B4%97%E0%B4%82_3.jpg)
![](/images/thumb/f/f0/18431_%E0%B4%B5%E0%B4%BF%E0%B4%A6%E0%B5%8D%E0%B4%AF%E0%B4%BE%E0%B4%B0%E0%B4%82%E0%B4%97%E0%B4%82_1.jpg/300px-18431_%E0%B4%B5%E0%B4%BF%E0%B4%A6%E0%B5%8D%E0%B4%AF%E0%B4%BE%E0%B4%B0%E0%B4%82%E0%B4%97%E0%B4%82_1.jpg)
മലർവാടി ആർട്സ് ക്ലബ്
4.8.23 സ്കൂളിൻറെ മികവിന്റെ ചരിത്രത്തിലെ മറ്റൊരു നായിക കല്ലായ മലർവാടി ആർട്സ് ക്ലബ്ബിൻറെ ഉദ്ഘാടനം മാനേജർ അഷ്റഫ് മാസ്റ്റർ നിർവഹിച്ചു .കുട്ടികളിലെ സർഗ്ഗവാസനകളെ ഉണർത്തുന്നതിനും സ്റ്റേജ് ഫിയർ മാറ്റുന്നതിനുമുള്ളഒരു തനത് പരിപാടിയായിരുന്നു ഇത് എല്ലാ ദിവസവും 12 മണി മുതൽ 12. 10 വരെകുട്ടികൾ അവരുടെ പരിപാടികൾ പാട്ട്, പ്രസംഗം, കഥ,ചിന്താവിഷയം എന്നിങ്ങനെ കുട്ടികളുടെ നേതൃത്വത്തിൽ അവതരിപ്പിക്കും.ഉദ്ഘാടന ദിവസം നാലാം ക്ലാസിലെ കുട്ടികളാണ് പരിപാടിയുടെ ഉദ്ഘാടനം , സ്വാഗതം,അധ്യക്ഷൻ , നന്ദി എന്നിവ നിർവഹിച്ചത്.
മൺസൂൺ ഫെസ്റ്റ്
മൺസൂൺ ഫസ്റ്റ് എന്ന പേരിൽ കെ ജി കുട്ടികളുടെ പരിപാടികൾ7 ,8 ,9 തീയതികളിലായി നടക്കുകയുണ്ടായി.പാട്ടു ഉത്സവം എന്ന പേരിൽ ഏഴാം തീയതി ,കഥോത്സവ o എന്ന പേരിൽ എട്ടാം തീയതി ഒമ്പതാം തീയതി കുടകൾക്ക് നിറം കൊടുക്കുന്ന പരിപാടിയും സംഘടിപ്പിച്ചു.ഹസീന ടീച്ചർ ഉദ്ഘാടനം ചെയ്ത പരിപാടിയിൽ പ്രധാനാധ്യാപകൻ സിദിൻ മാഷ് അധ്യക്ഷത വഹിച്ചു .എല്ലാ കുരുന്നുകളുംഅതിഗംഭീരമായി തന്നെ എല്ലാ പരിപാടികൾ അവതരിപ്പിച്ചു.
9.8.23എൽഎസ്എസ് റിസൾട്ട്
9 -8 -23 എൽഎസ്എസ് റിസൾട്ട് പ്രഖ്യാപിച്ചു നമ്മുടെ സ്കൂളിൽ നിന്നും നാലുപേർക്ക് എൽഎസ്എസ് സ്കോളർഷിപ്പ് ലഭിച്ചു.ഫാത്തിമ ഫിദ ,ഇൻഷ. N. K,ഷഹസാ നൂർ, ജസ അസ്ലംഎന്നിവർക്കാണ് സ്കോളർഷിപ്പ് ലഭിച്ചത്.പ്രധാനാധ്യാപകൻ സിൻ മാഷും സ്കൂളിലെ മറ്റ് അധ്യാപകരും കുട്ടികളുടെ വീടുകളിൽ പോയി അനുമോദിക്കുകയും മധുര വിതരണം നടത്തുകയും ചെയ്തു.
ഹിരോഷിമ നാഗസാക്കിദിനം
1945 ആഗസ്റ്റ് 6.ലോക മനസാക്ഷിയെ ഞെട്ടിച്ച 1945 ലെ കറുത്ത ദിനങ്ങളെ ഓർമ്മപ്പെടുത്തി വീണ്ടും ഒരു ഹിരോഷിമ ദിനം . ലോകത്ത് ആദ്യമായിയുദ്ധത്തിനിടയിൽ അണുബോംബ് ഉപയോഗിച്ച ദിനമായിരുന്നു 1945 ഓഗസ്റ്റ് 6. നിഷ്കളങ്കരായ ജനതയ്ക്ക്മേൽ സാമ്രാജ്യത്വം ചൊരിഞ്ഞ കൊടും ഭീകരത യുദ്ധങ്ങളും രാജ്യങ്ങളും തമ്മിൽ ഉള്ള പോരും തീവ്രവാദ ആക്രമണങ്ങളും തുടർക്കഥയാകുമ്പോൾ യുദ്ധത്തിൻറെ തീവ്രത ഓർമിപ്പിക്കുന്നതിനായി വീണ്ടും ഒരു ഹിരോഷിമാ ദിനം കൂടി . 9.8.23 നാഗസാക്കി ദിനത്തിൻറെ ഭാഗമായി നാല് എ ക്ലാസിലെ കുട്ടികൾ അസംബ്ലി നടത്തുകയുണ്ടായി ക്ലാസിലെ നഷവ .എംപി ഹിരോഷിമ നാഗസാക്കി ദിനത്തെക്കുറിച്ച് പ്രസംഗം അവതരിപ്പിച്ചു . ലെ നഫാത്തിമ സഡാക്കോ സസാക്കി എന്ന പ്രസംഗo അവതരിപ്പിച്ചു.വൈകുന്നേരം മണിപ്പൂർ ജനതയ്ക്ക് ഐക്യദാർഢ്യം പ്രഖ്യാപിച്ചുകൊണ്ട്കുഞ്ഞു കൈയ്യൊപ്പ് ചാർത്താൽ പരിപാടി നടന്നു.പരിപാടി തിരൂർ ഗേൾസ് സ്കൂളിലെ ബീന ടീച്ചർ ഉദ്ഘാടനം ചെയ്തു ബീന ടീച്ചർ ഉദ്ഘാടനം ചെയ്തു .തുടർന്ന്കുട്ടികളും അധ്യാപകരും വെള്ളത്തുണിയിൽ കയ്യൊപ്പ് പതിപ്പിച്ചു. പരിപാടിക്ക് അഷ്റഫ് മാസ്റ്റർ സ്വാഗതവും ഫസീല പി ടീച്ചർ അധ്യക്ഷതയും വഹിച്ചു.അനുഷ ടീച്ചർ നന്ദി പറഞ്ഞു
സ്വാതന്ത്ര്യദിനാഘോഷം
15-8 -23 ചൊവ്വാഴ്ച കൃത്യം 9 മണിക്ക് ഹെഡ്മാസ്റ്റർ സിദിൻ മാസ്റ്റർ പതാക ഉയർത്തി.തുടർന്ന് നാല് ബി ക്ലാസിലെ കുട്ടികളുടെ നേതൃത്വത്തിൽ അസംബ്ലി നടന്നു .മുഹമ്മദ് അഷർ ,അനാമിക, ദിയഎന്നീ കുട്ടികൾ സ്വാതന്ത്ര്യത്തെ കുറിച്ച് പ്രസംഗിച്ചു തുടർന്ന് ദേശഭക്തിഗാനങ്ങൾ ആലപിച്ചു .ശേഷംസ്വാതന്ത്ര്യ ദിന റാലി സംഘടിപ്പിച്ചു സ്കൂളിൽ നിന്ന് തുടങ്ങി ഉദരാണികുളം വരെയാണ് റാലി നടത്തിയത്.വരാണിക്കുളത്ത് വെച്ച് നാലാം ക്ലാസിലെ കുട്ടികൾ സ്വാതന്ത്ര്യ ദിനം സംഗീതശില്പം അവതരിപ്പിച്ചു. റാലിക്ക് നാല് ബി ക്ലാസിലെ അഷർ എന്ന കുട്ടിയുടെ വീട്ടിൽ നിന്നുംസർബത്ത് നൽകുകഉണ്ടായി .തുടർന്ന്പ്രസംഗം മത്സരവും,ദേശഭക്തിഗാനം മത്സരവും നടന്നു നടന്നു.ഒന്നാം ക്ലാസിലെ പ്രസംഗം മത്സരത്തിന് ഒന്ന് ബി ക്ലാസിലെ ഫാസാ മറിയം ഒന്നാം സ്ഥാനം നേടി.രണ്ടാം ക്ലാസിൽ ദുൽക്കർഷ ,മൂന്നാം ക്ലാസിൽ ഹാദിയ ,അവന്തിക എന്നിവർ ഒന്നും രണ്ടും സ്ഥാനം കരസ്ഥമാക്കി.നാലാം ക്ലാസിൽ അനാമിക ഒന്നാം സ്ഥാനവും അഷർ രണ്ടാം സ്ഥാനവും നേടി.ദേശ ദേശഭക്തിഗാന മത്സരത്തിൽ ഒന്നും രണ്ടും ക്ലാസുകൾ തമ്മിലുള്ള മത്സരത്തിൽ രണ്ട് എ ക്ലാസ് ഒന്നാം സ്ഥാനം കരസ്ഥമാക്കി ,മൂന്നും നാലും ക്ലാസ് തമ്മിലുള്ള മത്സരത്തിൽ മൂന്ന് ബി ഒന്നാം സ്ഥാനവും 4.Aരണ്ടാം സ്ഥാനവും കരസ്ഥമാക്കി.കൂടാതെ എൽകെജി യുകെജി ക്ലാസിലെ കുട്ടികളുടെ സ്വാതന്ത്ര്യദിന ഡാൻസ് ,പാട്ടുകൾ എന്നിവ നടന്നു.ശേഷം കുട്ടികൾക്ക് ഹോർലിക്സ്ബിസ്കറ്റും നൽകി.സ്വാതന്ത്ര്യദിന ക്വിസ് മത്സരം നടത്തി ക്വിസ് മത്സരത്തിൽ 2 എ ക്ലാസിലെ ഫർദാൻ ഒന്നാം സ്ഥാനവും നാല് എ ക്ലാസ്സിലെ മുഹമ്മദ് ഫാദി രണ്ടാം സ്ഥാനവും മുഹമ്മദ് ഷഫാൻ മൂന്നാം സ്ഥാനവും കരസ്ഥമാക്കി.12 30 വരെ പരിപാടികൾ അവസാനിപ്പിച്ച് കുട്ടികൾ വീട്ടിലേക്ക് തിരിച്ചു പോയി.
വിജയഭേരി വിജയസ്പർശം സ്കൂൾ തല ഉദ്ഘാടനം
വിജയവേരി വിജയ സ്പർശം സ്കൂൾ തല ഉദ്ഘാടനം 19 8 23ന് നടന്നുവിജയവേരി വിജയ സ്പർശം സ്കൂൾ തല ഉദ്ഘാടനം 19 .8 . 23ന് നടന്നു.വാർഡ് കൗൺസിലർ ശ്രീമതി ടി പി പരിപാടി ഉദ്ഘാടനം ചെയ്തു പിടിഎ പ്രസിഡൻറ് കബീർ പട്ടാമ്പി അധ്യക്ഷൻ വഹിച്ച ചടങ്ങിൽ ഹെഡ്മാസ്റ്റർ സിദിൻ . ടി .സിസ്വാഗതവുംവിജയസ്പർശം കോഡിനേറ്റർ ഫസീല പി പരിപാടിയുടെ വിശദീകരണവും മാസ്റ്റർ നന്ദിയും പറഞ്ഞു .ചടങ്ങിൽ സ്കൂൾതല വിജയസ്പർശം മാസ്റ്റർ പ്ലാൻ പ്രകാശനവും നടന്നു പരിപാടിയിൽ 35 രക്ഷിതാക്കൾ പങ്കെടുത്തു. ചടങ്ങിനു ശേഷം ക്ലാസ് തല പിടിഎ മീറ്റിങ്ങും നടക്കുകയുണ്ടായി.
സ്കൂൾതല ശാസ്ത്രമേള
സ്കൂൾതല ശാസ്ത്രമേള ഓൺ ദി സ്പോട്ട് മത്സരങ്ങൾ 24.8 ന് നടന്നു.പേപ്പർ ക്രാഫ്റ്റ് ,ചിത്രത്തുന്നൽ ,തുണിയിൽ ചിത്രം വരയ്ക്കൽ വെജിറ്റബിൾ പ്രിന്റിംഗ് ,ചോക്ക് നിർമ്മാണം എന്നീ ഇനങ്ങളിൽ കുട്ടികൾ പങ്കെടുത്തു.വസ്തുക്കളുടെ പ്രദർശനങ്ങളും ഉണ്ടായിരുന്നു.
ഓണാഘോഷം
25 - 8 - 20 23 സ്കൂൾ ഓണാഘോഷം ജനകീയമായി നടക്കുകയുണ്ടായി.ഓണാഘോഷം രാവിലെ പൂക്കളം ഒരുക്കി കൊണ്ട് ആരംഭിച്ചു .ഒന്ന് സി ക്ലാസിലെ അനിയകൃഷ്ണയുടെ രക്ഷിതാവ് സതീഷാണ് അതിരാവിലെ വന്ന പൂക്കളത്തിന് ഉള്ള ഔട്ട് ലൈൻ വരച്ചത്.തുടർന്ന് കുട്ടികളുടെ മ്യൂസിക്കൽ ചെയർ ,രക്ഷിതാക്കളുടെ മ്യൂസിക്കൽ ചെയർ മത്സരവും നടക്കുകയുണ്ടായി.കൂടാതെ ഉച്ചയ്ക്കുശേഷം രക്ഷിതാക്കൾക്കുള്ള ഉറിയടി മത്സരവും നടന്നു.ഇതിൽ മൂന്ന് ബി ക്ലാസിലെ മുബഷി ഷയുടെ ഉപ്പ ഒന്നാം സ്ഥാനം കരസ്ഥമാക്കി.ജനകീയഓണസദ്യ ഓണാഘോഷത്തെ ഗംഭീരമാക്കുന്നതായിരുന്നു.17 വിഭവങ്ങളും പായസവും അടങ്ങിയ സദ്യ എടുത്തു പറയേണ്ടത് തന്നെയായിരുന്നു ഇതിലെ 13 വിഭവങ്ങളും ഓരോ ക്ലാസിലെയും രക്ഷിതാക്കൾ ചേർന്നാണ് തയ്യാറാക്കിയത്.രക്ഷിതാക്കളും അധ്യാപകരുടെയും കൂട്ടായ്മയുടെ വിജയം വിളിച്ചോതുന്നതിന് ഉത്തമ ഉദാഹരണമായിരുന്നു ഓണസദ്യ .കൂടാതെ സദ്യക്കുള്ള ഇലയും കുട്ടികളാണ് കൊണ്ടുവന്നത് .ഏറ്റവും കൂടുതൽ ഇല (160) കൊണ്ടുവന്നമൂന്ന് ബി ക്ലാസിലെ മുബഷിർ ഷ ഒന്നാം സമ്മാനം നേടി.യുകെജിലെ ഷഹബാസ് എന്ന കുട്ടി ഏറ്റവും കൂടുതൽ ഇല കൊണ്ടുവന്നതിന് രണ്ടാം സ്ഥാനം കരസ്ഥമാക്കി.എല്ലാ പരിപാടികളും രക്ഷിതാക്കളുടെ നേതൃത്വത്തിലാണ് നടന്നത് . രക്ഷിതാക്കളും കുട്ടികളും അടക്കം 800 ലധികം പേർ ഓണാഘോഷ പരിപാടിയിൽ പങ്കെടുത്തു. രാവിലെ ആരംഭിച്ച ഓണാഘോഷ പരിപാടികൾ മൂന്നുമണിയോടെയാണ് അവസാനിച്ചത്.ഓണാഘോഷം രക്ഷിതാക്കളുംഅധ്യാപകരുംകുട്ടികളും ചേർന്ന്ഒരു നാടിൻറെ തന്നെ ഉത്സവമാക്കി മാറ്റി.നടന്ന എല്ലാ മത്സരങ്ങളുടെയും സമ്മാനവിതരണം ഓണസദ്യയ്ക്ക് മുമ്പായി തന്നെ നടന്നു.
അധ്യാപക ദിനം
അറിവിൻറെ അക്ഷരവെളിച്ചം പകയുന്ന എല്ലാ അധ്യാപകർക്കും ഒരു അധ്യാപക ദിനം കൂടി .അധ്യാപകനും ഇന്ത്യയുടെ രാഷ്ട്രപതിയും ലോകോത്തര തത്വചിന്തനം ആയിരുന്ന ഡോക്ടർ സർവ്വേപ്പിള്ളി രാധാകൃഷ്ണന്റെ പിറന്നാൾ ദിനമാണ് അധ്യാപക ദിനമായി ആചരിക്കുന്നത്.5. 9 .23 അധ്യാപക ദിനത്തിന്റെ ഭാഗമായി സ്കൂൾ സീനിയർ അധ്യാപികയായ ഏലിയാമ്മ ടീച്ചറെ ആദരിച്ചുകൊണ്ട് നമ്മുടെ സ്കൂളിലും അധ്യാപകദിനം ആചരിച്ചു.തുടർന്ന് നാല് എ ക്ലാസിലെ ലെന ഫാത്തിമ എല്ലാ അധ്യാപകർക്കും ചെറിയ ഉപഹാരങ്ങൾ നൽകി.ഹെഡ്മാസ്റ്റർ സിദിൻ മാഷ്അധ്യാപക ദിന സന്ദേശങ്ങളും ആശംസകളും നേർന്നു
V -zone fest 2
13 ,14 തീയതികളിൽ ആയി സ്കൂൾ കലാമേള - v -zone fest 2നടക്കുകയുണ്ടായി തുമ്പ ,തുളസി ,തെച്ചി എന്നീ മൂന്ന് പേരുകളിൽ കുട്ടികളെ മൂന്നു ഗ്രൂപ്പ് ആക്കി തിരിച്ചിട്ടാണ് മത്സരങ്ങൾ നടന്നത് തുമ്പ ഗ്രൂപ്പിന് ഷീജ ,രമ്യ ,അൻഫിദ എന്നെ ടീച്ചർമാരുംതുളസി ഗ്രൂപ്പിനെ അനുഷ ,ഹബീബ, ഷൗക്കിയ , ഹസീന എന്നീ ടീച്ചർമാരുംതെച്ചി ഗ്രൂപ്പിനെ ദിയ ,അശ്വിൻ ,ഫസീല കെ,മുനവിറഎന്നീ ടീച്ചർമാരുംനേതൃത്വം നൽകി.രണ്ടു ദിവസങ്ങളിലായി നടന്ന പരിപാടിയിൽ ലളിതഗാനം ,മാപ്പിളപ്പാട്ട് ,മലയാള പ്രസംഗം ,പദ്യം ചൊല്ലൽ അറബി, മലയാളം , തമിഴ്, ആംഗ്യപാട്ട് തുടങ്ങി നാടോടി നൃത്തം സംഘം എന്നിങ്ങനെ 23 ഇനങ്ങളിൽ മത്സരം നടന്നു.കലാമേള ഉദ്ഘാടനം പതിനാലാം തീയതി കോട്ടൂർ എ കെ എം എച്ച്എസ്എസിലെ മ്യൂസിക് അധ്യാപികയായ ദേവി ജയേഷ് നിർവഹിച്ചു.ടീച്ചർ മനോഹരമായ സംഗീത വിരുന്ന് ഒരുക്കി കൊണ്ടാണ് പരിപാടി ഉദ്ഘാടനം ചെയ്തത്.ചടങ്ങിൽ എംടിയെ പ്രസിഡൻറ് പ്രജിത പി ടി എം വില്ലൂർ സ്കൂൾ മാനേജർ അഷ്റഫ് മാസ്റ്റർ എന്നിവർ ആശംസകൾ അർപ്പിച്ചു.സീനിയർ അസിസ്റ്റൻറ് ഏലിയാമ്മ ടീച്ചർ അധ്യക്ഷ വഹിച്ച ചടങ്ങിൽ ഹെഡ്മാസ്റ്റർ സ്വാഗതവും കലാമേള കോഡിനേറ്റർ ഫസീല പി നന്ദിയും പറഞ്ഞു രണ്ട് ദിവസത്തെ ആവേശകരമായ കലാ വിസ്മയത്തിന് തിരശ്ശീല വീണപ്പോൾ 90 പോയിൻറ് നേടി തുമ്പ ഗ്രൂപ്പ് ഒന്നാം സ്ഥാനവും 86 പോയിന്റ് നേടി തുളസി രണ്ടാം സ്ഥാനവും 83 പോയിന്റ് നേടി മൂന്നാം സ്ഥാനവും കരസ്ഥമാക്കി.പരിപാടി ഏലിയാമ്മ ടീച്ചർ സുമയ്യ ടീച്ചർ ശരീഫ് മാസ്റ്റർ എന്നിവർ ചേർന്ന് ജഡ്ജ്മെൻറ് നടത്തി.ബി ആർ സി കോഡിനേറ്റർ മുഹ്സിന ടീച്ചർ കലാമേള സന്ദർശിച്ചത് ശ്രദ്ധേയമായി.
ലോകകാഴ്ചദിനം
12/10/2023 ലോകകാഴ്ചദിനത്തിന്റെ ഭാഗമായികുട്ടികളുടെ" കണ്ണുംആരോഗ്യവും "എന്ന വിഷയത്തെക്കുറിച്ച് രക്ഷിതാക്കൾക്ക് ഒരു ബോധ വൽകരണ ക്ലാസ്സ് നടക്കുകയുണ്ടായി. നേത്രസംരക്ഷണവുമായി ബന്ധപ്പെട്ട് രക്ഷിതാക്കൾക്ക് പി. എച്ച്. സി പൂക്കോട്ടൂരിലെ ശ്രീമതി ദീപ ക്ലാസ്സെടുത്തത്. ചടങ്ങിൽ ശരീഫ് മാസ്റ്റർ അധ്യക്ഷം വഹിച്ചു. പ്രധാനധ്യാപകൻ സിദിൻ മാസ്റ്റർ സ്വാഗതവും സുമയ്യ ടീച്ചർ നന്ദിയും പറഞ്ഞു. ക്ലാസ്സിൽ അൻപതോളം രക്ഷിതാക്കൾ പങ്കെടുത്തു.
ശാസ്ത്രമേള
ഒക്ടോബർ 30,31 തിയ്യതികളിലായി മലപ്പുറം ഗേൾസ്, ബോയ്സ് സ്കൂളിൽ വെച്ച് നടന്ന ശാസ്ത്രമേളയിൽ നമ്മുടെ സ്കൂളിൽ നിന്നും കുട്ടികൾ പങ്കെടുത്തു. സയൻസ് മേളയിൽ ചാർട്ട് വിഭാഗത്തിൽ ആഫ്രീൻ,അഷ്മിൽ നഹ എന്നീ കുട്ടികൾ Bgrade, simple experiment ൽ നാദിൽ,എന്നീ കുട്ടികൾ Bgrade, collection- ചെറുധാന്യങ്ങൾ എന്ന വിഷയത്തിൽ ദിയ, അനാമിക എന്നീ കുട്ടികൾ A grade ഉം കരസ്ഥമാക്കി. Maths fair ൽ ജസ ഫാത്തിമ puzzles ൽ A grade, number chart ൽ ലെന ഫാത്തിമ A grade, Geometrical chart ൽ അനുരാഗ് B grade ഉം നേടി. Workexperience fair ൽ Ashmil ziyam sheet metal ൽ മൂന്നാം സ്ഥാനവും A grade Anfid woodwork ൽ നാലാംസ്ഥാനം A grade Thread patter - minha fathima A grade, Beads work -Rasla C grade, fabric printing Anushka-Agrade, Wastemetenal Jenna mehrin A grade, ചോക്ക് നിർമാണം അഷർ -Bgrade, ചന്ദനത്തിരി Jafsa-Bgrade, paper craft - Rusla -Bgrade, വയറിംഗ് -Agrade എന്നീ സ്ഥാനങ്ങളും കരസ്ഥമാക്കി ഇതിനു വേണ്ടി പ്രയത്നിച്ച കുട്ടികൾക്കും അധ്യാപകർക്കും പ്രത്യേക അഭിനന്ദനങ്ങൾ
sports meet
13-11-23 ന് KG Sports
സങ്കടിപ്പിക്കുകയുണ്ടായി. തികച്ചും സ്പോർട്സ് മാൻ സ്പിരിറ്റ് ഓടുകൂടി തന്നെ ഓരോ കുട്ടികളും പരിപാടിയിൽ പങ്കെടുത്തു. മാർച്ച് പാസ്റ്റിൽ ആരംഭിച്ച പരിപാടിയിൽ Lkg ബോയ്സ്, ഗേൾസ്, Ukg ബോയ്സ്, ഗേൾസ് എന്നിങ്ങനെ തിരിച്ചു മത്സരങ്ങൾ നടന്നു.Lkg ബോയ്സ് ഓട്ടമത്സരത്തിൽ മുഹമ്മദ് യാസീൻ ഒന്നാം സ്ഥാനവും, മുഹമ്മദ് റസാൻ, ഷാമിൽ, ഷാദിൽ എന്നിവർ രണ്ടും മൂന്നും സ്ഥാനവും കരസ്ഥമാക്കി. Lkg ഗേൾസ് ഓട്ടമത്സരത്തിൽ അൻമി, ഹെസ, ഇശൽ, ഇഷ ഫാത്തിമ എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.
Ukg ബോയ്സ് ഓട്ടമത്സരത്തിൽ അസാൻ മുഹമ്മദ്, മുഹമ്മദ് ഷയാൻ, മുഹമ്മദ് ഹാസിബ് എന്നീ കുട്ടികൾ ഒന്നും രണ്ടും മൂന്നും സ്ഥാനവും ഗേൾസ് ഓട്ടമത്സരത്തിൽ ആൻസി ജോസ്, നിയ നവാൽ, ഫാത്തിമ റസാറ എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി.
ശിശുദിനം
14-11- 23 ശിശുദിനത്തിന്റെ ഭാഗമായി KG ആർട്സ് ഫെസ്റ്റ് നടന്നു. പരിപാടി ഹസീന ടീച്ചർ ഉൽഘടനം ചെയ്തു. ഹെഡ്മാസ്റ്റർ സിദിൻ മാസ്റ്റർ അധ്യക്ഷം വഹിച്ചു. പാട്ടും കഥയുമായി ഒരു ദിനം പിന്നിട്ടപ്പോൾ Lkg ക്ലാസ്സിലെ ഫാത്തിമ നഹവാ ഒന്നാം സ്ഥാനവും റുമാന മറിയാം രണ്ടാം സ്ഥാനവും നേടി. Ukg ക്ലാസ്സിൽ നിന്നും തനയ സിദിൻ ഒന്നാം സ്ഥാനം നേടി.
13,14,15 ദിവസങ്ങളിലായി ചാപ്പനങ്ങടി പി. എം. എസ്. എ സ്കൂളിൽ വച്ചു നടന്ന സബ്ജില്ലാ കലമേളയിൽ നമ്മുടെ സ്കൂളിൽ നിന്നും നാടോടി നൃത്തം, മലയാളപ്രസംഗം തുടങ്ങിയ പരിപാടികളിലായി 22- ഓളം കുട്ടികൾ പങ്കെടുത്തു. നാടോടി നൃത്തം, സംഘനൃത്തം, സംഘഗാനം, അറബിക് സംഘഗാനം, തമിഴ് പദ്യം, കന്നഡ പദ്യം, എന്നീ ഇനങ്ങളിൽ A grade ഉം അറബിക് കയ്യെഴുത്തു, മലയാള പ്രസംഗം, മോണോ ആക്ട് എന്നീ ഇനങ്ങളിൽ B grade ഉം കരസ്ഥമാക്കി.
14/11/2023 - മാലിന്യമുക്തം - നവകേരള പദ്ധതിയുടെ ഭാഗമായി കുട്ടികളുടെ ഹരിത സഭ സങ്കടിപ്പിക്കുക ഉണ്ടായി. ഇതിൽ നമ്മുടെ സ്കൂളിൽ നിന്നും ജഫ്സ, ഫാത്തിമ സന, ഫാത്തിമ മിൻഹ, അഷർ, മിസ്ബഹുൽ ഹഖ് എന്നീ കുട്ടികൾ പങ്കെടുത്തു.
*ഗണിതം മധുരം*
5/12/2023 ന് 3,4 ക്ലാസ്സിലെ കുട്ടികൾക്ക് ഗണിത ശില്പ ശാല 'ഗണിത മധുരം 'എന്ന പേരിൽ സങ്കടിപ്പിക്കുകയുണ്ടായി കളികളിലൂടെ ഗണിത പഠനം വിവിധ ഗണിത കളികളിലൂടെ ശ്രീ. വിശാഖൻ മാസ്റ്റർ കുട്ടികൾക്ക് ക്ലാസ്സ് എടുത്തു. തീപ്പെട്ടി കമ്പുകളും, ചിത്ര സംഖ്യ കാർഡുകളും ഉപയോഗിച്ച് ഗണിതം തികച്ചും ലളിതവും രസകരവും ആക്കുന്നതായിരുന്നു മാഷിന്റെ ക്ലാസ്സ്. ഗുണനം, ഹരണം എന്നീ ചനുശ്രക്രിയകൾ കുട്ടികൾക്ക് ലളിതവും, ആസ്വദ്യകാരവുമായ രീതിയിൽ ജീവിതസഹായിയായി പഠിപ്പിക്കുന്ന രീതി മാഷ് കുട്ടികൾക്കും അധ്യാപകർക്കും പരിചയപ്പെടുത്തി കൊടുത്തു.
പ്രതിഭാ സംഗമം
16- 12 - 23- ശാസ്ത്ര മേള, കലാമേളയിൽ പങ്കെടുത്ത് വിജയം നേടിയ കുട്ടികളെ ആദരിച്ചു.
പ്രതിഭസംഗമം' എന്ന പേരിൽ നടന്ന പരിപാടി അധ്യാപിക അവാർഡ് ജേതാവും ചപ്പാന ങ്ങാടി ഹയർ സെക്കന്ററി സ്കൂളിലെ അധ്യാപകനുമായ ശ്രീ. രാജീവൻ മാസ്റ്റർ ഉദ്ഘടനം ചെയ്തു. PTA പ്രസിഡന്റ് കബീർ പട്ടാമ്പി, MTA പ്രസിഡന്റ് പ്രജിത, അഷ്റഫ് മാസ്റ്റർ, ഏലിയാമ്മ ടീച്ചർ, അബ്ദുൾ റഹ്മാൻ, ബീരാൻകുട്ടി എന്നിവർ പരിപാടിയിൽ പങ്കെടുത്തു. പി ടി എ ക്ലബ് എക്സിക്യൂട്ടീവ് മെമ്പർ അബ്ദുൾ റഹ്മാൻ കുട്ടികൾക്ക് പ്രത്യേക സമ്മാനം നൽകുകയുണ്ടായി.
പഠനയാത്ര
12/12/2023 ന് 3,4ക്ലാസ്സിലെ കുട്ടികളുടെ പഠനയാത്ര സങ്കടിപ്പിക്കുകയുണ്ടായി.52 കുട്ടികളും അധ്യാപകരും കൂടി കണ്ണൂരിലേക്കാണ് യാത്ര പോയത്. രാവിലെ 5 മണിക്ക് പുറപ്പെട്ട യാത്ര പാറശ്ശിനിക്കടവ് അമ്പലം, ബോട്ടിങ്ങ്, വിസ്മയ പാർക്ക് എന്നീ സ്ഥലങ്ങളിൽ സന്ദർശനം നടത്തി. രാത്രി 12 മണിയോടെ തിരിച്ചു വന്നു. 'വിസ്മയ 'വാട്ടർ പാർക്ക് കുട്ടികൾക്ക് തികച്ചും ഇഷ്ട്ടപ്പെട്ട ഒരു അനുഭവമായിരുന്നു.