"ജി.എൽ..പി.എസ്. ഒളകര/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

{{PSchoolFrame/Pages}}മലപ്പുറം ജില്ലയിലെ പെരുവളളൂർ പഞ്ചായത്തിലെ ഉൾപ്രദേശമാണ് ഒളകര. വിദ്യാഭ്യാസപരമായും സാമ്പത്തികമായും വളരെ പിന്നോക്കം നിന്നിരുന്ന ഗ്രാമം. കർഷകവൃത്തിയായിരുന്നു നാടിന്റെ സമ്പാദ്യമേഖല. പക്ഷെ, ഒരു നൂറ്റാണ്ടുകാലമായി പെരുവളളൂരിലെ ഉന്നതമായ പ്രാഥമിക വിദ്യാലയമായി മാറിയ ഒളകര ജി.എൽ.പി സ്കൂൾ ഈ പ്രദേശത്തുകാരുടെ വിവിധ മേഖലകളിലെ പുരോഗതിയിൽ നിസ്തുലമായ പങ്കാണ് വഹിക്കുന്നത്.  

പുകയൂരിനടുത്ത് കല്ലട എന്നറിയപ്പെടുന്ന, വൈകുന്നേരങ്ങളിൽ  നിറയെ സൗഹൃദങ്ങൾക്കായി ആളുകൾ വട്ടമിട്ടിരിക്കുന്ന ഒരു കാടുമൂടിയ പാറപ്പുറത്താണ് ഒളകര ജി.എൽ.പി സ്കൂൾ സ്ഥാപിതമായത്.ലഭ്യമായ രേഖകളുടെ അടിസ്ഥാനത്തിൽ 1922 ആഗസ്റ്റ് 10  വേലപ്പൻ നായർ ഔദ്യോഗികമായി ആദ്യ അഡ്മിഷൻ എടുത്തത്.<ref>[[1922 മുതൽ 1966 വരെയുള്ള സ്കൂൾ പൂർവ്വ രജിസ്റ്റർ]]</ref> അന്ന് മുതലുള്ള വിദ്യാർത്ഥികളുടെ വിവരങ്ങൾ സ്കൂളിൽ ഇന്നും ലഭ്യമാണ്. എന്നാൽ 1917 നു മുമ്പു തന്നെ ഇവിടെ ഒരു പുല്ല് മേഞ്ഞ പുരയിൽ നായർ തറവാട്ടിലെ കുട്ടികളെ എഴുത്തിനിരുത്തിയിരുന്നു എന്ന് പറയപ്പെടുന്നു. നിലവിലെ വിദ്യാലയം പ്രൈമറിയായിട്ടായിരുന്നു തുടക്കം.  

ശ്രീ കെ.ഗോവിന്ദൻ നായരായിരുന്നു ആദ്യ ഹെഡ്മാസ്റ്റർ. 1956 മുതലുള്ള പ്രധാനധ്യാപകരുടെ പേര് വിവരം ക്രമ പ്രകാരം തന്നെ ലഭ്യമാണ്. കളവൂർ ചെമ്പായി കുമാരൻ എന്ന മാനു നായരായിരുന്നു ഇന്ന് സ്കൂൾ സ്ഥിതി ചെയ്യുന്ന 1.77 ഏക്കറും അനുവദിച്ചു തന്നത്.