"ഗവ. എച്ച് എസ് എസ് മീനങ്ങാടി/ഗണിത ക്ലബ്ബ്-17" എന്ന താളിന്റെ പതിപ്പുകൾ തമ്മിലുള്ള വ്യത്യാസം

16:13, 10 സെപ്റ്റംബർ 2020-നു നിലവിലുള്ള രൂപം

ഗണിത ക്ലബ്ബ് 2019 -20 പ്രവർത്തനറിപ്പോർട്ട്

                                                                                     ജി .എച് .എസ്.എസ്  മീനങ്ങാടി

മീനങ്ങാടി ഗവഃ ഹയർസെക്കന്ററിസ്കൂളിൽ കുട്ടികളുടെ ഗണിതകൗതുകം വർദ്ധിപ്പിച്ച് പ്രവർത്തനമികവുണ്ടാക്കുക എന്ന ലക്ഷ്യത്തോടെ 84 അംഗങ്ങളുമായി 2019 ജൂൺ 17 ന് ഗണിതക്ലബ്ബ് രൂപീകരിച്ചു. ക്ലബ്ബ് പ്രസിഡന്റ്ആയി 8 ഐ ക്ലാസ്സിലെ നന്ദനവിനോദിനെയും സെക്രട്ടറി ആയി ഏലിയാസിനെയും തെരഞ്ഞെടുത്തു മുൻവർഷത്തെ പ്രവർത്തനങ്ങൾ അവലോകനം ചെയ്‌തു. ജൂലൈ 22 ന് രാവിലെ 10 മണിക്ക് 8 സി ക്ലാസ്സിലെ ഷിഫാനഫാത്തിമ പൈദിന സന്ദേശം നൽകി . പൈയുമായി ബന്ധപ്പെട്ട അറിവുകൾകുട്ടികൾചാർട്ടുകളിലെഴുതികൊണ്ടുവന്ന് പ്രദർശിപ്പിച്ചു . ഗണിതശാസ്ത്രമാഗസിൻ തയാറാക്കാനായി അഞ്ചംഗ എഡിറ്റോറിയൽ ബോർഡ് രൂപികരിച്ചു. ഇവരുടെ നേതൃത്വത്തിൽ വിവിധ ക്ലാസ്സുകളിൽ നിന്ന് ഗണിത സൃഷ്ടികൾ ശേഖരിച്ച് മാഗസിൻ തയാറാക്കി . ഗണിതക്ലബ്ബ് യോഗത്തിൽവെച്ച് ഹെഡ്മാസ്റ്റർ കെ. എം. നാരായണൻ സാർ ഗണിതമാഗസിൻ "അനന്തത " പ്രകാശനം ചെയ്തു . സ്കൂൾ ഗണിതശാസ്ത്രമേളക്കായി എങ്ങനെ തയാറെടുക്കണമെന്ന് ക്ലബ്ബിൽ ചർച്ച ചെയ്തു . ഗണിതശാസ്ത്രമേളകളിലെ വിവിധ ഇനങ്ങളെ പറ്റി ഐ . സി .റ്റി . സഹായത്തൊടെ അദ്യാപകർക്ലബ്ബങ്ങൾക്ക് വിശദീകരിച്ചു കൊടുത്തു അവർ ഈ അറിവുകൾ ക്ലാസ്സുകളിൽ അവതരിപ്പിച്ചു . അതുകൊണ്ടുതന്നെ ആഗസ്ത് 2 തിയതി നടന്ന സ്കൂൽഗണിതശാസ്ത്രമേളയിൽ എല്ലാ ക്ലാസ്സുകളിൽ നിന്നും കുട്ടികളുടെ സജീവമായ പങ്കാളിത്തമുണ്ടായിരുന്നു . എല്ലാ ഇനങ്ങൾക്കും ഒന്നും , രണ്ടും , മൂന്നും സ്ഥാനം നേടിയവർക്ക് സെർട്ടിഫിക്കറ്റുകൾ വിതരണം ചെയ്തു ആഗസ്ത് 20 ന് ഗണിതപൂക്കള മത്സരവും ഒക്ടോബർ 4 ന് സ്കൂൾ തല ഗണിതക്വിസ്സ് മത്സരവും നടത്തി സ്കൂൾ തല ഗണിതശാസ്ത്ര ടാലന്റ് സേർച്ച് പരീക്ഷയിൽ 34 കുട്ടികൾ പങ്കെടുത്തു . സ്കൂൾ തല ഗണിതശാസ്ത്രമേളയിൽ ഒന്നാംസ്ഥാനം നേടിയവർക്ക് കല്ലൂർ ഗവഃ ഹയർസെക്കന്ററി സ്കൂളിൽ വെച്ച് നടന്ന സബ് ജില്ലാ ഗണിതശാസ്ത്രമേളയിൽ പങ്കെടുത്തു. ഭാസ്കരാചാര്യസെമിനാർ ,രാമാനുജപേപ്പർപ്രെസെന്റഷൻ , മത്സരങ്ങൾ സ്കൂൾ തലത്തിൽ സംഘടിപ്പിച്ചു . അദർചാറ്റ് , രാമാനുജൻപേപ്പർപ്രെസന്റേഷൻ , എന്നീ ഇനങ്ങൾ ജില്ലാ ഗണിതശാസ്ത്രമേളയിൽ പങ്കെടുത്തത്തിനു യോഗ്യതനേടി .ആറാട്ടുതറ ഹൈസ്കൂളിൽ വെച്ച് നടന്ന ജില്ലാമേളയിൽ ഈ ഇനങ്ങളിൽ കുട്ടികൾ മികച്ച ഗ്രേഡുകൾ കരസ്തമാക്കി. ഭാസ്കരാചാര്യ സെമിനാർ – ജില്ലാതല മത്സരത്തിൽ എ ഗ്രേഡോടെ ഒന്നാം സ്ഥാനം കരസ്തമാക്കിയ പവിത്ര സുരേഷ് തിരുവല്ലയിൽ വച്ചു നടന്ന സംസ്ഥാനതല മത്സരത്തിൽ B ഗ്രേഡ് നേടി. കുട്ടികളിൽ ഗണിത താല്പര്യം വളർത്തുവാനുതകുന്ന പ്രവത്തനങ്ങൾ ആസൂത്രണം ചെയ്യുന്നതിനും നടപ്പിലാക്കുന്നതിനും ക്ലബ് പ്രവർത്തനങ്ങൾ വളരെയധികം സഹായിച്ചു.വരും വർഷങ്ങളിൽ കൂടുതൽ മികവുറ്റ പ്രവർത്തനങ്ങൾ നടപ്പിലാക്കണമെന്ന് ഗണിതശാസ്ത്ര അധ്യാപകരുടെ സബ്ജക്റ്റ് കൗൺസിൽ നിർദേശിച്ചു.

ഗണിതപൂക്കളം 2020 -21

ഗണിത ക്ലബ്ബിന്റെ നേതൃത്തത്തിൽ 2020 ഓഗസ്റ്റ് 23 നു നടന്ന ഗണിതപൂക്കളമത്സരം ആവേശകരമായി .ഹൈസ്കൂൾ വിഭാഗത്തിൽ നിന്നും 38 കുട്ടികളും യു പി വിഭാഗത്തിൽനിന്ന് 27 കുട്ടികളും പങ്കെടുത്തു .ഓൺലൈൻ ആയാണ് മത്സരം സംഘടിപ്പിച്ചത്.