ഗവ. ‌ടെക്നിക്കൽ ഹൈസ്കൂൾ, കൃഷ്ണപുരം, കായംകുളം/അക്ഷരവൃക്ഷം/മാമ്പഴക്കാലം ...

മാമ്പഴക്കാലം ... ബാല്യത്തിന് .................., പൂക്കളുടെ മണമാണ് ശലഭങ്ങളുടെ നിറമാണ് കാലവർഷം നനയിച്ച പുത്തനുടുപ്പിന്റെ കുളിരാണ് സ്ളേറ്റ് പെൻസിലിൽ മഷിത്തണ്ടുനീര് സൃഷ്ടിക്കുന്ന തെളിവാർന്ന കാലത്തിന്റെ മഹേന്ദ്രജാലമാണ് .................!! ബാല്യം...................................., വളപ്പൊട്ടുകളും മഞ്ചാടിമണികളും നിറഞ്ഞ കളിച്ചെപ്പുകളാൽ നമ്മളും സമ്പന്നരായ കാലമാണ് കരിമഷിക്കണ്ണുകളിൽ ആദ്യമായി മഴവില്ല് കണികണ്ട കാലമാണ് . ആരുമറിയാതയവൾ തന്നിട്ടുപോയ നെല്ലിക്ക കൽക്കണ്ടാമായ്കഴിച്ച മായക്കാലമാണ് . ബാല്യം ................................, ഉച്ചയൂണ് നേരത്തു തല്ലുംപിടിച്ചിട്ട് സ്കൂൾ വിട്ടമാത്രയിൽ കെട്ടിപ്പിടിക്കുന്ന ചങ്ങാതിക്കൂട്ടത്തിൻ കലപിലക്കാലമാണ് . പാതവക്കത്തെ നാട്ടുമാവിൻ ചില്ലത്തലപ്പുകളിൽ കുട്ടിപ്പട്ടാളങ്ങൾ കല്ലും കുറുവടികളുമായി നടത്തുന്ന സമരചരിത്രത്തിൻ വീരഗാഥകളാണ് . ‍ ബാല്യം...................................., സ്കൂളിന്റെ പിന്നാമ്പുറത്തെ വിറകുപുരയിൽനിന്നുയരുന്ന ഉപ്പുമാവിന്റെ ഉന്മാദമാം ഗന്ധമാണ് രണ്ടുകാലിൽ ചാരിവെച്ച തുളവീണ ഒറ്റപ്പലകത്തളികയിൽ വാത്സല്യം ചാലിച്ച അറിവ് വിളമ്പിയ തിളങ്ങുന്ന കണ്ണുള്ള മാഷുമാരുടെ മന്ത്രമൊഴിക്കാലമാണ് ....!! ബാല്യം.......................................,അരണ്ടു കത്തുന്ന മൺവിളക്കിൻ വെളിച്ചത്തിൻ മുഴങ്ങുന്ന അമ്മയുടെ താരാട്ടുപാട്ടിൻ സങ്കീർത്തനങ്ങളാണ് . വിയർത്ത മേൽമുണ്ടിൽ നിന്നുയരുന്ന സ്നിഗ്ദമാം അമ്മിഞ്ഞ മണമാണ് . കുറ്റിരോമങ്ങൾ മുറിവേൽപ്പിക്കുന്ന അച്ഛന്റെ ചക്കരയുമ്മക്കാലമാണ് ...................!! ഇന്ന് ........................................., ഇവയൊക്കെ മടങ്ങിവരാത്ത ജീവന്റെ മാമ്പഴക്കാലമാണ് ................, മാധവ് മനോജ് 8 A ടെക്നിക്കൽ സ്കൂൾ ക്യഷ്ണപുരം കായംകുളം ഉപജില്ല ആലപ്പുഴ അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Sachingnair തീയ്യതി: 05/ 05/ 2020 >> രചനാവിഭാഗം - കവിത