എസ് എൻ യു പി എസ് കൊല്ലായിൽ/അക്ഷരവൃക്ഷം/ചോരുന്ന കൈകൾ

ചോരുന്ന കൈകൾ നാമെന്തു നേടി ഇന്ന് നാം കൂട്ടരേ ഈ കെട്ട കാലം ,നാം പെട്ട കാലം. ആരുംഅറിഞ്ഞില്ല,ആരോടും പറഞ്ഞില്ല  തേടിയിറങ്ങി കൊയ്ത്തു തുടങ്ങി.  വിസയുമില്ല പാസ്സ്പോർട്ടുമില്ല, പൗരത്വം തെളിയിക്കാൻ രേഖയുമില്ല ! വലിപ്പവുമില്ല ചെറുപ്പവുമില്ല- മന്ത്രിയും തന്ത്രിയും പക്ഷമില്ല. മത ജാതി വർഗീയമൊന്നുമില്ല നീതിയിൽ ഈ വ്യാധി കേമൻ തന്നെ. മരുന്നില്ല മന്ത്രവും തന്ത്രവുമില്ല ലോകം പകച്ചു ഭരണം തരിച്ചു. ജനം മരണം വരിച്ചു വ്യാധി ഫണം വിരിച്ചു ദൈവമേ കാക്കുമാറാകണമെന്നാ ജനം കൈ കൂപ്പി നിൽക്കുന്നു പരാശക്തി നമോ. ഇന്നലെ പെയ്ത ബോംബിങ് അഗ്നിനാളങ്ങൾ പിഞ്ചു-പുഞ്ചിരി പൈതങ്ങളെ തിന്നിരുന്നു! ഇന്നലെ ബോംബിട്ടു പൊട്ടിചിരിച്ചവർ ഇന്നിതാ മാളത്തിൽ പെട്ടിരിക്കുന്നു ! വീട്ടിലെ മറകൾ വിരിമാറു തുറന്നപ്പോൾ, ബന്ധുക്കൾ ആരൊക്കെയെന്ന് തിരിച്ചറിഞ്ഞു. പുല്ലുകൾ പുൽച്ചാടി പക്ഷി മൃഗാദികൾ- തലയൊന്നുയർത്തി പുഞ്ചിരിച്ചു . ദുരന്തവും ദുരിതവും നല്കീടുവെങ്കിലും ദൈവമേ കൊറോണയെ ആട്ടിടണേ സോപ്പിട്ടും കൂട്ടിലടച്ചും നീ ഞങ്ങളെ , പരീക്ഷിച്ചു തുടച്ചു നീക്കിടല്ലേ ...   അപർണ BS 7 D എസ് എൻ യൂ പി എസ് കൊല്ലായിൽ പാലോട് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത