സെന്റ് ജോസഫ് സ് എച്ച്. എസ്സ്. എസ്സ്.പുല്ലൂരാംപാറ‍/എന്റെ ഗ്രാമം/നാട്ടുവാർത്തകൾ

ആവേശതാരമായി നീരജ് മാധവ്

കോടഞ്ചേരി∙ മലബാർ റിവർ ഫെസ്റ്റിവൽ രാജ്യാന്തര കയാക്കിങ് ചാംപ്യൻഷിപ്പിന്റെ ഇന്നലത്തെ മുഖ്യാതിഥിയായി എത്തിയ നടൻ നീരജ് മാധവ് കയാക്കിങ് കായികതാരങ്ങൾക്കും ജനത്തിനും ആവേശമായി. വൻ ജനാവലിയാണ് പുലിക്കയത്തെത്തിയത്. ഉച്ചയോടെയെത്തിയ നീരജ് മാധവിനെ ആർപ്പുവിളിയോടെയാണ് ജനം സ്വീകരിച്ചത്. കയാക്കിങ് മേളയ്ക്കെത്തിയകായികതാരങ്ങളോടും മേള കാണാനെത്തിയ ജനത്തിനോടും നീരജ് അഭിനന്ദനം അറിയിച്ചു.പിന്നീടു മൽസരത്തിന്റെ സ്റ്റാർട്ടിങ് വേദിയായ കയാക്കിങ് ഡൈവിങ് റാംപിൽ കയറി മൈക്കെടുത്ത് കായികതാരങ്ങളെ ആവേശം കൊള്ളിക്കാനും വിദേശ-സ്വദേശ കായികതാരങ്ങളോടൊപ്പവും ജനങ്ങളോടൊപ്പം നിന്നും സെൽഫി എടുക്കാനും നീരജ്സമയം ചെലവഴിച്ചു. സെൽഫി എടുക്കുന്നവരുടെ തിക്കിലും തിരക്കിലും ഏറെ നേരം പവിലിയനിലിരുന്നു മത്സരം കണ്ട ശേഷം തുഷാരഗിരിയിലെയും അരിപ്പാറയിലെയും വെള്ളച്ചാട്ടങ്ങളും സന്ദർശിച്ചാണ് നീരജ് മാധവ് മടങ്ങിയത്.

ഏഴാമത് മലബാർ റിവർ ഫെസ്റ്റിവൽ ഉദ്ഘാടനം

സംസ്ഥാന ടൂറിസം വകുപ്പ് സംഘടിപ്പിക്കുന്ന ഏഴാമത് മലബാർ റിവർ ഫെസ്റ്റിവൽ രാജ്യാന്തര വൈറ്റ് വാട്ടർ കയാക്കിങ് ചാംപ്യൻഷിപ് മന്ത്രി കടകംപള്ളി സുരേന്ദ്രൻ ഉദ്ഘാടനം ചെയ്തു. കൊടുവള്ളി ബ്ലോക്ക് പഞ്ചായത്ത് പ്രസിഡന്റ് മൈമുന ഹംസ, പഞ്ചായത്ത് പ്രസിഡന്റുമാരായ ലിസി ചാക്കോ, പി.ടി.അഗസ്റ്റിൻ, കലക്ടർ സാംബശിവറാവു, ജോർജ് എം.തോമസ് എംഎൽഎ, ജില്ലാ പഞ്ചായത്ത് പ്രസിഡന്റ് ബാബു പറശ്ശേരി എന്നിവർ പങ്കെടുത്തു.