ബി.ടി.എം. എച്ച്.എസ്സ്. തുറയൂർ/പ്രവർത്തനങ്ങൾ/2025-26

പ്രവേശനോൽസവം

ബി ടി എം ഹയർ സെക്കൻഡറി സ്കൂൾ തുറയൂർ 2025 -26 അധ്യായന വർഷ പ്രവേശനോത്സവം തുറയൂർ ഗ്രാമപഞ്ചായത്ത് പ്രസിഡണ്ട് സി.കെ ഗിരീഷ് ഉദ്ഘാടനം ചെയ്തു. സ്കൂളിലെ മ്യൂസിക് ക്ലബ്ബിന്റെ ആഭിമുഖ്യത്തിൽ രാജേഷ് തുറയൂരിന്റെ നേതൃത്വത്തിൽ വിവിധ കലാപരിപാടികൾ അരങ്ങേറി.ഉച്ചയ്ക്ക് 2 മണിക്ക് രക്ഷിതാക്കൾക്ക് വേണ്ടി വടകര എക്സൈസ് റേഞ്ച് ഓഫീസർ സി.കെ ജയപ്രസാദ്  ലഹരിയെ കുറിച്ച് ബോധവൽക്കരണ ക്ലാസ് നടത്തി. ചടങ്ങിൽ പി ടി എ പ്രസിഡന്റ് യൂ സി വാഹിദ് മാസ്റ്റർ അധ്യക്ഷം വഹിച്ചു. ഹെഡ് മിസ്ട്രെസ് പികെ സുചിത്ര സ്വാഗതം പറഞ്ഞു. വികസന സ്റ്റാൻഡിങ് കമ്മിറ്റി ചെയർമാൻ രാമകൃഷ്ണൻ, പ്രിൻസിപ്പൽ സന്ധ്യ പി ദാസ്, എം ജയ , സി എ നൗഷാദ്, എം സി നിസാർ , ആർ പി.  ഷോബിദ് , ആർ ശരത് , എ വിജിലേഷ്  എന്നിവർ ആശംസകൾ നേർന്നു.

പരിസ്ഥിതി ദിനം

തുറയൂർ ബി ടി എം ഹയർ സെക്കൻഡറി സ്കൂളിലെ പരിസ്ഥിതി ദിനാഘോഷം വൈവിധ്യമാർന്ന പരിപാടികളോടെ നടത്തി.പ്ലാസ്റ്റിക് നിർമാർജന പരിപാടികൾക്ക് തുടക്കമായി സ്കൂൾ പരിസരത്ത് സേവനമനുഷ്ഠിക്കുന്ന ഹരിത കർമ്മ സേന പ്രവർത്തകരായ ശ്രീമതി റീജ, ശ്രീമതി ഗീത എന്നിവരെ അസംബ്ലിയിൽ ആദരിച്ചു.ഹെഡ്മിസ്ട്രസ് ശ്രീമതി പി. കെ സുചിത്ര ഉത്ഘാടനം നിർവഹിച്ചു. സി എ നൗഷാദ് മാസ്റ്റർ അധ്യക്ഷം വഹിച്ചു. പരിസ്ഥിതി ക്ലബ്ബ് കൺവീനർ സരൂപ കെ പി,. എസ് ആർ ജി കൺവീനർ നിസാർ എം സി ,സീഡ് ക്ലബ് കോർഡിനേറ്റർ അശ്വിൻ ബി എന്നിവർ സംസാരിച്ചു.വിദ്യാർത്ഥികൾക്ക്‌ 8ഡി ക്ലാസ്സിലെ നിഹ റോസ് ലഹരി വിരുദ്ധ പ്രതിജ്ഞ ചൊല്ലുകയും ചെയ്തു. പരിസ്ഥിതി ദിന ക്വിസ് മത്സരത്തിൽ പങ്കെടുക്കുകയും ചെയ്തു.

വായനാദിനം

ബി ടി എം ഹയർ സെക്കന്ററി സ്കൂളിൽ വായനാദിനം ആഘോഷിച്ചു.

സ്കൂളിൽ നടത്തിയ പരിപാടി സ്കൂൾ ഹെഡ്മിസ്ട്രെസ് പികെ സുചിത്ര ഉദ്ഘാടനം നിർവഹിച്ചു. ശ്രീമതി എം ജയ അധ്യക്ഷം വഹിച്ചു.സ്റ്റാഫ് സെക്രട്ടറി സി എ നൗഷാദ് മാസ്റ്റർ മുഖ്യപ്രഭാഷണം നടത്തി. ഷോബിദ് ആർ പി ആശംസകൾ നടത്തി. വിദ്യാർത്ഥികളായ തേജശ്രീ, ശിഫ, ഫിസ ഹനാൻ എന്നിവർ പി എൻ പണിക്കർ അനുസ്മരണ പ്രഭാഷണം നടത്തി. നിസാർ മാസ്റ്റർ സ്വാഗതവും സരൂപ കെ പി നന്ദിയും പറഞ്ഞു.

മോട്ടിവേഷൻ

MOTIVATION CLASS

EDUCARE CLUB ന്റെ നേതൃത്വത്തിൽ പത്താം തരം വിദ്യാർഥികൾക്കായി ശ്രീ മിലെറ്റ് ചാണ്ടിയ‍ുടെ MOTIVATION SPEAK നടന്ന‍ു