"ജി.എൽ..പി.എസ് നൊട്ടപുറം/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ജൂൺ 5 ലോക പരിസ്ഥിതി ദിനത്തോടനുബന്ധിച്ച് കുട്ടികളിൽ പ്രകൃതി സ്നേഹം ഉളവാക്കുന്ന രീതിയിലുള്ള പരിപാടികളാണ് സ്കൂളിൽ സംഘടിപ്പിച്ചത്. അസംബ്ലിയോട് കൂടി പരിപാടികൾക്ക് തുടക്കം കുറിച്ചു .പരിസ്ഥിതി ദിന പ്രതിജ്ഞ അസംബ്ലിയിൽ ചെയ്തു. പ്ലാസ്റ്റിക് മാലിന്യത്തെ കുറിച്ചുള്ള അവബോധം ഉളവാക്കുന്ന തരത്തിലുള്ള പ്രസംഗം ഹെഡ്മാസ്റ്ററും മറ്റ് അധ്യാപകരും കുട്ടികളിൽ പകർന്നു നൽകി. ഒന്നാം ക്ലാസിൽ കുട്ടികളെ പ്രകൃതിയിലേക്ക് ഇറക്കി ഒരു പ്രകൃതി നടത്തം എന്ന പ്രവർത്തനം നടത്തി. ഈ പ്രവർത്തനത്തിലൂടെ കുട്ടികളിൽ വൈവിധ്യമാർന്ന സസ്യങ്ങളെ കുറിച്ച് കൂടുതൽ അറിവ് പകരാൻ കഴിഞ്ഞു. രണ്ടാം ക്ലാസിൽ ചുറ്റുപാടും ഉള്ള സസ്യങ്ങളുടെ ഇലകൾ പരിചയപ്പെടുത്തിക്കൊണ്ട് ഇല പരിചയം എന്ന പ്രവർത്തനമാണ് നടത്തിയത്. മൂന്ന് നാല് ക്ലാസുകളിലെ കുട്ടികൾക്ക് പോസ്റ്റർ നിർമ്മാണവും നടത്തി .തുടർന്ന് മൂന്നു,നാല് ക്ലാസുകളിലെ കുട്ടികൾ വിവിധതരം തൈകൾ കൊണ്ടുവരികയും അധ്യാപകരുടെ സഹായത്തോടെ ജൈവ വൈവിധ്യ ഉദ്യാനത്തിൽ അവ നടുകയും ചെയ്തു. ജൈവവൈവിധ്യ ഉദ്യാനം വൃത്തിയാക്കുകയും ചെയ്തു . സ്കൂൾ ഗ്രൗണ്ടിലെ പ്ലാസ്റ്റിക് മാലിന്യങ്ങൾ കുട്ടികളും അധ്യാപകരും ചേർന്ന് നീക്കം ചെയ്തു. അതിനോട് അനുബന്ധിച്ച് തന്നെ ബക്രീദ് ആഘോഷ പരിപാടികളുടെ  ഭാഗമായി മൂന്ന് നാല് ക്ലാസുകളിലെ കുട്ടികളിൽ മൈലാഞ്ചിയിടൽ മത്സരം നടത്തി.