17:48, 20 ജനുവരി 2024-നു നിലവിലുണ്ടായിരുന്ന രൂപം

ഭൂതക്കുളം

കൊല്ലം ജില്ലയിലെ ചാത്തന്നൂർ മണ്ഡലത്തിൽ ഉൾപ്പെടുന്ന ഒരു ഗ്രാമം ആണ് ഭൂതക്കുളം. പൂതക്കുളമെന്നും ഈ ഗ്രാമം അറിയപ്പെടുന്നു. പരവൂർ മുൻസിപ്പാലിറ്റിയിൽ നിന്നും തെക്ക് ഭാഗത്തായി ഏകദേശം നാല് കിലോമീറ്റർ ദൂരത്തിൽ സ്ഥിതി ചെയ്യുന്ന ഗ്രാമമാണ് ഭൂതക്കുളം. ദേശീയ പാത 66ൽ പാരിപ്പള്ളിയിൽനിന്നും എട്ടു കിലോമീറ്റർ ദൂരത്തിലാണ് ഈ ഗ്രാമം സ്ഥിതി ചെയ്യുന്നത്. പരവൂർ റയിൽവേ സ്റ്റേഷനിൽ നിന്ന് 3.9 കിലോമീറ്ററും വർക്കലയിൽ നിന്ന് 11.4 കിലോമീറ്ററും കൊല്ലത്ത് നിന്ന് 23 കിലോമീറ്ററും അകലെയാണ് ഈ ഗ്രാമം . തിരുവനന്തപുരം ജില്ലയുമായി അതിർത്തി പങ്കിടുന്ന കൊല്ലം ജില്ലയിലെ ഒരു ഗ്രാമം കൂടിയാണ് ഭൂതക്കുളം. ഈ ഗ്രാമത്തിന്റെ വിസ്തീർണ്ണം 16.56 ചതുരശ്ര കിലോമീറ്റർ ആണ് .

ഭൂമിശാസ്ത്രം

കൊല്ലം ജില്ലയുടെ തെക്കേ അറ്റത്ത് ഇടവ നടയറ കായലിനടുത്താണ് ഭൂതക്കുളം സ്ഥിതി ചെയ്യുന്നത്. പടിഞ്ഞാറ് പരവൂർ മുനിസിപ്പാലിറ്റിയും കിഴക്ക് പാരിപ്പള്ളി പഞ്ചായത്തും വടക്ക് ചിറക്കര പഞ്ചായത്തും തെക്ക് തിരുവനന്തപുരം ജില്ലയുമാണ് ഈ ഗ്രാമത്തിന്റെ അതിർത്തികൾ. ഭൂതക്കുളത്തിൻറെ ഉയരം സമുദ്രനിരപ്പിനോട് അടുത്താണ്. ഭൂതക്കുളം ഗ്രാമത്തിലെ പ്രധാന ജല സ്രോതസ്സ് ആണ് പാണാട്ടു ചിറ.

ഗതാഗതം

ഏറ്റവും അടുത്തുള്ള വിമാനത്താവളം തിരുവനന്തപുരംഅന്താരാഷ്ട്ര വിമാനത്താവളവും (49.8 കി.മീ) അടുത്തുള്ള റെയിൽവേ സ്റ്റേഷനുകൾ പരവൂർ റയിൽവേ സ്റ്റേഷനും (4.5 കി.മീ.) വർക്കല ശിവഗിരി (13 കി.മീ.)റയിൽവേ സ്റ്റേഷനുമാണ്. ഭൂതക്കുളം റോഡുകളിലൂടെ സമീപ പ്രദേശങ്ങളുമായി നന്നായി ബന്ധപ്പെട്ടിരിക്കുന്നു. ഭൂതക്കുളത്തിലൂടെ കടന്നുപോകുന്ന പ്രധാന റോഡ് പരവൂർ-പാരിപ്പള്ളി റോഡാണ്. റോഡ്‌ ഗതാഗതം പ്രധാനമായും സ്വകാര്യ ട്രാൻസ്പോർട്ട് ബസ് ഓപ്പറേറ്റർമാരും സംസ്ഥാന ഉടമസ്ഥതയിലുള്ള കേരള സ്റ്റേറ്റ് റോഡ്‌ ട്രാൻസ്പോർട്ട് കോർപറേഷനുമാണ് നൽകുന്നത്. ഭൂതക്കുളത്തിലൂടെ കടന്നുപോകുന്ന പ്രധാന റോഡ് പരവൂർ-പാരിപ്പള്ളി റോഡാണ്.

പ്രധാന റോഡുകൾ

പരവൂർ - പാരിപ്പള്ളി റോഡ്
ഭൂതകുളം- ഊന്നിൻമൂട്- വർക്കല റോഡ്
ആലിൻമൂട്- ഒഴുകുപാറ റോഡ്
വെട്ടുവിള - കലക്കോട്
കലക്കോട് - ഭൂതക്കുളം

വ്യവസായം

കയർ, കശുവണ്ടി, കൈത്തറി എന്നിവയാണ് ഭൂതക്കുളത്തെ പ്രധാന വ്യവസായങ്ങൾ.

സംസ്കാരം

ഭൂതക്കുളത്തിന് സമ്പന്നമായ സാംസ്കാരിക പൈതൃകമുണ്ട്. ഗ്രാമത്തിൽ നിരവധി ലൈബ്രറികളും സാംസ്കാരിക കൂട്ടായ്മകളും സംഘടനകളും അടങ്ങിയിരിക്കുന്നു.

ശങ്കരപ്പിള്ള സ്മാരക ഗ്രന്ഥശാല, ഗാന്ധിസ്മാരക വായനശാല, സാംസ്കാരിക നിലയം കോട്ടുവൻകോണം എന്നിവ ചില പ്രധാന ഗ്രന്ഥശാലകളാണ്.

ഭൂതക്കുളം ഗ്രാമത്തിൽ ധാരാളം ആനകൾ ഉണ്ട്.

വായനശാലകൾ

ശങ്കരപ്പിള്ള സ്മാരക വായനശാല
പ്രിയദർശിനി മെമ്മോറിയൽ ലൈബ്രറി & റീഡിംഗ് റൂം
പബ്ലിക് ലൈബ്രറി, കൊട്ടുവൻകോണം
ഗാന്ധി മെമ്മോറിയൽ റീഡിംഗ് ക്ലബ് & ലൈബ്രറി, കലക്കോട്
വായനശാല, പാറവിള
യുവരശ്മി ആർട്സ് & സ്പോർട്സ് ക്ലബ്, ലൈബ്രറി & റീഡിംഗ് റൂം ആലിൻമൂട് (പഞ്ചായത്ത് ഓഫീസ് ജംഗ്ഷൻ)