അൽ ഫാറൂഖിയ്യ ഹയർ സെക്കന്ററി സ്കൂൾ ചേരാനല്ലൂർ/പ്രൈമറി

സ്കൂൾ

സൗകര്യങ്ങൾ

പ്രവർത്തനങ്ങൾ

പ്രൈമറി

എച്ച്.എസ്

എച്ച്.എസ്.എസ്.

ചരിത്രം

അംഗീകാരം

അനുഭവങ്ങളുടെ വൈവിധ്യം നിറച്ചാർത്ത് പകർന്ന് ഉപരിപഠനത്തിന് അടിത്തറയാകേണ്ട പൂങ്കാവനമായിരിക്കണം പ്രൈമറി വിദ്യാലയം. പാഠപുസ്തകത്തോടൊപ്പം പൂരകമാവേണ്ടവയാണ് സർഗവാസനകളും. എഴുതാനും വരക്കാനും പാടാനും ആടാനും നിരീക്ഷിക്കാനും ആവിഷ്കരിക്കാനും ചോദ്യങ്ങൾ ചോദിക്കാനും വിദ്യാർത്ഥി നിപുണനാവുന്നത് ഈയൊരു പശ്ചാത്തലത്തിലാണ്. അറിവിന്റെ പ്രയോഗത്തിനും ആരോഗ്യകരമായ മനോഭാവ രൂപീകരണത്തിനും ഉത്തേജകമാവുന്നു വൈവിധ്യമാർന്ന വിദ്യാലയാനുഭവങ്ങൾ. അക്കാദമിക് മികവിന്റെ പരമോന്നതി പാഠ്യ സഹപാഠ്യ പ്രവർത്തനങ്ങളുടെ വിജയകരമായ വിളക്കിച്ചേർക്കലിലൂടെ മാത്രമേ സാധ്യമാവുകയുള്ളൂവെന്ന് അൽഫാറൂഖിയ വിശ്വസിക്കുന്നു.

എഴുപത്തിഅഞ്ച് വർഷം പിന്നിട്ട ചേരാനെല്ലൂർ അൽഫാറൂഖിയ ഹയർസെക്കന്ററിസ്കൂൾ ഈയൊരു കാഴ്ചപ്പാടിലാണ് ഓരോ വിദ്യാലയ പ്രവർത്തനങ്ങളും ക്രമീകരിച്ചിരിക്കുന്നത്. ദൈനം ദിന ക്ലാസ് റൂം പ്രവർത്തനങ്ങളോടൊപ്പം കലാ കായിക മേളകൾ, ശാസ്ത്ര-ഗണിതശാസ്ത്ര-സാമൂഹികശാസ്ത്ര-പ്രവൃത്തി പരിചയ-ഐ.ടി മേളകൾ, ക്വിസ് മൽസരം, ദിനാചരണം, ഓണം-ക്രിസ്തുമസ്-ഈദ് ആഘോഷങ്ങളോടനുബന്ധിച്ചുള്ള മൽസരങ്ങൾ, പഠനക്യാമ്പ്, ഫീൽഡ് ട്രിപ്പ്, തനതു പ്രവർത്തനം, പരിഹാരബോധനം, സ്കൂൾ സ്പോർട്സ് & ഗെയിംസ്, വാർഷികാഘോഷം തുടങ്ങിയവയിലൂടെ സമ്പന്നമായ അനുഭവങ്ങൾ പ്രദാനം ചെയ്തതുകൊണ്ടാണ് വിദ്യാലയം മുന്നോട്ട് പോയി കൊണ്ടിരിക്കുന്നത്

സമൂഹത്തിന്റെ അരിച്ചെടുക്കപ്പെടാത്ത പരിച്ഛേദമായ പൊതുവിദ്യാലയത്തിൽ രൂപപ്പെടുന്ന വൈവിധ്യമാർന്ന ഇത്തരം കൂട്ടായ്മകളിലൂടെ അറിഞ്ഞും തിരിച്ചറിഞ്ഞും, കൊണ്ടും കൊടുത്തുമുള്ള പങ്കുവെക്കലിലൂടെയാണ് പഠനം നിർവഹിക്കപ്പെടേണ്ടത് എന്നും കേവലമായ അറിവിനും പുറം കാഴ്ചകൾക്കുമപ്പുറം തിരിച്ചറിവിനും ഉൾക്കാഴ്ചക്കുമാണ് പ്രാധാന്യം നൽകപ്പെടേണ്ടത് എന്നതും സാക്ഷ്യപ്പെടുത്തുന്നതാണ് അൽഫാറൂഖിയയിലെ മികവിന്റെ ഓരോ മുദ്രകളും.

ഞങ്ങളുടെ അധ്യാപകർ

ക്രമ നമ്പർ	പേര്	തസ്തിക	യോഗ്യത	അധിക ചുമതല	ചിത്രം
1	നിയാസ്. യു.എ	യു.പി.എസ്.ടി	ടി.ടി.സി ,ബി എ ഹിസ്റ്ററി	എസ്. ആർജി കൺവീനർ ഗണിതശാസ്ത്ര ക്ലബ് കൺവീനർ പ്രവൃത്തി പരിചയ ക്ലബ്
2	ഫാത്തിമ സുൽത്താന	യു.പി.എസ്.ടി
3	ശ്രീദേവി .ടി.	യു.പി.എസ്.ടി	ബി.എസ്.സി നാച്വറൽ സയൻസ് ബി.എഡ്	സയൻസ് ക്ലബ് കൺവീനർ നൂൺമീൽ ചാർജ്
4	സിന്ധു. പി.പി.	യു.പി.എസ്.ടി	ബി.എ എകണോമിക്സ് ബി.എഡ്	ഗൈഡ്സ് ചാർജ് സാമൂഹ്യ ശാസ്ത്ര ക്ലബ് കൺവീനർ
5	അബദുൽ ജലീൽ കെ.എം		ബി.എ ഹിന്ദി ബി.എഡ്	കലോത്സവം ഉച്ചഭക്ഷണം സ്കൂൾ സുരക്ഷ സമിതി സ്കൗട്ട് മാസ്റ്റർ

പത്തിനൊപ്പം പത്തു തൊഴിൽ

നമ്മുടെ സ്കൂളിൽ പത്താം ക്ലാസ് പഠിച്ചിറങ്ങുന്ന ഓരോ വിദ്യാർത്ഥിയും ഏതെങ്കിലും ഒരു കൈ തൊഴിൽ പരിശീലിച്ചേ ഇവിടുന്ന് ഇറങ്ങാവൂ എന്ന സ്കൂളിന്റെ ലക്ഷ്യത്തിന്റെ ഭാഗമായി പത്തിനൊപ്പം പത്ത് തൊഴിൽ എന്ന പ്രവർത്തനം സ്കൂളിൽ നടന്നു വരുന്നു.ഇതിന്റെ ഭാഗമായി എൽ ഇ ഡി ബൾബ് നിർമ്മാണം ചോക്ക് നിർമ്മാണം, പെനോയിൽനിർമ്മാണം ,ഹാൻഡ് വാഷ്,ഡിഷ് വാഷ്, ബുക്ക് ബൈന്റിംഗ് തുടങ്ങിയ വിവിധ ഇനങ്ങളിലായി വിദ്യാർത്ഥികൾക്ക് പരിശീലനം നൽകി വരുന്നു. ഇതിനു കീഴിൽ  രക്ഷിതാക്കൾക്കും പരിശീലനം നൽകുകയും ഒരു സ്വയം തൊഴിൽ എന്ന രൂപത്തിൽ അത് വികസിപ്പിച്ചെടുത്ത് അതിൽ നിന്നും വരുമാനം നേടുന്ന രൂപത്തിലേക്ക് രക്ഷിതാക്കളെ വളർത്തിയെടുക്കാൻ  സാധിച്ചു എന്നത് സ്കൂളിനെ സംബന്ധിച്ചിടത്തോളം അഭിമാനാർഹമാണ്

പഞ്ച ഭാഷ അസംബ്ലി

ഏതൊരു സ്കൂളിലും സാധാരണ നടന്നുവരുന്ന ഒന്നാണല്ലോ സ്കൂൾ അസംബ്ലി കുട്ടികളിലെ അച്ചടക്കം സ്വഭാവരൂപീകരണം മൂല്യബോധം വളർത്തിയെടുക്കുക എന്ന ലക്ഷ്യത്തോടെ നടപ്പിലാക്കുന്നഭാഷാവൈവിധ്യം വളർത്തുക എന്ന ഉദ്ദേശത്തോടെ  നടപ്പിലാക്കുന്ന അസംബ്ലിയിൽ മലയാളം ഇംഗ്ലീഷ് ഹിന്ദി അറബി സംസ്കൃതംഎന്നീ പഞ്ച ഭാഷകളിലൂടെ അസംബ്ലി സംഘടിപ്പിച്ചു പോരുന്ന വിദ്യാലയമാണിത

പ്രാർത്ഥന മുതൽ അവസാനം വരെ അതാതു ഭാഷകളിൽ അസംബ്ലി സംഘടിപ്പിച്ച് മികവ് തെളിയിക്കാൻ കുട്ടികൾക്ക് സാധിച്ചുവെന്നത് അഭിമാനത്തോടെ പറയാൻ കഴിയും.കൊറോണ 19 ന്റെ പശ്ചാത്തലത്തിൽ കുട്ടികൾ ഓൺലൈൻ പ്ലാറ്റ്ഫോമിലേക്ക് പൂർണ്ണമായും ചേക്കേറിയ സമയത്തും ഓൺലൈനിലൂടെ സ്കൂൾ അസംബ്ലി സംഘടിപ്പിച്ച വിദ്യാലയമാണ് അൽഫാറൂഖിയ

രുചിയേറും ഭക്ഷണം മതിവരോളം

കുട്ടികളുടെ ആരോഗ്യത്തിന് ഗുണകരമായ രീതിയിൽ ശാരീരികവും മാനസികവും ബുദ്ധിപരവുമായ വളർച്ചയെ സ്വാധീനിക്കുന്ന തരത്തിലുള്ള പോഷകസമൃദ്ധമായ ഭക്ഷണം നൽകുന്നതിൽ അൽഫാറൂഖിയ ഹയർസെക്കൻഡറി സ്കൂളിലെ ഉച്ചഭക്ഷണ കമ്മിറ്റി വളരെയേറെ  ശ്രദ്ധ പുലർത്തി പോരുന്നു. പച്ചക്കറികളും ഇലക്കറികളും പുറമേ കുട്ടികളുടെ മനസ്സറിഞ്ഞ് നോൺവെജ് ഭക്ഷണവും രുചികരമായ രീതിയിൽ തയ്യാറാക്കി നൽകുന്നു സാധാരണക്കാരുടെയും പാവപ്പെട്ടവരുടെയും മക്കൾ മാത്രം പഠിയ്ക്കുന്ന ഈ സ്കൂളിൽ മീൻകറി ബിരിയാണി നെയ്ച്ചോർ കബ്സമുതലായ ഭക്ഷണം നൽകുന്നതിൽ വളരെയേറെ ശ്രദ്ധ പുലർത്തി പോരുന്നു . ഭക്ഷണത്തിന് വേണ്ട മീൻ ഇറച്ചി മുതലായവ സ്പോൺസർ ചെയ്യുന്നത് ഇവിടത്തെ അദ്ധ്യാപകർ തന്നെയാണ് എന്നത് ഞങ്ങൾ അഭിമാനത്തോടെ പറയട്ടെ .ആഴ്ചയിലൊരു ദിവസം പാൽ മുട്ട നേന്ത്രപ്പഴം എന്നിവയും നൽകുന്നുണ്ട് .ഉച്ച ഭക്ഷണം പാകം ചെയ്യുന്നതിനും വിതരണം ചെയ്യുന്നതിനും പി ടി എ  യുടെ സഹകരണം എടുത്തുപറയേണ്ടത് ആകുന്നു

സൈക്കിൾ പരിശീലനം 

സ്കൂളിലെ മുഴുവൻ വിദ്യാർഥികൾക്കു സൈക്കിൾ പരിശീലനം നൽകുന്നതിനായി സ്കൂളിൽ സംഘടിപ്പിച്ച  5 സൈക്കിൾ ഉപയോഗിച്ച് മുഴുവൻ വിദ്യാർഥികൾക്കും സൈക്കിൾ പരിശീലനം നൽകി വരുന്നു  പകുതിയിലധികം വിദ്യാർഥികൾക്കും സൈക്കിൾ അറിയില്ല എന്നുള്ള തിരിച്ചറിവിന്റെ അടിസ്ഥാനത്തിൽ നിന്നാണ് ഇങ്ങനെ ഒരു ആശയം ഉയർന്നുവന്നത് സൈക്കിൾ പരിശീലനത്തിന് ശ്രീദേവി ടീച്ചർ ടീച്ചർ ഫാത്തിമ ടീച്ചർ ജലീൽ സാർ എന്നിവർ നേതൃത്വം നൽകി വരുന്നു

നീന്തൽ പരിശീലനം

സ്കൂളിൽ പഠിക്കുന്ന വളരെ കുറഞ്ഞ വിദ്യാർഥികൾക്ക് മാത്രമേ നീന്തൽ അറിയുകയുള്ളൂ എന്നതിൻറെ അടിസ്ഥാനത്തിൽ രക്ഷിതാക്കളുടെയും പൂർവ്വവിദ്യാർത്ഥികളുടെ സഹകരണത്തോടുകൂടി സ്കൂളിനടുത്തുള്ള കുളത്തിൽ വച്ച് നീന്തൽ പരിശീലനം നൽകി പുതിയ കാലത്തെ വിദ്യാർഥികൾക്ക് നീന്തൽ പരിശീലനത്തിനുള്ള അവസരങ്ങളുടെ കുറവ് കാരണം ഭൂരിപക്ഷം വിദ്യാർഥികൾക്കും നീന്തൽ അറിയില്ല എന്നതിൽനിന്നും  സ്കൂളിൽ സംഘടിപ്പിച്ച നീന്തൽ പരിശീലനം വളരെയധികം ജനശ്രദ്ധ നേടിയെടുക്കാൻ സാധിച്ചു യുപി വിഭാഗത്തിലെ ഏകദേശം മുഴുവൻ വിദ്യാർഥികൾക്കും നീന്തൽ പഠിപ്പിച്ചു കൊടുക്കാൻ സാധിച്ചു എന്നത് ഈ പരിപാടിയുടെ വിജയം ആയി  വിലയിരുത്തുന്നു പരിശീലന പ്രവർത്തനങ്ങൾക്ക് രക്ഷിതാക്കളായ .........   എന്നിവർ നേതൃത്വം നൽകി

ടാലന്റ് ഹണ്ട്

കുട്ടികളിൽ അന്തർലീനമായ സർഗവാസനകളെ വികസിപ്പിക്കുക സഭാകമ്പം മാറ്റിയെടുക്കുക എന്ന ലക്ഷ്യത്തോടെ നടപ്പിലാക്കിയ വളരെ ജനകീയ ജനശ്രദ്ധ പിടിച്ചു പറ്റിയ ഒന്നാണ് ടാലന്റ് ഹണ്ട്.സംഗീതം നാടകം നൃത്തം ഒപ്പന ദഫ്മുട്ട് ചിത്രകല പാഴ് വസ്തുക്കൾ കൊണ്ടുള്ള ആർട്ട് വർക്കുകൾ തുടങ്ങിയ ഒട്ടേറെ കലകളുടെ പരിശീലനം നടത്തി പോരുന്നു.പ്രശസ്ത നൃത്ത പരിശീലകൻ ശ്രീ ശിവൻ പഴംതോട്ടം , ഒപ്പന പരിശീലകൻ ശ്രീ മജീദ് മാഷ് ഇടപള്ളി ദഫ്മുട്ട് അറബനമുട്ട് പരിശീലകൻ ശ്രീ നസ്റുദ്ധീൻ തങ്ങൾ നാടക പരിശീലകൻ പ്രഭാകരൻ നമ്പ്യാർ ചിത്രകലാ അധ്യാപകൻ ശ്രീ ജ്യോതി മാഷ് എന്നിവരുടെ സഹായസഹകരണങ്ങൾ ലഭിച്ചു പോരുന്നു. സബ്ജില്ല ജില്ല കലോത്സവങ്ങളിലും അതുപോലെതന്നെ സംസ്ഥാന കലോത്സവത്തിലും സമ്മാനങ്ങൾ നേടി കൂട്ടാൻ ഈ കുട്ടികൾക്ക് സാധിച്ചിട്ടുണ്ട്

നാടകക്കളരി

രംഗകലയുടെ ബാലപാഠങ്ങൾ നുകരാനും പാഠങ്ങൾ ലളിതമായ രീതിയിൽ ആവിഷ്കരിക്കാനും അരങ്ങിന്റെ മധുരവുമായി സ്കൂളിൽ സംഘടിപ്പിച്ച നാടക കളരി ശ്രദ്ധേയമായി .കുട്ടികൾക്ക് നാടക ചരിത്രം പഠിക്കാനും നാടകത്തിലൂടെ സാമൂഹിക വിഷയങ്ങളിൽ പ്രതികരിക്കാനുമുള്ള സാധ്യത ലക്ഷ്യമിട്ടാണ് നാടകക്കളരി ഒരുങ്ങിയത് പഴമയുടെ ഓർമ്മകളുണർത്തി പുതിയകാലത്തെ നന്മയും വെളിച്ചവും വീശി കൊണ്ടാണ് നാടകക്കളരി മുന്നോട്ടു ഗമിച്ചുകൊണ്ടിരിക്കുന്നത്

കളിയരങ്ങ്

കോവിഡ് മൂലം സ്കൂളുകൾ അടച്ചു പൂട്ടിയ സാഹചര്യത്തിൽ ഇനി എന്ത് എന്ന ചോദ്യവുമായി രക്ഷിതാക്കളും വിദ്യാർത്ഥികളും പകച്ച് നിൽക്കുന്ന അവസരത്തിൽ കളിയരങ്ങ് 19എന്ന പേരിൽ ഓരോക്ലാസ്സിനും വ്യത്യസ്ത ഗ്രൂപ്പ് ഫോം ചെയ്ത് കുട്ടികളുടെ മാനസിക ഉല്ലാസവും ബുദ്ധി വികാസം ഉണ്ടാക്കുന്ന തരത്തിലുള്ള പ്രവർത്തനങ്ങൾ നൽകി രക്ഷിതാക്കളുടെയും  കുട്ടികളുടെയും പ്രശംസ പിടിച്ചുപറ്റിയ സ്ഥാപനമാണ് അൽ ഫാറൂഖിയ ഹയർ സെക്കൻഡറി സ്കൂൾ ഇതിലൂടെ ബോട്ടിൽ ആർട്ട്, സാൻഡ് വർക്ക് ,ഗിൽറ്റ് വർക്ക്, കോട്ടൺ വർക്ക് ,വൂൾ വർക്ക്, ബ്രാൻവർക്ക് ,സീഡ് വർക്ക് ,ബാംഗിൾ വർക്ക് ,വിവിധ ഭാഷകളുടെ ആശയം മനസ്സിലാക്കി കളർ പെയിൻറ് നൽകി അയക്കുക ,അതുപോലെ കണക്കിലെ കളികൾ , കുസൃതി ചോദ്യങ്ങൾക്ക് ഉത്തരം നൽകി അയക്കുക തുടങ്ങിയ മാനസികവും ശാരീരികവും ബുദ്ധിപരവുമായ വികാസങ്ങൾ ഉണ്ടാകുന്ന ഒട്ടേറെ പ്രവർത്തനങ്ങൾ നൽകാൻ കഴിഞ്ഞു.

തായ്ക്കോണ്ടോ പരിശീലനം

പഞ്ചായത്തിൻറെ സഹകരണത്തോടെ കേരള സർക്കാരിൻറെ സംരംഭമായ തായ്ക്കോണ്ടോ പരിശീലനം സ്കൂളിൽ നടന്നു വരുന്നു പെൺകുട്ടികൾക്ക് മാത്രം പരിശീലനം നൽകുന്നത് കൊണ്ട് ഇതിൻറെ ഉദ്ദേശലക്ഷ്യങ്ങൾ നമുക്ക് ഊഹിക്കാൻ ഇന്ന് പത്രമാധ്യമങ്ങളിലൂടെ കണ്ണോടിച്ചാൽ എവിടെയും കാണപ്പെടുന്നത് ഭയാനകവും ഭീതിജനകമായ വാർത്തകളാണ് പെൺകുട്ടികളുടെ സ്വയം രക്ഷയ്ക്ക് വേണ്ടി നടപ്പാക്കിവരുന്ന ഈ കളരിയിൽ ഇരുപതോളം പെൺകുട്ടികൾ പരിശീലനം നേടുന്നുണ്ട്

സീഢിയാം ചഢേം ആഗെ ബഢേം

ഹിന്ദി ലളിതവും ആസ്വാദ്യകരവുമാക്കുക എന്ന ലക്ഷ്യത്തോടെ  സ്കൂളിൽ നടപ്പിലാക്കിയ പുതിയ പദ്ധതിയാണ്സീഢിയാം ചഢേം ആഗെ ബഢേം . ഇതിൽ അക്ഷരവൃക്ഷം, കളികളിലൂടെ പഠനം,  ഭാഷയിൽപദ പൂക്കളം, എന്റെ ഈണം എന്ന പേരിൽ ഹിന്ദി കവിതകൾ ആശയം മനസ്സിലാക്കി ഇഷ്ടപ്പെട്ട ഈണത്തിൽ സിനിമാഗാനംമാപ്പിള ഗാനം എന്നിവയുടെ ഈണത്തിൽ അവതരിപ്പിക്കൽ ആജ് ക ശബ്ദ് അഥവാ ഇന്നത്തെ വാക്ക് എന്ന നാമത്തിൽ ഓരോ ദിവസവും ഓരോ വാക്ക് എന്ന ക്രമത്തിൽ നോട്ടീസ് ബോർഡിൽപ്രദർശിപ്പിക്കുകയും ഇതിലൂടെ സ്കൂൾ പ്രവർത്തി ദിനങ്ങളുടെ എണ്ണത്തിന്റെ അത്രയും വാക്കുകൾ ഹൃദിസ്ഥമാക്കാൻ കുട്ടികൾക്ക് സാദിക്കുകയും ചെയ്യുന്നു

പുസ്തക വണ്ടി

കോവിഡ് മഹാമാരി പടർന്നുപിടിച്ച  സാഹചര്യത്തിൽ വിദ്യാർഥികൾക്ക് വീട്ടിൽ നിന്ന് പുറത്തിറങ്ങാൻ സാധിക്കാതെ വന്നപ്പോൾ  വായനയെ പരിപോഷിപ്പിക്കുക എന്ന ലക്ഷ്യത്തോടുകൂടി സ്കൂൾ ലൈബ്രറിയിലെ പുസ്തകങ്ങൾ വിദ്യാർത്ഥികളുടെ വീടുകളിലേക്ക് എത്തിക്കുന്നതിനും സ്കൂളിലെത്തിയ പാഠപുസ്തകങ്ങൾ കോവിഡ കാരണം സ്കൂളിൽ വരാൻ സാധിക്കാത്ത വരുടെ വീടുകളിലേക്ക് എത്തിക്കുന്നതിനും ഉള്ള നൂതനമായ ഒരു പദ്ധതിയായിരുന്നു പുസ്തക വണ്ടി.പുസ്തക വണ്ടിയുടെ ഉദ്ഘാടനം   ബഹുമാനപ്പെട്ട ഹൈബി ഈഡൻ നിർവ്വഹിച്ചിരുന്നു.ആഴ്ചയിലൊരിക്കൽ  ഓരോ റൂട്ടിലൂടെ ലൈബ്രറി പുസ്തകങ്ങളുമായി വണ്ടി പുറപ്പെടുകയും ആദ്യം നൽകിയത് തിരിച്ചു വാങ്ങുകയും പുതിയത് നൽകുകയും ചെയ്യുന്ന രൂപത്തിലായിരുന്നു പദ്ധതി പ്ലാൻ ചെയ്തിരുന്നത് . ഇതിലൂടെ അമ്മ വായനക്കുള്ള അവസരവും കൂടി നൽകുകയായിരുന്നു .പുസ്തക വണ്ടിയാത്രയിൽ സ്കൂൾ ലൈബ്രറിയിലേക്ക് കുറേ പുസ്തകങ്ങൾ സംഘടിപ്പിക്കാനും സാധിച്ചു എന്നത് ഈ പുസ്തകവണ്ടിയുടെ വിജയമായി വിലയിരുത്തുന്നു സമൂഹത്തിലെ നാനാ തുറകളിലുള്ള ആളുകളിൽ നിന്നും സ്ഥാപനങ്ങളിൽ നിന്നും വണ്ടിയിലേക്ക് പുസ്തകങ്ങൾ ശേഖരിക്കാൻ സാധിക്കുകയും ആ പുസ്തകങ്ങൾ സ്കൂൾ ലൈബ്രറിയിലേക്ക് കൂട്ടിച്ചേർക്കുകയും ചെയ്തു

വിത്ത് പേന നിർമ്മാണം

"പ്ലാസ്റ്റിക് വിമുക്ത സ്കൂൾ ക്യാമ്പസ്" എന്ന ആശയം മുൻനിർത്തി കൊണ്ട്  പ്ലാസ്റ്റിക് പേനകൾ ഒഴിവാക്കുക എന്ന ലക്ഷ്യത്തോടെ ഓരോ വിദ്യാർഥിക്കും ആവശ്യമായ പേനകൾ സ്കൂളിൽ നിന്ന് വിതരണം ചെയ്യുന്ന പദ്ധതിയാണ് വിത്ത് പേന .ഈ പേന ആവശ്യം കഴിഞ്ഞ് വലിച്ചെറിയുമ്പോൾ അതിൽ ഉള്ളടക്കം ചെയ്തിട്ടുള്ള വിത്ത് മുളക്കും എന്നുള്ളത് കൂടി വരുമ്പോൾ കൂടുതൽ പരിസ്ഥിതി സൗഹൃദമായ ഒരു പേന ആയി മാറുകയായിരുന്നു സ്കൂളിലെ വിത്ത് പേന.സ്കൂൾ സ്റ്റോറിൽ നിന്നും  വളരെ വില കുറച്ച് ലഭിക്കുന്ന ഈ പേനകളായിരുന്നു മുഴുവൻ വിദ്യാർത്ഥികളും സ്കൂളിൽ ഉപയോഗിച്ചിരുന്നത് . വിത്ത് പേന പദ്ധതിക്ക്  നിയാസ് യു ,എ കെ അബ്ദുൽ ജലീൽ, ഫാത്തിമ സുല്ത്താന, ശ്രീദേവി, മുഹമ്മദ് റഫീഖ് എന്നിവരുടെ നേതൃത്വത്തിൽ ഓരോ ക്ലാസിലെയും കുട്ടികൾ അവർക്കാവശ്യമായ വിത്ത് പേന ഉണ്ടാക്കുകയും സ്കൂൾ സ്റ്റോറിലേക്ക് തങ്ങളുടെ ക്ലാസിന്റെ സംഭാവനയായി നൽകുകയും ചെയ്തു

സോപ്പ് നിർമ്മാണം

ഏഴാം ക്ലാസിലെ സയൻസ് പാഠപുസ്തകത്തിലെ  സോപ്പ് നിർമാണത്തെ ആസ്പദമാക്കി കൊണ്ട്  വർക്ക് എക്സ്പീരിയൻസ് ക്ലബ്ബിന്റെ നേതൃത്വത്തിൽ സ്കൂളിൽ സോപ്പ് നിർമാണ പരിശീലനം സംഘടിപ്പിച്ചു . മുഴുവൻ കുട്ടികൾക്കും സോപ്പ് നിർമ്മാണം പഠിക്കാനുള്ള അവസരം നൽകുകയും അതിനാവശ്യമായ വസ്തുക്കൾ സ്കൂളിൽ നിന്ന് ലഭ്യമാക്കുകയും  ചെയ്യുവാൻ ഈ ക്ലബ്ബിന് സാധിച്ചു. തീർത്തും പരിസ്ഥിതിസൗഹൃദ വസ്തുക്കൾ ഉപയോഗിച്ചായിരുന്നു സോപ്പ് നിർമ്മിച്ചത്. സോപ്പ് നിർമാണപ്രവർത്തനങ്ങൾക്ക് നവാസ് യു, സുമേഷ് കെ, സിന്ധു എന്നിവർ നേതൃത്വം നൽകി

അക്ഷരദീപം

പഠനത്തിൽ പിന്നോക്കം നിൽക്കുന്ന വിദ്യാർത്ഥികൾക്ക്  മലയാളം ഇംഗ്ലീഷ് ഹിന്ദി ഗണിതം  എന്നീ വിഷയങ്ങളിൽ  പ്രാഥമികമായി അറിയേണ്ട കാര്യങ്ങൾ  പഠിപ്പിച്ചെടുക്കുന്നതിനായി രൂപീകരിച്ച പദ്ധതിയാണ് അക്ഷരദീപം .വിനോദവും വിജ്ഞാനവും നിറഞ്ഞ പഠനാനുഭവങ്ങൾ വിദ്യാർഥികൾക്ക് സ്കൂൾ സമയത്തിനുശേഷം 4 മുതൽ 5 വരെയുള്ള സമയത്ത് നൽകുകയായിരുന്നു ഇതിലൂടെ കോവിഡിന് മുമ്പ്ചെയ്തത് . ഈ പദ്ധതി പിടിഎ ഭാരവാഹികൾ രക്ഷിതാക്കൾ അധ്യാപകർ എന്നിവരുടെ പൂർണ്ണ പിന്തുണയോടെ കൂടി പിന്നോക്കം നിൽക്കുന്ന കുട്ടികളെ മുൻനിരയിൽ എത്തിക്കാൻ സാധിച്ചു എന്നത് വളരെ അധികം അഭിമാനം നൽകുന്ന നിമിഷങ്ങൾ ആയി മാറി