ജി.യു.പി.എസ്.നരിപ്പറമ്പ്/ക്ലബ്ബുകൾ

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

വായനാ ക്ലബ്ബ്

നിറവറിവ്

മികച്ച രീതിയിൽ ചിട്ടയോടെ പ്രവർത്തിക്കുന്ന ഒരു ലൈബ്രറി ഈവിദ്യാലയത്തിലുണ്ട്. ഗവൺമെന്റിൽനിന്നും കിട്ടുന്ന ഫണ്ടിനു പുറമേ ജനപങ്കാളിത്തം കൂടി ഉറപ്പാക്കി വിവിധകാലഘട്ടങ്ങളിൽ ലൈബ്രറി വികസിപ്പിച്ചിട്ടുണ്ട്. 2019 ൽ പൂർവ വിദ്യാർത്ഥിയും എഴുത്തുകാരനുമായ ഇ. കരുണാകരൻ 25,000 രൂപ സംഭാവന നൽകിക്കൊണ്ട് ലൈബ്രറി നവീകരണത്തിന് വീണ്ടും തുടക്കമിട്ടു .നിരവധി രക്ഷിതാക്കൾ ഇതിന് പിന്തുണ നൽകി. പിറന്നാളിനൊരു പുസ്തകം എന്ന പരിപാടിയിലൂടെ കുട്ടികളും ലൈബ്രറി ശാക്തീകരണത്തിൽ പങ്കാളികളായി. ഇതുവഴി ആവർഷത്തിൽ പുസ്തകങ്ങൾ ഗണ്യമായി വർധിപ്പിക്കാൻ കഴിഞ്ഞു. ഇപ്പോൾ ഏകദേശം 6000 ത്തോളം പുസ്തകങ്ങളുണ്ട്. വിവിധ വിഭാഗങ്ങളിലായി ഈ പുസ്തകങ്ങൾ തരം തിരിച്ച് വച്ചിട്ടുണ്ട് .വായനയുമായി ബന്ധപ്പെട്ട നിരവധി പ്രവർത്തനങ്ങൾ കുട്ടികൾക്ക് വേണ്ടി വിദ്യാലയം ഒരുക്കുന്നുണ്ട്. കൃത്യമായി പുസ്തകങ്ങൾ എടുക്കുകയും കുറിപ്പുകൾ തയ്യാറാക്കുകയും ചെയ്യുന്നു. കൂടുതൽ പുസ്തകങ്ങൾ വായിച്ച് വായനാ കുറിപ്പ് തയ്യാറാക്കുന്നവർക്ക് സമ്മാനവും നൽകുന്നു.വായനയിൽ കൂടുതൽ താല്പര്യമുള്ള കുട്ടികൾക്കായി വായനാക്കൂട്ടം രൂപീകരിച്ചിരിക്കുന്നു.വിശിഷ്ടാതിഥി കൊപ്പം വായനക്കൂട്ടം എന്ന പരിപാടിയിൽ ഒരു സാഹിത്യകാരനുമായി സംവദിക്കാൻകുട്ടികൾക്ക് അവസരം നൽകുന്നു. സ്കൂളിന് സമീപത്ത് പ്രവർത്തിക്കുന്ന echo ലൈബ്രറി കുട്ടികളുടെ വായനയെ പ്രോത്സാഹിപ്പിക്കുവാൻ വേണ്ടി മുന്നോട്ട് വരാറുണ്ട്.

പുസ്തക വിതരണം

പുസ്തക പ്രദർശനം

വായനാമുറി

ശാസ്ത്ര ക്ലബ്

സയൻസ് ക്ലബ്ബ് പ്രവർത്തനങ്ങൾ

സ്ക്കൂളിലെ സയൻസ് ക്ലബ്ബ് പ്രവർത്തനങ്ങൾ സബ് ജില്ലയിൽത്തന്നെ പലപ്പോഴും ഏറ്റവും മികച്ചതായി തെരഞ്ഞെടുക്കപ്പെടുകയും സമ്മാനർഹമാവുകയും ചെയ്തിട്ടുണ്ട്. ജൂൺ മാസത്തിൽ തന്നെ ശാസ്ത്ര പ്രതിഭകളായ ഏതെങ്കിലും വ്യക്തികളെക്കൊണ്ട് ക്ലബ്ബ് ഉദ്ഘാടനം നടത്തുകയും രണ്ടാഴ്ചയിൽ ഒരിക്കൽ ക്ലബ്ബ് പ്രവർത്തനങ്ങൾ ആസൂത്രണം ചെയ്ത് നടപ്പിലാക്കുകയും ചെയ്യാറുണ്ട്. പ്രോജക്ടുകൾ, സെമിനാറുകൾ, പഠനോപകരണ നിർമ്മാണ ശില്പശാലകൾ, ശാസ്ത്രക്ലാസുകൾ, ശാസ്ത്രപരീക്ഷണങ്ങൾ, ശാസ്ത്രക്വിസുകൾ തുടങ്ങി ധാരാളം പ്രവർത്തനങ്ങൾ ക്ലബ്ബിൻ്റെ നേതൃത്വത്തിൽ നടക്കുന്നു.

സബ്ജില്ലാ, ജില്ലാ -ശാസ്ത്രമേളകളിലും ശാസ്ത്രക്വിസുകളിലും സ്കൂളിലെ കുട്ടികൾ എപ്പോഴും ഏറ്റവും മുന്നിലെത്താറുണ്ട്.

സബ് ജില്ലയിലെ ഒരേയൊരു ശാസ്ത്ര പാർക്ക് സ്ക്കൂളിലാണ് ഉള്ളത്.കുട്ടികൾക്ക് സ്വയം പരീക്ഷണ നിരീക്ഷണങ്ങൾക്ക് ഇതു സഹായകമാണ്.

ഈ വർഷത്തെ സയൻസ് ക്ലബ്ബ് ഉദ്ഘാടനം നിർവ്വഹിച്ചത് ദേശീയ അധ്യാപക അവാർഡ് ജേതാവും ശാസ്ത്ര ഗവേഷകനുമായ ശ്രീ മനോജ് കോട്ടയ്ക്കൽ ആണ്.

ശാസ്ത്ര ക്ലബ് ഉദ്‌ഘാടനവേളയിലെ പരീക്ഷണങ്ങൾ

സാമൂഹ്യ ശാസ്ത്ര ക്ലബ്ബ്

സാമൂഹ്യ ശാസ്ത്ര ക്ലബ്ബ് പ്രവർത്തനങ്ങൾ

ആഗസ്റ്റ് -15 - സ്വാതന്ത്യദിനം വിപുലമായ പരിപാടികളോടെ നരിപ്പറമ്പ് Gup സ്കൂളിലെ കുട്ടികൾ ആഘോഷിച്ചു. പതാക നിമ്മാണം ഗാന്ധിജിയെയും മറ്റ് ദേശീയ നേതാക്കളെയും അനുകരിക്കൽ , ദേശഭക്തിഗാനാലാപനം എന്നിവ ഉണ്ടായിരുന്നു.

സപ്റ്റമ്പർ - 16 ഭക്ഷ്യദിനം ..

ഗുണനിലവാരമുള്ള ഭക്ഷണം ഏറ്റവും കുറഞ്ഞ ചെലവിൽ തയ്യാറാക്കി വീഡിയോ പ്രസന്റേഷൻ, "ഭക്ഷണം പാഴാക്കാതിരിക്കേണ്ടതിന്റെ ആവശ്യകത :

എന്ന വിഷയത്തിൽ പ്രസംഗം എന്നിവ നടത്തി

Oct 2 - ഗാന്ധിജയന്തി ദിനം

ഗാന്ധിജിയും സ്വാതന്ത്ര്യ സമരവും എന്ന വിഷയത്തിൽ ക്വിസ് മത്സരം,

"ഗാന്ധിജി നൽകുന്ന ജീവിത വീക്ഷണങ്ങൾ : എന്ന വിഷയത്തിൽ പ്രസംഗ മത്സരം എന്നിവ നടത്തി.

ബാഡ്ജ് നിർമ്മാണം

ഭക്ഷ്യമേള

പ്രച്ഛന്നവേഷം

ഗണിത ക്ലബ്ബ്

ഗണിത ക്ലബ്ബ് പ്രവർത്തനങ്ങൾ

മികച്ച ഒരു ഗണിത ക്ലബ്ബ് ആണ് സ്കൂളിൽ ഉള്ളത് .എല്ലാ വർഷവും സബ്ജില്ലാ ഗണിത മേളയിൽ സ്കൂളിന് ഒന്നാം സ്ഥാനം ലഭിക്കാറുണ്ട്. പങ്കെടുക്കുന്ന എല്ലാ ഇനങ്ങളിലും എ ഗ്രേഡോടു കൂടി തന്നെ വിജയം ഉണ്ടാകാറുണ്ട്. ജില്ലാ മേളകളിലും നല്ല വിജയം തന്നെ കാഴ്ചവെക്കാൻ സ്കൂളിന് കഴിഞ്ഞിട്ടുണ്ട്. അതിനുദാഹരണമാണ് സംസ്ഥാനതലത്തിൽ എ ഗ്രേഡ് വാങ്ങിയ ആദിത്യയുടെ വിജയം.'പസിൽ ' മത്സരത്തിലാണ് ആദിത്യ സംസ്ഥാനതലത്തിൽ പങ്കെടുത്തത് .ജോമട്രിക്കൽ ചാർട്ട് മത്സരത്തിൽ സംസ്ഥാന തലത്തിൽ ജിതേന്ദ്ര ജെ അമ്പാട്ട് എ ഗ്രേഡും ആറാം  സ്ഥാനവും കൈ വരിച്ചു  . എല്ലാ വർഷവും മികച്ച ഗണിത ക്ലബ്ബിനുള്ള സബ്ജില്ലാ പുരസ്കാരം നമ്മുടെ സ്കൂളിലാണ് ലഭിക്കാറുള്ളത്

ജൂൺ മാസത്തിൽ തന്നെ എല്ലാ ക്ലാസിലെയും കുട്ടികൾക്ക് പ്രാതിനിധ്യം ഉറപ്പു വരുത്തി കൊണ്ട് സ്കൂൾ ഗണിത ക്ലബ് രൂപീകരിച്ചു.27/ 7/21 ചൊവ്വാഴ്ച്ച ഡയറ്റ് ലക്ചറർ നിഷ ടീച്ചർ ഔദ്യോഗികമായി ക്ലബ് ഉദ്ഘാടനം നിർവഹിച്ചു. ഗൂഗിൾ മീറ്റ് വഴി നടന്ന ഉദ്ഘാടനത്തിൽ വളരെ സരസവും ലളിതവും ആയി ചില ഗണിതവിഷയങ്ങൾ ടീച്ചർ കുട്ടികളുമായി സംവദിച്ചു. ഓണാഘോഷത്തോടനുബന്ധിച്ച് കുട്ടികൾ വിവിധ ജ്യോമെട്രിക് പാറ്റേണുകളിൽ ഗണിതപൂക്കളം നിർമ്മിച്ചു. വളരെ നയന മനോഹരങ്ങളായ പാറ്റേണുകൾ ആണ് പല കുട്ടികളും വരച്ചത്.

പിന്നീട് സ്വാതന്ത്ര്യ ദിനത്തോടനുബന്ധിച്ച് ദേശീയ പതാക നിർമിക്കാനുള്ള പ്രവർത്തനമാണ് നൽകിയത്. എല്ലാവരും വളരെ കൃത്യതയോടെയും സൂക്ഷ്മതയോടെയും ആ പ്രവർത്തനങ്ങളും നിർവ്വഹിച്ചു. ഡിസംബർ മാസത്തിൽ ക്ലാസ് തല ഗണിത ക്വിസ് മത്സരങ്ങളും ജനുവരിയിൽ സ്കൂൾതല ഗണിത ക്വിസ് മത്സരവും സംഘടിപ്പിച്ചു .6 E ക്ലാസിലെ അമൻ ഒന്നാം സ്ഥാനവും, 6 A ക്ലാസിലെ റിഫാൻ രണ്ടാം സ്ഥാനവും 7 A യിലെ മാധവ് മൂന്നാം സ്ഥാനവും കരസ്ഥമാക്കി.