കെ.പി.എം.എച്ച്.എസ്സ്.എസ്സ്. ചെറിയവെളിനല്ലൂർ/അക്ഷരവൃക്ഷം/അതിജീവനം

അതിജീവനം ഞെട്ടുന്നില്ലേ നിങ്ങൾ ലോകത്തിൻ കരൾ വെട്ടി കണ്ണീർപ്പുഴ തീർത്ത രോഗത്തിൻ കഥ കേൾക്കെ ? വുഹാൻ തെരുവീഥികളിൽ ഉന്മാദനൃത്തമാടിയ ഭൂഗോളമാകെ പടർന്നു കയറിയ ജീവകോശം നീ സകലതും വെട്ടിപ്പിടിക്കാൻ വെമ്പൽ കൊള്ളും മാനവൻതൻ ചെയ്തിയിൽ വിലങ്ങിട്ടു . വിശ്വസംസ്കാരത്തിനുത്തുംഗശൃംഗം പാരിലുടഞ്ഞു വീണപ്പോൾ ലോകം ഞടുങ്ങിയോ ? നാടിൻ ധമനികൾ മരവിച്ചുവോ ? പ്രകൃതിയേകിയ ചെറുതിരിച്ചടിയെ തടയാനാകാതെ വേപഥുപൂണ്ടൂ മാനവകുലം ഉയരണം ഉയർത്തെഴുന്നേൽക്കണം ഒന്നിച്ചെതിരിടേണമീ ലോകവിപത്തിനെ തടുക്കണമീ മഹാമാരിയെ അതിനായ് മനസ്സുകളൊന്നിക്കേണം സാമൂഹിക അകലം പാലിക്കുമ്പോഴും വൈറസിൻ ശക്തിയെ വെല്ലാൻ മനുഷ്യൻ തൻ ബുദ്ധിക്കാകും നിശ്ചയം അതിനാകട്ടെ നമ്മുടെ ഓരോ ചുവടുവയ്പ്പും . ദേവിക ആർ എസ് 8F കെ പി എം എച്ച് എസ് എസ് ചെറിയവെളിനല്ലൂർ വെളിയം ഉപജില്ല കൊല്ലം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Kannans തീയ്യതി: 19/ 06/ 2020 >> രചനാവിഭാഗം - കവിത