എഫ്.എം.ജി.എച്ച്. എസ്.എസ് കൂമ്പൻപാറ/ഗ്രന്ഥശാല

ഗ്രന്ഥശാല

വിദ്യാർത്ഥികളിലെ വിജ്ഞാന ത്വരയെ വർദ്ധിപ്പിക്കാനും വിജ്ഞാന ദാഹം ശമിപ്പിക്കാനും ഉതകുന്ന അറിവിന്റെ വാതായനങ്ങൾ തുറക്കുന്ന വലിയൊരു ഗ്രന്ഥ ശേഖരമാണ് ഫാത്തിമ മാതായിലെ ഗ്രന്ഥശാലയുടെ അനന്യത. വിഷയങ്ങൾക്ക് അനുസരണമായി ക്രമപ്പെടുത്തിവച്ചിരിക്കുന്ന ആയിരക്കണക്കിന് പുസ്തകങ്ങൾ അടങ്ങുന്ന ലൈബ്രറിയിലെ ഓരോ പുസ്തകവും അദ്ധ്യാപകരുടെ മേൽനോട്ടത്തിൽ കുട്ടികൾ വായിക്കുന്നു. വ്യത്യസ്ത മേഖലയിലെ അറിവുകൾ വായനാശീലം കുട്ടികളിൽ വളർത്താൻ ഉപകരിക്കുന്നതുമായ ഗ്രന്ഥങ്ങൾ എല്ലാ ക്ലാസ്സുകളിലേയും കുട്ടികൾക്ക് ക്ലാസ്സടിസ്ഥാനത്തിൽ നൽകുകയും കുട്ടികൾ വായനാക്കുറിപ്പുകൾ നൽകുകയും ചെയ്യുന്നു. വായനാദിനത്തോട് അനുബന്ധിച്ചു നടത്തപ്പെടുന്ന വായനാവാരത്തിൽ പുസ്തകമേള, വായനാമത്സരം, ക്വിസ്സ് പ്രോഗ്രാം തുടങ്ങിയവയിലൂടെ കുട്ടികളിലെ വായനാശീലം വർദ്ധിപ്പിക്കുകയും പ്രോത്സാഹിപ്പിക്കുകയും ചെയ്യുന്നു. ഗ്രന്ഥശാലയിൽ പതിനായിരത്തോളം പുസ്തകങ്ങളും ആനുകാലികങ്ങളും റഫറൻസ് ഗ്രന്ഥങ്ങളും പൊതുവിജ്ഞാന ഗ്രന്ഥങ്ങളും ലഭ്യമാക്കുന്നു.

പുസ്തകങ്ങളുടെ വിവരശേഖരണം

ഗ്രന്ഥശാലയിൽ ഉള്ള പുസ്തകങ്ങളുടെ പട്ടികയും കാറ്റലോഗും നിർമ്മിക്കുന്ന പ്രവർത്തനങ്ങൾ ആരംഭിരിച്ചിരിക്കുന്നു. താല്പര്യമുള്ള കുട്ടികളുടേയും അദ്ധ്യാപകരുടേയും സഹായത്തോടെയാണ് ഈ പ്രവർത്തനങ്ങൾ നടക്കുന്നത്.

പുസ്തകങ്ങളുടെ പട്ടിക

ക്രമനമ്പർ	പൂസ്തകത്തിന്റെ പേര്	ഗ്രന്ഥകർത്താവ്	വർഷം	പ്രസാധകർ
1	കുഞ്ഞാലിമരയ്ക്കാർ	കെ പത്മനാഭൻ നായർ	1958	കറൻറ് ബുക്സ്
2	ഇരവിക്കുട്ടിപ്പിള്ള	ഡി ശ്രീമാൻ നമ്പൂതിരി	1989	ബാല സാഹിത്യ സഹകരണ സംഘം
3	നവകേരള ശില്പികൾ	പ്രൊ. ഉലകംതറമാത്യു	1982	സ്മിത്ത് എന്റർപ്രൈസ്
4	ലോകായുക്ത	അഡ്വ ജി ഗോപിനാഥൻനായർ	2000	കേരള ഭാഷാ ഇൻസ്റ്റിറ്റ്യൂട്ട്
5	നാം മുന്നോട്ട്	കെ പി കേശവമേനോൻ	2007	മാതൃഭൂമി ബുക്സ്
6	ഭാരത ബൃഹച്ചരിത്രം	ആർ.സി മജുംദാർ	1992	കേരള ഭാഷാ ഇൻസ്റ്റിറ്റ്യൂട്ട്
7	Bhimrao Ambedkar	Sadhana kapoor	2004	Sterling press private limited
8	ഒരച്ഛൻ മകൾക്ക് അയച്ച കത്തുകൾ	അമ്പാടി ഇക്കാവമ്മ	2007	മാതൃഭൂമി ബുക്സ്
9	വൃക്കകൾ	ഡോ.കരുണൻ കണ്ണം പൊയിലിൽ	2011	കേരള ഭാഷാ ഇൻസ്റ്റിറ്റ്യൂട്ട്
10	ഔഷധ സസ്യങ്ങൾ	ഡോ.എസ്.നേശമണി	2012	കേരള ഭാഷാ ഇൻസ്റ്റിറ്റ്യൂട്ട്
11	ഇന്ത്യ 2020	വൈ.എസ്‌.രാജൻ	2002	കേരള ഭാഷാ ഇൻസ്റ്റിറ്റ്യൂട്ട്
12	കണ്ടുപിടുത്തങ്ങളുടെ കഥ	സിഎം സുനിൽ	2009	Red rose publishing House
13	പരിസ്ഥിതി മലിനീകരണം	സതീഷ് ബാബു കൊല്ലമ്പലത്ത്	2019	ദേശാഭിമാനി ബുക്ക് ഹൗസ്
14	പരിണാമ സിദ്ധാന്തം	ജീവൻ ജോബ് തോമസ്	2009	ഡിസി ബുക്സ്
15	ആരോഗ്യത്തിലേക്കുള്ള വഴി	ഡോ. കെ അരവിന്ദാക്ഷൻ	2001	നവജീവൻ പബ്ലിഷിംഗ് ഹൗസ്
16	ശലഭ യാത്രകൾ	മധു ഇറവങ്കര	2004	കറൻറ് ബുക്സ്
17	ഹിമാലയ രാഗങ്ങൾ	എം ജി രാധാകൃഷ്ണൻ	2013	ഗ്രീൻ ബുക്സ്
18	ഒലിവ് മരങ്ങളുടെ നാട്ടിൽ	ജോർജ് ഓണക്കൂർ	2010	എസ്. പി .സി .എസ്
19	ഒരു ആഫ്രിക്കൻ യാത്ര	സഖറിയാ	2005	ഡിസി ബുക്സ്
20	അനുഭവം ,ഓർമ ,യാത്ര	ബെന്യാമിൻ	2012	ഒലിവ് പബ്ലിക്കേഷൻ
21	മലയാനാടുകളിൽ	എസ് കെ പൊറ്റക്കാട്	1986	പൂർണ്ണപബ്ലിക്കേഷൻസ്
22	അഗ്നിപർവ്വതങ്ങളുടെ താഴ്‌വരയിൽ	സഖറിയ	2009	ഡിസി ബുക്സ്
23	Selected Publications	John Keats	2000	Rupa publications
24	A tail of two cities	Charles Dickens	1999	Rupa publications
25	Robinson Crusoe	Daniel defoe	2003	Rupa publications
26	Gulliver's travels	Johnathan swift	2011	Lexicon books
27	The diary of a young girl	Anne Frank	2009	Book club
28	ഉച്ചാരണം നന്നാവാൻ	ഡോ. വി.ആർ പ്രബോധചന്ദ്രൻ	2001	കേരള ഭാഷ ഇൻസ്റ്റിറ്റ്യൂട്ട്
29	കാവുകൾ	സുരേഷ് മണ്ണാറശാല	2019	എസ് .പി .എസ്
30	കുട്ടേട്ടന്റെ കുറിപ്പുകൾ	കുഞ്ഞുണ്ണി	2004	ലിപി പബ്ലിക്കേഷൻസ്
31	ചിരി മുത്തുകൾ	എൻ.എസ് ഐസക്	2000	കറൻറ് ബുക്സ്
32	വിശ്വ പ്രസിദ്ധ ഫലിതങ്ങൾ	ഗീതാലയം ഗീതാകൃഷ്ണൻ	1991	കറൻറ് ബുക്സ്
33	ആയുസ്സിന്റെ കോടീശ്വരനാകുവാൻ	ജോർജ്ജ് മുട്ടിനകം	1990	മാർ ലൂയിസ് ബുക്സ്
34	രുചി രാഗം	മിസിസ്സ് കെ .എം മാത്യു	2007	കറൻറ് ബുക്സ്
35	പ്രാണൻ വായുവിലലിയുമ്പോൾ	പോൾ കലാനിധി	2017	ഡി.സി ബുക്സ്
36	കളിക്കാം പഠിക്കാം	അരവിന്ദ് ഗുപ്ത	2007	കേരള ബാലസാഹിത്യ ഇൻസ്റ്റിറ്റ്യൂട്ട്
37	കണക്ക് കഥകളിലൂടെ	പ്രൊഫ. എസ് ശിവദാസ്	1996	കറൻറ് ബുക്സ്
38	മാന്ത്രികചതുരം	പള്ളിയറ ശ്രീധരൻ	1994	കറൻറ് ബുക്സ്
39	കണക്കിലെ കടംകഥകൾ	സിറാജ് മീനത്തേരി	1996	ഡിസി ബുക്സ്
40	സ്നേഹ കലഹങ്ങളുടെ ഉപ്പ്	പവി	2006	ലിപി പബ്ലിക്കേഷൻസ്
	തുടരുന്നു ...............................

സയൻസ് ലൈബ്രറി

സയൻസ് പുസ്തകങ്ങളുടെ പട്ടിക

ക്രമനമ്പർ	പൂസ്തകത്തിന്റെ പേര്	ഗ്രന്ഥകർത്താവ്	വർഷം	പ്രസാധകർ
1	ഐൻസ്റ്റീൻ	സിന്ധു എസ് നായർ	2014	Red rose publishing House
2	മാഡം ക്യൂറി	സിന്ധു എസ് നായർ	2009	Red rose publishing House
3	മനുഷ്യശരീരം അറിയേണ്ടതെല്ലാം.	എൻ അജിത്ത് കുമാർ	2019	DC books
4	വിശ്വപ്രസിദ്ധനായ ശാസ്ത്ര പ്രതിഭകൾ	ജോൺസൺ ജോസ്	2014	സുരാ ബുക്സ്
5	Medicinal plants	സതീശൻ	2009	H&C books
6	ശാസ്ത്രകഥാ സാഗരം	പ്രൊഫസർ എസ് ശിവദാസ്	2016	ഡിസി ബുക്സ്
7	വാർത്താ വിനിമയ മാർഗങ്ങൾ	അവന്തി പബ്ലിക്കേഷൻസ്	2012	ഡിസി ബുക്സ്
8	പൗലോ കോയ് ലോ-അലെഫ്	രമാ മേനോൻ	2012	ഡിസി ബുക്സ്
9	സൗരയൂഥം	ജിജി ജെയിംസ്	2012	എച്ച് സി പബ്ലിഷിംഗ് ഹൗസ്
10	our Forests	Jeen Jose	2012	H&C Books
11	ശാസ്ത്ര പ്രതിഭകൾ	ആർ .എസ് സെയിൻ	2014	അവന്തി പബ്ബിക്കേഷൻസ്
12	പ്രിയപ്പെട്ട കലാം -		1988	V publishers ,kottayam
13	A Brief history of time		1988	Bantam Books
14	Birds	N V Satheesan	2011	H& C publications
15	കെമിസ്ട്രി പ്രോജക്ടുകൾ ആക്ടിവിറ്റികൾ	പ്രൊഫ.എസ് ശിവദാസ്	2011	കീർത്തി ബുക്സ്
16	എന്ത് എങ്ങനെ എന്തുകൊണ്ട്	ഗ്രേഷ്യസ് ബഞ്ചമിൻ	2001	അവന്തി പബ്ലിക്കേഷൻസ്
17	ക്യഷി പാഠം	ആർ.ഹേലി	2006	ഒതൻ്റിക്ക് ബുക്ക്സ്
18	101+ 10 പുതിയ ശാസ്ത്ര പരീക്ഷണങ്ങൾ	എൻ.മൂസാക്കുട്ടി	2008	ഡി സി ബുക്സ്
19	സമുദ്ര വിജ്ഞാനം	ഡോ. എ രാജഗോപാൽ കമ്മത്ത്	2005	ഡിസി ബുക്സ്
20	ക്വിസ് മാസ്റ്റർ	എസ് കൃഷ്ണകുമാർ	2000	Sunco publishing division

ഗ്രന്ഥശാല പ്രവർത്തനങ്ങൾ

ഗ്രന്ഥശാലയുടെ നേതൃത്വത്തിൽ എല്ലാ അധ്യയന വർഷവും ഷാരോൺ ബുക്സിന്റെ ആഭിമുഖ്യത്തിൽ പുസ്തക മേള സ്കൂളിൽ നടന്നുവരുന്നു. ക്ലാസ്സ് തലത്തിൽ കുട്ടികൾക്ക് പുസ്തകങ്ങൾ കാണാനും വാങ്ങാനുമുള്ള അവസരവും ഒരുക്കുന്നു. വിവിധ പുസ്തകങ്ങളെക്കുറിച്ച് അവബോധം ഉണ്ടാക്കുന്ന ഈ പുസ്തകമേള കുട്ടികൾക്ക് ഒരു വ്യത്യസ്ഥ അനുഭവംതന്നെ ആണ്.

ആസ്വാദനക്കുറിപ്പ് തയ്യാറാക്കൽ

പ്രശ്നോത്തരി

വായനാക്കുറിപ്പ് തയ്യാറാക്കൽ

കുട്ടികൾ തയ്യാറാക്കിയ ആസ്വാദനക്കുറിപ്പുകളിൽ നിന്ന് തെരഞ്ഞെടുത്തത് താഴെ പ്രസിദ്ധീകരിക്കുന്നു.

പുസ്തകാസ്വാദനം - ജൂനിയ വിനോദ്

പരിമിതികളില്ലാത്ത ജീവിതം

നിക്ക് വോയ് ആചിച്

നിക്ക് വോയ് ആചിചിന്റെ 'പരിമിതികളില്ലാത്ത ജീവിതം' എന്ന പുസ്തകമാണ് ഞാൻ വായിച്ചത്. സ്കൂൾ ലൈബ്രറിയിലെ മേശപ്പുറത്തിരുന്ന ഈ പുസ്തകം വളരെ അപ്രതീക്ഷിമായാണ് എന്റെ കണ്ണിൽ പെട്ടത്. ആരെങ്കിലും വായിച്ചിട്ടു വച്ചതാവാം. എങ്കിലും അതിന്റെ കവർ പേജ് എന്നിൽ കൗതുകമുണർത്തി. കാൽപാദവും ഉടലും മാത്രമുള്ള നിക്കിന്റെ ചിരിക്കുന്ന മുഖം ...അനേകായിരങ്ങളെ ആത്മവിശ്വാസവും പ്രത്യാശ നൽകി ജീവിതത്തിലേക്കു തിരികെ കൊണ്ടുവന്ന ആ മുഖം കണ്ടപ്പോൾ ...അതു വായിക്കേണ്ടത് അനിവാര്യതയായി എനിക്കു ബോധ്യപ്പെട്ടു.

പുസ്തകത്തിന്റെ ആരംഭത്തിൽത്തന്നെ അദ്ദേഹം സ്വയം പരിചയപ്പെടുത്തുന്നുണ്ട്. തന്റെ വൈകല്യം തന്റെ ബാല്യകാലത്തെ എങ്ങനെ ബാധിച്ചുവെന്നും എങ്ങനെ അതിജീവിച്ചെന്നും വളരെ ഹൃദയസ്പർശിയായി അദ്ദേഹം അവതരിപ്പിച്ചിരിക്കുന്നു. കൗമാരകാലത്ത് വിഷാദത്തിന്റെ കൊടുങ്കാറ്റിൽപ്പെട്ട് വീടിനും നാടിനും താനൊരു ഭാരമാണെന്ന് ചിന്തിച്ചപ്പോഴും തന്റെ ആത്മവിശ്വാസം അദ്ദേഹം കൈവിട്ടില്ല. തന്റെ പരിമിതികളെ വിജയത്തിന്റെ ചവിട്ടുപടിയായി കണ്ട് ജീവിതത്തിൽ അദ്ദേഹം മുന്നേറി. സമൂഹത്തിൽ തനിക്കെന്തൊക്കെ ചെയ്യാൻ കഴിയില്ലെന്ന് ആളുകൾ പറഞ്ഞോ അവയൊക്കെ ചെയ്ത് നമ്മെ അത്ഭുതപ്പെടുത്തുകയാണ് നിക്ക്. ചക്രക്കാലുകളിൽ പായുന്നതും, തിരമാലകൾക്കുമേൽ തെന്നിക്കളിക്കുന്നതും, സംഗീതോപകരണങ്ങൾ വായിക്കുന്നതും മഹാന്മാരുടെ ആശ്ലേഷം ഏറ്റുവാങ്ങുന്നതുമൊക്കെയായുള്ള വീഡിയോകൾ യൂട്യൂബിൽ കണ്ടത് ലക്ഷക്കണക്കിനാളുകളാണ്. ശാരിരികമായ പല പരിമിതികളുമുണ്ടെങ്കിലും എനിക്കൊരു പരിമിതിയുമില്ല എന്ന അദ്ദേഹത്തിന്റെ ആത്മവിശ്വാസമാണ് നമുക്കും ആവശ്യം. വിലമതിക്കാനാവാത്ത വിധം സമ്പന്നരാണ് നാമോരോരുത്തരും എന്ന തിരിച്ചറിവാണ് ഈ പുസ്തകം വായനക്കാരനു സമ്മാനിക്കുന്നത്. നിക്കിന്റെ ജീവിതത്തിന്റെ ഓരോ ഏടും പ്രചോദനാത്മകമാണ്. ജീവിതത്തെ കൂടുതൽ പ്രത്യാശയോടെ സമീപിക്കാൻ ഈ പുസ്തകം എന്നെ സഹായിച്ചു. ഇല്ലായ്മകളെക്കുറിച്ച് ആകുലപ്പെടാതെ സമ്പന്നതകളെ ഓർത്ത് ദൈവത്തിനു നന്ദി പറയാൻ ഇതെന്നെ നിർബന്ധിക്കുന്നു. ഒരു സാധാരണ വ്യക്തിക്കു ചെയ്യാൻ കഴിയുന്ന യാതൊന്നും ചെയ്യാൻ നിക്കിനു കഴിയില്ലെന്ന് വിധിയെഴുതിയവരുടെ മുമ്പിൽ അത്ഭുതങ്ങളുടെ വർണ്ണചിത്രം വരച്ച നിക്കിന്റെ ജീവിതം എല്ലാവർക്കും പ്രചോദനമാകട്ടെ.

ലഹരി വിമുക്ത ലോകം

അന്ന റോസ് വിൽസൺ

ആധുനികലോകം സർവ്വ മേഖലകളിലും മുൻപന്തിയിൽ എത്തി നിൽക്കുമ്പോൾ ലഹരിവസ്തുക്കളുടെ ഉപയോഗവും മുൻപന്തിയിൽ എത്തി നിൽക്കുന്നു എന്നത് ലജ്ജാകരമായ ഒരു വസ്തുതയാണ്. 2019 - ലെ വേൾഡ് ഡ്രഗ് റിപ്പോർട്ട് അനുസരിച്ച് ലഹരിവസ്തുക്കളുടെ ദുരുപയോഗം മൂലം ദുരിതമനുഭവിക്കുന്നവർ ലോകത്ത് 35 ദശലക്ഷം ആണ്. എന്താണ് ലഹരി? ഉപയോഗം മൂലം നമ്മുടെ ശാരീരിക മാനസിക തലങ്ങളെ സ്വാധീനിക്കാൻ കഴിയുന്ന വസ്തുക്കളെയാണ് ലഹരിവസ്തുക്കൾ എന്ന് പറയുന്നത്.ലഹരിയുടെ പുതിയ മേച്ചിൽപുറങ്ങൾ തേടുകയാണ് ഇന്നത്തെ യുവത്വം. സിന്തറ്റിക് ഡ്രഗുകൾ വരെ ഇത് എത്തിനിൽക്കുന്നു. 20 മണിക്കൂർ വരെ തലച്ചോറിന്റെ മുഴുവൻ പ്രവർത്തനങ്ങളെയും മരവിപ്പിച്ചു ഉന്മാദം നിലനിർത്തുന്ന പാർട്ടി ഡ്രഗ്ഗുകൾ ആണ് പല വിദ്യാർത്ഥികളുടെയും ഇഷ്ടവിഭവം.

അമേരിക്കൻ പബ്ലിക് ഹെൽത്ത് അസോസിയേഷന്റെ റിപ്പോർട്ട് പ്രകാരം ഒരിക്കൽ മയക്കുമരുന്നിന് അടിമയായിരുന്നവർക്ക് അവരുടെ മുന്നോട്ടുള്ള ജീവിതത്തിൽ സമപ്രായക്കാരുടെ പോലെ മുന്നേറാൻ കഴിയാതെ വരുന്നു. അങ്ങനെ രാജ്യത്തിൻറെ പുരോഗതിയെ തന്നെ ഇവർ വർഷങ്ങൾ പിന്നോട്ട് വലിക്കുന്നു. കുടുംബബന്ധങ്ങളും വ്യക്തിബന്ധങ്ങളും തകരുന്നതിനുള്ള പ്രധാന കാരണവും ലഹരി തന്നെയാണ്. ഇത് കുട്ടികളുടെയും കുടുംബങ്ങളുടെയും രാഷ്ട്രത്തെയും ഭാവിയെ തന്നെ തകർക്കുന്നു അത്രയധികമായി ഈ വിപത്ത് ലോകത്തെ ആകമാനം കീഴടക്കിയിരിക്കുന്നു.

ഇതെങ്ങനെ തടയാം ? ലോകത്തെ എങ്ങനെ മനോഹരമാക്കാം? ലഹരിവിമുക്ത ലോകമാണ് സുന്ദരലോകം എന്ന ചിന്തയാണ് ഏറ്റവും ആവശ്യം. ലഹരി ഉപയോഗം കൗമാരകാലത്തേ തുടങ്ങുന്നതുകൊണ്ടുതന്നെ പ്രതിരോധമാർഗങ്ങളും ആരംഭിക്കേണ്ടിയിരിക്കുന്നു. ബോധവത്കരണ ക്ലാസുകൾ പ്രധാനമാണ് അധ്യാപകരും മാതാപിതാക്കളും ഒരുമിച്ച് നിന്നുകൊണ്ട് പ്രവർത്തിക്കേണ്ടിയിരിക്കുന്നു.ആസക്തി എന്നു പറയുന്നത് ചികിത്സ ഉള്ള രോഗമാണ്. ശാരീരികമായ ഏതൊരു രോഗവും പോലെ തന്നെ ശരിയായ മരുന്നുകളിലൂടെ ആസക്തിയിൽനിന്ന് പിന്മാറാവുന്നതാണ്. ഏറ്റവും പ്രധാനപ്പെട്ട മറ്റൊരു മാർഗ്ഗം ഉറവിടം കണ്ടെത്തി നശിപ്പിക്കുക എന്നത് തന്നെയാണ്. കോളേജുകളിലും ഹോസ്റ്റലുകളിലും സജീവമായി പ്രവർത്തിക്കുന്ന റാക്കറ്റുകളെ പൂർണമായി ഇല്ലാതാക്കുക തന്നെ വേണം. ഇതിനു വേണ്ടി രാജ്യത്തെ നിയമനടപടികൾ കൂടുതൽ ശക്തമാക്കേണ്ടിയിരിക്കുന്നു. കുട്ടികളിലെ ലഹരി ഉപയോഗം തുടക്കത്തിലേ കണ്ടുപിടിക്കാൻ കഴിഞ്ഞാൽ വലിയ ബുദ്ധിമുട്ടുകൂടാതെ ഈ ആപത്കരമായ ദുശ്ശീലത്തിൽനിന്ന് കുട്ടികളെ പിന്തിരിപ്പിക്കാൻ സാധിക്കും. കേരള സർക്കാർ നടപ്പിലാക്കുന്ന വിമുക്തി, നാളത്തെ കേരളം ലഹരി വിമുക്ത കേരളം തുടങ്ങിയ പദ്ധതികൾ ഇതു തന്നെയാണ് ലക്ഷ്യമിടുന്നത്.

ലഹരിവിമുക്ത സമൂഹമാണ് ആരോഗ്യപരമായ സമൂഹം . സ്വന്തം ശീലങ്ങൾ മാറ്റുന്നതോടൊപ്പം മറ്റുള്ളവരെയും മാറ്റാൻ സാധിക്കണം. അതുവഴി ആരോഗ്യമുള്ള ഒരു സമൂഹത്തെ സൃഷ്ടിക്കാനുള്ള പ്രവർത്തനത്തിൽ നമുക്ക് പങ്കാളികളാകാം.

വീണ്ടുവിചാരം കഥ - അന്ന റോസ് വിൽസൺ

ദയനീയതയോടെയാണ് അയാൾ എന്നെ നോക്കിയത്. ആ കണ്ണുകളിൽ ജീവിക്കാനുള്ള കൊതിയുണ്ടായിരുന്നു. ഒരു വശം മുഴുവൻ തളർന്നു കിടക്കുകയാണ്. ഒരു കാൽ മുട്ടിനടിയിലേക്ക് ജീവനറ്റു കിടക്കുന്നു.ചീഞ്ഞഴുകിയ ആ കാലിൽ നിന്നും അസഹനീയമായ ദുർഗന്ധം. ഭക്ഷണമെത്തിക്കാൻ മൂക്കിൽ കൂടി കടത്തി വിട്ടിരിക്കുന്ന ട്യൂബ് ഇടയ്ക്കിടെ അയാൾ വലിക്കാൻ ശ്രമിക്കും. എങ്കിലും കുറേക്കാലം കൂടി ജീവിക്കണം എന്ന അതിയായ ആഗ്രഹം അയാളുടെ നിഷ്കളങ്കമായ മുഖത്തുണ്ട്.

നല്ല പ്രായത്തിൽ ഒരു കമ്പനി ജോലിക്കാരനായിരുന്നു ജോസഫ്. ഭാര്യക്കും മക്കൾക്കുമൊപ്പം സുഖമായി കഴിയാനുള്ള വകയുണ്ട്. അതിന്റെ അഹങ്കാരത്തിൽ തുടങ്ങിയതായിരുന്നു കള്ളുകുടി. ഈ അഹങ്കാരം അയാളെ ഒരു മുഴു കുടിയനാണ് ആക്കിയത്. എന്നും സന്ധ്യയ്ക്ക് നാലുകാലിലാണ് അയാൾ വീട്ടിൽ കയറുക. ആടിയാടി വരുന്ന അയാൾ ഭാര്യയെ കലി തീരുന്നതുവരെ അടിക്കും. മക്കളെ പഠിക്കാൻ അനുവദിക്കില്ല. മദ്യപിക്കുമ്പോൾ അയാൾ കടിച്ചു കീറുന്ന ചെന്നായയായിരുന്നു. അങ്ങനൊരു വീരശൂര പരാക്രമി ഇന്ന് പരസഹായം കൂടാതെ ജീവിക്കാൻ കഴിയാത്ത അവസ്ഥയിൽ കട്ടിലിൽ അനങ്ങാതെ കിടക്കുന്നു.

അദ്ദേഹത്തിൻറെ ചിരി കാണാൻ നല്ല രസമുണ്ട്. കുരുത്തക്കേടിന് തല്ലു വാങ്ങാൻ നിൽക്കുന്ന കുട്ടികളെ പോലെ .

ഒരിക്കൽ തന്നെ ശുശ്രൂഷിച്ചുകൊണ്ടിരുന്ന മകന്റെ കൈ അയാൾ മുറുകെ പിടിച്ചു. അപ്പന്റെ കരം തന്നിലേക്ക് ചേർത്തു വെച്ച ആ മകന്റെ മുഖത്തേക്ക് നോക്കുന്ന അയാളുടെ ഭാവം എന്തെന്ന് മനസ്സിലാക്കാൻ ഞാൻ പ്രയാസപ്പെട്ടു. ചിലപ്പോൾ അയാൾ ചിന്തിച്ചത് ഇങ്ങനെയായിരിക്കും : മകനെ നിങ്ങളോടൊക്കെ ഞാൻ ചെയ്തത് വലിയ തെറ്റായിരുന്നു. ഇനിയാരും ഇങ്ങനെ ചെയ്യരുത് ഇനിയെങ്കിലും നിങ്ങളുടെ അമ്മ സുഖമായി ജീവിക്കട്ടെ.