"സെന്റ് സെബാസ്റ്റ്യൻസ് യു പി എസ് പാടിച്ചിറ/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

← മുൻപത്തെ വ്യത്യാസം

വ്യത്യാസം കാണൽവിക്കിഎഴുത്ത്

12:31, 19 മാർച്ച് 2026-നു നിലവിലുള്ള രൂപം

സെൻറ് സെബാസ്റ്റ്യൻസ് എ യു പി എസ് പാടിച്ചിറ സ്കൂൾതല പ്രവർത്തനങ്ങൾ.

പ്രവേശനോത്സവം

2025- 26 അക്കാദമി വർഷത്തിലെ

പ്രവർത്തനോത്സവം ജൂൺ മൂന്നാം

**എല്ലാവരും എഴുതുന്നു. എല്ലാവരും വായിക്കുന്നു.....**

തീയതി നടത്തപ്പെട്ടു .മുള്ളൻകൊല്ലി ഗ്രാമപഞ്ചായത്ത് വൈസ് പ്രസിഡൻറ് ശ്രീമതി മോളി ആകാന്തിരിയിൽ ഈ വർഷത്തെ പ്രവേശനോത്സവം ഉദ്ഘാടനം ചെയ്തു. കുരുന്നുകൾക്കും, രക്ഷിതാക്കൾക്കും, അതിഥികൾക്കും സ്കൂളിൻറ സാരഥി ബഹുമാനപ്പെട്ട ശ്രീ സാബു പി.ജോൺ സ്വാഗതമേകി സംസാരിച്ചു പ്രസ്തുത യോഗത്തിൽ സ്കൂൾ മാനേജർ റവ.ഫാ. സജി ഇളയിടത്ത് പ്രവർത്തന വർഷം പ്രാർത്ഥനാപൂർവ്വം ആരംഭിക്കുകയും കുഞ്ഞുങ്ങൾക്ക് ആശംസ ഏകി സംസാരിക്കുകയും, സമ്മാനങ്ങൾ നൽകുകയും ചെയ്തു. "എല്ലാവരും എഴുതുന്നു. എല്ലാവരും വായിക്കുന്നു "എന്ന പ്രോജക്ട് റിട്ടയർ അധ്യാപകൻ എസ് എം സി കൺവീനറുമായ ശ്രീ ഇമ്മാനുവൽ സി. എം ഉദ്ഘാടനം ചെയ്തു .പി ടി എ പ്രസിഡൻറ് ശ്രീ വിനോദ് വാവശ്ശേരി, മദർ പിടിഎ പ്രസിഡൻറ് ശ്രീമതി റില്ല ബിനോയ് തുടങ്ങിയവർ ആശംസകൾ അർപ്പിച്ചു സംസാരിച്ചു. വിദ്യാർത്ഥികളും അധ്യാപകരും നവാഗതരെ ഏറെ സന്തോഷത്തോടെയും പ്രതീക്ഷയോടെയും താല്പര്യത്തോടെയും സ്വീകരിച്ചു . അധ്യാപക പ്രതിനിധി ശ്രീമതി ജിഷ ജോർജ്, ശ്രീമതി അമൽഡ ഇമ്മാനുവൽ എന്നിവർ ആശംസയും നന്ദിയും അർപ്പിച്ചു സംസാരിക്കുകയുണ്ടായി.

പരിസ്ഥിതി ദിനം ജൂൺ 5

ജൂൺ 5 ലോക പരിസ്ഥിതി ദിനം.സെന്റ് സെബാസ്റ്റ്യൻ യുപിഎസ് പാടിച്ചിറ സ്കൂളിൽ പരിസ്ഥിതി ദിനത്തിന്റെ പ്രാധാന്യം മനസ്സിലാക്കി വിവിധ പ്രവർത്തനങ്ങൾ സംഘടിപ്പിച്ചു. സ്കൂൾ മാനേജർ ഫാദർ സജി ഇളയിടം പ്രസ്തുത ദിനത്തിന്റെ സന്ദേശം നൽകുകയും മരം ഒരു വരം എന്ന ആശയം മുൻനിർത്തി സ്കൂൾ കോമ്പൗണ്ടിൽ വൃക്ഷത്തൈ നടുകയും ചെയ്തു. പരിസ്ഥിതിയെ നോവി ക്കാതെ ജീവിക്കേണ്ടതിന്റെ പ്രാധാന്യത്തെ പറ്റി ശാസ്ത്ര അധ്യാപിക സിസ്റ്റർ സ്മിത സംസാരിച്ചു. പരിസ്ഥിതി ദിന പ്രതിജ്ഞ ശ്രീമതി ഡോണ ടീച്ചർ കുട്ടികൾക്ക് ചൊല്ലിക്കൊടുത്തു. ഭൂമിക്കായി ഒരു കയ്യൊപ്പ് പ്രവർത്തനത്തിലൂടെ കുട്ടികൾ തങ്ങളുടെ ഫിംഗർ പ്രിന്റ് കൊണ്ട് ഒരു വൃക്ഷം രൂപപ്പെടുത്തി. വിദ്യാർത്ഥികൾ തങ്ങളുടെ വീട്ടുവളപ്പിൽ ഓരോ വൃക്ഷത്തൈകൾ നടുകയും അതിന്റെ ഫോട്ടോ അധ്യാപകർക്ക് നൽകുകയും ചെയ്തു.https://photos.app.goo.gl/iY5VUpbNW87jTica6

വിദ്യാർത്ഥികൾക്കായി പരിസ്ഥിതി ദിനത്തോടനുബന്ധിച്ച് വിവിധ മത്സരപരിപാടികൾ നടത്തപ്പെട്ടു. കവിതാരചന, പോസ്റ്റർ രചന, പ്രസംഗം, പരിസ്ഥിതി ദിന ക്വിസ് എന്നീ ഇനങ്ങളിൽ എൽപി യുപി വിദ്യാർത്ഥികൾ തങ്ങളുടെ മികവ് പ്രകടിപ്പിച്ചു.

നമ്മളിടം -2025-26 പദ്ധതി

കോളനി സന്ദർശനം

സെന്റ് സെബാസ്റ്റ്യൻസ് യുപിഎസ് പാടിച്ചിറ സ്കൂൾ ഹെഡ്മാസ്റ്ററുടെ നേതൃത്വത്തിൽ അധ്യാപകർ കോളനികളും കുട്ടികളുടെ വീടുകളും സന്ദർശിക്കുന്നു. രക്ഷിതാക്കളും കുടുംബവുമായിരുന്നു

സ്നേഹ കൂട്ടായ്മയിൽ

ഏവരെയും നയിക്കുവാനും

പരിശ്രമിക്കുന്നു ഒരുപറ്റം അധ്യാപകർ..തങ്ങൾ പഠിപ്പിക്കുന്ന വിദ്യാർത്ഥികളുടെ ഭവനങ്ങൾ സന്ദർശിക്കുവാനും വിശേഷങ്ങൾ അന്വേഷിക്കുവാനും

അധ്യാപക ഗ്രൂപ്പായി മുന്നിട്ടിറങ്ങി.

വായനാദിനം ജൂൺ 19

ജൂൺ 19 വാത്മീകം 2025 എന്ന പേരിൽ സെബാസ്റ്റ്യൻസ് എയുപിഎസ് പാടിച്ചിറ വായനാദിനം ആഘോഷിച്ചു. വിദ്യാർത്ഥികൾക്കും പൊതുസമൂഹത്തിനും മീഡിയകളുടെ അതിപ്രസരത്തിലും വായനയുടെ പ്രാധാന്യം വളരെ പ്രധാനമാണെന്ന് വിളിച്ചോതുന്നതായിരുന്നു പ്രവർത്തനങ്ങൾ. കബനിഗിരി സ്വദേശി നവ എഴുത്തുകാരൻ ഷിബു കുര്യാക്കോസ് വയനാദിന സന്ദേശം നൽകി. സ്കൂൾ മാനേജർ ഫാദർ സജി ഇള യിടത്തു പി എൻ പണിക്കർ അനുസ്മരണം നടത്തി. തന്റെ ഏറ്റവും ധനമായ എഴുത്തുകൾ അടങ്ങിയ പുസ്തകം സ്കൂൾ ലൈബ്രറിക്ക് ശ്രീ ഷിബു സംഭാവന ചെയ്തു.

ജൂൺ 19 മുതൽ ജൂൺ 25 വരെ വായനാവാരമായ ആഘോഷിച്ചു. ക്വിസ് മത്സരം, പ്രസംഗം,അക്ഷരവൃക്ഷം തയ്യാറാക്കൽ , പുസ്തക ആസ്വാദനം, പുസ്തക കവർ ഡിസൈൻ, കഥാരചന തുടങ്ങിയ പ്രവർത്തനങ്ങളിലൂടെ കുട്ടികൾക്ക് കൂടുതൽ വായിക്കുവാനുള്ള പ്രചോദനം നൽകി. കൂടാതെ ക്ലാസ് ലൈബ്രറികൾ രൂപപ്പെടുത്തുകയും കുട്ടികൾ കൊണ്ടു വന്ന പുസ്തകങ്ങൾ ഉപയോഗിച്ച് പുസ്തക പ്രദർശനം നടത്തുകയും ചെയ്തു.

കൂടാതെ നല്ല പാഠം പ്രവർത്തകരുടെയും നേതൃത്വത്തിൽ സ്കൂളിൽ അക്ഷരപ്പച്ചക്ക് തുടക്കം കുറിച്ചു.ഹെഡ്മാസ്റ്റർ സാബു പി ജോൺ ഉദ്ഘാടനം ചെയ്തു.വായിച്ചുകഴിഞ്ഞാൽ പുസ്തകങ്ങൾ നല്ല പാഠം പ്രവർത്തകർ ശേഖരിച്ചു സ്കൂൾ ലൈബ്രറിയിൽ എത്തിക്കുകയും കുട്ടികളുടെ ആവശ്യാനുസരണം അവ വായിക്കുവാൻ ഉപയോഗിക്കുകയും ചെയ്യുക എന്ന നല്ല ആശയത്തോടെ പാടിച്ചറ സ്കൂളിന്റെ വയനാലോകം വിശാലമാക്കുന്നു.

വിദ്യാലയത്തിൽ വായനാവാരം ഉദ്ഘാടന ഉദ്ഘാടനത്തെ തുടർന്ന് വായന പരിപോഷിപ്പിക്കുന്നതിൻറെ ഭാഗമായി മാഞ്ഞു പോകാത്ത അക്ഷരങ്ങൾ ചേർത്ത്, വാക്കുകൾ കൂട്ടി, ഭാഷ നിർമ്മിച്ച് നമ്മുടെ മലയാള സംസ്കാരത്തെ ചേർത്തു പിടിക്കാൻ മാതാപിതാക്കൾക്കും കുട്ടികൾക്കും പാടിച്ചിറ സെൻറ്. സെബാസ്റ്റ്യൻസ് എ യു .പി .സ്കൂൾ ഒരു സുവർണ്ണ അവസരം ഒരുക്കുവാനും,ഈ വർഷം ആരംഭം മുതൽ കുട്ടികൾക്ക് വായിക്കുവാനായി മൂന്നു പ്രസിദ്ധീകരണങ്ങൾ -

കുട്ടികളുടെ ദീപിക-ബാല മാസിക

ചിൽഡ്രൻസ് ഡൈജസ്റ്റ് -ബാല മാസിക ഇംഗ്ലീഷ്

ചോക്ലേറ്റ്-ആഴ്ചപ്പതിപ്പ്. എന്നിവ കുട്ടികളുടെ ആവശ്യാനുസരണം വരുത്തി വിതരണം ചെയ്യുവാനും സ്കൂൾ തീരുമാനിച്ചു.

ദീപിക നമ്മുടെ ഭാഷാ പദ്ധതി-2025

‘ദീപിക നമ്മുടെ ഭാഷാ പദ്ധതി’ പാടിച്ചിറ സെന്റ് സെബാസ്റ്റ്യൻസ് യുപി സ്കൂളിൽ സ്കൂളിൽ മാനേജർ ഫാദർ സജി ഇലയിടത്ത് സാമൂഹിക പ്രവർത്തകൻ സിജു മറ്റത്ത്തു മാനയ്ക്ക് ദീപിക പത്രം നൽകി ഉദ്ഘാടനം ചെയ്തു.

യോഗ ദിനം-ജൂൺ 21

അന്താരാഷ്ട്ര യോഗ ദിനം! 🧘‍♀️

ജൂൺ 21-ാം തീയതി അന്താരാഷ്ട്ര യോഗ ദിനമായി ആചരിക്കുന്നു. ശാരീരികം, മാനസികം, ആത്മീയം എന്നീ മൂന്ന് തലങ്ങളിലും നമ്മുടെ ആരോഗ്യവും സന്തുലിതാവസ്ഥയും വർദ്ധിപ്പിക്കുന്ന ഒരു പുരാതന കലയാണ് യോഗ.അന്താരാഷ്ട്ര യോഗ ദിനത്തോടനുബന്ധിച്ച് ഗൈഡ്സ് കുട്ടികൾക്ക് യോഗ പരിശീലനം നൽകി . മുള്ളൻകൊല്ലി ഹോമിയോ ക്ലിനിക്കും ഗ്രാമ പഞ്ചായത്തും ചേർന്നായിരുന്നു പരിപാടി സംഘടിപ്പിച്ചത്.

പാടിച്ചിറ സെന്റ് സെബാസ്റ്റ്യൻസ് യുപി സ്കൂളിൽ ഷുഗർ ബോർഡ് സ്ഥാപിച്ചു. വർദ്ധിച്ചുവരുന്ന ജീവിതശൈലി രോഗങ്ങളെ കുറിച്ച് ജാഗ്രത നൽകുക എന്ന വലിയ സന്ദേശത്തിന് ചുവടുപിടിച്ചാണ് ഷുഗർ ബോർഡ് സ്ഥാപിച്ചത് .ഹെഡ്മാസ്റ്റർ സാബു പിജോൺ അധ്യാപക പ്രതിനിധികൾ അമൽഡ ഇമ്മാനുവൽ, ഷിമിൽ എന്നിവർ പ്രസംഗിച്ചു.

ലോക ലഹരി വിരുദ്ധ ദിനം ജൂൺ- 26

ലഹരിക്കെതിരെ വിദ്യാർത്ഥികളും അധ്യാപകരും

ഒന്ന് ചേർന്ന്വിവിധ പ്രവർത്തനങ്ങളിലൂടെ ശബ്ദമുയർത്തുന്ന,

അണിനിരക്കുന്ന,പട പൊരുതുന്ന സുന്ദര

മുഹൂർത്തങ്ങൾ ആയിരുന്നു ലഹരി

വിരുദ്ധദിനത്തിന്റെ ആചരണം.

ലഹരി വിരുദ്ധ ദിനത്തിന്റെ സന്ദേശം

ഹെഡ്മാസ്റ്റർ ശ്രീ സാബു പി. ജോൺ

കുട്ടികളുമായിപങ്കുവെച്ചു.

ലഹരിയുടെ ദൂഷ്യവശങ്ങളെ കുറിച്ച്

സന്ദേശം നൽകുന്ന ഫ്ലാഷ് മോബ്

യുപി വിദ്യാർത്ഥികൾ അവതരിപ്പിച്ചു.

ലഹരിക്കെതിരെയുള്ള പ്ലക്കാടുകൾ

നിർമ്മിക്കുകയും ,

നല്ല പാഠം കുട്ടികളുടെ നേതൃത്വത്തിൽ

മനുഷ്യച്ചങ്ങല ചേർക്കുകയും ചെയ്തു.

ലഹരി ഇല്ലാത്ത ലോകത്തിനായി

കൈകോർത്ത് കുട്ടികൾ സൂമ്പ ഡാൻസ് അവതരിപ്പിച്ചു.

പോസ്റ്റർ നിർമ്മാണം, പ്രസംഗം, ലഹരി ദിന ക്വിസ് എന്നീ മത്സരങ്ങൾ വിദ്യാർത്ഥികൾക്കായി നടത്തപ്പെട്ടു.

ലഹരിബോർഡ് സ്ഥാപിച്ചു. ലഹരിക്കെതിരെ ഒറ്റക്കെട്ടായി കൈകോർക്കുക എന്ന സന്ദേശം നൽകുവാൻ ആയി ലഹരി ബോർഡ് ഹെഡ്മാസ്റ്റർ ശ്രീ സാബു പി ജോണിൽ നിന്നും നിന്നും അധ്യാപക പ്രതിനിധി സിസ്റ്റർ ഷീജ മൈക്കിൾ ഏറ്റുവാങ്ങി.

കളി ഉപകരണങ്ങൾ വിതരണം ചെയ്തു

പാടിച്ചിറയിലെ കുരു ന്നു കൾക്കായി കളി ഉപകരണം ഉപകരണങ്ങൾ വിതരണം ചെയ്തുകൊണ്ട് പാടിച്ചിറ സ്വദേശികൾ....

ഡോക്ടേഴ്സ് ഡേ -ജൂലൈ-1

ഡോക്ടേഴ്സ് ദിനാചരണത്തിന്റെ ഭാഗമായി പാടിച്ചിറ സെൻസൻസ് യുപി സ്കൂൾ നല്ലപാഠം പ്രവർത്തകർ ഹോമിയോ ക്ലിനിക്കിലെ ഡോക്ടർ സിസ്റ്റർ സ്മിതയെ ആദരിച്ചു. കോഡിനേറ്റർ മഞ്ജു ജോർജ് എന്നിവർ നേതൃത്വം നൽകി. വിദ്യാർത്ഥി പ്രതിനിധി കുമാരി മിഷൻ റോബിൻ ചെറിയ ഉപഹാരം നൽകി തങ്ങളുടെ സന്തോഷവും കടപ്പാടും അറിയിച്ചു.

ജനറൽ ബോഡി ജൂലൈ -5

2025 -26 അധ്യായന പക്ഷത്തെ ജനറൽ ബോഡിയും, പിടിഎ മീറ്റിംഗും ജൂലൈ അഞ്ചാം തീയതി നടത്തപ്പെട്ടു. സ്കൂൾ ഹെഡ്മാസ്റ്റർ ശ്രീ സാബു പി ജോൺ ആമുഖ സംഭാഷണത്തിലൂടെ ഏവരെയും സ്വാഗതം ചെയ്തു. ഈ വർഷത്തെ പാഠ്യപാഠ്യേതര വിഷയങ്ങൾ ചർച്ച ചെയ്യപ്പെട്ടു. ശ്രീമതി ജിഷ ജോർജ് വരവ് ചിലവ് കണക്കുകൾ അവതരിപ്പിച്ചു. ശ്രീ. ബി നോജ് പി.ജെ. ഈ വർഷത്തെ പി ടി എ പ്രസിഡന്റായും, ശ്രീമതി റില്ല ബിനോയ് എം പി ടി എ പ്രസിഡന്റ് ആയും

തിരഞ്ഞെടുക്കപ്പെട്ടു.

സ്കൂൾ മാനേജരും ഹെഡ്മാസ്റ്ററും അധ്യാപകരും,

പ്രതിനിധികളായ രക്ഷിതാക്കളും ഉൾപ്പെടുന്ന

എക്സിക്യൂട്ടീവ് അംഗങ്ങളെയും സെന്റ് സെബാസ്റ്റ്യൻസ്

പാടിച്ചിറ സ്കൂളിൽ തെരഞ്ഞെടുക്കപ്പെട്ടു.

കല്ലോടിയുപി സ്കൂൾ പ്രധാന അധ്യാപകൻ

ശ്രീ ജോസ് പള്ളത്ത് സാർ അന്നേദിവസം

രക്ഷിതാക്കൾക്ക് ബോധവൽക്കരണ ക്ലാസ് നൽകി. സ്റ്റാഫ് പ്രതിനിധി സിസ്റ്റർ ജെയ്സി ഏവർക്കും നന്ദി പറഞ്ഞു സംസാരിച്ചു.

ജൂലൈ 5 ബഷീർ ദിനം

ബേപ്പൂർ സുൽത്താൻ എന്നറിയപ്പെടുന്ന സു പ്രസിദ്ധ സാഹിത്യകാരൻ വൈക്കം മുഹമ്മദ് ബഷീറിന്റെ ഓർമ്മയ്ക്ക് മുൻപിൽ. സെന്റ് സെബാസ്റ്റ്യൻസ് യുപിഎസ് പാടിച്ചിറ സ്കൂളിലെ കുട്ടികൾക്കായി വിവിധ പ്രോഗ്രാമുകൾ സംഘടിപ്പിച്ചു.

ബഷീറിന്റെ ചരിത്രം കുട്ടികൾക്കായി വായിച്ചു. ബഷീർ കഥാപാത്രങ്ങളെ അവതരിപ്പിച്ച കുട്ടികളുടെ വൈഭവം പ്രശംസനാ ത്മകമായിരുന്നു. ബഷീർ ദിന ക്വിസ് സംഘടിപ്പിച്ചു വിജയികളെ തിരഞ്ഞെടുത്തു.https://youtu.be/KvqNJom0rvM?si=ELQ31SZdFnSnAxo-

ജനസംഖ്യ ദിനം ജൂലൈ 11

ലോക ജനസംഖ്യാ ദിനത്തോടനുബന്ധിച്ച് സെന്റ് സെബാസ്റ്റ്യൻസ് യുപിഎസ് പാടിച്ചിറയിലെ വിദ്യാർത്ഥികൾക്കായി' ജനപ്പെരുപ്പവും പ്രകൃതിവിഭവങ്ങളുടെ ശോഷണവും' എന്ന വിഷയത്തെ ആസ്പദമാക്കി പോസ്റ്റർ നിർമ്മാണം നടത്തി..

സ്കൂൾ പാർലമെന്റ് ഇലക്ഷൻ

എസ് എസ് യു പി എസ് പാടിചിറ 2025- 26 അധ്യായന വർഷത്തെ സ്കൂൾ പാർലമെന്റ് ഇലക്ഷൻ സോഷ്യൽ ക്ലബ്ബിന്റെ നേതൃത്വത്തിൽ നടന്നന്നു. തികച്ചും ജനാധിപത്യപരമായ രീതിയിൽ വോട്ടിംഗ് നടന്നു. 80 ശതമാനം പോളിംഗ് രേഖപ്പെടുത്തി. സ്കൂൾ ലീഡർ സ്ഥാനത്തേക്ക് ഏഴാം ക്ലാസിലെ മിഷേൽ റോബിനും, ഡെപ്യൂട്ടി ലീഡർ സ്ഥാനത്തേക്ക് അലോൺ ജോസഫ്, അൽവീന ബിനോജ് എന്നിവരും, ആർട്സ് ക്ലബ് സെക്രട്ടറിയായി അനിഷ ജോഷിയും,ജനറൽ ക്യാപ്റ്റനായി റോഷൻ രഞ്ജിത്തും തെരഞ്ഞെടുക്കപ്പെട്ടു. സ്കൂൾ ഹെഡ്മാസ്റ്റർ ശ്രീ സാബു പി ജോൺ സ്കൂൾ ലീഡർക്ക്‌ സത്യപ്രതിജ്ഞ ചൊല്ലിക്കൊടുത്തു. കൂടാതെ ഹൗസ് അടിസ്ഥാനത്തിലുള്ള ലീഡേഴ്സിനെ തിരഞ്ഞെടുക്കുകയും ചെയ്തു. ഹെഡ്മാസ്റ്റർ എല്ലാവരെയും ഹാരമണിയിക്കുകയും, ഏവരും സത്യപ്രതിജ്ഞ ചൊല്ലി തങ്ങളുടെ ഉത്തരവാദിത്വങ്ങൾ ഏറ്റെടുക്കുകയും ചെയ്തു. സോഷ്യൽ ക്ലബ് ഇൻ ചാർജ് ഷിമിൽ അഗസ്റ്റിൻ സാറിന്റെ നേതൃത്വത്തിൽ നടന്ന പ്രോഗ്രാമുകൾക്ക് ഏവരും സാക്ഷികളായി. സന്തോഷത്തിന്റെയും അഭിമാനത്തിന്റെയും മുഹൂർത്തത്തിൽ അധ്യാപകരും വിദ്യാർത്ഥികളും ഏവർക്കും അഭിനന്ദനങ്ങൾ അർപ്പിക്കുകയും പരസ്പരം മധുരം വിതരണം ചെയ്യുകയും ചെയ്തു.[1]

സമഗ്ര പ്ലസ് പരിശീലനം

എസ് എസ് യു പി എസ് പാടിച്ചിറ സ്കൂളിലെ

അധ്യാപകർക്ക് പ്രധാനാധ്യാപകനും PSITC ഉം ചേർന്ന് സമഗ്ര പ്ലസ് പരിശീലനം 17/7/25 നു അനുയോജ്യമായ തിയതിയിൽ സ്കൂളിൽ ക്രമീകരിച്ചു.ടീച്ചിങ്ങ് മാന്വൽ അപ്‌ലോഡ് ചെയ്യുവാനും മറ്റും ഉള്ളക്ലാസ്സ്‌ ഷിമിൽ ആഗസ്റ്റിൻ സാർ എല്ലാ അധ്യാപകർക്കും നൽകി.ചാന്ദ്രദിനം ജൂലൈ 21

സെന്റ് സെബാസ്റ്റ്യൻസ് എ യു പി സ്കൂളിൽ ചാന്ദ്രദിന പ്രവർത്തനങ്ങൾ ശാസ്ത്ര അധ്യാപകരുടെ നേതൃത്വത്തിൽ നടന്നു. ചാന്ദ്രദിനത്തിന്റെ പ്രാധാന്യത്തെ പറ്റി ബഹുമാനപ്പെട്ട എച്ച് എം സാബു പി ജോൺ സാറും ശ്രീമതി അമൽഡ ഇമ്മാനുവലും സംസാരിച്ചു. ചാന്ദ്രദിനത്തിനോടനുബന്ധിച്ച് വിവിധ മത്സര പരിപാടികൾ കുട്ടികൾക്കായി നടത്തപ്പെട്ടു.

#റോക്കറ്റ് നിർമ്മാണം (വർക്കിംഗ് മോഡൽ/ സ്റ്റിൽ മോഡൽ)

# ക്വിസ്

# ലഘുലേഖ മത്സരം

എൽ പി യു പി തലത്തിൽ നടത്തപ്പെട്ട പ്രോഗ്രാമിൽ കുട്ടികൾ ആനന്ദത്തോടെ പങ്കെടുത്തു. ഏവരും റോക്കറ്റ് നിർമ്മിച്ചുകൊണ്ട് വന്ന് അസംബ്ലിയിൽ പ്രദർശനം നടത്തി. ബഹിരാകാശ യാത്രയെപറ്റി തന്റെ അനുഭവങ്ങൾ പങ്കുവയ്ക്കുവാൻ ചാന്ദ്ര മനുഷ്യനായി റോസ് സ്നേഹ ടോണിയും, റോഷൻ രഞ്ജിത്തും പ്രകടനം കാഴ്ചവച്ചു. വിദ്യാർത്ഥി പ്രതിനിധി

കൾ ഹെഡ്മാസ്റ്ററിന് റോക്കറ്റ് കൈമാറി. അഞ്ചാം ക്ലാസ് വിദ്യാർത്ഥികളൾ ചാന്ദ്രദിന കവിതാലാപനം നടത്തി.

മേളകൾ

പാടിച്ചിറയിലെ വിദ്യാർത്ഥികൾക്കായി പ്രവർത്തിപരിചയമേളയും സയൻസ് ഗണിതം സോഷ്യൽ എന്നീ വിഷയങ്ങളുടെ ശാസ്ത്രമേളയും ജൂൺ 24 നടത്തപ്പെട്ടു. വിദ്യാർത്ഥികൾ വിവിധ മേളകളിൽ ആവേശത്തോടെയും സന്തോഷത്തോടെയും പങ്കെടുത്തു. ഓരോ വിഭാഗത്തിലും സമ്മാനാർഹർ ആയവരെ അഭിനന്ദിച്ചു. പാഠ്യേതര പ്രവർത്തനങ്ങളിൽ ഏറ്റവും മികവ്പുലർത്തുന്ന ഒന്നായി ശാസ്ത്രമേളകൾ സീനിയർ അസിസ്റ്റന്റ് സിസ്റ്റർ ജെസ്സിയുടെ നേതൃത്വത്തിൽ നടത്തപ്പെട്ടു.

പത്തില കറികൾ

കർക്കിടകത്തിന്റെ കരുത്ത് പത്തിലകളിലാണെന്ന് പുതുതലയും അറിയണം എന്ന് ഉദ്ദേശത്തോടെ കുട്ടികൾ വിവിധതരത്തിലുള്ള ഇലകളിൽ വീട്ടിൽ നിന്നും കൊണ്ടുവന്ന അവ ഉച്ചഭക്ഷണത്തിൽ ഉൾപ്പെടുത്തി...

ഹിരോഷിമ നാഗസാക്കി ദിനാചരണം - ആഗസ്റ്റ്-8

സെന്റ് സെബാസ്റ്റ്യൻ എ യു പി എസ് പാടിച്ചിറയിൽ സോഷ്യൽ ക്ലബ്ബിന്റെ നേതൃത്വത്തിൽ ഹിരോഷിമ നാഗസാക്കി ദിനാചരണം നടത്തി. യുദ്ധത്തിന്റെ കെടുതികളെക്കുറിച്ചും സഡാക്കോ കൊക്ക്കളുടെ നിർമ്മാണത്തിന്റെ പിന്നിലുള്ള ചരിത്രത്തെക്കുറിച്ചും ഹെഡ്മാസ്റ്റർ സാബു പി ജോൺ കുട്ടികളോട് പങ്കുവെച്ചു. നേരത്തെ അറിയിച്ചത് പോലെ കുട്ടികൾ സഡാക്കോ കൊക്കുകളെ വീട്ടിൽ നിന്നും നിർമ്മിച്ചു വന്നു സ്കൂൾ വരാന്തയിൽ പ്രദർശിപ്പിച്ചു.

യുദ്ധം അനിവാര്യമോ അല്ലയോ എന്ന വിഷയത്തെക്കുറിച്ച് സംവാദം നടത്തി. സംവാദത്തിന്റെ മോഡറേറ്ററായി മെൽബി ടീച്ചർ നിലകൊള്ളുകയും കുട്ടികൾക്ക് യുദ്ധവിരുദ്ധ പ്രതിജ്ഞ ചൊല്ലി കൊടുക്കുകയും ചെയ്തു. യുദ്ധം അവസാനിപ്പിക്കുക സമാധാനം സ്ഥാപിക്കുക എന്ന ആശയത്തെക്കുറിച്ചും ഹിരോഷിമ നാഗസാക്കിന്റെ പ്രാധാന്യത്തെക്കുറിച്ചുമുള്ള സന്ദേശം ശ്രീ ഷിമിൽ അഗസ്റ്റിൻ സാർനൽകുകയുണ്ടായി. വിവിധ ക്ലാസുകളിലായി ഹിരോഷിമ നാഗസാക്കി ദിനത്തിന്റെ ക്വിസ് മത്സരം നടത്തുകയും പോസ്റ്റർ രചന നടത്തുകയും ചെയ്തു.

കൂടാതെ യുദ്ധത്തിന്റെ ഘടനകളെ കുറിച്ച് ഹൗസ് അടിസ്ഥാനത്തിൽ കൊളാഷ് മത്സരം നടത്തുകയും സമ്മാനം നൽകുകയും ചെയ്തു.

സ്വാതന്ത്ര്യ ദിനം - ആഗസ്റ്റ് 15

ഭാരതത്തിന്റെ എഴുപത്തിയൊൻപതാം സ്വാതന്ത്ര്യ ദിനം സെന്റ് സെബാസ്റ്റ്യൻസ് യുപിഎസ് സ്കൂളിൽ സാഘോഷം കൊണ്ടാടി. സ്വാതന്ത്ര്യത്തിനുവേണ്ടി പോരാടിയ ധീര ജവാക്കളെ അനുസ്മരിച്ചു….സ്കൂൾ മാനേജർ റവ. ഫാ. സജി ഇളയിടം സ്കൂൾ അങ്കണത്തിൽ അസംബ്ലി മധ്യേ പതാക ഉയർത്തി സന്ദേശം നൽകുകയും ചെയ്തു. തുടർന്ന് സ്വാതന്ത്ര്യ ആഘോഷ പരിപാടികൾ സ്കൂളിൽ നവീകരിച്ച കെട്ടിടത്തിൽ നടന്നു. സ്വാതന്ത്ര്യ ദിന സന്ദേശം ഹെഡ്മാസ്റ്റർശ്രീ. സാബു പി ജോൺ, ഫാ. ഷാജി cap. Sr. സ്മിത എന്നിവർ നൽകി.സ്വാതന്ത്ര്യ ദിനത്തോടനുബന്ധിച്ച് ഹൗസ് അടിസ്ഥാനത്തിൽ ദേശഭക്തിഗാനം നടത്തുകയും ഒന്നാം സ്ഥാനം ലഭിച്ച ഗ്രൂപ്പുകൾക്ക് പ്രസ്തുത യോഗത്തിൽ ദേശഭക്തിഗാനം ആലപിക്കുവാൻ അവസരം നൽകുകയും ചെയ്തു. സ്വാതന്ത്ര്യ ദിന സന്ദേശം സ്കൂൾ പ്രതിനിധി കുമാരി അനിഷ ജോഷി നൽകി. സ്കൂൾ ഗൈഡ്, ബുൾബുൾ യൂണിറ്റുകളുടെ സ്വാതന്ത്ര്യദിന ആഘോഷ പ്രകടനങ്ങൾ ശ്രീമതി സാന്റി, ശ്രീമതി ജിഷ തുടങ്ങിയ ടീച്ചേഴ്സിന്റെ നേതൃത്വത്തിൽ നടത്തപ്പെട്ടു.

കുട്ടികളെ മുഴുവൻ ഉൾക്കൊള്ളിച്ച് ശ്രീ. ഷിമിൽ അഗസ്റ്റിൻ സാറിന്റെ നേതൃത്വത്തിൽമാസ്ട്രിൽ നടത്തി..

കൂടാതെ ദേശഭക്തിയെ വിളിച്ച പെർഫോമൻസ് നാലാംക്ലാസ് വിദ്യാർത്ഥികൾ മഞ്ജു ടീച്ചറിന്റെ നേതൃത്വത്തിൽ അവതരിപ്പിച്ചു. സ്വാതന്ത്രദിന പ്രതിജ്ഞ കുട്ടികൾക്കായി മേൽബി ടീച്ചർ ചൊല്ലിക്കൊടുത്തു. സ്വാതന്ത്ര്യത്തിന്റെ ക്വിസ് കോമ്പറ്റീഷൻ ടീമുകളായി നടത്തപ്പെട്ടു വിജയികളെ ആദരിച്ചു. സ്കൂളും പരിസരവും കുട്ടികൾ നിർമ്മിച്ച തോരണങ്ങളാൽ അലംകൃതമായിരുന്നു.

എൽ പി ക്ലാസുകളിൽ പതാക നിർമ്മാണ മത്സരം നടത്തുകയും ചെയ്തു. പിടിഎ പ്രതിനിധികളുടെയും രക്ഷിതാക്കളുടെയും സാന്നിധ്യം ആഘോഷ പരിപാടികൾക്ക് മാറ്റുകൂട്ടി. പിടിഎ അംഗങ്ങളുടെ സഹായത്തോടെ,സന്നിഹിതരായ ഏവർക്കും അന്നേദിവസം പായസം വിതരണം നടത്തി.

ജൂബിലി വർഷ ഉദ്ഘാടനം - ആഗസ്റ്റ് 19

സെന്റ് സെബാസ്‌റ്റ്യൻസ് A U PS പാടിച്ചിറ വിദ്യാലയത്തിൽ ഗോൾഡൻ ജൂബിലി ആഘോഷങ്ങളുടെ ഉദ്ഘാടനവും, നവീകരിച്ച സ്കൂൾ ഓഡിറ്റോറിയത്തിന്റെ സമർപ്പണവും 2025 യു എസ് എസ് ജേതാക്കളെ ആദരിക്കലും, വിവിധ ക്ലബ്ബുകളുടെ ഉദ്ഘാടനവും നടത്തപ്പെട്ടു.കാര്യപരി പടികളിലേക്കു ഏവരെയും സ്വാഗതം ചെയ്തു ഹെഡ് മാസ്റ്റർ ശ്രീ. സാബു പി ജോൺ ആമുഖ സംഭാഷണം നടത്തി.

പനമരം ബ്ലോക്ക് പഞ്ചായത്ത് പ്രസിഡന്റ് ശ്രീമതി ഗിരിജക കൃഷ്ണൻ ജൂബിലിയുടെ ലോഗോ പ്രകാശനം ചെയ്തു. ആശംസകൾ അറിയിച്ച സംസാരിച്ചു. വിവിധ ക്ലബ്ബുകളുടെ ഉദ്ഘാടനം മുള്ളൻകൊല്ലി പഞ്ചായത്ത് വൈസ് പ്രസിഡന്റ് ശ്രീമതി മോളി ആകാന്തരി നിർവഹിച്ചു. ശാസ്ത്ര പരീക്ഷണം കാണിച്ചുകൊണ്ട് സ്കൂളിലെ വിവിധ ക്ലബ്ബുകളുടെ പ്രാധാന്യത്തെ പറ്റി സംസാരിച്ചു. ജൂബിലി വർഷത്തിന് ആശംസകൾ അർപ്പിച്ചു.യുഎസ്എസ് പ്രതിഭകളെ ആദരിച്ച്മെമെന്റോ നൽകി…

പ്രമാണം:UUS ജേതാക്കൾ .jpg

uss ജേതാക്കൾ

കാലത്തിൻറെ കാല്പനികതയും ഗൃഹാതുരമായ ഓർമ്മകളും ഇഴ ചേർന്ന മനോഹരമായ പ്രഭാതത്തിന്റെ അനുർവ്വചനീയമായ നല്ല നിമിഷങ്ങൾക്കാണ് പാടിച്ചിറ സെൻ സെബാസ്റ്റ്യൻ യുപിഎസ് ഇന്ന് സാക്ഷ്യം വഹിച്ചു…

പ്രമാണം:മുൻ അധ്യാപക പ്രതിനിധി .jpg

മുൻ അധ്യാപകൻ ശ്രീ ഇമ്മാനുവേൽ CM തന്റെ ഓർമ്മകൾ അയവിറക്കുകയും ജൂബിലിയുടെ ആശംസകൾ അറിയിച്ചു സംസാരിക്കുകയും ചെയ്തു. പിടിഎ പ്രതിനിധികളായ ശ്രീ ബിനോജ് ശ്രീമതി റില്ല എന്നിവർ സംസാരിച്ചു. കുട്ടികളുടെ ഡാൻസ് പ്രോഗ്രാമുകളും, പൂർവ്വ വിദ്യാർത്ഥിയുടെ സംഗീതവും വേദിയിൽ അരങ്ങേറി.സ്കൂൾ ലീഡർ മിഷേൽ റോബിൻ ആശംസകൾ അർപ്പിച്ചു സംസാരിച്ചു.

പ്രമാണം:സ്റ്റാഫ് .jpg

അക്ഷരങ്ങൾ നേർച്ച ചാലിച്ചെടുത്ത അനുഭവങ്ങളുടെ പ്രതീക്ഷകളുടെ ഭാവിയുടെയും വർത്തമാനകാലത്തിന്റെയും കുന്നോളമുള്ള ഭൂതകാലത്തിന്റെയും കുളിർ നികൃണ്ടുള്ള മഹാ യാത്രകളുടെ അമ്പതു വർഷങ്ങൾ….

അക്ഷരങ്ങൾ അഗ്നിയായി പെയ്തിറങ്ങിയ പതിച്ചാണ്ടുകളുടെ സുഗന്ധം പാടിച്ചിറ സെൻറ് സെബാസ്റ്റ്യൻ യുപിഎസ് മഹനീയമായ ഗോൾഡൻ ജൂബിലിയുടെ പൂർണ്ണതയിൽ എത്തിനിൽക്കുന്നു

കഠിനപ്രയത്നങ്ങളുടെ മധു നുകർന്ന് വിജയത്തിന്റെ ആത്മസാക്ഷാത്കാരത്തിൽ സൗഹൃദവും ഒരുമയും ചേർത്ത് നിർത്തുന്ന നിർവൃതി.

ഓണാഘോഷം-2025

ഐശ്വര്യത്തിന്റെയും സമ്പൽസമൃദ്ധിയുടെയും പൊന്നോണം പത്തിരട്ടി മാറ്റോടെ ഈ വർഷം പാടിച്ചിറ സെന്റ് സെബാസ്റ്റ്യൻസ് കുടുംബം കൊണ്ടാടി. ഈ വർഷത്തെ പൊന്നോണം ജൂബിലി വർഷത്തിൽ ആഘോഷിക്കാൻ സാധിച്ചതിൽ പൂർവവിദ്യാർത്ഥികളും പാടിച്ചിറയിലെ അധ്യാപകരും, പ്രദേശവാസികളും അത്യു ത്സാഹത്തിൽ ആയിരുന്നു. സുവർണ്ണ ജൂബിലി ആഘോഷത്തിന്റെ ഭാഗമായിട്ടായിരുന്നു ഇത്തവണത്തെ ഓണം. പൂർവ വിദ്യാർത്ഥികളും,റിട്ടയർ അധ്യാപകരും, പിടിഎ എക്സിക്യൂട്ടീവ് അംഗങ്ങളും, വിദ്യാർത്ഥികളും അധ്യാപകരും ചേർന്ന് ഒരുക്കിയ ഒന്നിച്ചുള്ള ഓണം. ഐശ്വര്യത്തെയും, ഒരുമിയുടെയും,സൗഹൃദത്തിന്റെയും ഈ പൊന്നോണത്തിൽ. 50 മങ്കമാർ ചേർന്നൊരുക്കിയ മെഗാ തിരുവാതിരയുടെ ഉദ്ഘാടനം ശ്രീമതി ജിസ്‌റ മുനീർ നിർവഹിച്ചു. വടംവലി ഉദ്ഘാടനം പൂർവ വിദ്യാർത്ഥിയും എസ്പി യുമായ ശ്രീ ജോസ് മോൻ നിർവഹിച്ചു. വടംവലി ഫൈനൽ മത്സരത്തിൽ ഒരുമ തറപ്പത്ത് കവല ഒന്നാം സ്ഥാനവും,SAS കരിമം രണ്ടാം സ്ഥാനവും മാത്തനും മക്കളും മൂന്നാം സ്ഥാനവും കരസ്ഥമാക്കി. പ്രധാനാധ്യാപകൻ ശ്രീ.സാബു പി ജോൺ,മാനേജർ ഫാ. സജി ഇളയിടത്ത്, പി ടി പ്രതിനിധി ബിനോജ്, എന്നിവർ ഓണ സന്ദേശം നൽകി. റിട്ടയർ അധ്യാപകൻ ശ്രീ ഇമ്മാനുവൽ, ശ്രീ ബാലചന്ദ്രൻ പി ബി ശ്രീ സത്യൻ ടി എ എന്നീ പൂർവ്വ വിദ്യാർത്ഥികളും സന്നിഹിതരായിരുന്നു.വിദ്യാർത്ഥികൾക്ക് ക്ലാസ് തലത്തിൽ വിവിധ ഓണപരിപാടികളും, മത്സരങ്ങളും നടത്തി വിജയങ്ങൾക്ക് സമ്മാനം നൽകി. മാവേലിനെ വരവേറ്റു പൊന്നോണ ദിനത്തിൽ ഏവർക്കും സെന്റ് സെബാസ്റ്റ്യൻ കുടുംബം സദ്യ ഒരുക്കി.

സർഗ്ഗ വസന്തം 2025

സെപ്റ്റംബർ 25ന് സർഗ്ഗ വസന്തം 2025 എന്ന പേരിൽ സ്കൂൾ കലാമേള സെന്റ് സെബാസ്റ്റ്യൻ സ്കൂളിൽ സംഘടിപ്പിച്ചു. ബഹുമാനപ്പെട്ട എച്ച് എം ശ്രീ സാബു പി ജോൺ കലാമേള ഉദ്ഘാടനം ചെയ്തു. കുട്ടികളെ വിവിധ ഗ്രൂപ്പുകളായി തിരിച്ച് കലാസാഹിത്യം മത്സരങ്ങൾ നടത്തപ്പെട്ടു. വിജയികൾക്ക് അനുമോദനങ്ങൾ അർപ്പിക്കുകയും സമ്മാനങ്ങൾ വിതരണം ചെയ്യുകയും ചെയ്തു. കുട്ടികളുടെ സർഗാത്മക കഴിവുകൾ വളർത്തുവാൻ ഉതകുന്ന വിധത്തിൽ ആയിരുന്നു കാര്യപരിപാടികൾ.

ഒളിമ്പ്യ 2025

സെൻറ് സെബാസ്റ്റ്യൻസ് സ്കൂളിൽ കായിക മാമാങ്കം. രണ്ടുദിവസങ്ങളിലായി സ്കൂൾ ഗ്രൗണ്ടിൽ കുട്ടികൾക്കായി വിവിധ കായിക മത്സരങ്ങളോടെ സ്പോർട്സ് ഡേ ആചരിച്ചു. പുൽ പ്പള്ളി പോലീസ് സബ് ഇൻസ്പെക്ടർ ശ്രീ മോഹനൻ ദീപശിഖ കൊളുത്തി കായികമേള ഉദ്ഘാടനം ചെയ്തു. സ്കൂൾ മാനേജർ ഫാദർ സജി ഇളയിടം സ്പോർട്സ് പതാക ഉയർത്തി. എസ് ഐ മോഹനൻ, ഹെഡ്മാസ്റ്റർ സാബു പി ജോൺ, ഫാ. സജി ഇളയിടം, പ്രസിഡന്റ് ശ്രീ ബിനോജ് എന്നിവർ ആശംസകൾ അർപ്പിച്ചു.

വിഷരഹിത പച്ചക്കറി തോട്ടം നിർമ്മാണം-2025

മുൻവർഷങ്ങളിലേതു പോലെ ഈ വർഷവും സെന്റ് സെബാസ്റ്റ്യൻസ് പാടിച്ചിറ സ്കൂൾ പച്ചക്കറിത്തോട്ടം നിർമ്മിച്ചു. അധ്യാപകരുടെയും പിടിഎയുടെയും നേതൃത്വത്തിൽ നല്ല പാഠം കുട്ടികളുടെയും, വിദ്യാർത്ഥികളുടെയും സഹകരണത്തോടെ, പയർ കോളിഫ്ലവർ ക്യാബേജ് തക്കാളി മുളക് തുടങ്ങിയ പച്ചക്കറികൾ ഉൾപ്പെടുത്തി ജൈവകൃഷി തോട്ടം സ്കൂളിനോട് ചേർന്നുള്ള സ്ഥലത്ത് നിർമിച്ചു. ഉച്ചഭക്ഷണത്തിൽ തങ്ങളുടെ തന്നെ വിളവുകൾ ഭക്ഷിച്ച് ഉന്മേഷരാകാം എന്ന പ്രതീക്ഷയോടെ വിദ്യാർത്ഥികളും അധ്യാപകരും..

.

ഒക്ടോബർ 9 ദേശീയ തപാൽ ദിനം

ദേശീയ തപാൽ ദിനത്തിൽ എസ് എസ് യു പി എസ് പാടിച്ചിറയിലെ വിദ്യാർത്ഥികൾ അധ്യാപകരുടെ നേതൃത്വത്തിൽ അടുത്തുള്ള പോസ്റ്റോഫീസ് സന്ദർശിച്ചു. പോസ്റ്റ് ഓഫീസിലെ പ്രവർത്തന സംവിധാനങ്ങളെ പറ്റിയും നിലവിലുള്ള തപാൽ സൗകര്യങ്ങളെ പറ്റിയും പോസ്റ്റ് മാസ്റ്റർ കുട്ടികൾക്ക് വിശദീകരിച്ചു കൊടുത്തു. പ്രത്യേകിച്ച് സുകന്യ പോലുള്ള നിക്ഷേപ സ്കീംമിനെ പറ്റി കുട്ടികളെ ബോധവാന്മാരാക്കി. കുറഞ്ഞ തുകകൾ സ്വരൂപിച്ച് പഠനാവശ്യങ്ങൾക്കായി കുട്ടികൾക്ക് ഉപയോഗിക്കാവുന്ന അത്തരം പദ്ധതികൾ കുട്ടികൾക്ക് ഒരു പുതിയ അറിവായിരുന്നു.

ദേശീയ കൈകഴുകൽ ദിനം ഒക്ടോബർ 15

ലോക കൈകകഴുകൽ ദിനാചരണം ഒക്ടോബർ 15 സ്കൂൾ അസംബ്ലിയിൽ പാടിച്ചിറ സ്കൂളിലെ വിദ്യാർത്ഥികൾ ക്കായി നടത്തി. നല്ല ആരോഗ്യ ശീലത്തെപ്പറ്റി ഹെഡ്മാസ്റ്റർ സാബു പി ജോൺ സംസാരിച്ചു.പാടിച്ചിറ 60ലെ ഗവൺമെന്റ് ആശുപത്രിയിലെ ഹെൽത്ത് ഇൻസ്പെക്ടർ വ്യക്തി ശുചിത്വത്തിന്റെ പ്രാധാന്യത്തെ പറ്റിയും ആരോഗ്യപരമായ ശീലങ്ങളെ പറ്റിയും സംസാരിച്ചു. തുടർന്ന് നല്ല പാഠം വിദ്യാർത്ഥികളുടെ നേതൃത്വത്തിൽ കൈ കഴുകൽ പരിശീലനം ഹെൽത്ത് ഇൻസ്പെക്ടറിൽ നിന്നും സി ദ്ധിച്ചു. നാലാം ക്ലാസ് വിദ്യാർത്ഥിനിയായ കാതൽ റോണി സഹപാഠികൾക്ക് നേരായ രീതിയിലെ കൈകൾ കഴുകുന്ന വിധം അസംബ്ലിയിൽ കാണിച്ചുകൊടുത്തു. ഷെറിൻ ടീച്ചർ പ്രസ്തുത പരിപാടിക്ക് ആശംസയും നന്ദിയും അർപ്പിച്ചു സംസാരിച്ചു.

https://photos.app.goo.gl/7XrV9u89PZ4WW8tQA

.ലോക ഭക്ഷ്യദിനം ഒക്ടോബർ 16

എസ് എസ് യു പി എസ് പാടിച്ചിറ സ്കൂളിൽ കുരുന്നുകൾക്കായി ലോക ഭക്ഷ്യ ദിനത്തിൽ ഭക്ഷണമേള സംഘടിപ്പിച്ചു. സ്കൂൾ ഹെഡ്മാസ്റ്റർ ശ്രീ സാബു പി ജോൺ ഭക്ഷ്യമേള ഉദ്ഘാടനം ചെയ്തു. അധ്യാപകർക്കും വിദ്യാർത്ഥികൾക്കും ആനന്ദത്തിന്റെ അവസരമായിരുന്നു അത്.

നിറവ് 2025

2025 പ്രവൃത്തി പരിചയ ശാസ്ത്രമേള പ്രതിഭകളെ പി ടി എ യുടെ നേതൃത്വത്തിൽ സെന്റ് സെബാസ്റ്റ്യൻസ് എ യു പി എസ് സ്കൂൾ ആദരിച്ചു. പ്രവർത്തിപരിചയമേളയിൽ എൽ.പി തലത്തിൽ ഓവറോളും, യു.പി. തലത്തിൽ മൂന്നാം സ്ഥാനവും കരസ്ഥമാക്കി. ഐ ടി മേളയിൽ യുപി തലത്തിൽ ഓവറോൾ നേടുവാൻ സ്കൂളിന് സാധിച്ചു.https://photos.app.goo.gl/Kq5QbLZ7SKEGaAx29 കുട്ടികളുടെ സർഗാത്മക കഴിവുകൾ വികസിപ്പിക്കുന്ന ഇത്തരം മേളകൾക്ക് അധ്യാപകരുടെയും മാതാപിതാക്കളുടെയും പിന്തുണ വളരെ വലുതായിരുന്നു. പി ടി എ പ്രസിഡന്റ് ശ്രീ. ബിനോജിന്റെ നേതൃത്വത്തിൽ നിറവ് 2025 എന്ന പേരിൽ ആദരിക്കൽ ചടങ്ങ് ഒക്ടോബർ 17 നു നടത്തപ്പെട്ടു.സയൻസ്, സോഷ്യൽ, ഗണിതം തുടങ്ങിയ ശാസ്ത്രമേളകളിലും മികവ് പ്രകടിപ്പിക്കുവാൻ പാടിച്ചിറയിലെ കുട്ടികൾക്ക് സാധിച്ചു. പ്രസ്തുത യോഗം ബത്തേരി നിയോജകമണ്ഡലം എം എൽ എ ശ്രീ.ഐ.സി.ബാലകൃഷ്ണൻ ഉദ്ഘാടനം ചെയ്ത് പ്രതിഭകളെ ആദരിച്ച് സംസാരിക്കുകയും സമ്മാനങ്ങൾ കൈമാറുകയും ചെയ്തു. മുള്ളൻകൊല്ലി പഞ്ചായത്ത് പ്രസിഡന്റ് ശ്രീ. പി.വിജയൻ കുട്ടികൾക്ക് ആശംസകൾ അർപ്പിച്ചു സമാനദാനം നിർവഹിച്ചു. പഞ്ചായത്ത് വൈസ് പ്രസിഡന്റ് ശ്രീമതി മോളി ആകാന്തരി,വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ. ഷൈജു പന്നിത്തോപ്പിൽ തുടങ്ങിയവർ കുട്ടികളെയും അധ്യാപകരെ ആദരിച്ച് സംസാരിച്ചു. സ്കൂൾ മാനേജർ ഫാദർ സജി ഇളയിടം, ഹെഡ്മാസ്റ്റർ ശ്രീ സാബു പി.ജോൺ,സ്കൂൾ ലീഡർ കുമാരി മിഷേൽ റോബിൻ സ്റ്റാഫ് പ്രതിനിധി സിസ്റ്റർബിജി പോൾ സിഎംസി. എന്നിവർ സമ്മേളനത്തിൽ ആശംസകൾ അറിയിച്ചു. പിടി എക്സിക്യൂട്ടീവിന്റെ നേതൃത്വത്തിൽ കുട്ടികളെയും അധ്യാപകരെയും ആദരിച്ചുകൊണ്ടുള്ള ഈ അനുമോദനയോഗം പാടിച്ചിറ സ്കൂളിന്റെ ജൂബിലി വർഷത്തിൽ ഒരു പൊൻതൂവൽ ചേർത്തുവെച്ചു.https://photos.app.goo.gl/G9BqgQG5fYu9QTor5

കേരള പിറവി : നവംബർ 1

കേരള പിറവി 2025

കേരളത്തിന്റെ എഴുപതാം പിറന്നാളിൽ സെന്റ് സെബാസ്റ്റ്യൻസ് യുപി സ്കൂളിലെ കുട്ടികൾ കേരളപ്പിറവി മനോഹരമായ രീതിയിൽ രീതിയിൽആഘോഷിച്ചു. മലയാളഭാഷയുടെ പ്രാധാന്യം കാണിക്കുന്ന വിവിധ പരിപാടികൾ സംഘടിപ്പിച്ചു. നല്ലപാടം കുട്ടികളുടെ നേതൃത്വത്തിൽ നുറുങ്ങു കവിതകൾ എഴുതി കവിത മരം രൂപപ്പെടുത്തി. കുട്ടികൾ അത് വായിക്കുകയും ആസ്വദിക്കുകയും ചെയ്തു. കേരള വിവിധ ശൈലിയിൽ കുട്ടികൾ ഒരുങ്ങി വരുകയും ഫാഷൻ ഷോ മത്സരം നടത്തി വിജയികൾക്ക് സമ്മാനം നൽകി. കേരള ചരിത്രം മൂന്നാം ക്ലാസ്സ്‌ വിദ്യാർത്ഥി കൾ അവതരിപ്പിച്ചു. ഹെഡ് മാസ്റ്റർ കേരളപിറവി ആശംസകൾ അർപ്പിച്ചു. കേരള പതിപ്പ് നിർമാണ മത്സരം നടത്തി.

വൈദ്യുതി സുരക്ഷാ ബോധവൽക്കരണ ക്ലാസ് നടത്തി

പാടിച്ചിറ :സെന്റ് സെബാസ്റ്റ്യൻ എ യു പി സ്കൂൾ പാടിച്ചിറയിൽ നല്ല പാഠം ക്ലബ്ബിന്റെ നേതൃത്വത്തിൽ വൈദ്യുതി സുരക്ഷാ ബോധവൽക്കരണ ക്ലാസ് സംഘടിപ്പിച്ചു. കെ എസ് ഇ ബി പാടിച്ചിറ അസിസ്റ്റന്റ് എൻജിനീയർ ശ്രീ വേണു കെ ജി, ഓവർസിയർ ശ്രീ ജോണി കെ വി , സബ് എൻജി നീയർ ശ്രീ പ്രദീപ് സി.എൻ തുടങ്ങിയവർ ക്ലാസ് നയിച്ചു .വൈദ്യുതി സുരക്ഷ എങ്ങനെ ഉറപ്പുവരുത്താം എന്നും വൈദ്യുതോപകരണങ്ങൾ ശ്രദ്ധയോടെ എങ്ങനെ ഉപയോഗിക്കാം എന്നും കുട്ടികളിൽ അവബോധം ഉണ്ടാക്കാൻ ക്ലാസ്സ് നു സാധിച്ചു.

ശിശു ദിനം നവംബർ 14

വർഷങ്ങളിൽ എന്നപോലെ ഇത്തവണയും വർണ്ണശബളമായ ശിശുദിന റാലി നേഴ്സറിയും എസ്എസ് യു പി സ് പാടിച്ചിറ സ്കൂളും സമന്വയിച്ച് പാടിച്ചിറ ടൗണിലേക്ക് നടത്തി. കുട്ടികൾക്ക് മധുരവും സമ്മാനവും വിതരണം ചെയ്തു. ഈ വർഷം പഠിച്ചിറ സ്കൂളിന്റെ ജൂബിലി വർഷം ആകയാൽ 50 ചാച്ചാജിമാരെ അണിയിച്ചൊരുക്കി റാലി വളരെ ആകർഷകമാക്കി. കുരുന്നുകളുടെ കലാപരിപാടികൾ, അധ്യാപകരുടെയും പിടിഎ യുടെ ആശംസകൾ തുടങ്ങിയവ ശിശുദിനാഘോഷങ്ങൾക്ക് മാറ്റുകൂട്ടി.

പൂർവ്വ വിദ്യാർത്ഥി സംഗമം

പാടിച്ചിറ സെന്റ് സെബാസ്റ്റ്യൻസ് AUP സ്കൂളിൽ പൂർവ്വ വിദ്യാർത്ഥി അധ്യാപക സംഗമം നടത്തി. ഒരു വട്ടം കൂടി@ 50 പരിപാടിയിൽ മുള്ളൻ കൊല്ലി ഗ്രാമ പഞ്ചായത്ത് പ്രസിഡന്റ് ലിസി സാബു ഉദ്ഘാടനം നിർവ്വഹിച്ചു. റവ ഫാ സജി ഇളയിടത്തിൽ അധ്യക്ഷനായിരുന്നു. പൂർവ്വ ഹെഡ് മാസ്റ്റർമാരെയും പൂർവ്വ മാനേജർമാരേയും വൈസ് പ്രസിഡന്റ് ഷിനു കച്ചറയിൽ ആദരിച്ചു. മുൻ മാനേജർ ജെയിംസ് കുന്നത്തേട്ട് വാർഡ് മെബർസണ്ണി ജോസഫ്,ഹെഡ് മാസ്റ്റർ സാബു പി ജോൺ, അധ്യാപക പ്രതിനിധി ഇമ്മാനുവൽ,പൂർവ്വ വിദ്യാർത്ഥികളായ ഷാജി അറയ്ക്കൽ, അമൽഡ ഇമ്മാനുവൽ പി ടി എ പ്രസിഡന്റ് ബിനോജ് പി ജെ. എന്നിവർ സംസാരിച്ചു. പൂർവ്വ വിദ്യാത്ഥികളുടെ സർഗ്ഗ സദസ് പരിപാടിക്ക് മാറ്റുകൂട്ടി. നല്ലപാഠം കുട്ടികളൊരുക്കിയ കുട്ടി കട യിലെ നാരങ്ങ മിഠായിയും ഉപ്പിലിട്ട മാങ്ങയും പഴയ സ്കൂൾ ജീവിത ഓർമ്മകളുണർത്തുന്നതായിരുന്നു.

സെന്റ് സെബാസ്റ്റ്യൻസ് എ യു പി സ്കൂളിൽ വാർഷികാഘോഷവും ഗോൾഡൻ ജൂബിലി സമാപനവും,

ഒരു വർഷം നീണ്ട് നിന്ന സുവർണ്ണ ജൂബിലി ആഘോഷങ്ങളുടെ സമാപനമായ എൻഫെറ്റെ 2K26 അമ്പതിന പരിപാടികളോടെ സമാപിച്ചു. മാനന്തവാടി രൂപത സഹായ മെത്രാൻ മാർ അലക്സ് താരാമ ഗംലം ഉദ്ഘാടനം ചെയ്തു. ചടങ്ങിൽ അമ്പത് വർഷത്തിന്റെ ഓർമ പുതുക്കി "അനുനാദം" സ്മരണിക പ്രകാശനം ചെയ്തു. പൂർവ്വ അധ്യാപകരുടേയും വിദ്യർത്ഥികളുടേയും വിവിധ സർഗ്ഗ സൃഷ്ടികൾ ഇതിൽ ആലേഖനം ചെയ്തിരിക്കുന്നു. കോർപ്പറേറ്റ് മാനേജർ റവ.ഫാ.സിജോ ഇളംകുന്നപ്പുഴ അദ്ധ്യക്ഷത വഹിച്ചു. വലിയ സ്വപ്ന ലക്ഷ്യമായി ഉണ്ടായിരുന്ന സ്കൂൾ ഓഡിറ്റോറിയത്തിന്റേയും സയൻസ് ലാബിന്റേയും , ഒപ്പൺ സ്റ്റേജിന്റേയും നവീകരണം നടന്നു. പൂർവ്വ അധ്യാപക - വിദ്യാർത്ഥി കൂട്ടായ്മയിലൂടെ സാക്ഷാത്ക്കരിച്ചു. പ്രദേശവാസികളുടേയും സാമൂഹ്യ രാഷ്ട്രീയ സാംസ്കാരിക പ്രമുഖരുടേയും അകമഴിഞ്ഞ പങ്കാളിത്തം En'fete 2K26ന്റെ വിജയത്തിന് കാരണമായി .

കഴിഞ്ഞ വർഷം ഓഗസ്റ്റ് എട്ടാം തീയതി രൂപീകരിച്ച സുവർണ്ണ ജൂബിലി സ്വാഗത സംഘത്തിന്റെ കൃത്യമായ ആസൂത്രണത്തിൽ അമ്പതിന പ്രവർത്തനങ്ങൾ നടന്നു.ലോഗോ പ്രകാശനം, പൂർവവിദ്യാർത്ഥി അദ്ധ്യാപകസംഗമം, വടം വലി, അഖില വയനാട് ചിത്രരചന, വിളംബര ജാഥ, നാടകക്കളരി, ഗ്രാന്റ് പാരന്റ്സ് ഡെ, ചരിത്ര ഡോക്യുമെന്ററി, എന്നിവ വേറിട്ട അനുഭവം തന്നെ സമ്മാനിച്ചു .ജൂബിലി സമാപനത്തോടനുബന്ധിച്ച് കുട്ടികളുടേയും പൂർവ്വ വിദ്യാർത്ഥികളുടേയും അധ്യാപകരുടേയും വ്യത്യസ്തമായ കലാപരിപാടികളും, ഗാനമേളയും, സ്നേഹ വിരുന്നും പരിപാടിക്ക് മാറ്റുകൂട്ടുന്നതായിരുന്നു .ഫാ സജി ഇളയിടത്തിൽ, പഞ്ചായത്ത് പ്രസിഡന്റ് ലിസി സാബു, വൈസ് പ്രസിഡന്റ് ഷിനു കച്ചിറയിൽ, വിദ്യാഭ്യാസ സ്റ്റാഡിങ്ങ് കമ്മിറ്റി ചെയർ മാൻ ഷെനി സണ്ണി, വാർഡ് മെബർ സണ്ണി ജോസഫ് സാബു പി ജോൺ, ഇമ്മാനുവൽ സി എം ,ജോൺസൺ കെ ജി ബിനോജ് പി.ജെ, റില്ല ബിനോയ്, മിഷേൽ റോബിൻ, എന്നിവർ സംസാരിച്ചു.

ഫുഡ്‌ ഫെസ്റ്റ് -2026

പഠന പ്രവർത്തനങ്ങളുടെ ഭാഗമായി ഏഴാം ക്ലാസ് വിദ്യാർത്ഥികൾ ഫുഡ് ഫെസ്റ്റിവൽ ബഹുമാനപ്പെട്ട എച്ച് എം ശ്രീ സാബു പി ജോൺ സാർ ഫുഡ് ഫെസ്റ്റ് ഉദ്ഘാടനം ചെയ്തു. വിദ്യാർഥികൾക്ക് മാധ്യപൂർവ്വം കൗതുകം ഉണർത്തുന്ന ഒന്നായിരുന്നു അത്. വ്യത്യസ്തങ്ങളായ വിഭവങ്ങൾ ഒരുക്കി കുട്ടികൾ ആഘോഷ പ്രകടിപ്പിച്ചു.

ഹരിത സേന സ്കോളർഷിപ്പ് പ്രവർത്തനം - 2026

വ്യക്തി ശുചിത്വ സമൂഹ ശുചിത്വവും ശീലമാക്കുവാൻ മാലിന്യനിർമാർജനം പ്രകൃതിക്ക് ദോഷമില്ലാത്ത രീതിയിൽ ചെയ്യുവാൻ ഹരിത സഭയുടെ നേതൃത്വത്തിൽ സെൻറ് സെബാസ്റ്റ്യൻസ് എ യു പി സ്കൂളിൽ വിവിധ പ്രവർത്തനങ്ങൾക്കായി കുട്ടികളും ടീച്ചേഴ്സും കൈകോർത്തു.

പഠനോത്സവം -2026

സെന്റ് സെബാസ്റ്റ്യൻസ് യുപിഎസ് സ്കൂളിൽ 2025 -26 അധ്യായന വർഷത്തെ പഠനോത്സവം സാഘോഷം കൊണ്ടാടി. പഠനോത്സവത്തിന്റെ വേദിയിൽ ഏവർക്കും സ്വാഗതമേകി ജിഷ ടീച്ചർ സംസാരിച്ചു.സ്കൂൾ മാനേജർ റവ ഫാദർ സജി ഇളയിടത്ത് പഠനോത്സവം ശാസ്ത്ര പരീക്ഷണത്തിലൂടെ ഉദ്ഘാടനം ചെയ്യുകയും കുട്ടികൾക്ക് ആശംസകൾ അർപ്പിക്കുകയും ചെയ്തു. പി ടി എ പ്രസിഡന്റ് ശ്രീ ബിനോജ് പഠനോത്സവത്തിൽ കുട്ടികൾക്ക് ആശംസകൾ അർപ്പിച്ചു സംസാരിച്ചു.പഠനോത്സവത്തിന്റെ പ്രാധാന്യത്തെ പറ്റി ബഹുമാനപ്പെട്ട ഹെഡ്മാസ്റ്റർ സാബു പി ജോൺ സാർ സംസാരിക്കുകയും പഠനോത്സവം ഡിസ്പ്ലേ ചെയ്യുകയും കുട്ടികളെയും അധ്യാപകരെയും അഭിനന്ദിക്കുകയും ചെയ്തു. ഒന്നാം ക്ലാസ് മുതൽ ഏഴാം ക്ലാസ് വരെയുള്ള വിദ്യാർത്ഥികൾ വിവിധ സബ്ജക്ടുകളുടെ പഠന പ്രവർത്തനങ്ങൾ കലയിലൂടെയും, പാട്ടിലൂടെയും,നാടകത്തിലൂടെയും സ്കൂൾ ഓഡിറ്റോറിയത്തിൽ അവതരിപ്പിച്ചു. മലയാളം, ഇംഗ്ലീഷ്,കണക്ക് ഉറുദു,ഹിന്ദി, സംസ്കൃതം തുടങ്ങിയ വിവിധ ഭാഷകളിലുള്ള പ്രോഗ്രാമുകൾ രാവിലെ മുതൽ ഉച്ച വരെ നടത്തപ്പെട്ടു. പടനോത്സവത്തിന്റെ ഔദ്യോഗിക ചടങ്ങുകൾക്ക് നന്ദി അർപ്പിച്ച് സിസ്റ്റർ സ്മിത സംസാരിച്ചു.