"ഗവ. യൂ.പി.എസ്.നേമം/പ്രവർത്തനങ്ങൾ/2024-25/മികവഴക്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ദുരന്തം ഒന്നാകെ പറിച്ചെടുത്ത വയനാട് മുണ്ടകൈ ഗവ. എൽ.പി. എസിലെ ശാലിനി ടീച്ചർ മികവഴകിനെത്തിയത് അതിജീവനത്തിൻ്റെ ആദ്യാക്ഷരങ്ങൾ പങ്കിടാൻ. ഒന്നഴക് അധ്യാപക കൂട്ടായ്മ നേമം ഗവ.യു.പി എസിൽ സംഘടിപ്പിച്ച മികവഴകിലാണ് ദുരന്തത്തെ അതിജീവിച്ച ഒന്നാം ക്ലാസുകാരുടെ അക്കാദമിക മികവുകൾ പങ്കിട്ടത്. ദുരന്തത്തിന് മുമ്പ് 55 കുട്ടികൾ എൽ.പി വിഭാഗത്തിലുണ്ടായിരുന്നു. ഒന്നാം ക്ലാസിൽ 12 പേർ. 55 കുട്ടികളും ആഹ്ളാദാരവങ്ങളോടെ അക്ഷരലോകത്തായിരുന്നപ്പോഴാണ് ഓർക്കാപ്പുറത്ത് ദുരന്തമെത്തുന്നത്.  ദുരന്തത്തിൽ 11 പേർ നഷ്ടപ്പെട്ടു. ഒരു മാസത്തിന് ശേഷം മേപ്പാടി കമ്മ്യൂണിറ്റി ഹാളിൽ സ്കൂൾ പ്രവർത്തനമാരംഭിച്ചപ്പോൾ ഒന്നാം ക്ലാസിലെത്തിയത് പത്തു പേർ. മാറിയ പാഠപുസ്തകങ്ങളും കൈപ്പുസ്തകവും അതിജീവനപാഠങ്ങളും സമന്വയിപ്പിച്ച് വിനിമയം ചെയ്ത് ഒന്നാം ക്ലാസിലെ കൂട്ടുകാരിലുണ്ടായ അക്കാദമിക് വിജയഗാഥയാണ് ടീച്ചർ മികവഴകിൽ പങ്കുവെച്ചത്.