ജി.യു.പി.എസ്. മുണ്ടോത്തുപറമ്പ/പ്രവർത്തനങ്ങൾ/2023-24

2022-23 വരെ

2023-24

2024-25

പ്രവേശനോത്സവം

മുണ്ടോത്ത് പറമ്പ് ജി യു പി എസിൽ പ്രവേശനോത്സവം ഭംഗിയായി നടത്തി. സ്കൂൾ പരിസരവും ക്ലാസ് റൂമുകളും അലങ്കരിച്ചു. ആറാം ക്ലാസിലെ ഏഴാം ക്ലാസിലെയും കുട്ടികൾ സമ്മാനങ്ങളും ആശംസ കാർഡുകളും നൽകി നവാഗതരെ വരവേറ്റു. എല്ലാ കുട്ടികൾക്കും പായസം നൽകി

പ്രവേശനോത്സവം ഉത്ഘാടനം	പ്രവേശനോത്സവം	പ്രവേശനോത്സവം പോസ്റ്റർ

പുസ്തക വണ്ടി

വായനയോടുള്ള താൽപ്പര്യം മാനിച്ച് പ്രദേശവാസികളുടെ വീടുകളിൽ പുസ്തകം എത്തിച്ചുകൊടുക്കുക എന്ന ലക്ഷ്യത്തോടെ പുസ്തക വണ്ടി എന്ന പരിപാടി സീനിയർ അധ്യാപകൻ മുരളീധരൻ മാഷ് രക്ഷിതാവ് അമ്പിളിക്ക് നൽകിക്കൊണ്ട് ഉദ്ഘാടനം ചെയ്തു

വിജയസ്പർശം

വിജയസ്പർശം മാസ്റ്റർ പ്ലാൻ ഉദ്ഘാടനം ബഹുമാനപ്പെട്ട വാർഡ് മെമ്പർ അംജിത ജാസ്മിൻ നിർവഹിച്ചു. പിടിഎ എസ് എം സി അംഗങ്ങളും രക്ഷിതാക്കളും പങ്കെടുത്തു

വിജയസ്പർശം മാസ്റ്റർ പ്ലാൻ ഉദ്ഘാടനം

സ്വാതന്ത്ര്യദിനാഘോഷം

ഗവൺമെന്റ് യുപി സ്കൂൾ മുണ്ടോത്ത് പറമ്പിൽ സ്വാതന്ത്ര്യ ദിനം സമുചിതമായി കൊണ്ടാടി. ഹെഡ്മിസ്ട്രസ്  ഷാഹിന ടീച്ചർ പതാക ഉയർത്തി. സ്കൂൾ ലീഡർ ഫാത്തിമ ഷിഫ  ഭരണഘടനയുടെ ആമുഖം വായിച്ചു.  സ്വാതന്ത്ര്യദിന ആഘോഷത്തിൽ പിടിഎ-എസ് എം സി ഭാരവാഹികൾ, പൂർവവിദ്യാർത്ഥികൾ, ക്ലബ് അംഗങ്ങൾ, അംഗനവാടി വിദ്യാർത്ഥികൾ, മുതലായവർ സന്നിഹിതരായിരുന്നു. ദേശീയ നേതാക്കളുടെ വേഷമണിഞ്ഞ കുട്ടികൾ ഉൾപ്പെടെ കുങ്കുമ നിറവും വെള്ളയും പച്ചയും വർണ്ണങ്ങൾ അണിഞ്ഞ വിദ്യാർത്ഥികൾ അണിനിരന്ന സ്വാതന്ത്ര്യദിന സന്ദേശ റാലി നടന്നു. പായസ വിതരണത്തിനു ശേഷം കുട്ടികളുടെ വിവിധ കലാപരിപാടികൾ അരങ്ങേറി. സ്വാതന്ത്ര്യ ദിന ക്വിസ് മത്സരത്തിൽ 6A ക്ലാസ് ഒന്നാം സ്ഥാനവും 6 B ക്ലാസ് രണ്ടാം സ്ഥാനവും 6F ക്ലാസ് മൂന്നാം സ്ഥാനവും നേടി.

• 
• 
• 
• 

  സ്വാതന്ത്ര്യദിനാഘോഷം

ഓണാഘോഷം

ഈ വർഷത്തെ ഓണാഘോഷ പരിപാടികൾ ഓണാരവം -23 എന്ന പേരിൽ സംഘടിപ്പിച്ചു. അത്തപ്പൂക്കളം മത്സരം, വടംവലി മത്സരം, തിരുവാതിര കളി, ഗ്രീറ്റിംഗ് കാർഡ് നിർമ്മാണ മത്സരം, കായിക മത്സരങ്ങൾ, കലാപരിപാടികൾ, ഓണസദ്യ  തുടങ്ങി വൈവിധ്യമാർന്ന  പരിപാടികൾ ഉൾപ്പെടുത്തി നടത്തിയ ഓണാഘോഷം കുട്ടികൾക്ക് നല്ലൊരു അനുഭവമായി.

ഒരുമയുടെ ഓണം	ഒരുമയുടെ ഓണം സ്കൂളിലെ അധ്യാപകർ

അകറ്റാം നമുക്കും പ്ലാസ്റ്റിക്കിനെ

ജില്ലാ ശുചിത്വമിഷന്റെ നേതൃത്വത്തിൽ ബോധവൽക്കരണ ക്ലാസും സ്കൂൾതല പദ്ധതി നിർവഹണവും നടത്തി. അകറ്റാം നമുക്കും പ്ലാസ്റ്റിക്കിനെ പദ്ധതി  ജനകീയ ആസൂത്രണം ജില്ലാ കോഡിനേറ്റർ ശ്രീ എ. ശ്രീധരൻ ഉദ്ഘാടനം ചെയ്തു. മുണ്ടോത്ത്പറമ്പ ഗവ. യുപി സ്കൂളിലെ വിദ്യാർത്ഥി കൾക്കും ,അധ്യാപകർക്കുമായി 600 ൽ പരം തുണി സഞ്ചികൾ സ്കൂളിലെ മജീദ് മാഷ് നിർമ്മിക്കുകയും അവ പി ടി എ യുടെ നേതൃത്വത്തിൽ സൗജന്യമായി വിതരണം ചെയ്യുകയും ചെയ്തു.

അകറ്റാം നമുക്കും പ്ലാസ്റ്റിക്കിനെ

കലോത്സവം

മുണ്ടോത്തുപറമ്പ് ഗവ: യു.പി സ്ക്കൂൾ  തല കലോത്സവം "നൂപുരം-2023 " ഒക്ടോബർ 4,5 തീയതികളിൽ നടത്തി.യുവ ഗായിക നമിത രവീന്ദ്രൻ ചടങ്ങ് ഉദ്ഘാടനം ചെയ്തു. സ്കൂളിൽനിന്ന് പഠിച്ചുപോയ കുട്ടികളിൽ കഴിഞ്ഞവർഷം എസ്എസ്എൽസി,പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് കിട്ടിയ കുട്ടികൾ, കഴിഞ്ഞവർഷം യു എസ് എസ് കിട്ടിയ കുട്ടികൾ, തുടങ്ങിയവരെ ആദരിച്ചു.

ഹരിത സേന

സ്കൂൾ അടുക്കളത്തോട്ടം, നിലം ഒരുക്കൽ പ്രവർത്തനങ്ങൾ മജീദ് മാഷിന്റെ നേതൃത്വത്തിൽ ഹരിത സേന അംഗങ്ങൾ നടത്തി.

സ്പോർട്സ്

സ്കൂൾ കായികമേള സെപ്റ്റംബർ 19,20 തീയതികളിൽ നടത്തി.

സബ്ജില്ലാതല മത്സരത്തിൽ മുഹമ്മദ് ഫർഹാൻ ഹൈജമ്പിൽ രണ്ടാം സ്ഥാനവും ഫാത്തിമ ഷഹല(200mtr.) മൂന്നാം സ്ഥാനവും, റിലേയിൽ ഒന്നാം സ്ഥാനവും കരസ്ഥമാക്കി

മലപ്പുറം ജില്ല സബ്ജൂനിയർ ടീമിലേക്ക് ഫാത്തിമ ഷഹല, ഫാത്തിമ റഹ്മത്ത് എന്നീ കുട്ടികൾ തിരഞ്ഞെടുക്കപ്പെട്ടു.

വേങ്ങര സബ്ജില്ല കിഡീസ് വിഭാഗം സ്പോർട്സിൽ ജി യു പി എസ് മുണ്ടോത്തുപറമ്പ ഓവറോൾ സെക്കന്റ്‌ നേടി ചരിത്രനേട്ടം കൈവരിച്ചു. വേങ്ങര ഉപജില്ല വിദ്യാഭ്യാസഓഫീസർ പ്രമോദ് സാറിൽ നിന്നും കുട്ടികൾ ട്രോഫി ഏറ്റുവാങ്ങി.

ശാസ്ത്രോത്സവം

വേങ്ങര ഉപജില്ലാ ശാസ്ത്രോത്സവത്തിൽ വിവിധ വിഷയങ്ങളിൽ കുട്ടികൾ ശ്രദ്ധേയമായ പ്രകടനം കാഴ്ചവച്ചു. വേങ്ങര ഉപജില്ലാ ശാസ്ത്രോത്സവത്തിൽ 5 ആം സ്ഥാനം ലഭിച്ചു

ഹരിത സഭ

ഹരിത സഭയുടെ സ്കൂൾ തല ഉദ്ഘാടനം ഹെഡ്മിസ്ട്രസ് ശ്രീ.ഷാഹിന ടീച്ചർ  നിർവഹി ക്കുകയും,ഹരിത സഭയുടെ ഉദ്ദേശലക്ഷ്യത്തെ കുറിച്ചും ,എങ്ങനെ പ്രാവർത്തികമാക്കണം എന്നതിനെക്കുറിച്ചും ടീച്ചർ സംസാരിച്ചു.

ബീറ്റ് പ്ലാസ്റ്റിക് പൊലൂഷൻ

ഊർജ്ജ ക്ലബ്ബിന്റെ നേതൃത്വത്തിൽ ബീറ്റ് പ്ലാസ്റ്റിക് പൊലൂഷൻ എന്ന വിഷയത്തെ അടിസ്ഥാനമാക്കി പോസ്റ്റർ രചന മത്സരം നടത്തി

ഫുട്ബോൾ അക്കാദമി

മുണ്ടോത്തുപറമ്പ ഗവ: യു പി സ്ക്കൂളിൽ 14 വയസ്സിൽ താഴെയുള്ള ആൺകുട്ടികൾക്കായി ഫുട്ബോൾ പരിശീലനം ചെയ്യുന്നതിന് ഫുട്ബോൾ അക്കാദമി രൂപീകരിച്ചു. ഗ്രാമീണ മേഖലയിലുള്ള കുട്ടികൾക്ക് മികച്ച പരിശീലകരുടെ കീഴിൽ അവസരമൊരുക്കി ഉയർച്ചയിലെത്തിക്കുകയും സ്കൂൾ പഠനത്തോടൊപ്പം കായിക വിദ്യാഭ്യാസവും പ്രോത്സാഹിപ്പിക്കുകയാണ് ലക്ഷ്യം. സ്ക്കൂൾ ഓഡിറ്റോറിയത്തിൽ നടന്ന ചടങ്ങ് ഹെഡ്മിസ്ട്രസ് ആർ. എം. ഷാഹിന ടീച്ചർ ഉദ്ഘാടനം ചെയ്തു.

മുണ്ടോത്തുപറമ്പ ഗവ:യു.പി സ്കൂൾ ഫുട്ബോൾ അക്കാദമിയിൽആഫ്രിക്കൻ ഫുട്ബോളിന്റെ വന്യമായ ആവേശം പകരാൻ ഐവറികോസ്റ്റ് താരം ഫോഫാന ക്യാമ്പിലെത്തി. പതിനാല് വയസ്സിൽ താഴെയുള്ള അൻപത് ആൺ കുട്ടികൾക്കാണ് ഇവിടെ പരിശീലനം നല്കുന്നത് ഒരു വിദേശ താരം ക്യാമ്പ് സന്ദർശിച്ച ആവേശത്തിലാണ് കുട്ടികൾ.

ഉറവിട സംസ്കരണ പദ്ധതി

കേരളപ്പിറവി ദിനത്തിൽ ഉറവിട സംസ്കരണ പദ്ധതി ബഹുമാനപ്പെട്ട കൃഷി ഓഫീസർ മാഡം ഉദ്ഘാടനം ചെയ്തു

കരാട്ടെ ക്ലബ്

പ്രതിസന്ധിഘട്ടത്തിൽ സ്വയരക്ഷ നേടുന്നതിന് പെൺകുട്ടികളെ പ്രാപ്തരാക്കുക എന്ന ലക്ഷ്യം മുന്നിൽ കണ്ടുകൊണ്ട് കരാട്ടെ ക്ലാസ് ആരംഭിച്ചു.

ഹരിതം 23-24

കൃഷിയിൽ മുണ്ടോത്തുപറമ്പ് ഗവ.യു പി സ്കൂൾ ഇനി മാതൃകയാകും

സ്കൂളിന്റെ ഗോൾഡൻ ജൂബിലി വർഷത്തോടനുബന്ധിച്ച്  കുട്ടികൾക്ക് പോഷക സമൃദ്ധമായ ആഹാരം നൽകുക, കാർഷിക സംസ്കാരവുമായി കുട്ടികളെ ബന്ധിപ്പിക്കുക, കൃഷിയിൽ സ്വയം പര്യാപ്തത കൈവരിക്കുക എന്നീ ലക്ഷ്യങ്ങൾ മുന്നിൽകണ്ട് ഹരിതം 23-24 എന്നപേരിൽ മുണ്ടോത്തുപറമ്പ ഗവ.യു.പി സ്കൂളിൽ നടന്നുവരുന്ന കൃഷിയുടെ ഒന്നാംഘട്ട വിളവെടുപ്പ് പുതുവർഷത്തിലെ ആദ്യ ദിനത്തിൽ നടന്നു. വിളവെടുപ്പ് ഉദ്ഘാടനം വേങ്ങര ഉപജില്ല വിദ്യാഭ്യാസ ഓഫീസർ ശ്രീ പ്രമോദ് ,വേങ്ങര ഉപജില്ലാ നൂൺ മീൽ ഓഫീസർ ശ്രീമതി രമ്യ ,പറപ്പൂർ പഞ്ചായത്ത് കൃഷി ഓഫീസർ ശ്രീമതി അൻസീറ തുടങ്ങിയവർ ചേർന്ന് നിർവഹിച്ചു.

ക്രിസ്തുമസ് ആഘോഷം

ഈ വർഷത്തെ ക്രിസ്തുമസ് ന്യൂ ഇയർ ആഘോഷങ്ങൾ ഡിസംബർ 22 ആം തീയതി നടത്തി. ക്രിസ്തുമസ് സന്ദേശം, കരോൾ ഗാനം, പുൽക്കൂട് നിർമ്മാണം, മധുര വിതരണം,സാന്താക്ലോസ് ഡാൻസ്,ക്രിസ്മസ് ട്രീ തുടങ്ങിയ വൈവിധ്യമായ പരിപാടികൾ കുട്ടികൾക്ക് പുതിയ അനുഭവമായി.

മോക് പാർലമെൻറ്

ജനുവരി24ന് മോക് പാർലമെൻറ് നടത്തി. ഓരോക്ലാസ്സിൽ നിന്നും തെരഞ്ഞെടുക്കപ്പെട്ട  ലീഡർമാർ ,ഡെപ്യൂട്ടി ലീഡർമാർ, സ്കൂൾ ലീഡർ, ക്ലാസ് പ്രതിനിധികളിൽ നിന്നും തെരഞ്ഞെടുക്കപ്പെട്ട വിവിധ മന്ത്രിമാർ, എന്നിവർ 'മാതൃക സ്കൂൾ നിയമസഭ'യിൽ ഹാജരായി .സഭാ ചോദ്യോത്തര വേളയിൽ പ്രതിനിധികൾ ഉന്നയിച്ച ചോദ്യങ്ങൾക്ക് സ്കൂൾ ലീഡർ ഫാത്തിമ ശിഫയുടെ നേതൃത്വത്തിലുള്ള കുട്ടികളുടെ മന്ത്രിമാർ മറുപടി നൽകി .സഭാ നടപടികൾ വീക്ഷിക്കുന്നതിനു വേണ്ടി എച്ച്. എം.,അധ്യാപക ർ ,എസ് എസ് ക്ലബ്ബ് അംഗങ്ങൾ ,എന്നിവർ സന്നിഹിതരായിരുന്നു .5B ക്ലാസ്സിലെ മുഹമ്മദ് മുസവ്വിർ സഭാ നടപടികൾ നിയന്ത്രിച്ചു. രാവിലെ 11:30ന് ആരംഭിച്ച സഭ  ഒരു മണിയോടുകൂടി അവസാനിച്ചു.

റിപ്പബ്ലിക് ദിനാഘോഷം

ജി യു പി എസ് മുണ്ടോത്ത് പറമ്പിൽ റിപ്പബ്ലിക് ദിനാഘോഷം അതിഗംഭീരമായി നടന്നു. മുഖ്യാതിഥി ബോക്സിങ്  കിക്  വിഭാഗത്തിൽ ഗോൾഡ് മെഡലിസ്റ്റും നാഷണൽ വിന്നറും ആയ ഡാനിഷ് സി കെ ഉദ്ഘാടനം നിർവഹിച്ചു. ഹെഡ്മിസ്ട്രസ് സ്വാഗതം പറഞ്ഞു. പിടിഎ പ്രസിഡന്റ് ശ്രീ ശരീഫ് പൊട്ടിക്കല്ല് അധ്യക്ഷം വഹിച്ച ചടങ്ങിൽ  പിടിഎ ,എസ് എം സി അംഗങ്ങൾ ,മാർഷൽ ആർട്സ് മാസ്റ്റർ ബാപ്പുട്ടി എന്നിവർ റിപ്പബ്ലിക് ദിന ആശംസകൾ നേർന്നു . എസ്. ആർ ജി കൺവീനർ   ഭരണഘടന ആമുഖം അവതരിപ്പിച്ചു. എസ് എസ് ക്ലബ് കൺവീനർ   കുട്ടികൾക്ക് റിപ്പബ്ലിക് ദിന സന്ദേശം നൽകി.  കായികാധ്യാപകൻ മുഹിയുദ്ദീനൻ സാറിന്റെ നേതൃത്വത്തിൽ കുട്ടികൾ അവതരിപ്പിച്ച കലാകായിക പ്രകടനങ്ങൾ ചടങ്ങിന് മിഴിവേകി.  മാർഷ്യൽ ആർട്സ്  മാസ്റ്റർ ബാപ്പുട്ടിയുടെ നേതൃത്വത്തിൽ കുട്ടികളും ടീമും  അവതരിപ്പിച്ച മാർഷ്യൽ ആർട്സ് പ്രകടനം കാണികൾക്ക് അതീവ ഹൃദ്യമായ വിരുന്നൊരുക്കി. പായസവിതരണം നടത്തി ചടങ്ങ് അവസാനിപ്പിച്ചു.

റോയൽ ട്രാവൽസ് ട്രോഫി

ജി യു പി എസ് മുണ്ടോത്തു പറമ്പ് ആതിഥേയത്വം വഹിക്കുന്ന റോയൽ  ട്രാവൽസ് ട്രോഫിക്ക് വേണ്ടിയുള്ള രണ്ടാമത് ഫുട്ബോൾ ടൂർണ്ണമെന്റ്  10/ 2/ 2024 ശനിയാഴ്ച പിടിഎ പ്രസിഡണ്ട് ശ്രീ ഷെരീഫ് പൊട്ടിക്കല്ല് പതാക ഉയർത്തി ആരംഭം കുറിച്ചു. എസ് എം സി ചെയർമാൻ ശ്രീ കബീർ എ എ അധ്യക്ഷം വഹിച്ച ചടങ്ങിന് ഹെഡ്മിസ്ട്രസ് ശ്രീമതി ഷാഹിന ആർ എം സ്വാഗതം പറഞ്ഞു. പറപ്പൂർ ഗ്രാമപഞ്ചായത്ത് പ്രസിഡന്റ് ശ്രീമതി അംജത ജാസ്മിൻ  ഉദ്ഘാടന കർമ്മം നിർവഹിച്ചു. വേങ്ങര ബ്ലോക്ക് ക്ഷേമകാര്യ വികസന സ്റ്റാൻഡിങ് കമ്മിറ്റി ചെയർ പേഴ്സൺ ശ്രീമതി സഫിയ കുന്നുമ്മൽ  ആദ്യ കിക്കോഫ് എടുത്തു.വാർഡ് മെമ്പർ ശ്രീമതി നസീമ സിറാജ്  ടൂർണമെന്റിലെ  ആദ്യ മത്സര ടീം അംഗങ്ങളെ പരിചയപ്പെട്ടുകൊണ്ട് നാന്ദി കുറിച്ചു.

ടി ആർ കെ യൂ പി എസ് വളാഞ്ചേരി ഗേൾസ് വിഭാഗത്തില് ഒന്നാം സമ്മാനം നേടി.

വിനോദയാത്ര

കൺവീനർമാരായ അഖില ടീച്ചറുടെയും ഫയാസ് സാറിന്റെയും നേതൃത്വത്തിൽ

വിനോദയാത്ര അതിന്റെ പ്ലാനിങ് മുതൽ ചിട്ടയായും ഭംഗിയായും നിർവഹിച്ച്, മനോഹരമായി പൂർത്തിയാക്കി. സ്കൂളിന് എന്നും ഓർത്തുവെക്കാൻ   ഇട നൽകിയ  യാത്ര സുഖകരമായ ഒരു നേരനുഭവമായി.

മോട്ടിവേഷൻ ക്ലാസ്

യുഎസ്എസ് കുട്ടികൾക്കായി മാത്‍സ് ഗുരു എന്നറിയപ്പെടുന്ന സലിം ഫൈസൽ നയിച്ച ഒരു മോട്ടിവേഷൻ ക്ലാസ് സംഘടിപ്പിച്ചു.

പഠനയാത്ര

5,6 ലെ കുട്ടികൾക്കു മാത്രമായി ആയുർവേദത്തിന്റെ ഈറ്റില്ലമായ കോട്ടയ്ക്കൽ ആര്യവൈദ്യശാലയിലേക്ക് പഠനയാത്ര നടത്തി. ഹെർബൽ ഗാർഡൻ, മ്യൂസിയം എന്നിവ സന്ദർശിച്ചു.

ഏകദിന ക്യാമ്പ്

ഏഴാം ക്ലാസ് വിദ്യാർത്ഥികൾക്കുള്ള സെന്റ് ഓഫ്  ഒരു ഏകദിന ക്യാമ്പ് ആയി നടത്തി. രാവിലെ എൽഇഡി നിർമ്മാണം അതിൻറെ റിപ്പയറിങ് തുടങ്ങിയവയുമായി ബന്ധപ്പെട്ട് ഒരു പരിശീലന ക്ലാസ്,സോപ്പ് നിർമ്മാണം, ഹാൻഡ് വാഷ് നിർമ്മാണം എന്നിവയുമായി ബന്ധപ്പെട്ട ഒരു പരിശീലന ക്ലാസ്, ഉച്ചഭക്ഷണത്തിനുശേഷം കുട്ടികളുടെ കലാപ്രകടനങ്ങൾ, അതിനെത്തുടർന്ന് നാസ ഗഫൂർ സർ നയിക്കുന്ന ബഹിരാകാശ വിസ്മയങ്ങളെ കുറിച്ചുള്ള ക്ലാസ്സ്, വൈകുന്നേരം കോട്ടക്കൽ മനോജ് സാർ നയിക്കുന്ന വാന നിരീക്ഷണ ക്യാമ്പ് തുടങ്ങി വ്യത്യസ്തങ്ങളായ പ്രവർത്തനങ്ങൾ ഉൾപ്പെടുത്തി

സുവർണ തീരത്ത്

ഗവൺമെന്റ് യു പി സ്കൂൾ മുണ്ടോത്തുപറമ്പ് അമ്പതാം വാർഷികത്തോടനുബന്ധിച്ച് ഇറക്കിയ സപ്ലിമെന്റ്  " സുവർണ തീരത്ത് " ബഹു. പറപ്പൂർ ഗ്രാമപഞ്ചായത്ത് പ്രസിഡണ്ട് ശ്രീമതി അംജത ജാസ്മിന്റെ നേതൃത്വത്തിൽ പ്രകാശനം ചെയ്തു. വേങ്ങര ബ്ലോക്ക് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി സഫിയ കുന്നുമ്മൽ, പറപ്പൂർ ഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി ഉമൈബ ഊർശമണ്ണിൽ, പ്രധാന അധ്യാപിക ഷാഹിന ആർ എം,പി ടി എ പ്രസിഡന്റ് ശരീഫ് പൊട്ടിക്കല്ല്, എസ് എം സി ചെയർമാൻ കബീർ  എ എ, എം ടി എ പ്രസിഡണ്ട് സുമയ്യ, പി ടി എ വൈസ് പ്രസിഡന്റ് ഉബൈദ് ഇ കെ, എസ് എം സി വൈസ് ചെയർമാൻ സധു എം പി, സീനിയർ അധ്യാപകരായ അബ്ദുൽ മജീദ് പി, മുരളീധരൻ നായർ എൻ ആർ, മുഹമ്മദ് അബ്ദുറഹ്മാൻ പി  എന്നിവർ പ്രകാശന ചടങ്ങിൽ പങ്കാളികളായി. ടാലന്റ് റെക്കോർഡ് ബുക്ക് വേൾഡ് റെക്കോർഡ് കരസ്ഥമാക്കിയ സ്കൂളിന്റെ കരാട്ടെ മാസ്റ്റർ  ശ്രീ ബാപ്പുട്ടി പറപ്പൂരിനെ ചടങ്ങിൽ ഉപഹാരം നൽകി ആദരിച്ചു. തുടർന്ന് നടന്ന വർണ ശബളമായ വിളംബര  ഘോഷയാത്രയിൽ കുട്ടികൾ വ്യത്യസ്ത വേഷങ്ങൾ, കലാരൂപങ്ങൾ എന്നിവ അവതരിപ്പിച്ചു. സ്കൂളിലെ മറ്റ് അധ്യാപകരും പി ടി എ, എസ് എം സി അംഗങ്ങളും, രക്ഷിതാക്കളും, നല്ലവരായ നാട്ടുകാരും ഘോഷയാത്രയെ അനുഗമിച്ചു.