ജി.എൽ.പി.എസ് തരിശ്/പ്രവർത്തനങ്ങൾ

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

കുട്ടികളുടെ വർദ്ധനവ്

സ്കൂളിൽ അക്കാദമികവും അല്ലാതെയുമായി ഒരുപാട് പ്രവർത്തനങ്ങൾ നടക്കുന്നുണ്ട്.

എൽ എസ് എസ് സ്കോളർഷിപ്പ്  കൂടുതൽ കുട്ടികൾക്ക് നേടിക്കൊടുക്കുന്നു.വർഷത്തിലെ എല്ലാ ദിനാചരണങ്ങളും  ആഘോഷങ്ങളും ഇവിടെ നടത്താറുണ്ട്. അതുപോലെ സർഗ്ഗവേളകൾ കുട്ടികളുടെ കഴിവുകൾ പ്രകടിപ്പിക്കാൻ അവസരം നൽകുന്നു. മത്സരപരീക്ഷകളിൽ കുട്ടികളുടെ പ്രകടനം വളരെ ഉയർന്ന നിലവാരത്തിലുള്ളതാണ്.

• വണ്ടൂർ സബ് ജില്ലയിൽ ഏറ്റവും കൂടുതൽ കുട്ടികൾ പഠിക്കുന്ന സ്കൂളുകളിൽ ഒന്ന്
• വർഷംതോറും പ്രവേശനത്തിൽ പ്രകടമായ വർദ്ധനവ്
• കഴിഞ്ഞുപോയ കലാമേള ശാസ്ത്രമേള എന്നിവയിൽ ചാമ്പ്യൻഷിപ്പ്
• മികച്ച അക്കാദമിക നിലവാരം പുലർത്തുന്നതിനായി പഠന പിന്നോക്കാവസ്ഥയിലുള്ള കുട്ടികൾക്ക് പ്രത്യേക പരിശീലനം
• നാലാം ക്ലാസ് പൂർത്തിയാക്കുന്ന കുട്ടികൾക്ക് അടിസ്ഥാന ശേഷികൾ കൈവരിക്കുന്നതിനുള്ള പ്രത്യേക കർമ്മപരിപാടി
• വിജ്ഞാന പരീക്ഷകളിൽ  ഉയർന്ന സ്ഥാനം
• കർമ്മനിരതമായ ഒരു അധ്യാപക കൂട്ടായ്മ
• പ്രതിദിന പ്രഭാത എസ് ആർ ജി
• ഉയർന്ന എൽഎസ്എസ് വിജയം

• വർദ്ധിക്കുന്ന പ്രവേശന നിരക്ക്

.2012ൽ 425 കുട്ടികളാണെങ്കിൽ 2021ൽ 750 കുട്ടികൾ വരെ ആയി തീർന്നു. അടുത്തുള്ള ഇംഗ്ലീഷ് മീഡിയം സ്കൂളുകളിൽ നിന്നും മറ്റു സ്ഥാപനങ്ങളിൽ നിന്നും ഓരോവർഷവും ഒരുപാട് കുട്ടികൾ ഇവിടെ പ്രവേശിച്ചു കൊണ്ടിരിക്കുന്നു. സ്കൂളിന്റെ പ്രവർത്തനങ്ങളും നേട്ടങ്ങളും അറിഞ്ഞുകൊണ്ടാണ് കുട്ടികൾ ഇവിടെ അഡ്മിഷൻ നേടുന്നത് .

അക്കാദമിക വർഷം	ആൺ	പെൺ	ആകെ കുട്ടികളുടെ എണ്ണം
2015-16	296	282	578
2016-17	320	300	620
2017-18	324	301	625
2019-20	316	336	652
2020-21	331	360	691
2021-22	372	378	750

അക്കാദമികം

കുട്ടികളുടെ പഠന കാര്യത്തിൽ വളരെയധികം മുൻപന്തിയിൽ നിൽക്കുന്ന ഒരു സ്കൂളാണിത്. ദിവസവുമുള്ള മോണിംഗ് എസ് ആർ ജിയിൽ ഓരോ ക്ലാസിലെയും അധ്യാപകർ കുട്ടികളുടെ പഠനത്തിനുള്ള പ്രശ്നങ്ങളും മികവുകളും ചർച്ച ചെയ്യുന്നു. പ്രശ്നങ്ങൾ പരിഹരിക്കപ്പെടുന്നു. മികവുകൾ എല്ലാവരും പങ്കുവെക്കുകയുംപ്രശ്നങ്ങൾ ചർച്ച ചെയ്യുകയും ചെയ്യുന്നു. ഓരോ ക്ലാസിലെയും പ്രശ്ന പഠിതാക്കളെ കണ്ടെത്തി അവർക്ക് പരിശീലനം നൽകുന്നു. അവരെയും മറ്റ് കുട്ടികളുടെ കൂട്ടത്തിൽ എത്തിക്കുന്നു.

എന്റെ വായന- വായനാ വസന്തം

    സ്കൂളിലെ എല്ലാ ക്ലാസിലും നടപ്പിലാക്കി വരുന്ന ഒരു പദ്ധതിയാണ് എന്റെ വായന. കുട്ടികളിൽ വായനാശീലം പ്രോത്സാഹിപ്പിക്കാനായി വായിച്ചു കൊണ്ട് ക്ലാസുകൾ ആരംഭിക്കുന്നു. എല്ലാദിവസവും പത്രവാർത്ത പ്രാർത്ഥനക്ക് ശേഷം  വായിക്കുന്നു. കുട്ടികളിൽ വായനാശീലം പ്രോത്സാഹിപ്പിക്കുക എന്ന ഉദ്ദേശത്തിൽ എല്ലാ ക്ലാസിലും കഥാപുസ്തകങ്ങൾ, വായനാ കാർഡുകൾ, പത്രങ്ങൾ മുതലായവ ഉപയോഗിക്കുകയും വായനക്കു മാത്രമായി സമയം കണ്ടെത്തുകയും ചെയ്യുന്നു. അതുപോലെ ഓൺലൈൻ ക്ലാസിന്റെ സമയത്ത് കുട്ടികൾക്ക് പ്രത്യേക വായന ഗ്രൂപ്പുകൾ തുടങ്ങുകയും അതിൽ അധ്യാപകർ ഇടുന്ന വായന കാർഡുകൾ കുട്ടികൾ വായിച്ച് ഇടുകയും ചെയ്യുന്നു. ഓരോ ദിവസവും കുട്ടികൾ വായന കുറിപ്പും തയ്യാറാക്കുന്നു.

കുട്ടിയോടൊപ്പം

കുട്ടിയോടൊപ്പം പദ്ധതി രക്ഷിതാവിനും ക്ലാസ്സ് മുറിയിൽ കുട്ടിയോടൊപ്പം ഇരിക്കാൻ സാധിക്കുന്നു. കുട്ടിയുടെ പഠന പ്രവർത്തനങ്ങൾ അധ്യാപകന്റെ ബോധന രീതി. മറ്റ് കുട്ടികളുടെ മികവുകൾ ....etc തുടങ്ങിയവയെല്ലാം തിരിച്ചറിയാനും തന്റെ കുട്ടിയെ പഠനത്തിൽ സഹായിക്കാനും കഴിയുന്നു

അമ്മ ടീച്ചർ

അമ്മമാരുടെ കൂട്ടത്തിൽ നിന്ന് ടീച്ചർ ആവാൻ യോഗ്യതയുള്ള അമ്മമാരെ കണ്ടെത്തി ഒരു പൂൾ തയ്യാറാക്കുന്നു. അധ്യാപകർ ലീവ് ആവുമ്പോൾ ഈ അമ്മമാർ ക്ലാസ്സിലെത്തുന്നു.

സ്റ്റുുഡൻറ് ടീച്ചർ

കുട്ടികൾ അധ്യാപകരാവുന്ന അഭിമാനമായ പ്രവർത്തനമാണ് സ്റ്റുഡൻറ് ടീച്ചർr. ഓരോ ക്ലാസ്സിലും മികച്ച കുട്ടി ടീച്ചറെ കണ്ടെത്തി പഠനത്തിൽ പ്രയാസമനുഭവിക്കുന്ന ഒരു കുട്ടിയെ സ്റ്റുഡൻറ് ആക്കിയും ആണ് പ്രവർത്തനം .മികച്ച കുട്ടി ടീച്ചർമാർ ഉണ്ടാവുകയും അവർ അവരെ തന്നെ ഉയർത്തുകയും ഒപ്പം മറ്റുള്ളവരെ പഠനത്തിൽ സഹായിക്കുകയും ചെയ്യുന്നു.

എൽ എസ് എസ്

ഓരോ വർഷവും ഈ സ്കൂളിലെ എൽ എസ് എസ് കുട്ടികളുടെ വിജയം കൂടി കൊണ്ടിരിക്കുകയാണ്.

ഏറ്റവും അവസാനം 2019- 20 അധ്യയനവർഷത്തിലെ റിസൾട്ട് വന്നപ്പോൾ 33 എൽ എസ് എസോടെ  ജില്ലയിൽ തന്നെ മികച്ച വിജയമാണ് നേടിയിരിക്കുന്നത്. ഇതിനുപിന്നിൽ അധ്യാപകരുടെ നിരന്തര പരിശ്രമവും പ്രോത്സാഹനവും അവർക്ക് നൽകുന്നുണ്ട്. മിഷൻ എൽഎസ്എസ് എന്ന പദ്ധതിയാണ് ഇതിനായി സ്കൂളിൽ നടത്തിവരുന്നത്. കൂടുതൽ കുട്ടികൾക്ക് എൽഎസ്എസ് നേടി ക്കൊടുക്കുക എന്ന ലക്ഷ്യമാണ് ഈ മിഷൻ എൽ എസ് എസിൽ ഉള്ളത്.മികച്ച പരിശീലനം ആണ് കുട്ടികൾക്കു നൽകുന്നത്. രാത്രികാല ക്ലാസും ക്യാമ്പുകളും നിരന്തര പരിശീലനവുംഎൽ എസ് എസ് മിഷനും ഓൺ ലൈൻ ക്ലാസുകളും അവരെ എൽ എസ് എസ് നേടാൻ പ്രാപ്തമാക്കുന്നു.മോട്ടിവേഷൻ ക്ലാസ്സുകളും നൽകുന്നു.പ്രീ -എൽ. എസ്. എസ്  മൂന്നാം ക്ലാസ്സിൽ നിന്നു തന്നെ എൽ എസ് എസ്ന് പ്രത്യേക പരിശീലനം ആരംഭിക്കുന്നു.

അധ്യയന വർഷം	എൽ എസ് എസ് കിട്ടിയവരുടെഎണ്ണം
2015-16	4
2016-17	14
2017-18	17
2018-19	23
2019-20	33
2020-21	38

പഠനം നേരിട്ട്

എല്ലാവർഷവും നാലാം ക്ലാസിലെ മുരളി കണ്ട കഥകളി പാഠഭാഗത്തിന്റെ ഭാഗമായി പാഠഭാഗം കുട്ടികൾക്ക് നേരിട്ട് കാണിച്ചു കൊടുക്കുന്നു. അതിനായി കഴിഞ്ഞ നാലു വർഷങ്ങളിൽ   കുട്ടികൾക്ക് ഓട്ടൻതുള്ളൽ,കഥകളി,തിറ, പരുന്താട്ടം എന്നിവ കുട്ടികൾക്ക് മുമ്പിൽ അവതരിപ്പിച്ചു.അതുപോലെ ഒന്നാംക്ലാസിൽ എല്ലാവർഷവും പലഹാരം മേളവും രണ്ടാം ക്ലാസ്സിൽ ഫ്രൂട്ട് സലാഡ് നിർമ്മിക്കൽ അവൽ കുഴക്കൽ എന്നിവ എല്ലാവർഷവും നടത്താറുണ്ട്.

കൂടുതൽചിത്രങ്ങൾ

ഡിജിറ്റൽ പഠനപ്രവർത്തനങ്ങൾ

ഡിജിറ്റൽ പോർട്ട് ഫോളിയോ

കുട്ടികൾക്കെല്ലാം ഡ്രൈവിൽ ഒരു ഫോൾഡർ നൽകുകയും കുട്ടികളുടെ വ്യത്യസ്തമായ പ്രവർത്തനങ്ങൾ നേരിട്ട് അവർക്ക് നൽകുന്ന ഫോൾഡറിൽ നേരിട്ട് അപ്‌ലോഡ് ചെയ്തു വെക്കുകയും ചെയ്യുന്നു.

പിന്തുണ ക്ലാസ്സ്

എല്ലാ ക്ലാസിലെയും അധ്യാപകർ പിന്തുണ ക്ലാസ് നൽകുകയും കുട്ടികളെ പഠനത്തിൽ പിന്നോക്കം നിൽക്കാൻ  ഒരിക്കൽപോലും അവസരം നൽകാതെ മികച്ച ഫോളോ അപ്പ്‌ പ്രവർത്തനങ്ങൾ നടത്തുകയും കുട്ടികളുടെ പഠന നിലവാരം എസ് ആർ ജിയിൽ കൃത്യമായി രേഖപ്പെടുത്തി വെക്കുകയും ചെയ്തു

വർക്ക് ഷീറ്റ്

കുട്ടികൾക്ക് പഠന പ്രയാസം പരിഹരിക്കാനും, നോട്ടുകൾ എളുപ്പത്തിൽ തയ്യാറാക്കാനുമായി വർക്ക് ഷീറ്റ് തയ്യാറാക്കി വരുന്നു.  ഓൺലൈൻ ക്ലാസിൽ കുട്ടികൾക്ക് എളുപ്പത്തിൽ ആശയങ്ങൾ എത്തിക്കാൻ ഇതിലൂടെ സാധിക്കുന്നു.

ഡിജിറ്റൽ മാഗസിൻ

ലോക ഡൗൺ കാലത്ത് കുട്ടികളുടെ രചനകൾ ഉൾപ്പെടുത്തി തയ്യാറാക്കിയതാണ് മഴവില്ല് എന്ന ഡിജിറ്റൽ മാഗസിൻ. മഴവില്ല്

ഐസിടി റിസോഴ്സ്

ഓൺ ലൈൻ സമയത്തെ ക്ലാസ് പ്രവർത്തനങ്ങളിൽ കുട്ടികൾക്ക് പഠന പിന്തുണ നൽകാനും, വ്യത്യസ്ത ആശയങ്ങൾ എളുപ്പത്തിൽ കുട്ടികളിൽ എത്തിയ്ക്കാനും, ഐസിടി സാധ്യതകൾ വ്യത്യസ്ത രീതിയിൽ പഠിക്കാനും, പങ്കുവയ്ക്കാനുമായി എസ് ആർ ജിയുടെ നേതൃത്വത്തിൽ ഐസിടി റിസോഴ്സ് ഗ്രൂപ്പ് ഐ ടി അപ്ഡേഷൻ നടത്തി വരുന്നു.

ഉദാഹരണം: പോസ്റ്റർ മേക്കിങ്, ഗൂഗിൾ ഫോം, ഗൂഗിൾ മീറ്റ്, വൈറ്റ് ബോർഡ് റെക്കോർഡർ, കൈൻ മാസ്റ്റർ

ടാലന്റ് പരീക്ഷ

  സ്കൂളിൽ എല്ലാ വർഷവും എൽകെജി മുതൽ നാലു വരെയുള്ള ക്ലാസുകളിൽ ടാലന്റ് പരീക്ഷ നടത്തുന്നു. ടാലന്റ് പരീക്ഷയ്ക്ക് കുട്ടികൾക്ക് പരിശീലനം നൽകുകയും അവരെ പരീക്ഷയ്ക്ക് തയ്യാറാക്കുകയും ചെയ്യുന്നു. 15 വരെ റാങ്കുകളും ഡിസ്റ്റിങ്ഷനും ഫസ്റ്റ് ക്ലാസും നേടിയ കുട്ടികൾക്ക് ട്രോഫി നൽകുകയും സർട്ടിഫിക്കറ്റ് നൽകുകയും ചെയ്യുന്നു.

പ്രവേശനോത്സവം

കുട്ടികൾക്കുളള സമ്മാനങ്ങൾ

വളരെ വിപുലമായി ആണ് എല്ലാ വർഷവും പ്രവേശനോത്സവം നടത്തി വരുന്നത്. കുട്ടികൾക്ക് കൈ നിറയെ സമ്മാനങ്ങൾ നൽകി ബലൂണുകളും തോരണങ്ങളും കെട്ടി ആണ് അവരെ സ്വീകരിക്കുന്നത്. കഥാ പുസ്തകങ്ങളും കളറും ബലൂണും മിഠായിയും നൽകി അവരെ സ്വീകരിക്കുന്നു. കുട്ടികൾ പുതുതായി സ്കൂളിൽ വരുന്ന ദിവസം മുതിർന്ന കുട്ടികളുടെ സർഗ്ഗവേളയും അവർക്കു മുമ്പിൽ അവതരിപ്പിക്കുന്നു പ്രവേശനോത്സവംചിത്രങ്ങൾ

സേവനപാതയിൽ[തിരുത്തുക | മൂലരൂപം തിരുത്തുക]

           എല്ലാ കുട്ടികളും ന്യൂഇയർ ക്രിസ്മസ് എന്നീ ആഘോഷങ്ങളുടെ ഭാഗമായി നാണയത്തുട്ടുകൾ ശേഖരിച്ചു വെക്കുകയും സ്കൂളിലെ പാവപ്പെട്ട  സഹപാഠിക്ക് സഹായമായി നൽകുകയോ ഉപജീവനമാർഗ്ഗമായി സാധനങ്ങൾ വാങ്ങി കൊടുക്കുകയും ചെയ്യുന്നു.2012 ൽ തുടങ്ങി വെച്ച ഈ പ്രോഗ്രാം ഇപ്പോഴും തുടരുന്നു. ഇതുപോലെ വെള്ളപ്പൊക്കത്തിൽ പുസ്തകങ്ങൾ നഷ്ടപ്പെട്ട കുട്ടികൾക്ക് നോട്ട് എഴുതി നൽകി സ്കൂൾ മാതൃകയായിട്ടുണ്ട് 

വിദ്യാരംഗം കലാസാഹിത്യവേദി

വിദ്യാരംഗം കലാസാഹിത്യവേദിയുടെ ഉദ്ഘാടനം ആഗസ്റ്റ് 19 മാപ്പിളപ്പാട്ട് ഗായിക രഹനയാണ് നിർവ്വഹിച്ചത്.. വിദ്യാരംഗത്തിന്റെ കീഴിൽ തന്നെ ഓണാഘോഷവും നടത്തി. സ്പെഷ്യൽ സർഗ്ഗവേള നടത്തി

കഥാ കൂട്ട്

വിദ്യാരംഗം കലാ സാഹിത്യ വേദി യുടെ കീഴിൽ കഥാരചനാ ശില്പശാലയും കഥാ രചനാ മത്സരവും നടത്തി. കഥക്കൂട്ട് ഉദ്ഘാടനം ചെയ്തത് പൊതു വിദ്യാഭ്യാസ സംരക്ഷണ യജ്ഞം കോർഡിനേറ്റർ ശ്രീ മണി മാഷാണ്. ക്ലാസ്സ് നയിച്ചത് കഥാകാരനായ ശ്രീ ഗിരീഷ് മരേങ്ങലത്താണ്. അദ്ദേഹത്തിന്റെ ശില്പശാല കുട്ടികൾക്ക് കുട്ടികൾക്ക് വളരെ നല്ല അനുഭവമായി.

സർഗ്ഗവേള

സർഗവേള

    ഉച്ചഭക്ഷണത്തിനുശേഷം ഉള്ള സമയങ്ങളിലാണ് സർഗ്ഗവേള നടത്തുന്നത്. ഓരോ ദിവസം ഓരോ ക്ലാസ് ആണ് അവതരിപ്പിക്കുന്നത്. പാട്ട് ഡാൻസ്, കഥ പറച്ചിൽ, പ്രസംഗം,സ്കിറ്റ് മുതലായ സർഗ്ഗാത്മക പ്രവർത്തനങ്ങൾക്കാണ് പ്രാധാന്യം കൊടുക്കുന്നത്. കുട്ടികൾ അവരുടെ പാഠഭാഗം നാടകം ആക്കിയും അവതരിപ്പിക്കും. സർഗ്ഗവേള സ്ഥിരമായി നടത്തുന്നതിന്റെ ഫലമായി കുട്ടികൾക്ക് യാതൊരു പേടിയും ഇല്ലാതെ wഅവരുടെ കഴിവുകൾ പ്രകടിപ്പിക്കുവാൻ അവസരം കിട്ടുന്നു. കൂടാതെ ഓരോ മേഖലയിലും കഴിവുള്ള കുട്ടിയെ കണ്ടെത്താനും സാധിക്കുന്നു

പിറന്നാൾ ചെടി, പിറന്നാൾ പുസ്തകം

പിറന്നാൾ ചെടി

കുട്ടികൾ അവരുടെ ജന്മദിനത്തിന് മിഠായിക്ക് പകരമായി സ്കൂളിലേക്ക് ചെടിയോ ലൈബ്രറി പുസ്തകമോ നൽകുന്നു. സർഗ്ഗ വേളയിൽ എല്ലാ കുട്ടികളും അവരെ വിഷ് ചെയ്യുകയും ചെടിയോ പുസ്തകമോ സ്വീകരിക്കുകയും ചെയ്യുന്നു.

ആഘോഷങ്ങൾ

പെരുന്നാൾ ക്രിസ്തുമസ്, ഓണം എന്നിവ എല്ലാ കുട്ടികളും ഒരു പോലെ ആഘോഷിക്കുന്നു.. ഓണത്തിന് മാവേലിയായി വേഷം കെട്ടുകയും പൂക്കളം ഒരുക്കുകയും വിവിധയിനം മത്സരങ്ങൾ നടത്തുകയും ചെയ്യുന്നു എല്ലാ കുട്ടികളും ഇതിൽ പങ്കുചേരുന്നു.

.ക്രിസ്തുമസിന് ക്രിസ്മസ് അപ്പൂപ്പനെ ഒരുക്കുകയും പുൽക്കൂട് ഒരുക്കുകയും ക്രിസ്മസ് ട്രീ തയ്യാറാക്കുകയും കുട്ടികൾ എല്ലാം ആഘോഷത്തിൽ പങ്കു ചേരുകയും ചെയ്യുന്നു

പെരുന്നാളിന് മൈലാഞ്ചിയിടൽ മത്സരങ്ങളും മറ്റു സർഗ്ഗാത്മക പ്രവർത്തനങ്ങളും നടത്തുന്നു.ഈവർഷത്തെ പെരുന്നാൾ ആഘോഷം ഉദ്ഘാടനം ചെയ്തത് മാലികിൽ പാട്ടുപാടിയ റിദ മോൾ ആയിരുന്നുഎല്ലാ പ്രധാനപെട്ട ദിനങ്ങളും സ്കൂളിൽ കുട്ടികൾ ആചരിക്കുന്നു.പരിസ്ഥിതി ദിനം, മുതൽ മാർച്ച്‌ വരെയുള്ള എല്ലാ ദിവസവും കുട്ടികൾക്കു പരിചിതമാണ്. അവർ അത് ആചരിക്കുകയും ആ ദിവസത്തിന്റെ പ്രത്യേകത മനസ്സിലാക്കുകയും ചെയ്യുന്നു ക്വിസ്, സ്പെഷ്യൽ സർഗ്ഗവേള, അസംബ്ലി, ലഘു നാടകങ്ങൾ, വിവരണം മത്സരങ്ങൾ എന്നിവ നടത്തുകയും ചെയ്യാറുണ്ട്

ശാസ്ത്രമേള കലാമേള എന്നിവയിൽ ഓവറോൾ

കലാമേളയിൽ ഓവറോൾ നേടുന്നു

  ശാസ്ത്രമേളയിലും കലാമേളയിലും ഏതെങ്കിലും വിഭാഗത്തിൽ സ്ഥിരമായി സ്കൂളിന് ഓവറോൾ പട്ടം ലഭിക്കാറുണ്ട്.  സ്കൂളിൽ നിന്ന് കുട്ടികൾക്ക് നന്നായി പരിശീലനം നൽകുകയും പങ്കെടുക്കുന്ന കുട്ടികൾക്ക് എല്ലാം മികച്ച ഗ്രേഡ് ലഭിക്കുകയും ചെയ്യുന്നു. സ്കൂളിൽ എല്ലാ ദിവസവും നടക്കുന്ന സർഗ്ഗവേള കലാപരമായ വളർച്ചക്ക് കുട്ടികളെ പ്രാപ്തരാക്കുന്നു.

യുദ്ധവിരുദ്ധ റാലി

യുദ്ധവിരുദ്ധ പോസ്റ്റർ കാണുന്നു

  ഉക്രൈനും റഷ്യയും തമ്മിലുള്ള യുദ്ധത്തിൽ പ്രതിഷേധിച്ചുകൊണ്ട് മാർച്ച്‌ 9ന് കുട്ടികളുടെ യുദ്ധവിരുദ്ധ പോസ്റ്റർ പ്രദർശനവും സംഗീത ശിൽപവും ഒപ്പു ശേഖരണവും തരിശ് അങ്ങാടിയിൽ വെച്ച് നടന്നു. യുദ്ധത്തിൽ പ്രതിഷേധിച്ചുകൊണ്ട് കുട്ടികൾ 200 ചാർട്ടുകൾ വരെ തയ്യാറാക്കിയിരുന്നു.    ഉദ്ഘാടനം മഠത്തിൽ ലത്തീഫ് ആണ് നിർവഹിച്ചത്. ജി സി കാരക്കൽ മുഖ്യപ്രഭാഷണം നടത്തി.

ദിനാചരണങ്ങൾ

സ്കൂൾ പ്രവർത്തനങ്ങളിൽ ദിനാചരണങ്ങൾക്ക് വളരെയധികം പ്രാധാന്യം നൽകുന്നു. ഓരോ ദിനാചരണങ്ങളും അധ്യാപകർ വീഡിയോ തയ്യാറാക്കി കുട്ടികൾക്ക് നൽകുന്നു. രക്തദാന ദിനം, ലഹരിവിരുദ്ധദിനം, ദേശീയ തപാൽ ദിനം, സാക്ഷരതാ ദിനം, അധ്യാപക ദിനം ,ഹിരോഷിമ നാഗസാകി ദിനംഎന്നിവക്കൊക്കെ വീഡിയോ തയ്യാറാക്കി കുട്ടികൾക്ക് നൽകിയിട്ടുണ്ട്.

2021-22 വർഷത്തെ ദിനാചരണപ്രവർത്തനങ്ങൾ

	2023-24 അധ്യയന വർഷത്തിലെ ദിനാചരണങ്ങൾ
പരിസ്ഥിതി ദിനം- ജൂൺ 5	പരിസ്ഥിതി ദിനത്തോടനുബന്ധിച്ച് എല്ലാ കുട്ടികളും തൈകൾ നടുകയും ഓൺലൈനായി അവയുടെ ഫോട്ടോ അയക്കുകയും ചെയ്തു..ക്വിസ് മത്സരം നടത്തി.പരിസ്ഥിതി ദിന പോസ്റ്ററുകൾ തയ്യാറാക്കി. പരിസ്ഥിതിയെക്കുറിച്ച് ഒരു അവബോധം എല്ലാ കുട്ടികളിലും ഉണ്ടാക്കി
വായനാദിനം ജൂൺ 19	വായനാ ദിനത്തിൽ ക്വിസ് മത്സരങ്ങൾ നടത്തി. ലൈബ്രറിയുടെ കീഴിൽ പുസ്തക പ്രദർശനം നടത്തി. കുട്ടികൾക്ക് സമീപത്തെ ലൈബ്രറിയുടെ കീഴിൽ മെമ്പർഷിപ്പ് നൽകി ഓരോ ക്ലാസിലും മാഗസിനുകൾ തയ്യാറാക്കി. ഒന്നാം ക്ലാസിലും രണ്ടാം ക്ലാസിലും വായനോത്സവത്തിന്റെ ഉദ്ഘാടനം നടന്നു. കുട്ടികൾ തന്നെ വായന കാർഡുകൾ നിർമ്മിച്ചാണ് ഉദ്ഘാടനം നടത്തിയത് അമ്മമാർക്ക് ഒരു പുസ്തകം വായിച്ച് ആസ്വാദനക്കുറിപ്പ് തയ്യാറാക്കുക ( അമ്മ വായന ) മത്സരം നടത്തി മികച്ച വായനക്കുറിപ്പുകൾക്ക് സമ്മാനം നൽകി. അധ്യാപകരുടെ രചനകൾ ഉൾപ്പെടുത്തി ഡിജിറ്റൽ മാഗസിൻ തയ്യാറാക്കി. കുട്ടികൾക്ക് വായനയിൽ താല്പര്യമുണർത്താൻ ആ മഴയിൽ ഒലിച്ചുപോയി എന്ന ടെലിഫിലിം പുറത്തിറക്കി. ഓരോ മോണിംഗ് എസ് ആർ ജി യിലും അധ്യാപകർ ഒരു പുസ്തകം വായിക്കുകയും അതിന്റെ ആസ്വാദന കുറിപ്പ് അവതരിപ്പിക്കുകയും ചെയ്തു	ഡിജിറ്റൽ മാഗസിൻ മഷിയൊപ്പിന്റെ ലിങ്ക് https://drive.google.com/file/d/16JpeYSeyazLG4Sc3QlAdyq04mc5SgDzy/view?usp=drivesdk
ബഷീർ ദിനം ‍ജൂലൈ 5	ബഷീർ കൃതികൾ പരിചയപ്പെടുത്തി.ക്വിസ് മത്സരം നടത്തി. ബഷീർ കഥാപാത്രങ്ങൾ കുട്ടികൾ അവതരിപ്പിച്ചു.