ഗവൺമെൻറ്, മോഡൽ എച്ച്.എസ്.എസ് വെങ്ങാനൂർ/അക്ഷരവൃക്ഷം/െതരുവോര ജീവിതം

തെരുവോര ജീവിതം എരിയുന്ന മനസ്സിൽ കനൽ വാരി വിതറി വിശപ്പിൻ സ്വപ്നങ്ങൾ പണിതുയർത്തി മുഷിഞ്ഞ വസ്ത്രത്തിൻ തുളയടയ്ക്കുവാനില്ല നൂൽ മനസ്സിൻ സൂചി മാത്രം. നാളുകളെണ്ണി നീറിടുമ്പോൾ നാളേയ്ക്ക് കരുതലായ് നോവ് മാത്രം! ഈ മണ്ണിൽ പിറന്നൊരാ നാൾ മുതലിന്നു വരേയ്ക്കും കൂടെയുള്ളൊരാൾ കൊടുംപട്ടിണി മാത്രം. തെരുവിലെ ജീവിതം പാറി പറക്കുന്ന കരിയിലകൾക്ക് സമമായ് മാറിടുന്നു. വണ്ടിക്കാളകൾക്ക് സമാനമായ് ദാരിദ്ര്യത്തിൻ നുകം പേറി നിശബ്ദമായ് ചലിച്ചിടുന്നു ! അതിതീവ്ര ദു:ഖത്താൽ കരഞ്ഞു കരഞ്ഞവർ തൻ കണ്ണീരു പോലും വറ്റിപ്പോയിടുന്നു. അവസാന നാളിൽ മൃതിയടഞ്ഞിടുമ്പോൾ ഒരു തുള്ളി കണ്ണീർ ചൊരിയുവാനാരുമില്ല. ഒടുവിലായെത്തുന്നു മൃതദേഹം പേറുവാവാനായി നാലു കാളകൾ മാത്രം!   ബിധുകൃഷ്ണ 9 ബി ഗവൺമെൻറ്, മോഡൽ എച്ച്.എസ്.എസ് വെങ്ങാനൂർ ബാലരാമപുരം ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത