ഗവ. എച്ച്.എസ് എസ്.വെസ്റ്റ് കൊല്ലം/അക്ഷരവൃക്ഷം/അതിജീവനം

അതിജീവനം കിരീടം എന്നർത്ഥമുള്ള കൊറോണ വൈറസ് ആദ്യമായി റിപ്പോർട്ട് ചെയ്തത് ചൈനയിലെ വുഹാനിലാണ്. ഈ വൈറസ് ലോകം മുഴുവൻ വ്യാപിച്ചതിനാൽ ഇതൊരു പാൻഡെമിക് പകർച്ചവ്യാധിയാണെന്ന് പരിഗണിക്കപ്പെടുന്നു. ലോകം മുഴുവൻ വ്യാപിക്കുന്ന വൈറസ് ആയതിനാൽ ഏവരും വീടുകളിൽ ഇരുപ്പുറപ്പിച്ചു.ആയതിനാൽ കുടുംബാംഗങ്ങൾ തമ്മിലുള്ള ബന്ധം കൂടുതൽ ദൃഢമായി.സ്നേഹം പങ്കുവയ്ക്കുന്നതിലുപരി അയൽക്കാരുമായി ഭക്ഷണവും പങ്കുവയ്ക്കാൻ തുടങ്ങി.വിരസത ഉണ്ടായിത്തുടങ്ങിയ ആ സമയം ഏവരും സ്വന്തം വീട്ടുമുറ്റത്തേക്ക് ഇറങ്ങിച്ചെന്നു.കൃഷി ചെയ്യാൻതുടങ്ങി.പക്ഷിമൃഗാദികൾക്ക് ദാഹജലം നൽകിത്തുടങ്ങി.വ്യക്തിശുചിത്വത്തോടൊപ്പം പരിസ്ഥിതി ശുചിത്വവും പാലിച്ചുതുടങ്ങി. തൊഴിലിനു പോകാൻ പറ്റാത്ത ഈ സാഹചര്യം ലോകത്ത് വലിയ സാമ്പത്തിക പ്രതിസന്ധിയാണ് ഉണ്ടാക്കുന്നത്. ഈ കാലവും കടന്ന് പോകുകതന്നെ ചെയ്യും;ഭയമല്ല ജാഗ്രതയാണ് ആവശ്യം.നമ്മുടെ ആരോഗ്യ സംരക്ഷണത്തോടൊപ്പം; സ്വസംരക്ഷണം പോലും നോക്കാതെ പ്രവർത്തിക്കുന്ന ഡോക്ടർമാരുടെയും നഴ്സുമാരുടെയും ആരോഗ്യപ്രവർത്തകരുടെയും പോലീസ് ഉദ്യാഗസ്ഥരുടെയും ആരോഗ്യത്തിനും ഒപ്പം എല്ലാവരുടെയും അതിജീവനത്തിനും വേണ്ടി നമുക്ക് പ്രാർത്ഥിക്കാം. അനാമിക.എസ്.എസ് XB ഗവ. എച്ച്.എസ് എസ്.വെസ്റ്റ് കൊല്ലം കൊല്ലം ഉപജില്ല കൊല്ലം അക്ഷരവൃക്ഷം പദ്ധതി, 2020 ലേഖനം -  സാങ്കേതിക പരിശോധന - Kannans തീയ്യതി: 02/ 05/ 2020 >> രചനാവിഭാഗം - ലേഖനം