പുറക്കാട് സൗത്ത് എൽ.പി.സ്കൂൾ

ഇംഗ്ലീഷ് വിലാസം

https://schoolwiki.in/CHEEKILODE_UPS

പുറക്കാട് സൗത്ത് എൽ.പി.സ്കൂൾ
വിലാസം
വടകര
വിദ്യാഭ്യാസ ഭരണസംവിധാനം
റവന്യൂ ജില്ല	കോഴിക്കോട്
വിദ്യാഭ്യാസ ജില്ല	വടകര
സ്കൂൾ ഭരണ വിഭാഗം
മാദ്ധ്യമം	മലയാളം‌
അവസാനം തിരുത്തിയത്
07-02-2017	567504

................................

ചരിത്രം

തിക്കോടി പഞ്ചായത്തിന്റെ വടക്കു കിഴക്കു ഭാഗത്തായി സ്ഥിതി ചെയ്യുന്ന പുറക്കാട് എന്ന സ്ഥലത്ത് 7 -)൦ വാർഡിലായി പുറക്കാട് സൗത്ത് എൽ പി സ്‌കൂൾ സ്ഥിതി ചെയ്യുന്നു. നാഷണൽ ഹൈവേയിൽ തിക്കോടി പഞ്ചായത്ത് ജങ്ഷനിൽ നിന്നും കിഴക്കോട്ടു പോകുന്നതും മുചുകുന്ന് കോളേജ് വഴി കോയിലാണ്ടിലെത്തുന്നതുമായ റോഡിലൂടെ 2 1/ 2 കിലോമീറ്റർ ദൂരം നടന്നാൽ ഈ വിദ്യാലയം കാണാവുന്നതാണ് .

തികച്ചും ഒരു ഉൾനാടൻ പ്രദേശവും വയലേലകളാൽ ചുറ്റപ്പെട്ടതുമായ മനോഹരമായിരുന്ന ഈ സ്ഥലം ഇന്ന് കോൺഗ്രീറ്റ് കെട്ടിടങ്ങളെകൊണ്ട് നിറഞ്ഞിരിക്കുന്നു. മിനി സ്റ്റേഡിയവും ആശുപത്രിയും ഗ്രന്ഥശാലായും ആൽമരവും കാഞ്ഞിരമരവും എല്ലാം ഈ പ്രദേശത്തുണ്ട്. കൊപ്പരക്കണ്ടം എന്നൊരു മറ്റൊരു പേരിലും ഈ ഗ്രാമം അറിയപ്പെടുന്നുണ്ട്.

19 -)o നൂറ്റാണ്ടിന്റെ ഒടുവിൽ തയ്യുള്ളതിൽ എന്ന വീട്ടിൽ ആരംഭിച്ച ഗുരുകുല വിദ്യാഭ്യാസമാണ് ഇവിടെത്തെ ആദ്യ വിദ്യാ സംരഭം .ശ്രീ അരിമ്പൂർ കൃഷ്ണൻ നായർ , ശ്രീ.എ രാമൻ നായർ എന്നിവരായിരുന്നു ആദ്യകാല ഗുരുക്കന്മാർ .ഇതോടൊപ്പം തന്നെ അരിമ്പൂർ തറവാടിന്റെ പടിപ്പുരയിൽ വെച്ചും ക്ലാസ് നടത്താൻ തുടങ്ങി. ഈ വിദ്യാലയമാണ് പിന്നീട് പുറക്കാട് കൊപ്പരകണ്ടത്തിൽ ഹിന്ദു എലിമെന്ററി സ്‌കൂൾ എന്ന പേരിൽ 1906 മാർച്ച് 1 ന് ആരംഭിച്ചത് .ഇതിന് 1462 തിയ്യതി 26 .06 .1907 എം\നമ്പറായി അംഗീകാരവും ലഭിച്ചു .

ഈ വിദ്യാലയത്തിനടുത്തു തന്നെ പിന്നീട് പെൺകുട്ടികൾക്കു മാത്രമായി ഒരു വിദ്യാലയം സ്ഥാപിക്കുകയുണ്ടായി . ഈ വിദ്യാലയം പിന്നീട് കിടഞ്ഞികുന്നിലേക്ക് മാറ്റി, പുറക്കാട് നോർത്ത് എൽ.പി സ്‌കൂളായി പ്രവർത്തിച്ചു വരുന്നു .

പുറക്കാട് സൗത്ത് എൽ.പി സ്‌കൂൾ സ്ഥാപിച്ചതും ആദ്യത്തെ പ്രധാന അധ്യാപകനും ശ്രീ. അരിമ്പൂർ കൃഷ്ണൻ നായർ തന്നെയായിരുന്നു . അക്കാലത്ത് പഞ്ചായത്തിന് പുറത്തു നിന്നുപോലും കുട്ടികൾ ഇവിടെ പഠിക്കാൻ വന്നിരുന്നു .

പ്രമുഖ സ്വാതന്ത്യ്ര സമര സേനാനിയായിരുന്ന ശ്രീമാൻ മൊയാരത്ത് ശങ്കരൻ ഈ വിദ്യാലത്തിലെ ആധ്യാപകാനായിരുന്നു . കേരളത്തിൽ പ്രത്യേകിച്ചും കണ്ണൂർ , കോഴിക്കോട് ജില്ലകളിൽ കോൺഗ്രസ് പ്രസ്ഥാനവും ദേശീയ പ്രസ്ഥാനവും കെട്ടിപ്പെടുത്ത മൊയാരത്തിന്റെ നേതൃത്തത്തിൽതന്നെയാണ് കോഴിക്കോട് ജില്ലയിൽ ആദ്യമായി കോൺഗ്രസ്സ് പതാക ഉയർത്തിയത്. അത് ഈ വിദ്യാലയത്തിന് മുമ്പിലായിരുന്നു .

കേരളത്തിന്റെ വോളിബോൾ താരമായിരുന്ന ദാമോദരൻ എന്ന ചിറപ്പുറത്ത് ബാലകൃഷ്‌ണൻ ഈ സ്‌കൂളിന്റെ സാമ്പത്തായിരുന്നു. ഇന്ന് സമൂഹത്തിന്റെ വിവിധ മേഖലകളിൽ ഉന്നത നിലയിൽ പ്രവർത്തിക്കുന്ന ഒട്ടനവധിപേർ ഈ വിദ്യാലത്തിൽ നിന്ന് പഠിച്ചിറങ്ങിയവരാണ് .

ആദ്യകാലത്ത് ശിശു ക്ലാസ്സും 3 -)o തരവും വരെയാണുണ്ടായിരുന്നത്. അക്കാലത്ത് 12 മാസവും സ്‌കൂൾ പ്രവർത്തിച്ചിരുന്നു . ഈ വിദ്യാലത്തിലെ ഒന്നാമത്തെ വിദ്യാര്തഥിയായി ചേർന്നത് പുതുക്കുടി കുഞ്ഞിക്കണ്ണൻ എന്ന വിദ്യാര്തഥിയാണ്. അദ്ദേഹത്തിന്റെ ജനന തിയ്യതി 1895 ഏപ്രിൽ 5.ആദ്യത്തെ പെൺകുട്ടി കൊടുർ മാധവി ആയിരുന്നു .

ആദ്യ വര്ഷം ൫൪ വിദ്യാര്തഥികളാണ് പഠിച്ചത് . ഇതിൽ 6 പേർ മാത്രമേ പെണ്കുട്ടികളായി ഉണ്ടായിരുന്നുള്ളു . അവർ തന്നെ നായർ സമുദായക്കാർ മാത്രമായിരുന്നു . രണ്ടാമത്തെ വര്ഷമാണ് മുസ്ലിം വിദ്യാർത്ഥി ചേർന്നത് . എടവനക്കുനിയിൽ മമ്മാലി ശിശു ക്ലാസിലാണ് ചേർന്നത്.

05.08.1908 ന് ഈ വിദ്യാലത്തിന് ആദ്യമായി ഗ്രാന്റ് ലഭിച്ചത് . 1910 ൽ 4 -)൦ തരത്തിനും 1937 ൽ 5 -)o താരത്തിനും അംഗീകാരം ലഭിച്ചു

ഭൗതികസൗകര്യങ്ങള്‍

1. മികച്ച ക്ലാസ് റൂമുകൾ
2. നല്ല സ്‌കൂൾ ഗ്രൗണ്ട്
3. വൃത്തിയുള്ള പാചകപ്പുര

പാഠ്യേതര പ്രവര്‍ത്തനങ്ങള്‍

• സ്കൗട്ട് & ഗൈഡ്സ്
• സയന്‍‌സ് ക്ലബ്ബ്
• ഐ.ടി. ക്ലബ്ബ്
• ഫിലിം ക്ലബ്ബ്
• ബാലശാസ്ത്ര കോണ്‍ഗ്രസ്സ്.
• വിദ്യാരംഗം കലാ സാഹിത്യ വേദി.
• ഗണിത ക്ലബ്ബ്.
• സാമൂഹ്യശാസ്‌ത്ര ക്ലബ്ബ്.
• പരിസ്ഥിതി ക്ലബ്ബ്.

മുന്‍ സാരഥികള്‍

സ്കൂളിലെ മുന്‍ പ്രധാനഅദ്ധ്യാപകര്‍ :

1. ശ്രീ.അരിമ്പൂർ കൃഷ്ണൻ നായർ
2. ശ്രീ.എം.സി കുഞ്ഞിരാമൻ നായർ
3. ശ്രീ.എ കുഞ്ഞിക്കണ്ണൻ നായർ
4. ശ്രീ .എം ചന്തുനായർ
5. ശ്രീ. കെ എം കൃഷ്ണൻ നായർ
6. ശ്രീമതി. പി ഓമന
7. ശ്രീമതി കെ കെ സരോജിനി
8. ശ്രീ.പി നാരായണൻ

നേട്ടങ്ങള്‍

ജില്ലാ -ഉപജില്ലാ സ്‌കൂൾ ശാസ്ത്ര , കലാ-കായിക മേളകളിൽ മികച്ച വിജയം നേടിയിട്ടുണ്ട്.

പ്രശസ്തരായ പൂര്‍വവിദ്യാര്‍ത്ഥികള്‍

1. ശ്രീ.ചിറപ്പുറത്ത് ബാലകൃഷ്ണൻ (ദാമോദരൻ) - കേരളത്തിലെ പ്രശസ്ത വോളിബോൾ താരം

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍ നാഷണൽ ഹൈവേയിൽ തിക്കോടി പഞ്ചായത്ത് ജങ്ഷനിൽ നിന്നും കിഴക്കോട്ടു പോകുന്നതും മുചുകുന്ന് കോളേജ് വഴി കോയിലാണ്ടിലെത്തുന്നതുമായ റോഡിലൂടെ 2 1/ 2 കിലോമീറ്റർ ദൂരം

{{#multimaps:11.495059, 75.632508 |zoom="13" width="350" height="350" selector="no" controls="large"}}