ഗവ. യു.പി.എസ് രാമപുരം

ഗവ. യു.പി.എസ് രാമപുരം
വിലാസം
വേങ്കവിള
വിദ്യാഭ്യാസ ഭരണസംവിധാനം
റവന്യൂ ജില്ല	തിരുവനന്തപുരം
വിദ്യാഭ്യാസ ജില്ല	ആറ്റിങ്ങല്‍
സ്കൂൾ ഭരണ വിഭാഗം
മാദ്ധ്യമം	മലയാളം, ഇംഗ്ലീഷ്
അവസാനം തിരുത്തിയത്
26-01-2017	GOVT.UPS RAMAPURAM

ചരിത്രം

   ചരിത്ര പ്രസിദ്ധമായ എട്ടു വീട്ടിൽ പിള്ളമാരിൽ ചെമ്പഴന്തി പിള്ളയുടെ കുടുംബത്തിൽപ്പെട്ട രാമപുരത്തു വീട്ടുകാർ ദാനമായ നല്കിയ  ഭൂമിയിൽ നിർമ്മിച്ചതുകൊണ്ടാണ് രാമപുരം സ്കൂൾ എന്ന പേർ ലഭിച്ചതെന്നും വേട്ടമ്പിളി ഏലായിൽ തെക്കേവീട്ടിൽ യശഃശരീരനായ ഈശ്വരപിള്ള 1906 ൽ തന്റെ  കുടുംബപ്പേർ നല്കി കൊണ്ട് സ്ഥാപിച്ചതാണ് ഇന്നത്തെ രാമപുരം യു.പി സ്കൂൾ എന്നും പറയപ്പെടുന്നു.ആദ്യ മാനേജർ പരേതനായ ശ്രീ ഇരിഞ്ചയം കഞ്ഞൻപിള്ളയും  അധ്യാപകൻ വേട്ടമ്പള്ളി വടക്കേവീട്ടിൽ പരേതനായ ശ്രീ നാരായണ പിള്ളയുമായിരുന്നു.
    കുട്ടികളിൽ ഈശ്വരവിശ്വാസവും നല്ല ശീലങ്ങളും വളർത്തുവാനായി ഒരു രവിവാരപാ0 ശാലയും ഇതോടൊപ്പം പ്രവർത്തിച്ചിരുന്നു. ഹരിപ്പാട് സ്വദേശിയായിരുന്ന യശഃശരീരനായ  കൃഷ്ണൻ നായർ എന്ന പണ്ഡിതനായിരുന്നു രവി പാo ശാലയിൽ പഠിപ്പിച്ചിരുന്നത്. 
           1956-ൽ സ്കൂൾ സർക്കാർ ഏറ്റെടുക്കുകയും രാമപുരം എൽ .പി .സ്കൂൾ എന്നറിയപ്പെടുകയും ചെയ്തു.1975 ൽ യു.പി.സ്കൂളായി അപ്ഗ്രേഡ് ചെയ്തു.

ഭൗതികസൗകര്യങ്ങള്‍

പ്രീ പ്രൈമറി തലം മുതൽ ഏഴാം തരം വരെ പ്രവർത്തിക്കുന്ന ഈ സ്കൂളിൽ  ഓടുമേഞ്ഞ രണ്ടു കെട്ടിടങ്ങളും, എം.എൽ.എ ഫണ്ടിൽ അനുവദിച്ച ഒരു ഇരുനില കെട്ടിടവും ഓഫീസ്, സ്റ്റാഫ് റൂo ഒരു ക്ലാസ് മുറിയും  ഉൾപ്പെട്ട മറ്റൊരു കെട്ടിടവും ചേർന്നതാണ് ഞങ്ങളുടെ സ്കൂൾ. കമ്പ്യൂട്ടർ ലാബി നായി പ്രത്യേകകെട്ടിടവുമുണ്ട്.' എൽ .പി വിഭാഗം പ്രവർത്തിക്കുന്ന കെട്ടിടത്തിന് കുമാരനാശാൻ ബ്ലോക്ക് എന്നും, യു.പി. വിഭാഗം പ്രവർത്തിക്കുന്ന കെട്ടിടത്തിന് അബ്ദുൾ കലാം ബ്ലോക്കെന്നും  നാമകരണം ചെയ്തിട്ടുണ്ട്. .
      ഓരോ ക്ലാസ് മുറിയും വിഷയാടിസ്ഥാന ചിത്രങ്ങൾ കൊണ്ട് അലംകൃതവുമാണ്.സുശക്തമായ   കമ്പ്യൂട്ടർ  ലാബ്  സുസജ്ജമായ ശാസ്ത്ര ലാബ്, ആയിരത്തിൽ പരം പുസ്തകങ്ങളുള്ള ലൈബ്രറി, ഗണിത ലാബ്  ഇവ ഈ സ്കൂളിലുണ്ട്. കൂടാതെ മനോഹരമായ ഓപ്പൺ ഓഡിറ്റോറിയവും ടൈൽ പാകിയ മുറ്റവും സ്കൂളിനെ സുന്ദരമാക്കുന്നു.  

സംഗീതം, ചിത്രരചന, കായികപരിശീലനം, പ്രവൃത്തി പരിചയം എന്നിവയ്ക്ക് പ്രഗത്ഭരായ  അധ്യാപകരുടെ സേവനം വിദ്യാർത്ഥികൾക്ക് ലഭ്യമാണ്.     
   കുട്ടികളുടെ യാത്രാ സൗകര്യത്തിനായി ശ്രീ. എ സമ്പത്ത് എം.പി.അനുവദിച്ച സ്കൂൾ വാഹനവും കരാറടിസ്ഥാനത്തിൽ മറ്റൊരു വാഹനവും സ്കൂളിനുണ്ട്. കുട്ടികൾക്ക് കളിക്കാനായി കളിസ്ഥലവുമുണ്ട്.

പാഠ്യേതര പ്രവര്‍ത്തനങ്ങള്‍

     ജില്ല - സബ് ജില്ലാതല സ്കൂൾ കലോത്സവങ്ങളിലും, പ്രവൃത്തി പരിചയമേളകളിലും ഈ സ്കൂളിലെ വിദ്യാർത്ഥികൾ മികവു തെളിയിച്ചു വരികയാണ്, 2016-17 വർഷത്തെ സബ് ജില്ലാതല സംസ്കൃതോത്സവത്തിൽ പങ്കെടുത്ത 15 ഇനങ്ങളിൽ 14 ഇനങ്ങളിലും എ ഗ്രേഡ് നേടകയും, 10 ജനങ്ങളിൽ ഒന്നാo സ്ഥാനം കരസ്ഥമാക്കുകയും ചെയ്തു.      

കൂടാതെ ജില്ലാ കലോത്സവത്തിൽ 8 എ ഗ്രേഡ് നേടാനായി.

      എല്ലാ വർഷവും പ്രവൃത്തി പരിചയമേളയിൽ, മികച്ച വിജയം നേടുക പതിവാണ്.
      അധ്യാപകരുടെ നേതൃത്വത്തിൽ വിവിധ ക്ലബ്ബുകളുടെ പ്രവർത്തനങ്ങൾ ഇവിടെ സജീവമാണ്.

മികവുകള്‍

  = 2014ലെ DF M F ഷോർട്ട് ഫിലിം ഫെസ്റ്റിവലിൽ

സമ്മാനാർഹമായ "പച്ചപ്പൂ" എന്ന കുട്ടികളുടെ ചിത്രം

  = 2015ൽ ശ്രീകണ്ഠേശ്വരം സ്മൃതിയുടെ ഭാഗമായി സ്കൂൾ വിദ്യാർത്ഥികൾക്കായി നടത്തിയ പ്രാദേശിക ഭാഷാ നിഘണ്ടു നിർമ്മാണ മത്സരത്തിൽ ഒന്നാം സ്ഥാനം നേടി. ക്യാഷ് അവാർഡും പ്രശസ്തിപത്രവും സമ്മാനമായി ലഭിച്ചു.                       
   = 2014ൽ Best Gandhi Darshan School -up Section അവാർഡു° നേടുകയുണ്ടായി.

മുന്‍ സാരഥികള്‍

ആദ്യഘട്ടത്തിൽ 1 മുതൽ 3 വരെ  ക്ലാസുകളായിരുന്നു ഉണ്ടായിരുന്നത്; ഒന്നാം ക്ലാസിൽ വേട്ടമ്പള്ളി നെട്ടറ വീട്ടിൽ നീലകണ്ഠപിള്ള സാറും രണ്ടാം ക്ലാസ്സിൽ വട്ടപ്പാറ ജനാർദ്ദനൻ പിള്ള സാറും  മൂന്നാം ക്ലാസ്സിൽ രാമപുരത്തു വീട്ടിൽ നാരായണൻ സാറും ആയിരുന്നു ആദ്യ കാല അധ്യാപകർ.        
      കവി കരുവാറ്റ തങ്കപ്പൻ സാർ ഈ വിദ്യാലയത്തിൽ കാൽ നൂറ്റാണ്ടുകാലം അധ്യാപകനായി രുന്നു.

പ്രശസ്തരായ പൂര്‍വവിദ്യാര്‍ത്ഥികള്‍

        1, ആനാട്   ഗ്രാമ പഞ്ചായത്തു പ്രസിഡന്റായിരുന്ന പരശുരാമൻ നായർ,              
         2. ആയുർവേദ ഡോക്ടറായിരുന്ന ഇടപ്പട്ടാഴിയിൽ ഭവാനിയമ്മ

വഴികാട്ടി

{{#multimaps: 8.619160, 76.989250 |zoom=16}}

വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍