കേരള സ്കൂൾ കായികോത്സവം/മത്സരഇനങ്ങൾ

ആമുഖം

സംഘാടനം

മത്സര ഇനങ്ങൾ

കായികോത്സവം 2024

മത്സര ഇനങ്ങൾ

   

	ടീം ഇനങ്ങളിൽ മത്സരിക്കുന്നവ	വ്യക്തിഗത ഇനങ്ങളിൽ മത്സരിക്കുന്നവ	ടീം ആയും വ്യക്തിഗതമായും മത്സരിക്കുന്നവ
1	Badminton	Athletics	Fencing
2	Tennis	Aquatics	Yoga
3	Table Tennis	Chess	Gymnastics
4	Ball badminton	Cycling
5	Basketball	Judo
6	Volleyball	Taekwondo
7	Handball	Wrestling
8	Hockey	Weight-Lifting
9	Kho-Kho	Boxing
10	Kabaddi	Wushu
11	Football	Power Lifting
12	Cricket	Karate
13	Water Polo	Archery
14	Netball	Shooting
15	Softball	Roller Skating
16	Tennikoit
17	Throw ball
18	Baseball
19	Sepak Takraw
20	Tug of War

സുബ്രോതോ കപ്പ് ഫുട്ബോൾ ടൂർണമെന്റ്

സുബ്രോതോ മുഖർജി വിദ്യാഭ്യാസസൊസൈറ്റി നടത്തുന്ന അന്താരാഷ്ട്ര ഇന്റർ സ്‌കൂൾ ഫുട്‌ബോൾ ടൂർണമെന്റാണ് സുബ്രോതോ മുഖർജി കപ്പ്. അണ്ടർ 17 ആൺകുട്ടികൾ, പെൺകുട്ടികൾ, അണ്ടർ 15 ആൺകുട്ടികൾ എന്നീ വിഭാഗത്തിൽ  ഉപജില്ല, റവന്യുജില്ല, സംസ്ഥാനതല ടൂർണമെന്റുകൾ സംഘടിപ്പിച്ച് മികച്ച സ്‌കൂൾ ടീം ഒരോ വിഭാഗത്തിൽ നിന്നും കേരളത്തെ പ്രതിനിധീകരിച്ച് പങ്കെടുക്കുന്നു. സുബ്രോതോ മുഖർജി എഡ്യൂക്കേഷൻ സൊസൈറ്റിയുടെ മാനദണ്ഡങ്ങൾക്കനുസൃതമായി പൊതു വിദ്യാഭ്യാസവകുപ്പ് ഈ മത്സരങ്ങൾ സംഘടിപ്പിക്കുന്നു.

ജവഹർലാൽ നെഹ്‌റു ഹോക്കി ടൂർണമെന്റ്

‍    ജവഹർലാൽ നെഹ്‌റു ഹോക്കി സൊസൈറ്റി സംഘടിപ്പിക്കുന്ന ദേശീയസ്‌കൂൾ ഹോക്കിമത്സരമാണ് ജവഹർലാൽ നെഹ്‌റു ഹോക്കി ടൂർണമെന്റ്.  17 വയസ്സിൽ താഴെപ്രായമുള്ള ആൺകുട്ടികളുടെയും പെൺകുട്ടികളുടെയും വിഭാഗത്തിൽസംഘടിപ്പിക്കുന്ന ഈ ടൂർണമെന്റിൽ ഒരോ വിഭാഗത്തിലെയും മികച്ച സ്‌കൂൾ ടീമാണ് കേരളത്തെ പ്രതിനിധീകരിച്ച് പങ്കെടുക്കുന്നത്. ജവഹർലാൽ നെഹ്‌റു ഹോക്കി സൊസൈറ്റിയുടെ മാനദണ്ഡങ്ങൾക്കനുസൃതമായി പൊതുവിദ്യാഭ്യാസവകുപ്പ് സംഘടിപ്പിക്കുന്ന ഉപജില്ല,  ജില്ല, സംസ്ഥാന മത്സരങ്ങളിൽ‍ നിന്നാണ് ടീമിനെ തെരഞ്ഞെടുക്കുന്നത്.

1. അത്‍ലറ്റിക്സ്

ലോവർ പ്രൈമറി മുതൽ ഹയർ സെക്കണ്ടറി വരെ LP Mini, LP Kiddies, UP Kiddies, Sub Junior, Junior, Senior എന്നീ വീഭാഗങ്ങളിലായി ആൺകുട്ടികൾക്കും പെൺകുട്ടികൾക്കുമായി 103 വ്യക്തിഗത ഇനങ്ങളും 16 റിലേ മത്സരങ്ങളും‍ നടത്തപ്പെടുന്നു.  LP Mini, LP Kiddies, UP Kiddies എന്നീ വിഭാഗങ്ങൾ സബ്ജില്ലാ തലം വരെയും  Sub Junior, Junior, Senior വിഭാഗങ്ങളിലായി  സബ്ജില്ലാ  മുതൽ സംസ്ഥാനതലം വരെയും മത്സരങ്ങൾ സംഘടിപ്പിക്കുകയും ദേശീയ-അന്തർദേശീയ മത്സരങ്ങളിൽ കായികതാരങ്ങളെ പങ്കെടുപ്പിക്കുകയും ചെയ്യുന്നു.

റണ്ണിങ്, ജമ്പിങ്, ത്രോയിങ്, വാക്കിങ് എന്നിങ്ങനെ വിവിധ ട്രാക്ക് ആൻഡ് ഫീൽഡ് ഇവന്റുകൾ ഉൾക്കൊള്ളുന്ന സംഘടിത കായിക മത്സരങ്ങളാണ് അത്ലറ്റിക്സ്. ഈ മത്സരങ്ങൾ പ്രാദേശിക തലം മുതൽ ഒളിമ്പിക്സ് പോലുള്ള അന്താരാഷ്ട്ര ഇവന്റുകൾ വരെയാകാം. അത്ലറ്റുകൾ അവരുടെ വേഗത, ശക്തി, ചടുലത, ക്ഷമത എന്നിവ പ്രകടിപ്പിക്കുന്നതിനായി അത്ലറ്റിക്സിലെ വ്യത്യസ്ത ഇനങ്ങളിൽ മത്സരിക്കുന്നു.

മത്സരഇനങ്ങൾ

Sl	Item Name	Sub Junior		Junior		Senior
		Boy	Girl	Boy	Girl	Boy	Girl
1	100 M	276	√	√	√	√	√
2	200 M	277	√	√	√	√	√
3	400 M	278	√	√	√	√	√
4	600 M	279	√
5	800 M			√	√	√	√
6	1500 M			√	√	√	√
7	3000 M			√	√	√	√
8	80 MH	0.762m	0.762m
9	100 MH				0.762m		0.762m
10	110 MH			0.914m		0.914m
11	400 MH			0.838m	0.762m	0.838 m	0.762m
13	Long Jump	√	√	√	√	√	√
14	High Jump	√	√	√	√	√	√
15	Triple Jump			√	√	√	√
16	Pole Vault			√	√	√	√
17	Shot Put	4 Kg	3 Kg	5 Kg	3 Kg	5 Kg	3 Kg
20	Discus	1 Kg	1 Kg	1.5 Kg	1 Kg	1.5 Kg	1 Kg
22	Javelin			700 g	500 g	700 g	500 g
24	Hammer			5 Kg	3 Kg	5 Kg	3 Kg
26	3 km Walk				√		√
27	5 Km Walk			√		√
28	4 X 100 Relay	√	√	√	√	√	√
29	4 X 400 Relay			√	√	√	√
30	Cross Country	Boys 6 KM & Girls 4 KM

SI. No	Item Name	LP MINI		LP KIDDIES		UP KIDDIES
		BOYS	GIRLS	BOYS	GIRLS	BOYS	GIRLS
1	50M	√	√	√	√
2	100 M	√	√	√	√	√	√
3	200 M					√	√
4	STANDING BROAD JUMP	√	√
5	LONG JUMP			√	√	√	√
6	HIGH JUMP					√	√
7	4X50 M SHUTTLE RELAY	√	√
8	4X100 M RELAY			√	√	√	√

2. അക്വാട്ടിക്സ്

സബ് ജുനിയർ, ജൂനിയർ, സീനിയർ വിഭാഗം ആൺകുട്ടികൾക്കും പെൺകുട്ടികൾക്കുമായി  92 വ്യക്തിഗത ഇനങ്ങളും 12 റിലേ മത്സരങ്ങളും‍ സബ് ജില്ലാതലം മുതൽ സംസ്ഥാനതലം വരെ സംഘടിപ്പിക്കുന്നു. മികച്ച കായിതാരങ്ങളെ ദേശീയ-അന്തർദേശീയ മത്സരങ്ങളിൽ പങ്കെടുപ്പിക്കുകയും ചെയ്യുന്നു.

ജലത്തിൽ നടക്കുന്ന ഏതെങ്കിലും കായിക മത്സരമാണ് അക്വാട്ടിക്സ്. ഇതിൽ നീന്തൽ, ഡൈവിംഗ്, സിങ്ക്രണൈസ്ഡ് നീന്തൽ, വാട്ടർ പോളോ എന്നിവ ഉൾപ്പെടുന്നു. ഈ മത്സരങ്ങളിൽ പലപ്പോഴും വ്യക്തികളോ ടീമുകളോ പ്രത്യേക കായിക ഇനത്തെ ആശ്രയിച്ച് റേസുകൾ, ക്രമങ്ങൾ അല്ലെങ്കിൽ പ്രകടനങ്ങൾ എന്നിങ്ങനെയുള്ള വിവിധ പരിപാടികളിൽ പരസ്പരം മത്സരിക്കുന്നു. അക്വാട്ടിക്സ് മത്സരങ്ങൾ ലോകമെമ്പാടും ജനപ്രിയമാണ്, കൂടാതെ ഒളിമ്പിക് ഗെയിംസ്, കോമൺവെൽത്ത് ഗെയിംസ്, വിവിധ അന്താരാഷ്ട്ര, ദേശീയ ചാമ്പ്യൻഷിപ്പുകൾ തുടങ്ങിയ ഇവന്റുകളുടെ ഒരു പ്രധാന ഭാഗമാണ്.

3. ബാഡ്മിന്റൺ

ബാഡ്മിന്റൺ ഒരു റാക്കറ്റ് കായിക ഇനമാണ്. റാക്കറ്റുകൾ ഉപയോഗിച്ച് ഷട്ടിൽ  കോക്കിനെ പരസ്പരം തട്ടുന്ന ഗെയിമാണ്. ബാഡ്മിന്റൺ മത്സരത്തിൽ കളിക്കാരോ ടീമുകളോ പരസ്പരം മത്സരിക്കുന്നു. ഒരു മത്സരത്തിൽ കളിക്കാർ അല്ലെങ്കിൽ ടീമുകൾ സിംഗിൾസ്,  ഡബിൾസ് അല്ലെങ്കിൽ മിക്സഡ് ഡബിൾസ് മത്സരങ്ങളിൽ മത്സരിക്കുന്നു. എതിർ  കളിക്കാരനോ ടീമിനോ അത് ഫലപ്രദമായി തിരികെ നൽകാൻ കഴിയാത്ത വിധത്തിൽ  ഷട്ടിൽകോക്ക് നെറ്റിന് മുകളിലൂടെ അടിക്കുക എന്നതാണ് ലക്ഷ്യം. എതിരാളിയുടെ കോർട്ടിനുള്ളിൽ ഷട്ടിൽ കോക്ക് പതിക്കുമ്പോഴാണ് പോയിന്റുകൾ സ്കോർ ചെയ്യപ്പെടുന്നത്.

മത്സരങ്ങൾ സാധാരണയായി മൂന്ന് ഗെയിമുകളിൽ ഏറ്റവും കൂടുതൽ കരസ്ഥമാകുന്നവർ വിജയിയാകുന്നു. ഓരോ ഗെയിമും 21 പോയിന്റ് വരെ കളിക്കുന്നു (മത്സരത്തിന്റെ നിയമങ്ങൾ  അനുസരിച്ച് ഇത് വ്യത്യാസപ്പെടാം). പ്രാദേശിക, ദേശീയ, അന്തർദേശീയ ടൂർണമെന്റുകൾ  ഉൾപ്പെടെ വിവിധ തലങ്ങളിൽ ബാഡ്മിന്റൺ മത്സരങ്ങൾ നടക്കുന്നു. ഒളിമ്പിക് ഗെയിംസും  ബാഡ്മിന്റൺ ലോക ചാമ്പ്യൻഷിപ്പുമാണ് ഏറ്റവും പ്രധാനപ്പെട്ടത്.

സബ് ജൂനിയർ, ജൂനിയർ, സീനിയർ വിഭാഗങ്ങളിലെ ആണ് കുട്ടികൾക്കും  പെൺകുട്ടികൾക്കും ടീം ചാമ്പ്യൻഷിപ്പായി മത്സരങ്ങൾ നടത്തുന്നു. ഒരു ടീമിൾ 3 മുതൽ 5 വരെ അംഗങ്ങൾ ഉണ്ടാകും. കൂടുതൽ വായിക്കുക

4. ബോൾ ബാഡ്മിന്റൺ

ബാഡ്മിന്റണിന് സമാനമായ ഒരു കായിക ഇനമാണ് ബോൾ ബാഡ്മിന്റൺ. എന്നാൽ  കളിക്കാർ ഷട്ടിൽ കോക്ക് ഉപയോഗിക്കുന്നതിന് പകരം റബ്ബർ ബേസിൽ ഘടിപ്പിച്ച കമ്പിളി  കൊണ്ട് നിർമ്മിച്ച പന്താണ് ഉപയോഗിക്കുന്നത്. ബോൾ ബാഡ്മിന്റൺ മത്സരത്തിൽ ഈ  കായികരംഗത്ത് പരസ്പരം മത്സരിക്കുന്ന കളിക്കാരോ ടീമുകളോ ഉൾപ്പെടുന്നു. എതിർ  കളിക്കാരനോ ടീമിനോ ഫലപ്രദമായി തിരികെ നൽകാൻ കഴിയാത്ത വിധത്തിൽ പന്ത് വലയ്ക്ക് മുകളിലൂടെ അടിച്ചു കോർട്ടിനുള്ളിൽ പതിച്ചാൽ സ്കോർ ലഭിക്കും. ബോൾ ബാഡ്മിന്റൺ  മത്സരങ്ങളിൽ സിംഗിൾസ്, ഡബിൾസ്, മിക്സഡ് ഡബിൾസ് മത്സരങ്ങൾ ഉൾപ്പെടുന്നു.  നിയമങ്ങളും സ്കോറിംഗ് സമ്പ്രദായവും പരമ്പരാഗത ബാഡ്മിന്റണിന് സമാനമാണ്.  മത്സരത്തിൽ സാധാരണയായി മൂന്ന് ഗെയിമുകളിൽ ഏറ്റവും കൂടുതൽ പോയിന്റ് കരസ്ഥമാകുന്നവർ  വിജയിയാകുന്നു.

സബ് ജൂനിയർ, ജൂനിയർ, സീനിയർ വിഭാഗങ്ങളിലെ ആണ് കുട്ടികൾക്കും പെൺകുട്ടികൾക്കും  മത്സരങ്ങൾ നടത്തപ്പെടുന്നു. ഒരു ടീമിൽ 10 അംഗങ്ങൾ ഉണ്ടാകും. കൂടുതൽ വായിക്കുക

5. ബാസ്ക്കറ്റ്ബോൾ

ദീർഘചതുരാകൃതിയിലുള്ള കളിക്കളത്തിൽ അഞ്ചുപേർ വീതമുള്ള രണ്ടു ടീമുകൾ  കളിക്കുന്ന കായിക വിനോദമാണ് ബാസ്ക്കറ്റ്ബോൾ. കളിക്കളത്തിന്റെ രണ്ടറ്റത്തും മുകളിലായി സ്ഥാപിച്ചിരിക്കുന്ന വളയത്തിനുള്ളിൽ പന്തെത്തിച്ച്, കൂടുതൽ പോയിന്റു നേടുകയാണ് ഇരു ടീമുകളുടെയും ലക്ഷ്യം. വളയത്തിനു താഴെ സ്ഥാപിച്ചിട്ടുള്ള നെറ്റ് ഉള്ളതിനാലാണ് ഈ കളിക്ക് ബാസ്ക്കറ്റ്ബോൾ എന്നു പേരുവന്നത്. ലോകത്തിലെ ഏറ്റവും  ജനകീയമായ കളികളിലൊന്നാണിത്. ഇരുനൂറിലേറെ രാജ്യങ്ങളിൽ ബാസ്ക്കറ്റ്ബോൾ  കളി സജീവമാണ്. മത്സരങ്ങളിൽ സാധാരണയായി രണ്ട് ടീമുകൾ തമ്മിൽ കളിക്കുന്ന ഗെയിമുകൾ അടങ്ങിയിരിക്കുന്നു, ഓരോ ടീമും മറ്റൊന്നിനെ മറികടക്കാൻ ശ്രമിക്കുന്നു.  കളിയെ ക്വാർട്ടറുകളായി തിരിച്ചിരിക്കുന്നു, സാധാരണയായി മത്സരത്തിന്റെ തലമനുസരിച്ച് ഏകദേശം 10 - 12 മിനിറ്റ് വീതം നീണ്ടുനിൽക്കും. കളിയുടെ അവസാനം ഏറ്റവും കൂടുതൽ  പോയിന്റ് നേടുന്ന ടീം വിജയിക്കുന്നു.

സബ് ജൂനിയർ, ജൂനിയർ, സീനിയർ വിഭാഗങ്ങളിലെ ആൺകുട്ടികൾക്കും പെൺകുട്ടികൾക്കും  മത്സരങ്ങൾ നടത്തപ്പെടുന്നു. ഒരു ടീമിൽ 12 അംഗങ്ങൾ ഉണ്ടാകും.

6. ചെസ്

സബ് ജൂനിയർ,ജൂനിയർ,സീനിയർ വിഭാഗങ്ങളിലെ ആൺകുട്ടികൾക്കും പെൺകുട്ടികൾക്കും മത്സരങ്ങൾ നടത്തപ്പെടുന്നു.  സ്കൂൾ തലത്തിൽ ഒരു വിഭാഗത്തിൽ ഒരു കായികതാരത്തിനും സബ്ബ് ജില്ല- ജില്ലാ-സംസ്ഥാനതലമത്സരങ്ങളിൽ ഓരോ വിഭാഗത്തിലും 2 കായികതാരത്തിനും പങ്കെടുക്കാം.

7. ക്രിക്കറ്റ്

സബ് ജൂനിയർ വിഭാഗം ആൺകുട്ടികൾക്കും ജൂനിയർ,സീനിയർ വിഭാഗങ്ങളിലെ ആൺകുട്ടികൾക്കും പെൺകുട്ടികൾക്കുമായി മത്സരങ്ങൾ നടത്തപ്പെടുന്നു.  ഒരു ടീമിൽ 16 അംഗങ്ങൾ ഉണ്ടാകും.

8. ഫുട്ബോൾ

സബ് ജൂനിയർ, ജൂനിയർ, സീനിയർ ആൺ-പെൺ വിഭാഗങ്ങളിൽ മത്സരങ്ങൾ സംഘടിപ്പിക്കുന്നു. ഒരു ടീമിൽ 18 അംഗങ്ങൾ ഉണ്ടാകും.

9. ഹാന്റ്ബോൾ 

സബ് ജൂനിയർ, ജൂനിയർ, സീനിയർ വിഭാഗങ്ങളിലെ ആൺകുട്ടികൾക്കും പെൺകുട്ടികൾക്കുമായി നടത്തപ്പെടുന്ന മത്സരത്തിൽ ഒരു ടീമിൽ 16 അംഗങ്ങൾ ഉണ്ടാകും.

10. ഹോക്കി

സബ് ജൂനിയർ, ജൂനിയർ, സീനിയർ ആൺ-പെൺ വിഭാഗങ്ങളിൽ മത്സരങ്ങൾ സംഘടിപ്പിക്കുന്നു. 18 അംഗങ്ങൾ ഒരു ടീമിൽ ഉണ്ടാകും.

11. കബഡി

സബ് ജൂനിയർ, ജൂനിയർ, സീനിയർ വിഭാഗങ്ങളിലെ ആൺകുട്ടികൾക്കും പെൺകുട്ടികൾക്കും നടത്തപ്പെടുന്ന മത്സരത്തിൽ  ഒരു ടീമിൽ 12 അംഗങ്ങൾ ഉണ്ടാകും. ഒരോ വിഭാഗത്തിനും നിർദ്ദേശിച്ചിട്ടുള്ള ഭാരം അനുസരിച്ച് മാത്രമേ കായികതാരങ്ങൾക്ക് മത്സരത്തിൽ പങ്കെടുക്കുവാൻ യോഗ്യതയുള്ളു.

	Boys			Girls			Team Composition
	U -14	U - 17	U - 19	U -14	U - 17	U - 19
Weight in KG	Below 51 Kg	Below 55 Kg	Below 70 Kg	Below 48 Kg	Below 55 Kg	Below 65 Kg	12

12. ഖൊ-ഖൊ

സബ് ജൂനിയർ, ജൂനിയർ, സീനിയർ വിഭാഗങ്ങളിൽ ആൺ കുട്ടികൾക്കും പെൺകുട്ടികൾക്കും മത്സരങ്ങൾ നടത്തപ്പെടുന്നു.  ഒരു ടീമിൽ 12 അംഗങ്ങൾ ഉണ്ടാകും.

13. ടേബിൾ ടെന്നീസ്

സബ് ജൂനിയർ, ജൂനിയർ, സീനിയർ വിഭാഗങ്ങളിലെ ആൺ കുട്ടികൾക്കും പെൺകുട്ടികൾക്കും ടീം ചാമ്പ്യൻഷിപ്പായി മത്സരങ്ങൾ നടത്തുന്നു. ഒരു ടീമിൽ 3 മുതൽ 5 വരെ അംഗങ്ങൾ ഉണ്ടാകും. (പ്രധാന ലേഖനം: ടേബിൾ ടെന്നീസ് )

14. ടെന്നീസ്

സബ് ജൂനിയർ, ജൂനിയർ, സീനിയർ വിഭാഗങ്ങളിലെ ആൺകുട്ടികൾക്കും പെൺകുട്ടികൾക്കുമായി സംഘടിപ്പിക്കുന്ന മത്സരങ്ങൾ ടീം ചാമ്പ്യൻഷിപ്പായി നടത്തുന്നു. ഒരു ടീമിൽ 3 മുതൽ 5 വരെ അംഗങ്ങൾ ഉണ്ടാകും. (പ്രധാന ലേഖനം: ടെന്നീസ് )

15. വോളിബോൾ

സബ് ജൂനിയർ,ജൂനിയർ,സീനിയർ വിഭാഗങ്ങളിലെ ആൺകുട്ടികൾക്കും പെൺകുട്ടികൾക്കും മത്സരങ്ങൾ നടത്തപ്പെടുന്നു.  ഒരു ടീമിൽ 12 അംഗങ്ങൾ ഉണ്ടാകും.

(പ്രധാന ലേഖനം: വോളിബോൾ )

16. ബേസ് ബോൾ

സീനിയർ വിഭാഗങ്ങളിലെ ആൺകുട്ടികൾക്കും പെൺകുട്ടികൾക്കും മാത്രമായി മത്സരങ്ങൾ നടത്തപ്പെടുന്നു. ഒരു ടീമിൽ 16 അംഗങ്ങൾ ഉണ്ടാകും.

(പ്രധാന ലേഖനം: ബേസ് ബോൾ )

17. നെറ്റ് ബോൾ

സീനിയർ വിഭാഗത്തിലെ ആൺകുട്ടികൾക്കും പെൺകുട്ടികൾക്കും മാത്രമായി മത്സരങ്ങൾ നടത്തപ്പെടുന്നു. ഒരു ടീമിൽ 12 അംഗങ്ങൾ ഉണ്ടാകും.

(പ്രധാന ലേഖനം: ടെന്നീസ് )

18. സെപക് ത്രോ

സീനിയർ വിഭാഗത്തിലെ ആൺകുട്ടികൾക്കും പെൺകുട്ടികൾക്കും മാത്രമായി മത്സരങ്ങൾ നടത്തപ്പെടുന്നു.  ഒരു ടീമിൽ 3 മുതൽ 5 വരെ അംഗങ്ങൾ ഉണ്ടാകും.

(പ്രധാന ലേഖനം: സെപക് ത്രോ )

19. സോഫ്റ്റ്ബോൾ

സീനിയർ വിഭാഗത്തിലെ ആൺകുട്ടികൾക്കും പെൺകുട്ടികൾക്കും മാത്രമായി മത്സരങ്ങൾ നടത്തപ്പെടുന്നു. ഒരു ടീമിൽ 16 അംഗങ്ങൾ ഉണ്ടാകും.

(പ്രധാന ലേഖനം: സോഫ്റ്റ്ബോൾ )

20. ത്രോബോൾ

സീനിയർ വിഭാഗത്തിലെ ആൺകുട്ടികൾക്കും പെൺകുട്ടികൾക്കും മാത്രമായി മത്സരങ്ങൾ നടത്തപ്പെടുന്നു. ഒരു ടീമിൽ 12 അംഗങ്ങൾ ഉണ്ടാകും.

(പ്രധാന ലേഖനം: ത്രോബോൾ )

21. ടെന്നിക്കൊയ്ത്ത്

സീനിയർ വിഭാഗത്തിലെ ആൺകുട്ടികൾക്കും പെൺകുട്ടികൾക്കും മാത്രമായി മത്സരങ്ങൾ നടത്തപ്പെടുന്നു. ഒരു ടീമിൽ 5 അംഗങ്ങൾ ഉണ്ടാകും.

(പ്രധാന ലേഖനം: ടെന്നിക്കൊയ്ത്ത് )

22. വാട്ടർ പോളോ

ആൺകുട്ടികൾക്ക് മാത്രമായി മത്സരങ്ങൾ നടത്തപ്പെടുന്നു. ഒരു ടീമിൽ 13 അംഗങ്ങൾ ഉണ്ടാകും.

(പ്രധാന ലേഖനം: വാട്ടർ പോളോ )

23. വടംവലി (Tug of War)

സീനിയർ വിഭാഗത്തിലെ ആൺകുട്ടികൾക്കും പെൺകുട്ടികൾക്കും മാത്രമായി മത്സരങ്ങൾ നടത്തപ്പെടുന്നു.  ടീമിൽ 9 അംഗങ്ങൾ ഉണ്ടാകും. നിർദ്ദേശിക്കുന്ന ഭാരത്തിന് അനുസരിച്ച് മാത്രമേ ടീമിന് മത്സരത്തിൽ പങ്കെടുക്കുവാൻ സാധിക്കുകയുള്ളു.

	Senior Boys	Senior Girls	Team Composition
Weight	560 Kg (Weight of 8 Players)	440Kg (Weight of 8 Players)	9
Item Code	487	488

(പ്രധാന ലേഖനം: വടംവലി )

24. ജൂഡോ

സബ് ജൂനിയർ വിഭാഗത്തിൽ 14 ഭാരവിഭാഗങ്ങളിലും ജൂനിയർ സീനിയർ വിഭാഗങ്ങളിൽ 38 ഭാരവിഭാഗങ്ങളിലും ആൺകുട്ടികൾക്കും പെൺകുട്ടികൾക്കും മത്സരങ്ങൾ നടത്തപ്പെടുന്നു. എല്ലാ ഭാരവിഭാഗങ്ങളിൽ നിന്നും മികച്ച ഒാരോ ആൾ‍ അടുത്ത മത്സരത്തിലേക്ക് തെരഞ്ഞെടുക്കപ്പെടുന്നു. ഒരു വിദ്യാർത്ഥിയ്ക്ക് ഒരു ഭാരവിഭാഗത്തിൽ മാത്രമേ മത്സരിക്കാൻ സാധിക്കുകയുള്ളു. (പ്രധാന ലേഖനം: ജൂഡോ )

25. തൈക്കോൺഡോ

സബ് ജൂനിയർ ആൺ-പെൺ വിഭാഗങ്ങളിൽ22 മത്സര ഇനങ്ങളും ജൂനിയർ വിഭാഗത്തിൽ 26 മത്സര ഇനങ്ങളും സീനിയർ ആൺകുട്ടികൾക്കായി 10 മത്സരഇനങ്ങളും പെൺകുട്ടികളുടെ വിഭാഗത്തിൽ 11 മത്സരഇനങ്ങളുമാണ്  നടത്തപ്പെടുന്നത്. ഒരോ മത്സരവിഭാഗത്തിൽ നിന്നും മികച്ച ഒരു കായികതാരത്തെ അടുത്ത തലത്തിലേക്ക് തെരഞ്ഞെടുക്കുന്നു. ഒരു കായികതാരത്തിന് ഒരു ഭാരവിഭാഗത്തിൽ മാത്രമേ മത്സരിക്കാൻ അർഹതയുള്ളു. മത്സരാർത്ഥികൾ കേരള സ്പോർട്സ് കൗൺസിലിന്റെ അംഗീകാരമുള്ള അസോസിയേഷന്റെ Yellow Belt നേടിയവർ ആയിരിക്കണം. (പ്രധാന ലേഖനം: തൈക്കോൺഡോ )

26. ഭാരോദ്വഹനം (Weight-Lifting)

സീനിയർ-ആൺകുട്ടികൾക്ക്  9 ഉം സീനിയർ പെൺകുട്ടികൾക്ക് 10 ഉം, ജുനിയർ ആൺകുട്ടികൾക്കും പെൺകുട്ടികൾക്കും 9 വീതവും ഭാരവിഭാഗങ്ങളിൽ മത്സരങ്ങൾ നടത്തപ്പെടുന്നു. ഒരോ ഭാരവിഭാഗത്തിൽ നിന്നുമുള്ള വിജയികൾ‍ അടുത്ത മത്സരത്തിലേക്ക് തെരഞ്ഞെടുക്കപ്പെടുന്നു. ഒരു വിദ്യാർത്ഥിയ്ക്ക് ഒരു ഭാരവിഭാഗത്തിൽ മാത്രമേ മത്സരിക്കാൻ സാധിക്കുകയുള്ളു.

(പ്രധാന ലേഖനം: ഭാരോദ്വഹനം )

27. ബോക്സിംഗ്

ജുനിയർ ആൺ കുട്ടികൾക്കും, ‍ പെൺകുട്ടികൾക്കും യഥാക്രമം 13,15 ഭാരവിഭാഗത്തിലും, സീനിയർ ആൺകുട്ടികൾക്കും‍ പെൺകുട്ടികൾക്കും യഥാക്രമം 11, 12  ഭാരവിഭാഗത്തിലും മത്സരങ്ങൾ ക്രമീകരിച്ചിരിക്കുന്നു. ഒരോ ഭാരവിഭാഗത്തിലെയും വിജയികൾ‍ അടുത്ത തലത്തിലേക്ക് തെരഞ്ഞെടുക്കപ്പെടുന്നു. ഒരു വിദ്യാർത്ഥിയ്ക്ക് ഒരു  ഭാരവിഭാഗത്തിൽ മാത്രമേ മത്സരിക്കാൻ സാധിക്കുകയുള്ളു.

(പ്രധാന ലേഖനം: ബോക്സിംഗ് )

28. വുഷു (Wushu)

സീനിയർ ആൺകുട്ടികൾക്ക് 11 ഭാരവിഭാഗങ്ങളിലും സീനിയർ പെൺകുട്ടികൾക്ക് 9  ഭാരവിഭാഗങ്ങളിലും മത്സരങ്ങൾ നടത്തപ്പെടുന്നു. ഒരോ ഭാരവിഭാഗത്തിലെയും വിജയികൾ‍ അടുത്ത മത്സരത്തിലേക്ക് തെരഞ്ഞെടുക്കപ്പെടുന്നു. ഒരു വിദ്യാർത്ഥിയ്ക്ക് ഒരു ഭാരവിഭാഗത്തിൽ മാത്രമേ മത്സരിക്കാൻ സാധിക്കുകയുള്ളു.

(പ്രധാന ലേഖനം: വുഷു )

29. റെസ്‍ലിങ് (Wrestling)

ജൂനിയർ, സീനിയർ ആൺകുട്ടികൾക്കും പെൺകുട്ടികൾക്കും ഫ്രീസ്റ്റെൽ മത്സരങ്ങളാണ് സംഘടിപ്പിക്കപ്പെടുന്നത്. ഒരോ ഗ്രൂപ്പിനും 10 ഭാരവിഭാഗങ്ങളിൽ മത്സരങ്ങൾ ഉണ്ടായിരിക്കും. ഒരോ ഭാരവിഭാഗത്തിലെയും ഒന്നാം‍‍ സ്ഥാനം നേടിയവർ അടുത്ത തലത്തിലേക്ക് തെരഞ്ഞെടുക്കപ്പെടുന്നു. ഒരു വിദ്യാർത്ഥിയ്ക്ക് ഒരു ഭാരവിഭാഗത്തിൽ മാത്രമേ മത്സരിക്കാൻ സാധിക്കുകയുള്ളു.

(പ്രധാന ലേഖനം: റെസ്‍ലിങ് )

30. കരാട്ടേ

സീനിയർ ആൺകുട്ടികൾക്ക് 13ഭാരവിഭാഗത്തിലും സീനിയർ പെൺകുട്ടികൾക്ക് 11  ഭാരവിഭാഗത്തിലും മത്സരങ്ങൾ നടത്തപ്പെടുന്നത്. ഒരോ ഭാരവിഭാഗത്തിലെയും വിജയികൾ‍ അടുത്ത തലത്തിലേക്ക് തെരഞ്ഞെടുക്കപ്പെടുന്നു. ഒരു വിദ്യാർത്ഥിയ്ക്ക് ഒരു ഭാരവിഭാഗത്തിൽ മാത്രമേ മത്സരിക്കാൻ സാധിക്കുകയുള്ളു.

(പ്രധാന ലേഖനം: കരാട്ടേ )

31. പവർ ലിഫ്റ്റിങ് (Power Lifting)

സീനിയർ വിഭാഗം ആൺകുട്ടികൾക്കും പെൺകുട്ടികൾക്കും മാത്രമായി യഥാക്രമം 9,8 ഭാരവിഭാഗങ്ങളിലായി മത്സരങ്ങൾ വേർതിരിച്ച് നടത്തപ്പെടുന്നു. ഒരോ ഭാരവിഭാഗത്തിലെയും വിജയികൾ‍ അടുത്ത തലത്തിലേക്ക് തെരഞ്ഞെടുക്കപ്പെടുന്നു. ഒരു വിദ്യാർത്ഥിയ്ക്ക് ഒരു ഭാരവിഭാഗത്തിൽ മാത്രമേ മത്സരിക്കാൻ സാധിക്കുകയുള്ളു.

(പ്രധാന ലേഖനം: പവർ ലിഫ്റ്റിങ്)

32. റോളർ സ്കേറ്റിങ് (Roller Skating)

സീനിയർ വിഭാഗം ആൺകുട്ടികൾക്കും പെൺകുട്ടികൾക്കും മാത്രമായി Quads, Inline എന്നീ ഇനങ്ങളിൽ ആണ് മത്സരങ്ങൾ നടത്തപ്പെടുന്നത്. Quads വിഭാഗത്തിലെ 3 ഇനങ്ങളിലെ  2 ഇനങ്ങളിലും Inline വിഭാഗത്തിലെ 4 ഇനങ്ങളിലെ 3 ഇനങ്ങളിലും കുട്ടിയ്ക്ക് മത്സരിക്കാം. ഒരു കുട്ടിയ്ക്ക് Quads, Inline ഇവയിൽ എതെങ്കിലും ഒരു വിഭാഗത്തിൽ മാത്രമേ മത്സരിക്കുവാൻ സാധിക്കുകയുള്ളു. ഓരോ വിഭാഗത്തിലും കൂടുതൽ പോയിന്റ് നേടിയ മൂന്നു കുട്ടികൾ വീതം അടുത്ത തലത്തിലേക്ക് തെരഞ്ഞെടുക്കപ്പെടും.

(പ്രധാന ലേഖനം: റോളർ സ്കേറ്റിങ് )

33. ഫെൻസിങ് (Fencing)

Foil Individual, Foil Team,  Epee Individual , Epee Team, Sabree Individual, Sabree Team എന്നീ ഇനങ്ങളിൽ സീനിയർ ആൺ, പെൺ വിഭാഗങ്ങൾക്കാണ് മത്സരങ്ങൾ നടത്തപ്പെടുന്നത്. വ്യക്തിഗത ഇനങ്ങളിൽ 2 പേർക്ക്  പങ്കെടുക്കാം. ടീം ഇനത്തിൽ അതേ ഇനത്തിൽ വ്യക്തിഗത ഇനത്തിൽ പങ്കെടുക്കുന്ന 2 പേരെ കുടാതെ രണ്ടുപേർക്കും ചേർത്ത് 4 പേർക്ക് പങ്കെടുക്കാം. വ്യക്തിഗത ഇനത്തിൽ ഏറ്റവും കുടുതൽ പോയിന്റ് നേടിയ നാലുപേർ അടുത്ത തലത്തിലേക്ക് തെരഞ്ഞെടുക്കപ്പടും. ഇതിൽ ആദ്യരണ്ടു സ്ഥാനം നേടിയവർ വ്യക്തിഗതഇനത്തിലും ആദ്യ രണ്ടുസ്ഥാനക്കാരെ കുടാതെ മുന്നും നാലും സ്ഥാനം ലഭിച്ചവരും അടുത്ത തലത്തിലെ ടീം ഇനത്തിൽ പങ്കെടുക്കും.

(പ്രധാന ലേഖനം: ഫെൻസിങ് )

34. ആർച്ചറി (Archery)

Recurve Round(70mts), Indian Round(30&40mts), Compound Round(50mts) എന്നീ ഇനങ്ങളിൽ ജൂനിയർ സീനിയർ ആൺ-പെൺ‍ വിഭാഗത്തിൽ മത്സരങ്ങൾ നടത്തപ്പെടുന്നു. ഒരു കുട്ടിയ്ക്ക് എതെങ്കിലും ഒരു ഇനത്തിൽ മാത്രമേ പങ്കെടുക്കുവാൻ സാധിക്കുകയുള്ളു. ഒരു ഇനത്തിൽ നാലു കുട്ടികൾക്ക് പങ്കെടുക്കാം. ഒരോ ഇനത്തിലും ഏറ്റവും കുടുതൽ പോയിന്റ് നേടിയ 4 പേർ അടുത്ത തലത്തിലേക്ക് തെര‍ഞ്ഞെടുക്കപ്പെടും.

(പ്രധാന ലേഖനം: ആർച്ചറി )

35. യോഗ (Yoga)

ATHLETIC, ARTISTIC, RYTHMIC എന്നീ മത്സരഇനങ്ങൾ‍ സീനിയർ ആൺ പെൺ‍ വിഭാഗത്തിൽ നടത്തപ്പെടുന്നു.  ഒരു കുട്ടിയ്ക്ക് എതെങ്കിലും ഒരു ഇനത്തിൽ മാത്രമേ പങ്കെടുക്കുവാൻ സാധിക്കുകയുള്ളു. Athletic ഇനത്തിൽ 5 കുട്ടികൾക്ക് പങ്കെടുക്കാം. ഈ വിഭാഗത്തിലെ വിവിധ മത്സരങ്ങളിലെ ഏറ്റവും കുടുതൽ പോയിന്റ് നേടുന്ന 5 കുട്ടികളും ARTISTIC, RYTHMIC എന്നി ഇനങ്ങളിൽ ഓരോ കുട്ടികളും  അടുത്ത തലത്തിലേക്ക് യോഗ്യത നേടും.

(പ്രധാന ലേഖനം: ടെന്നീസ് )

36. ജിംനാസ്റ്റിക്സ് (Gymnastics)

• Artistic, Rhythmic, Acrobatics മേഖലകളിലാണ്  ജിംനാസ്റ്റിക് മത്സരം നടത്തപ്പെടുന്നത്.

• Artisticഇനത്തിൽ Floor Exercise, Pommel Horse, Roman Ring, Table Vault, Parallel Bar,  Horizontal Bar, എന്നിവയിൽ ആൺകുട്ടികൾക്കും, Floor Exercise, Table Vault, Balancing Beam, Uneven Bar എന്നിവയിൽ പെൺകുട്ടികൾക്കും മത്സരം നടത്തപ്പെടുന്നു.

• Rhythmicവിഭാഗത്തിൽ പെൺകുട്ടികൾക്ക് മാത്രമാണ് മത്സരങ്ങൾ. Ribbon, Hoop, Ball, Clubs എന്നീ  4 ഇനങ്ങളാണ് Rhythmic വിഭാഗത്തിൽ ഉള്ളത്.

• Acrobatics ന് സീനിയർ വിഭാഗത്തിൽ മാത്രമാണ് മത്സരമുള്ളത്.

• Mens Group 4,  Mens Pair, Women Group 3, Women’s Pair എന്നീ 4 ഇനങ്ങളാണ് Acrobatics ൽ  ഉള്ളത്.

• ‘Men 4 Group’ ൽ നാല് ആൺകുട്ടികളും‍ ‘Women Group 3’ൽ 3  പെൺകുട്ടികളും  ‍ ഉൾപ്പെടുന്ന ടീമുകളായാണ് മത്സരിക്കുന്നത്.

• Men Pair ഇനത്തിൽ രണ്ട്  ആൺകുട്ടികളും Women’s Pair ഇനത്തിൽ രണ്ട്  പെൺകുട്ടികളും ആണ് ടീമിൽ ഉണ്ടാവുക.

37. ഷൂട്ടിങ് (Shooting)

ജൂനിയർ,‍ സീനിയർ ആൺ-പെൺ‍ വിഭാഗത്തിൽ 177 AIR PISTOL , 177 OPEN SIGHT AIR RIFLE , 177 PEEP SIGHT AIR RIFLE എന്നീ ഇനങ്ങളിൽ മത്സരങ്ങൾ നടത്തപ്പെടുന്നു. ഒരോ ഇനത്തിലും മൂന്ന് കുട്ടികൾക്ക് പങ്കെടുക്കാം.‍ ഒരു കുട്ടിയ്ക്ക് എതെങ്കിലും ഒരു ഇനത്തിൽ മാത്രമേ പങ്കെടുക്കുവാൻ സാധിക്കുകയുള്ളു. എല്ലാ ഇനങ്ങളിലും ഏറ്റവും കുടുതൽ പോയിന്റ് നേടുന്ന മൂന്ന് കുട്ടികൾക്ക് അടുത്ത തലത്തിൽ‍ പങ്കെടുക്കാം.

38. സൈക്ളിങ് (Cycling)

Time Trial 15-19 Km, Mass Start 20-25 Km എന്നീ മത്സരഇനങ്ങൾ  സീനിയർ ആൺവിഭാഗത്തിലും Time Trial 10-12 Km, Mass Start 15-17 Km എന്നീ മത്സരഇനങ്ങൾ‍ സീനിയർ പെൺ‍വിഭാഗത്തിൽ  നടത്തപ്പെടുന്നു. ഒരു കുട്ടിയ്ക്ക് എതെങ്കിലും ഒരു ഇനത്തിൽ മാത്രമേ പങ്കെടുക്കുവാൻ സാധിക്കുകയുള്ളു. ഒരു ഇനത്തിൽ രണ്ടു കുട്ടികൾക്ക് പങ്കെടുക്കാം. ഒാരോ ഇനങ്ങളിലും ഏറ്റവും കൂടുതൽ പോയിന്റ് നേടുന്ന രണ്ടു കുട്ടികൾക്ക് അടുത്ത തലത്തിൽ‍ പങ്കെടുക്കാം.

ദേശീയമത്സരങ്ങൾ

(യോഗ്യതകൾ)

അ‍ത്‍‍ലറ്റിക്സ്

സംസ്ഥാനമത്സരത്തിൽ ഒന്നും രണ്ടും സ്ഥാനം നേടുന്ന കുട്ടികൾക്ക് മാത്രമാണ് നാഷണൽ മത്സരത്തിൽ പങ്കെടുക്കാൻ അവസരം.

നൂറുമീറ്റർ മത്സരത്തിലെ ആദ്യ ആറ് സ്ഥാനക്കാർ 4 x100റിലേയിലും നാന്നൂറ് മീറ്റർ മത്സരത്തലെ ആദ്യ ആറ് സ്ഥാനക്കാർ  4 x 400റിലേയിലും യോഗ്യത നേടും.

അക്വാറ്റിക്സ്

   സംസ്ഥാനമത്സരത്തിൽ ഒന്നും രണ്ടും സ്ഥാനം നേടുകയും , മുൻവർഷത്തെ ദേശീയ മത്സരത്തിലെ ആറാം സ്ഥാനത്തിന്റെ സമയത്തിനുളളിൽ വരുകയും ചെയ്യുന്നതാണ് സംസ്ഥാന ടീം സെലക്ഷൻ മാനദണ്ഡം.

നൂറുമീറ്റർ ഫ്രീസ്റ്റൈൽ മത്സരത്തിലെ ആദ്യ നാല്  സ്ഥാനക്കാർ 4x100 റിലേയിൽ മത്സരിക്കും.

ഫ്രീസ്റ്റൈൽ,ബട്ടർഫ്ലൈ,ബ്രസ്‍സ്റ്റ് സ്‍ട്രോക്ക്, ബാക്ക് സ്‍ട്രോക്ക് എന്നീ ഇനങ്ങളിൽ ഒന്നാം സ്ഥാനം നേടിയവർ ഉൾപ്പെടുന്നതാണ്  4x100മീറ്റർ മെഡ്‍ലെ റിലേ ടീം.

ഗെയിംസ്

   ഗെയിംസ് മത്സരങ്ങളിൽ അതാത് ഗെയിമിൽ പ്രാവീണ്യം നേടിയ വിദഗ്ധർ തെരഞ്ഞെടുത്ത കുട്ടികളാണ് നാഷണൽ മത്സരത്തിൽ പങ്കെടുക്കുന്നത്.

വെയിറ്റ് കാറ്റഗറി മത്സരങ്ങൾ

   വെയിറ്റ് കാറ്റഗറി മത്സരങ്ങളിൽ അതാത് കാറ്റഗറിയിൽ ഒന്നാംസ്ഥാനം കിട്ടുന്ന കുട്ടിക്കാണ് നാഷണൽ മത്സരത്തിൽ പങ്കെടുക്കാൻ അവസരം.

നേട്ടങ്ങൾ

• ദേശീയമത്സരത്തിൽ ഒന്നും രണ്ടും മൂന്നും സ്ഥാനം ലഭിക്കുന്ന കുട്ടികൾക്ക് SGFI നൽകുന്ന മെഡലിനും സർട്ടിഫിക്കറ്റിനും പുറമെ  സംസ്ഥാനവിദ്യാഭ്യാസവകുപ്പ് ക്യാഷ് അവാർഡും നൽകുന്നു.

• ദേശീയമത്സരത്തിൽ പങ്കെടുക്കുന്ന എല്ലാ കുട്ടികൾക്കും സംസ്ഥാനവിദ്യാഭ്യാസ വകുപ്പ് ഗ്രേസ് മാർക്ക് നൽകിവരുന്നു.

സ്പോർട്സ് ഹോസ്റ്റലിന്റെ പങ്കാളിത്തം

കേരളത്തിൽ അഞ്ചുതരം സ്പോർട്സ് സ്കൂൾ ഹോസ്റ്റലുകൾ ആണുള്ളത് .

   1. ഗവ. ജി വി രാജ സ്പോർട്സ് സ്കൂൾ, തിരുവനന്തപുരം

   2. പൊതു വിദ്യാഭ്യാസവകുപ്പിന്റെ കീഴിലുള്ള സ്പോർട്സ് ഡിവിഷനുകൾ

   3. അയ്യങ്കാളി മെമ്മോറിയൽ മോഡൽ റസി‍ഡൻഷ്യൽ ഹയർ സെക്കൻഡറി സ്കൂൾ, വെള്ളായണി

   4. സ്പോർട്സ് കൗൺസിലിന്റെ കീഴിലുള്ള സ്പോർട്സ് ഹോസ്റ്റലുകൾ

   5. സായിയുടെ കീഴിലുള്ള സ്പോർട്സ് ഹോസ്റ്റൽ.

പ്രത്യേക കായികപരിശീലനം ലഭിക്കുന്ന ഈ വിഭാഗത്തിലെ  കായികതാരങ്ങൾ ജില്ലാതലമത്സരങ്ങളിലാണ് പങ്കെടുക്കുന്നത്. ജില്ലാ,സംസ്ഥാന മത്സരങ്ങളിൽ ഇവരുടെ പോയിന്റ്  ഇവർ പഠിക്കുന്ന സ്കൂളിന് പരിഗണിക്കാതെ  ജില്ലയ്ക്ക് മാത്രമേ പരിഗണിക്കുകയുളളൂ. ഗെയിംസ് മത്സരങ്ങളിൽ ഈ കായികതാരങ്ങൾക്ക് ജില്ലാതലത്തിലുള്ള സെലക്ഷനിൽ മാത്രമേ പങ്കെടുക്കാൻ സാധിക്കുകയുള്ളു.