"ഗവ. യൂ.പി.എസ്.നേമം/എന്റെ വിദ്യാലയം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== '''എന്റെ പരിസ്ഥിതി വിദ്യാലയം''' ==

<u>പൂർവ വിദ്യാർഥി ശ്രീ. ഡി.എസ്.നിതിൻ രാജ് എഴുതുന്നു.</u>

നെല്ലി മരങ്ങളും, പ്ലാവിൻ കൂട്ടവും, അയണിയും,പുളിമരവും, തെങ്ങുകളുടേയും  കലവറയായിരുന്നു എൻ്റെ വിദ്യാലയം !!  കയ്പും, പുളിപ്പും, മധുരവും നൽകുന്ന ഫലവൃക്ഷങ്ങൾ വിദ്യാർത്ഥി കാലഘട്ടം കഴിഞ്ഞു നേരിടാൻ പോകുന്ന ജീവിത യാഥാർഥ്യമായിരുന്നു ! മുന്നേ നടന്ന അദ്ധ്യാപകരുടെ ദീർഘവീക്ഷണമാവാം സ്കൂൾ അങ്കണത്തിലെ  മരങ്ങൾ. ഓരോ ക്ലാസിന് മുന്നിലെയും പൂന്തോട്ടങ്ങളും അവിടെ വരുന്ന ചിത്രശലഭങ്ങൾ, തുമ്പികൾ മരങ്ങളിൽ സ്ഥിരതാമസക്കാരായ കാക്കകൾ, കിളികൾ, തെങ്ങിൻ പൊത്തിലെ തത്തകൾ, ക്ലാസ് മുറിയുടെ ഏയർ ഹോളുകളിൽ കൂടു കൂട്ടുന്ന പ്രാവുകൾ പ്രകൃതിയുടെ ഒരു നിറകുടമായിരുന്നു എൻ്റെ വിദ്യാലയം. ചുവന്ന നിക്കറും ക്രീം കളർ ഷർട്ടും ധരിച്ച സൗഹൃദങ്ങൾ, ഇണക്കവും,  പിണക്കവും അദ്ധ്യാപകരുടെ ശാസനയും തലോടലും പങ്കുവച്ച് മുന്നോട്ട് പോയ എൻ്റെ വിദ്യാലയത്തിനു തന്നെയാണ് ജീവിതത്തിലെന്നും പ്രഥമസ്ഥാനം.