രാജീവ് ഗാന്ധി മെമ്മോറിയൽ എച്ച്.എസ്.എസ്.മൊകേരി/പ്രവർത്തനങ്ങൾ

മൊകേരി ഗ്രാമ പഞ്ചായത്തിലെ വിദ്യാർത്ഥികൾക്ക് 1995 വരെ സെക്കന്ററി പഠനത്തിന് പഞ്ചായത്തിന് പുറത്ത് ദൂര സ്ഥലങ്ങളിലെ വിദ്യാലയങ്ങൾ മാത്രമായിരുന്നു ഏക ആശ്രയം സാധാരണക്കാരായ മഹാഭൂരിപക്ഷത്തിന് സെക്കന്ററി വിദ്യാഭ്യാസം വളരെ ദുഷ്കരമായിരുന്നു-മാത്രമല്ല ഇക്കാലയളവിൽ പരിസര പ്രദേശത്തെ സെക്കന്ററി വിദ്യാലയങ്ങളിലെ വിജയ ശതമാനം 40%-50% ത്തിൽ ഒതുങ്ങുന്നതുമായിരുന്നു. ഈയൊരു സാഹചര്യത്തിലാണ് വള്ള്യായി എഡുക്കേഷൻ ചാരിറ്റബിൾ സൊസൈറ്റി എന്ന നാമധേയത്തിൽ പഞ്ചായത്തിലെ വിദ്യാഭ്യാസ പ്രവർത്തനങ്ങൾക്ക് ഊന്നൽ നൽകുന്നതിന് വേണ്ടി ഒരു സംഘം രൂപീകരിച്ചത്.ഈ സംരംഭത്തിൽ പ്രഥമ പ്രവർത്തനമെന്ന നിലയിൽ രാജീവ് ഗാന്ധി മെമ്മോറിയൽ ഹൈസ്കൂൾ 1995ൽ സ്ഥാപിക്കുന്നത്. ആദ്യ വർഷം 52 വിദ്യാർത്ഥികളുമായി പ്രവർത്തനം തുടങ്ങിയ ഈ സ്ഥാപനം വിദ്യാർത്ഥികളുടെ സർവ്വതോൻമുഖമായ പുരോഗതിക്ക് ഊന്നൽ നൽകിയും പാഠ്യ,പാഠ്യാനുബന്ധ പ്രവർത്തനങ്ങളെ ചിട്ടപ്പെടുത്തിയും,സാമൂഹ്യ സ്ഥാപനമെന്നനിലയിൽ പൗരബോധമുള്ള സമൂഹത്തെ വാർത്തെടുക്കുന്ന പ്രവർത്തനങ്ങളിലൂടെ മുന്നേറുകയും വഴി 3900 ത്തോളം വിദ്യാർത്ഥികളും 89 അദ്ധ്യാപകരും ഒരു കൂട്ടായ്മയായി പടർന്നു. ചുരുങ്ങിയ കാലം കൊണ്ട് പഞ്ചായത്തിൽ മാത്രമല്ല ജില്ലയിലും സംസ്ഥാനത്തും അറിയപ്പെടുന്ന ഒരു സ്ഥാപനമായ് മാറാൻ രാജീവ് ഗാന്ധി മെമ്മോറിയൽ ഹയർസെക്കന്ററി സ്കൂളിന് കഴിഞ്ഞിട്ടുണ്ട്. പഞ്ചായത്തിലെ മുഴുവൻ സെക്കന്ററി വിദ്യാർത്ഥികൾക്കും പ്രവേശനം നൽകുക എന്ന പ്രഥമ ലക്ഷ്യം വച്ച് സ്ഥാപിച്ച വിദ്യാലയം ഇന്ന് ഏതാണ്ട് 6 ഓളം പഞ്ചായത്തിലെയും പരിസരത്തെ മുൻസിപ്പാലിറ്റിയിലെയും വിദ്യാർത്ഥികളുടെ ആശാകേന്ദ്രമാണ്. പ്രവേശനത്തിൽ യാതൊരു നിബന്ധനയും വെക്കാതെ മുഴുവൻ വിദ്യാർത്ഥികളെയും സ്വാഗതം ചെയ്യുന്നു എന്നുള്ളത് സ്ഥാപനത്തിന്റെ പ്രധാന സവിശേഷതയാണ്. എട്ടാം തരത്തിൽ പ്രവേശിക്കുന്ന മുഴുവൻ വിദ്യാർത്ഥികളുടെയും പഠന നിലവാരവും, സർഗ്ഗാത്മക കഴിവുകളും കണ്ടെത്തുക എന്നപ്രവർത്തനമാണ് ആദ്യം ചെയ്യുന്നത്. ഇതിനായി രചനാ മത്സരങ്ങൾ,സെമിനാർ അവതരണം,പ്രോജക്ട് തുടങ്ങിയവ നടത്തുന്നു.സാഹിത്യോത്സവത്തിലൂടെ സർഗ്ഗാത്മക കഴിവുകൾ കണ്ടെത്തുകയുംചെയ്യുന്നു.കുട്ടികളുടെ പഠന സർഗ്ഗാത്മക നിലവാരം ഉയർത്തുന്നതിനായി വിവിധ പ്രവർത്തനങ്ങൾ നടത്തുന്നു. ഇതിനായി 4 മണി മുതൽ 4:45 വരെയുള്ള സമയം എല്ലാ ദിവസവും ഉപയോഗപ്പെടുത്തുന്നു. പഠനത്തിൽ പിന്നോക്കക്കാരെ സഹായിക്കുന്നതിനായി പിയർ ഗ്രൂപ്പ് ടീച്ചിങ്ങ് നടത്തുന്നു.ഭാഷാ വിഷയങ്ങളിൽ ഏറ്റവും പിന്നോക്കം നിൽക്കുന്നവരെ കണ്ടെത്തി അവധി ദിവസങ്ങളിൽ I.C.R.W(INTENSIVE COACHING FOR READING AND WRITING)നടത്തുന്നു.

മികവ് നിലനിർത്തുന്ന ഘടകങ്ങൾ

എല്ലാ പ്രവൃത്തി ദിവസങ്ങളിലും രാവിലെയും വൈകുന്നേരവും ഓരോ മണിക്കൂർ വീതം അധിക സമയം കണ്ടെത്തുന്നു.രണ്ടാം ശനിയാഴ്ച്ച ഒഴികെയുള്ള മറ്റെല്ലാ ശനിയാഴ്ച്ചകളിലും പ്രത്യേക ടൈം ടേബിൾ പ്രകാരം ക്ലാസ്സ് . പഠനത്തിൽ പിന്നാക്കം നിൽക്കുന്നവർക്ക് ഞായറാഴ്ച ക്ലാസ്സുകളും നൈറ്റ് ക്ലാസ്സുകളും .പഠനത്തിൽ മുന്നാക്കം നിൽക്കുന്നവർക്ക് പാഠപുസ്തക നിർമ്മാണ സമിതിയിൽ ഉൾപ്പെട്ട അധ്യാപകർ ഉൾപെടയുള്ളവരുടെ Expert ക്ലാസ്സുകൾ. പരീക്ഷഭയം അകറ്റാൻ കൗൺസിലിംഗ് ക്ലാസ്സുകൾ .

2021 നവമ്പർ 1 പുത്തൻ പ്രതീക്ഷകളുമായി..............

തിരികെ വിദ്യാലയത്തിലേക്ക് പകിട്ട് കുറയാതെ ഇത്തവണയും പ്രവേശനോത്സവം. കോവിഡ് മഹാമാരിയുടെ പശ്ചാത്തലത്തിൽ വീട്ടിൽ ഒതുങ്ങിക്കഴിയേണ്ടി വന്ന കുട്ടികളെ വരവേൽക്കാൻ വിപുലമായ ഒരുക്കങ്ങളും കരുതലും നടത്തി.

https://youtu.be/LrAIMs2JDME

പച്ചക്കറി കൃഷി വിളവെടുപ്പ്

രാജീവ് ഗാന്ധി മെമ്മോറിയൽ ഹൈസ്കൂളിൽ പരിസ്ഥിതി ക്ലബ്ബിന്റെ നേതൃത്വത്തിൽ മൊകേരി കൃഷിഭവന്റെ സഹായത്തോടെ ആരംഭിച്ച പച്ചക്കറി കൃഷി വിളവെടുപ്പ് കൃഷി ഓഫീസർ സുനിൽകുമാർ നിർവ്വഹിച്ചു. വിളവെടുത്ത വെണ്ട, വഴുതിന, പയർ, പച്ചമുളക്  തുടങ്ങിയവ അദ്ദേഹം സ്കൂൾ ഉച്ച ഭക്ഷണശാലക്ക് കൈമാറി. ചടങ്ങിൽ പ്രിൻസിപ്പാൾ, ഹെഡ് മാസ്റ്റർ, ഡെപ്യൂട്ടി എച്ച്.എം,കൃഷി അസിസ്റ്റന്റ്,ക്ലബ്ബ് കൺവീനർ,സ്റ്റാഫ് സെകട്ടറി, NSS കോ ഓഡിനേറ്റർ തുടങ്ങിയവർ പങ്കെടുത്തു. സ്കൂൾ കാന്റീനുകളിൽ നിന്നും ശേഖരിച്ച പച്ചകറി അവശിഷ്ടങ്ങൾ കൊണ്ട് നിർമ്മിച്ച സ്ലറി,ചാണകം, ഗോമൂത്രം, പുണ്ണാക്ക് എന്നിവ ഉപയോഗിച്ച് ജൈവരീതിയിൽ നടത്തിയ പച്ചക്കറി കൃഷി ഏറെ പ്രശംസ പിടിച്ചു പറ്റി. പച്ചക്കറി വിളയിച്ചെടുക്കാൻ അദ്ധാപകരും വിദ്യാർത്ഥികളും നടത്തിയ ശ്രമത്തെ കൃഷി ഓഫീസർ പ്രത്യേകം അഭിനന്ദിച്ചു. പച്ചക്കറി തോട്ടത്തോടൊപ്പം പരിസ്ഥിതി ക്ലബ്ബംഗങ്ങൾ നട്ടുവളർത്തിയജൈവ വൈവിധ്യ ഉദ്യാനവും സ്കൂളിനെ ഹരിതാഭമാക്കുന്നു.

പാസ്സിംഗ് ഔട്ട് പരേഡ്

രാജീവ് ഗാന്ധി മെമ്മോറിയൽ ഹയർ സെക്കണ്ടറി സ്കൂൾ മൊകേരി  സ്റ്റുഡന്റ് പോലീസ് കേഡറ്റ് പദ്ധതിയുടെ പത്താമത് ബാച്ചിന്റെ പാസ്സിംഗ് ഔട്ട് പരേഡ് 09-03-2022 ബുധനാഴ്ച രാവിലെ 9 മണിക്ക് പാനൂർ ഇൻസ്പെക്ടർ ഓഫ് പോലീസ് ആസാദ് എം.പി സല്യൂട്ട് സ്വീകരിച്ചു നിർവ്വഹിച്ചു. സ്കൂൾ ഹെഡ് മാസ്റ്റർ സി.പി. സുധീന്ദ്രൻ , പ്രിൻസിപ്പാൾ എ കെ പ്രേമദാസൻ , ഡി.ഐമാരായ പാനൂർ പോലീസ് സ്റ്റേഷനിലെ  എസ് ഐ ജയദേവൻ സി, രാജീവൻ , Rtd. എസ്.ഐ ജയപ്രകാശ്, സി.പി.ഒ. രാജീവൻ എം.കെ. എ .സി.പി.ഒ. പ്രഷീന കെ.പി. തുടങ്ങിയവർ ചടങ്ങിൽ പങ്കെടുത്തു. പരേഡ് കമാന്റർ നിരഞ്ജന രാജേഷ്, IInd in കമാന്റ് അശ്വതി കൃഷ്ണ, Platoon commander മാരായ ധ്യാൻ ചന്ദ്രൻ , അഭിരാമി , Best out door അർജുൻ പി.പി, Best Indoor ദേവിക വി.സി, ജില്ലാ ഓഫീസിൽ നിന്നും ലഭിച്ച മികച്ച ഫിറ്റ്നസിനുള്ള ഉപഹാരം കരസ്ഥമാക്കിയ ശ്യാം നിവേദ് സി, കെ എന്നിവർക്കുള്ള മൊമെന്റോ ചടങ്ങിൽ വിശിഷ്ടാതിഥി വിതരണം ചെയ്തു. പകിട്ട് കുറയാതെ ഇത്തവണയും പ്രവേശനോത്സവം. കോവിഡ് മഹാമാരിയുടെ പശ്ചാത്തലത്തിൽ വീട്ടിൽ ഒതുങ്ങിക്കഴിയേണ്ടി വന്ന കുട്ടികളെ വരവേൽക്കാൻ വിപുലമായ ഒരുക്കങ്ങളും കരുതലും നടത്തി.

https://youtu.be/LrAIMs2JDME

ചീരയുടെ വിളവെടുപ്പ്

പരിസ്ഥിതി ക്ലബ്ബിന്റെ നേതൃത്വത്തിൽ സ്കൂൾ വളപ്പിൽ നട്ടുവളർത്തിയ ചീരയുടെ വിളവെടുപ്പ് ഡെപ്യൂട്ടി എച്ച് എം ടി.കെ ഷാജിൽ മാസ്റ്റർ നിർവ്വഹിച്ചു വിളവെടുത്ത ചീര സ്റ്റാഫ് സെക്രട്ടറി ഒ.പി അനന്തൻ മാസ്റ്റർ സ്കൂൾ ഉച്ചഭക്ഷണ പദ്ധതിക്കായി പദ്ധതി കൺവീനർ ടി.സുരേന്ദ്രൻ മാസ്റ്റർക്ക് കൈമാറി. ചടങ്ങിൽ പരിസ്ഥിതി ക്ലബ്ബ് കൺവീനർ കെ.എം ഉണ്ണി,ജോയിന്റ് കൺവീനർ വി.വി. അജേഷ്, അദ്ധ്യാപകരായ എം.കെ രാജീവൻ, ടി.പി ഗിരിജ, ടി.കെ. സന്ധ്യ എന്നിവർ പങ്കെടുത്തു.

കോവിഡ്കാല വിദ്യാലയ മികവ്

ഒരെത്തിനോട്ടം................https://youtu.be/Rg8KjHCfcz0

കോവിഡ് മഹാമാരി കാരണം അപ്രതീക്ഷിതമായി വന്ന അടച്ചുപൂട്ടലുകൾ എല്ലാവരെയും ദുരിതത്തിലാക്കി. മുതിർന്നവരേക്കാൾ ബുദ്ധിമുട്ടാണ് കുട്ടികൾക്ക് ഉണ്ടായത്. വിദ്യാലയങ്ങളിൽ കൂട്ടുകാരോടൊത്ത് പഠിച്ചു കളിച്ചും രസിച്ചും നടന്ന കുട്ടികൾക്ക് ലോക്ഡൗൺ ഒരു അപ്രതീക്ഷിത

പ്രഹരമാണ്. മാർച്ചിലെ വർഷ പരീക്ഷയും കഴിഞ്ഞ് രക്ഷിതാക്കളോടൊപ്പം ബന്ധുവീട് സന്ദർശനവും വിനോദയാത്രയും കൂട്ടുകാരോടൊത്ത് വിനോദവുമെല്ലാം പ്രതീക്ഷിച്ച കുട്ടികളെയാണ് കോവിഡ് ദുരിതത്തിലാക്കിയത്.

ലോക്ഡൗണും ഓൺലൈൻ ക്ലാസുകളും കുട്ടികൾ എങ്ങനെ സ്വീകരിച്ചുവെന്നതും, സ്വന്തം വീടുകളിൽ കഴിയുന്ന അവർക്ക് മാനസിക സന്തോഷം ലഭിക്കുന്നുണ്ടോ എന്ന ചിന്തയിൽ നിന്നാണ് വിദ്യാലയ അനുഭവങ്ങൾ ഓൺലൈനായി നൽകാൻ തീരുമാനിച്ചത്.വൈവിധ്യമാർന്ന ഒട്ടേരെ പ്രവർത്തനങ്ങൾ ഇക്കാലത്ത് നടത്താൻ കഴി‍ഞ്ഞു.

പ്രവേശനോത്സവം 2021-22

പകിട്ട് കുറയാതെ ഇത്തവണയും പ്രവേശനോത്സവം. സ്‌കൂൾ അങ്കണങ്ങളിൽ ഇത്തവണ കളിചിരികളും കൊച്ചുവർത്തമാനങ്ങളും സ്‌കൂൾ അങ്കണങ്ങളിൽകാണില്ലെങ്കിലുംവീടുകളിലിരുന്ന് കുരുന്നുകൾ ഇത്തവണ പ്രവേശനോത്സവത്തിൽ പങ്കെടുത്തു. ഓൺലൈനായി ഇത്തവണത്തെ പ്രവേശനോത്സവം നടന്നു.ക്ലാസ് തലത്തിൽ ഒാൺലൈൻ അസംബ്ലിചേരുകയും പ്രവേശനോത്സവ സന്ദേശം നൽകുകയും കുട്ടികൾ കലാപരിപാടികൾ അവതരിപ്പിക്കുകയും ചെയ്തു.സിനിമാതാരം സയനോര കുട്ടികൾക്ക് പ്രവേശനോത്സവ സന്ദേശം നൽകി.

https://youtu.be/AjCEC2y66fo

വായനദിനം ജൂൺ 19(2021-22)

വായന എന്ന് കേട്ടാൽ ആദ്യം മനസിലേക്ക് വരിക വായിച്ചാലും വളരും വായിച്ചിലെങ്കിലും വളരും

വായിച്ചു വളർന്നാൽ വിളയും വായിക്കാതെ വളർന്നാൽ വളയും എന്ന കുട്ടിക്കവിതയാണ്. കവിത കുട്ടികൾക്കായാണെങ്കിലും ഒരു മനുഷ്യായുസ്സിന്റെ അർത്ഥം മുഴുവൻ ആ വരികളിലുണ്ട്. വായന അന്യമായിക്കൊണ്ടിരിക്കുന്ന ഇന്നത്തെ സമൂഹത്തിൽ കുട്ടികളിൽ വായനദിനത്തിന്റെ പ്രാധാന്യം കുട്ടികളിലെത്തിക്കാൻ വേണ്ടി .പി എൻ. പണിക്കരുടെ ചരമ ദിനമായ ജൂൺ 19 വായനാദിനമായി ആചരിച്ചു. ‘നമ്മുടെ നാടിനെ ജ്ഞാന പ്രകാശത്തിലേക്ക് നയിച്ച സൂപ്പർ വൈസ് ചാൻസലർ’ എന്നാണ് സുകുമാർ അഴീക്കോട് പി എൻ പണിക്കറിനെ വിശേഷിപ്പിച്ചത്. ഗ്രന്ഥശാലാ സംഘവും സാക്ഷരതാ യജ്ഞവും കേരള സമൂഹത്തിൽ സൃഷ്ടിച്ച നവോത്ഥാനത്തിന്റെ അമരക്കാരനായിരുന്നു പിഎൻ പണിക്കർ. സനാതനധർമം എന്നപേരിൽ ആരംഭിച്ച ചെറിയ വായനശാലയായിരുന്നു തുടക്കം. അന്ന് തുറന്ന വായനയുടെ ലോകമാണ് ഇന്ന് കേരളത്തിൽ ആകെ പടർന്ന് കിടക്കുന്ന ഗ്രന്ഥശാലകൾക്ക് അടിസ്ഥാനമായത്.

ഈ വർഷത്തെ വായനാദിനം പ്രശസ്ത എഴുത്തുകാരൻ അംബികാസുതൻ മാങ്ങാട് ഓൺലൈനായി ഉദ്ഘാടനം ചെയ്തു.കുട്ടികൾക്കായി കവിതാലാപനം,ഭാവാത്മക വായന എന്നീ മത്സരങ്ങൾ സംഘടിപ്പിച്ചു

https://youtu.be/89ZTxNdnxIM

ബഷീർ ദിനം ജൂലൈ 5 ((2021-22)

ജനകീയ സാഹിത്യകാരൻ, സ്വാതന്ത്ര്യ സമര പോരാളി, ഏറ്റവും കൂടുതൽ പ്രായഭേദമന്യേ വായിക്കപ്പെട്ടുകൊണ്ടിരിക്കുന്ന മലയാളത്തിന്റെ സകല കലാകാരൻ, തിരക്കഥാകൃത്ത്, സാമൂഹിക പ്രവർത്തകൻ, വിമർശകൻ, ചിന്തകൻ,എന്നീ നിലകളിലായി വ്യത്യസ്ത രചനാ ശൈലി കൊണ്ടും ജനകീയ-ഹാസ്യ രീതി കൊണ്ടും പല ഭാഷകളളിലായി എണ്ണമറ്റ അനുവാചകരുടെ പ്രിയങ്കരനായ എഴുത്തുകാരൻ ബേപ്പൂർ സുൽത്താന്റെ വിയോഗദിനം ബഷീർ ദിനമായി ആചരിച്ചു.കുട്ടികൾക്കായി കൃതികളും ജീവിതവും പരിചയപ്പെടുത്തുന്ന വീഡിയോ പ്രദർശനം,,  ബഷീർ ക്വിസ്, കുട്ടികൾ തയ്യാറാക്കിയ ബഷീർ അനുസ്മരണ പ്രഭാഷണം എന്നിവ നടത്തി.

https://youtu.be/UJuzGD1-gbE

സ്വാതന്ത്ര്യ ദിനം ആഗസ്ത് 15((2021-22)

നൂറ്റാണ്ടുകൾ നീണ്ട ബ്രിട്ടീഷ് ഭരണത്തിൽ നിന്നും ഇന്ത്യക്ക് സ്വാതന്ത്ര്യം ലഭിച്ച ദിവസമാണിത്. രാജ്യത്തെ ആഘോഷ ദിവസങ്ങളിൽ ഏറ്റവും പ്രധാന ദിവസം കൂടിയാണ് ഓഗസ്‌റ്റ് 15. മഹത്തായ സ്വാതന്ത്ര്യ സമരത്തിൻ്റെ ഓർമ്മകൾ വീണ്ടെടുക്കുകയും അതിനായി പോരാടിയവരെ ഓർമ്മിക്കേണ്ടതും ആവശ്യമാണ്. ഓരോ ഇന്ത്യക്കാരനിലും ഈ ഓർമ്മകൾ എപ്പോഴും ഉണ്ടാകണമെങ്കിലും ഓഗസ്‌റ്റ് പതിനഞ്ച് രാജ്യം മുഴുവൻ ഒറ്റക്കെട്ടായി നിന്ന് ആഘോഷിക്കേണ്ട ദിവസമാണ്. ജാതി - മത ഭേദമില്ലാതെയാണ് ഈ ദിവസം രാജ്യം മുഴുവൻ കൊണ്ടാടേണ്ടത്. രാജ്യത്തിൻ്റെ അഭിമാന നിമിഷത്തിലെ ചടങ്ങുകളായ പതാകയുയർത്തലും സ്വാതന്ത്ര്യ സമര കീർത്തന ഗാനങ്ങളും ആലപിച്ചു. ക്ലാസ് തലത്തിൽ ഒാൺലൈൻ അസംബ്ലിചേരുകയും കവിതാലാപനം,ദേശഭക്ഭാതി ഗാനം, സ്വാതന്ത്ര്യ സമരക്വിസ്സ്,എന്നീ മത്സരങ്ങൾ സംഘടിപ്പിച്ചു

https://youtu.be/qDg-4KB3aO8

അദ്ധ്യാപകദിനം( സെപ്തംബർ 5(2021-22))

"ഗുരുവും ദൈവവും ഒരുമിച്ച് മുൻപിൽ വന്നെങ്കിൽ ആദ്യം ആരെയാണ് വന്ദിക്കേണ്ടത്? സംശയമില്ല, ഗുരുവിനെ തന്നെ, കാരണം ദൈവത്തെക്കുറിച്ച് പറഞ്ഞു തന്നത് ഗുരുവാണല്ലോ..."

ഈ അദ്ധ്യാപകദിനത്തിൽ ഞങ്ങളുടെ കുട്ടികൾ അദ്ധ്യാപകരായി....മഹനീയം എന്ന പേരിൽ നടന്ന പരിപാടിയിൽ കുട്ടികൾ .ഒാൺലൈനായി ക്ലാസ്സുകൾ കൈകാര്യം ചെയ്തു.

https://youtu.be/qX6FFr3hM3I

ഗാന്ധിജയന്തി(ഒക്ടോബർ 2((2021-22)

ഇന്ന് ഒക്ടോബർ രണ്ട് ഗാന്ധി ജയന്തി. പ്രിയപ്പെട്ട ഗാന്ധിജിയുടെ ജന്മദിനം. എന്റെ ജീവിതമാണ് എന്റെ സന്ദേശം എന്ന് പറഞ്ഞ മഹാത്മാവിൻറെ ജന്മദിനം.

https://youtu.be/7NtIaYmd4G0

ഒാണാഘോഷം( സെപ്തംബർ 12(2021-22)

https://youtu.be/-ABwcyhdAgY

https://youtu.be/hxCydMpZ-VY

https://youtu.be/8UR1cKho5_c

https://youtu.be/HXzVEC6flHc

https://youtu.be/HXzVEC6flHc

https://youtu.be/8FMSG9VaLSI

2019-2020 വർഷത്തെ മികച്ച പ്രവർത്തനങ്ങളും നേട്ടങ്ങളും

• പ്രവേശനോത്സവം
• 2019 ജൂൺ 6ന് സ്കൂൾ തുറന്നു.നവാഗതരെ സ്വീകരിക്കാൻ പി.ടി. എ അംഗങ്ങളും,മാനേജ്‌മെന്റും അധ്യാപകരും ഒരുക്കങ്ങൾ നടത്തിയിരുന്നു.പ്രവേശനോത്സവത്തിന് മാറ്റ് കുറയാതിരിക്കാൻ എല്ലാവരും ശ്രദ്ധിച്ചു.സ്കൂൾ അസംബ്ളി ചേർന്ന് സ്കൂളിന്റെ പ്രവർത്തനങ്ങൾ ചുരുങ്ങിയ വാക്കുകളിലൂടെ ഹെഡ് മാസ്റ്റർ വിവരിച്ചു.തുടർന്ന് ക്ലാസ്സുകളിലെത്തിച്ചേർന്ന കുട്ടികൾക്ക് മധുരം നൽകി.പുതിയ സഹപാഠികൾക്ക് മധുരം നൽകാനും ആശങ്കകളും അങ്കലാപ്പുമില്ലാതെ ക്ലസ്സിലെത്തിക്കാനുമുള്ള അധ്യാപകരുടെയും മുതിർന്ന വിദ്യാർത്ഥികളുടെയും എസ്.പി.സി ,റെഡ് ക്രോസ് ,സ്കൗട്ട് & ഗൈഡ്സ് കേഡറ്റുകളുടെയും കൂട്ടായ പ്രവർത്തനം പ്രവേശനോത്സവത്തെ വിജയകരമാക്കി,ജില്ലയിലെ തന്നെ ഏറ്റവും കൂടുതൽ വിദ്യാർത്ഥികൾ പഠിക്കുന്ന വിദ്യാലയങ്ങളിൽ ഒന്നായ ഇവിടെ ഈ വർഷവും ആയിരത്തിലധികം വിദ്യാർത്ഥികളാണ് ഇംഗ്ലീഷ് മലയാളം മീഡിയങ്ങളിലായി പ്രവേശനം നേടിയത്.
• ജൂൺ 19ന് വായനാദിനം കൊണ്ടാടി
• വായനാ പക്ഷാചരണത്തിന്റെ ഭാഗമായി വിവിധപ്രവർത്തനങ്ങൾ സ്കൂളിൽ നടന്നു.വായനാ ദിനാചരണത്തോടനുബന്ധിച്ച് പി.എൻ പണിക്കർ അനുസ്മരണവും വിവിധ കലാപരിപാടികളും നടത്തി.സാഹിത്യ നായകന്മാരേയും കൃതികളേയും പരിചയപ്പെടുക എന്ന ലക്ഷ്യത്തോടെ ദിനാചരണങ്ങൾ , സെമിനാറുകൾ എന്നിവ നടത്തി.വായനാകുറിപ്പ് തയ്യാറാക്കൽ ആരംഭിച്ചു.മികച്ചവയ്ക്ക് സമ്മാനവും ഏർപ്പെടുത്തി.വായനമരിക്കുന്നില്ലെന്നും മറിച്ച് വളർന്നുകൊണ്ടിരിക്കുകയാണെന്നും വായിച്ചുവളരേണ്ടവരാണ് ഞങ്ങളെന്നുമുള്ള അവബോധം കുട്ടികളിലുണ്ടക്കാൻ ഇത്തരം പ്രവർത്തനങ്ങളിലൂടെ സാധിച്ചു
• ക്ലാസ് പി.ടി.എ
• എല്ലാ ക്ലാസ്സിലെയും ക്ലാസ് പി.ടി.എ വിളിച്ച് ചേർക്കുകയും കുട്ടികളുടെ കുട്ടികളുടെ ഹാജർ നില,പഠനപുരോഗതി,പഠനശേഷി, കുട്ടിയെ സംബന്ധിക്കുന്ന മറ്റു വിവരങ്ങൾവിശകലനം ചെയ്ത് മെച്ചപ്പെടുത്തേണ്ടകാര്യങ്ങൾ ചർച്ച ചെയ്യുകയും ചെയ്തു .
• ബഷീർ ദിനം
• വൈക്കം മുഹമ്മദ് ബഷീറിന്റെ ചരമദിനത്തിൽ ആ അതുല്യ പ്രതിഭയുടെ ഓർമ്മ പുതുക്കുന്നതിനായി അദ്ദേഹത്തിന്റെ സാഹിത്യ പ്രവർത്തനങ്ങളെ കുറിച്ചുള്ള അവതരണവും കൃതികൾ പരിചയപ്പെടുത്തലും നടന്നു.
• പ്രകൃതിയും നമ്മുക്ക് ചുറ്റുമുള്ള പാമ്പുകളും
  • സോഷ്യൽ സയൻസ് ക്ലബിന്റെ ആഭിമുഖ്യത്തിൽ Kerala Forest and Wildlife Department റാപ്പിഡ് റസ് പോൺസ് ടീം അംഗമായ നിധീഷ് ചാലോടിന്റെ നേതൃത്വത്തിൽ പ്രകൃതിയും നമ്മുക്ക് ചുറ്റുമുള്ള പാമ്പുകളും എന്ന വിഷയത്തെ ആസ്പദമാക്കി ക്ലാസ് നടന്നു. july 2019
  • മാതൃസംഗമം
  • പുതിയപാഠ്യപദ്ധതിയുടെ കുറിച്ച് രക്ഷിതാക്കൾക്കുള്ള ബോധവൽക്കരണത്തിന്റെ ഭാഗമായി മാതൃസംഗമം സ്കൂളിൽ നടക്കുകയുണ്ടായി ഓരോവർഷവും ആരംഭത്തിൽ തന്നെ മാതൃസംഗമം വിദ്യാലയത്തിൽ സംഘടിപ്പിക്കാറുണ്ട്.പുതിയകാലത്തിന്റെ വെല്ലുവിളികൾ നേരിടുന്നതിനാവശ്യമായ ഉൾക്കരുത്തുള്ള പുതുതലമുറയെ വാർത്തെടുക്കാൻ നമ്മൾ നടത്തേണ്ട പ്രവർത്തനങ്ങളെ കുറിച്ച് ചർച്ച നടന്നു.
  • എസ്.എസ്,എൽ.സി റിസൽട്ട് 2018-19
  • ഇക്കഴിഞ്ഞ എസ്.എസ്,എൽ.സി പരീക്ഷയിൽ 1085 കുട്ടികൾ പരീക്ഷയെഴുതിയതിൽ 1083കുട്ടികൾ വിജയിച്ചു.179 കുട്ടികൾക്ക് ഫുൾ എ പ്ലസ്സ്,.വിജയം 99.81 ശതമാനം. ജില്ലയിൽ ഏറ്റവും കൂടുതൽ ഫുൾ എ പ്ലസ്സ് നേടിയത് ഞങ്ങളുടെ സ്കൂൾ തന്നെ .സംസ്ഥാനതലത്തിൽ ഫുൾ എ പ്ലസ്സ് മൂന്നാം സ്ഥാനം എസ്.എസ്.എൽ.സി പരീക്ഷയിൽ സ്കൂൾ തുടങ്ങിയത് മുതൽ ഇന്നേവരെ ഉന്നത വിജയമാണ് രാജീവ് ഗാന്ധി മെമ്മോറിയൽ ഹയർ സെക്കന്ററി സ്കൂൾ.നിലനിർത്തിപോരുന്നത്.അർപ്പണബോധവും ആത്മാർത്ഥതയും കൈമുതലായുള്ള ഒരു പറ്റം അധ്യാപികാധ്യപകൻമാരുടെ കൂട്ടായ പരിശ്രമത്തിന്റെ ഫലമാണ് ഞങ്ങളുടെ ഈ ഉന്നത വിജയംഅധ്യാപികാധ്യപകൻമാരുടെയും,മാനേജ് മെന്റിന്റയും,രക്ഷിതാക്കളുടെയും കൂട്ടായയത്നത്തിന്റെ കൈകോർക്കലാണിത്.
  • ഉന്നതവിജയികൾക്ക് അനുമോദനം
  • എസ്.എസ്.എൽ.സി,പ്ലസ് ടു പരീക്ഷയിൽ ഉന്നതവിജയം കരസ്ഥമാക്കിയ വിദ്യർത്ഥികളെ സ്കൂൾ ഹാളിൽ വെച്ച് അഭിനന്ദിക്കുകയും ബഹുമതികൾ സമർപ്പിക്കുകയും ചെയ്തു .എസ്.എസ്.എൽ.സി പരീക്ഷയിൽ A+നേടിയ 179 വിദ്യാർത്ഥികളെയും, പ്ലസ് ടു പരീക്ഷയിൽ A+നേടിയ 24 വിദ്യാർത്ഥികളെയുമാണ് അനുമോദിച്ചത്. പാനൂർ ബ്ലോക്ക് പഞ്ചായത്ത് അധ്യക്ഷൻ എൻ അനൂപ് പരിപാടി ഉദ്ഘാടനം ചെയ്തു.അധ്യക്ഷത ടി വിമല മൊകേരി ഗ്രാമപഞ്ചായത്ത് പ്രസിഡന്റ്. പാനൂർ സി.ഐ. ടി.പി.ശ്രീജിത്ത് മുഖ്യ അതിഥിയായി
  • സ്വാതന്ത്ര്യ ദിനം
  • 73- മത് സ്വാതന്ത്ര്യ ദിനം രാജീവ് ഗാന്ധി മെമ്മോറിയൽ ഹയർ സെക്കണ്ടറി സ്കൂളിൽ പ്രിൻസിപ്പാൾ A.k.പ്രേമദാസൻ പതാക ഉയർത്തി ആചരിച്ചു .സ്കൂൾ ഹെഡ്മാസ്റ്റർ c.p.സുധീന്ദ്രൻ സ്വാഗതം നിർവഹിച്ച ചടങ്ങിൽ PTA വൈസ് പ്രസിഡണ്ട് G. V. രാകേഷ്, K. ഉത്തമൻ എന്നിവർ സംസാരിച്ചു. കേരളത്തെ ദുരിതത്തിലാഴ്ത്തിയ പ്രളയത്തിൽ വീട് നഷ്ടപ്പെട്ടവരേയും, ദുരിതാശ്വാസ ക്യാമ്പിൽ കഴിയുന്നവരേയും സഹായിക്കാനായി സ്കൂളിലെ സ്റ്റുഡന്റ് പോലീസ് കാഡറ്റുകൾ ശേഖരിച്ച തുക ( 20000 ) സകൂൾ ഹെഡ്മാസ്റ്റർ C.P. സുധീന്ദ്രൻ പരേഡ് കമാന്റർ അഭയ് എസ് രാജീവനിൽ നിന്നും സ്വീകരിച്ചു. ഇക്കഴിഞ്ഞ എസ്.എസ്.എൽ.സി.പരീക്ഷയിൽ മുഴുവൻ വിഷയത്തിലും A+ നേടിയ മുൻ Spc കേഡറ്റായ ഹൃദ്യുത് ഹേമരൂപ് തനിക്ക് വിവിധ സംഘടനകൾ നൽകിയ ക്യാഷ് അവാർഡ് 10000 രൂപ കഴിഞ്ഞ ദിവസം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകാൻ കലക്ടർക്ക് കൈമാറിയിരുന്നു
  • സ്റ്റുഡന്റ് പോലീസ് കേഡറ്റ് ദിനാചരണം
  • സംസ്‌ഥാന ആഭ്യന്തരവകുപ്പും വിദ്യാഭ്യാസവകുപ്പും ചേർന്ന്‌ 2010 ൽ കേരളത്തിൽ രൂപംകൊടുത്ത പദ്ധതിയാണ് സ്‌റ്റുഡന്റ്‌ പോലീസ്‌ കേഡറ്റ്‌ പദ്ധതി (എസ്.പി.സി).എസ്.പി.സി യുടെ ആൺകുട്ടികൾക്കും, പെൺകുട്ടികൾക്കുമായുള്ള രണ്ട് യൂനിറ്റുകൾ സ്കൂളിൽ പ്രവർത്തിച്ചു വരുന്നു.22 ആൺകുട്ടികളും 22പെ​ൺകുട്ടികളും അടങ്ങിയ ഒരു യൂണിറ്റാണ് സ്‌റ്റുഡന്റ്‌ പോലീസ്‌ കേഡറ്റ്‌. ഈ വർഷത്തെ സ്റ്റുഡന്റ് പോലീസ് കേഡറ്റ് ദിനാഘോഷം രാജീവ്‌ ഗാന്ധി മെമ്മോറിയൽ ഹയർ സെക്കന്ററി സ്കൂളിൽ നടന്നു. കേഡറ്റുകളുടെ മാർച്ച് പാസ്റ്റ് നടന്നു. പാനൂർ സി.ഐ. ടി.പി.ശ്രീജിത്ത് അഭിവാദ്യം സ്വീകരിച്ചു.
  • 2017-2018 വർഷത്തെ മികച്ച പ്രവർത്തനങ്ങളും നേട്ടങ്ങളും
  • കലോൽസവം
  • ചിലമ്പും പക്കമേളങ്ങളും നിറങ്ങളും പെയ്തിറങ്ങുന്ന വേദികളിൽ രാജീവ് ഗാന്ധി മെമ്മോറിയൽ ഹയർ സെക്കന്ററി സ്കൂൾ പ്രകാശം ചൊരിയുന്നു.1998 ൽ പാനൂർ ഉപജില്ലാ കലോത്സവത്തിൽ കിരീടമണിഞ്ഞുകൊണ്ട് ഈ സ്കൂൾ തങ്ങളുടെ സാന്നിദ്ധ്യമറിയിച്ചു.പിന്നീട്കഴിഞ്ഞ 23 വർഷമായി പാനൂർ ഉപജില്ലയിൽ കലോത്സവം ,അറബികലോത്സവം,,സംസ്കൃതോത്സവം എന്നിവയിൽ വിജയകിരീടം ചൂടുന്നു.കണ്ണൂർ റവന്യു ജില്ലകലോത്സവത്തിൽ കഴിഞ്ഞ പലവർഷങ്ങളിൽ ചാമ്പ്യൻഷിപ്പ് നേടി കണ്ണൂർ റവന്യു ജില്ലയിലെ മികച്ച വിദ്യാലയമായി മാറാൻ ഞങ്ങൾക്ക് സാധിച്ചിട്ടുണ്ട്. കണ്ണൂർ റവന്യു ജില്ലകലോത്സവത്തിൽ തുടർച്ചയായി രണ്ട്തവണ (2015-16,2016-17)ചാമ്പ്യൻഷിപ്പ് നേടി മികച്ച വിദ്യാലയമായി മാറി.ഇക്കഴിഞ്ഞ കണ്ണൂർ റവന്യു ജില്ലാ കലോത്സവത്തിൽ റണ്ണേഴ്‌സ് അപ്പ്,അറബിക്ക് കലോത്സവത്തിൽ ചാമ്പ്യൻമാർസംസ്ഥാനതലത്തിൽ നാല്പതോളം വിദ്യാർതഥി‍കൾക്ക്എ ഗ്രേഡ്.ഗ്രൂപ്പിനങ്ങളിൽ ഒപ്പന,ദഫ്‌മുട്ട്,പരിചമുട്ട്,ചെണ്ടമേളം ഇവയിൽ എ ഗ്രേഡ് സംസ്ഥാനതലത്തിൽ ലഭിച്ചിട്ടുണ്ട്

"കണ്ണൂർ റവന്യു ജില്ലകലോത്സവത്തിൽ മികച്ച വിദ്യാലയം 2015-16"

"കണ്ണൂർ റവന്യു ജില്ലകലോത്സവത്തിൽ മികച്ച വിദ്യാലയം 2016-17"

"കണ്ണൂർ റവന്യു ജില്ലകലോത്സവത്തിൽ റണ്ണേഴ്‌സ് അപ്പ്.2017-18"

• • പ്രവൃത്തി പരിചയം
  • പാനൂർ ഉപജില്ലാ ചാമ്പ്യൻഷിപ്പ്,,ജില്ലാ തലത്തിൽ മികച്ച വിദ്യാലയം ഓവറോൾ ചാമ്പ്യൻഷിപ്പ് ,സംസ്ഥാനതലത്തിൽ അ‍ഞ്ച് ഇനങ്ങളിൽ പങ്കെടുത്ത് രണ്ട് ഇനങ്ങളിൽ രണ്ടാം സ്ഥാനം,,മൂന്നിനങ്ങളിൽ എ ഗ്രേഡ്,
  • എസ്.എസ്,എൽ.സി റിസൽട്ട് 2017-18
  • ഇക്കഴിഞ്ഞ എസ്.എസ്,എൽ.സി പരീക്ഷയിൽ 1124 കുട്ടികൾ പരീക്ഷയെഴുതിയതിൽ 1121 കുട്ടികൾ വിജയിച്ചു.141 കുട്ടികൾക്ക് ഫുൾ എ പ്ലസ്സ്,74 കുട്ടികൾക്ക് 9 വിഷയത്തിൽ എ പ്ലസ്സ്.വിജയം 99.5 ശതമാനം. ജില്ലയിൽ ഏറ്റവും കൂടുതൽ കുട്ടികളെ എസ്.എസ്,എൽ.സി പരീക്ഷയ്കിരുത്തിയത് ഞങ്ങളുടെ സ്കൂളായിരുന്നു.അതുപോലെ ജില്ലയിൽ ഏറ്റവും കൂടുതൽ ഫുൾ എ പ്ലസ്സ് നേടിയതും ഞങ്ങളുടെ സ്കൂൾ തന്നെ എസ്.എസ്,എൽ.സി പരീക്ഷ യിൽ സ്കൂൾ തുടങ്ങിയത് മുതൽ ഇന്നേവരെ ഉന്നത വിജയമാണ് രാജീവ് ഗാന്ധി മെമ്മോറിയൽ ഹയർ സെക്കന്ററി സ്കൂൾ.നിലനിർത്തിപോരുന്നത്.അർപ്പണബോധവും ആത്മാർത്ഥതയും കൈമുതലായുള്ള ഒരു പറ്റം അധ്യാപികാധ്യപകൻമാരുടെ കൂട്ടായ പരിശ്രമത്തിന്റെ ഫലമാണ് ഞങ്ങളുടെ ഈ ഉന്നത വിജയം
  • ഹയർസെക്കന്ററി റിസൽട്ട് 2017-18
  • ഇക്കഴിഞ്ഞ ഹയർസെക്കന്ററി പരീക്ഷയിൽ മികച്ചവിജയം.. 27 കുട്ടികൾക്ക് ഫുൾ എ പ്ലസ്സ്.പ്ലസ് ടു പരീക്ഷയിൽ മുഴുവൻ മാർക്കും പ്രത്യുഷ് കോമത്ത്,സ്റ്റെഫി എന്നീ 2 വിദ്യാർത്ഥികൾക്ക് ലഭിച്ചു..4 പേർക്ക് രണ്ടാം വർഷം മുഴുവൻ മാർക്ക്..60 പേർക്ക് 90% ത്തിൽ കൂടുതൽ മാർക്ക്.
  • പ്ലസ് ടു പരീക്ഷയിൽ ആകെ മാർക്കായ 1200 ൽ 1200 മാർക്കും ലഭിച്ച ഞങ്ങളുടെ അഭിമാന താരങ്ങൾ

"പ്രത്യുഷ് കോമത്ത്"

"സ്റ്റെഫി"

• • ശാസ്തമേള.
  • മുഴുവൻ വിഭാഗത്തിലും ഉപജില്ലാ ചാമ്പ്യൻഷിപ്പ്, റവന്യൂ ജില്ലാ ശാസ്‌ത്രോത്സവത്തിൽ മൊകേരി രാജീവ്ഗാന്ധി .മെമ്മോറിയൽ ഹയർ സെക്കൻഡറി സ്‌കൂൾ 41 പോയിന്റോടെ ഓവറോൾ ചാമ്പ്യന്മാരായി. തുടർച്ചയായി രണ്ടാംതവണയാണ് ചാമ്പ്യൻഷിപ്പ് ലഭിക്കുന്നത്.ശാസ്‌ത്രോത്സവത്തിൽ വിജയം നേടിയവർ: കെ.സ്‌നിഗ്ധ (സയൻസ് ക്വിസ്-ഒന്നാംസ്ഥാനം), നിഹാര പ്രജോഷ് (ടാലന്റ് സർച്ച് എക്‌സാം-ഒന്നാംസ്ഥാനം)അമൃതശ്രീ, അനുഗ്രഹ ദിനേശ് (സ്റ്റിൽമോഡൽ-ഒന്നാംസ്ഥാനം), മുഹമ്മദ് ഹാഫിസ്, ഷഫാസ് (പ്രോജക്ട്-മൂന്നാംസ്ഥാനം), മുഹമ്മദ് ഫർഹാൻ, അക്ഷയ ആർ.വത്സൻ (ഇംപ്രൊവൈസ്ഡ് എക്‌സ്​പിരിമെന്റ്-എ ഗ്രേഡ്), നിവേദ് എസ്.കുമാർ, നന്ദകൃഷ്ണ (വർക്കിങ് മോഡൽ-എ ഗ്രേഡ്), സംസ്ഥാന ശാസ്ത്രമേളയിൽ തുടർച്ചയായി രണ്ട്തവണ (2015-16,2016-17)ചാമ്പ്യൻഷിപ്പ് നേടി സംസ്ഥാനത്തെ മികച്ച വിദ്യാലയമായി മാറി .കഴിഞ്ഞ വർഷത്തെ സംസ്ഥാന ശാസ്ത്രമേളയിൽ ശാസ്ത്ര ക്വിസ്സിൽ(ഹൈസ്തകൂൾവിഭാഗം) ഒന്നാം സ്ഥാനം ,സ്റ്റിൽ മോഡലിൽ എ ഗ്രേ‍ഡ്
  • ഗണിതശാസ്ത്ര മേള.
  • ജില്ലാ ഗണിതശാസ്ത്ര മേളയിൽ ഓവറോൾ ചാമ്പ്യൻഷിപ്പ്,സംസ്ഥാനമേളയിൽ അ‍ഞ്ച് കുട്ടികൾ പങ്കെടുത്ത് മൂന്ന് ഇനങ്ങളിൽ രണ്ടാം സ്ഥാനം,രണ്ടിനത്തിൽ എ ഗ്രേഡ്,സംസ്ഥനത്തെ മികച്ച വിദ്യാലയത്തിനുള്ള മൂന്നാം സ്ഥാനവും ഈ വിദ്യാലയത്തിനാണ്
  • ഐ.ടി.മേള.
  • ഉപജില്ലാ ചാമ്പ്യൻഷിപ്പ്,ജില്ലാ ഐ.ടി.മേളയിൽ ഐ.ടി.ക്വിസ്സിൽ ഒന്നാം സ്ഥാനം ഐ.ടി.പ്രോജക്ട് രണ്ടാം സ്ഥാനം, സംസ്ഥാന ഐ.ടി.മേളയിൽ ഐ.ടി.ക്വിസ്സിൽ രണ്ടാം സ്ഥാനം,ഐ.ടി.പ്രോജക്ട് ബി ഗ്രേഡ്
  • ചെസ്സ്
  • വിസ്‍മയ കെ സി എന്ന വിദ്യാർത്ഥിനി ദേശീയതലത്തിൽ ചെസ്സ്മത്സരത്തിൽ പങ്കെടുത്ത് ആറാം സ്ഥനം നേടി കേരളത്തിന്റെയും സ്കൂളിന്റെയും അഭിമാനമായി
• ലഹരി വിരുദ്ധ റാലി

ലഹരി വിരുദ്ധ ദിനത്തിൽ അസംമ്പ്ലിയിൽ വെച്ച് ഹെസ്‍മാസ്റ്റർ ലഹരിയുടെ ദുരുപയോഗത്തെകുറിച്ച് കുട്ടികളെ ബോധവാൻമാരാക്കുന്ന പ്രഭാഷണം നടത്തി. ലഹരിവിരുദ്ധ പ്രതിജ്ഞ നടത്തി.ലഹരിവിരുദ്ധ റാലിയും നടന്നു.വിദ്യാർത്ഥികൾ .ലഹരിവിരുദ്ധ പോസ്റ്റർ രചന നടത്തി സ്കൂൾ പരിധിയിൽ പെട്ട കടകളിലും ,വീടുകളിലും എക്സൈസ് സബ്ബ് ഇൻസ്പെക്ടറുടെ നേതൃത്വത്തിൽ ലഘുലേഖ വിതരണം ചെയ്തു.

• അക്ഷരമുറ്റം ക്വിസ്

അക്ഷരമുറ്റം ക്വിസ്

15000 സ്കൂളിൽനിന്ന് 40 ലക്ഷം കുട്ടികൾ പങ്കെടുത്ത ഒഡീസിയ-ദേശാഭിമാനി അക്ഷരമുറ്റം ക്വിസിൽ വിജയകിരീടം ചൂടിയത് 16 മിടുക്കർ. ഹൈസ്കൂൾ വിഭാഗത്തിൽ ഒന്നാം സ്ഥാനം നേടിയത് കണ്ണൂർ മൊകേരി രാജീവ് ഗാന്ധി മെമ്മോറിയൽ ഹയർ സെക്കന്ററി സ്കൂളിലെകെ സ്നിഗ്ധയും കൃഷ്ണപ്രീയ എസ് മനോജുമാണ്. കതിരൂർ എരുവട്ടി സ്നിഗ്ധം വീട്ടിൽ സതീഷ്കുമാറിന്റെയും പ്രജിതയുടെയും മകളാണ് സ്നിഗ്ധ. പുത്തൂർ കുജേരി കുനിയിൽവീട്ടിൽ മനോജ്കുമാറും സ്നേഹലതയുമാണ് കൃഷ്ണപ്രീയയുടെ മാതാപിതാക്കൾ. ഒന്നാം സമ്മാനം 1 ലക്ഷം രൂപയും ഉത്തരേന്ത്യൻ ടൂറും..സമ്മാനം വിദ്യാർത്ഥികൾ മലയാളികളുടെ പ്രിയ താരം മോഹൻലാലിൽ നിന്നും ഏറ്റുവാങ്ങി

• ഹരിതനിധി

കൃഷി,പൂന്തോട്ടം ഔഷധത്തോട്ടം ,എന്നിവ വികസിപ്പിച്ചെടുത്തുകൊണ്ട് സ്കൂളിൽ പച്ചപ്പുണ്ടക്കുക പ്രകൃതിയെ സംരക്ഷിക്കുക എന്നീ ലക്ഷ്യങ്ങളോടെ 2700 ൽ പരം പാക്കറ്റു വിത്തുകൾ സ്കൂളിൽ വിതരണം ചെയ്യുകയുണ്ടായി.

യോഗ ദിനാചരണം

• യോഗ ദിനാചരണം

ശാരീരികവും മാനസികവുമായ ഉണർവും ഉന്മേഷവും അതിലൂടെ ഏകാഗ്രതയും കെെവരിക്കുകയാണ് യോഗയുടെ പ്രാഥമികലക്ഷ്യമെന്ന് കുട്ടികളെ ഉദ്‌ബോദിപ്പിച്ചു.സ്കൂൾ ഗ്രൗണ്ടിൽവെച്ച് കുട്ടികൾക്ക് യോഗ ക്കായി ശരീരത്തെ സജ്ജമാക്കുന്നതിനുള്ള എക്സൈസുകൾ കുട്ടികൾക്ക് കാണിച്ചുകൊടുക്കുകയും കുട്ടികളെ കൊണ്ട് ചെയ്യിക്കുകയും ചെയ്തു. സ്കൂൾ കായികാധ്യാപകനായ രമേശൻമാസ്റ്ററുടെ നേതൃത്വത്തിലായിരുന്നു ഇത് സംഘടിപ്പിച്ചത്.‌

• ഹൈസ്കൂൾ മികവ്

ജില്ലയിലെ ഹൈസ്കൂൾ പ്രധാനാധ്യാപകർക്കായി ആർ.എം എസ് എ യുടെ നേതൃത്വത്തിൽ നടന്ന സ്കൂൾ ലീഡർഷിപ്പ് ഡവലപ്പ്മെന്റ് പരിപാടിയിൽ മൊകേരി രാജീവ്ഗാന്ധി മെമ്മോറിയൽ ഹയർസെക്കന്ററി സ്കൂൾ അവതരിപ്പിച്ച പ്രോജക്ടിന് ഒന്നാം സ്ഥാനം ലഭിച്ചു.കുട്ടികളുടെ പങ്കാളിത്തതോടുകൂടി ബാലസഭകൾ സംഘടിപ്പിച്ച് പഠനത്തിൽ പിന്നോക്കം നിൽക്കുന്ന കുട്ടികളെ മുൻനിരയിൽ കൊണ്ടുവരുന്ന പ്രവർത്തനമാണ് മൊകേരി രാജീവ്ഗാന്ധി മെമ്മോറിയൽ ഹയർസെക്കന്ററി സ്കൂൾ നടപ്പിലാക്കിയത്.പഠനത്തിൽ പിന്നോക്കം നിൽക്കുന്ന നൂറ്റിഇരുപതിലേറെ കുട്ടികളെ മുൻനിരയിൽ കൊണ്ടുവരാൻ ഈ പ്രവർത്തനം കൊണ്ട് സാധിച്ചു

• രക്ത ദാനം മഹാദാനം

രക്ത ദാനം

ഒരാൾക്ക് ജീവൻ പകർന്നുനൽകാൻ മനുഷ്യൻ അശക്‌തനാണ്. എന്നാൽ, ജീവൻ നിലനിർത്താൻ ആവശ്യമായ രക്തം പകർന്നുനൽകാൻ മനുഷ്യനാകും. അതുകൊണ്ടുതന്നെയാണ് രക്തദാനത്തെ മഹാദാനമായും ജീവദാനമായും വാഴ്‌ത്തുന്നത്. അത്യാഹിതങ്ങളിലും രോഗാവസ്ഥയിലും ജീവനുവേണ്ടി കേഴുന്ന സഹജീവിക്ക് നൽകാവുന്ന ഏറ്റവും വലിയ ജീവജലമായി രക്തദാനത്തെ വിലയിരുത്താം.അപകടങ്ങളും രോഗങ്ങളും കൂടിവരുന്ന ഇക്കാലത്ത് രക്തത്തിന്റെ ആവശ്യകതയും അതോടൊപ്പം രക്തദാനത്തിന്റെ പ്രസക്തിയും കൂടുന്നു .രക്തദാനം ജീവദായകമാണ് എന്ന തിരിച്ചറിവാണ് രക്തദാനത്തിന് നമ്മെ പ്രേരിപ്പിക്കുന്നത്. ഹിരോഷിമാ ദിനത്തിൽ സ്കൂളിലെ അറുപതോളം അദ്ധാപകർ മലബാർ കാൻസർ സെന്ററിലേക്ക് രക്തം ദാനം നല്കി ഒരു മാതൃക കാണിച്ചു.ഈ മഹത്തായ നന്മ ചെയ്ത എല്ലാ അധ്യാപികാധ്യപകന്മാർക്കും അഭിനന്ദനങ്ങൾ

• കുടയൊരു മാതൃക

കുടയൊരു മാതൃക

കുടയൊരു മാതൃകയാണ് മൊകേരി രാജീവ് ഗാന്ധി മെമ്മോറിയൽ ഹയർ സെക്കണ്ടറി സ്‌കൂൾ നല്ല പാഠം പ്രവർത്തകർക്ക്. വിദ്യാർത്ഥികൾ തന്നെ നിർമ്മിക്കുന്ന കുട വിറ്റു കിട്ടുന്ന വരുമാനംചെലവഴിക്കുന്നത്പാവപ്പെട്ട വിദ്യർത്ഥികളുടെ പഠനച്ചെലവിന് .മഴയിൽ നിന്ന് മാത്രമല്ല കുട ഇവർക്ക് തുണയാവുന്നത് .വിദ്യാലയത്തിൽ നിർമ്മിച്ച കുടകൾ സ്കൂളിൽ തന്നെ വിൽപ്പന നടത്തി.അടുത്ത വേനലവധിക്കലത്ത് കൂടുതൽ കുടകൾ നിർമ്മിച്ച് വിപണിയിൽ വിതരണത്തിലെത്തിക്കും. കുടവിൽപ്പനയിൽ നിന്നു ലഭിക്കുന്ന ലാഭം പാവപ്പെട്ട വിദ്യാർത്ഥികളുടെ വിദ്യാഭ്യസ ആവശ്യങ്ങൾക്കായി ചെലവഴിക്കും.കോഴിക്കോട് ഗാന്ധിഗ്രാമം കോ-ഓർഡിനേറ്റർ വിനിൽരാജാണ് കുടനിർമ്മാണത്തിന് പരിശീലനം നൽക്കുന്നത്.വിദ്യാർത്ഥികൾ നിർമ്മിച്ച കുടയുടെ ആദ്യവിൽപ്പന പാനൂർ സി ഐ വി.വി.ബെന്നി നിർവഹിച്ചു

• • 2017-2018 വർഷത്തെ മികച്ച പ്രവർത്തനങ്ങളും നേട്ടങ്ങളും (2017-2018)

അഭിമാന നിമിഷങ്ങൾ

• റാസ് ബറി കിറ്റുപയോഗിച്ച് തയ്യാറാക്കിയ മികച്ച പ്രോജക്ടിനുള്ള സംസ്ഥാനതലമത്സരത്തിൽ ഒന്നാം സ്ഥാനം (2 ലക്ഷം രൂപയുടെ അവാർഡ്) മാനസ് മനോഹർ നേടി.അന്താരാഷ്ട്രപ്രകാശ വർഷത്തിന്റെ ഭാഗമായി october 8 ന് Delhi യിൽ വെച്ച് നടന്ന ദേശീയ ശാസ്ത്ര സെമിനാറിൽ രണ്ടാം സ്ഥാനം മൊകേരി രാജീവ്ഗാന്ധി മെമ്മോറിയൽ ഹയർസെക്കന്ററി സ്കൂളിലെ [മാനസ് മനോഹർ നേടി.
• സംസ്ഥാന ശാസ്ത്രമേളയിൽ ശാസ്ത്ര പ്രശ്നോത്തരിയിൽ(ഹൈസ്തകൂൾവിഭാഗം) ഒന്നാം സ്ഥാനം സ്‍‌നിഗ്ദ്ധ. കെ നേടി(ആർ.ജി.എം.എച്ച്.എസ്സ്. എസ്സ് മൊകേരി),ദേശാഭിമാനി ദിനപത്രം സംസ്ഥാനതലത്തിൽ നടത്തിയ അക്ഷരമുറ്റം ക്വിസ് മത്സരത്തിൽ ഒന്നാം സമ്മാനമായ 1 ലക്ഷം രൂപയും ഉത്തരേന്ത്യൻ ടൂറും മൊകേരി രാജീവ്ഗാന്ധി മെമ്മോറിയൽ ഹയർസെക്കന്ററി സ്കൂളിലെ വിദ്യാർത്ഥികളായ സ്നിഗ്ദയും,കൃഷ്ണപ്രിയ മനോജും നേടിയെടുത്തു --2017 jan.

• ചെസ്സിൽ വിസ്‍മയ കെ സി എന്ന പിദ്യാർത്ഥിനി ദേശീയതലത്തിൽ പങ്കെടുത്ത് ആറാം സ്ഥനം നേടി
• സംസ്ഥാന സ്കുൾ കലോൽസവത്തിൽ അറബിക്‌തർജമയിൽ ഒന്നാം സ്ഥാനം rgmhssലെ മിടുക്കി നസീഹത്ത് നേടി
• തിരുവനന്തപുരത്ത് വെച്ച് നടന്ന spc summer camp ൽ ജില്ലയെ പ്രതിനിധീകരിച്ച് പങ്കെടുത്ത് all rounder ആയി അഭിമാനാർഹമായ നേട്ടം കൈവരിക്കാൻ നന്ദന എന്ന വിദ്യാർത്ഥിനിക്ക് കഴിഞ്ഞു

• 
  മാനസ് മനോഹർ
• 
  സ്‍‌നിഗ്ദ്ധ. കെ
• 
  വിസ്‍മയ കെ സി
• 
  നസീഹത്ത്
• 
  നന്ദന

• മാനസ് മനോഹർ

മാനസ് മനോഹർ

ഡൽഹിയിൽ നടന്ന ദേശീയ ശാസ്ത്രസെമിനാറിൽ രണ്ടാംസ്ഥാനംനേടി മൊകേരി രാജീവ്ഗാന്ധി മെമ്മോറിയൽ ഹയർ സെക്കൻഡറി സ്‌കൂളിലെ വിദ്യാർഥി മാനസ് മനോഹർ നാടിന്റെ അഭിമാനമായി.'പ്രകാശത്തിന്റെ കരുതലോടെയുള്ള ഉപയോഗം: സാധ്യതകളും വെല്ലുവിളികളും' എന്ന വിഷയത്തിലാണ് സെമിനാർ നടന്നത്.സംസ്ഥാന ഐ ടി വകുപ്പിന് കീഴിലുള്ള കേരള സ്റ്റാർട്ട് അപ്പ് മിഷനും ഐ ടി അറ്റ് സ്‌കൂളും ചേർന്ന് സംസ്ഥാനതലത്തിൽ റാസ്ബറി പൈ കമ്പ്യൂട്ടർ ഉപയോഗിച്ച് ഉപയോഗപ്രദമായ സോഫ്റ്റ്‌വെയർ നിർമ്മാണ മത്സരത്തിൽ ഒന്നാംസ്ഥാനം കരസ്ഥമാക്കിയാണ് ഒമ്പതാം ക്ലാസ് വിദ്യാർത്ഥിയായ മാനസ് മനോഹർ ശ്രദ്ധേയനാവുന്നത്. രണ്ട് ലക്ഷം രൂപയും പ്രശസ്തിപത്രവും അടങ്ങുന്ന അവാർഡ് തിരുവനന്തപുരത്ത് വെച്ച് നടന്ന ചടങ്ങിൽ മുഖ്യമന്ത്രി ഉമ്മൻചാണ്ടിയിൽ നിന്നും മാനസ് ഏറ്റുവാങ്ങി..കമ്പ്യൂട്ടർ പ്രോഗ്രാമിൽ അഭിരുചി വളർത്തുന്നതിനും വിദ്യാർത്ഥികളിൽ സംരംഭകത്വ മനോഭാവം വളർത്തുന്നതിനുമായി നടത്തുന്ന മികച്ച പ്രവർത്തനങ്ങൾക്കാണ് ഈ അവാർഡ്. പൊതുജനങ്ങൾക്ക്, സംസ്ഥാനത്തെ വിവിധ സർക്കാർ, അർദ്ധസർക്കാർ, പ്രൈവറ്റ് മേഖലകളിലെ ഓഫീസുകളിൽ തങ്ങൾക്കാവശ്യമായ ജീവനക്കാരുടെ സാന്നിധ്യമുണ്ടോ ഇല്ലയോ എന്ന് വീട്ടിലിരുന്നുകൊണ്ടുതന്നെ മൊബൈൽ വഴി മനസ്സിലാക്കാൻ സാധിക്കുന്ന സോഫ്റ്റ്‌വെയറാണ് മാനസ് വികസിപ്പിച്ചെടുത്തത്.

• സ്‍‌നിഗ്ദ്ധ

സ്‍‌നിഗ്ദ്ധ

സംസ്ഥാനതല സാമൂഹ്യശാസ്ത്രമേള ടാലന്റ് സെർച്ച് മത്സരത്തിൽ കണ്ണൂർ മൊകേരി രാജീവ്ഗാന്ധി എച്ച്എസ്എസിലെ കെ.സ്നിഗ്ധ ഒന്നാം സ്ഥാനം നേടി.പൊതുവിദ്യാഭ്യാസ വകുപ്പും സംസ്ഥാന സാമൂഹികശാസ്ത്ര കൗൺസിലും ചേർന്നു ഹൈസ്കൂൾ വിദ്യാർഥികൾക്കുവേണ്ടിയാണു മത്സരം സംഘടിപ്പിച്ചത്.വിദ്യാർഥികളിലെ ആരോഗ്യ അവബോധം വളർത്തുന്നതിനും ബോധവൽക്കരിക്കുന്നതിനും ദേശീയ ആരോഗ്യ ദൗത്യം സംഘടിപ്പിച്ച ആരോഗ്യതാരകം ക്വിസ് മത്സരത്തിൽ കണ്ണൂർ മൊകേരി രാജീവ്ഗാന്ധി എച്ച്എസ്എസിലെ വിദ്യാർഥിനികളായ കെ.സ്നിഗ്ധ, നീഹര പ്രജീഷ് എന്നിവർ രണ്ടാം സമ്മാനമായ 75,000 രൂപ കരസ്ഥമാക്കി.അക്ഷരമുറ്റം ക്വിസിൽഹൈസ്കൂൾ വിഭാഗത്തിൽ ഒന്നാം സ്ഥാനം നേടിയത് മൊകേരി രാജീവ്ഗാന്ധി മെമ്മോറിയൽ ഹയർ സെക്കൻഡറി സ്കൂളിലെ കെ സ്നിഗ്ധയും കൃഷ്ണപ്രീയ എസ് മനോജുമാണ്.കണ്ണൂർ: ജില്ല ശുചിത്വ മിഷ‌ന്റെ ആഭിമുഖ്യത്തിൽ സ്വബ്താ ഹി സേവ കാമ്പയിന്റെ ഭാഗമായി സ്കൂൾ വിദ്യാർഥികൾക്കായി സംഘടിപ്പിച്ച ജില്ലതല ശുചിത്വ ക്വിസ് മത്സരത്തിൽ ഹൈസ്കൂൾ വിഭാഗത്തിൽ മൊകേരി രാജീവ്ഗാന്ധി മെമ്മോറിയൽ ഹയർ സെക്കൻഡറി സ്കൂളിലെ കെ. സ്നിഗ്ധ ഒന്നാം സ്ഥാനം നേടി

മികവ് നിലനിർത്തുന്ന ഘടകങ്ങൾ

എല്ലാ പ്രവൃത്തി ദിവസങ്ങളിലും രാവിലെയും വൈകുന്നേരവും ഓരോ മണിക്കൂർ വീതം അധിക സമയം കണ്ടെത്തുന്നു.രണ്ടാം ശനിയാഴ്ച്ച ഒഴികെയുള്ള മറ്റെല്ലാ ശനിയാഴ്ച്ചകളിലും പ്രത്യേക ടൈം ടേബിൾ പ്രകാരം ക്ലാസ്സ് . പഠനത്തിൽ പിന്നാക്കം നിൽക്കുന്നവർക്ക് ഞായറാഴ്ച ക്ലാസ്സുകളും നൈറ്റ് ക്ലാസ്സുകളും .പഠനത്തിൽ മുന്നാക്കം നിൽക്കുന്നവർക്ക് പാഠപുസ്തക നിർമ്മാണ സമിതിയിൽ ഉൾപ്പെട്ട അധ്യാപകർ ഉൾപെടയുള്ളവരുടെ Expert ക്ലാസ്സുകൾ. പരീക്ഷഭയം അകറ്റാൻ കൗൺസിലിംഗ് ക്ലാസ്സുകൾ .

ക്ലാസ്സ്‌സഭ

ജനാധിപത്യരീതിയിൽ തിരഞ്ഞെടുക്കപ്പെടുന്ന സ്കൂൾ പർലമെന്റെറി വ്യവസ്ഥ എന്നും ഈ വിദ്യാലയത്തിൽ തുടർന്ന്പോരു ന്നുണ്ട് .ഈ വ്യവസ്ഥിതിയെ കുറച്ചുകൂടി ജനാധിപത്യരീതിയിലും ‌, ക്രിയാത്മകമായും പ്രവർത്തിപ്പിക്കുന്നതിന്റെ അടിസ്ഥാന ത്തിലാണ് ക്ലാസ്സ്സഭ എന്ന ആശയം രണ്ട് വർഷം മുമ്പേ നടപ്പിലാക്കിയത് . ആദ്യഘട്ടത്തിൽ കേവലം ക്ലസ്സിലെ കുട്ടികളുടെ ക്ഷേമകാര്യങ്ങൾക്കും ‌, അവരിൽ അന്തർലീനമായ കലാ, കായിക, സാഹിത്യപ്രതിഭകളെ പ്രോൽസാഹിപ്പി ക്കുവാനും മാത്രമായിരുന്നു. എല്ലാ വെള്ളിയാഴ്ചകളിലും സജീവമായി പ്രവർത്തിച്ചു ‌പോന്ന ഇത്തരം ക്ലാസ്സ്സഭ കളിലൂടെ പ്രതിഭാധനരായഅനേകം വിദ്യാർത്ഥിളികളെ കണ്ടെത്തുവാൻ സാധിക്കുകയും ജില്ലകളിലും ‌,സംസ്ഥാനത്തും പഠനാനുബന്ധ പ്രവർത്തനങ്ങളിൽ ഉന്നത വിജയം നേടുവാനും സാധിച്ചു. ഇതിന്റെ തുടർച്ച എന്നതുകൊണ്ട് ക്ലാസ്സ്സഭകൾ അക്കദമിക മേഖലയിലേക്ക് വ്യാപിപ്പിച്ചുകൂടാ എന്ന തിരിച്ചറിവിന്റെ അടിസ്ഥനത്തിൽ എല്ലാ സബ്‌ജക്‌ട് ഗ്രൂപ്പ്കളോടും സെമിനാർ നടത്തുവാൻ ആവശ്യപ്പെട്ടതനുസരിച്ച് ഉണ്ടക്കപ്പെട്ടതാണ് അക്കാദമികമികവിൽ ക്ലാസ് സഭ"എന്ന മുദ്രാവാക്യം.ഒരു ‌ മാസക്കാല‌ം നീണ്ട ചർച്ചകൾക്കും, തീരുമാനങ്ങൾക്കും ഒടുവിലാണ് പുതിയരൂപത്തിലും ഭാവത്തിലുമുള്ള ക്ലാസ്സ് സഭകൾ രൂപപ്പെട്ടത് .

ക്ലാസ്സ്‌സഭ

ക്ലാസ്സ് സഭ ഘടന--

അധ്യപകൻ : ക്ലാസ്സ് ടീച്ചർ,

അ‌ംഗങ്ങൾ : I st: ക്ലസ്സ് ലീഡർ,

5 ഗ്രൂപ്പുകൾ,

ഓരോന്നിന‌ും ഓരോ ലീഡർ ,

1 - ഗണിതം (തിങ്കൾ),

2 - ശാസ്ത്രം (ചൊവ്വ ),

3 – സാമൂഹ്യശാസ്ത്രം (ബുധൻ),

4 – ഭാഷ (വ്യാഴം),

5 – പരിസ്ഥിതി (വെള്ളി),

സംഘാടനം,

എല്ലാ ക്ലാസ്സിലെയും മുഴുവൻ കുട്ടികളെയും 5 ഗ്രൂപ്പുകാക്കുന്നു. ഓരോ ഗ്രൂപ്പിലും ‌ ഒരു ‌ലീഡർ , ഒരു ഡെപ്യൂട്ടി ലീഡർ.

ഹെൽപ്പ് ഡെസ്ക്ക്

8ാം ക്ലാസ്സിൽ പഠനത്തിൽ പിന്നോക്കം നിൽക്കുന്ന കുട്ടികളുടെ നിലവാരം മെച്ചപ്പെടുത്തുക എന്ന ഉദ്ദേശ്യത്തോടെ ക്ലാസ്സ് തലത്തിൽ വിദ്യാലയത്തിൽ നടപ്പിലാക്കിയ ഒരു പദ്ധതിയാണ് ഹെൽപ്പ് ഡെസ്ക്ക് .ഇതിന്റെ ഭാഗമായി ക്ലാസ്സിലെ സമർത്ഥരായ കുട്ടികളെ അവരുടെ താത്പര്യം, അറിവ് എന്നീ കാര്യങ്ങൾ പരിഗണിച്ച് കൊണ്ട് വിഷയാടിസ്ഥാനത്തിൽ 5 ഗ്രൂപ്പകളിൽ ഉൾപ്പെടുത്തുന്നു.ഓരോ ഗ്രൂപ്പിനും ഒരു ലീഡറും ഒരു ഡെപ്യുട്ടി ലീഡറും ഉണ്ട്.ഓരോ ഗ്രൂപ്പിന്റെയും ലീഡർ കൈവശം ഒരു നോട്ട്ബുക്ക് സൂക്ഷിക്കുന്നു.വിവിധ വിഷയങ്ങളിൽ ഉയർന്ന നിലവാരം നേടിയെടുത്ത വിദ്യാർത്ഥികളെ പിന്നോക്കം നിൽക്കുന്ന കുട്ടികൾ സംശയ നിവാരണത്തിന് സമീപിക്കുകയും അവ ഗ്രൂപ്പിനെ ഏൽപ്പിച്ച പുസ്തകത്തിൽ രേഖപ്പെടുത്തി വയ്ക്കുകയും ചെയ്യുന്നു.ഹെൽപ്പ് ഡെസ്ക്ക് അംഗങ്ങൾ അവരെ സമീപിക്കുന്ന കുട്ടികളുടെ പേരും പാഠഭാഗത്തിന്റെ പേരും തീയ്യതിയും സമയവും നോട്ട്ബുക്കിൽ രേഖപ്പെടുത്തി വയ്ക്കുകയും ചെയ്യുന്നു.ഈ നോട്ട്ബുക്ക് എല്ലാ വെള്ളിയാഴ്ച്ചകളിലും ക്ലാസ്സ് ടീച്ചർ ക്ലാസ്സ് സഭ യിൽ വെച്ച് കൃത്യമായ മോണിറ്ററിംഗിന് വിധേയമാക്കുന്നു.ഗണിതം,സയൻസ് ,സാമൂഹ്യശാസ്ത്രം ,ഹിന്ദി ,മലയാളം എന്നീ വിഷയങ്ങളിലാണ് ഹെൽപ്പ് ഡെസ്ക്കിന്റെ സേവനം ലഭ്യമാക്കി കൊണ്ടിരിക്കുന്നത്.ഹെൽപ്പ് ഡെസ്ക്ക് ലഭ്യമാക്കിയ വിഷയങ്ങളുടെ പേരും അംഗങ്ങളുടെ പേരും ഒരു ചാർട്ടിൽ ക്ലാസ്സിൽ ലഭ്യമാക്കിയിട്ടുണ്ട്.കുട്ടികൾക്ക് ഒഴിവു സമയങ്ങളിലും ഇടവേളകളിലും ഹെൽപ്പ ഡെസ്ക്ക് അംഗങ്ങളുടെ സേവനം ലഭ്യമാണ്.ഇതിലൂടെ പിന്നോക്കാവസ്ഥയിലുള്ള കുട്ടികളിൽ ഗുണപരമായ മാറ്റങ്ങൾ ദൃശ്യമാണ്.

ക്ലാസ്സ് തല ഹെൽപ്പ് ഡെസ്ക്കിന്റെ പ്രധാന നേട്ടങ്ങൾ 1.കുട്ടികളുടെ സംശയങ്ങൾക്ക് ക്ലാസ്സിൽ വെച്ച് തന്നെ പരിഹാരം ലഭിക്കുന്നു. 2.ഹെൽപ്പ് ഡെസ്ക്ക് അംഗങ്ങൾക്കും പാഠഭാഗങ്ങൾ ഹൃദിസ്ഥമാക്കാൻ സാധിക്കുന്നു. 3.സങ്കോചത്താൽ സംശയ നിവാരണത്തിന് അധ്യാപകരെ സമീപിക്കാൻ മടിക്കുന്ന കുട്ടികൾക്ക് ഈ പദ്ധതി വ

സ്കൂൾ

സൗകര്യങ്ങൾ

പ്രവർത്തനങ്ങൾ

എച്ച്.എസ്

എച്ച്.എസ്.എസ്.

ചരിത്രം

അംഗീകാരം