സെന്റ് ജോസഫ്‌സ് യു പി സ്ക്കൂൾ മാനാശ്ശേരി/സോഷ്യൽ സയൻസ് ക്ലബ്ബ്

വിദ്യാർത്ഥികളിൽ സാമൂഹികാവബോധവും പൗരബോധവും ഉറപ്പിക്കുക എന്ന ലക്ഷ്യത്തോടെയാണ് സാമൂഹ്യ ശാസ്ത്ര ക്ലബ്ബിന്റെ പ്രവർത്തനം നടത്തപ്പെടുന്നത് ജൂൺ മാസത്തിലെ ഇരുപത്തിയാറാം തീയതി ലഹരിവിരുദ്ധ ദിനാചരണം മുതൽ മാർച്ച് മാസം എട്ടാം തീയതി വനിതാദിനം വരെ സാമൂഹ്യപാഠ വിഷയങ്ങളുമായി ബന്ധപ്പെട്ട് വരുന്നതും രാജ്യത്തിന്റെ ആഘോഷങ്ങളുമായി ബന്ധപ്പെട്ട് വരുന്നതുമായ ദിനാചരണങ്ങളുടെ മേൽനോട്ടം വഹിക്കുന്നത് വിദ്യാലയത്തിലെ സാമൂഹ്യശാസ്ത്ര അധ്യാപകരും വിദ്യാർത്ഥി പ്രതിനിധികളും അടങ്ങുന്ന സാമൂഹ്യശാസ്ത്ര ക്ലബ്ബിന്റെ ചുമതലയാണ്. അതിനായി തിരഞ്ഞെടുക്കുന്ന വ്യവഹാരരൂപങ്ങൾ പ്രധാനമായും പോസ്റ്റർ രചന, പ്രസംഗ മത്സരങ്ങൾ, ബോധവൽക്കരണ ക്ലാസുകൾ, പ്ലക്കാർഡ് നിർമാണം, ചുമർ പത്രിക, പ്രച്ഛന്നവേഷ മത്സരങ്ങൾ, ദൃശ്യാവിഷ്കാരങ്ങൾ, റാലികൾ എന്നിങ്ങനെ വിവിധ മാർഗങ്ങളിലൂടെ ദിനാചരണങ്ങളുടെ പ്രാധാന്യവും അതിൽനിന്നും ഉൾക്കൊള്ളേണ്ട ആശയവും വിദ്യാർഥികളിൽ എത്തിക്കുക എന്നതാണ് പ്രവർത്തന ഉദ്ദേശം. സാമൂഹ്യ ശാസ്ത്ര ക്ലബ്ബിന്റെ നേതൃത്വത്തിലാണ് വിദ്യാലയത്തിലെ സ്കൂൾ പാർലമെന്റ് തെരഞ്ഞെടുപ്പ് നടക്കുന്നത്. വിദ്യാലയത്തിലെ അക്കാദമിക, ഭൗതിക  പ്രവർത്തനങ്ങളുടെ സുഗമമായ നടത്തിപ്പിനുവേണ്ടി സ്കൂൾ ലീഡറും കമ്മറ്റി അംഗങ്ങളും ഉൾപ്പെടുന്ന പാർലമെന്റ് ജനാധിപത്യ വോട്ടെടുപ്പ് രീതിയിലൂടെ ആണ് തെരഞ്ഞെടുക്കപ്പെടുന്നത് ഒരു വർഷക്കാലം നീളുന്ന വിദ്യാലയത്തിലെ എല്ലാ പ്രവർത്തനങ്ങൾക്കും ഈ ലീഡർമാർ നേതൃത്വം നൽകുകയും ചെയ്യും.കൂടാതെ ഉപജില്ലാ തലത്തിൽ നടക്കുന്ന സാമൂഹ്യശാസ്ത്ര മത്സരങ്ങളിൽ പങ്കാളികളാകുന്ന വരെ തെരഞ്ഞെടുത്ത് പരിശീലനം നൽകുന്നത് സാമൂഹ്യശാസ്ത്ര ക്ലബ്ബിന്റെ ചുമതലയുള്ള അധ്യാപകരാണ്. കോവിഡ് രോഗഭീഷണി മൂലം അവധി നേരിട്ട് കാലഘട്ടത്തിലും ഓൺലൈനിലൂടെ ഈ പ്രവർത്തനങ്ങൾ സുഗമമായി നടന്നുവരുന്നു

സാമൂഹ്യശാസ്ക്ലബ്ബുമായി ബന്ധപ്പെട്ട ദിനാചരണങ്ങൾക്ക് നേതൃത്വം വഹിക്കുന്നു. മാസത്തിലൊരിക്കൽ അംഗങ്ങൾ ഒത്തുകൂടുന്നു. ശില്പശാലകളും പ്രദർശനങ്ങളും സംഘടിപ്പിക്കുന്നു. സാമൂഹ്യശാസ്ത്രമേളകളിൽ പങ്കെടുക്കുന്നു.

ലോക ലഹരി വിരുദ്ധ ദിനം ജൂൺ 26

"സ്വന്തം ജീവിതം കാർന്നുതിന്നുന്ന ലഹരി നമുക്ക് വേണ്ട .....

ചിന്തിക്കൂ,  പ്രവർത്തിക്കൂ,  നല്ലൊരു വ്യക്തിയെയും

സമൂഹത്തെയും നിർമ്മിക്കും...... "

ലോക ലഹരി വിരുദ്ധ ദിനത്തിന് മുന്നോടിയായി സാമൂഹ്യ ശാസ്ത്ര ക്ലബ്ബിൻറെ നേതൃത്വത്തിൽ വിദ്യാർഥികൾക്കായി വിവിധ മത്സരങ്ങൾ സംഘടിപ്പിക്കുക ഉണ്ടായിരുന്നു ഒന്ന് രണ്ട് ക്ലാസുകളിൽ ലഹരി വിരുദ്ധ മുദ്രാവാക്യം അവതരണം, 3, 4 ക്ലാസുകായി ഫാൻസി ഡ്രസ്സ് മത്സരം, യുപി പി വി ഭാഗത്തിനായി ആയി മഹാമാരിയും മദ്യാസക്തിയും എന്ന വിഷയത്തെ ആസ്പദമാക്കി പ്രസംഗ മത്സരവും സംഘടിപ്പിച്ചു. ക്ലാസിലെ അധ്യാപകർ തങ്ങളുടെ ക്ലാസിലെ മികച്ച പ്രവർത്തനങ്ങൾ ജഡ്ജിന് അയച്ചുകൊടുക്കുകയും അതിൽനിന്ന് വിജയികളെ തെരഞ്ഞെടുക്കുകയും ചെയ്തിരുന്നു.

ജൂൺ 26ന് അധ്യാപക പ്രതിനിധികളായ ആൻസി ടീച്ചറിന്റെ ആമുഖത്തോടെ പരിപാടികൾ ആരംഭിച്ചു .വിദ്യാർത്ഥി പ്രതിനിധി ഹെവ് ലിൻ ഈശ്വര പ്രാർത്ഥന ആലപിച്ചു. അഡ്വ. ചാർളി പോൾ ലഹരി വിരുദ്ധ ദിന സന്ദേശം നൽകി. തുടർന്ന് സിനിമാ താരം സാനിയ അയ്യപ്പൻ, AEO വഹീദ മാഡം എന്നിവർ ആശംസകൾ അർപ്പിച്ചു.

ഏഴാം ക്ലാസ് വിദ്യാർത്ഥികളുടെ ദൃശ്യാവിഷ്ക്കാരം ആയിരുന്നു പിന്നീട് ഓൺലൈനിൽ നടന്നത്. ഓൺലൈനായി മത്സര വിജയികൾക്ക് സമ്മാന HM Sr Anna വിതരണം ചെയ്തു.  സമ്മാനം അർഹരായ ഇനങ്ങളുടെ അവതരണമായിരുന്നു അടുത്തത്. ജാക്വിലിൻ ടീച്ചറുടെ നന്ദി പ്രകാശത്തോടെ പരിപാടികൾക്ക് തിരശ്ശീല വീണു.

ചാന്ദ്രദിനം ജൂലൈ 21

ചാന്ദ്രദിനം ജൂലൈ 21 സാമൂഹ്യ ശാസ്ത്ര ക്ലബ്ബിൻറെ നേതൃത്വത്തിൽ ഓൺലൈനായി വിവിധ പരിപാടികൾ സംഘടിപ്പിച്ചു ചന്ദ്രനെ കുറിച്ച് കുട്ടികൾ കൂടുതലായി മനസ്സിലാക്കാൻ വേണ്ടി വീഡിയോകൾ ഉപയോഗിച്ചുള്ള അവതരണം ഉണ്ടായിരുന്നു കൂടുതൽ വിശദീകരണം നൽകുന്ന ചാർട്ടുകൾ പ്രദർശിപ്പിച്ചു .ഏഴാംക്ലാസ് വിദ്യാർത്ഥി ആഷിഷ്  ചാന്ദ്ര ദിനത്തോടനുബന്ധിച്ച് പ്രസംഗം അവതരിപ്പിച്ച .ഏഴാംക്ലാസ് വിദ്യാർത്ഥികൾ ചാന്ദ്രദിന പോസ്റ്റർ പ്രദർശിപ്പിച്ചു . ചാർട്ട പേപ്പർ.ഉപയോഗിച്ച് കുട്ടികൾ തയ്യാറാക്കിയ വിവിധ റോക്കറ്റ്മോഡലുകൾ പ്രദർശിപ്പിച്ചു.

ചാന്ദ്രദിന പ്രവർത്തനങ്ങൾ :

എൽ പി സെക്ഷൻ വീഡിയോകളും ചിത്രങ്ങളും കണ്ടതിനുശേഷം പരിസരപഠന പുസ്തകത്തിൽ 10 ചോദ്യങ്ങളും അവയുടെ ഉത്തരങ്ങളും തയ്യാറാക്കി.മലയാള പുസ്തകത്തിൽ ചന്ദ്രനെ കുറിച്ചുള്ള ഒരു വിവരണം കൂടി അവർ തയ്യാറാക്കി. യുപി സെക്ഷൻ 25 ചോദ്യങ്ങളും ഉത്തരങ്ങളും തയ്യാറാക്കി മലയാളം നോട്ട്ബുക്കിൽ അമ്പിളി മാമനെ കുറിച്ച് ഒരു ആത്മകഥ എഴുതി.

2021 ഓഗസ്റ്റ് 15 സ്വാതന്ത്ര്യദിനം

2021 ഓഗസ്റ്റ് 15 വളരെയധികം മനോഹരമായ രീതിയിൽ സാമൂഹികശാസ്ത്ര ക്ലബ്ബിന്റെ നേതൃത്വത്തിൽ സംഘടിപ്പിക്കുകയുണ്ടായി. വിവിധ ക്ലാസുകൾക്ക് വ്യത്യസ്തങ്ങളായ മത്സരങ്ങൾ മുൻകൂട്ടി തന്നെ നടത്തി.ഒന്ന് ,രണ്ട് ക്ലാസിലെ കുട്ടികൾക്ക് ഫ്ലാഗ് മേക്കിങ് ,ഫാൻസി ഡ്രസ്സ് ,മൂന്ന് ,നാല് ക്ലാസ്സിലെ കുട്ടികൾക്ക് മുദ്രാഗീതങ്ങൾ, ഫാൻസിഡ്രസ്സ് .യു.പി സെക്ഷൻ കുട്ടികൾക്ക് ദേശഭക്തിഗാന മത്സരo,പോസ്റ്റർ മേക്കിങ്എന്നീ മത്സരങ്ങൾ സംഘടിപ്പിച്ചു

സ്വാതന്ത്ര്യ ദിനത്തിൽ കോവിഡ് പ്രോട്ടോകോൾ പാലിച്ചു കൊണ്ട് ചെറിയ രീതിയിൽ സ്കൂൾതല പരിപാടികൾ നടത്തി.പി.ടി.എ. പ്രതിനിധി സന്തോഷ് പതാക ഉയർത്തി ലോക്കൽ മാനേജർ സിസ്റ്റർ ടെസി ദേവസി സ്വാതന്ത്ര്യദിന സന്ദേശം നൽകി. സിസ്റ്റർ അന്നയുടെ മഹനീയ സാന്നിദ്ധ്യത്തിൽ എല്ലാ അധ്യാപകരും സ്കൂളിൽ എത്തിച്ചേർന്നു.എല്ലാവർക്കും മധുരം നൽകി ദേശീയ ഗാനത്തോടെ പരിപാടികൾക്ക് വിരാമം കുറിച്ച് .മുൻകൂട്ടി തയ്യാറാക്കിയ വീഡിയോകൾ ഓൺലൈൻ ആയികുട്ടികൾക്ക് അയച്ചുകൊടുത്തു.

2021 സെപ്റ്റംബർ 5 ദേശീയ അധ്യാപക ദിനം

ഈ വർഷത്തെ അധ്യാപക ദിനാഘോഷം വിദ്യാർഥി പ്രതിനിധിയായ അമല മേരിയുടെ ആമുഖത്തോടെ ആരംഭിച്ചു. അതിനുശേഷം അധ്യാപകരുടെ ഫോട്ടോകൾ ആശംസകൾ അർപ്പിക്കുന്നു രീതിയിൽ വീഡിയോ രൂപത്തിൽ പ്രദർശിപ്പിച്ചു. രണ്ടാം ക്ലാസ് വിദ്യാർഥി പ്രതിനിധി തയ്യാറാക്കിയ  ആശംസകാർഡ് കാണിച്ചുകൊണ്ട് എല്ലാ അധ്യാപകർക്കും ആശംസകളർപ്പിച്ചു.ഒന്നാംക്ലാസ് വിദ്യാർത്ഥി പ്രതിനിധി ഹിന്ദിയിലുള്ള ആശംസകളർപ്പിച്ചു. അഞ്ചാം ക്ലാസ് വിദ്യാർഥി ടീച്ചർമാർക്ക് ആയി താൻ എഴുതിയ ഒരു കത്ത് പ്രദർശിപ്പിച്ചു. നാലാം ക്ലാസ് വിദ്യാർഥി ഗുരുവന്ദനം നൃത്തം അവതരിപ്പിച്ചു. ആറാം ക്ലാസ് വിദ്യാർത്ഥി ഹിന്ദി ഗാനം ആലപിച്ചു. ഏഴാംക്ലാസ് വിദ്യാർത്ഥി ഹിന്ദിയിൽ ആശംസ നേർന്നു. പിന്നീട് മൂന്നാം ക്ലാസ് വിദ്യാർത്ഥിയുടെ  ഏക അഭിനയമായിരുന്നു നടന്നത്. അതേ തുടർന്ന്  ഒന്നാം ക്ലാസ് മുതൽ ഏഴാം ക്ലാസ് വരെയുള്ള ഓരോ വിദ്യാർത്ഥിയും തങ്ങളുടെ അധ്യാപകർക്ക് ആശംസ നേരുന്നു അതിനായി തയ്യാറാക്കിയ കാർഡുകളും ചിത്രങ്ങളും പുഷ്പങ്ങളും പിടിച്ചുകൊണ്ടുള്ള ഫോട്ടോകൾ പ്രദർശിപ്പിച്ചു.പിന്നീട് മാതാപിതാക്കളുടെ പ്രതിനിധി അധ്യാപകർക്ക് ആശംസകളർപ്പിച്ചു HM Sr Anna യുടെ നന്ദി പ്രകാശനത്തോടെ   അധ്യാപക ദിനാഘോഷം സമാപിച്ചു.