ഗവൺമെൻറ്, വി.&എച്ച്.എസ്.എസ് കുളത്തൂർ/സോഷ്യൽ സയൻസ് ക്ലബ്ബ്

സോഷ്യൽ സയൻസ് ക്ലബ്

2021 - 22 അധ്യയനവർഷം ആരംഭിച്ചപ്പോൾ തന്നെ സോഷ്യൽ സയൻസ് ക്ലബ്ബിൻറെ പ്രവർത്തനവും ആരംഭിച്ചിരുന്നു.ജൂൺ മാസം തന്നെ സോഷ്യൽ സയൻസ് ക്ലബ്ബിൻറെ അംഗങ്ങളെ തിരഞ്ഞെടുത്തിരുന്നു. കോവിഡ് മാനദണ്ഡം പാലിക്കുന്നതിൻറെ ഭാഗമായി ഒട്ടുമിക്ക പ്രവർത്തനങ്ങളും ഓൺലൈൻ ആയിട്ടായിരുന്നു നടത്തിയിരുന്നത്.

സോഷ്യൽ സയൻസ് ക്ലബ്ബിൻറെ ഭാഗമായി നടത്തിയ ദിനാചരണങ്ങൾ ചുവടെ ചേർക്കുന്നു.

*സമുദ്ര ദിനം

*ലോക ജനസംഖ്യ ദിനം

*ഹിരോഷിമ നാഗസാക്കി ദിനങ്ങൾ

*ക്വിറ്റിന്ത്യാ ദിനം *മനുഷ്യാവകാശ ദിനം

*UN ദിനം

ദിനാചരണത്തിന്റെ ഭാഗമായി വിവിധ മത്സരങ്ങൾ സോഷ്യൽ സയൻസ് ക്ലബ് അംഗങ്ങൾക്കിടയിലും എല്ലാ ക്ലാസുകളിലും നടത്തുകയുണ്ടായി.

ക്വിസ് ,പ്രസംഗം, ഉപന്യാസം , പോസ്റ്റർ രചന ,ചിത്രരചന, ഡിജിറ്റൽ ആൽബം തയ്യാറാക്കൽ,

സെമിനാറുകൾ എന്നിവയിലെല്ലാം കുട്ടികൾ മികച്ച പ്രകടനങ്ങൾ കാഴ്ച വച്ചിരുന്നു.

സ്വാതന്ത്ര്യലബ്ധിയുടെ എഴുപത്തിയഞ്ചാം വാർഷികത്തിന്റെ ഭാഗമായി വളരെ വിപുലമായ പ്രവർത്തനങ്ങൾ ആയിരുന്നു സോഷ്യൽ സയൻസ് ക്ലബ് നടത്തിയിരുന്നത്.അമൃത മഹോത്സവത്തോടനുബന്ധിച്ച്  ദേശീയഗാനം ദേശീയഗീതം ആലാപനം, പ്രാദേശിക ചരിത്ര രചന എന്നിവ നടത്തി കയുണ്ടായി .അമൃത മഹോത്സവത്തിന്റെ ഭാഗമായി കേരള നവോത്ഥാന നായകനായ ശ്രീനാരായണഗുരുവിനെ സംബന്ധിച്ച വിവിധ മത്സരങ്ങൾ സ്കൂളിൽ സംഘടിപ്പിക്കുകയുണ്ടായി.

• സോഷ്യൽ സയൻസ് ക്ലബ്ബിന്റെ ആഭിമുഖ്യത്തിൽ ലോകജനസംഖ്യ ദിനവുമായി ബന്ധപ്പെട്ട് 2021 ജൂലൈ മാസം 11 ന് കുട്ടികൾക്കായുള്ള വിവിധ മത്സരങ്ങൾ നടത്തുകയുണ്ടായി. ക്വിസ് മത്സരം, പ്രസംഗ മത്സരം എന്നിവയിൽ ഒന്നും രണ്ടും സ്ഥാനങ്ങൾ കരസ്ഥമാക്കിയവർക്ക് സർട്ടിഫിക്കറ്റും സമ്മാനങ്ങളും വിതരണം ചെയ്തു.

• ഹിരോഷിമ നാഗസാക്കി ദിനാചരണവുമായി ബന്ധപ്പെട്ട് സോഷ്യൽ സയൻസ് ക്ലബ്ബിന്റെ നേതൃത്വത്തിൽ 2021 ആഗസ്റ്റ് മാസം 6 മുതൽ 9 വരെ നീണ്ടു നിൽക്കുന്ന പ്രവർത്തനങ്ങൾ നടത്തപ്പെട്ടു. പോസ്റ്റർ നിർമ്മാണം, പ്രസംഗ മത്സരം, സഡാക്കോ കൊക്ക് നിർമ്മാണം, ഡിജിറ്റൽ ഡോക്യുമെന്റേഷൻ എന്നീ മത്സരങ്ങൾ സംഘടിപ്പിച്ചു.

• 2021 ആഗസ്റ്റ് 15 ന് സ്വാതന്ത്ര്യദിനാഘോഷം നടത്തി. വിവിധ കാര്യപരിപാടികളോടെ നടന്ന പ്രോഗ്രാമിൽ ഗൂഗിൾ മീറ്റ് വഴി കൂട്ടികളും രക്ഷിതാക്കളും പങ്കെടുത്തു. പി. റ്റി. എ. പ്രസിഡന്റ് ശ്രീ. മധുസുധനൻ നായർ. ആർ. അദ്ധ്യക്ഷനായിരുന്ന യോഗം ഹെഡ് മിസ്ട്രസ് ശ്രീമതി. ശിവകല. എസ്. ഉദ്ഘാടനം ചെയ്തു. ഡോ: സ്മിത. വി. പി, അസിസ്റ്റന്റ് പ്രൊഫസർ, ഡിപ്പാർട്ട്മെന്റ് ഓഫ് ഇക്കണോമിക്സ് HHMSPB NSS കോളേജ്, നീറമൺകര സ്വാതന്ത്ര്യദിന സന്ദേശം നൽകുകയുണ്ടായയി. കൂടാതെ കുട്ടികളുടെ വിവിധ പരിപാടികളും ഉണ്ടായിരുന്നു.

ചിത്രശാല