ST. AUGUSTINE`S L P S KADUKUTTY

Google Translation

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ജില്ലയിലെ ഏറ്റവും പഴക്കമേറിയ വിദ്യാലയങ്ങളിലൊന്നാണ്.

ST. AUGUSTINE`S L P S KADUKUTTY
വിലാസം
കാടുകുറ്റി കാടുകുറ്റി പി ഒ , 680309
സ്ഥാപിതം	01 - 06 - 1895
വിവരങ്ങൾ
ഫോൺ	04802717341
ഇമെയിൽ	st.augustineslpskdty@gmail.com
കോഡുകൾ
സ്കൂൾ കോഡ്	23542 (സമേതം)
വിദ്യാഭ്യാസ ഭരണസംവിധാനം
റവന്യൂ ജില്ല	തൃശ്ശൂർ
വിദ്യാഭ്യാസ ജില്ല	ഇരിഞ്ഞാലക്കുട
സ്കൂൾ ഭരണ വിഭാഗം
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
മാദ്ധ്യമം	മലയാളം‌
സ്കൂൾ നേതൃത്വം
പ്രധാന അദ്ധ്യാപകൻ	സിസ്റ്റർ ലിസ്സി എം. വി
അവസാനം തിരുത്തിയത്
30-01-2022	23542

പ്രോജക്ടുകൾ
അക്കാദമിക മാസ്റ്റർപ്ലാൻ (സഹായം)
എന്റെ ഗ്രാമം (സഹായം)
സ്കൂൾ പത്രം (സഹായം)
തിരികെ വിദ്യാലയത്തിലേക്ക് (സഹായം)
അക്ഷരവൃക്ഷം (സഹായം)
ഓർമ്മക്കുറിപ്പുകൾ (സഹായം)
എന്റെ വിദ്യാലയം (സഹായം?) ഹൈടെക് വിദ്യാലയം (സഹായം) നാടോടി വിജ്ഞാനകോശം (സഹായം) Say No To Drugs Campaign (സഹായം)

ചരിത്രം

തൃശ്ശൂർ ജില്ലയുടെ ഏതാണ്ട് തെക്ക് ഭാഗത്തായി കല്ലൂർ വടക്കുമുറി വില്ലേജിൽ മൂന്നുവശവും ചാലക്കുടിപുഴയാൽ ചുറ്റപ്പെട്ടു കിടക്കുന്ന പ്രകൃതിരമണീയമായ ഒരു ഭൂപ്രദേശമാണ് കാടുകുറ്റി ഗ്രാമം. ഒരു കാലത്ത് ടിപ്പുസുൽത്താൻറെ കോട്ടകൊത്തളങ്ങളാൽ പരിലസിച്ചിരുന്ന ഈ ഗ്രാമം ഇന്ന് അതെല്ലാം നിരത്തി ആളുകൾ വീടുവച്ചിരിക്കുകയാണ്. നാനാജാതിമതസ്ഥർ ഇവിടെ ഒത്തൊരുമയോടെ സസ്നേഹം പാർക്കുന്നു. 'നാനാത്വത്തിൽ ഏകത്വം' ഇവിടെ അന്വർത്ഥമാകുന്നു. തിരുനാളുകളും ഉത്സവങ്ങളും എല്ലാവരും ഒന്നിച്ചാഘോഷിക്കുന്നു. 1895 - ൽ ആണ് സ്കൂൾ സ്ഥാപിച്ചത്. അതിനുമുൻപ് ആശാൻ പള്ളിക്കൂട സമ്പ്രദായം തുടങ്ങിയിരുന്നു. ആശാൻറെ കീഴിൽ എല്ലാവർക്കും വിദ്യ അഭ്യസിക്കുവാൻ കഴിഞ്ഞിരുന്നില്ല. എന്നാൽ പുതിയ സ്കൂൾ ആരംഭിച്ചതിനുശേഷം എല്ലാ വിഭാഗകാർക്കും വിദ്യ അഭ്യസിക്കുവാൻ സാധിച്ചു. തോർത്തുമുണ്ടുടുത്ത് ഓലക്കുടയും ചൂടി കാൽനടയായി വളരെ ദൂരസ്ഥലങ്ങളിൽ നിന്നുപോലും വിദ്യാർത്ഥികൾ ഇവിടെ വന്ന് പഠിച്ചിരുന്നു. തുടക്കത്തിൽ ഒന്നും രണ്ടും ക്ലാസ്സുകളിൽ രണ്ടു ഡിവിഷൻ വീതവും മൂന്നും നാലും ക്ലാസ്സുകളിൽ ഓരോ ഡിവിഷൻ വീതവും ഉണ്ടായി. പിന്നീട് സ്കൂൾ പഠനനിലവാരത്തിലും കുട്ടികളുടെ എണ്ണത്തിലും വർദ്ധനവുണ്ടായി. തുടർന്ന് അഞ്ചാം ക്ലാസ്സ് ആരംഭിച്ചു. ആദ്യം മലയാളം അഞ്ചും പിന്നീട് ഇംഗ്ലീഷ് പഠിപ്പിക്കുന്ന അഞ്ചാം ക്ലാസ്സും ഉണ്ടായി. പക്ഷേ ഗവൺമെൻറ് ഉത്തരവ് പ്രകാരം മലയാളം അഞ്ചാം ക്ലാസ്സ് ഈ വിദ്യാലയത്തിൽ നിന്നും നീക്കം ചെയ്യപ്പെട്ടു. ഡ്രോയിങ്ങും തയ്യലും ഇവിടെ അഭ്യസിപ്പിച്ചിരുന്നു. ഈ വിദ്യാലയം കൊരട്ടിപ്പള്ളിയുടെ കീഴിലായിരുന്നതിനാൽ അദ്ധ്യാപകരെ നിയമിക്കാനുള്ള അവകാശം കൊരട്ടിപ്പള്ളിക്കായിരുന്നു. അതിനാൽ അവിടെ നിന്ന് ഡെപ്യൂട്ടേഷനിലാണ് തയ്യൽ, ഡ്രോയിങ്ങ് എന്നിവ പഠിപ്പിക്കുവാൻ അദ്ധ്യാപകർ എത്തിച്ചേർന്നിരുന്നത്. മുൻകാലങ്ങളെ അപേക്ഷിച്ച് കുട്ടികളുടെ എണ്ണം ഇപ്പോൾ വളരെ കുറവാണ്. ചുറ്റുവട്ടത്തായി ധാരാളം സ്കൂളുകൾ ഉയർന്നുവന്നതും ഇംഗ്ലീഷ് മീഡിയം സ്കൂളുകളുടെ കടന്നുകയറ്റവുമായിരിക്കാം ഇതിനു കാരണം. എങ്കിലും അച്ചടക്കത്തിലും അദ്ധ്യാപനത്തിലും ഉയർന്ന നിലവാരം പുലർത്തികൊണ്ട് ഈ കൊച്ചുഗ്രാമത്തിൻറെ തിലകക്കുറിയെന്നോണം ഈ സരസ്വതീമന്ദിരം ഇവിടെ തലയുയർത്തി നിൽക്കുന്നു.

മുൻ സാരഥികൾ

ആത്മാർത്ഥതയും അർപ്പണബോധവുമുള്ള ധാരാളം അദ്ധ്യാപകരുടെ സേവനം ഈ വിദ്യാലയത്തിന് ലഭിച്ചിട്ടുണ്ട്.

• നാരായണൻ മാസ്റ്റർ
• സി. കെ ആൻറണി
• വി. ടി. വർഗ്ഗീസ്സ്
• വി. ഐ. ത്രേസ്സ്യക്കുട്ടി ടീച്ചർ
• ജോർജ്ജ് ഡിക്കോസ്റ്റ്
• എം. ഒ. ആൻറണി
• സി. എ. ഫ്രാൻസിസ്
• എ. ടി. അന്നമ്മ
• സി. എൽ. കുരിയാക്കോസ്
• എം. കെ. റോസ
• മേരി ലില്ലി

തുടങ്ങിയവർ ഈ വിദ്യാലയത്തെ നയിച്ച പ്രമുഖരിൽ ചിലരാണ്.

പ്രശസ്തരായ പൂർവവിദ്യാർത്ഥികൾ

പ്രശസ്തരായ പല മഹാന്മാരും ഈ വിദ്യാലയത്തിലെ പൂർവ്വവിദ്യാർത്ഥികളായിരുന്നു. കേന്ദ്രമന്ത്രിയായിരുന്ന ശ്രീ. പനമ്പിള്ളി ഗോവിന്ദമേനോൻ അവരിൽ ഒരാളായിരുന്നു.

വഴികാട്

10.269050,76.308540