Muhammadens L. P. S. Vaipur

Muhammadens L.P.S Vaipur

Muhammadens L.P.S Vaipur

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

Muhammadens L. P. S. Vaipur
വിലാസം
വായ്‌പ്പൂര് മുഹമ്മദൻ എൽ പി സ്കൂൾ വായ്‌പ്പൂര് , വായ്‌പ്പൂര് പി ഒ പി.ഒ. , 689588
സ്ഥാപിതം	1925
വിവരങ്ങൾ
ഫോൺ	04692687236
ഇമെയിൽ	mohammadenlpsvaipur@gmail.com
കോഡുകൾ
സ്കൂൾ കോഡ്	37634 (സമേതം)
യുഡൈസ് കോഡ്	32120701602
വിക്കിഡാറ്റ	Q87595083
വിദ്യാഭ്യാസ ഭരണസംവിധാനം
റവന്യൂ ജില്ല	തിരുവല്ല
വിദ്യാഭ്യാസ ജില്ല	പത്തനംതിട്ട
ഉപജില്ല	മല്ലപ്പള്ളി
ഭരണസംവിധാനം
ലോകസഭാമണ്ഡലം	പത്തനംതിട്ട
നിയമസഭാമണ്ഡലം	റാന്നി
താലൂക്ക്	മല്ലപ്പള്ളി
ബ്ലോക്ക് പഞ്ചായത്ത്	മല്ലപ്പള്ളി
തദ്ദേശസ്വയംഭരണസ്ഥാപനം	കോട്ടങ്ങൽ
വാർഡ്	2
സ്കൂൾ ഭരണ വിഭാഗം
സ്കൂൾ ഭരണ വിഭാഗം	മാനേജ്മെന്റ്
സ്കൂൾ വിഭാഗം	എയിഡഡ്
സ്കൂൾ തലം	പ്രൈമറി
മാദ്ധ്യമം	മലയാളം, ഇംഗ്ലീഷ്
സ്കൂൾ നേതൃത്വം
പ്രധാന അദ്ധ്യാപിക	ഷീജാഫാൻ എച്ച്
പി.ടി.എ. പ്രസിഡണ്ട്	ആഷ്‌ന ഇല്ലിയാസ്
എം.പി.ടി.എ. പ്രസിഡണ്ട്	ഷഫീന പി എ
അവസാനം തിരുത്തിയത്
03-02-2022	Priya prasannan

ചരിത്രം

വായ്പൂര് എന്ന ഗ്രാമത്തിലെ ഏറ്റവും പഴക്കം  ചെന്ന വിദ്യാലയങ്ങളിൽ ഒന്നാണിത്. ശാസ്‌താം കോയിക്കൽ എന്ന സ്ഥലത്താണ് ഈ വിദ്യാലയം സ്ഥിതി ചെയ്യുന്നത്. "വായൂപുരം" എന്ന വാക്കിൽ നിന്നുമാണ് വായ്പ്പൂര് എന്ന സ്ഥലപ്പേര് ഉണ്ടായതെന്ന് പറയപ്പെടുന്നു. വാവരുടെ ഊര് (വാവരുടെ നാട് )എന്ന പേരിലും വായ്‌പ്പൂര് അറിയപ്പെടുന്നു. ശാസ്താംകോയിക്കൽ താഴത്തെ സ്കൂൾ എന്ന പ്രാദേശിക നാമത്തിലാണ് നമ്മുടെ വിദ്യാലയം അറിയപ്പെടുന്നത്. മുഹമ്മദൻ ലോവർ പ്രൈമറി സ്കൂൾ വായ്‌പ്പൂര് എന്ന പേരിൽ ഈ വിദ്യാലയം സ്ഥാപിക്കപ്പെട്ടത് 1924 ൽ ആണ്. അതിനു മുൻപായി വായ്‌പ്പൂര് നെല്ലിമല കുടുംബത്തിൽ പെട്ട മുഹമ്മദലി റാവുത്തർ എന്ന വ്യക്തിയുടെ ഉടമസ്ഥതയിലുള്ള ഒരു വിദ്യാഭ്യാസസ്ഥാപനം ആയിരുന്നു ഇത്. ഈ വിദ്യാലയം നടത്തികൊണ്ട് പോകുന്നതിനുള്ള സാമ്പത്തിക ബുദ്ധിമുട്ട് കാരണം ഈ വിദ്യാലയവും സ്ഥലവും വായ്‌പ്പൂര് മുസ്ലിം പഴയ പള്ളി ജമാ അത്തിൻറെ സുശക്തമായ കരങ്ങളിലേക്ക് കൈമാറുകയും ചെയ്തു.

തിരുവിതാംകൂർ രാജാവായിരുന്ന ശ്രീ മൂലം തിരുനാളിന്റെ അനുമതിയോടെ വായ്‌പ്പൂര് മുസ്ലിം പഴയ പള്ളി ജമാ അത്ത് മാനേജ്മെന്റിന്റെ നേതൃത്വത്തിൽ 1924- ൽ വായ്‌പ്പൂര് മുഹമ്മദൻ ലോവർ പ്രൈമറി സ്കൂൾ എന്ന പേരിൽ ഈ വിദ്യാലയം പ്രവർത്തനം ആരംഭിച്ചു. ഓടിട്ട നാല് ക്ലാസ്സ്‌ മുറികളിൽ മലയാളം മീഡിയം 1മുതൽ 4 വരെ ക്ലാസുകൾ ആയിരുന്നു ഉണ്ടായിരുന്നത്.1993-ൽ പ്രീ പ്രൈമറി വിഭാഗവും പ്രവർത്തനം ആരംഭിച്ചു.2000-ൽ 1മുതൽ 4 വരെ ക്ലാസ്സുകളിൽ പാരലൽ ഇംഗ്ലീഷ് മീഡിയത്തിന് അംഗീകാരം ലഭിച്ച പത്തനംതിട്ട ജില്ലയിലെ ആദ്യ എയ്ഡഡ് വിദ്യാലയം ആണ് നമ്മുടേത്. ഇതോടു കൂടി വായ്‌പ്പൂരിലെ സാധാരണക്കാരായ കുട്ടികളുടെ ഇംഗ്ലീഷ് മീഡിയത്തിലുള്ള പഠനം എന്ന സ്വപ്നം പണച്ചിലവില്ലാതെ സാക്ഷാത്ക്കരിക്കുന്നതിന് കഴിഞ്ഞു. ഈ വിദ്യാലയത്തിൽ ഇംഗ്ലീഷ് മീഡിയം ലഭ്യമാകുന്നതിനു വേണ്ടി വളരെയധികം പ്രയത്നിച്ചത് അദ്ധ്യാപകൻ കൂടിയായ സലിം സാർ ആയിരുന്നുവെന്നത് വളരെ അഭിമാനാർഹമാണ്.കുട്ടികളെ ദൂരസ്ഥലങ്ങളിൽ നിന്നും എത്തിക്കുന്നതിനായി ആദ്യ കാലങ്ങളിൽ ഒരു ജീപ്പ് മാത്രമായിരുന്നു ഉണ്ടായിരുന്നത്. പിന്നീട് കുട്ടികളുടെ എണ്ണം വർദ്ധിച്ചതിനനുസരിച്ച് 2 ബസ്സുകൾ വാങ്ങുകയും ചെയ്തു.ഈ വിദ്യാലയത്തിൽ 9 സ്ഥിരം അദ്ധ്യാപകരും പ്രീ പ്രൈമറി വിഭാഗത്തിൽ 2 അദ്ധ്യാപകരും സേവനമനുഷ്ഠിക്കുന്നു.

മല്ലപ്പള്ളി ഉപജില്ലയിൽ ഏറ്റവും അധികം കുട്ടികൾ പഠിക്കുന്ന ഏക എൽ.പി വിദ്യാലയമാണ് നമ്മുടെ സ്ഥാപനമെന്നത് ഏറെ അഭിമാനകരമാണ്. ചരിത്രത്തിന്റെ ഇട നാഴിയിൽ വ്യക്തമായ ഇടം നേടി കൊണ്ട് ശതാബ്‌ദിയിലേക്ക് എത്തി കൊണ്ടിരിക്കുന്ന ഈ വിദ്യാലയത്തിന്റെ തുടക്കത്തിലും വളർച്ചയ്ക്കും അശ്രാന്തം പരിശ്രമിച്ച് കാലയവനികയിൽ മറഞ്ഞ മാന്യ വ്യക്തികളുടെ സ്മരണക്ക് മുൻപിൽ പ്രണാമം അർപ്പിക്കുന്നു. ജീവിതത്തിന്റെ വിവിധ മണ്ഡലങ്ങളിൽ രാജ്യത്തിനകത്തും പുറത്തും വിരാജിക്കുന്ന ഡോക്ടർമാർ, എഞ്ചിനീയർമാർ, അദ്ധ്യാപകർ തുടങ്ങി നിരവധി മേഖലകളിൽ പ്രവർത്തിക്കുന്ന പൂർവ്വ വിദ്യാർത്ഥികൾ ഈ കലാലയത്തിന്റെ അമൂല്യ നിധികളാണ്. അനേകായിരങ്ങൾക്ക് അറിവിന്റെ കൈത്തിരി പകർന്നു കൊടുത്തുകൊണ്ട് അക്ഷയതേജസ്സോടെ നാടിന്റെ അഭിമാനമായി നിലകൊള്ളുന്നു.

മുൻ പ്രധാന അധ്യാപകർ

പേര്              കാലയളവ്

                     1925-1950

T G രാമൻപിള്ള   1950-1967

P A നാരായണപിള്ള  1968-1985

C C ഏലിക്കുട്ടി  1985-1988

V R പങ്കജാക്ഷിയമ്മ  1988-1992

A R പൊന്നമ്മ 1992-1997

M K ശ്രീദേവിയമ്മ  1997-2013

ഷീജാഫാൻ H       2013 മുതൽ തുടരുന്നു

സേവനമനുഷ്ഠിച്ച അധ്യാപകർ

T G രാമൻപിള്ള

നിലവിലെ അധ്യാപകർ

1.ഷീജാഫാൻ  H (HM)

2.K M മുഹമ്മദ്‌ സലിം

3.ബീന  ജോൺ

4.സുഷി ഐസക്

5.ഷീബ  ലത്തീഫ്

6.ഗോപിക G

7.പ്രിയ പ്രസന്നൻ

8.രേവതി രവീന്ദ്രൻ

9.അൽഫിയ N S

മാനേജുമെന്റ്

വായ്പ്പൂര് മുസ്ലിം പഴയപള്ളി ജമാ -അത്ത് മാനേജ്മെന്റിന്റെ കീഴിൽ 1924 ൽ ലോവർ പ്രൈമറി വിദ്യാലയമായി ഈ സ്കൂൾ പ്രവർത്തനം ആരംഭിച്ചു.1993ൽ പ്രീപ്രൈമറി വിഭാഗവും ആരംഭിച്ചു.2000 ൽ 1മുതൽ 4വരെ ക്ലാസ്സുകളിൽ ഇംഗ്ലീഷ് മീഡിയത്തിന് സർക്കാർ അംഗീകാരം നൽകിയതോടു കൂടി  ഗ്രാമീണ ജനതയുടെ ഇംഗ്ലീഷ് വിദ്യാഭ്യാസം എന്ന സ്വപ്നം സാക്ഷാൽകരിക്കുകയുണ്ടായി.വായ്‌പ്പൂര് പഴയ പള്ളി ജമാ അത്തിന്റെ കീഴിലുള്ള 11 അംഗങ്ങൾ അടങ്ങിയ ഭരണ സമിതിയാണ് ഈ സ്കൂളിന്റെ പ്രവർത്തനങ്ങൾക്ക് ചുക്കാൻ പിടിക്കുന്നത്. കാലാ കാലങ്ങളിൽ മാറി മാറി വരുന്ന മാനേജ്മെന്റ് ഭരണ സമിതി സ്കൂളിന്റെ എല്ലാ പ്രവർത്തനങ്ങളിലും അതീവ ശ്രദ്ധ ചെലുത്തുകയും സ്കൂൾ വികസനത്തിന്‌ നേതൃത്വം നൽകുകയും ചെയ്യുന്നു. ഈ സ്കൂളിന്റെ കെട്ടിടം, ബസ്സ്, ഫർണീച്ചർ, ടോയ്ലറ്റ് തുടങ്ങി എല്ലാ ക്രമീകരണങ്ങളും മാനേജ്മെന്റ് ചെയ്തു തരുന്നു. സ്കൂളിലെ എല്ലാ ജീവനക്കാർക്കും വേണ്ട പിന്തുണ മാനേജ്മെന്റിന്റെ ഭാഗത്ത്‌ നിന്നും നൽകുന്നുണ്ട്.

വിദ്യാലയ നേട്ടങ്ങൾ

പത്തനംതിട്ട ജില്ലയിൽ പാരലെൽ ഇംഗ്ലീഷ് മീഡിയത്തിന് അംഗീകാരം ലഭിച്ച ആദ്യത്തെ എയ്ഡഡ് സ്കൂൾ ആണ് നമ്മുടെ സ്കൂൾ.ഓടിട്ട ചെറിയ നാല് ക്ലാസ്സ്‌ റൂമുകളിൽ ഒതുങ്ങി നിന്നിരുന്ന ഒരു ചെറിയ കെട്ടിടമായിരുന്ന ഈ സ്കൂൾ ഇന്ന് നാല് നിലയുള്ള ഒരു ബഹു നില കെട്ടിടമായി മാറിയിരിക്കുന്നു.

2017-18 വർഷത്തിൽ MLA ഫണ്ടിൽ നിന്നും ഈ സ്കൂളിന് ഒരു സ്മാർട്ട്‌ ക്ലാസ്സ്‌ റൂമും ജൈവ വൈവിധ്യ പാർക്കും അനുവദിക്കുകയുണ്ടായി. ഇതിന്റെ ഉദ്ഘാടനകർമ്മം ബഹു. രാജു എബ്രഹാം എം എൽ എ നിർവഹിച്ചു.

കലാകായിക രംഗത്ത് ഈ സ്കൂൾ മികച്ച നേട്ടം കൈവരിക്കുന്നുണ്ട്. അറബി കലോത്സവത്തിൽ എല്ലാ വർഷവും ഓവറോൾ കരസ്ഥമാക്കുന്നു. കായിക രംഗങ്ങളിലും ഒട്ടും പിന്നിലാകാതെ ഒന്നും രണ്ടും സ്ഥാനങ്ങൾ കരസ്ഥമാക്കി കൊണ്ടിരിക്കുന്നു. I CT സാധ്യത ഫലവത്താക്കുന്നതിന് നല്ല ഒരു കമ്പ്യൂട്ടർ ലാബും, അഞ്ച് ലാപ്ടോപ്പുകളും, രണ്ട് പ്രൊജക്ടറുകളും, ഒരു സ്മാർട്ട്‌ ക്ലാസ്സ്‌ റൂമും ഈ സ്കൂളിൽ ഉണ്ട്. സർക്കാർ അനുവദിച്ച ഫണ്ട്‌ വിനിയോഗിച്ച് പണിത ഒരു പാചകപ്പുരയും ഉണ്ട്.സാധാരണക്കാരായ കുട്ടികളുടെ യാത്ര ബുദ്ധിമുട്ട് ഒഴിവാക്കി സ്കൂളിൽ എത്തിക്കുന്നതിനായി രണ്ട് ബസ്സ്‌ സേവനം നടത്തി വരുന്നു. ഇതിൽ രണ്ട് ഡ്രൈവറും രണ്ട് ആയമാരും സേവനം അനുഷ്ഠിച്ചു വരുന്നു.

പാഠ്യേതര പ്രവർത്തനങ്ങൾ

★ കലാകായിക മത്സരങ്ങൾ

★ അസംബ്ലി

★ദിനാചാരണങ്ങൾ

★ഗണിത ലാബ്

★വിദ്യാരംഗം

★ചിത്ര രചനകൾ

★കയ്യെഴുത്ത് മാസിക

★സ്കൂൾ സുരക്ഷ ക്ലബ്‌

★വായനാ പ്രവർത്തനങ്ങൾ

★മറ്റ് ക്ലബ്ബ് പ്രവർത്തനങ്ങൾ

വഴികാട്ടി

മല്ലപ്പള്ളി  -9km

കുളത്തൂർ മൂഴി -4 km

എഴുമറ്റൂർ - 5 km