എൽ പി സ്കൂൾ മുകുന്ദവിലാസം

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

എൽ പി സ്കൂൾ മുകുന്ദവിലാസം
എൽ പി സ്കൂൾ മുകുന്ദവിലാസം
വിലാസം
	കണ്ടല്ലൂർ വടക്ക്; കണ്ടല്ലൂർ വടക്ക്, പാട്ടോളി മാർക്കറ്റ് പി. ഒ പി.ഒ., 690531, ആലപ്പുഴ ജില്ല
സ്ഥാപിതം	1924
വിവരങ്ങൾ
ഫോൺ	0479 2430118
ഇമെയിൽ	mukundavilasamlps2015@gmail.com
കോഡുകൾ
സ്കൂൾ കോഡ്	36438 (സമേതം)
യുഡൈസ് കോഡ്	32110600403
വിക്കിഡാറ്റ	Q87479362
വിദ്യാഭ്യാസ ഭരണസംവിധാനം
റവന്യൂ ജില്ല	ആലപ്പുഴ
വിദ്യാഭ്യാസ ജില്ല	ആലപ്പുഴ
ഉപജില്ല	കായംകുളം
ഭരണസംവിധാനം
ലോകസഭാമണ്ഡലം	മാവേലിക്കര
നിയമസഭാമണ്ഡലം	കായംകുളം
താലൂക്ക്	കാർത്തികപ്പള്ളി
ബ്ലോക്ക് പഞ്ചായത്ത്	മുതുകുളം
തദ്ദേശസ്വയംഭരണസ്ഥാപനം	കണ്ടല്ലൂർ പഞ്ചായത്ത്
വാർഡ്	14
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 4 വരെ
മാദ്ധ്യമം	മലയാളം
സ്ഥിതിവിവരക്കണക്ക് ;
ആൺകുട്ടികൾ	22
പെൺകുട്ടികൾ	46
ആകെ വിദ്യാർത്ഥികൾ	68
അദ്ധ്യാപകർ	4
സ്കൂൾ നേതൃത്വം
പ്രധാന അദ്ധ്യാപിക	ശശികല എൽ
പി.ടി.എ. പ്രസിഡണ്ട്	ജെ മനോജ്‌
എം.പി.ടി.എ. പ്രസിഡണ്ട്	അജിത
അവസാനം തിരുത്തിയത്
27-07-2024	Ranjithsiji

ശതാബ്ദി നിറവിലുള്ള വിദ്യാലയം (സഹായം)

ഇംഗ്ലീഷ് വിലാസം

https://schoolwiki.in/L_P_School_Mukundavilasam

ആലപ്പുഴ ജില്ലയിലെ കാർത്തികപ്പള്ളി താലൂക്കിൽ കണ്ടല്ലൂർ വില്ലേജിൽ കണ്ടല്ലൂർ പഞ്ചായത്തിൽ പതിനാലാം വാർഡിൽ കണ്ടല്ലൂർ വടക്കും മുറിയിൽ സ്ഥിതിചെയ്യുന്ന വിദ്യാലയമാണ് മുകുന്ദ വിലാസം എൽ പി സ്കൂൾ. സ്കൂളിനെ പ്രാദേശികമായി അറിയപ്പെടുന്നത് ഓണമ്പള്ളിൽ സ്കൂൾ എന്നാണ്.

ചരിത്രം

ഒരു നൂറ്റാണ്ടിനു മുമ്പ് കണ്ടല്ലൂർ എന്ന കൊച്ചു ഗ്രാമം, വിദ്യാഭ്യാസപരമായും സാമൂഹിക സാംസ്കാരിക സാമ്പത്തിക നിലകളിലും വളരെ പിന്നാക്ക അവസ്ഥയിലായിരുന്നു. മഹാഭൂരിപക്ഷവും കയർ കാർഷിക തൊഴിലാളികളായിരുന്നു. ഗ്രാമവാസികൾക്ക് സ്കൂൾ വിദ്യാഭ്യാസത്തിന് ദൂരസ്ഥലങ്ങളിൽ പോകേണ്ട സ്ഥിതി ആയതിനാൽ ഭൂരിഭാഗം ആൾക്കാർക്കും വിദ്യാഭ്യാസം നേടാൻ കഴിയാത്ത സാഹചര്യം നിലനിന്നിരുന്നു. നാളെയുടെ പുരോഗതിക്ക് വിദ്യാഭ്യാസമുള്ള ഒരു തലമുറ വളർന്നു വരണം എന്നുള്ള ദീർഘമായ വീക്ഷണത്തോടെ കൂടി പുതിയവിള പടിപ്പുര വാതിൽക്കൽ ശ്രീ. കണക്കുരാമൻ പിള്ള സ്ഥാപിച്ച വിദ്യാലയമാണ് മുകുന്ദ വിലാസം എൽ പി സ്കൂൾ.

1920-ൽ ഒന്നാം ക്ലാസ്സും തുടർന്ന് 1924 നാലാം ക്ലാസും 1938 ൽ അഞ്ചാം ക്ലാസും ആരംഭിച്ചുവെങ്കിലും 1962 അഞ്ചാം ക്ലാസ് നിർത്തുകയും ചെയ്തു. തുടക്കത്തിൽ സ്കൂൾ കെട്ടിടങ്ങൾ ഓലമേഞ്ഞ ആയിരുന്നു. 1967ൽ ഓല മാറ്റി ഓട് മേച്ചിൽ ആക്കി. 1991 പഴയ കെട്ടിടം പൊളിച്ചുമാറ്റി സെമി പെർമനന്റ് കെട്ടിടം ആക്കി. 37 സെന്റ് സ്ഥലത്താണ് സ്ഥിതി ചെയ്യുന്നത്. 2008 2009 സുനാമി ഫണ്ട് ഉപയോഗിച്ച കെട്ടിടവും ഇപ്പോൾ സ്കൂളിൽ ഉണ്ട്. സ്കൂൾ സ്ഥാപിതമായ കാലത്ത് ശ്രീ രാമൻ പിള്ള ഹെഡ്മാസ്റ്ററായിരുന്നു. ഉച്ചക്കഞ്ഞി തുടങ്ങിയ നാൾ മുതൽ സ്കൂളിൽ പിടിഎ രൂപീകരിച്ച് പ്രവർത്തനം ആരംഭിച്ചിരുന്നു. വെട്ടു തറയിൽ ശ്രീ കരുണാകരൻ ആദ്യത്തെ പിടിഎ പ്രസിഡണ്ട് ആയിരുന്നു.

ഇപ്പോഴത്തെ താൽക്കാലിക സ്കൂൾ മാനേജർ ശ്രീമതി എസ് ഉഷ കുമാരി, പ്രധാന അധ്യാപിക ശ്രീമതി എൽ ശശികല, പി ടി എ പ്രസിഡണ്ട് ശ്രീ മനോജ് എന്നിവരാണ്. പ്രധാനാധ്യാപിക ഉൾപ്പെടെ നാല് അധ്യാപകർ ഇപ്പോൾ സേവനമനുഷ്ഠിച്ചു വരുന്നു. പ്രീ പ്രൈമറി മുതൽ നാലാം ക്ലാസ് വരെ 88 കുട്ടികൾ ഈ സ്കൂളിൽ അധ്യയനം നടത്തുന്നു

ഭൗതികസൗകര്യങ്ങൾ

ഓഫീസ് മുറിയും ക്ലാസ് മുറികളും സ്മാർട്ട് ക്ലാസ് മുറിയും ഉൾപ്പെടെ 2 കെട്ടിടങ്ങളിലാണ് സ്കൂൾ പ്രവർത്തിക്കുന്നത്. പ്രീ പ്രൈമറി മുതൽ നാലാം ക്ലാസ് വരെ 5 ക്ലാസ് മുറികളിൽ ആയി പ്രവർത്തിക്കുന്നു കൂടാതെ ഓഫീസ് മുറിയും സ്മാർട്ട് ക്ലാസ് റൂം ഉണ്ട്. ക്ലാസ്മുറികളിൽ ഫാൻ സൗകര്യം ലഭ്യമാക്കിയിട്ടുണ്ട്. സ്മാർട്ട് ക്ലാസ് മുറിയിൽ 3 കമ്പ്യൂട്ടർ 3 പ്രൊജക്ടർ 4 ലാപ്ടോപ്പ് എന്നിവയുടെ സഹായത്തോടെ പഠന പ്രവർത്തനങ്ങൾ നടത്തി വരുന്നു. ഇതിനോടൊപ്പം കുട്ടികളുടെ വായനാശീലം പരിപോഷിപ്പിക്കാൻ ആയി സ്കൂളിൽ നല്ലൊരു ലൈബ്രറി സജ്ജീകരിച്ചിട്ടുണ്ട്. ആൺകുട്ടികൾക്ക് 4 യൂറിനൽസ് പെൺകുട്ടികൾക്ക് 8 ടോയിലെറ്റിൽ സൗകര്യങ്ങളും ഉണ്ട്. ടോയ്‌ലറ്റുകളിൽ ജലലഭ്യത ഉറപ്പാക്കിയിട്ടുണ്ട്. ശുദ്ധമായ ജല ലഭ്യതയ്ക്കായി കിണർ ഉപയോഗിക്കുന്നു. കുട്ടികൾക്ക് ഉച്ച ഭക്ഷണം പാചകം ചെയ്യാൻ പാചകപ്പുര ഉറപ്പാക്കിയിട്ടുണ്ട്. വിദ്യാലയത്തിൽ കുട്ടികൾക്ക് കളിസ്ഥലവും ജൈവവൈവിധ്യ ഉദ്യാനവും ഉണ്ട്. കുട്ടികളുടെ സുരക്ഷയ്ക്കായി ചുറ്റുമതിലും ഗേറ്റും സ്കൂൾ കവാടവും നിർമിച്ചിട്ടുണ്ട്

പാഠ്യേതര പ്രവർത്തനങ്ങൾ

പഠനത്തോടൊപ്പം പാഠ്യേതരപ്രവർത്തനങ്ങൾക്കും പ്രാധാന്യം നൽകുന്നതിനുവേണ്ടി ആഴ്ചയിൽ രണ്ടു ദിവസം യോഗ ക്ലാസ് നടത്തി വരുന്നു. എല്ലാ വെള്ളിയാഴ്ചയും 3 മണി മുതൽ 4 മണി വരെ അധ്യാപകരുടെ നേതൃത്വത്തിൽ പ്രവൃത്തിപരിചയ ക്ലാസുകൾ നൽകുന്നു. കൂടാതെ ശാസ്ത്ര ഗണിത ക്ലബ്ബുകളുടെ പ്രവർത്തനങ്ങൾചുമതലയുള്ള അധ്യാപകരുടെ നേതൃത്വത്തിൽ സംഘടിപ്പിക്കുന്നു. ശാസ്ത്ര ക്ലബ്ബുകളിൽ ലഘു പരീക്ഷണങ്ങളും പ്രോജക്ടുകൾ നടത്തുന്നു. ഗണിത ക്ലബ്ബുകളിൽ ഉല്ലാസഗണിതം ഗണിതവിജയം എന്നിവയുടെ പ്രവർത്തനങ്ങൾ നടന്നുവരുന്നു.

മുൻ സാരഥികൾ

ആർ. മാധവൻ പിള്ള - 1926-1982

കെ . ദേവകിയമ്മ - 1982-1991

ജെ. സുഭദ്രാമ്മ - 1965-1991

ജി . ശ്രീധരൻ - 1948-1976

വി.. ദാമോദരൻ പിള്ള - 1952-1982

എൻ. ലീലാവതി - 1955-1983

കെ കരുണാകരൻ -1958-1984

ആർ. ശങ്കരൻ നായർ - 1958-1986

കെ.ജി ജനാർദ്ദനൻ നായർ -1959-1988

കെ.മീനാക്ഷിയമ്മ -1956-1990

വി. വിദ്യാധരൻ -1958-1993

പി. സരോജിനി - 1966-1994

എസ്. ഇന്ദിരാമ്മ - 1982-2001

ആർ. ബേബി റാണി - 1986-2020

കെ. അബ്ദുൽ വഹീദ് - 1989-2020

വി. രമാദേവി -1986-2021

ഡി. മോളി -1986-2021

സ്കൂളിലെ മുൻ അദ്ധ്യാപകർ :

നേട്ടങ്ങൾ

പഠന പ്രവർത്തനത്തി നോടൊപ്പം പാഠ്യേതര പ്രവർത്തനങ്ങളിലും മികവ് പുലർത്താൻ വിദ്യാലയത്തിന് കഴിഞ്ഞിട്ടുണ്ട്. കലോൽസവങ്ങളിൽ പങ്കെടുക്കുകയും തിരുവാതിര,ഒപ്പന നാടോടിനൃത്തം എന്നിവയിൽ റവന്യൂ ജില്ലയിൽ ഒന്നാം സ്ഥാനം നേടുകയും ചെയ്തു. ശാസ്ത്രമേള,വായനാമത്സരം ക്വിസ്മത്സരം എന്നിവയിൽ കായംകുളം ഉപജില്ലാ മത്സരത്തിൽ പങ്കെടുക്കുകയും സമ്മാനങ്ങൾ നേടാനും കഴിഞ്ഞിട്ടുണ്ട്. എൽഎസ്എസ് പരീക്ഷകളിൽ കുട്ടികളെ പങ്കെടുപ്പിക്കുകയും എല്ലാ വർഷവും കുട്ടികൾ സ്കോളർഷിപ്പിന് അർഹത നേടുന്നു. എല്ലാവർഷവും പഠനത്തിലും കലാകായിക പ്രവർത്തനങ്ങളിലും മികവ് പുലർത്തുന്നവർക്ക് ക്യാഷ് അവാർഡ് നൽകിവരുന്നു.

2014- 15ൽ ഫോക്കസ്സിൽ ആയിരുന്നു വിദ്യാലയം സമൂഹ ശ്രദ്ധ ആകർഷിക്കുന്ന പ്രവർത്തനങ്ങളുടെയും പൊതുജന പങ്കാളിത്തത്തോടെ കൂടിയുള്ള മികവ് ഉത്സവങ്ങൾ,പഠനോത്സവ ങ്ങൾ കോർണർ പിടിഎ എന്നിവ സംഘടിപ്പിച്ചതിന്റ് ഫലമായി കുട്ടികളുടെ എണ്ണത്തിൽ വർധനവുണ്ടായി ഫോക്കസിൽ നിന്നും മാറി. ഇത് വിദ്യാലയ ത്തിന്റെ ഏറ്റവും വലിയ നേട്ടമായി കരുതുന്നു.പ്രശസ്തരായ പൂർവവിദ്യാർത്ഥികൾ

കണ്ടല്ലൂർ വടക്ക് മുകുന്ദ വിലാസം എൽപിഎസ് എന്ന വിദ്യാലയ മുത്തശ്ശിയുടെ മടിത്തട്ടിൽ പഠിച്ചും കളിച്ചും വളർന്ന് ഉന്നതങ്ങളിൽ എത്തിയ ഞങ്ങളുടെ അമൂല്യ രത്നങ്ങൾ:

1. ശ്രീ. കെ .അച്യുതൻ, IFS,

1945 കാലഘട്ടത്തിൽ പ്രാഥമിക വിദ്യാഭ്യാസം

2.Dr.പി. ആർ. ഉണ്ണികൃഷ്ണ പിള്ള,

1971-75 കാലഘട്ടത്തിൽ പ്രാഥമിക വിദ്യാഭ്യാസം

പ്ലാന്റ് ബയോ ടെക്നോളജിയിൽ പി എച്ച് ഡി നേടി. ഇപ്പോൾ ആലപ്പുഴ എസ് ഡി കോളേജിൽ പ്രിൻസിപ്പലായി സേവനമനുഷ്ഠിക്കുന്നു.

3 Dr. പി. ആർ.മഹാദേവൻ പിള്ള

1966-70 കാലഘട്ടത്തിൽ പ്രാഥമിക വിദ്യാഭ്യാസം. അഹല്യ ഗ്രൂപ്പ് ഓഫ് അക്കാദമിക് ഇൻസ്റ്റിറ്റ്യൂഷൻ ഡയറക്ടർ,

അഹല്യ സ്കൂൾ ഓഫ് എൻജിനീയറിങ് ആൻഡ് ടെക്നോളജി പ്രിൻസിപ്പൽ എന്നീ നിലകളിൽ സേവനം അനുഷ്ഠിച്ചിരുന്നു. എഴുത്തുകാരനും സാമൂഹ്യപ്രവർത്തകനും ആണ്. കാലിക്കറ്റ് NIT യിൽ നിന്നും സ്ട്രക്ച്ചറൽ എഞ്ചിനീറിങ്ങിൽ പി എച്ച് ഡി നേടി.

4. Dr. പി വിജയകുമാരി

ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ നിന്നും മറൈൻ എഞ്ചിനീയറിംഗ് വിഭാഗത്തിൽ പി എച്ച് ഡി നേടി. തിരുവനതപുരം മറൈൻ എഞ്ചിനീയറിംഗ് കോളേജിൽ പ്രൊഫസർആയിട്ടും എനിനീയറിംഗ് വിഭാഗത്തിന്റെ Dean ആയിട്ടും സേവനമനുഷ്ഠിച്ചിരുന്നു.

5. Dr. റൈസ, വെറ്റിനറി ഡോക്ടർ പള്ളിപ്പാട്ടു വീറ്റിനറി ഡിസ്‌പെൻസറിയിൽ മെഡിക്കൽ ഓഫീസറായി സേവനം അനുഷ്ഠിക്കുന്നു.

6. Dr. ഷാഹിന എംബിബിസ് കഴിഞ്ഞു പീഡിയാട്രിക്‌ട്ടിൽ എം.ഡി ചെയ്യാൻ വേണ്ട തയ്യാറെടുപ്പു നടക്കുന്നു.

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ

കായംകുളംബസ് സ്റ്റാന്റിൽനിന്നും 5കി.മി അകലം.