സെന്റ് ജോസഫ് സ് എച്ച്. എസ്സ്. ചെമ്പനോട/അക്ഷരവൃക്ഷം/അമ്മ പഠിപ്പിച്ച പാഠം

പ്രകൃതി അമ്മ തൻ മക്കൾ,   ജീവ രാശി തൻ വിനാശകർ,   ക്രൂരതതൻ പ്രതീകമാം  മാനുഷർ, ജനനിയെ വേട്ടയാടും കാലം..  തന്നമ്മതൻ ജീവനെ വെട്ടി വീഴ്ത്താനായി  പ്രയത്നം ചെയ്യുന്ന ഏക വംശർ!  കൂടപ്പിറപ്പുകളാകുന്ന സസ്യ-ജന്തുജാലത്തെ   വംശനാശത്തിൽ എത്തിക്കുമ്പോൾ...  ഓർക്കുക നീ മനുഷ്യാ നിന്നെ  അമൃതൂട്ടിലാളിച്ചറിവിന്റെ  കേദാരം നിനക്കായ് നീട്ടിയ പെറ്റമ്മയെ നീ ചതിക്കുന്നു,  കൊല്ലുന്നു......  ഒടുവിലമ്മയ്ക്കു കലിപൂണ്ടു,  കരളുടഞ്ഞു,  മിഴിനിറഞ്ഞു ' 'സത്യം' എന്തെന്നറിയിക്കുവാൻ തന്റെ ശക്തി കാണിച്ചു പ്രകൃതി മാതാ....  ഇടതൂർന്ന കാടിനെ മരുഭൂമിയാക്കിയോൻ,  പച്ചവിരിച്ച കുന്നു നിരത്തിയോൻ,  ഒഴുകുന്നപുഴകളെ നിശ്ചലമാക്കിയോൻ,  പ്രകൃതിഭോജിയെന്നോമനപ്പേരുള്ളോൻ ! മനുഷ്യനെ ഒരു പാഠം പഠിപ്പിക്കാൻ പുഴകളും മലകളും പക്ഷികളും വാനര-സസ്തനികളും പിന്നെ ഇപ്പോഴിതാ സൂക്ഷ്മജീവിപോലും തിരിഞ്ഞു മനുഷ്യനുനേർക്ക്....  സത്യമെന്താണ്? മനുഷ്യനാരാണ്? പ്രകൃതിയെന്താണെന്നറിയിക്കുവാൻ. ഇനിയെങ്കിലും തിരിച്ചറിയുമോ മാനുഷർ പ്രകൃത്യംബതൻ പ്രാണശക്തി   ഭാമശ്രീ ബാബു VIII C സെന്റ് ജോസഫ് സ് എച്ച്. എസ്സ്. ചെമ്പനോട പേരാമ്പ്ര ഉപജില്ല കോഴിക്കോട് അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Bmbiju തീയ്യതി: 22/ 04/ 2020 >> രചനാവിഭാഗം - കവിത