ശബരി വി. എൽ. എൻ. യു പി. എസ് വിളയംചാത്തനൂർ/അക്ഷരവൃക്ഷം/മലയാളമെ മാപ്പുതരൂ....

മലയാളമെ മാപ്പുതരൂ.... മനോഹാരിതയിലും ലാളിത്യത്തിലും മറ്റുഭാഷകൾതൻ കണ്ണേറുകൊണ്ടിട്ടാവാം പരിശുദ്ധമാം മമ മലയാളത്തിൻ തനിമ, ഇല്ലായ്മയിലേയ്ക്ക് വഴുതിവീണത്... ഈശ്വരന്റെ നിവേദ്യമായ് ഞാൻ കരുതിയ മലയാളമാണോ ഇന്ന് നിശബ്ദതയിലേക്ക് തെന്നി നീങ്ങിക്കൊണ്ടിരിക്കുന്നത് ? എന്റെ ജനനിയ്ക്ക് തുല്യമായി ഞാനാരാധിച്ച മാതൃഭാഷയാണോ ഇന്ന് ഇരുളിന്റെ മുറിയിൽ ബന്ധിക്കപ്പെട്ടിരിക്കുന്നത് ? പരമാർത്ഥത്തിൽ നീ തന്നെയല്ലേ, നമ്മുടെ സംസ്കാരത്തെ വാനോളമുയർത്തിയത് ? നീ തന്നെയല്ലേ, എന്നെ അറിവിന്റെ വഴിയിലേക്ക് നയിച്ചത് ? നിഷ്കളങ്കമായ നിന്റെ, ശോചനീയാവസ്ഥ ദർശിക്കാൻ എനിക്കാഗ്രഹമില്ല, എന്റെ മനസ്സതിനനുവതിക്കുകയുമില്ല... നിന്റെയീ ദുരവസ്ഥയ്ക്കു ഞാനും നിമിത്ത- മായിട്ടുണ്ടെങ്കിൽ മാപ്പു തരൂ നിന്റെ പുത്രിയോട് ക്ഷമിയ്ക്കൂ... വിദ്യാമോൾ 6 F ശബരി_വി._എൽ._എൻ._യു_പി._എസ്_വിളയംചാത്തനൂർ കുഴൽമന്ദം ഉപജില്ല പാലക്കാട് അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Padmakumar g തീയ്യതി: 19/ 04/ 2020 >> രചനാവിഭാഗം - കവിത