മഴ മഴ മഴ ചാറ്റൽ മഴ
ചാഞ്ഞും ചരിഞ്ഞും ചിതറിവീഴും
കാറ്റടിക്കുമ്പോൾ അങ്ങോട്ടു പോകും
വികൃതിക്കാരാ ചാറ്റൽ മഴേ !
നിന്നോടൊപ്പം ആടുവാൻ പാടുവാൻ
നിന്റെയീ തലോടലിൽ താനേയിറങ്ങുവാൻ
മഴ നനഞ്ഞീറനായി നിൽക്കുവാനും
ഒത്തിരി നേരം മുറ്റത്തിറങ്ങി
നിന്നോടൊപ്പം കളിക്കുവാനും
എന്തിഷ്ടമാണ് ഇഷ്ടമാണിഷ്ടമാണ്
ചുട്ടുപൊള്ളുന്നൊരീ ഭൂമിതൻ
ഉഷ്ണം ശമിപ്പിച്ച് ധന്യമാക്കും
എത്ര സുന്ദരമീ മഴ ചാറ്റൽമഴ
ഇനിയുമിനിയും ഓടി വാ നീ
