മൗണ്ട് കാർമൽ എച്ച്.എസ്സ്,എസ്സ് ഫോർ ഗേൾസ്,കോട്ടയം/അക്ഷരവൃക്ഷം/ആരോഗ്യരംഗത്തെ വെല്ലുവിളികൾ
ആരോഗ്യരംഗത്തെ വെല്ലുവിളികൾ
വിദ്യാഭ്യാസ രംഗത്ത് വളരെ മുൻപന്തിയിൽ എത്തിയ നാം ഇന്ന് ആരോഗ്യ രംഗത്ത് പുതിയ പല വെല്ലുവിളികളും നേരിട്ടുകൊണ്ടിരിക്കുകയാണ്. അടുത്തകാലത്തായി പുതിയ പല രോഗങ്ങളും നമ്മുടെ നാട്ടിൽ പടർന്നു പിടിച്ചു കൊണ്ടിരിക്കുകയാണ്. ഒരു രോഗം വന്നു കഴിഞ്ഞാൽ അതിന് അനുബന്ധമായി മറ്റു പല രോഗങ്ങളും പിന്നീട് വരുന്ന ഒരു അവസ്ഥ ഇപ്പോഴുണ്ട്. പഴയ കാലത്തും രോഗങ്ങൾ ഉണ്ടായിരുന്നു. പനി, ചുമ, ക്ഷയം, മലമ്പനി, മഞ്ഞപ്പിത്തം, വാതം, കോളറ തുടങ്ങിയ രോഗങ്ങളും അല്പംകൂടി ഭീകരമായ ഹൃദയാഘാതം, കാൻസർ തുടങ്ങിയവയും പണ്ടുമുതലേ നമ്മുടെ നാട്ടിൽ ഉണ്ടായിരുന്നതാണ്.ഈ രോഗങ്ങളെക്കുറിച്ച് ആളുകൾക്ക് പൊതുവെ ഒരു ധാരണയുണ്ട്. അവയുടെ ചികിത്സാ രീതികളെക്കുറിച്ചും ജനങ്ങൾക്ക് ഒരു ധാരണയുണ്ട്. എന്നാൽ പുതിയ രോഗങ്ങളുടെ സ്ഥിതി ഇതല്ല. ഓരോ വർഷവും പുതിയ പേരിൽ രോഗങ്ങൾ ഉണ്ടായിക്കൊണ്ടിരിക്കുകയാണ് ഇവയെ തടയുവാനുള്ള ഫലപ്രദമായ നടപടികൾ സ്വീകരിക്കുവാൻ നമുക്ക് കഴിഞ്ഞിട്ടുണ്ടോ എന്ന് സംശയമാണ്. രണ്ടുമൂന്ന് വർഷം മുമ്പ് നമ്മുടെ നാട്ടിൽ വ്യാപകമായി ഉണ്ടായ ചിക്കൻഗുനിയ എന്ന രോഗത്തിന്റെ കാര്യം നമുക്ക് ഇപ്പോഴും മറക്കാറായിട്ടില്ല. ഐക്യമത്യം മഹാബലം.
|
