"ജി.എച്ച്.എസ്സ്.കുമരപുരം/നാടോടി വിജ്ഞാനകോശം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

അങ്ങ് സഹ്യനിൽ നിന്ന് പിറന്ന് കേരളത്തനിമ ദ്രാവിഡകന്യകയായ നിള കേരളത്തിൽ കാലുകുത്തി ചിറ്റൂരിലെ ശോകനാശിനിയായി മാറുന്നു. പാലക്കാടിന്റെ ഹൃദയഭാഗത്തവൾ കല്പാത്തിപ്പുഴയാണ്. അഗ്രഹാരങ്ങളേയും സംഗീതസ്വരങ്ങളേയും രഥോത്സവങ്ങളേയും എണ്ണമറ്റ സംഗീതസദസ്സുകളേയും സാക്ഷിയാക്കികൊണ്ടവൾ ഒഴുകുന്നു. കോരയാറും മലമ്പുഴയും കൂടിച്ചേരുന്നത് ഇവിടെയാണ്. കല്പാത്തിപ്പുഴയ്ക്കിരുവശവും കല്ലുകളാണ്. പാറകൊണ്ടുണ്ടാക്കിയ ഓവിലൂടെ ഒഴുകുന്നതിനാലാണ് കല്പാത്തി എന്ന പേരുവന്നതെന്നറിയപ്പെടുന്നു. ദക്ഷിണകാശി എന്നും ഇതിനെ വിശേഷിപ്പിക്കുന്നു. ഭാരതപ്പുഴയുടെ ഒരു പ്രധാന പോഷകനദിയാണ് കല്പാത്തിപ്പുഴ. കല്പാത്തിയുടെ ചരിത്രത്തിൽ പുഴയുടെ ഒഴുക്കിന് വളരെയധികം പ്രാധാന്യമുണ്ട്. പാലക്കാട് ജില്ലയിലെ തന്നെ ചെന്താമരക്കുളം എന്ന മലമ്പ്രദേശത്ത് പശ്ചിമഘട്ടത്തിന്റെ ഒരു ഉയർന്ന മലയിടുക്കിൽ നിന്നുമാണ് കല്പാത്തിപ്പുഴ ഉത്ഭവിക്കുന്നത്.