"ഗവ. എൽ പി എസ് പാങ്ങോട്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

തിരുമല തേലീഭാഗത്ത് ഓല ഷെഡിൽ അരഭിത്തിയിൽ പണിത് 130 വർഷങ്ങൾക്ക് മുൻപ് ആരംഭിച്ച മലയത്ത് സ്ക്കൂൾ മിലിട്ടറി അതിർത്തിയിലുള്ള പമ്മാവറത്തലയിലേക്ക് മാറ്റി.  എന്നാൽ സ്വാതന്ത്ര്യം കിട്ടിയശേഷം മിലിട്ടറി അധീനതയിലുള്ള ഒരേക്കർ 48 സെന്റിൽ ഒരു ചെറിയ ഷെഡ് നൽകി കൊണ്ട്  തിരു-കൊച്ചി  മുഖ്യ മന്ത്രി  പറവൂർ റ്റി കെ നാരായണപിള്ള ഈ സ്ക്കൂൾ ഇന്നിരിക്കുന്ന ഭാഗത്തേക്ക് മാറ്റി.  അങ്ങനെ ഈ സ്ക്കൂളിന്  സ്ഥിരമായ ഒരു ആസ്ഥാനം കിട്ടി.1957 ൽ മഹിളാ മന്ദിരത്തോടൊപ്പംപ്രവർത്തിച്ചിരുന്ന എൽ പി വിഭാഗം ഈ സ്ക്കൂളിനൊടൊപ്പം ചേർത്തു. 1964 ൽഅന്നതതെ പ്രധാനാധ്യാപകനായിരുന്ന ശ്രീ. മാധവൻ നാടാർ തമിഴ് മീഡിയം ക്ലാസുകൾ ആരംഭിച്ചു. ഈ സമയത്താണ് പ്രധാനപ്പെട്ട രണ്ട് സ്ക്കൂൾ സന്ദർശനങ്ങൾ നടന്നത്.  കോത്താരി കമ്മീഷൻ അംഗമായിരുന്ന ഡോ. കൗൾ ഈ സ്ക്കൂൾസന്ദർശിക്കുകയും മികവുറ്റ പ്രവർത്തനം നടക്കുന്ന സ്ക്കൂളെന്ന് രേഖപ്പെടുത്തുകയും ചെയ്തു.  കേരള സംസ്ഥാന വിദ്യാഭ്യാസ രീതിയെക്കുറിച്ച് പഠിക്കാൻ പശ്ചിമ ബംഗാളിൽ നിന്നും പതിമൂന്ന് എം എൽ എമാർ സ്ക്കൂൾ സന്ദർശിച്ചു. ഡി. പി.യി.പ്പി യുടേയും എസ്. എസ്.എയുടേയും ക്ലസ്റ്റർസെന്ററായി പ്രവർത്തിക്കുന്നതാണിത്.  ബിച്ചു തിരുമല(ഗാനരചയിതാവ്), പത്മശ്രീ. ശങ്കർ(ഹാബിറ്റാറ്റ് ചെയർമാൻ), പൂജപ്പുര രവി(സിനിമാ നടൻ), ഡോ. സൂശീലൻ നായർ എന്നിവർ പൂർവ്വ വിദ്യാർത്ഥികളാണ്.  ഇവരെ കൂടാതെ രാഷ്ട്രീയ സാംസ്ക്കാരിക ഒൗദ്യോഗിക രംഗങ്ങളിൽ പ്രശസ്തരായ ഒട്ടേറെപ്പേർ ഇവിടത്തെ അക്ഷരവും അറിവും നേടിയവരാണ്.  ഇന്നും ഈ സ്ക്കുളിൽ പഠിക്കുന്ന കുരുന്നുകൾ സമർത്ഥരാണ്.  അറിവിന്റേയും അദ്‌ഭുതങ്ങളുടേയും ലോകത്തേക്ക് അവരും ചിറകടിച്ചുയരുന്നു.