"ജി.എച്ച്.എസ്.എസ്. ഇരുമ്പുഴി/പ്രവർത്തനങ്ങൾ/2023-24" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ജൂലൈ 31 സ്കൂളിൽ വെച്ച് സ്കൂൾതല ശാസ്ത്രമേള നടന്നു. ഗണിതമേള, പ്രവൃത്തിപരിചയമേള, ശാസ്ത്രമേള, സാമൂഹ്യശാസ്ത്രമേള എന്നിവയിലാണ് സ്കൂളിലെ വിദ്യാർഥികൾ തമ്മിൽ മത്സരങ്ങൾ നടന്നത്. പതിവുപോലെ ഓരോ വിഭാഗത്തിലും ധാരാളം പേർ മത്സരങ്ങളിൽ പങ്കെടുത്തു. പ്രവൃത്തിപരിചയമേള സ്കൂൾ ഓഡിറ്റോറിയത്തിലും മറ്റുമേളകൾ ക്ലാസുമുറികളിലും വിവിധ ഹാളുകളിലും വെച്ച് നടന്നു. ഓരോ ഇനത്തിലും ഒന്നും രണ്ടും മൂന്നും സ്ഥാനക്കാരെ കണ്ടെത്തി എല്ലാവർക്കും സ്കൂൾ അസംബ്ലിയിൽ വെച്ച് സമ്മാനം നൽകി. ഈ മത്സരത്തിൽ ഒന്നാം സ്ഥാനം ലഭിച്ചവരെയാണ് മലപ്പുറം സബ്‍ജില്ലാ ശാസ്ത്രമേളയിൽ പങ്കെടുപ്പിച്ചുവരുന്നത്. സബ്‍ജില്ലയിൽ ശാസ്ത്രമേള ഹൈസ്കൂൾ വിഭാഗം ഓവറോൾ തുടർച്ചയായ രണ്ട് വർഷങ്ങളിൽ ഒന്ന് രണ്ട് സ്ഥാനങ്ങൾ നേടിയിട്ടുണ്ട്. ഐ.ടി മേള ഇതോടൊപ്പം നടന്നിട്ടില്ല. പ്രവർത്തിപരിചയമേള, ഐ.ടി മേള എന്നിവയിൽ നിലവിലെ സബ്‍ജില്ലാ ചാമ്പ്യൻമാരാണ് ഇരുമ്പുഴി ഹൈസ്കൂൾ.